ന്യൂഡൽഹി: തുടർച്ചയായ പന്ത്രണ്ടാം വർഷവും മുകേഷ് അംബാനി ഏറ്റവും സന്പന്ന ഇന്ത്യക്കാരനായി ഫോബ്സ് ഇന്ത്യ പട്ടികയിൽ സ്ഥാനംപിടിച്ചു. രാജ്യം സാന്പത്തിക മുരടിപ്പിലായ വർഷമായിട്ടും അംബാനിയുടെ സന്പത്ത് 410 കോടി ഡോളർ (29,000 കോടി രൂപ) കണ്ട് വർധിക്കുകയും ചെയ്തു.
ഫോബ്സിന്‍റെ കണക്കുകൂട്ടലനുസരിച്ച് 5140 കോടി ഡോളർ (3.64 ലക്ഷം കോടി രൂപ) അണ് റിലയൻസ് ഇൻഡസ്ട്രീസ് മേധാവിയുടെ സന്പത്ത്.
രണ്ടാം സ്ഥാനത്തേക്ക് അദാനി ഗ്രൂപ്പിന്‍റെ ഗൗതം അദാനി കടന്നുവന്നു. കഴിഞ്ഞവർഷം പത്താം സ്ഥാനത്തായിരുന്നു ഈ ഗുജറാത്തി വ്യവസായി.
ഓസ്ട്രേലിയയിൽ കൽക്കരി ഖനി അനുവദിച്ചുകിട്ടിയതടക്കമുള്ള കാര്യങ്ങൾ അദാനിയുടെ സന്പത്ത് 1570 കോടി ഡോളറിലേക്ക് (1.11 ലക്ഷം കോടി രൂപ) വർധിപ്പിച്ചു.
മലയാളികളിൽ യൂസഫലി ഒന്നാമത്
ഫോബ്സ് ഇന്ത്യ സന്പന്ന പട്ടികയിലെ മലയാളികളിൽ ഒന്നാംസ്ഥാനം ലുലു ഗ്രൂപ്പിന്‍റെ എം.എ. യൂസഫലിക്കാണ്. 430 കോടി ഡോളറാണ് അദ്ദേഹത്തിന്‍റെ സന്പത്തായി കണക്കാക്കിയിട്ടുള്ളത്. പട്ടികയിൽ 26-ാമനാണ് അദ്ദേഹം.
ഫോബ്സ് പട്ടികയിലേക്ക് ആദ്യമായി കടന്നുവന്ന മലയാളി ബൈജു രവീന്ദ്രൻ ഏറ്റവും പ്രായംകുറഞ്ഞ അതിസന്പന്നരിൽ ഒരാളാണ്. 38 വയസിലാണ് 190 കോടി ഡോളർ സന്പത്തുമായി ബൈജൂസ് ആപ്പിന്‍റെ സ്ഥാപകൻ പട്ടികയിൽ 72-ാം റാങ്കിൽ വന്നത്.
പട്ടികയിലെ മലയാളികൾ
26. എം.എ. യൂസഫലി, 63, ലുലു ഗ്രൂപ്പ്, 430
43. രവി പിള്ള, 66, ആർപി ഗ്രൂപ്പ്, 310
44. എം.ജി. ജോർജ്, 69, മുത്തൂറ്റ് ഫിനാൻസ്, 305
67. സണ്ണി വർക്കി, 62, ജെംസ് എഡ്യുക്കേഷൻ, 205
72. ബൈജു രവീന്ദ്രൻ, 38, ബൈജൂസ് ആപ്, 190
100. എസ്.ഡി. ഷിബുലാൽ, 64, ഇൻഫോസിസ്, 140
ഫോബ്സ് ഇന്ത്യ സന്പന്ന പട്ടികയിലെ ആദ്യ 10 സ്ഥാനക്കാർ
റാങ്ക്, പേര്, പ്രായം, പ്രധാന കന്പനി, സന്പത്ത് (കോടി ഡോളറിൽ) എന്ന ക്രമത്തിൽ
1. മുകേഷ് അംബാനി, 62, റിലയൻസ് ഇൻഡസ്ട്രീസ്, 5140
2. ഗൗതം അദാനി, 57, അദാനി പോർട്സ്, 1570
3. ഹിന്ദുജ സഹോദരന്മാർ, 83 മുതൽ 68 വരെ, അശോക് ലയ്‌ലൻഡ്, 1560
4. പല്ലോൺജി മിസ്ട്രി, 90, ഷാപൂർജി പല്ലോൺജി, 1500
5. ഉദയ് കൊട്ടക്, 60, കൊട്ടക് മഹീന്ദ്ര ബാങ്ക്, 1480
6. ശിവനാടാർ, 71 എച്ച്സിഎൽ ടെക്നോളജീസ്, 1440
7. രാധാകൃഷ്ണ ദമാനി, 64, അവന്യു സൂപ്പർമാർക്കറ്റ്, 1430
8. ഗോദ്റെജ് കുടുംബം, ഗോദ്റെജ് ഗ്രൂപ്പ്, 1200
9. ലക്ഷ്മി മിത്തൽ, 69, ആർസെലോർമിത്തൽ, 1050
10. കുമാർ മംഗളം ബിർള, 52, ആദിത്യ ബിർള ഗ്രൂപ്പ്, 960