എയർടെലിൽ പണം മുടക്കാൻ ആമസോൺ
Thursday, June 4, 2020 10:54 PM IST
ന്യൂഡൽഹി: മൊബൈൽ സേവന കന്പനിയായ ഭാരതി എയർടെലിൽ ഓഹരിയെടുക്കാൻ ഓൺലൈൻ വ്യാപാരഭീമൻ ആമസോൺ.
200 കോടി ഡോളർ (15,000 കോടി രൂപ) മുടക്കി എയർടെലിന്റെ അഞ്ചു ശതമാനം ഓഹരി വാങ്ങാനാണു ശ്രമമെന്നു റോയിട്ടേഴ്സ് റിപ്പോർട്ട് ചെയ്തു.
സുനിൽ ഭാരതി മിത്തൽ നയിക്കുന്ന എയർടെലിനു 30 കോടിയിലേറെ വരിക്കാർ ഉണ്ട്. ഇപ്പോൾ രാജ്യത്തെ മൂന്നാമത്തെ വലിയ മൊബൈൽ നെറ്റ്വർക്കാണ് എയർടെലിന്റേത്.