ന്യൂ​ഡ​ൽ​ഹി: കേ​ര​ള​മൊ​ഴി​കെ​യു​ള്ള സം​സ്ഥാ​ന തെ​ര​ഞ്ഞെ​ടു​പ്പു​ക​ളി​ൽ കോ​ണ്‍ഗ്ര​സ് ഉ​ൾ​പ്പെടെ​യു​ള്ള മ​തേ​ത​ര ക​ക്ഷി​ക​ളു​മാ​യി ചേ​ർ​ന്നു മ​ത്സ​രി​ക്കാ​നു​ള്ള രാ​ഷ്‌ട്രീയ സ​മീ​പ​ന​ന​യ​ത്തി​ന് സി​പി​എം കേ​ന്ദ്ര ക​മ്മി​റ്റി​യു​ടെ അം​ഗീ​കാ​രം. അ​ട​വുന​യം മാ​റു​ന്ന​തു സം​ബ​ന്ധി​ച്ച് പാ​ർ​ട്ടി​ക്കു​ള്ളി​ൽ ദീ​ർ​ഘ​കാ​ല​മായി നി​ല​നി​ന്നി​രു​ന്ന അ​ഭി​പ്രാ​യ വ്യ​ത്യാ​സ​ങ്ങ​ൾ​ക്ക് ഇ​തോ​ടെ പ​രി​ഹാ​ര​മാ​യി. കോ​ണ്‍ഗ്ര​സ് സ​ഖ്യ​ത്തെ ശ​ക്ത​മാ​യി എ​തി​ർ​ത്തി​രു​ന്ന കേ​ര​ളഘ​ട​കം നി​ല​പാ​ടു മാ​റ്റി​യ​തോ​ടെ​യാ​ണ് കേ​ര​ള​ത്തി​നു പു​റ​ത്തു തെ​ര​ഞ്ഞെ​ടു​പ്പ് ധാ​ര​ണ​യി​ലെ​ത്താ​ൻ തീ​രു​മാ​ന​മാ​യ​ത്.

കേ​ര​ള​ത്തി​ലും ബം​ഗാ​ളി​ലും ഒ​രേ​സ​മ​യം തെ​ര​ഞ്ഞെ​ടു​പ്പു ന​ട​ക്കു​ന്പോ​ൾ കേ​ര​ള​ത്തി​നു പു​റ​ത്ത് സി​പി​എം കോ​ണ്‍ഗ്ര​സു​മാ​യി സ​ഖ്യമുണ്ടാ​ക്കു​ക​യും സം​സ്ഥാ​ന​ത്ത് കോ​ണ്‍ഗ്ര​സി​നെ എ​തി​ർ​ക്കു​ക​യും ചെ​യ്യു​ന്ന​തി​നെ കേ​ര​ളജ​ന​ത എ​ങ്ങ​നെ വി​ല​യി​രു​ത്തുമെ​ന്ന ചോ​ദ്യ​ത്തി​ന്, കേ​ര​ള​ത്തി​ലെ ജ​ന​ങ്ങ​ളു​ടെ ബു​ദ്ധി​ശ​ക്തി​യെയും പ​ക്വ​ത​യെയും വി​ല​കു​റ​ച്ചു കാ​ണ​രു​ത് എ​ന്നാ​യി​രു​ന്നു സീ​താ​റാം യെ​ച്ചൂ​രി​യു​ടെ മ​റു​പ​ടി.


മു​ൻ​പ് കേ​ന്ദ്ര​ത്തി​ൽ യു​പി​എ സ​ഖ്യ​ത്തി​ന് സി​പി​എം പി​ന്തു​ണ പ്ര​ഖ്യാ​പി​ച്ച​പ്പോ​ഴും പാ​ർ​ല​മെ​ന്‍റ് തെ​ര​ഞ്ഞെ​ടു​പ്പി​ൽ 18 ഇ​ട​തു​പ​ക്ഷ എം​പി​മാ​രെ കേ​ര​ള​ജ​ന​ത ജ​യി​പ്പി​ച്ചി​ട്ടു​ണ്ടെന്ന് അദ്ദേഹം പറഞ്ഞു. ‌

കേ​ര​ള​ത്തി​ൽ ഒ​ഴി​കെ കോ​ണ്‍ഗ്ര​സു​മാ​യി സ​ഹ​ക​രി​ച്ച് ബി​ജെ​പി​യെ എ​തി​ർ​ക്കാ​നു​ള്ള പോ​ളി​റ്റ് ബ്യൂ​റോ അം​ഗീ​ക​രി​ച്ച നി​ല​പാ​ടി​നാ​ണ് കേ​ന്ദ്ര ക​മ്മി​റ്റി​യും അം​ഗീ​കാ​രം ന​ൽ​കി​യ​ത്. ത​മി​ഴ്നാ​ട്ടി​ൽ ഡി​എം​കെ ന​യി​ക്കു​ന്ന സ​ഖ്യ​ത്തി​നൊ​പ്പം നി​ൽ​ക്കും. ആ​സാം തെ​ര​ഞ്ഞെ​ടു​പ്പി​ൽ കോ​ണ്‍ഗ്ര​സ് കൂ​ടി ഉ​ൾ​പ്പെ​ടു​ന്ന മ​തേ​ത​ര ക​ക്ഷി​ക​ൾ​ക്കൊ​പ്പ​ം നിൽ ക്കും. ബം​ഗാ​ളി​ൽ സി​പി​എ​മ്മും ഉൾപ്പെടുന്ന ഇ​ട​തുമു​ന്ന​ണി​ കോ​ണ്‍ഗ്ര​സ് അ​ട​ക്ക​മു​ള്ള മ​തേ​ത​ര ക​ക്ഷി​ക​ളു​മാ​യി ധാ​ര​ണ​യു​ണ്ടാ​ക്കി ബി​ജെ​പി​യെ​യും തൃ​ണ​മൂ​ൽ കോ​ണ്‍ഗ്ര​സി​നെ​യും നേ​രി​ടും.

സെ​ബി മാ​ത്യു