ADVERTISEMENT

ADVERTISEMENT

ലോക റെഡ്ക്രോസ് ദിനാചരണം പുൽപ്പള്ളിയിൽ സംഘടിപ്പിക്കും

പുൽപ്പള്ളി: റെഡ് ക്രോസ് ജില്ലാ കമ്മിറ്റിയുടെ നേതൃത്വത്തിൽ എട്ടിന് പുൽപ്പള്ളിയിൽ ലോക റെഡ്ക്രോസ് ദിനാചരണം സംഘടിപ്പിക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. വൈഎംസിഎ ഹാളിൽ രാവിലെ 9.30ന് പരിപാടികൾ ആരംഭിക്കും. ഐ.സി. ബാലകൃഷ്ണൻ എംഎൽഎ ഉദ്ഘാടനം ചെയ്യും. ചടങ്ങിൽ, പുൽപ്പള്ളി പഞ്ചായത്ത് പ്രസിഡന്‍റ് ടി.എസ്. ദിലീപ്കുമാർ പാലിയേറ്റീവ് സംഘടനകളെ ആദരിക്കും.

ലഹരി വിമുക്ത കാന്പയിനിന്‍റെ ജില്ലാതല ഉദ്ഘാടനം എക്സൈസ് അസി. കമ്മീഷണർ എ.ജെ. ഷാജി നിർവഹിക്കും. ക്ഷയരോഗ നിർമാർജന യജ്ഞത്തിന്‍റെ ഭാഗമായി റെഡ് ക്രോസിന്‍റെ സാന്പത്തിക സഹായം ജില്ലാ മെഡിക്കൽ ഓഫീസർ ഡോ.ടി. മോഹൻദാസ് ഏറ്റുവാങ്ങും.
ജില്ലാ ചെയർമാൻ ബേബി ടി. പോത്തൻ, വിൽസൻ പരണായി, കെ.ജെ. പോൾ തുടങ്ങിയവർ വാർത്താസമ്മേളനത്തിൽ പങ്കെടുത്തു.

ADVERTISEMENT

നെല്ലാക്കോട്ടയിൽ കാട്ടാന ആക്രമണം: നാട്ടുകാർ റോഡ് ഉപരോധിച്ചു

ഗൂഡല്ലൂർ: ഗൂഡല്ലൂർ-സുൽത്താൻ ബത്തേരി അന്തർ സംസ്ഥാന പാതയിലെ നെല്ലാക്കോട്ട ടൗണിൽ കാട്ടാനയുടെ പരാക്രമം. സംഭവത്തിൽ പ്രതിഷേധിച്ച് നാട്ടുകാർ റോഡ് ഉപരോധിച്ചു. ഇന്നലെ രാവിലെ 7.30ഓടെയാണ് സംഭവം. വനത്തിൽ നിന്ന് റോഡിലേക്ക് ഇറങ്ങിയ ആന റോഡരികിൽ പാർക്ക് ചെയ്തിരുന്ന നെല്ലാക്കോട്ട സ്വദേശിയും വ്യാപാരിയുമായ ജനീറിന്‍റെ കാർ തകർത്തു. കാട്ടാനയെ കണ്ട് ഭയന്നോടുന്നതിനിടെ നിലത്ത് വീണ് മധ്യവയസ്കന് പരിക്കേറ്റു. നെല്ലാക്കോട്ട സ്വദേശി ഷൗക്കത്ത് (62) ആണ് പരിക്കേറ്റത്. (മുസ്ലിം ജമാഅത്ത് നെല്ലാക്കോട്ട സർക്കിൾ സെക്രട്ടറിയാണ്). ഇദ്ദേഹത്തെ ഗൂഡല്ലൂർ താലൂക്ക് ആശുപത്രിയിലും തുടർന്ന് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. റോഡിന്‍റെ അരികിൽ നിൽക്കുകയായിരുന്ന ഇദ്ദേഹത്തിന് നേരെ കാട്ടാന പാഞ്ഞടുക്കുകയായിരുന്നു. ഭാഗ്യം കൊണ്ടാണ് രക്ഷപ്പെട്ടത്. തുടർന്ന് റോഡിന്‍റെ താഴ്ഭാഗത്തിലേക്ക് ഇറങ്ങിയ ആന പ്രദേശവാസിയായ സൈതലവിയുടെ വീട് തകർത്തു. വീടിന്‍റെ ടറസിന് മുകളിൽ കയറുകയും ചെയ്തു. പിന്നീട് ജനങ്ങൾ ശബ്ദം ഉണ്ടാക്കിയാണ് ആനയെ വനത്തിലേക്ക് തുരത്തിയത്. നെല്ലാക്കോട്ട ടൗണിൽ കാട്ടാനയുടെ വിളയാട്ടമാണ്. പലതവണ കാട്ടാനയുടെ ആക്രമണം ഉണ്ടായിട്ടുണ്ടെങ്കിലും വനംവകുപ്പ് യാതൊരു നടപടിയും സ്വീകരിച്ചിട്ടില്ല. വനംവകുപ്പിന്‍റെ അനാസ്ഥ കാരണമാണ് ഇത്തരം സംഭവങ്ങൾ ആവർത്തിക്കുന്നതെന്ന് നാട്ടുകാർ ആരോപിച്ചു. കാട്ടാനയുടെ ആക്രമണത്തിന് ശാശ്വത പരിഹാരം കാണണമെന്ന് ആവശ്യപ്പെട്ട് നാട്ടുകാർ പോലീസ് സ്റ്റേഷന് സമീപത്ത് ഗൂഡല്ലൂർ-സുൽത്താൻ ബത്തേരി അന്തർ സംസ്ഥാന പാത ഉപരോധിച്ചു. രാവിലെ എട്ട് മുതൽ 9.30വരെയാണ് ഉപരോധ സമരം നടത്തിയത്. സ്ത്രീകൾ ഉൾപ്പെടെയുള്ള നൂറുക്കണക്കിന് പേർ സമരത്തിൽ പങ്കെടുത്തു. വിവരമറിഞ്ഞ് ദേവാല ഡിവൈഎസ്പി ജയപാലൻ, വനംവകുപ്പ് ഉദ്യോഗസ്ഥരായ കറുപ്പ, രവി എന്നിവരുടെ നേതൃത്വത്തിലുള്ള സംഘം സ്ഥലത്തെത്തി സമരക്കാരുമായി ചർച്ച നടത്തി. വനാതിർത്തിയിൽ കിടങ്ങ് നിർമിക്കുമെന്നും ആക്രമണത്തിൽ മതിയായ നഷ്ടപരിഹാരം നൽകുമെന്നും അറിയിച്ചതോടെയാണ് സമരം അവസാനിപ്പിച്ചത്. കാട്ടാന ശല്യം കാരണം ജനങ്ങൾ പൊറുതിമുട്ടിയിരിക്കുകയാണ്. വനംവകുപ്പിനെതിരെ ജനരോഷം ഉയർന്നു. സമരം കാരണം റോഡിന്‍റെ ഇരുവശങ്ങളിലും നൂറുക്കണക്കിന് വാഹനങ്ങളാണ് കുടുങ്ങി കിടന്നിരുന്നത്.

സാമൂഹ്യ മൂല്യച്യുതിക്കെതിരേ സാംസ്ക്കാരിക പ്രവർത്തകർ രംഗത്തിറങ്ങണം: എൻ.ഡി. അപ്പച്ചൻ

കൽപ്പറ്റ: സാമൂഹ്യ മൂല്യുതിക്കെതിരെ സാംസ്ക്കാരിക പ്രവർത്തകർ രംഗത്തിറങ്ങണമെന്ന്ഡിസിസി പ്രസിഡന്‍റ് എൻ.ഡി. അപ്പച്ചൻ പറഞ്ഞു. കെപിസിസി സംസ്ക്കാര സാഹിതി ജില്ലാ നേതൃസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം . ജില്ലാ പ്രസിഡന്‍റ് സുരേഷ് ബാബു വാളൽ അധ്യക്ഷം വഹിച്ചു. മെന്പർഷിപ്പ് വിതരണ ഉദ്ഘാടനം സംസ്ഥാന ജനറൽ സെക്രട്ടറി സുനിൽ മടപ്പള്ളി നിർവഹിച്ചു. ലഹരി വിരുദ്ധ പ്രതിജ്ഞ ഡിസിസി വൈസ് പ്രസിഡന്‍റ് ഒ.വി. അപ്പച്ചൻ ചൊല്ലിക്കൊടുത്തു. കണ്‍വീനർ സി.കെ. ജിതേഷ്, എം.വി. രാജൻ, സുന്ദർരാജ് എടപ്പെട്ടി, സലീം താഴത്തൂർ, കെ. പത്മനാഭൻ, ഡോ. സീനതോമസ്, ആയിഷ പള്ളിയാൽ, ഏബ്രഹാം കെ. മാത്യു, കെ.കെ. രാജേന്ദ്രൻ, ഒ.ജെ. മാത്യു, ഗിരിജ സതീഷ്, ഉമ്മർ പൂപ്പറ്റ, കെ. വിജയൻ, വന്ദന ഷാജു, വിനോദ് തോട്ടത്തിൽ, ബെന്നി വട്ടപ്പറന്പിൽ, വി.കെ. ഭാസ്കരൻ, വി.പി. പ്രേംദാസ്, കെ.സി.കെ. തങ്ങൾ, ജിൻസ് ഫാന്‍റസി, എൻ. മജീദ്, സി.എസ്. പ്രഭാകരൻ, എം.ജി. ഉണ്ണി, മുരളീദാസ് എന്നിവർ പ്രസംഗിച്ചു.

ജില്ലയിൽ അതിദരിദ്ര പട്ടികയിൽ അവശേഷിക്കുന്നത് 409 കുടുംബങ്ങൾ മാത്രം

കൽപ്പറ്റ: ജില്ലയിലെ അതിദരിദ്ര പട്ടികയിൽ ഇനി അവശേഷിക്കുന്നത് 409 കുടുംബങ്ങൾ മാത്രം. നാല് വർഷം മുൻപ് തുടങ്ങിയ അതിദരിദ്ര ലഘൂകരണ യജ്ഞത്തിലൂടെ 2045 കുടുംബങ്ങളെയാണ് മുക്തരാക്കിയത്. ഇവർക്ക് ആവശ്യമുള്ള ആരോഗ്യം, പാർപ്പിടം, ഭക്ഷണം, വരുമാനം എന്നിവ എത്തിച്ചുനൽകിയാണ് ഇത്രയും കുടുംബങ്ങളെ അതിദരിദ്ര പട്ടികയിൽ നിന്നും മോചിപ്പിച്ചത്. 2021 ൽ ജില്ലയിൽ ആകെ 2931 കുടുംബങ്ങൾ ആയിരുന്നു പട്ടികയിൽ ഉണ്ടായിരുന്നത്. 201 പട്ടികജാതി കുടുംബങ്ങളും 1028 പട്ടികവർഗ കുടുംബങ്ങളും 1695 ജനറൽ വിഭാഗം കുടുംബങ്ങളും ഉൾപ്പെടെയാണിത്. ഇതിൽ സർക്കാർ സേവനങ്ങൾ ആവശ്യമുള്ളവർ 2454 കുടുംബങ്ങൾ ആയിരുന്നു. ബാക്കി സർക്കാർ രേഖകൾ കൈവശം ഇല്ലാത്തവരും മരണപ്പെട്ടവരും മറ്റും ആയിരുന്നു. ഈ 2454 കുടുംബങ്ങൾക്ക് വേണ്ട വിധമുള്ള മൈക്രോ പ്ലാൻ തയാറാക്കിയാണ് അവരിൽ 2045 പേരെ അതിദരിദ്ര ലഘൂകരണ യജ്ഞത്തിലൂടെ പട്ടികയിൽ നിന്ന് മോചിപ്പിച്ചത്. നിലവിൽ ആരോഗ്യം, ഭക്ഷണം, വരുമാനം എന്നിവ ആവശ്യമുള്ള ഒരു കുടുംബം പോലും ജില്ലയിലെ അതിദാരിദ്യ്ര പട്ടികയിലില്ല. നിലവിൽ പട്ടികയിലുള്ള 409 കുടുംബങ്ങൾക്കും വേണ്ടത് പാർപ്പിടമാണ്. ഇതിനുവേണ്ടിയുള്ള നടപടികൾ ദ്രുതഗതിയിൽ പുരോഗമിക്കുകയാണ്. ഈ വർഷം നവംബറോടെ സന്പൂർണ അതിദാരിദ്യ്ര മുക്തമാകുകയാണ് സംസ്ഥാന സർക്കാരിന്‍റെ ലക്ഷ്യം. ഗ്രാമപഞ്ചായത്ത് തലത്തിൽ തരിയോട് 100 ശതമാനം അതിദാരിദ്യ്ര മുക്തമായി. തൊണ്ടർനാട് (97.8ശതമാനം), വെങ്ങപ്പള്ളി (97.72ശതമാനം), മീനങ്ങാടി (97.40 ശതമാനം), പൊഴുതന (94.73 ശതമാനം), തിരുനെല്ലി (94.33 ശതമാനം) എന്നീ ഗ്രാമപഞ്ചായത്തുകൾ തൊട്ടുപുറകിലുണ്ട്.

ഡിജിറ്റൽ സർവേ ക്യാന്പ് ഓഫീസ് ഉദ്ഘാടനം ചെയ്തു

വെങ്ങപ്പള്ളി: ഡിജിറ്റൽ സർവേ വില്ലേജ് ക്യാന്പ് ഓഫീസ് പുഴമുടിയിൽ പഞ്ചായത്ത് പ്രസിഡന്‍റ് ഇ.കെ. രേണുക ഉദ്ഘാടനം ചെയ്തു. ഡിജിറ്റൽ സർവേ അസി.ഡയറക്ടർ കെ. ബാലകൃഷ്ണൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്‍റ് പി.എം. നാസർ മുഖ്യപ്രഭാഷണം നടത്തി. വാർഡ് അംഗങ്ങളായ ദീപ രാജൻ, ശ്രീജ ജയപ്രകാശ്, പുഷ്പ, വി.കെ. ശിവദാസൻ, കെ.പി. രാമൻ, കെ.പി. അൻവർ, അനിത, ടെക്നിക്കൽ അസിസ്റ്റന്‍റ് രാധാമണി, വില്ലേജ് ഓഫീസർ നിഷ, രാജേന്ദ്രൻ എന്നിവർ പ്രസംഗിച്ചു. റീസർവേ സൂപ്രണ്ട് മുഹമ്മദ് ഷെരീഫ് സ്വാഗതവും ഡിജിറ്റൽ സർവേ ചാർജ് ഓഫീസർ കെ.കെ. പ്രമോദ് നന്ദിയും പറഞ്ഞു.

കോണ്‍ഗ്രസ് നേതൃത്വം മറുപടി പറയാൻ തയാറാകണം: രാഷ്ട്രീയ യുവജനതാദൾ

കൽപ്പറ്റ: ഡിസിസി ട്രഷറർ എൻ.എം. വിജയന്‍റെയും മകന്‍റെയും ആത്മഹത്യക്ക് കാരണക്കാരായ സഹകരണ ബാങ്ക് നിയമനവുമായി ബന്ധപ്പെട്ട സാന്പത്തിക വിഷയം പരിഹരിക്കുന്നത് അടക്കമുള്ള വിഷയത്തിൽ അടിയന്തരമായി പ്രശ്നം പരിഹരിക്കുമെന്ന് ഉറപ്പുനൽകിയ കോണ്‍ഗ്രസ് നേതാക്കൾ തിരിഞ്ഞു നോക്കുന്നില്ലെന്ന് എൻ.എം. വിജയന്‍റെ മകൻ വിജേഷും മരുമകൾ പത്മജയും നിലനിൽപ്പ് തന്നെ വഴിമുട്ടി മാധ്യമങ്ങളോട് തുറന്നു പറയേണ്ടി വന്നു. വീട്ടിലെത്തി എല്ലാ സഹായവും പ്രശ്നപരിഹാരവും ഉറപ്പ് നൽകിയ പ്രിയങ്ക ഗാന്ധിയെ നിലവിൽ കാണാൻ പോലും അവസരം കുടുംബത്തിന് നൽകുന്നില്ല. നാട്ടിലെ എല്ലാ വിഷയങ്ങളിലും ചാടിപ്പുറപ്പെട്ട് അഭിപ്രായം പറയുന്ന പ്രതിപക്ഷ നേതാവും പാർട്ടിക്കാരെ സംരക്ഷിക്കുന്നവനാണ് താനെന്ന് പ്രസംഗിച്ചു നടക്കുന്ന കെപിസിസി പ്രസിഡന്‍റും അടക്കമുള്ള കോണ്‍ഗ്രസ് നേതാക്കൾ കുടുംബം ഉന്നയിച്ച വിഷയങ്ങളിൽ മറുപടി പറയാൻ തയാറാകണമെന്ന് രാഷ്ട്രീയ യുവജനതാദൾ ജില്ലാ പ്രസിഡന്‍റ് പി.പി. ഷൈജൽ ആവശ്യപ്പെട്ടു. ജീവിതം മുഴുവൻ കോണ്‍ഗ്രസിന് വേണ്ടി മാറ്റിവച്ച എൻ.എം. വിജയനോടും കുടുംബത്തോടും കൊടും ക്രൂരതയാണ് കോണ്‍ഗ്രസ് കാണിക്കുന്നത്. എൻ.എം. വിജയനും മകനും ആത്മഹത്യ ചെയ്ത സമയത്ത് വിഷയങ്ങളെല്ലാം തുറന്നുപറഞ്ഞ് രംഗത്തെത്തിയ കുടുംബത്തെ കോണ്‍ഗ്രസ് നേതൃത്വം അനുനയിപ്പിച്ച് കൂടെ നിർത്തി ആരോപണ വിധേയരായ പ്രതിസ്ഥാനത്തുള്ള ഡിസിസി പ്രസിഡന്‍റ് അടക്കമുള്ള നേതാക്കളെയും എംഎൽഎയെയും പാർട്ടി തലത്തിൽ നടപടി എടുക്കാന്നതും എംഎൽഎ സ്ഥാനം രാജിവയ്ക്കേണ്ടതുമായ സാഹചര്യം മറികടന്നു. തങ്ങളുടെ പ്രതിസന്ധിയും പ്രശ്നങ്ങളും മറികടന്ന് കഴിഞ്ഞപ്പോൾ വീണ്ടും കുടുംബത്തെ ബലിയാടാക്കുന്ന അവസ്ഥയാണ് കോണ്‍ഗ്രസ് നേതൃത്വം ചെയ്തു കൊണ്ടിരിക്കുന്നതെന്നും രാഷ്ട്രീയ യുവജനതാദൾ ജില്ലാ കമ്മിറ്റി പറഞ്ഞു.

കാർഷിക സ്റ്റാർട്ടപ്പുകൾക്ക് മികച്ച അവസരവുമായി കാർഷിക സർവ്വകലാശാല

കൽപ്പറ്റ: കാർഷിക സർവകലാശാലയുടെ അഗ്രിപ്രണർഷിപ്പ് ഓറിയന്‍റേഷൻ പ്രോഗ്രാം, സ്റ്റാർട്ട് അപ്പ് ഇൻക്യൂബേഷൻ പ്രോഗ്രാം എന്നിവയിലേക്ക് ഇപ്പോൾ അപേക്ഷിക്കാം. സ്മാർട്ട് കൃഷി രീതികൾ, കാർഷിക ഉത്പാദനത്തിനുള്ള അസംസ്കൃത വസ്തുക്കൾ, പുതിയ മൂല്യവർധിത ഉത്പന്നങ്ങൾ, കാർഷിക യന്ത്രങ്ങൾ, മാലിന്യ സംസ്കരണ മാർഗങ്ങൾ എന്നിങ്ങനെ മണ്ണു മുതൽ വിണ്ണിൽ പറക്കുന്ന ഡ്രോണ്‍ വരെ കാർഷിക ആശയം ഏതുമാകട്ടെ പുതുമയുള്ളതാണെങ്കിൽ കാർഷിക സ്റ്റാർട്ടപ്പുകളാക്കാം. കേരള കാർഷിക സർവകലാശാലയിലെ അഗ്രിബിസിനസ് ഇൻക്യുബേറ്ററിൽ, കേന്ദ്ര കാർഷിക കർഷകക്ഷേമ മന്ത്രലയത്തിന്‍റെ കീഴിലുള്ള ആർകെവിവൈ ആർഎഎഫ്ടിഎഎആർ പദ്ധതിയിലൂടെയാണ് കാർഷിക ആശയങ്ങൾക്ക് അവസരങ്ങളൊരുക്കുന്നത്. കെഎയുറെയ്സ്, കെഎയു പെയ്സ് എന്നിങ്ങനെ രണ്ടിന പ്രോഗ്രാമുകളിലായി ഇക്കഴിഞ്ഞ ആറ് വർഷത്തിൽ ഇരിനൂറ്റി നാൽപ്പത്തിയഞ്ചോളം നവസംരംഭകരെയാണ് കെ.എ.യു. റാഫ്ത്താർ അഗ്രിബിസിനസ്‌സ് ഇൻക്യുബേറ്റർ വളർത്തിയെടുത്തത്. ഇതിൽ നിന്നും തിരഞ്ഞെടുക്കപ്പെട്ട 98 സംരംഭകർക്ക് 12.23 കോടി രൂപയുടെ ഗ്രാന്‍റിന് കേന്ദ്ര കാർഷിക കർഷകക്ഷേമ മന്ത്രലയത്തിൽ നിന്നും അംഗീകാരം ലഭിച്ചു. നൂതന ആശയങ്ങളുള്ള കാർഷിക മേഖലയിൽ സംരംഭം തുടങ്ങാൻ ആഗ്രഹിക്കുന്നവർക്കും വിദ്യാർഥികൾക്കും നവസംരംഭകർക്കും പ്രോഗ്രാമുകളിലേക്കായി അപേക്ഷിക്കാം. കാർഷിക മേഖലയിൽ വേറിട്ട ആശയങ്ങളുള്ളവരും വിദ്യാർഥികളും അവ പ്രോട്ടോടൈപ്പുകളായി വികസിപ്പിച്ചെടുക്കുന്നതിനായി അഗ്രിപ്രണർഷിപ്പ് ഓറിയന്േ‍റഷൻ പ്രോഗ്രാമിലേക്കും (കഐയു റെയ്സ് 2025), നിലവിൽ സംരംഭം തുടങ്ങിയവർ പ്രാട്ടോടൈപ്പുകളുടെ വിപുലീകരണത്തിനും വാണിജ്യവത്കരണത്തിനുമായി സ്റ്റാർട്ട് അപ്പ് ഇൻക്യുബേഷൻ പ്രോഗ്രാമിലേക്കുമാണ് (കെഎസ്യു പേസ് 2025) അപേക്ഷിക്കേണ്ടത്. കെഎയു റെയ്സ് 2025 പ്രോഗ്രാമിലേക്ക് തെരഞ്ഞെടുക്കപ്പെടുന്നവർക്ക് ഒരു മാസം നീണ്ടു നിൽക്കുന്ന പരിശീലന പരിപാടിയും പരിശീലനം വിജയകരമായി പൂർത്തിയാക്കിയവരിൽ നിന്ന് തെരഞ്ഞെടുക്കുന്നവർക്ക് അഞ്ച് ലക്ഷം രൂപ വരെ ഗ്രാന്‍റിനും അവസരമൊരുക്കുന്നു. നൂതന ആശയങ്ങളുള്ള വിദ്യാർഥികളിൽ സംരംഭകത്വം പ്രോത്സാഹിപ്പിക്കുന്നതിനും അവരുടെ ആശയങ്ങൾ സംരംഭമായി വികസിപ്പിക്കുന്നതിനുമായി നാല് ലക്ഷം രൂപ വരെയുള്ള ധനസഹായവും പദ്ധതിയിലൂടെ ലഭ്യമാക്കുന്നു. കെഎസ്‌യു പെയ്സ് 2025 പ്രോഗ്രാമിലേക്ക് തെരഞ്ഞെടുക്കപ്പെടുന്നവർക്ക് പ്രോട്ടോടൈപ്പുകളുടെ വാണിജ്യവത്കരണത്തിനായുള്ള വിദഗ്ദ മാർഗ നിർദേശങ്ങളും സാങ്കേതിക സാന്പത്തിക സഹായവും 15 ദിവസത്തെ അധിക ഇൻക്യുബേഷൻ വർക്ക്ഷോപ്പും അഗ്രിബിസിനസ് ഇൻക്യൂബേഷൻ സൗകര്യം ഉപയോഗപ്പെടുത്തുവാനുള്ള അവസരവും ലഭ്യമാക്കുന്നു. വിവിധ ഘട്ട സ്ക്രീനിംഗുകൾക്കു ശേഷം തെരഞ്ഞെടുക്കപ്പെടുന്ന സ്റ്റാർട്ടപ്പുകൾക്ക് പരമാവധി 25 ലക്ഷം രൂപ വരെ ഗ്രാന്‍റും ലഭ്യമാകുന്നതാണ്. കൂടുതൽ വിവരങ്ങൾക്ക്rabi.kau.in എന്ന വെബ്സൈറ്റ് സന്ദർശിക്കുകയോ കൊടുത്തിരിക്കുന്ന ഫോണ്‍ നന്പറുകളിൽ ബന്ധപ്പെടുകയോ ചെയ്യാവുന്നതാണ്. നിശ്ചിത മാതൃകയിൽ പൂരിപ്പിച്ച അപേക്ഷകൾ ൃമയശ@സമൗ.ശി എന്ന ഇ മെയിൽ വിലാസത്തിലേക്കോ അഗ്രിബിസിനസ് ഇൻക്യബേറ്ററിലേക്ക് പോസ്റ്റ് വഴിയോ ഗൂഗിൾ ഫോം മുഖേനയോ അയക്കാവുന്നതാണ്. അപേക്ഷകൾ സ്വീകരിക്കുന്ന അവസാന തീയതി 30. വിലാസം: ഡോ.കെ.പി. സുധീർ, അഗ്രിബിസിനസ് ഇൻക്യുബേറ്റർ മേധാവി, കാർഷിക എൻജിനിയറിംഗ് വിഭാഗം, കാർഷിക കോളജ്, കേരള കാർഷിക സർവകലാശാല, വെള്ളാനിക്കര, തൃശൂർ 680656. ഫോണ്‍: 9778436265/ 0487 2438332/ 8330801782/ 9496108185. email: [email protected].

കെബിസിടി ഫുട്ബോൾ ടൂർണമെന്‍റ് ആരംഭിച്ചു

ചേനംകൊല്ലി: കെബിസിടി വായനശാല ആൻഡ് ക്ലബ്ബ് ന്ധഫുട്ബോളാണ് ലഹരി’ എന്ന സന്ദേശം പ്രചരിപ്പിച്ചുകൊണ്ട് 10 വരെ പതിനാറ് ടീമുകളെ പങ്കെടുപ്പിച്ചു നടത്തുന്ന മൂന്നാമത് സൂപ്പർ സിക്സ് ഫുട്ബോൾ ടൂർണമെന്‍റ് താഴെമുട്ടിൽ പ്ലേ സ്റ്റേഷൻ ടർഫിൽ ആരംഭിച്ചു. ജില്ലാ സ്പോർട്സ് കൗണ്‍സിൽ എക്സിക്യുട്ടീവ് അംഗം കെ.പി. വിജയി ഉദ്ഘാടനം ചെയ്തു. കെബിസിടി വായനശാല പ്രസിഡന്‍റ് സി.എം. സുമേഷ് അധ്യക്ഷത വഹിച്ചു. വായന ശാല സെക്രട്ടറി കെ. ഫിനോസ് കമാൽ, ട്രഷറർ ഷഫീഖ്, മുഹമ്മദ് ആസിഫ്, മുഹമ്മദ് റിസാൽ, പി.ടി. ഉസ്മാൻ, അൻവർ സാദിഖ്, ഫാസിൽ ജഹാംഗീർ, ഇ.കെ. സാബിത് എന്നിവർ പ്രസംഗിച്ചു.

നിരോധിത പ്ലാസ്റ്റിക് ക്യാരി ബാഗുകൾ ഉപയോഗിച്ചതിന് പിഴ

കൽപ്പറ്റ: നിരോധിത പ്ലാസ്റ്റിക് ക്യാരി ബാഗുകൾ ഉപയോഗിച്ചതിന് മാനന്തവാടി ലോട്ടസ് റവാ സ്റ്റോർ, അപ്പോളോ ടയേഴ്സ്, സിറ്റി ഫ്രൂട്ട്സ്, ബീഫ്സ്റ്റാൾ നന്പർ 14 എന്നീ സ്ഥാപനങ്ങൾക്ക് ജില്ലാ എൻഫോഴ്സ്മെന്‍റ് സ്ക്വാഡ് 35,000 രൂപ പിഴയിട്ടു. ജില്ലാ എൻഫോഴ്സ്മെന്‍റ് സ്ക്വാഡ് ലീഡർ ടി.കെ. സുരേഷ്, സ്ക്വാഡ് അംഗം എം.ബി. ലീബ, സിയാബുദ്ദീൻ, മാനന്തവാടി ഹെൽത്ത് ഇൻസ്പെക്ടർ സുനിൽകുമാർ എന്നിവർ പരിശോധനയ്ക്ക് നേതൃത്വം നൽകി.

ബൈബിൾ കണ്‍വൻഷൻ ഇന്ന് സമാപിക്കും

നടവയൽ: ഹോളിക്രോസ് മേജർ ആർക്കിഎപ്പിസ്കോപ്പൽ തീർഥാടന കേന്ദ്രത്തിൽ കഴിഞ്ഞ മൂന്ന് ദിവസങ്ങളായി നടന്നുവരുന്ന ഫാ. സേവ്യർഖാൻ വട്ടായിൽ നയിക്കുന്ന അഭിക്ഷേകാഗ്നി ബൈബിൾ കണ്‍വൻഷൻ ഇന്ന് സമാപിക്കും. മാനന്തവാടി ബിഷപ് മാർ ജോസ് പൊരുന്നേടത്തിന്‍റെ മുഖ്യ കാർമികത്തിലുള്ള ദിവ്യബലിയോടെയാണ് സമാപനം. ആയിരങ്ങൾ പങ്കെടുക്കുന്ന കണ്‍വൻഷൻ ദിവസവും രാവിലെ 9.30 ന് വചനശുശ്രൂഷയോടെയാണ് ആരംഭിക്കുന്നത്. തുടർന്ന് ഗാനശുശ്രൂഷയും 12ന് ദിവ്യബലിയും. ഉച്ചഭക്ഷണത്തിന് ശേഷം രണ്ടിന് ഗാനശുശ്രൂഷയും രോഗിസൗഖ്യ ശുശ്രൂഷയും വൈകുന്നേരം നാലിന് സമാപനാശീർവാദവും നടക്കും. കഴിഞ്ഞ ദിവസങ്ങളിൽ ബിഷപ് എമിരിറ്റസ് മാർ. ജോർജ് ഞരളക്കാട്ട്, മാനന്തവാടി രൂപത സഹായമെത്രാൻ മാർ അലക്സ് താരാമംഗലം, മോണ്‍. പോൾ മുണ്ടോളിക്കൽ തുടങ്ങിയവർ ദിവ്യബലി അർപ്പിക്കുകയും ബൈബിൾ പ്രഭാഷണം നടത്തുകയും ചെയ്തു. ബൈബിൾ കണ്‍വൻഷന്‍റെ വിജയത്തിനായി വിവിധ കമ്മിറ്റികളുടെ നേതൃത്വത്തിൽ വിപുലമായ സജ്ജീകരണമാണ് ഒരുക്കിയിരിക്കുന്നത്.

ജൽജീവൻ മിഷൻ പദ്ധതി അവലോകന യോഗം ചേർന്നു

കൽപ്പറ്റ: മാനന്തവാടി നിയോജക മണ്ഡലത്തിൽ ജൽജീവൻ മിഷൻ നടപ്പാക്കുന്ന പ്രവർത്തനങ്ങളുടെ അവലോകന യോഗം പട്ടികജാതി പട്ടികവർഗ പിന്നാക്കക്ഷേമ മന്ത്രി ഒ.ആർ. കേളുവിന്‍റെ അധ്യക്ഷതയിൽ ചേർന്നു. യോഗത്തിൽ തൊണ്ടർനാട്, വെള്ളമുണ്ട, തവിഞ്ഞാൽ, പനമരം, തിരുനെല്ലി ഗ്രാമപഞ്ചായത്തുകളിലായി നടപ്പാക്കുന്ന 28 ഓളം പദ്ധതികൾ ചർച്ച ചെയ്തു. വിവിധ ജലസംഭരണികളുടെ നിർമാണ പ്രവൃത്തികളും ജലവിതരണ ശൃംഖലയുടെ പൂർത്തീകരണ പ്രവർത്തികളും സമയ ബന്ധിതമായി പൂർത്തീകരിക്കാൻ യോഗത്തിൽ തീരുമാനിച്ചു.ഉയർന്ന പ്രദേശങ്ങളിൽ ബൂസ്റ്റർ സ്റ്റേഷൻ സ്ഥാപിച്ച് ജലവിതരണം നടത്താൻ ആവശ്യമായ നടപടികൾ സ്വീകരിക്കാൻ മന്ത്രി നിർദേശിച്ചു. ബാണാസുര ഡാമിൽ നിർമിക്കുന്ന ഫ്ളോട്ടിംഗ് ഇൻടേക്ക് സ്ട്രക്ച്ചറിന് ആവശ്യമായ എൻഒസി, കെഎസ്ഇബിയിൽ നിന്നും ലഭിക്കുന്നതിനുള്ള നടപടികൾ ജല അതോറിറ്റിയുടെ ഉന്നത തലത്തിൽ സ്വീകരിക്കാനും തീരുമാനിച്ചു. പൈപ്പ് ലൈൻ പ്രവൃത്തികൾക്കും ഗാർഹിക കണക്ഷനുകൾക്കും വേണ്ട അനുമതി നൽകാൻ ബന്ധപ്പെട്ട വകുപ്പുകൾക്ക് നിർദേശം നൽകി. ജില്ലയിലെ വിവിധ ജനപ്രതിനിധികൾ, വകുപ്പ് മേധാവികൾ, ഉദ്യോഗസ്ഥർ എന്നിവർ പങ്കെടുത്തു.

വരദൂരിൽ ആരോഗ്യവകുപ്പ് ദൗത്യ സന്ദർശനം നടത്തി

കൽപ്പറ്റ: ഇമ്മ്യൂണൈസേഷൻ കുറവുള്ള വരദൂരിലെ പ്രദേശങ്ങളിൽ ആരോഗ്യവകുപ്പ് ഇടപെടൽ ദൗത്യ സന്ദർശനം നടത്തി. അമ്മമാരുടെയും കുട്ടികളുടെയും സമഗ്ര ആരോഗ്യമെന്ന ലോകാരോഗ്യ ദിന ക്യാന്പയിനിന്‍റെ ഭാഗമായി ജില്ലയിലെ എല്ലാ കുട്ടികൾക്കും ഇമ്മ്യൂണൈസേഷൻ പട്ടിക പ്രകാരമുള്ള പ്രതിരോധ കുത്തിവെപ്പുകൾ ഉറപ്പാക്കുക എന്ന ലക്ഷ്യത്തോടെയാണ് ദൗത്യം സംഘടിപ്പിച്ചത്. ഇമ്മ്യൂണൈസേഷന് വിമുഖതയുള്ള പ്രദേശങ്ങളിൽ ശീലമാറ്റ ഇടപെടലുകൾ നടത്താനും പൊതുജനങ്ങളുടെ സംശയങ്ങൾ ദൂരീകരിക്കാനുമാണ് ജില്ലാതല വിദഗ്ധ സംഘത്തെ നിയോഗിച്ചത്. വിവിധ കാരണങ്ങളാൽ കുത്തിവയ്പ്പുകളെടുക്കാത്ത വരദൂരിലെ 12 വീടുകളിൽ സന്ദർശനം നടത്തി ഒന്പത് കുട്ടികൾക്ക് പ്രതിരോധ കുത്തിവയ്പ് നൽകി. വരദൂർ കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ.എ.പി. സിതാര, ജില്ലാ എജ്യുക്കേഷൻ ആൻഡ് മാസ് മീഡിയ ഓഫീസർ കെ.എം. മുസ്തഫ, ജില്ലാ പബ്ലിക് ഹെൽത്ത് നഴ്സ് മജോ ജോസഫ്, മീനങ്ങാടി പബ്ലിക് ഹെൽത്ത് നഴ്സ് സൂപ്പർവൈസർ സുലേഖ, പബ്ലിക് ഹെൽത്ത് നഴ്സുമാരായ കെ.കെ. സുബൈറത്ത്, ജോസി ജോസഫ്, ഹെൽത്ത് ഇൻസ്പെക്ടർ രാഗി ചന്ദ്ര, ജൂനിയർ ഹെൽത്ത് ഇൻസ്പെക്ടർമാരായ ജിബി പുല്ലാട്ട്, എം.പി. റീന, ജൂണിയർ പബ്ലിക് ഹെൽത്ത് നഴ്സുമാരായ എൻ.എം. സുജിനത്ത്, പി. ഷിഫാനത്ത് എന്നിവർ സന്ദർശനത്തിൽ പങ്കെടുത്തു.

മുണ്ടക്കൈ, ചൂരൽമല ഉരുൾപ്പൊട്ടൽ: വീടിന് തകരാർ സംഭവിച്ച 63 പേർ അപേക്ഷ നൽകി

കൽപ്പറ്റ: മുണ്ടക്കൈ, ചൂരൽമല ഉരുൾപ്പൊട്ടലിൽ ഗുണഭോക്തൃ പട്ടികയിൽ ഉൾപ്പെടാത്ത എന്നാൽ വീടിന് തകരാർ സംഭവിച്ച 63 പേർ നഷ്ടപരിഹാരത്തിന് അപേക്ഷ നൽകി. നോ ഗോ സോണിൽ ഉൾപ്പെട്ടതും എന്നാൽ ഗുണഭോക്തൃ പട്ടികയിൽ ഉൾപ്പെടാത്തതുമായ 20 പേരും ഗോ സോണിൽ ഉൾപ്പെട്ടതും എന്നാൽ നഷ്ടപരിഹാരത്തിന് നേരത്തെ അപേക്ഷിച്ചിട്ടില്ലാത്തതുമായ 43 പേരുമാണ് മേപ്പാടി ഗ്രാമപഞ്ചായത്ത് കമ്മ്യൂണിറ്റി ഹാളിൽ അപേക്ഷ നൽകിയത്. വീട് നഷ്ടപ്പെടുകയും വീടിന് നാശനഷ്ടം സംഭവിക്കുകയും ചെയ്ത, ഗുണഭോക്തൃ പട്ടികയിൽ ഇല്ലാത്ത, മേപ്പാടി ഗ്രാമപഞ്ചായത്തിലെ 10, 11, 12 വാർഡുകളിലെ നോ ഗോ സോണ്‍ ഏരിയയിൽ ഉള്ളവരും 10, 11, 12 വാർഡുകളിൽ ഗോ സോണിൽപ്പെട്ടവരിൽ വീടിന് നാശനഷ്ടം സംഭവിച്ചവരുമാണ് അപേക്ഷകർ. ഗോ സോണ്‍ ഏരിയയിലെ വീടുകൾക്ക് നാശനഷ്ടം സംഭവിച്ച് വില്ലേജിൽ ഇതുവരെ അപേക്ഷ കൊടുക്കാത്തവർക്ക് കൂടി അപേക്ഷ നൽകുന്നതിനുള്ള അവസരമാണ് നൽകിയത്. ഗ്രാമപഞ്ചായത്ത് എൽഎസ്ജിഡി എൻജിനിയറിംഗ് വിഭാഗവും വെള്ളരിമല വില്ലേജ് അധികൃതരും സംയുക്തമായി പരിശോധന നടത്തിയശേഷം കെട്ടിടങ്ങൾക്കുള്ള നഷ്ടപരിഹാരം നൽകും. ഡെപ്യൂട്ടി തഹസിൽദാർമാരായ മുഹമ്മദ് ഷാഫി, കെ. അശോകൻ, മേപ്പാടി ഗ്രാമപഞ്ചായത്ത് സെക്രട്ടറി കെ. ഷാജു എന്നിവർ നേതൃത്വം നൽകി.

ചെറുമരങ്ങൾ മുറിക്കുന്നതു തടയുന്നതിന് നിയമ നിർമാണം നടത്തണം: സിപിഐ

മേപ്പാടി: തോട്ടങ്ങളിലെ ചെറുമരങ്ങൾ മുറിക്കുന്നതു തടയുന്നതിന് നിയമനിർമാണം നടത്തണമെന്ന് താഴെ അരപ്പറ്റയിൽ ചേർന്ന സിപിഐ മൂപ്പൈനാട് ലോക്കൽ സമ്മേളനം ആവശ്യപ്പെട്ടു. പ്രകൃതിക്ഷോഭങ്ങൾ, കാലാവസ്ഥാവ്യതിയാനം എന്നിവ മൂലം ബുദ്ധിമുട്ടുന്ന ജില്ലയിൽ പാരിസ്ഥിതിക സന്തുലനം തകിടംമറിക്കുന്ന രീതിയിലാണ് മരംമുറി നടക്കുന്നത്. കട്ടൻസിനുവേണ്ടിയാണ് കൃഷിയിടങ്ങളിലെ ചെറുമരങ്ങൾ മുറിക്കുന്നതെന്ന് സമ്മേളനം ചൂണ്ടിക്കാട്ടി. സംസ്ഥാന എക്സിക്യുട്ടീവ് കമ്മിറ്റി അംഗം ടി.വി. ബാലൻ ഉദ്ഘാടനം ചെയ്തു. മണ്ഡലം സെക്രട്ടറി വി. യൂസഫ്, ജില്ലാ എക്സിക്യുട്ടീവ് കമ്മിറ്റി അംഗം മഹിത മൂർത്തി, ജില്ലാ കമ്മിറ്റി അംഗം അതുൽ നന്ദൻ, അനീഷ് എന്നിവർ പ്രസംഗിച്ചു. ഭാരവാഹികളായി എം.വി. യൂസഫ്(സെക്രട്ടറി), ഷംസുദ്ദീൻ അരപ്പറ്റ(അസി.സെക്രട്ടറി) എന്നിവരെ തെരഞ്ഞെടുത്തു.

സമഗ്രാന്വേഷണത്തിന് സമ്മർദം ചെലുത്തുമെന്ന് മന്ത്രി ഒ.ആർ. കേളു

പുൽപ്പള്ളി: മംഗളൂരുവിൽ ആൾക്കൂട്ട ആക്രമണത്തിൽ പുൽപ്പള്ളി സ്വദേശി മുഹമ്മദ് അഷ്റഫ് കൊല്ലപ്പെട്ട സംഭവത്തിൽ സമഗ്രാന്വേഷണത്തിന് കർണാടക സർക്കാരിൽ സമ്മർദം ചെലുത്തുമെന്ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു. അഷ്റഫിന്‍റെ വീട്ടിലെത്തി കുടുംബാംഗങ്ങളെ സന്ദർശിച്ചശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. അഷ്റഫിന്‍റെ പിതാവ് കുഞ്ഞീതുകുട്ടി, മാതാവ് റുഖിയ, സഹോദരൻ ഹമീദ് ഉൾപ്പെടെ കുടുംബാംഗങ്ങളെ മന്ത്രി അനുശോചനം അറിയിച്ചു. കുടുംബത്തിന് സർക്കാരിന്‍റെ പിന്തുണ ഉറപ്പുനൽകി. സിപിഎം ജില്ലാ കമ്മിറ്റിയംഗം എം.എസ്. സുരേഷ് ബാബു, ഏരിയ സെക്രട്ടറി ബൈജു നന്പിക്കൊല്ലി, ഏരിയ കമ്മിറ്റിയംഗം പി.എ. മുഹമ്മദ്, ലോക്കൽ സെക്രട്ടറി കെ.പി. ഗിരീഷ് തുടങ്ങിയവർ മന്ത്രിക്കൊപ്പം ഉണ്ടായിരുന്നു.

അധ്യാപകർ സാമൂഹിക തിൻമകൾക്കെതിരായ പോരാട്ടം നയിക്കണം: മന്ത്രി എ.കെ. ശശീന്ദ്രൻ

സുൽത്താൻ ബത്തേരി: അക്രമം, ലഹരി ഉപയോഗം ഉൾപ്പെടെ സാമൂഹിക തിൻമകൾക്കെതിരായ പോരാട്ടം അധ്യാപകർ നയിക്കണമെന്ന് വനം-വന്യജീവി സംരക്ഷണ മന്ത്രി എ.കെ. ശശീന്ദ്രൻ. നാഷണൽ സ്കൂൾ ടീച്ചേഴ്സ് അസോസിയേഷൻ(എൻഎസ്ടിഎ) ദ്വിദിന സംസ്ഥാന ലീഡേഴ്സ് ക്യാന്പ് ഉദ്ഘാടനം ചെയ്യുകയായിരുന്നു അദ്ദേഹം. സാമൂഹിക പ്രതിബദ്ധതയുള്ള തലമുറയെ വാർത്തെടുക്കാൻ അധ്യാപകർക്ക് കഴിയണമെന്നു മന്ത്രി പറഞ്ഞു. അസോസിയേഷൻ സംസ്ഥാന പ്രസിഡന്‍റ് വിനോദ് മേച്ചേരി അധ്യക്ഷത വഹിച്ചു. എൻസിപി സംസ്ഥാന വർക്കിംഗ് പ്രസിഡന്‍റ് പി.എം. സുരേഷ് ബാബു മുഖ്യപ്രഭാഷണം നടത്തി. എൻസിപി സംസ്ഥാന ജനറൽ സെക്രട്ടറി മാത്യൂസ് ജോർജ്, സി.എം. ശിവരാമൻ, ഷാജി ചെറിയാൻ എന്നിവർ പ്രസംഗിച്ചു. ഡയറക്ടർ കെ.കെ. ശ്രീഷു ക്യാന്പിന്‍റെ ലക്ഷ്യങ്ങൾ വിശദീകരിച്ചു. സംസ്ഥാന സെക്രട്ടറി രൂപേഷ് മഠത്തിൽ സംഘടനാ പ്രവർത്തന രൂപരേഖ അവതരിപ്പിച്ചു. വിവിധ സെഷനുകളിൽ ഡയറ്റ് പ്രിൻസിപ്പൽ കെ.എം. സെബാസ്റ്റ്യൻ, ഇ. ശശീന്ദ്രദാസ്, ഷിബു കുറുന്പേമഠം എന്നിവർ ക്ലാസ് എടുത്തു. സമാപന സമ്മേളനം എൻസിപി സംസ്ഥാന വർക്കിംഗ് പ്രസിഡന്‍റും ’കെൽ’ ചെയർമാനുമായ പി.കെ. രാജൻ ഉദ്ഘാടനം ചെയ്തു. എൻഎസ്ടിഎ ഭാരവാഹികളായ പി.എ. അഷ്റഫ്, ശ്രീജ പാലക്കാട്, സുമ വല്ലഭൻ, വി. പി. ബൈജു, സായൂജ് ശ്രീമംഗലം, എം.കെ. ബവിത, എം.കെ. സുരേഷ്ബാബു, ഹനീഫ പാലക്കാട് എന്നിവർ പ്രസംഗിച്ചു.

പഹൽഗാം : കേന്ദ്ര സർക്കാർ തീരുമാനം നടപ്പാക്കുമെന്നാണ് പ്രതീക്ഷയെന്ന് പ്രിയങ്ക ഗാന്ധി

സുൽത്താൻ ബത്തേരി: കാഷ്മീർ പഹൽഗാം ഭീകരാക്രമണവുമായി ബന്ധപ്പെട്ട് എടുത്ത തീരുമാനം കേന്ദ്ര സർക്കാർ നടപ്പാക്കുമെന്നാണ് പ്രതീക്ഷയെന്ന് പ്രിയങ്ക ഗാന്ധി എംപി. ബത്തേരിയിൽ മാധ്യമ പ്രവർത്തകരുമായി സംസാരിക്കുകയായിരുന്നു എഐസിസി ജനറൽ സെക്രട്ടറിയുമായ അവർ.

നൂൽപ്പുഴ കുടുംബാരോഗ്യ കേന്ദ്രത്തിനു മൊബൈൽ ഡിസ്പെൻസറി കൈമാറി

സുൽത്താൻ ബത്തേരി: നൂൽപ്പുഴ കുടുംബാരോഗ്യകേന്ദ്രത്തിന് പ്രിയങ്ക ഗാന്ധി എംപിയുടെ പ്രാദേശിക വികസന നിധിയിൽനിന്നു ലഭ്യമാക്കിയ മൊബൈൽ ഡിസ്പെൻസറിയും രാഹുൽ ഗാന്ധി എംപിയുടെ പ്രാദേശിക വികസന നിധിയിൽനിന്നു അനുവദിച്ച റോബോട്ടിക് ഫിസിയോ തെറാപ്പി ഉപകരണങ്ങളും കൈമാറി. കുടുംബാരോഗ്യകേന്ദ്രത്തിൽ നടന്ന ചടങ്ങിൽ വാഹന, ഉപകരണ കൈമാറ്റം പ്രിയങ്ക ഗാന്ധി നിർവഹിച്ചു. മെഡിക്കൽ ഓഫീസർ ഡോ.ദാഹർ മുഹമ്മദ് വാഹനത്തിന്‍റെ താക്കോൽ ഏറ്റുവാങ്ങി. എംഎൽഎമാരായ ഐ.സി. ബാലകൃഷ്ണൻ, ടി. സിദ്ദിഖ്, ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, നൂൽപ്പുഴ പഞ്ചായത്ത് പ്രസിഡന്‍റ് ഷീജ സതീഷ്, ജില്ലാ പഞ്ചായത്ത് അംഗം അമൽ ജോയ്, ബ്ലോക്ക് പഞ്ചായത്ത് അംഗം പുഷ്പ, അസൈനാർ, ഓമന പങ്കളം, മിനി സതീശൻ, ബെന്നി കൈനിക്കൽ തുടങ്ങിയവർ പങ്കെടുത്തു. 18 ലക്ഷം രൂപ ചെലവിൽ വാങ്ങിയതാണ് മൊബൈൽ ഡിസ്പെൻസറി. 10 ലക്ഷം രൂപ വില വരുന്നതാണ് റോബോട്ടിക് ഫിസിയോ തെറാപ്പി ഉപകരണങ്ങൾ. photo : മൊബൈൽ ഡിസ്പെൻസറിയും റോബോട്ടിക് ഫിസിയോ തെറാപ്പി ഉപകരണങ്ങളും കൈമാറുന്നതിന് നൂൽപ്പുഴ കുടുംബാരോഗ്യകേന്ദ്രത്തിൽ എത്തിയ പ്രിയങ്ക ഗാന്ധി എംപി ചികിത്സയിലുള്ള കുട്ടിക്ക് മധുരം നൽകുന്നു.

വനം വകുപ്പിന് എംപി ഫണ്ടിൽനിന്ന് അനുവദിച്ച അനിമൽ ആംബുലൻസ് കൈമാറി

സുൽത്താൻ ബത്തേരി: പ്രിയങ്ക ഗാന്ധിയുടെ എംപി ഫണ്ടിൽനിന്നു അനുവദിച്ച 15 ലക്ഷം രൂപ വിനിയോഗിച്ച് വനം വകുപ്പിന് ലഭ്യമാക്കിയ അനിമൽ ആംബുലൻസ് കൈമാറി. വയനാട് വൈൽഡ് ലൈഫ് ഡിവിഷൻ ആസ്ഥാനത്തു നടന്ന ചടങ്ങിൽ പ്രിയങ്ക ഗാന്ധിയിൽനിന്നു വാർഡൻ വരുണ്‍ ഡാലിയ ആംബുലൻസിന്‍റെ താക്കോൽ ഏറ്റുവാങ്ങി. എംഎൽഎമാരായ ഐ.സി. ബാലകൃഷ്ണൻ, ടി. സിദ്ദിഖ്, ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, അസിസ്റ്റന്‍റ് കണ്‍സർവേറ്റർ സജ്ന കരീം, എഡിസിഎഫ് സൂരജ് ബെൻ, ഫോറസ്റ്റ് ഓഫീസർമാരായ കണ്ണൻ, സഞ്ജയ്, മുനിസിപ്പൽ കൗണ്‍സിലർമാരായ സി.കെ. ഹാരിഫ്, പ്രജിത രവി, യുഡിഎഫ് നേതാക്കളായ കെ.എൽ.പൗലോസ്, ഡി.പി. രാജശേഖരൻ, അഡ്വ.സതീഷ് പൂതിക്കാട്, ഷബീർ അഹമ്മദ്, ബാബു പഴുപ്പത്തൂർ, പി.പി. അയ്യൂബ്, കെ.ടി. കുര്യാക്കോസ്, എൻ.സി. കൃഷ്ണകുമാർ, അബ്ദുള്ള മാടക്കര, പി. പ്രഭാകരൻ നായർ, വിനോദ്, ബൈജു ഐസക് തുടങ്ങിയവർ സന്നിഹിതരായിരുന്നു. അനിമൽ ഹോസ്പിസിൽ പ്രിയങ്കഗാന്ധി സന്ദർശനം നടത്തി സുൽത്താൻ ബത്തേരി: വനം-വന്യജീവി സംരക്ഷണ വകുപ്പിനു കീഴിൽ കുപ്പാടി പച്ചാടിയിലുള്ള അനിമൽ ഹോസ്പിസിൽ(വന്യമൃഗ പരിപാലന കേന്ദ്രം) പ്രിയങ്ക ഗാന്ധി എംപി സന്ദർശനം നടത്തി. ജില്ലയുടെ വിവിധ ഭാഗങ്ങളിൽനിന്നു മയക്കുവെടിവച്ചും കൂടുവച്ചും പിടിച്ച അക്രമകാരികളായ കടുവകളെയാണ് ഹോസ്പിസിൽ പാർപ്പിച്ചിച്ചിരിക്കുന്നത്. വനം ഉദ്യോഗസ്ഥർ ശ്രദ്ധയിൽപ്പെടുത്തിയതിനെത്തുടർന്നാണ് എംപി ഹോസ്പിസ് സന്ദർശനം തീരുമാനിച്ചത്. എംഎൽഎമാരായ ഐ.സി. ബാലകൃഷ്ണൻ, ടി. സിദ്ദിഖ്, ജില്ലാ പഞ്ചായത്ത് പ്രസിഡന്‍റ് ഷംഷാദ് മരക്കാർ തുടങ്ങിയവർക്കൊപ്പം പച്ചാടിയിലെത്തിയ എംപി കടുവകളെ പാർപ്പിച്ചിരിക്കുന്ന സ്ഥലം കണ്ടു. ശേഷിയിലും കൂടുതൽ കടുവകൾ ഹോസ്പിസിൽ ഉണ്ടെന്ന് വൈൽഡ് ലൈഫ് വാർഡൻ വരുണ്‍ ഡാലിയ, അസിസ്റ്റന്‍റ് കണ്‍സർവേറ്റർ സജ്ന കരീം, എഡിസിഎഫ് സൂരജ് ബെൻ എന്നിവർ എംപിയോടു പറഞ്ഞു. ഹോസ്പിസിൽ കൂടുതൽ സൗകര്യം ഒരുക്കക്കേണ്ടതിന്‍റെ ആവശ്യകതയും ഫണ്ടിന്‍റെ അപര്യാപ്തതയും എംപിയുടെ ശ്രദ്ധയിൽപ്പെടുത്തി.

"നോക്ക്ഒൗട്ട് ഡ്രഗ്സ്’ഫുട്ബോൾ കാർണിവൽ തുടങ്ങി

സുൽത്താൻ ബത്തേരി: ലഹരിവിരുദ്ധ പ്രവർത്തനങ്ങളുടെ ഭാഗമായി ’നോക്ക്ഒൗട്ട് ഡ്രഗ്സ്’ എന്ന പേരിൽ ജില്ലാ പോലീസ് സംഘടിപ്പിക്കുന്ന അണ്ടർ-19 ഫുട്ബോൾ കാർണിവലിനു തുടക്കമായി. ബ്ലോക്കുതല മത്സരങ്ങൾ മുനിസിപ്പൽ സ്റ്റേഡിയത്തിൽ നടത്തി. ജില്ലാ ഫുട്ബോൾ അസോസിയേഷന്‍റെയും സ്പോർട്സ് കൗണ്‍സിലിന്‍റെയും സഹകരണത്തോടെ നടത്തുന്ന ടൂർണമെന്‍റിന്‍റെ ഉദ്ഘാടനം ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ നിർവഹിച്ചു. മുനിസിപ്പൽ ചെയർമാൻ ടി.കെ. രമേശ് അധ്യക്ഷത വഹിച്ചു. ജില്ലാ പോലീസ് മേധാവി തപോഷ് ബസുമതാരി ലഹരിവിരുദ്ധ സന്ദേശം നൽകി. അഡീഷണൽ എസ്പി ടി.എൻ. സജീവ്, ഡിവൈഎസ്പി കെ.കെ. അബ്ദുൾ ഷെരീഫ്, സ്പെഷൽ ബ്രാഞ്ച് ഡിവൈഎസ്പി അബ്ദുൾ കരീം, മുനിസിപ്പൽ കൗണ്‍സിലർ എൽസി പൗലോസ്, നാർകോടിക് സെൽ ഡിവൈഎസ്പി എം.കെ. ഭരതൻ, ജില്ലാ ഫുട്ബോൾ അസോസിയേഷൻ പ്രസിഡന്‍റ് ബിനു തോമസ്, അത്ലറ്റിക് അസോസിയേഷൻ സെക്രട്ടറി ലൂക്ക ഫ്രാൻസിസ്, ജനമൈത്രി ജില്ലാ നോഡൽ ഓഫീസർ കെ.എം. ശശിധരൻ, എഎസ്ഐ ഹസൻ ബാരിക്കൽ, ജില്ലാ പോലീസ് ഫുട്ബോൾ ടീം അംഗം നിയാദ്, എസ്‌സിപിഒ ഇർഷാദ് മുബാറക് എന്നിവർ പ്രസംഗിച്ചു. ചടങ്ങിൽ പങ്കെടുത്തവർ ലഹരി വിരുദ്ധ പ്രതിജ്ഞ ചൊല്ലി. കൽപ്പറ്റ ബ്ലോക്കുതല മത്സരം അച്ചൂർ ജിഎച്ച്എസ്എസ് ഗ്രൗണ്ടിൽ നടത്തി. ഇന്ന് മാനന്തവാടി ബ്ലോക്കുതല മത്സരം തവിഞ്ഞാൽ 44-ാം മൈൽ ഗ്രൗണ്ടിലും പനമരം ബ്ലോക്കുതല മത്സരം നടവയൽ സെന്‍റ് തോമസ് സ്കൂൾ ഗ്രൗണ്ടിലും നടക്കും.

നേതാക്കൾക്കെതിരേ പൊട്ടിത്തെറിച്ച് എൻ.എം. വിജയന്‍റെ കുടുംബം

കോൺഗ്രസ് നേതാക്കൾ ഉറപ്പ് പാലിച്ചില്ലെന്ന് സുൽത്താൻബത്തേരി: കോണ്‍ഗ്രസ് നേതാക്കൾക്കെതിരേ പൊട്ടിത്തെറിച്ച്, ആത്മഹത്യ ചെയ്ത ഡിസിസി ട്രഷറർ എൻ.എം. വിജയന്‍റെ കുടുംബം. തങ്ങൾക്കു നൽകിയ ഉറപ്പുകൾ പാർട്ടി നേതാക്കൾ പാലിച്ചില്ലെന്ന് വിജയന്‍റെ മകൻ വിജേഷും മരുമകൾ പദ്മജയും ആരോപിച്ചു. പണം നൽകാനുള്ളവർ നിരന്തരം വീട്ടിലെത്തുകയാണെന്ന് അവർ പറഞ്ഞു. ബത്തേരിയിലെത്തിയ പ്രിയങ്ക ഗാന്ധി എംപിയെ കണ്ട് കാര്യങ്ങൾ ബോധിപ്പിക്കാനും നിവേദനം നൽകാനും അവസരം ഒരുക്കുമെന്ന് പ്രാദേശിക കോണ്‍ഗ്രസ് നേതാക്കൾ വിജയന്‍റെ മകനെയും മരുമകളെയും അറിയിച്ചിരുന്നു. പദ്മജയെ അനിമൽ ആംബുലൻസിന്‍റെ താക്കോൽദാനം നടത്തുന്ന വൈൽഡ് ലൈഫ് ഡിവിഷൻ ആസ്ഥാനത്ത് എത്തിക്കുകയും ചെയ്തു. എന്നാൽ പ്രിയങ്കയെ കണ്ട് കാര്യങ്ങൾ ബോധിപ്പിക്കാൻ പദ്മജയ്ക്ക് കഴിഞ്ഞില്ല. പ്രിയങ്ക മടങ്ങിയതിനു പിന്നാലെയാണ് വിജേഷും ഭാര്യയും കോണ്‍ഗ്രസ് നേതാക്കൾക്കെതിരേ പൊട്ടിത്തെറിച്ചത്. വിജയന്‍റെ മരണശേഷം വീട്ടിലെത്തിയ കോണ്‍ഗ്രസ് നേതാക്കൾ രണ്ടു കോടിയോളം രൂപ വരുന്ന ബാധ്യത ഏറ്റെടുക്കുമെന്ന് ഉറപ്പുനൽകിയിരുന്നു. എന്നാൽ 10 ലക്ഷം രൂപ മാത്രമാണ് ഇതുവരെ ലഭിച്ചത്. പ്രിയങ്ക ഗാന്ധി എംപി വീട്ടിലെത്തി കുടുംബത്തിന്‍റെ സംരക്ഷണം ഉറപ്പുനൽകിയതാണ്. എന്നാൽ ഇപ്പോൾ അവരെ കണ്ട് സംസാരിക്കാൻപോലും അവസരം ലഭിക്കുന്നില്ല. പാർട്ടിക്കുവേണ്ടി വിജയൻ വരുത്തിയ കടങ്ങളിൽ എന്തുചെയ്യാൻ പറ്റുമെന്ന് നേതാക്കൾ വ്യക്തമാക്കണം. ബാധ്യത പാർട്ടി ഏറ്റെടുക്കുമെന്ന വിശ്വാസത്തിൽ പല സത്യങ്ങളും മറച്ചുവച്ചു. അതിനുള്ള നന്ദി നേതാക്കൾ കാണിക്കുന്നില്ല. ഇനിയും നീതി ലഭിക്കുന്നില്ലെങ്കിൽ നേതാക്കളുമായി ബന്ധപ്പെട്ട സാന്പത്തിക ഇടപാടുകൾ പുറത്തുപറയും. തങ്ങൾക്ക് ജീവിക്കാൻ പറ്റാത്ത സാഹചര്യമാണെന്നും വിജേഷും പദ്മജയും പറഞ്ഞു.

മാനന്തവാടി രൂപത സാമുദായികദിനം ആഘോഷിച്ചു

കൽപ്പറ്റ: കത്തോലിക്ക കോണ്‍ഗ്രസ് ജന്മദിനമായ ഏപ്രിൽ 30നുശേഷമുള്ള ആദ്യ ഞായറാഴ്ചയായ ഇന്നലെ മാനന്തവാടി രൂപത സാമുദായികദിനം ആഘോഷിച്ചു. ഇടവകകളിൽ രാവിലെ പതാക ഉയർത്തി. സമുദായ ശക്തീകരണത്തിന്‍റെ ആവശ്യകത, പ്രാധാന്യം, സഭയുടെ വളർച്ചയിൽ അല്മായർക്കുള്ള പങ്ക്, സഭ നേരിടുന്ന പ്രശ്നങ്ങളിൽ കത്തോലിക്ക കോണ്‍ഗ്രസിന്‍റെ ഇടപെടൽ എന്നിവ വ്യക്തമാക്കി മാനന്തവാടി രൂപത മെത്രാൻ മാർ ജോസ് പൊരുന്നേടം പുറപ്പെടുവിച്ച ഇടയലേഖനം ഇടവകകളിൽ വിശുദ്ധ കുർബാനമധ്യേ വായിച്ചു. കത്തോലിക്ക കോണ്‍ഗ്രസ് യൂണിറ്റ് കണ്‍വൻഷനുകൾ ചേർന്നു. സമുദായ മുന്നേറ്റത്തിൽ കത്തോലിക്ക കോണ്‍ഗ്രസിന്‍റെ പ്രസക്തി എന്ന വിഷയത്തിൽ ചർച്ചയും ജെ.ബി. കോശി കമ്മീഷൻ റിപ്പോർട്ടിന്‍റെ പ്രാധാന്യത്തിൽ സംവാദവും നടത്തി. ഉച്ചയ്ക്കുശേഷം ഫൊറോനതലത്തിൽ കണ്‍വൻഷൻ ചേർന്നു. സമുദായം നേരിടുന്ന രാഷ്ട്രീയ-സാമൂഹിക അവഗണന, കാർഷിക മേഖലയിലെ പ്രതിസന്ധി, വന്യമൃഗശല്യം, ഇഎസ്എ, പട്ടയപ്രശ്നം, ജെ.ബി. കോശി കമ്മീഷൻ റിപ്പോർട്ട്, രാഷ്‌ട്രീയ നിലപാടുകൾ, ത്രിതല പഞ്ചായത്ത് തെരഞ്ഞെടുപ്പ് എന്നീ വിഷയങ്ങൾ ചർച്ച ചെയ്തു. മുള്ളൻകൊല്ലി സെന്‍റ് മേരീസ് ഫൊറോന ദേവാലയത്തിൽ ദിനാഘോഷം എകെസിസി ഫൊറോന പ്രസിഡന്‍റ് സുനിൽ പാലമറ്റം പതാക ഉയർത്തി ഉദ്ഘാടനം ചെയ്തു. വികാരി ഫാ. ജസ്റ്റിൻ മൂന്നനാൽ മുഖ്യപ്രഭാഷണം നടത്തി. ഫാ. റിജോസ്, ബീന കരുമാംകുന്നേൽ, ടോമി വണ്ടന്നൂർ, ആന്‍റണി മങ്കടപ്ര, ജസ്റ്റസ് തൈപ്പറന്പിൽ, റെൽജു മിറ്റത്താനി, തോമാച്ചൻ കടുപ്പിൽ, ജോസ് തൊട്ടിയിൽ, ബെന്നി കോട്ടുപള്ളി, ജോയൻ പറയുംനിലം എന്നിവർ പ്രസംഗിച്ചു. കൽപ്പറ്റ ഡിപോൾ ഫൊറോന പള്ളിയിൽ വികാരി ഫാ. മാത്യു പെരിയപ്പുറം പതാക ഉയർത്തി. ഡിപോൾ സ്കൂൾ ഹാളിൽ ചേർന്ന കണ്‍വൻഷൻ എകെസിസി രൂപത പ്രസിഡന്‍റ് ജോണ്‍സണ്‍ തൊഴുത്തുങ്കൽ ഉദ്ഘാടനം ചെയ്തു. ഫൊറോന പ്രസിഡന്‍റ് സജി ഫിലിപ്പ് അധ്യക്ഷത വഹിച്ചു. ഡിപോൾ പള്ളി അസി. വികാരി ഫാ. കിരണ്‍ ആമുഖപ്രഭാഷണവും എകെസിസി മേഖലാ ഡയറക്ടർ ഫാ. ടോമി പുത്തൻപുരയ്ക്കൽ മുഖ്യപ്രഭാഷണവും നടത്തി. എകെസിസി രൂപത സെക്രട്ടറി ജോണ്‍സണ്‍ കാവുംപാടത്ത്, ഷിബിൻ കാഞ്ഞിരത്തിങ്കൽ എന്നിവർ പ്രസംഗിച്ചു. കരാട്ടെ അസോസിയേഷൻ ജില്ലാ പ്രസിഡന്‍റ് ഗ്രിഗറി മണവാളൻ, ആർട്ടിഫിഷ്യൽ ഇന്‍റലിജൻസിൽ പിഎച്ച്ഡി നേടിയ ഡോ. അശ്വിൻ പോൾ എന്നിവരെ ആദരിച്ചു. വൈത്തിരി സെന്‍റ് മേരീസ് ഇടവകയിൽ എകെസിസി പ്രസിഡന്‍റ് കുര്യൻ തോലംമാക്കിയിൽ പതാക ഉയർത്തി. വിശുദ്ധകുർബാനയ്ക്കുശേഷം നടന്ന സമ്മേളനത്തിൽ വികാരി ഫാ. ടോമി പുത്തൻപുരയ്ക്കൽ ആമുഖപ്രഭാഷണം നടത്തി. എകെസിസി വൈസ് പ്രസിഡന്‍റ് ഡെന്നിസ് കണ്ണന്പുഴ പ്രസംഗിച്ചു. മാത്മാറ്റിക്സിൽ പിഎച്ച്ഡി നേടിയ ഷൈനി പൈനാടത്ത്, കരാട്ടെ അസോസിയേഷൻ ജില്ലാ പ്രസിഡന്‍റ് ഗ്രിഗറി മണവാളൻ, ലോഗോസ് ക്വിസ് പരീക്ഷയിൽ മാനന്തവാടി രൂപതയിൽ ഒന്നാം സ്ഥാനം നേടിയ അന്നമ്മ പുതിയകുന്നേൽ എന്നിവരെ ആദരിച്ചു. ഇവർക്കുള്ള മെമന്‍റോ നിതിൻ ഉതിമൂട്ടിൽ, ബിജു തെക്കേകുന്നത്ത്, ബിനോജ് വെള്ളത്താനത്ത് എന്നിവർ കൈമാറി. ചെന്നലോട് സെന്‍റ് സെബാസ്റ്റ്യൻസ് പള്ളിയിൽ കത്തോലിക്ക കോണ്‍ഗ്രസ് രൂപത ഡയറക്ടർ ഫാ. ജോബി മുക്കാട്ടുകാവുങ്കൽ പതാക ഉയർത്തി. സമുദായ നേതാക്കളെ ആദരിച്ചു.

കുളന്പുരോഗ പ്രതിരോധ കുത്തിവയ്പ്പ് കാന്പയിൻ തുടങ്ങി

പുൽപ്പള്ളി: മൃഗസംരക്ഷണ വകുപ്പ് സംസ്ഥാന വ്യാപകമായി നടപ്പാക്കുന്ന ആറാംഘട്ട ദേശീയ കുളന്പുരോഗ പ്രതിരോധ കുത്തിവയ്പ് കാന്പയിനിന്‍റെ പഞ്ചായത്തുതല ഉദ്ഘാടനം മൃഗാശുപത്രിയിൽ പ്രസിഡന്‍റ് ടി.എസ്. ദിലീപ് കുമാർ നിർവഹിച്ചു. പഞ്ചായത്തംഗം ഉഷ ബേബി അധ്യക്ഷത വഹിച്ചു. സീനിയർ വെറ്ററിനറി സർജൻ ഡോ.കെ.എസ്. പ്രേമൻ, അസിസ്റ്റന്‍റ് ഫീൽഡ് ഓഫീസർ എ.കെ. രമേശൻ, സി.ഡി. റോഷ്ന, പി.കെ. ബിന്ദു, ബിനോയി ജയിംസ്, എം.ആർ. ബിന്ദു, ജ്യോതി രാജു, കെ. അനൂപ്, പി.ഇ. ബാബു, ഒ. ബേബി, പി.ആർ. സന്തോഷ്കുമാർ, പി.ജെ. മാത്യു, സിജി സാബു, പി. ശ്യാമപ്രസാദ്, അരുണ്‍ ബെന്നി തുടങ്ങിയവർ ക്യാന്പുകൾക്കു നേതൃത്വം നൽകി. 23ന് അവസാനിക്കുന്ന രീതിയിൽ 18 പ്രവൃത്തി ദിവസങ്ങളിലായാണ് വാക്സിനേഷൻ ക്യാന്പുകൾ ക്രമീകരിച്ചിരിക്കുന്നത്. പഞ്ചായത്തിൽ ആറ് വാക്സിനേഷൻ സ്ക്വാഡുകൾ പ്രതിരോധ പ്രവർത്തനങ്ങളിൽ പങ്കാളികളാകും. 2019ലെ സെൻസസ് പ്രകാരം 6,600ഓളം പശുക്കളും പോത്തുകളുമാണ് പഞ്ചായത്തിലുള്ളത്.

സാഹിത്യ സംവാദം സംഘടിപ്പിച്ചു

മാനന്തവാടി: ജില്ലാ ലൈബ്രറി കൗണ്‍സിൽ വികസന പദ്ധതിയുടെ ഭാഗമായി മാനന്തവാടി ഗവണ്‍മെന്‍റ് കോളജിൽ ന്ധക്യാന്പസ് വായനയിലേക്ക്ന്ധ യുവ സാഹിത്യ സംവാദം സംഘടിപ്പിച്ചു. വിദ്യാർഥികൾക്കായി നടത്തിയ സാഹിത്യ സംവാദം സാഹിത്യ കാരൻ കെ.ഇ.എൻ. ഉദ്ഘാടനം ചെയ്തു. വായനയും ജീവിതവും, കഥ ഇന്ന്, കവിതയുടെ പുതുമകൾ എന്നീ വിഷയങ്ങളിൽ ഡോ. മിനി പ്രസാദ്, കവി വീരാൻകുട്ടി തുടങ്ങിയവർ ക്ലാസെടുത്തു. ജില്ലാ ലൈബ്രറി കൗണ്‍സിൽ പ്രസിഡന്‍റ് ടി.ബി. സുരേഷ്, സെക്രട്ടറി പി.കെ. സുധീർ, പി.ടി. സുഗതൻ, പി.കെ. സത്താർ, മുസ്തഫ ദ്വാരക തുടങ്ങിയവർ പ്രസംഗിച്ചു.

കേരളത്തിലെ ആദ്യത്തെ റോബോട്ടിക് ഫിസിയോ തെറാപ്പി ഉപകരണങ്ങളുടെ ഉദ്ഘാടനം പ്രിയങ്കഗാന്ധി നിർവഹിക്കും

കൽപ്പറ്റ: വിവിധ പരിപാടികളിൽ പങ്കെടുക്കുന്നതിനായി പ്രിയങ്കാഗാന്ധി എംപി ഇന്ന് വയനാട്ടിലെത്തും. വൈകുന്നേരം നാലോടെ സുൽത്താൻ ബത്തേരിയിലെത്തുന്ന പ്രിയങ്കാഗാന്ധി വയനാട് വൈൽഡ് ലൈഫ് ഡിവിഷന് എംപിയുടെ പ്രാദേശിക വികസന ഫണ്ടിൽ തുക വകയിരുത്തി അനുവദിച്ച ആംബുലൻസിന്‍റെ താക്കോൽ കൈമാറ്റ ചടങ്ങിൽ പങ്കെടുക്കും. നേരത്തെ ജില്ലയിലെത്തിയപ്പോൾ പ്രിയങ്കാഗാന്ധി ഫോറസ്റ്റ് ഉദ്യോഗസ്ഥരുടെ യോഗം വിളിച്ചുചേർത്തിരുന്നു. ആ യോഗത്തിൽ ഉദ്യോഗസ്ഥർ മുന്നോട്ടുവെച്ച പ്രധാന ആവശ്യങ്ങളിലൊന്നായിരുന്നു പരിക്കുപറ്റിയ വന്യമൃഗങ്ങളെ ഉൾപ്പെടെ കൊണ്ടുപോകുന്നതിനായി ആംബുലൻസ് അനുവദിക്കണമെന്നത്. പിന്നീട് എംപിയുടെ പ്രാദേശിക വികസനഫണ്ടിൽ നിന്നും 15 ലക്ഷം രൂപ വകയിരുത്തി ആംബുലൻസ് ലഭ്യമാക്കുകയായിരുന്നു. രാഹുൽഗാന്ധി എംപിയായിരുന്ന സമയത്ത് സമാനആവശ്യത്തിനായി സൗത്ത് വയനാട് ഡിവിഷനും വെറ്ററിനറി ഡിപ്പാർട്ടുമെന്‍റിനും ആംബുലൻസ് അനുവദിച്ചിരുന്നു. ആംബുലൻസിന്‍റെ താക്കോൽ എംപി വൈൽഡ് ലൈഫ് വാർഡൻ വരുണ്‍ ദാലിയക്ക് കൈമാറും. ഐ.സി. ബാലകൃഷ്ണൻ എംഎൽഎ അധ്യക്ഷത വഹിക്കുന്ന ചടങ്ങിൽ എസിഎഫ് സജ്ന കരീം ഉൾപ്പെടെയുള്ളവർ പങ്കെടുക്കും. നാലരയോടെ നൂൽപ്പുഴ കുടുംബാംരോഗ്യ കേന്ദ്രത്തിന് പ്രാദേശിക വികസനഫണ്ടിൽ നിന്നും ലഭ്യമാക്കിയ മൊബൈൽ ഡിസ്പെൻസറി വാഹനത്തിന്‍റെ താക്കോൽദാനവും രാഹുൽഗാന്ധി എംപിയുടെ പ്രാദേശിക വികസനഫണ്ടിൽ നിന്നും അനുവദിച്ച റോബോട്ടിക് ഫിസിയോ തെറാപ്പി ഉപകരണങ്ങളുടെ ഉദ്ഘാടനവും എംപി നിർവഹിക്കും. മൊബൈൽ ഡിസ്പെൻസറി വാഹനത്തിനായി എംപിയുടെ പ്രാദേശിക വികസനഫണ്ടിൽ നിന്നും 18 ലക്ഷം രൂപയാണ് വകയിരുത്തിയത്. യൂണിറ്റിൽ കൂടുതൽ സൗകര്യങ്ങൾ ഏർപ്പെടുത്തുന്നതിന്‍റെ ഭാഗമായി ഉപകരണങ്ങൾ വാങ്ങുന്നതിനായി രാഹുൽഗാന്ധി എം പി പ്രാദേശിക വികസനഫണ്ടിൽ നിന്നും 10 ലക്ഷം രൂപ അനുവദിച്ചിരുന്നു. ഇതുപ്രകാരമുള്ള റോബോട്ടിക് ഫിസിയോതെറാപ്പി ഉപകരണങ്ങളുടെ ഉദ്ഘാടനവും പ്രിയങ്കാഗാന്ധി നിർവഹിക്കും. നാളെ ഉച്ചക്ക് 12.45ഓടെ കൽപ്പറ്റയിൽ പുതിയതായി ആരംഭിച്ച പാസ്പോർട്ട് സേവാകേന്ദ്രം സന്ദർശിച്ച ശേഷമായിരിക്കും എംപി ജില്ലയിൽ നിന്നും മടങ്ങുക.

ചീരാലിനെ മേപ്പാടി ഫോറസ്റ്റ് റേഞ്ചിലേക്ക് മാറ്റിയത് അനീതി: സിപിഐ

സുൽത്താൻ ബത്തേരി: ചീരാൽ പ്രദേശം വയനാട് വന്യജീവി സങ്കേതത്തിലെ മുത്തങ്ങ റേഞ്ചിൽനിന്നു മാറ്റി സൗത്ത് വയനാട് വനം ഡിവിഷനിലെ മേപ്പാടി റേഞ്ചിൽ ഉൾപ്പെടുത്തിയത് അനീതിയാണെന്ന് സിപിഐ ചീരാൽ ലോക്കൽ കമ്മിറ്റി ആരോപിച്ചു. ചീരാലിൽനിന്നു ഏകദേശം 40 കിലോമീറ്റർ അകലെയാണ് മേപ്പാടി. ചീരാലിൽ വന്യമൃഗങ്ങൾ ഇറങ്ങിയാൽ തുടർ നടപടികൾക്ക് മേപ്പാടിയിൽനിന്നു ഉദ്യോഗസ്ഥർ എത്തേണ്ട സ്ഥിതിയാണ്. നടപടി പുനഃപരിശോധിക്കാൻ വനം വകുപ്പ് തയാറാകണം. രണ്ടാഴ്ചയായി ചീരാലിൽ വിവിധ ഭാഗങ്ങളിലായി അഞ്ച് വളർത്തുമൃഗങ്ങളെ ആക്രമിച്ച പുലിയെ പിടിക്കുന്നതിൽ വനം വകുപ്പ് ഉദാസീനത കാട്ടുകയാണെന്ന് യോഗം കുറ്റപ്പെടുത്തി. പുലിയെ പിടിക്കാനായില്ലെങ്കിൽ വെടിവച്ച് കൊല്ലണമെന്ന് ആവശ്യപ്പെട്ടു. പി.ഇ. മോഹനൻ അധ്യക്ഷത വഹിച്ചു. ജില്ലാ അസിസ്റ്റന്‍റ് സെക്രട്ടറി പി. എം. ജോയ്, ലോക്കൽ സെക്രട്ടറി വിൻസന്‍റ് പുത്തേട്ട്, ഇ.സി. അനീഷ്കുമാർ, ലെനിൻ സ്റ്റീഫൻ, എൻ.ആർ. രമേശ്, ചന്ദ്രൻ മാഞ്ചേരി, കെ. രവി എന്നിവർ പ്രസംഗിച്ചു.

കഞ്ചാവും ചരസുമായി ബംഗാൾ സ്വദേശി പിടിയിൽ

സുൽത്താൻ ബത്തേരി: കഞ്ചാവും ചരസുമായി ബംഗാൾ സ്വദേശി പിടിയിലായി. വെസ്റ്റ് ബംഗാൾ കൊൽക്കത്ത സ്വദേശിയായ റാം പ്രസാദ് ദത്ത് (30) ആണ് പിടിയിലായത്. മുത്തങ്ങ തകരപ്പാടിയിൽ ജില്ലാ ലഹരി വിരുദ്ധ സ്ക്വാഡും ബത്തേരി പോലീസും സംയുക്തമായി നടത്തിയ പരിശോധനയിലാണ് ഇയാൾ പിടിയിലാകുന്നത്. ബത്തേരി ഭാഗത്തേക്ക് കഐ 04 എംഎക്സ് 1794 നന്പർ കാറിൽ സഞ്ചരിച്ച ഇയാളെ പരിശോധിച്ചപ്പോഴാണ് കൈവശമുണ്ടായിരുന്ന വാലറ്റ് ബാഗിൽ നിന്ന് 5.51 ഗ്രാം ചരസും 3.16 ഗ്രാം കഞ്ചാവും കണ്ടെടുത്തത്. സബ് ഇൻസ്പെക്ടർ കെ.കെ. സോബിന്‍റെ നേതൃത്വത്തിൽ പ്രൊബേഷനറി എസ്ഐ മുഹമ്മദ് സുഹൈൽ, സിവിൽ പോലീസ് ഓഫീസർമാരായ ഡോണിത്ത്, കെ.കെ. അനിൽ, സുജാത തുടങ്ങിയവരും ജില്ലാ ലഹരിവിരുദ്ധ സ്ക്വാഡും ചേർന്നാണ് ഇയാളെ പിടികൂടിയത്.

മരം റോഡിൽ വീണ് ഗതാഗത തടസം

കാട്ടിക്കുളം: തിരുനെല്ലി റോഡിലെ അപ്പപ്പാറ ഫോറസ്റ്റ് സ്റ്റേഷനു സമീപം മരം വൈദ്യുത ലൈനിലേക്കും റോഡിലേക്കും മറിഞ്ഞു. ഇത് മണിക്കൂറിലേറെ ഗതാഗത തടസത്തിനും വൈദ്യുതി മുടക്കത്തിനും കാരണമായി. വെള്ളിയാഴ്ച രാത്രി പത്തരയോടെയാണ് മരം വീണത്. മാനന്തവാടി നിലയം സീനിയർ ഫയർ ആൻഡ് റെസ്ക്യൂ ഓഫീസർ ഒ.ജി. പ്രഭാകരൻ, എഫ്ആർഒമാരായ കെ.എ. സനൂപ്, പി.കെ. രാജേഷ്, ടി. ബിനീഷ് ബേബി, പി.ഡി. അനുറാം, ജെ. ജോയിസണ്‍, ഹോംഗാർഡ് വി.ജി. രൂപേഷ് എന്നിവരുടെ നേതൃത്വത്തിലാണ് മരം മുറിച്ചുനീക്കി ഗതാഗത തടസം ഒഴിവാക്കിയത്.

ബസ് സർവീസുകൾ റദ്ദ് ചെയ്യുന്നത് അവസാനിപ്പിക്കണം: കോണ്‍ഗ്രസ്

തലപ്പുഴ: സർവീസുകൾ റദ്ദുചെയ്യുന്നത് അവസാനിപ്പിക്കണമെന്ന് കോണ്‍ഗ്രസ് തലപ്പുഴ മണ്ഡലം കമ്മിറ്റി കഐസ്ആർടിസി അധികൃതരോട് ആവശ്യപ്പെട്ടു. മുന്നറിയിപ്പില്ലാതെ സർവീസുകൾ കാൻസൽ ചെയ്യുന്നത് കോർപറേഷൻ അധികാരികൾ തുടരുകയാണ്. ഇത് യാത്രക്കാർക്ക് വലിയ പ്രയാസം സൃഷ്ടിക്കുന്നതായി യോഗം ചൂണ്ടിക്കാട്ടി. ഡിസിസി ജനറൽ സെക്രട്ടറി എം.ജി. ബിജു യോഗം ഉദ്ഘാടനം ചെയ്തു. കെ.വി. ജോണ്‍സണ്‍ അധ്യക്ഷത വഹിച്ചു. തവിഞ്ഞാൽ പഞ്ചായത്ത് പ്രസിഡന്‍റ് എൽസി ജോയി, ജോസ് പാറക്കൽ, ജോസ് കൈനിക്കുന്നേൽ, വിപിൻചന്ദ്രൻ, മീനാക്ഷി രാമൻ, അസീസ് വാളാട്, ലൈജി തോമസ്, സാദിഖ് ചുങ്കം, ഏബ്രഹാം ആനച്ചാൽ എന്നിവർ പ്രസംഗിച്ചു.

പടിഞ്ഞാറത്തറ-പൂഴിത്തോട് റോഡ്: രാവുണർത്തൽ മാർച്ച് നടത്തി

പടിഞ്ഞാറത്തറ: പടിഞ്ഞാറത്തറ-പൂഴിത്തോട് ചുരം ബദൽ പാത യാഥാർഥ്യമാക്കണമെന്ന് ആവശ്യപ്പെട്ട് ജനകീയ കർമസമിതി രാവുണർത്തൽ മാർച്ച് നടത്തി. ടൗണിലെ സമരപ്പന്തലിൽ ആരംഭിച്ച മാർച്ച് മൂന്നര കിലോമീറ്റർ അകലെ പന്തിപ്പൊയിലിൽ പോലീസ് തടഞ്ഞു. സ്ത്രീകളടക്കം നൂറുകണക്കിനാളുകൾ മാർച്ചിൽ അണിനിരന്നു. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. പഞ്ചായത്ത് അംഗങ്ങളായ റഷീദ് വാഴയിൽ, യു.എസ്. സജി, കർമ സമിതി കോ ഓർഡിനേറ്റർ കമൽ ജോസഫ്, സാജൻ തുണ്ടിയിൽ, യു.സി. ഹുസൈൻ, അഷ്റഫ് കുറ്റിയിൽ, ശകുന്തള ഷണ്‍മുഖൻ,സി.കെ. ആലികുട്ടി, അസീസ് കളത്തിൽ, ഇ.പി. ഫിലിപ്പുകുട്ടി, ഫാ.ജോജോ കുടകച്ചിറ, ഫാ.വിനോദ്, സെയ്ത സഖാഫി, ബിനു വീട്ടിക്കമൂല, കെ. ഷമീർ, പി. ഉലഹന്നാൻ, വി.കെ. പ്രകാശൻ, എം. ബെന്നി, എ. അന്ത്രു ഹാജി, എം.പി. സുകുമാരൻ, കെ. നാസർ, കെ. ഹംസ, പി.കെ. നാസർ, പോൾസണ്‍ കൂവക്കൽ എന്നിവർ പ്രസംഗിച്ചു. റോഡ് വിഷയത്തിൽ ജനകീയ കർമസമിതി നടത്തുന്ന അനിശ്ചിതകാല റിലേ സത്യഗ്രഹം 850 ദിവസം പിന്നിട്ട ദിവസമാണ് രാവുണർത്തൽ മാർച്ച് സംഘടിപ്പിച്ചത്.

അരപ്പറ്റ സിഎംഎസ് സ്കൂളിൽ പ്ലാറ്റിനം ജൂബിലി ആഘോഷം നാളെ

കൽപ്പറ്റ: മൂപ്പൈനാട് അരപ്പറ്റ സിഎംഎസ് ഹയർ സെക്കൻഡറി സ്കൂളിൽ പ്ലാറ്റിനം ജൂബിലി ആഘോഷം സാർഥകം-2025 എന്നി പേരിൽ നാളെ നടത്തുമെന്ന് സ്വാഗതസംഘം ഭാരവാഹികളായ പി.കെ. ലത്തീഫ്, എം. അറുമുഖൻ, എസ്.എം. റാസിക്, പി.എം. രാജേഷ്, പി.പി. അബ്ദുറഹ്മാൻ, എ.കെ. റഫീഖ് എന്നിവർ വാർത്താസമ്മേളനത്തിൽ അറിയിച്ചു. പൂർവ വിദ്യാർഥി-അധ്യാപക സംഗമം, അധ്യാപകരെ ആദരിക്കൽ, സമൂഹസദ്യ, കലാപരിപാടികൾ, സാംസ്കാരിക സമ്മേളനം, ഗാനമേള എന്നിവ ആഘോഷത്തിന്‍റെ ഭാഗമാണ്. പൂർവ വിദ്യാർഥി-അധ്യാപക സംഗമം രാവിലെ ഒന്പതിന് മൂപ്പൈനാട് പഞ്ചായത്ത് പ്രസിഡന്‍റ് ആർ. ഉണ്ണിക്കൃഷ്ണൻ ഉദ്ഘാടനം ചെയ്യും. വൈകുന്നേരം അഞ്ചിന് സാംസ്കാരിക സമ്മേളനം ഉദ്ഘാടനം ടി. സിദ്ദിഖ് എംഎൽഎ നിർവഹിക്കും. സ്വാഗതസംഘം ചെയർമാൻ പി.കെ. ലത്തീഫ് അധ്യക്ഷത വഹിക്കും. രാത്രി എട്ടിന് ഗാനമേള ആരംഭിക്കും. മലയാളം പ്ലാന്േ‍റഷൻസ് കന്പനി ലഭ്യമാക്കിയ സ്ഥലത്ത് 1950ൽ മദ്രാസ് സർക്കാരിന്‍റെ അംഗീകാരത്തോടെ ചർച്ച് ഓഫ് സൗത്ത് ഇന്ത്യ ആരംഭിച്ചതാണ് അരപ്പറ്റയിലെ വിദ്യാലയം. 1976ലാണ് യുപിയായി ഉയർത്തിയത്. 1983ൽ ഹൈസ്കൂളും 2009ൽ ഹയർ സെക്കൻഡറി സ്കൂളുമായി. മൂപ്പൈനാട് പഞ്ചായത്തിലെ ഏക ഹയർ സെക്കൻഡറി സ്കൂളാണിത്. എൽപി മുതൽ വിഭാഗങ്ങളിലായി നിലവിൽ 1,200 പഠിതാക്കളും 56 അധ്യാപക-അധധ്യാപക ജീവനക്കാരുമുണ്ട്. തോട്ടം തൊഴിലാളികളുടെയും പട്ടിക വിഭാഗങ്ങളിൽപ്പെട്ടവരുടെയും മക്കളാണ് വിദ്യാർഥികളിൽ അധികവും.

ചീക്കല്ലൂർ ദർശന ലൈബ്രറിയിൽ വാർഷികാഘോഷം ഇന്ന്

കൽപ്പറ്റ: കണിയാന്പറ്റ ചീക്കല്ലൂർ ദർശന ലൈബറി 17-ാമത് വാർഷികം ഇന്ന് ആഘോഷിക്കുമെന്ന് സംഘാടക സമിതി ഭാരവാഹികളായ എം. ശിവൻപിള്ള, പി. ബിജു, എം. ദേവകുമാർ, ടി.വി. സുരേഷ്, പി. അശോകൻ എന്നിവർ വാർത്താസമ്മേളനത്തിൽ അറിയിച്ചു. വൈകുന്നേരം 4.30ന് കൂടോത്തുമ്മൽ ടൗണിൽ ആരംഭിച്ച് ചീക്കല്ലൂർ ഗവ.എൽപി സ്കൂൾ അങ്കണത്തിൽ സമാപിക്കുന്ന ഘോഷയാത്രയോടെയാണ് പരിപാടികൾക്കു തുടക്കം. ആറിന് ചേരുന്ന സാംസ്കാരിക സമ്മേളനം പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു ഉദ്ഘാടനം ചെയ്യും. സംഘാടക സമിതി ചെയർമാൻ എ.വി. സുജേഷ്കുമാർ അധ്യക്ഷത വഹിക്കും. ടി. സിദ്ദിഖ് എംഎൽഎ വിശിഷ്ടാതിഥിയാകും. ജില്ലാ പഞ്ചായത്ത് പ്രസിഡന്‍റ് സംഷാദ് മരയ്ക്കാർ മുഖ്യപ്രഭാഷണം നടത്തും. ജില്ലാ ലൈബ്രറി കൗണ്‍സിൽ സെക്രട്ടറി പി.കെ. സുധീർ പ്രതിഭകളെ ആദരിക്കും. കണിയാന്പറ്റ പഞ്ചായത്ത് പ്രസിഡന്‍റ് കെ.വി. രജിത ഹരിത ഗ്രന്ഥാലയം പുരസ്കാര വിതരണം ചെയ്യും.

ലഹരി വിരുദ്ധ ബോധവത്കരണം സമാപിച്ചു

പുൽപ്പള്ളി: വൈഎംസിഎ, ബംഗളൂരു ധർമാരാം സിഎംഐ ബ്രദേഴ്സ്, വ്യാപാരി വ്യവസായി യൂത്ത്വിംഗ് എന്നിവയുടെ സഹകരണത്തോടെ മാനന്തവാടി രൂപത മുള്ളൻകൊല്ലി മേഖലാ മാതൃവേദി പുൽപ്പള്ളി, മുള്ളൻക്കൊല്ലി, പൂതാടി പഞ്ചായത്തുകളിൽ സംഘടിപ്പിച്ച ദ്വിദിന ലഹരിവിരുദ്ധ ബോധവത്കരണം സമാപിച്ചു. ബോധവത്കരണത്തിന്‍റെ ഭാഗമായി വിവിധ ഇടങ്ങളിൽ തെരുവുനാടകവും ഫ്ളാഷ്മോബും അവതരിപ്പിച്ചു. സമാപന സമ്മേളനം പഞ്ചായത്ത് പ്രസിഡന്‍റ് ടി.എസ്. ദിലീപ്കുമാർ ഉദ്ഘാടനം ചെയ്തു. ഫാ.ബിജു മാവറ അധ്യക്ഷത വഹിച്ചു. മുള്ളൻകൊല്ലി പഞ്ചായത്ത് പ്രസിഡന്‍റ് പി.കെ. വിജയൻ, മാത്യു മത്തായി ആതിര, വിജയൻ കുടിലിൽ, ജോസ് പള്ളത്ത്, അജീഷ്, ഫാ.ഷിന്േ‍റാ സിഎംഐ, സിൽവി ജോയി, സി.കെ. ജോർജ്, ലിയോ പള്ളത്ത് എന്നിവർ പ്രസംഗിച്ചു.

ഗ്രാമീണ റോഡുകൾ ഉന്നതികളിൽ എത്തുന്ന തരത്തിൽ പിഎംജിഎസ്‌വൈ മാർഗരേഖ മാറ്റണം: പ്രിയങ്ക ഗാന്ധി

കൽപ്പറ്റ: വയനാട് മണ്ഡലത്തിലെ ഗ്രാമീണ റോഡുകൾ ഉന്നതികളെ ബന്ധിപ്പിക്കുന്ന രീതിയിലാക്കുന്നതിന് പിഎംജിഎസ് വൈ മാർഗരേഖയിൽ മാറ്റം വരുത്തണമെന്ന് ആവശ്യപ്പെട്ടും പ്രധാനമന്ത്രി കൃഷി വികാസ് യോജനയിലെ ന്യൂനതകൾ ചൂണ്ടിക്കാണിച്ചും കേന്ദ്ര ഗ്രാമ വികസന-കൃഷി മന്ത്രി ശിവരാജ്സിംഗ് ചൗഹാന് പ്രിയങ്ക ഗാന്ധി എംപി കത്തയച്ചു. മണ്ഡലത്തിലെ പട്ടികവർഗ ഉന്നതികളിലുള്ളവർ അനുഭവിക്കുന്ന ഏറ്റവും വലിയ പ്രശ്നം അടിസ്ഥാന സൗകര്യ വികസനത്തിലെ പോരായ്മകളാണ്. അടിസ്ഥാന സൗകര്യ വികസനം സാധ്യമാകുന്നതിന് ഉന്നതികളെ പട്ടണവുമായി ബന്ധിപ്പിക്കുന്ന റോഡുകൾ ആവശ്യമാണ്. കാടിനകത്തുള്ള ഉന്നതികളിലെ തൊഴിൽ ലഭ്യത, വിദ്യാലയങ്ങളിൽനിന്നു പട്ടികവർഗ വിദ്യാർഥികളുടെ കൊഴിഞ്ഞുപോക്ക് തടയൽ, വന്യമൃഗശല്യ പ്രതിരോധം എന്നിവയ്ക്ക് റോഡ് സൗകര്യക്കുറവ് വെല്ലുവിളിയാകുന്നുണ്ട്. ആസ്പിരേഷണൽ ജില്ലകളിലെ സാമൂഹിക-സാന്പത്തിക സാഹചര്യങ്ങൾ മെച്ചപ്പെടുത്തുന്നതിനുള്ള പദ്ധതികളിൽ ആദിവാസി സമൂഹം കൂടുതൽ താമസിക്കുന്ന ഗ്രാമങ്ങൾക്ക് മുൻഗണന നൽകണമെന്നുണ്ട്. എന്നാൽ പിഎംജിഎസ് വൈ-4 മാർഗനിർദേശങ്ങൾ അനുസരിച്ച് 500നു മേൽ ജനസംഖ്യയും അതിൽ 50 ശതമാനം ആദിവാസികളും താമസിക്കുന്ന ഗ്രാമങ്ങൾക്കാണ് ഇതിന്‍റെ പ്രയോജനം ലഭിക്കുന്നത്. കാടിനകത്തുള്ളതിൽ പലതും നൂറിൽ താഴെ മാത്രം ജനസംഖ്യയുള്ള ഉന്നതികളാണ്. മണ്ഡലത്തിന്‍റെ പ്രത്യേക സാമൂഹിക-സാന്പത്തിക വെല്ലുവിളികൾ പരിഗണിച്ച് മാർഗനിദേശത്തിൽ ആവശ്യമായ മാറ്റം വരുത്തണം. പ്രധാനമന്ത്രി ഗ്രാമീണ സഡക് യോജനയിൽ ഉൾപ്പെടുത്തിയ വെള്ളമുണ്ട-പുളിഞ്ഞാൽ റോഡിന്‍റെയും അച്ചൂർ പാലത്തിന്‍റെയും നിർമാണത്തിൽ കാലതാമസം ഉണ്ടാകുകയാണ്. വിഷയത്തിൽ മന്ത്രി ഇടപെടണം. പ്രധാനമന്ത്രി കൃഷി വികാസ് യോജനയിൽ ചെറുകിട കർഷകർക്ക് സ്പ്രിഗ്ളർ ഇറിഗേഷൻ സൗകര്യം ഒരുക്കുന്നതിന് പ്രത്യേക പരിഗണന നൽകി അധിക സാന്പത്തിക സഹായം അനുവദിക്കണമെന്നും കത്തിൽ ആവശ്യപ്പെട്ടു.

ജില്ലയിലെ ചെക്ക് ഡാമുകളുടെ പ്രവർത്തനക്ഷമത പരിശോധിക്കും

കൽപ്പറ്റ: ജില്ലയിൽ കൃഷിയാവശ്യങ്ങൾക്കായി നിർമിച്ച ജലസേചന പദ്ധതികളുടെ പ്രവർത്തനക്ഷമത പരിശോധിക്കുമെന്ന് ജില്ലാ വികസന സമിതി യോഗത്തിൽ ജില്ലാ കളക്ടർ ഡി.ആർ. മേഘശ്രീ അറിയിച്ചു. ജില്ലാ കളക്ടറുടെ അധ്യക്ഷതയിൽ കളക്ടറേറ്റ് ആസൂത്ര ഭവൻ എ.പി.ജെ ഹാളിൽ നടന്ന ജില്ലാ വികസന സമിതി യോഗത്തിലാണ് തീരുമാനം. കർഷകർക്ക് കൃത്യമായ ഇടവേളകളിൽ നെൽകൃഷി ചെയ്യാൻ ജലസേചന പദ്ധതി മുഖേന ജല ലഭ്യത ഉറപ്പാക്കാനുള്ള നടപടികൾ വകുപ്പുകൾ നടപ്പാക്കണമെന്ന് യോഗത്തിൽ ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ആവശ്യപ്പെട്ടു. മഴക്കാല മുന്നൊരുക്ക പ്രവർത്തനങ്ങളുടെ ഭാഗമായി പ്രാദേശികതല ജലസ്രോതസുകളിലെ ഗതി പുനഃസ്ഥാപിക്കൽ പ്രവർത്തികൾ പുരോഗമിക്കുന്നുണ്ട്. മഴ ശക്തിമാകുന്നതിന് മുൻപ് അപകട ഭീഷണിയുള്ള മരങ്ങൾ മുറിക്കാൻ ട്രീ കമ്മിറ്റികൾ ചേർന്ന് ആവശ്യമായ നടപടി സ്വീകരിക്കണം. ജില്ലയിൽ ലഹരി വിരുദ്ധ ബോധവത്കരണ പ്രവർത്തനങ്ങളുടെ ഭാഗമായി എക്സൈസ്, പോലീസ്, ആരോഗ്യം, വിദ്യാഭ്യാസം, പഞ്ചായത്ത്, സാമൂഹിക നീതി, പട്ടികവർഗ്ഗ വികസന വകുപ്പ്, കുടുംബശ്രീ തുടങ്ങി വിവിധ വകുപ്പുകളെ സംയോജിപ്പിച്ച് ജനങ്കീയ പങ്കാളിത്തതോടെ ലഹരി വിരുദ്ധ പ്രവർത്തനങ്ങൾക്ക് നേതൃത്വം നൽകും. വന്യജീവി ആക്രമണം വർധിക്കുന്ന സാഹചര്യത്തിൽ ദുരന്തനിവാരണ നിയമപ്രകാരം സ്വകാര്യ എസ്റ്റേറ്റുകളിലെ അടിക്കാട് വെട്ടിനീക്കാൻ നിർദേശിച്ചിട്ടും ചെയ്യാത്തവർക്ക് നോട്ടീസ് നൽകുമെന്നും കഐൽആർ നിയമ പ്രകാരം എസ്റ്റേറ്റ് തോട്ടങ്ങൾ പരിപാലിക്കാതെ കാട് മൂടിയാൽ അത്തരം ഭൂമി സർക്കാരിലേക്ക് ഏറ്റെടുക്കാൻ സാധിക്കും. പരിപാലിക്കാതെ കാട് മൂടിയ രീതിയിൽ കണ്ടെത്തിയ എസ്റ്റേറ്റുകളുടെ വിവരം സർക്കാരിനെ അറിയിക്കുമെന്ന് ജില്ലാ കളക്ടർ അറിയിച്ചു. പട്ടികവർഗ വിദ്യാർഥികളുടെ വിദ്യാഭ്യാസ ഗുണനിലവാരം മെച്ചപ്പെടുത്താനും സ്കൂൾ പ്രവേശനം ഉറപ്പാക്കാനും അധ്യയന വർഷാരംഭത്തിനകം ഉന്നതികൾ കേന്ദ്രീകരിച്ച് ജനകീയ പങ്കാളിത്തതോടെ ഭവന സന്ദർശനം നടത്തുമെന്ന് ജില്ലാ വിദ്യാഭ്യാസ ഡെപ്യൂട്ടി ഡയറക്ടർ അറിയിച്ചു. കുട്ടികളിൽ കൃഷി ആഭിമുഖ്യം വളർത്തി വിഷരഹിത പച്ചക്കറി ലഭ്യമാക്കാൻ സ്കൂളുകളിൽ കൃഷിക്കൂട്ടം നൂതന പദ്ധതി നടപ്പിലാക്കും. പദ്ധതിക്കായി സുൽത്താൻ ബത്തേരി, പനമരം, മാനന്തവാടി, കൽപ്പറ്റ ബ്ലോക്ക് പഞ്ചായത്ത് പരിധികളിലെ നാല് സ്കൂളുകളെ തെരഞ്ഞെടുത്തു. സുൽത്താൻ ബത്തേരി ഗവ. സർവജന സ്കൂൾ, പനമരം ജിഎൽപി സ്കൂൾ, എടവക എഎൻഎം യുപി സ്കൂൾ, വൈത്തിരി പഞ്ചായത്തിലെ സെന്‍റ് ജോസഫ് യുപി സ്കൂളുകളിൽ ജൂണ്‍ മുതൽ പദ്ധതി നടപ്പാക്കുമെന്ന് പ്രിൻസിപ്പൽ അഗ്രികൾച്ചർ ഓഫീസർ അറിയിച്ചു. എ.പി.ജെ ഹാളിൽ ചേർന്ന യോഗത്തിൽ സബ് കളക്ടർ മിസാൽ സാഗർ ഭരത്, പ്ലാനിംഗ് ഓഫീസർ എം. പ്രസാദൻ, വകുപ്പ് മേധാവികൾ, ഉദ്യോഗസ്ഥർ എന്നിവർ പങ്കെടുത്തു.

12 ലിറ്റർ മദ്യവുമായി പിടിയിൽ

സുൽത്താൻ ബത്തേരി: ഓട്ടോറിക്ഷയിൽ കടത്തുകയായിരുന്ന 12 ലിറ്റർ വിദേശമദ്യവുമായി വടുവൻചാൽ വിണ്ണംപറന്പിൽ രവിയെ(43)എക്സൈസ് ഉദ്യോഗസ്ഥർ അറസ്റ്റുചെയ്തു. ഓപ്പറേഷൻ ക്ലീൻ സ്ലേറ്റിന്‍റെ ഭാഗമായി ഇൻസ്പെക്ടർ പി. ബാബുരാജ്, പ്രിവന്‍റീവ് ഓഫീസർ കെ. ജോണി, സിവിൽ എക്സൈസ് ഓഫീസർമാരായ കെ.വി. രാജീവൻ, കെ.എ. അജയ്, കെ.യു. മുഹമ്മദ് നിഷാദ്, പ്രിവന്‍റീവ് ഓഫീസർ ഡ്രൈവർ കെ.കെ. ബാലകൃഷ്ണൻ എന്നിവരടങ്ങുന്ന സംഘം അന്പലവയൽ റോഡിൽ പരിശോധനയിലാണ് മദ്യം കണ്ടെത്തിയത്.

വയനാട് സ്വദേശി ഒന്നാമത്

കൽപ്പറ്റ: എറണാകുളം മഹാരാജാസ് കോളജ് ഗ്രൗണ്ടിൽ കൊച്ചി മാക് ഗ്രൂപ്പ് സംഘടിപ്പിച്ച ഓപ്പണ്‍ നാഷണൽ മാസ്റ്റേഴ്സ് അത്ലറ്റിക് മീറ്റിൽ വയനാട് സ്വദേശിക്ക് രണ്ട് ഇനങ്ങളിൽ ഒന്നാം സ്ഥാനം. റിട്ട.സുബേദാർ ചെന്നലോട് വലിയ നിരപ്പിൽ മാത്യുവാണ് 800 മീറ്റർ, 5,000 മീറ്റർ ഓട്ട മത്സരങ്ങളിൽ ഒന്നാമനായത്. സേനയിൽനിന്നു വിരമിച്ചശേഷം ദീർഘദൂര ഓട്ടത്തിൽ ശ്രദ്ധ കേന്ദ്രീകരിച്ച ഇദ്ദേഹം ഇതിനകം നിരവധി ദേശീയ മത്സരങ്ങളിൽ സമ്മാനിതനായിട്ടുണ്ട്.

ആർ. ശങ്കർ അനുസ്മരണം

കൽപ്പറ്റ: മുഖ്യമന്ത്രിയും കെപിസിസി അധ്യക്ഷനുമായിരുന്ന ആർ. ശങ്കറിനെ അദ്ദേഹത്തിന്‍റെ 116-ാമത് ജൻമവാർഷിക ദിനത്തിൽ ജില്ലാ കോണ്‍ഗ്രസ് കമ്മിറ്റി അനുസ്മരിച്ചു. ഡിസിസി ഓഫീസിൽ പ്രസിഡന്‍റ് എൻ.ഡി. അപ്പച്ചൻ ഉദ്ഘാടനം ചെയ്തു. പി.പി. ആലി, ഒ.വി. അപ്പച്ചൻ, പി. വിനോദ്കുമാർ, പി. ജയപ്രസാദ്, ആയിഷ പള്ളിയാൽ, ഇ.വി. എബ്രഹാം, കെ. ശശികുമാർ, ടി. സതീഷ്കുമാർ എന്നിവർ പ്രസംഗിച്ചു. ആർ. ശങ്കറിന്‍റെ ഛായാചിത്രത്തിൽ നേതാക്കൾ പുഷ്പാർച്ചന നടത്തി.

ലഹരിക്കെതിരേ ബോധവത്കരണ പരിപാടിക്ക് തുടക്കമായി

പുൽപ്പള്ളി: ബംഗളൂരു ധർമ്മാരാം സിഎംഐ വൈദിക വിദ്യാർഥികൾ രണ്ട് ദിവസമായി പുൽപ്പള്ളി, മുള്ളൻകൊല്ലി, പൂതാടി പഞ്ചായത്തുകളിൽ ലഹരിക്കെതിരേ നടത്തിയ ബോധവത്കരണ പരിപാടിയുടെ ഉദ്ഘാടനം എക്സൈസ് അസിസ്റ്റന്‍റ് കമ്മീഷണർ ഷാജി നിർവഹിച്ചു. മാനന്തവാടി രൂപത മുള്ളൻകൊല്ലി മേഖല മാതൃവേദിയുടെയും പുൽപ്പള്ളി വൈഎംസിഎയുടെയും പുൽപ്പള്ളി വ്യാപാരി വ്യവസായി ഏകോപന സമിതി യൂത്ത് വിംഗിന്‍റയും യുവർ നെയ്ബർ അസോസിയേഷന്‍റെയും നേതൃത്വത്തിലായിരുന്നു പരിപാടി. മാനന്തവാടി രൂപത മുള്ളൻകൊല്ലി മേഖല മാതൃവേദി ഡയറക്ടർ ഫാ. ബിജു മാവറ അധ്യക്ഷത വഹിച്ചു. വൈഎംസിഎ പ്രസിഡന്‍റ് സി.കെ. ജോർജ്, വ്യാപാരി വ്യവസായി പ്രസിഡന്‍റ് അജീഷ് കുമാർ, മാതൃവേദി പ്രസിഡന്‍റ് സിൽവി ഏഴുമയിൽ, ഫാ. ജോമി ബംഗളൂരു, ഫാ. പ്രതീഷ്, ലിയോ പള്ളത്, ഷിനോജ് കണ്ണന്പള്ളി എന്നിവർ പ്രസംഗിച്ചു.

മാനന്തവാടി രൂപത സമുദായിക ദിനാഘോഷം നാളെ

കൽപ്പറ്റ: മാനന്തവാടി രൂപത സാമുദായിക ദിനം നാളെ ആഘോഷിക്കും. കത്തോലിക്ക കോണ്‍ഗ്രസ് ജൻമദിനമായ ഏപ്രിൽ 30നുശേഷമുള്ള ഞായറാഴ്ചയാണ് സാമുദായിക ദിനമായി ആഘോഷിക്കുന്നത്. എല്ലാ ഇടവകകളിലും രാവിലെ പതാക ഉയർത്തും. സാമുദായിക ശക്തീകരണത്തിന്‍റെ ആവശ്യകത, പ്രാധാന്യം, സഭയുടെ വളർച്ചയിൽ അല്മായർക്കുള്ള പങ്ക്, സഭ നേരിടുന്ന പ്രശ്നങ്ങളിൽ കത്തോലിക്ക കോണ്‍ഗ്രസിന്‍റെ ഇടപെടൽ എന്നിവ വ്യക്തമാക്കി മാനന്തവാടി രൂപത മെത്രാൻ മാർ ജോസ് പൊരുന്നേടം പുറപ്പെടുവിക്കുന്ന ഇടയലേഖനം എല്ലാ ഇടവകകളിലും വിശുദ്ധ കുർബാനമധ്യേ വായിക്കും. കത്തോലിക്ക കോണ്‍ഗ്രസ് യൂണിറ്റ് കണ്‍വൻഷനുകൾ ചേരും. സാമുദായിക മുന്നേറ്റത്തിൽ കത്തോലിക്ക കോണ്‍ഗ്രസിന്‍റെ പ്രസക്തി എന്ന വിഷയത്തിൽ ചർച്ചയും ജെ.ബി. കോശി കമ്മീഷൻ റിപ്പോർട്ടിന്‍റെ പ്രാധാന്യത്തിൽ സംവാദവും നടത്തും. ഉച്ചയ്ക്കുശേഷം ഫൊറോനതലത്തിൽ സാമുദായിക കണ്‍വൻഷൻ ചേരും. സമുദായം നേരിടുന്ന രാഷ്ട്രീയ- സാമൂഹിക അവഗണന, കാർഷിക മേഖലയിലെ പ്രതിസന്ധി, വന്യമൃഗശല്യം, ഇഎസ്എ, പട്ടയ പ്രശ്നങ്ങൾ, ജെ.ബി. കോശി കമ്മീഷൻ റിപ്പോർട്ട്, രാഷ്ട്രീയ നിലപാടുകൾ, ത്രിതല പഞ്ചായത്ത് തെരഞ്ഞെടുപ്പ് എന്നീ വിഷയങ്ങൾ ചർച്ച ചെയ്യും. ദിനാഘോഷ ആലോചനായോഗം കത്തോലിക്ക കോണ്‍ഗ്രസ് രൂപത ഡയറക്ടർ ഫാ.ജോബി മുക്കാട്ടു കാവുങ്കൽ ഉദ്ഘാടനം ചെയ്തു. പ്രസിഡന്‍റ് ജോണ്‍സണ്‍ തൊഴുത്തുങ്കൽ അധ്യക്ഷത വഹിച്ചു. ജനറൽ സെക്രട്ടറി സെബാസ്റ്റ്യൻ പുരയ്ക്കൽ, സജി ഫിലിപ്പ്, സാജു പുലിക്കോട്ടിൽ, റെനിൽ കഴുതാടിയിൽ, തോമസ് പാഴൂക്കാല, തോമസ് പട്ടമന, റെജിമോൻ പുന്നോലിൽ, സജി ഇരട്ടമുണ്ടയ്ക്കൽ, അഡ്വ.ഗ്ലാസിസ് ചെറിയാൻ, മോളി മാമൂട്ടിൽ, അന്നക്കുട്ടി ഉണ്ണിക്കുന്നേൽ എന്നിവർ പ്രസംഗിച്ചു.

കേരള എയ്ഡഡ് സ്കൂൾ നോണ്‍ടീച്ചിംഗ് സ്റ്റാഫ് അസോസിയേഷൻ സംസ്ഥാന സമ്മേളനം ഇന്ന്

സുൽത്താൻ ബത്തേരി: കേരള എയ്ഡഡ് സ്കൂൾ നോണ്‍ ടീച്ചിംഗ് സ്റ്റാഫ് അസാസിയേഷന്‍റെ 61-ാമത് സംസ്ഥാന സമ്മേളനം ഇന്ന് സുൽത്താൻ ബത്തേരിയിൽ നഗരസഭ കമ്മ്യൂണിറ്റി ഹാളിൽ നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. രാവിലെ 11ന് പട്ടികജാതി പട്ടികവർഗ പിന്നാക്ക ക്ഷേമ മന്ത്രി ഒ.ആർ. കേളു സമ്മേളനം ഉദ്ഘാടനം ചെയ്യും. രാവിലെ 10ന് പ്രകടനത്തോടെയാണ് സമ്മേളനത്തിന് തുടക്കമാവുക. തുടർന്ന് നടക്കുന്ന ഉദ്ഘാടന സമ്മേളനത്തിൽ സംസ്ഥാന പ്രസിഡന്‍റ് എൻ.വി. മധു അധ്യക്ഷത വഹിക്കും. ഐ.സി. ബാലകൃഷ്ണൻ എംഎൽഎ മുഖ്യ പ്രഭാഷണം നടത്തും. നഗരസഭ ചെയർമാൻ ടി.കെ. രമേശ് വിദ്യാഭ്യാസ അവാർഡ്ദാനം നടത്തും. നഗരസഭ വിദ്യാഭ്യാസ സ്ഥിരം സമിതി അധ്യക്ഷൻ ടോം ജോസ്, ഡിഡിഇ ശശീന്ദ്രവ്യാസ് വിരമിക്കുന്നവരെ ആദരിക്കും. മുൻ സംസ്ഥാന ഭാരവാഹികളായ പി.എം. സലീം, വി.ഐ. ജോയി, തോമസ് മാത്യു, മാത്യു ജോർജ്, സംസ്ഥാന സെക്രട്ടറി വി. കേശവദാസ് എന്നിവർ പ്രസംഗിക്കും. ഉച്ചയ്ക്ക്ശേഷം നടക്കുന്ന പൊതുസമ്മേളനം ടി. സിദ്ദിഖ് എംഎൽഎ ഉദ്ഘാടനം ചെയ്യും. മുണ്ടക്കൈ ദുരന്തത്തിൽപ്പെട്ട 25 കുടുംബങ്ങൾക്കുള്ള തയ്യൽ മെഷീൻ വിതരണം ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ നിർവഹിക്കും. നഗരസഭ ഡെപ്യൂട്ടി ചെയർപേഴ്സണ്‍ എൽസി പൗലോസ്, ബത്തേരി ഉപജില്ലാ വിദ്യാഭ്യാസ ഓഫീസർ ബി.ജെ. ഷിജിത അവാർഡ്ദാനം നിർവഹിക്കും. വൈകുന്നേരം നടക്കുന്ന പ്രതിനിധി സമ്മേളനത്തിൽ പുതിയ ഭാരവാഹികളെ തെരഞ്ഞെടുക്കും. സംസ്ഥാനത്തെ 41 വിദ്യാഭ്യാസ ജില്ലകളിൽ നിന്നായി ആയിരത്തോളം പേരാണ് സമ്മേളനത്തിൽ പങ്കെടുക്കുക. വാർത്താ സമ്മേളനത്തിൽ സംസ്ഥാന ജനറൽ സെക്രട്ടറി ഷിനോജ് പാപ്പച്ചൻ, ജില്ലാ പ്രസിഡന്‍റ് ബെന്നി തോമസ്, ഇ.സി. ബിജു, കെ.എൽ. ബിനോയ് തുടങ്ങിയവർ പങ്കെടുത്തു.

വന്യമൃഗ ശല്യം പ്രതിരോധിക്കാൻ ദീർഘകാല പദ്ധതികൾ അനിവാര്യം: മന്ത്രി ഒ.ആർ കേളു

കൽപ്പറ്റ: ജില്ലയിൽ വന്യമൃഗ ശല്യം പ്രതിരോധിക്കാൻ ദീർഘകാല പദ്ധതികൾ നടപ്പാക്കേണ്ടത് അനിവാര്യമാണെന്ന് പട്ടികജാതി പട്ടിക വർഗ പിന്നാക്കക്ഷേമ മന്ത്രി ഒ.ആർ. കേളു. മന്ത്രിയുടെ അധ്യക്ഷതയിൽ കളക്ടറേറ്റ് മിനി കോണ്‍ഫറൻസ് ഹാളിൽ ചേർന്ന അവലോകന യോഗത്തിൽ സംസാരിക്കുകയായിരുന്നു അദ്ദേഹം. വന്യമൃഗ ശല്യത്തിന് ശ്വാശ്വത പരിഹാരം കാണാൻ വിശദമായ പഠന റിപ്പോർട്ട് തയാറാക്കാൻ വനം വകുപ്പ് ഉദ്യോഗസ്ഥർക്ക് മന്ത്രി നിർദേശം നൽകി. ജനവാസ മേഖലയിൽ വന്യമൃഗങ്ങൾ ഇറങ്ങുന്നത് തടയാൻ ഉൾവനങ്ങളിൽ ഫലവൃക്ഷങ്ങൾ നട്ടുവളർത്തൽ, കുളം ബണ്ട് നിർമാണം, മഞ്ഞക്കൊന്ന ഉൻമൂലനം ചെയ്ത് വനത്തിന്‍റെ സ്വാഭാവികത തിരച്ചെടുക്കണമെന്നും യോഗം അഭിപ്രായപ്പെട്ടു. വന മേഖലയോട് ചേർന്നുള്ള ഉന്നതികളിലും വഴിയോരങ്ങളിലും ആവശ്യമായ സ്ട്രീറ്റ് ലൈറ്റ് സ്ഥാപിക്കാൻ തദ്ദേശ സ്വയം ഭരണ വകുപ്പ് ജോയിന്‍റ് ഡയറക്ടർക്കും വനം വകുപ്പിനും മന്ത്രി നിർദേശം നൽകി. ജില്ലയിൽ കാട് മൂടിയ എസ്റ്റേറ്റുകൾ കണ്ടെത്തി ഉടമകൾക്ക് നോട്ടീസ് നൽകാൻ മാനന്തവാടി, വൈത്തിരി, സുൽത്താൻ ബത്തേരി തഹസിൽദാർമാരോട് ആവശ്യപ്പെട്ടു. കളക്ടറേറ്റിൽ നടന്ന യോഗത്തിൽ ജില്ലാ കളക്ടർ ഡി.ആർ. മേഘശ്രീ, ജില്ലാ പോലീസ് മേധാവി തപോഷ് ബസുമതാരി, വൈൽഡ് ലൈഫ് വാർഡൻ വരുണ്‍ ഡാലിയ, സബ് കളക്ടർ മിസാൽ സാഗർ ഭരത്, സഹകരണ വികസന ക്ഷേമനിധി ബോർഡ് വൈസ് ചെയർമാൻ സി.കെ. ശശീന്ദ്രൻ, വനം വകുപ്പ് ഉദ്യോഗസ്ഥർ, ജില്ലാതല ഉദ്യോഗസ്ഥർ, ജീവനക്കാർ എന്നിവർ പങ്കെടുത്തു.

കക്കനഹള്ള ചെക്പോസ്റ്റിലെ ഇ പാസ് പരിശോധന: ഗതാഗതം തടസപ്പെട്ടു

ഗൂഡല്ലൂർ: തമിഴ്നാട്-കർണാടക അതിർത്തിയായ കക്കനഹള്ള ചെക്പോസ്റ്റിലെ ഇ പാസ് പരിശോധനയെത്തുടർന്ന് ഒരു മണിക്കൂർ വാഹന ഗതാഗതം തടസപ്പെട്ടു. വാഹനങ്ങളുടെനിര പത്ത് കിലോമീറ്ററോളം നീണ്ടു. കാറുകളും ബസുകളും ചരക്ക് വാഹനങ്ങളും ഇരുചക്രവാഹനങ്ങളും ഉൾപ്പെടെയുള്ള വാഹനങ്ങളാണ് പരിശോധന കാരണം വനമേഖലയിലെ റോഡിൽ കുടുങ്ങിയത്. കുടിക്കാൻ വെള്ളം പോലും ലഭിക്കാതെ കുട്ടികളും സ്ത്രീകളും ഉൾപ്പെടെയുള്ള യാത്രക്കാർ ബുദ്ധിമുട്ടിലായി. നീലഗിരിയിൽ പ്ലാസ്റ്റിക് ബോട്ടിലുകൾക്ക് നിരോധനം ഏർപ്പെടുത്തിയതോടെ ദാഹം അകറ്റാൻ കുടിവെള്ളം പോലും കയ്യിൽ കരുതാൻ പറ്റാത്ത അവസ്ഥയാണ്. ഇ പാസ് പരിശോധനയിൽ ഇളവ് വരുത്തണമെന്നാണ് സഞ്ചാരികളുടെ ആവശ്യം. ചെന്നൈ ഹൈക്കോടതിയുടെ ഉത്തരവ് പ്രകാരമാണ് നീലഗിരിയിൽ പ്രവേശിക്കുന്ന ടൂറിസ്റ്റ് വാഹനങ്ങൾക്ക് ഇ പാസ് ഏർപ്പെടുത്തിയിരിക്കുന്നത്. നേരത്തെ പത്തിൽപ്പരം ചെക്പോസ്റ്റുകളിലായിരുന്നു പരിശോധന നടത്തിയിരുന്നത്. എന്നാൽ ഇപ്പോൾ പരിശോധന അഞ്ച് ചെക്പോസ്റ്റുകളിൽ മാത്രമാക്കി ചുരുക്കി. ഇ പാസ് പരിശോധന കാരണം ചരക്കുകളുമായി പോകുന്ന വാഹനങ്ങളും മറ്റ് യാത്രക്കാരും ഏറെ ദുരിതത്തിലായിരിക്കുകയാണ്. ഇതിന് പരിഹാരം കാണണമെന്നാണ് ഡ്രൈവർമാരും ആവശ്യപ്പെടുന്നത്.

അശാസ്ത്രീയ മാലിന്യ സംസ്കരണം: സ്ഥാപനങ്ങൾക്ക് പിഴയിട്ടു

കൽപ്പറ്റ: മുട്ടിൽ ഗ്രാമപഞ്ചായത്ത് പരിധിയിൽ അശാസ്ത്രീയ മാലിന്യം സംസ്കരിച്ച സ്ഥാപനങ്ങൾക്ക് ജില്ലാ എൻഫോഴ്സ്മെന്‍റ് സ്ക്വാഡ് 20,000 രൂപ പിഴയിട്ടു. നിരോധിത പ്ലാസ്റ്റിക് കാരി ബാഗുകളുടെ ഉപയോഗം, ജൈവമാലിന്യം കൂട്ടിയിട്ട് കത്തിക്കൽ, അലക്ഷ്യമായി വലിച്ചെറിയൽ എന്നിവക്കാണ് പിഴ ഈടാക്കിയത്. മുട്ടിൽ വാര്യാട് പ്രവർത്തിക്കുന്ന നോവ ചപ്പാത്തി കന്പനി, എൻ.എസ്. സ്റ്റോർ, ശ്രീ കാർത്തിക ഹോട്ടൽ ആൻഡ് ബേക്കറി എന്നീ സ്ഥാപനങ്ങൾക്കാണ് ജില്ലാ എൻഫോഴ്സ്മെന്‍റ് സ്ക്വാഡിന്‍റെ മിന്നൽ പരിശോധനയിൽ പിഴയടയ്ക്കാൻ നോട്ടീസ് നൽകിയത്. ജില്ലാ എൻഫോഴ്സ്മെന്‍റ് സ്ക്വാഡ് ലീഡർ ടി.കെ. സുരേഷ്, സ്ക്വാഡ് അംഗം എം.ബി. ലീബ, വി.ആർ. നിഖിൽ, മുട്ടിൽ ഗ്രാമപഞ്ചായത്ത് ഹെൽത്ത് ഇൻസ്പെക്ടർ ഷഹല എന്നിവർ പരിശോധനയ്ക്ക് നേതൃത്വം നൽകി.

മുള്ളൻകൊല്ലി പഞ്ചായത്തിന്‍റെ അതിർത്തിയിൽ പോലീസ് കാമറ സ്ഥാപിച്ചു

പുൽപ്പള്ളി: കേരള, കർണാടക അതിർത്തി മേഖലയിലെ മുള്ളൻകൊല്ലി പഞ്ചായത്തിലെ വിവിധ ഭാഗങ്ങളിൽ പോലീസിന്‍റെ നേതൃത്വത്തിൽ അഞ്ചോളം നിരീക്ഷണ കാമറകൾ സ്ഥാപിച്ചു. വർധിച്ചുവരുന്ന ലഹരിക്കടത്ത് തടയുന്നതിനും വാഹനങ്ങളുടെ അമിതവേഗതയും അതിർത്തി മേഖലകളിലെ കുറ്റകൃത്യങ്ങൾ കണ്ടെത്തുന്നതിന്‍റെ ഭാഗമായാണ് കൊളവള്ളി, മരക്കടവ്, പെരിക്കല്ലൂർക്കടവ്, മുള്ളൻകൊല്ലി, കബനിഗിരി ഭാഗങ്ങളിലാണ് കാമറകൾ സ്ഥാപിച്ചത്. കാമറകൾ സ്ഥാപിച്ചതോടെ അതിർത്തി കടന്ന് എത്തുന്ന ലഹരിക്കടത്ത് സംഘങ്ങളെ നിയന്ത്രിക്കാനും കഴിയുമെന്ന പ്രതീക്ഷയിലാണ് അധികൃതർ. അതിർത്തി മേഖലയിൽ നീരിക്ഷണ കാമറകൾ സ്ഥാപിക്കണമെന്ന ആവശ്യം നാട്ടുകാൾ നേരത്തെ ഉന്നയിച്ചിരുന്നു. കാമറകൾ സ്ഥാപിച്ചതോടെ അതിർത്തി മേഖലകളിലെ കുറ്റകൃത്യങ്ങൾ ഒരു പരിധിവരെ നിയന്ത്രിക്കാനാകുമെന്ന് നാട്ടുകാർ പറയുന്നത്.

വിനോദ സഞ്ചാര കേന്ദ്രങ്ങളിൽ സുരക്ഷ ഏർപ്പെടുത്തി

ഗൂഡല്ലൂർ: ദക്ഷിണേന്ത്യയിലെ പ്രധാന വിനോദ സഞ്ചാര കേന്ദ്രമായ നീലഗിരിയിൽ സുരക്ഷാ സംവിധാനം ഏർപ്പെടുത്തി. ഉൗട്ടി ബോട്ടാണിക്കൽ ഗാർഡൻ, റോസ് ഗാർഡൻ, ബോട്ട് ഹൗസ്, ചിൽഡ്രൻസ് പാർക്ക്, കുന്നൂർ സിംസ് പാർക്ക്, ഗൂഡല്ലൂർ സൂചിമല, മുതുമല കടുവാ സങ്കേതം, പൈക്കാര, ദൊഡപേട്ട, കോത്തഗിരി നെഹ്റു പാർക്ക് തുടങ്ങിയ സഞ്ചാര കേന്ദ്രങ്ങളിൽ മതിയായ സുരക്ഷാ ക്രമീകരണം ഏർപ്പെടുത്തിയിരിക്കുകയാണ്. സുരക്ഷയുടെ ഭാഗമായി നിരീക്ഷണത്തിനായി ജില്ലയിൽ 3,756 സിസിടിവി കാമറകൾ സ്ഥാപിച്ചിട്ടുണ്ട്. കാഷ്മീരിലെ പഹൽഗാം ഭീകരാക്രമണത്തിന്‍റെ പശ്ചാത്തലത്തിലാണ് സുരക്ഷ ഏർപ്പെടുത്തിയിരിക്കുന്നത്. ഉൗട്ടി നഗരത്തിൽ 880 കാമറകളും ടൗണിനോട് ചേർന്ന മേഖലകളിൽ 395 കാമറകളും കുന്നൂരിൽ 1862 ക്യാമറകളും ഗൂഡല്ലൂരിൽ 968 കാമറകളും ദേവാല മേഖലയിൽ 251 കാമറകളുമാണ് സ്ഥാപിച്ചിരിക്കുന്നത്. നീലഗിരിയിൽ വസന്തോത്സവത്തിന്‍റെ കാലമാണ്. സമ്മർ സീസണ്‍ ആരംഭിച്ചതോടെ നീലഗിരിയിലേക്ക് വിനോദ സഞ്ചാരികളുടെ പ്രവാഹമാണ്. കേരളം, കർണാടക, തമിഴ്നാട്, ആന്ധ്ര ഉൾപ്പെടെയുള്ള സംസ്ഥാനങ്ങളിൽ നിന്നും വിദേശത്ത് നിന്നും ദിനംപ്രതി ആയിരക്കണക്കിന് സഞ്ചാരികളാണ് ഉൗട്ടിയിൽ വിനോദ സഞ്ചാരത്തിനെത്തുന്നത്. പ്രതിവർഷം 30 ലക്ഷം സഞ്ചാരികളാണ് ഉൗട്ടി സന്ദർശിക്കുന്നത്.

അറുമുഖനെ കൊലപ്പെടുത്തിയ കാട്ടാനയെ കണ്ടെത്താനായില്ല

കൽപ്പറ്റ: മേപ്പാടി പൂളക്കുന്നിൽ മുൻ തോട്ടം തൊഴിലാളി അറുമുഖനെ(67)കൊലപ്പെടുത്തിയ കാട്ടാനയെ ഇന്നലെ നടത്തിയ തെരച്ചലിലും കണ്ടെത്താനായില്ല. വനസേനാംഗങ്ങൾ പൂളക്കുന്ന്, പുഴമൂല, ചെന്പ്ര ഭാഗങ്ങളിലാണ് തെരച്ചിൽ നടത്തിയത്. അപകടകാരികളായ ആനകളിൽ ഒന്നിന്‍റെയും സാന്നിധ്യം സ്ഥിരീകരിക്കാനായില്ല. ഇക്കാര്യം ജനപ്രതിനിധികളെ അറിയിച്ചതായി വനം ഉദ്യോഗസ്ഥർ പറഞ്ഞു

കുട്ടികളുടെ ജൈവ വൈവിധ്യ കോണ്‍ഗ്രസ് നടത്തി

മാനന്തവാടി: സംസ്ഥാന ജൈവ വൈവിധ്യ ബോർഡിന്‍റെ 17-ാമത് കുട്ടികളുടെ ജൈവ വൈവിധ്യ കോണ്‍ഗ്രസ് മേരിമാതാ കോളജിൽ നടത്തി. ന്ധശക്തീകരിക്കപ്പെട്ട യുവ മനസും ജൈവ വൈവിധ്യ സംരക്ഷണവുംന്ധ എന്ന വിഷയത്തിൽ നടത്തിയ പരിപാടി ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദ്ഘാടനം ചെയ്തു. പ്രിൻസിപ്പൽ ഡോ.ഗീത ആന്‍റണി പുല്ലൻ അധ്യക്ഷത വഹിച്ചു. പരിസ്ഥിതി പ്രവർത്തകൻ ടി.സി. ജോസഫ് മുഖ്യപ്രഭാഷണം നടത്തി. സുവോളജി അസിസ്റ്റന്‍റ് പ്രഫ.ജറിൻ ജോർജ് സ്വാഗതവും പി.ആർ. ശ്രീരാജ് നന്ദിയും പറഞ്ഞു. കുട്ടികൾക്ക് ചിത്രരചനാമത്സരം നടത്തി.

ബാസ്ക്കറ്റ് ബോൾ ചാന്പ്യൻഷിപ്പ് ഉദ്ഘാടനം ചെയ്തു

പുൽപ്പള്ളി: സംസ്ഥാന ജൂണിയർ ബാസ്ക്കറ്റ് ബോൾ ചാന്പ്യൻഷിപ്പ് മുള്ളൻകൊല്ലി സെന്‍റ് മേരീസ് ഹയർസെക്കൻഡറി ഫ്ളഡ്ലിറ്റ് സ്റ്റേഡിയത്തിലും കബനിഗിരി നിർമല ഹൈസ്കൂൾ ഗ്രൗണ്ടിലും തുടക്കമായി. 14 ജില്ലകളിൽ നിന്നായി ദേശീയ, സംസ്ഥാന പുരുഷ വനിതാ താരങ്ങളാണ് മത്സരിക്കുന്നത്. ടൂർണമെന്‍റ് ഉദ്ഘാടനം മുള്ളൻകൊല്ലിയിൽ ഐ.സി. ബാലകൃഷ്ണൻ എംഎൽഎ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്‍റ് പി.കെ. വിജയൻ അധ്യക്ഷത വഹിച്ചു. ടി. സിദ്ദിഖ് എംഎൽഎ മുഖ്യപ്രഭാഷണം നടത്തി. സ്കൂൾ മാനേജർ ഫാ. ജസ്റ്റിൻ മൂന്നനാൽ, ജില്ലാ പഞ്ചായത്തംഗം ബീന ജോസ്, ബ്ലോക്ക് പഞ്ചായത്ത് സ്ഥിരംസമിതി അധ്യക്ഷൻ പി.ഡി. സജി, പഞ്ചായത്തംഗങ്ങളായ ഷിനു കച്ചിറയിൽ, പി.കെ. ജോസ്, അസോസിയേഷൻ ഭാരവാഹികളായ സന്തോഷ് സെബാസ്റ്റ്യൻ, കെ.കെ. ശിവാനന്ദൻ, എ.കെ. മാത്യു, ലിയോ മാത്യു, സജി ജോർജ്, സാബു ഗർവാസീസ്, എം.കെ. മാത്യു തുടങ്ങിയവർ പ്രസംഗിച്ചു.

ചെറുകിട ജലസേചന പദ്ധതികൾ ആരംഭിക്കണം: സിപിഐ

പുൽപ്പള്ളി :ജില്ലയിൽ അതിരൂക്ഷമായ വരൾച്ച നേരിടുന്ന പുൽപ്പള്ളി പഞ്ചായത്തിൽ കടമാൻതോട് പദ്ധതിയടക്കമുള്ള ചെറുകിട ജലസേചന പദ്ധതികൾ ആരംഭിക്കണമെന്നും പുൽപ്പള്ളി പഞ്ചായത്തിലെ വന്യമൃഗശല്യത്തിന് ശാശ്വത പരിഹാരം കാണണമെന്നും സിപിഐ പുൽപ്പള്ളി ലോക്കൽ സമ്മേളനം പ്രമേയത്തിലൂടെ ആവശ്യപ്പെട്ടു. പുൽപ്പള്ളി വീട്ടിമൂലയിൽ സഖാവ് കാനം രാജേന്ദ്രൻ നഗറിലെ പ്രതിനിധി സമ്മേളനം ജില്ലാ സെക്രട്ടറി ഇ.ജെ. ബാബു ഉദ്ഘാടനം ചെയ്തു. വി.എൻ. വേലായുധൻ നായർ പതാക ഉയർത്തി. സി.കെ. ശിവദാസൻ അധ്യക്ഷത വഹിച്ചു. ജില്ല എക്സിക്യുട്ടീവ് അംഗം ടി.ജെ. ചാക്കോച്ചൻ, മണ്ഡലം സെക്രട്ടറി ടി.സി. ഗോപാലൻ, വി.എൻ. ബിജു, എസ്.ജി. സുകുമാരൻ, കെ.എം. ബാബു, അനിൽ സി. കുമാർ എന്നിവർ പ്രസംഗിച്ചു.

തിരുനാളിന് തുടക്കമായി

പുൽപ്പള്ളി: മുള്ളൻകൊല്ലി സെന്‍റ് മേരീസ് ഫൊറോന ദേവാലയത്തിന്‍റെ കീഴിലുള്ള സുരഭിക്കവല കപ്പേളയിൽ വിശുദ്ധ സെബാസ്ത്യാനോസിന്‍റെയും വിശുദ്ധ യൂദാ തദേവൂസിന്‍റെയും മൂന്ന് ദിവസം നീണ്ടു നിൽക്കുന്ന തിരുനാളിന് ഫൊറോന വികാരി റവ.ഡോ. ജസ്റ്റിൻ മൂന്നാനാൽ കൊടിയേറ്റി. ഇന്ന് വൈകുന്നേരം അഞ്ചിന് വിശുദ്ധ കുർബാന, നൊവേന. പ്രധാന തിരുനാൾ ദിനമായ നാലിന് വൈകുന്നേരം 4.15ന് വിശുദ്ധ കുർബാന, നൊവേന, ലദീഞ്ഞ്, ഗ്രാമശ്രീ കപ്പേളയിലേക്ക് പ്രദക്ഷിണം. തുടർന്ന് നേർച്ച ഭക്ഷണത്തോടെ തിരുനാൾ സമാപിക്കും.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]