അവകാശസംരക്ഷണ യാത്രയ്ക്ക് കുട്ടനാട്ടിൽ സ്വീകരണം
1601979
Wednesday, October 22, 2025 11:40 PM IST
ചമ്പക്കുളം: അവകാശസംരക്ഷണ യാത്രയ്ക്ക് കുട്ടനാട്ടില് വമ്പിച്ച സ്വീകരണം നല്കി. കത്തോലിക്കാ കോണ്ഗ്രസ് ഗ്ലോബല് സമിതിയുടെ നേതൃത്വത്തില് കാസര്ഗോഡ്നിന്ന് 13ന് ആരംഭിച്ച അവകാശ സംരക്ഷണ യാത്രയ്ക്ക് കുട്ടനാടിന്റെ മണ്ണില് രാമങ്കരിയില് സ്വീകരണം നല്കി. ഇടയ്ക്ക് പെയ്ത മഴയെ അവഗണിച്ചും സ്ത്രീകള് ഉള്പ്പെടെ ആയിരങ്ങളാണ് അവകാശ സംരക്ഷണ യാത്രയില് പങ്കെടുത്തത്.
നീതി ഔദാര്യമല്ല, അവകാശമാണെന്ന മുദ്രാവാക്യം ഉയര്ത്തി ഗ്ലോബല് പ്രസിഡന്റ് പ്രഫ. രാജീവ് കൊച്ചുപറമ്പില് നേതൃത്വത്തില് നാലരയ്ക്ക് രാമങ്കരിയില് എത്തിച്ചേര്ന്ന ജാഥയ്ക്ക് ഉജ്വലമായ വരവേല്പ്പാണ് നല്കിയത്. യോഗം അതിരൂപത വികാരി ജനറാൾ ഫാ. സ്കറിയ കന്യക്കോണില് ഉദ്ഘാടനം ചെയ്തു. അതിരൂപത പ്രസിഡന്റ് ബിജു സെബാസ്റ്റ്യന് അധ്യക്ഷത വഹിച്ചു.
എടത്വ ഫൊറോന വികാരി ഫാ. ഫിലിപ്പ് വൈക്കത്തുകാരന്, ചമ്പക്കുളം ബസിലിക്ക റെക്ടര് ഫാ. ജയിംസ് പാലക്കല്, പുളിങ്കുന്ന് ഫൊറോന വികാരി റവ.ഡോ. പുത്തന്കളം, കത്തോലിക്ക കോണ്ഗ്രസ് പുളിങ്കുന്ന് ഫൊറോന ഡയറക്ടര് ഫാ. ജോസഫ് കുറിയന്നൂര്പറമ്പില്, എടത്വ ഫൊറോന ഡയറക്ടര് ഫാ. ജോസഫ് ചൂളപ്പറമ്പില്, താമരശേരി രൂപത ഡയറക്ടര് ഫാ. സബിന് തുമ്മുള്ളിയില്, ഗ്ലോബല് ജനറല് സെക്രട്ടറി ജോസുകുട്ടി ഒഴുകയില്, അതിരൂപത ജനറല് സെക്രട്ടറി ബിനു ഡൊമിനിക്, ട്രഷറര് ജോസ് ജോണ് വെങ്ങാന്തറ, ഗ്ലോബല് വൈസ് പ്രസിഡന്റ് രാജേഷ് ജോണ്, ഇടുക്കി രൂപത പ്രസിഡന്റ് ജോര്ജ് കോയിക്കല്, അതിരൂപത വൈസ് പ്രസിഡന്റ് സിറ്റി തോമസ്, സെക്രട്ടറി ചാക്കപ്പന് ആന്റണി, യൂത്ത് കോ-ഓർഡിനേറ്റര് ജോസി ഡൊമിനിക്, എടത്വ ഫൊറോന പ്രസിഡന്റ് തോമസ് ഫ്രാന്സിസ്, പുളിങ്കുന്ന് ഫൊറോന പ്രസിഡന്റ് സോണിച്ചന് പുളിങ്കുന്ന്, ചമ്പക്കുളം ഫൊറോനാ ജനറല് സെക്രട്ടറി ആന്റപ്പന് മുട്ടേല്, നൈനാന് തോമസ്, സൈനോ തോമസ്, ജോജി ജോസഫ്, മാര്ട്ടിന് കളങ്ങര, സണ്ണിച്ചന് കൊടുപ്പുന്ന തുടങ്ങിയവര് പ്രസംഗിച്ചു.
തുടര്ന്ന് നടന്ന സ്വീകരണ പരിപാടിയില് മാമ്പുഴക്കരി യൂണിറ്റ് ജാഥാ ക്യാപ്റ്റന് നിറപറ നല്കി ആദരിച്ചു. എസി കനാല് അടിയന്തരമായി തുറക്കണമെന്ന് ആവശ്യപ്പെട്ട് തോമസുകുട്ടി അത്തിക്കളം നിവേദനം നല്കി.
മറുപടി പ്രസംഗത്തില്, നെല് കാര്ഷിക മേഖല അനുഭവിച്ചുകൊണ്ടിരിക്കുന്ന അതീവ ഗൗരവമുള്ള പ്രതിസന്ധികള് പരിഹരക്കാന് സംസ്ഥാന ഗവണ്മെന്റ് തയാറാകാതിരുന്നാല് വേണ്ടിവന്നാല് രാഷ്ട്രീയമായും നേരിടാന് കത്തോലിക്ക കോണ്ഗ്രസ് സജ്ജമാണെന്ന് ജാഥാ ക്യാപ്റ്റന് വ്യക്തമാക്കി.
ജെ.ബി. കോശി കമ്മീഷൻ: അവഗണന അംഗീകരിക്കാനാവില്ല: മാർ പണ്ടാരശേരിൽ
കോട്ടയം: ജെ.ബി. കോശി കമ്മീഷൻ റിപ്പോർട്ട് പുറത്ത് വിടാത്തതും പ്രസിദ്ധീകരിക്കാത്തതും ക്രൈസ്തവ സമൂഹത്തിന് നീതി നിഷേധിക്കലാണെന്ന് കോട്ടയം അതിരൂപത സഹായ മെത്രാൻ മാർ ജോസഫ് പണ്ടാരശേരിൽ. ഈ വിഷയത്തിലെ അവഗണന അംഗീകരിക്കാനാവില്ല എന്നും അദ്ദേഹം പറഞ്ഞു.
കത്തോലിക്ക കോണ്ഗ്രസ് ഗ്ലോബല് പ്രസിഡന്റ് പ്രഫ. രാജീവ് കൊച്ചുപറമ്പില് നയിക്കുന്ന അവകാശ സംരക്ഷണ യാത്രയ്ക്ക് കോട്ടയത്ത് നൽകിയ സ്വീകരണം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കത്തോലിക്ക കോൺഗ്രസ് കോട്ടയം അതിരൂപത പ്രസിഡന്റ് പി.എ. ബാബു അധ്യക്ഷത വഹിച്ചു.
ചങ്ങനാശേരിയിൽ നടന്ന യോഗത്തിൽ കത്തോലിക്ക കോൺഗ്രസ് ചങ്ങനാശേരി അതിരൂപതാ പ്രസിഡന്റ് ബിജു സെബാസ്റ്റ്യൻ അധ്യക്ഷനായിരുന്നു. ഏറ്റുമാനൂർ, ആലപ്പുഴ, കുട്ടനാട് എന്നിവിടങ്ങളിൽ നടന്ന സ്വീകരണ യോഗങ്ങൾ ചങ്ങനാശേരി അതിരൂപത വികാരി ജനറാൾമാരായ ഫാ. ആന്റണി എത്തയ്ക്കാട്ട്, ഫാ. സ്കറിയ കന്യാകോണിൽ എന്നിവർ ഉദ്ഘാടനം ചെയ്തു.
വിവിധ കേന്ദ്രങ്ങളിൽ ഗ്ലോബൽ ഡയറക്ടർ ഫാ. ഫിലിപ്പ് കവിയിൽ ആമുഖ സന്ദേശവും ഗ്ലോബൽ ജനറൽ സെക്രട്ടറി ഡോ. ജോസുകുട്ടി ജെ. ഒഴുകയിൽ അവകാശ പത്രിക അവതരണവും നടത്തി. ചങ്ങനാശേരി അതിരൂപത കത്തോലിക്ക കോൺഗ്രസ് ഡയറക്ടർ ഫാ. സാവിയോ മാനാട്ട് മാനാട്ട്, വൈസ് പ്രസിഡന്റുമാരായ രാജേഷ് ജോൺ, ട്രീസാ ലിസ് സെബാസ്റ്റ്യൻ, ബെന്നി ആന്റണി, ജോർജ് കോയിക്കൻ, അഡ്വ. മനു ജെ. വരാപ്പള്ളി, ഫാ. സബിൻ തൂമുള്ളിൽ, ടോമിച്ചൻ അയ്യരുകുളങ്ങര, തമ്പി എരുമേലിക്കര, തോമസ് പീടികയിൽ, ബിനു ഡൊമിനിക് നടുവിലേഴം, ജോസ് ജോൺ വെങ്ങാന്തറ, ലിസി ജോസ്, സെബാസ്റ്റ്യൻ വർഗീസ്, സൈബി അക്കര എന്നിവർ വിവിധ കേന്ദ്രങ്ങളിൽ പ്രസംഗിച്ചു.