പ​ത്ത​നം​തി​ട്ട: പ്ര​മാ​ട​ത്തെ ഹെ​ലി​പ്പാ​ഡി​ലെ കോ​ൺ​ക്രീ​റ്റിം​ഗി​ൽ രാ​ഷ്‌ട്രപ​തി എ​ത്തി​യ ഹെ​ലി​കോ​പ്ട​റി​ന്‍റെ ച​ക്രം താ​ഴ്ന്ന​ത് വി​വാ​ദ​മാ​യി. സം​ഭ​വ​ത്തി​ൽ കേ​ന്ദ്രസ​ർ​ക്കാ​രും വി​ശ​ദീ​ക​ര​ണം തേ​ടി​യ​തോ​ടെ ജി​ല്ലാ ഭ​ര​ണ​കൂ​ട​വും പോ​ലീ​സും പ്ര​തി​രോ​ധ​ത്തി​ലാ​യി.

അ​ഗ്നി​ര​ക്ഷാസേ​ന ഉ​ദ്യോ​ഗ​സ്ഥ​രും പോ​ലീ​സും ചേ​ർ​ന്നു വ്യാ​മ​സേ​ന​യു​ടെ ഹെ​ലി​കോ​പ്റ്റ​ർ ത​ള്ളു​ന്ന ചി​ത്രം വ്യാ​പ​ക​മാ​യി പ്ര​ച​രി​ച്ച​ത് സ​ർ​ക്കാ​റി​നും നാ​ണ​ക്കേ​ടാ​യി. ദേ​ശീ​യത​ല​ത്തി​ല​ട​ക്കം ദൃ​ശ്യ​ങ്ങ​ൾ ച​ർ​ച്ച​യാ​യി​ട്ടു​ണ്ട്. പ്ര​മാ​ട​ത്ത് ഹെ​ലി​പ്പാ​ഡ് ഒ​രു​ക്കാ​ൻ ചൊ​വ്വാ​ഴ്ച ഉ​ച്ച​യ്ക്കാ​ണ് ജി​ല്ല ഭ​ര​ണ​കൂ​ട​ത്തി​ന് അ​റി​യി​പ്പ് ല​ഭി​ച്ച​ത്. തു​ട​ർ​ന്ന് അ​ഗ്നി​ര​ക്ഷാസേ​ന നി​ർ​ദേ​ശി​ച്ച സ്ഥ​ല​ത്ത് മൂ​ന്ന് ഹെ​ലി​പ്പാ​ഡ് ത​യാ​റാ​ക്കി. ഇ​തി​നി​ടെ​യാ​ണ് കോ​ൺ​ക്രീ​റ്റ്ചെ​യ്യാ​നു​ള്ള നി​ർ​ദേ​ശം ചെ​യ്ത​ത്. തു​ട​ർ​ന്ന് യു​ദ്ധ​കാ​ലാ​ടി​സ്ഥാ​ന​ത്തി​ൽ കോ​ൺ​ക്രീ​റ്റി​ങ് ന​ട​ത്തി. ജോ​ലി​ക​ൾ പൂ​ർ​ത്തി​യാ​യ​ത് ബു​ധ​നാ​ഴ്ച പു​ല​ർ​ച്ചെ​യാ​ണ്.

ഉ​റ​പ്പ് കു​റ​ഞ്ഞ പ്ര​ത​ല​ത്തി​ൽ അ​ടി​യ​ന്ത​ര സാ​ഹ​ച​ര്യ​ത്തി​ൽ കോ​പ്റ്റ​ർ ഇ​റ​ക്കേ​ണ്ടി വ​ന്നാ​ൽ അ​തി​ന് വാ​ട്ട​ർ ഡി ​വാ​ട്ടേ​ർ​ഡ് കോ​ൺ​ക്രീ​റ്റാ​ണ് ഉ​പ​യോ​ഗി​ക്കു​ക. ജ​ലാം​ശ​ത്തെ അ​തി​വേ​ഗം ഒ​പ്പി​യെ​ടു​ത്ത് ഉ​റ​പ്പ് കൂ​ട്ടാ​ൻ ഉ​ത​കു​ന്ന ഇ​ത്ത​രം കോ​ൺ​ക്രീ​റ്റി​നു പോ​ലും സെ​റ്റാ​കാ​ൻ അ​ഞ്ചു മ​ണി​ക്കൂ​ർ സ​മ​യം വേ​ണ​മെ​ന്നി​രി​ക്കെ അ​തി​നു ശ്ര​മി​ക്കാ​തെ സാ​ധാ​ര​ണ കോ​ൺ​ക്രീ​റ്റാ​ണ് ഇ​വി​ടെ ഉ​പ​യോ​ഗി​ച്ച​ത്.

തി​രു​വ​ന​ന്ത​പു​ര​ത്തു​നി​ന്നും രാ​ഷ്‌ട്രപ​തി​യെ​യും സു​ര​ക്ഷാ ഉ​ദ്യോ​ഗ​സ്ഥ​രെയും വ​ഹി​ച്ചുകൊ​ണ്ടു​ള്ള മൂ​ന്ന് കോ​പ്റ്റ​റു​ക​ൾ ഇ​ന്ന​ലെ രാ​വി​ലെ 8.40 നാ​ണ് പ്ര​മാ​ട​ത്തു​ള്ള താ​ത്കാ​ലി​ക ഹെ​ലി​പാ​ഡി​ൽ ഇ​റ​ങ്ങി​യ​ത്. രാ​ഷ്‌ട്രപ​തി സ​ഞ്ച​രി​ച്ച ഹെ​ലി​കോ​പ്ട​ർ ഹെ​ലി​പ്പാ​ഡി​ലെ എ​ച്ച് മാ​ർ​ക്കി​ൽ നി​ന്നും ര​ണ്ട​ടി മാ​റി​യാ​ണ് ഇ​റ​ങ്ങി​യ​തെ​ന്ന് സൂ​ച​ന​യു​ണ്ട്. കോ​പ്റ്റ​ർ ത​ള്ളി​നീ​ക്കാ​നു​ള്ള സാ​ഹ​ച​ര്യം ഇ​താ​ണെ​ന്നാ​ണ് ജി​ല്ലാ ഭ​ര​ണ​കൂ​ട​വും സു​ര​ക്ഷാ ഉ​ദ്യോ​ഗ​സ്ഥ​രും വി​ശ​ദീ​ക​രി​ക്കു​ന്ന​ത്. കോ​ൺ​ക്രീ​റ്റ് ത​ക​ർ​ന്നി​ട്ടി​ല്ലെ​ന്നും സു​ര​ക്ഷാ ഉ​ദ്യോ​ഗ​സ്ഥ​ർ ഇ​ക്കാ​ര്യം സ്ഥി​രീ​ക​രി​ച്ച​തോ​ടെ​യാ​ണ് ഹെ​ലി​കോ​പ്ട​ർ അ​തേ സ്ഥ​ല​ത്തു നി​ന്നു ത​ന്നെ രാ​ഷ‌്‌ട്രപ​തി​യു​മാ​യി മ​ട​ങ്ങി​യ​തെ​ന്നും ജില്ലാ ക​ള​ക്ട​ർ പ​റ​ഞ്ഞു.