ചാ​ത്ത​ന്നൂ​ർ: പാ​രി​പ്പ​ള്ളി സ​ർ​ക്കാ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ സു​ര​ക്ഷാ ജീ​വ​ന​ക്കാ​ർ​ക്ക് ക​ഴി​ഞ്ഞ അ​ഞ്ച് മാ​സ​മാ​യി വേ​ത​ന​മി​ല്ല. വേ​ത​നം വി​ത​ര​ണ​ത്തി​നു ന​ട​പ​ടി എ​ടു​ക്കാ​ത്ത​തി​ൽ പ്ര​തി​ഷേ​ധി​ച്ച് സു​ര​ക്ഷ ജീ​വ​ന​ക്കാ​രു​ടെ സം​ഘ​ട​ന​യാ​യ കെ​സ്കോ​ൺ എം​പ്ലോ​യീ​സ് അ​സോ​സി​യേ​ഷ​ന്‍റെ നേ​തൃ​ത്വ​ത്തി​ൽ സൂ​ച​ന പ​ണി​മു​ട​ക്ക് ന​ട​ത്തി. പ്ര​ശ്ന പ​രി​ഹാ​രം ഉ​ണ്ടാ​യി​ല്ലെ​ങ്കി​ൽ ആ​റ് മു​ത​ൽ അ​ന​ശ്ചി​ത​കാ​ല സ​മ​ര പ​രി​പാ​ടി​ക​ൾ ആ​രം​ഭി​ക്കു​മെ​ന്ന് സ​മ​ര​ക്കാ​ർ പ​റ​ഞ്ഞു.

ദി​വ​സം ര​ണ്ടാ​യി​ര​ത്തോ​ളം രോ​ഗി​ക​ൾ ഒ​പി​യി​ൽ എ​ത്തു​ന്ന ആ​ശു​പ​ത്രി​യി​ലെ സു​ര​ക്ഷാ ജീ​വ​ന​ക്കാ​രാ​ണ് വേ​ത​നം പോ​ലും ഇ​ല്ലാ​തെ ജോ​ലി ചെ​യ്യു​ന്ന​ത്. അ​ഞ്ച് മാ​സ​മാ​യി വേ​ത​നം ല​ഭി​ക്കാ​ത്ത​ത് സ്ത്രീ​ക​ൾ ഉ​ൾ​പ്പെ​ടെ​യു​ള്ള സു​ര​ക്ഷ ജീ​വ​ന​ക്കാ​രെ വ​ല​യ്ക്കു​ക​യാ​ണ്.

കേ​ര​ള എ​ക്സ് സ​ർ​വീ​സ്മെ​ൻ ഡ​വ​ല​പ്മെ​ന്‍റ് ആ​ന്‍റ് റി​ഹാ​ബി​ലി​റ്റേ​ഷ​ൻ കോ​ർ​പ​റേ​ഷ​ന്‍റെ (കെ​സ്കോ​ൺ) കീ​ഴി​ലെ വി​മു​ക്‌​ത ഭ​ട​ൻ​മാ​രാ​ണു സു​ര​ക്ഷാ ജോ​ലി ചെ​യ്യു​ന്ന​ത്. പാ​രി​പ്പ​ള്ളി ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ 70 സു​ര​ക്ഷ ജീ​വ​ന​ക്കാ​രാ​ണ് ഉ​ള്ള​ത്. ഇ​തി​ൽ 17 പേ​ർ വ​നി​ത​ക​ളാ​ണ്. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ സു​ര​ക്ഷ ജോ​ലി​യി​ൽ നി​ന്നും ല​ഭി​ക്കു​ന്ന തു​ച്ഛ​മാ​യ വേ​ത​നം പോ​ലും ല​ഭി​ക്കാ​ത്ത​തി​ൽ ജീ​വ​ന​ക്കാ​ർ ബു​ദ്ധി​മു​ട്ടി​ലാ​ണ്. 60 കി​ലോ​മീ​റ്റ​ർ ദൂ​രെ നി​ന്നു വ​രെ ജോ​ലി​ക്ക് എ​ത്തു​ന്ന​വ​ർ ഇ​വ​രു​ടെ കൂ​ട്ട​ത്തി​ലു​ണ്ട്.

വാ​ഹ​ന​ത്തി​ന്‍റെ ഇ​ന്ധ​ന ചെ​ല​വി​നു പോ​ലും പ​ണം ക​ണ്ടെ​ത്താ​ൻ ക​ഴി​യു​ന്നി​ല്ലെ​ന്നു സു​ര​ക്ഷ ജീ​വ​ന​ക്കാ​ർ പ​രാ​തി​പ്പെ​ടു​ന്നു​ണ്ട്.മ​ക്ക​ളു​ടെ പ​ഠ​നം, വാ​യ്‌​പ തി​രി​ച്ച​ട​വ്, വീ​ട്ടു ചെ​ല​വ് തു​ട​ങ്ങി​യ​വ​ക്ക് മാ​ർ​ഗ​മി​ല്ലാ​തെ ഇ​വ​ർ പ്ര​തി​സ​ന്ധി​യി​ലാ​ണ്. വാ​യ്‌​പ കൃ​ത്യ​സ​മ​യ​ത്ത് അ​ട​ച്ചി​ല്ലെ​ങ്കി​ൽ പി​ഴ പ​ലി​ശ ഉ​ൾ​പ്പെ​ടെ ന​ൽ​കേ​ണ്ടി വ​രു​ന്നു.

സു​ര​ക്ഷാ ജീ​വ​ന​ക്കാ​രു​ടെ വേ​ത​നം സം​സ്ഥാ​ന സ​ർ​ക്കാ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി മു​ഖേ​ന കോ​ർ​പറേ​ഷ​നു കൈ​മാ​റും. തു​ക ല​ഭി​ക്കു​മ്പോ​ൾ കോ​ർ​പ​റേ​ഷ​ൻ വേ​ത​നം ന​ൽ​കു​ന്ന​താ​ണു രീ​തി. സ​ർ​ക്കാ​ർ തു​ക ന​ൽ​കാ​ത്ത​താ​ണ് പ്ര​തി​സ​ന്ധി സൃ​ഷ്ടി​ക്കു​ന്ന​ത്.