ADVERTISEMENT

ADVERTISEMENT

ഫാ. മാത്യു മണവത്തും ഫാ. തോമസ് വേങ്കടത്തും കോര്‍എപ്പിസ്‌കോപ്പ സ്ഥാനത്തേക്ക്‌

കോട്ടയം: യാക്കോബായ സുറിയാനി സഭ കോട്ടയം ഭദ്രാസനത്തിലെ മുതിര്‍ന്ന രണ്ട് വൈദികര്‍ക്ക് കോര്‍എപ്പിസ്‌കോപ്പ സ്ഥാനം നല്‍കുന്നു. മണര്‍കാട് സെന്‍റ് മേരീസ് കത്തീഡ്രല്‍ ഇടവകാംഗവും സഹവികാരിയുമായ മണവത്ത് ഫാ. മാത്യു മണവത്തിനും തിരുവഞ്ചൂര്‍ സെന്‍റ് മേരീസ് പള്ളി ഇടവകാംഗവും പാമ്പാടി ഈസ്റ്റ് മര്‍ത്ത്മറിയം, മീനടം സെന്‍റ് ജോണ്‍സ് എന്നീ പള്ളി വികാരിയുമായ തിരുവഞ്ചൂര്‍ വേങ്കടത്ത് ഫാ. തോമസ് വേങ്കടത്തിനുമാണ് കോര്‍എപ്പിസ്‌കോപ്പ സ്ഥാനം നല്‍കുന്നത്.

ഓഗസ്റ്റ് 28നു മണര്‍കാട് സെന്‍റ് മേരീസ് കത്തീഡ്രലില്‍ എപ്പിസ്‌കോപ്പല്‍ സുന്നഹദോസ് സെക്രട്ടറിയും ഭദ്രാസനാധിപനുമായ ഡോ. തോമസ് മാര്‍ തീമോത്തിയോസ് മെത്രാപ്പോലീത്തയാണു കോര്‍ എപ്പിസ്‌കോപ്പ സ്ഥാനത്തേക്ക് ഉയര്‍ത്തുന്നത്. കോര്‍എപ്പിസ്‌കോപ്പ സ്ഥാനം നല്‍കുന്നതു സംബന്ധിച്ച് ആകമാന സുറിയാനി ഓര്‍ത്തഡോക്‌സ് സഭ പരമാധ്യക്ഷന്‍ പരിശുദ്ധ ഇഗ്നാത്തിയോസ് അപ്രേം ദ്വിതീയന്‍ പാത്രിയര്‍ക്കീസ് ബാവായുടെ കല്‍പ്പന ലഭിച്ചു.

ADVERTISEMENT

മിന്നൽ വഴി!

മുണ്ടക്കയം-വാഗമൺ ഈരാറ്റുപേട്ട: നാഷണൽ ഹൈവേ 183ൽ മുണ്ടക്കയത്തുനിന്നു തുടങ്ങി കൂട്ടിക്കൽ- ഏന്തയാർ-ഇളംകാട് വഴി വല്യേന്തയിൽ എത്തിനിൽക്കുന്ന ബിഎംബിസി നിലവാരത്തിലുള്ള സംസ്ഥാനപാത ഏഴു കിലോമീറ്റർ കൂടി പുതിയ റോഡ് നിർമിച്ച് വാഗമണിൽ എത്തിക്കും. പുതിയ മുണ്ടക്കയം - വാഗമൺ റോഡ് യാഥാർഥ്യമാക്കാൻ 17 കോടി രൂപ അനുവദിച്ചു. നിർമാണത്തിന് ടെൻഡർ ക്ഷണിച്ചതായി സെബാസ്റ്റ്യൻ കുളത്തുങ്കൽ എംഎൽഎ അറിയിച്ചു. ഈ റോഡ് യാഥാർഥ്യമാകുന്നതോടെ ടൂറിസ്റ്റ് കേന്ദ്രമായ വാഗമണിലേക്ക് എത്താനുള്ള ഏറ്റവും സൗകര്യപ്രദവും മികച്ചതുമായ പാതയായി മാറും. നാഷണൽ ഹൈവേയിൽനിന്നു നേരിട്ടു വാഗമണിലേക്ക് എത്താൻ കഴിയുന്നതും ഈ റോഡ് വഴിയാകും. എരുമേലി വിമാനത്താവളം യാഥാർഥ്യമാകുന്നതോടെ വിമാനമാർഗം എത്തിച്ചേരുന്ന ടൂറിസ്റ്റുകൾക്ക് എയർപോർട്ടിൽനിന്ന് 35 കിലോമീറ്റർ മാത്രം യാത്ര ചെയ്ത് വാഗമണിൽ എത്താം. മനംകവരും കാഴ്ചകൾ വല്യേന്ത മുതൽ വാഗമൺ വരെയുള്ള വാകച്ചുവട്, കോലാഹലമേട്, തങ്ങൾപ്പാറ എന്നീ പ്രദേശങ്ങൾ ഏറെ പ്രകൃതി രമണീയമായ സ്ഥലങ്ങളാണ്. എന്നാൽ, മതിയായ ഗതാഗത സൗകര്യങ്ങൾ ഇല്ലാത്തതു മൂലം ഈ പ്രദേശത്തേക്കു വിനോദ സഞ്ചാരികൾ കാര്യമായി എത്തിച്ചേർന്നിരുന്നില്ല. പുതിയ റോഡ് വരുന്നതോടെ ടൂറിസം വികസനത്തിനും വഴി തുറക്കും. ഇപ്പോൾ വാഗമണിന് ഉൾക്കൊള്ളാൻ കഴിയാത്ത വിധം വിനോദസഞ്ചാരികളുടെ ബാഹുല്യം പലപ്പോഴും അനുഭവപ്പെടുന്നുണ്ട്. അടിസ്ഥാന സൗകര്യങ്ങൾ കൂടുതൽ ഒരുക്കി വാഗമൺ വലിയ ടൂറിസം കേന്ദ്രമാക്കി മാറ്റാനുള്ള സാധ്യതകളുണ്ടെന്നും എംഎൽഎ അറിയിച്ചു. സുരക്ഷ ഉറപ്പാക്കി മികച്ച നിലവാരത്തിലാണ് റോഡ് ആസൂത്രണം ചെയ്തിട്ടുള്ളത്. ഓഗസ്റ്റ് 11 വരെ ടെൻഡർ സമർപ്പിക്കാം. 14ന് ടെൻഡർ ഓപ്പൺ ചെയ്യും.

മീനച്ചില്‍ നദീതട പദ്ധതി: തുക അനുവദിച്ച് സര്‍ക്കാര്‍

കോട്ടയം: മീനച്ചില്‍ നദീതട പദ്ധതിക്ക് തുടക്കമാകുന്നു. പദ്ധതിയുടെ പുനരുജ്ജീവനത്തിന് പഠനം നടത്താന്‍ തുക അനുവദിക്കുന്നതിന് മന്ത്രിസഭാ യോഗത്തില്‍ തീരുമാനമായതായി മന്ത്രി റോഷി അഗസ്റ്റിന്‍ അറിയിച്ചു. കേന്ദ്രസര്‍ക്കാര്‍ സ്ഥാപനമായ വാപ്കോട്സ് ലിമിറ്റഡിന് കണ്‍സള്‍ട്ടന്‍സി സേവനത്തിന് 2.13 കോടി രൂപയുടെ 25 ശതമാനമായ 54 ലക്ഷം രൂപ മൊബിലൈസേഷന്‍ അഡ്വാന്‍സ് അനുവദിക്കുന്നതിനാണ് മന്ത്രിസഭാ യോഗം അനുമതി നല്‍കിയത്. വിശദ പദ്ധതിരേഖ തയാറാക്കുന്നതിന് വാപ്‌കോസുമായി ജലസേചന വകുപ്പ് ധാരണാപത്രവും ഒപ്പിട്ടിരുന്നു. മൂലമറ്റം നിലയത്തിലെ വൈദ്യുതി ഉത്പാദനത്തിനുശേഷം അധികമുള്ള ജലം മീനച്ചിലാറ്റിലേക്കു തിരിച്ചുവിട്ട് വര്‍ഷം മുഴുവനും സുസ്ഥിരമായ ഒഴുക്ക് നിലനിര്‍ത്തുക എന്നതാണ് പദ്ധതിയുടെ ലക്ഷ്യം. കുടിവെള്ളത്തിനു പുറമേ മീനച്ചില്‍, കോട്ടയം, ചങ്ങനാശേരി താലൂക്കുകളില്‍ കൃഷിക്കായുള്ള ജലസേചനവും പദ്ധതി ലക്ഷ്യമിടുന്നു. മീനച്ചിലാറില്‍ വര്‍ഷം മുഴുവന്‍ ജലസമൃദ്ധമാകുന്നതോടെ കുടിവെള്ള ക്ഷാമം പരിഹരിക്കാനും കഴിയും. താഴ്ന്ന മേഖലയില്‍ വേനല്‍ക്കാലത്ത് ഓരുവെള്ളം കയറുന്നതു തടയാനും പദ്ധതി ഉപകരിക്കും. വെള്ളം വരുന്ന വഴി അറക്കുളം മൂന്നുങ്കവയലില്‍ ചെക്ഡാം പണിത് ഇവിടെനിന്ന് 500 മീറ്റര്‍ കനാല്‍ നിര്‍മിച്ച് അതിലൂടെ എത്തുന്ന വെള്ളം 6.5 കിലോമീറ്റര്‍ ടണല്‍ നിര്‍മിച്ച് അതിലൂടെ മൂന്നിലവ് പഞ്ചായത്തില്‍ എത്തിക്കും. ഇവിടെനിന്ന് 200 മീറ്റര്‍ ചാലുകീറി വെള്ളം കടപുഴയിലേക്ക് എത്തിക്കുന്നതാണ് പദ്ധതി. മുന്‍ മന്ത്രി കെ.എം. മാണി വിഭാവനം ചെയ്ത പദ്ധതിയാണിത്. അന്നു പഠന റിപ്പോര്‍ട്ട് ലഭിക്കുകയും ടണല്‍ അടിക്കാനായി ഭൂമിക്കടിയിലെ പാറ നിര്‍ണയിക്കാനുള്ള റിഫ്രാക്ഷന്‍ സര്‍വേക്ക് ബംഗളൂരു ആസ്ഥാനമായുള്ള ഏജന്‍സിയുമായി ചര്‍ച്ച പൂര്‍ത്തിയാക്കുകയും ചെയ്തിരുന്നു. പിന്നീട് സാങ്കേതിക കാരണങ്ങളാല്‍ പദ്ധതി വൈകുകയായിരുന്നു. എന്താണ് മീനച്ചില്‍ നദീതട പദ്ധതി വേനല്‍ക്കാലത്ത് വറ്റിവരളുന്ന മീനച്ചില്‍ നദി ജലസമൃദ്ധമാക്കുന്നതാണ് മീനച്ചില്‍ നദീതട പദ്ധതി. ‌ഇതു യാഥാര്‍ഥ്യമാകുന്നതോടെ നദിയില്‍നിന്നുള്ള വെള്ളത്തെയും അതില്‍നിന്ന് വെള്ളമെടുക്കുന്ന വിവിധ ജലസേചന, കുടിവെള്ള പദ്ധതികളെയും ആശ്രയിക്കുന്ന കര്‍ഷക സമൂഹത്തിന് വലിയ പിന്തുണയാകും.

അമിതവേഗത്തില്‍ വിദ്യാര്‍ഥി ഓടിച്ച കാര്‍ ഏഴ് വാഹനങ്ങളില്‍ ഇടിച്ചുകയറി അപകടം

കോട്ടയം: അമിതവേഗത്തില്‍ വിദ്യാര്‍ഥി ഓടിച്ച കാര്‍ ഏഴ് വാഹനങ്ങളില്‍ ഇടിച്ചുകയറി അപകടം. കോളജ് വിദ്യാര്‍ഥിയായ ജുബിന്‍ ലാലു ജേക്കബ് ഓടിച്ച വാഹനമാണ് അമിതവേഗത്തില്‍ വാഹനങ്ങളിലേക്ക് ഇടിച്ചുകയറി ഭീകരാന്തരീക്ഷം സൃഷ്ടിച്ചത്. കോട്ടയം സിഎംഎസ് കോളജ് ജംഗ്ഷന്‍ മുതല്‍ പനമ്പാലം വരെയുള്ള സ്ഥലങ്ങളിലെ വാഹനങ്ങളില്‍ ഇടിച്ചാണ് അപകടമുണ്ടായത്. ഇന്നലെ വൈകുന്നേരം 5.45 നാണ് സംഭവം. നാല് കിലോമീറ്ററിനിടയിലാണ് ഏഴ് വാഹനങ്ങളിലേക്ക് കാര്‍ ഇടിച്ചുകയറിയത്. അപകടത്തെത്തുടര്‍ന്ന് നിര്‍ത്താതെ പോയ വാഹനത്തെ പിന്തുടര്‍ന്ന് നാട്ടുകാര്‍ പിടികൂടാന്‍ ശ്രമിക്കുന്നതിനിടെ പനമ്പാലത്ത് മരത്തിലേക്ക് ഇടിച്ചുകയറുകയായിരുന്നു. അപകടത്തില്‍ കാര്‍ പൂര്‍ണമായും തകര്‍ന്നു. റോഡിലുണ്ടായിരുന്ന നിരവധി വാഹനങ്ങളെ ഇടിച്ച ശേഷം കാര്‍ നിര്‍ത്താതെ ഓടിച്ചുപോവുകയായിരുന്നു. ചുങ്കത്തും ചാലുകുന്നിലും കുടയംപടിയിലും കുടമാളൂരിലും വാഹനങ്ങളില്‍ ഇടിച്ചെങ്കിലും ജുബിന്‍ വണ്ടി നിര്‍ത്തിയില്ല. ഇതോടെയാണ് നാട്ടുകാര്‍ പിന്നാലെ കൂടിയത്. തുടര്‍ന്ന് പനമ്പാലത്ത് റോഡരികിലേക്ക് വാഹനം ഇടിച്ചുകയറുകയായിരുന്നു. ഡ്രൈവറെ പുറത്തിറക്കിയപ്പോള്‍ അർധ ബോധാവസ്ഥയിലായിരുന്നെന്നും ഇയാള്‍ മദ്യലഹരിയിലായിരുന്നെന്നും നാട്ടുകാര്‍ പറയുന്നു. കാറില്‍നിന്നു മദ്യകുപ്പി പോലീസ് കണ്ടെടുത്തിട്ടുണ്ടെന്നാണ് ലഭിക്കുന്ന വിവരം. വിവരമറിഞ്ഞ് ഗാന്ധിനഗര്‍, കോട്ടയം വെസ്റ്റ് പോലീസ് സംഘങ്ങള്‍ സ്ഥലത്തെത്തി. പോലീസ് ഇയാളെ കോട്ടയം മെഡിക്കല്‍ കോളജില്‍ പ്രവേശിപ്പിച്ചു.

ജില്ലാ ലൈബ്രറി കൗണ്‍സില്‍: ബാബു കെ. ജോര്‍ജ് പ്രസിഡന്‍റ്, ബി. ഹരികൃഷ്ണന്‍ സെക്രട്ടറി

കോട്ടയം: ജില്ലാ ലൈബ്രറി കൗണ്‍സില്‍ പ്രസിഡന്‍റായി പാലാ മേവട സുഭാഷ് ലൈബ്രറിയിലെ ബാബു കെ. ജോര്‍ജിനെയും പനമറ്റം ദേശീയവായനശാലയിലെ ബി. ഹരികൃഷ്ണനെയും തെരഞ്ഞെടുത്തു. ജില്ലാ വിദ്യാഭ്യാസ ഡെപ്യൂട്ടി ഡയറക്ടറായിരുന്നു റിട്ടേണിംഗ് ഓഫീസര്‍ വൈസ് പ്രസിഡന്‍റായി വൈക്കം പി. കൃഷ്ണപിള്ള സ്മാരക ലൈബ്രറിയിലെ കെ.ആര്‍. ബീനാകുമാരിയെയും ജോയിന്‍റ് സെക്രട്ടറിയായി പള്ളം ടാഗോര്‍ ലൈബ്രറിയിലെ ബി. ശശികുമാറിനെയും തെരഞ്ഞെടുത്തു. യോഗത്തില്‍ എന്‍. ചന്ദ്രബാബു അധ്യക്ഷത വഹിച്ചു.

ജില്ല ജൂണിയര്‍ അത്‌ലറ്റിക് മീറ്റ്; പാലാ അല്‍ഫോന്‍സ അത്‌ലറ്റിക് അക്കാദമി ഓവറോള്‍ ജേതാക്കള്‍

പാലാ: 68-ാമത് ജില്ല അത്ലറ്റിക് ചാമ്പ്യന്‍ഷിപ്പില്‍ പാലാ അല്‍ഫോന്‍സ അത്‌ലറ്റിക് അക്കാദമി 583 പോയിന്‍റുമായി ഓവറോള്‍ കിരീടം നിലനിര്‍ത്തി. 277 പോയിന്‍റുമായി അസംപ്ഷന്‍ കോളജ് ചങ്ങനാശേരി രണ്ടാം സ്ഥാനവും 254 പോയിന്‍റുമായി എസ്എംവിഎച്ച്എസ്എസ് പൂഞ്ഞാര്‍ മൂന്നാം സ്ഥാനവും നേടി. 160 പോയിന്‍റ് നേടിയ കാഞ്ഞിരപ്പള്ളി എസ്ഡി കോളജിനാണ് നാലാം സ്ഥാനം. 34 സ്വര്‍ണവും 32 വെള്ളിയും 22 വെങ്കലവും നേടിയാണ് പാലാ അല്‍ഫോന്‍സ അത്‌ലറ്റിക് അക്കാദമി ഓവറോള്‍ ജേതാക്കളായത്. വനിതകളുടെ 20 വയസില്‍ താഴെയുള്ള വിഭാഗത്തില്‍ അസംപ്ഷന്‍ കോളജ് ചങ്ങനാശേരി 199 പോയിന്‍റുമായി ഒന്നാമതും അല്‍ഫോന്‍സ അത്‌ലറ്റിക് അക്കാഡമി 146 പോയിന്‍റുമായി രണ്ടാമതുമെത്തി. പുരുഷന്മാരുടെ 20 വയസില്‍ താഴെയുള്ള വിഭാഗത്തില്‍ സെന്‍റ് ഡൊമിനിക്‌സ് കോളജ് കാഞ്ഞിരപ്പള്ളി 160 പോയിന്‍റുമായി ഒന്നാമതും 105 പോയിന്‍റുമായി എസ്ബി കോളജ് ചങ്ങനാശേരി രണ്ടാമതുമെത്തി. വനിതകളുടെ 18 വയസില്‍ താഴെയുള്ള വിഭാഗത്തില്‍ അല്‍ഫോന്‍സ അത്‌ലറ്റിക് അക്കാഡമി 113 പോയിന്‍റുമായി ഒന്നാമതും അസംപ്ഷന്‍ കോളജ് ചങ്ങനാശേരി 74 പോയിന്‍റുമായി രണ്ടാം സ്ഥാനവും നേടി. പുരുഷന്മാരുടെ 18 വയസില്‍ താഴെയുള്ള വിഭാഗത്തില്‍ അല്‍ഫോന്‍സ അത്‌ലറ്റിക് അക്കാദമി 110 പോയിന്‍റുമായി ഒന്നാമതും എസ്എംവിഎച്ച്എസ്എസ് പൂഞ്ഞാര്‍ 52 പോയിന്‍റുമായി രണ്ടാം സ്ഥാനവും നേടി. പെണ്‍കുട്ടികളുടെ 16 വയസില്‍ താഴെയുള്ള വിഭാഗത്തില്‍ 82 പോയിന്‍റുമായി എസ്എച്ച് ജിഎച്ച്എസ്എസ് ഭരണങ്ങാനം ഒന്നാമതും അല്‍ഫോന്‍സ അത്‌ലറ്റിക് അക്കാഡമി 64 പോയിന്‍റുമായി രണ്ടാം സ്ഥാനവും നേടി. ആണ്‍കുട്ടികളുടെ 16 വയസില്‍ താഴെയുള്ള വിഭാഗത്തില്‍ 64 പോയിന്‍റുമായി എസ്എം വിഎച്ച്എസ്എസ് പൂഞ്ഞാര്‍ ഒന്നാം സ്ഥാനത്തും 51 പോയിന്‍റുമായി എംഡിഎസ് എച്ച്എസ്എസ് കോട്ടയം രണ്ടാം സ്ഥാനവും നേടി. പെണ്‍കുട്ടികളുടെ 14 വയസില്‍ താഴെയുള്ള വിഭാഗത്തില്‍ എസ്എച്ച് ജിഎച്ച്എസ്എസ് ഭരണങ്ങാനം 62.5 പോയിന്‍റുമായി ഒന്നാമതും അല്‍ഫോന്‍സ അത്റ്റിക് അക്കാഡമി 54 പോയിന്‍റുമായി രണ്ടാമതുമെത്തി. ആണ്‍കുട്ടികളുടെ 14 വയസില്‍ താഴെയുള്ള വിഭാഗത്തില്‍ 56 പോയിന്‍റുമായി അല്‍ഫോന്‍സ അത്‌ലറ്റിക് അക്കാദമി ഒന്നാം സ്ഥാനത്തും കോട്ടയം എന്‍ഐഎസ് അക്കാദമി 45 പോയിന്‍റുമായി രണ്ടാം സ്ഥാനത്തുമെത്തി. സമാപന സമ്മേളനത്തില്‍ ജില്ലാ അത് ലറ്റിക് അസോസിയേഷന്‍ പ്രസിഡന്‍റ് ഫാ. മാത്യു കരീതറ സമ്മാനദാനം നിര്‍വഹിച്ചു. സംസ്ഥാന അത്‌ലറ്റിക് അസോസിയേഷന്‍ പ്രതിനിധി പ്രവീണ‍ തരിയന്‍, ഡോ. ജിമ്മി ജോസഫ്, റോയി സ്‌കാറിയ, ഡോ. സിനി തോമസ്, ഡോ. ബോബന്‍ ഫ്രാന്‍സിസ്, ഡോ. തങ്കച്ചന്‍ മാത്യു എന്നിവര്‍ പ്രസംഗിച്ചു.

പൈക ആശുപത്രി ജംഗ്ഷനില്‍ ബസ് കാത്തിരിപ്പുകേന്ദ്രം നിര്‍മിക്കും

പൈക: ഗവണ്‍മെന്‍റ് ആശുപത്രി ജംഗ്ഷനില്‍ പൊന്‍കുന്നം ഭാഗത്തേക്ക് പോകുവാനുള്ള ബസ് യാത്രികര്‍ക്കുള്ള കാത്തിരിപ്പുകേന്ദ്രത്തിന് തറക്കല്ലിട്ടു. പൈക ആശുപത്രി കെട്ടിടം നിലവില്‍ വന്ന ശേഷം വര്‍ഷങ്ങളായി ഇവിടെ ഒരു ബസ് കാത്തിരിപ്പുകേന്ദ്രം ഇല്ലായിരുന്നു. എലിക്കുളം, കാഞ്ഞിരപ്പള്ളി, ചിറക്കടവ് പഞ്ചായത്തുകളില്‍ നിന്നെത്തുന്ന രോഗികള്‍ക്ക് ഈ ബസ് കാത്തിരിപ്പു കേന്ദ്രം ആശ്വാസമാകും. പൈക ജ്യോതി പബ്ലിക് സ്‌കൂൾ അധികൃതരുടെയും പഞ്ചായത്തംഗം മാത്യൂസ് പെരുമനങ്ങാടന്‍റെയും വര്‍ഷങ്ങളായുള്ള ശ്രമംകൂടിയാണ് ഇവിടെ സഫലമാകുന്നത്. ആശുപത്രിയിലെത്തുന്ന പൊന്‍കുന്നം ഭാഗത്തുള്ള യാത്രക്കാര്‍ക്കും രോഗികള്‍ക്കും ഇരിക്കുവാനോ, മഴയത്തു കയറി നില്ക്കുവാനോ സൗകര്യമുണ്ടായിരുന്നില്ല. പൈക ജോതി പബ്ലിക് സ്‌കൂളാണ് ബസ് കാത്തിരിപ്പു കേന്ദ്രത്തിന്‍റെ നിര്‍മാണം നടത്തുന്നത്. പൈക സെന്‍റ് ജോസഫ്സ് പള്ളി വികാരി ഫാ. മാത്യു വാഴയ്ക്കപാറയില്‍ തറക്കല്ലിടീല്‍ നിര്‍വഹിച്ചു. എലിക്കുളം പഞ്ചായത്തംഗം മാത്യൂസ് പെരുമനങ്ങാട് അധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ സിസ്റ്റര്‍ ലിസറ്റ് കണിവേലില്‍, സിസ്റ്റര്‍ അല്‍ഫോന്‍സ മഠത്തിപ്പറമ്പില്‍, സിസ്റ്റര്‍ റെജിന്‍, ലിജോയ്‌സ് ചാക്കോ എന്നിവര്‍ സംബന്ധിച്ചു.

കിഴപറയാര്‍ കുടുംബാരോഗ്യ കേന്ദ്രത്തിന് ഓക്‌സിജന്‍ കോണ്‍സൻട്രേറ്ററുകള്‍ ലഭിച്ചു

പാലാ: മീനച്ചില്‍ പഞ്ചായത്തിലെ കുടുംബാരോഗ്യകേന്ദ്രമായ കിഴപറയാര്‍ കുടുംബാരോഗ്യ കേന്ദ്രത്തിന് ഓക്‌സിജന്‍ കോണ്‍സൻട്രേറ്ററുകള്‍ ലഭിച്ചു. ബ്‌ളോക്ക് മെംബറുടെ 2025 - 2026 പദ്ധതിയില്‍പ്പെടുത്തി പഞ്ചായത്തംഗം ഷിബു പൂവേലിയാണ് അഞ്ച് ഓക്‌സിജന്‍ കോണ്‍സൻട്രേറ്ററുകള്‍ അനുവദിച്ചത്. കുടുംബാരോഗ്യ കേന്ദ്രത്തില്‍ നടന്ന ചടങ്ങില്‍ മാണി സി. കാപ്പന്‍ എംഎല്‍എ കോണ്‍സൻട്രേറ്ററുകള്‍ കൈമാറി. ളാലം ബ്‌ളോക്ക് മെംബര്‍ ഷിബു പൂവേലി അധ്യക്ഷത വഹിച്ചു. മീനച്ചില്‍ പഞ്ചായത്ത് പ്രസിഡന്‍റ് സോജന്‍ തൊടുക, ജില്ലാ പഞ്ചായത്തംഗം രാജേഷ് വാളിപ്ലാക്കല്‍, ഡോ. ജോസ്‌ലി ഡാനിയേല്‍, സാജോ പൂവത്താനി, നളിനി ശ്രീധരന്‍, ടി.ബി. ബിജു, ഷാജി വെള്ളപ്പാട്, ടോമി മാമ്പക്കുളം,മാത്യു വെള്ളാപ്പാട്ട്, വിൻസന്‍റ് കണ്ടത്തിൽ, സണ്ണി വെട്ടം ,ജിനു വാട്ടപ്പളളി, എബിൻ വാട്ടപ്പള്ളി തുടങ്ങിയവര്‍ പ്രസംഗിച്ചു.

റിവര്‍വ്യൂ റോഡും ബൈപാസും: നിയമക്കുരുക്ക് സര്‍ക്കാര്‍ തലങ്ങളില്‍

പാലാ: പാലായുടെ സ്വപ്‌നപദ്ധതിയായ റിവര്‍വ്യൂ റോഡിന്‍റെയും ബൈപാസിന്‍റെയും അവശേഷിക്കുന്ന പണികള്‍ പൂര്‍ത്തിയാക്കുന്നതിനുള്ള നടപടികള്‍ സര്‍ക്കാര്‍തലത്തില്‍ ഇഴയുന്നു. മീനച്ചിലാറിന്‍റെ തീരത്തുകൂടി ജനറലാശുപത്രി ജംഗ്ഷന്‍ മുതല്‍ കൊട്ടാരമറ്റംവരെ തൂണുകളില്‍ പാലമായി തീര്‍ക്കുന്ന റിവര്‍വ്യൂ റോഡിനായി സ്വകാര്യ വ്യക്തിയുടെ കെട്ടിടമുള്ള സ്ഥലം ഏറ്റെടുക്കുന്നതിലുണ്ടായ പാളിച്ചയാണ് നിര്‍മാണം നിലയ്ക്കുവാന്‍ പ്രധാന കാരണം. പൊതുമരാമത്ത് വകുപ്പ് മൂല്യനിര്‍ണയം സംബന്ധിച്ച് രേഖകളുണ്ടായാല്‍ പാലാ ജനറലാശുപത്രിക്ക് മുന്നിലെ രണ്ടര സെന്‍റ് സ്ഥലം ഏറ്റെടുത്ത് കൈമാറാന്‍ തയാറാണന്ന് പാലാ ലാൻഡ് അക്വസിഷന്‍ തഹസില്‍ദാര്‍ ബിനു സെബാസ്റ്റ്യന്‍ പറഞ്ഞു. പൊതുമരാമത്ത് വകുപ്പിന്‍റെ റോഡ് പാലംവിഭാഗം മൂല്യനിര്‍ണയം നടത്തി ജില്ലാ ഓഫീസിന് കൈമാറിയിട്ടുണ്ട്. ഇത് ജില്ലാ കളക്ടര്‍ക്ക് നല്‍കാനുണ്ട്. ജില്ലാ കളക്ടറുടെ അറിയിപ്പ് എത്തിയാലുടന്‍ തുക കൈമാറി സ്ഥലം ഏറ്റെടുക്കുമെന്നും അദേഹം പറഞ്ഞു. പാലാ ബൈപാസ് റോഡിന്‍റെ മൂന്നാംഘട്ടത്തിലെ വളവുള്ള ഭാഗം നിവര്‍ത്തുന്നതിനുള്ള നടപടികളും നിയമ നടപടികളോടൊപ്പം സര്‍ക്കാര്‍ തലത്തിലുള്ള നടപടികളിലും കുരുങ്ങിക്കിടക്കുകയാണ്. അരുണാപുരം ഭാഗത്ത് മരിയന്‍ ജംഗ്ഷനില്‍ ഒരു വീടും സ്ഥലവുമാണ് ഏറ്റെടുക്കാനുള്ളത്. ഇവിടെ സ്ഥലമുടമ ഹൈക്കോടതിയെ സമീപിച്ചതിനെത്തുടര്‍ന്ന് നടപടികള്‍ നിശ്ചലമായിരുന്നു. പിന്നീട് വീണ്ടും ഭരണാനുമതി ലഭിക്കുന്നതിനായി പൊതുമരാമത്ത് വിഭാഗം സ്ഥലം പരിശോധിച്ച് ചീഫ് എന്‍ജിനിയറുടെ ഓഫീസിന് റിപ്പോര്‍ട്ട് നല്‍കിയതായി റോഡ് പാലംവിഭാഗം അധികൃതര്‍ അറിയിച്ചു. ചീഫ് എന്‍ജിനിയര്‍ പുതുക്കിയ ഭരണാനുമതിക്കായി സര്‍ക്കാരിന് അപേക്ഷ നല്‍കിയിട്ടുണ്ട്. പുതുക്കിയ ഭരണാനുമതി ലഭിച്ചാല്‍ തുടര്‍നടപടികള്‍ തുടങ്ങുമെന്നും പൊതുമരാമത്ത് അധികൃതര്‍ അറിയിച്ചു. ഹോട്ടലുടമയുടെ സ്ഥലം ഏറ്റെടുക്കാന്‍ തുടക്കത്തില്‍ വിട്ടുപോയതാണ് പ്രശ്നങ്ങള്‍ക്ക് കാരണമെന്ന് മാണി സി. കാപ്പന്‍ എംഎല്‍എ പറഞ്ഞു. പാലാ ബൈപാസിലെ സ്ഥലമുടമ കോടതിയെ സമീപിച്ചിട്ടുണ്ടങ്കിലും സര്‍ക്കാരിന് മറികടക്കാവുന്നതേയുള്ളൂവെന്നും അദ്ദേഹം പറഞ്ഞു.

കന്യാസ്ത്രീകളുടെ അറസ്റ്റ്: പ്രതിഷേധം തുടരുന്നു

ചേര്‍പ്പുങ്കല്‍: ഛത്തീസ്ഗഡില്‍ കന്യാസ്ത്രീകളെ അന്യായമായി ജയിലിലടച്ച നടപടിയില്‍ ചേര്‍പ്പുങ്കല്‍ ഫൊറോന ഇടവക സമൂഹം പ്രതിഷേധിച്ചു. ഫൊറോനാ പള്ളി അങ്കണത്തില്‍ ചേര്‍ന്ന പ്രതിഷേധ യോഗം വികാരി ഫാ. മാത്യു തെക്കേല്‍ ഉദ്ഘാടനം ചെയ്തു. അസിസ്റ്റന്‍റ് വികാരിമാരായ ഫാ. മാര്‍ട്ടിന്‍ കല്ലറക്കല്‍, ഫാ. അജിത്ത് പരിയാരത്ത്, ഫാ. ജോസഫ് മൂക്കന്‍തോട്ടം, ഫാ. എബി തകിടിയേല്‍, എകെസിസി യൂണിറ്റ് പ്രസിഡന്‍റ് മാര്‍ട്ടിന്‍ ജെ. കോലടി, ജില്ലാ പഞ്ചായത്ത് അംഗം ജോസ്‌മോന്‍ മുണ്ടയ്ക്കല്‍, പള്ളിയോഗം സെക്രട്ടറി ബേബിച്ചന്‍ കൊച്ചുപറമ്പില്‍ തുടങ്ങിയവര്‍ പ്രസംഗിച്ചു. ജയിലുകൾ സുവിശേഷ കേന്ദ്രങ്ങളാകും മേലുകാവുമറ്റം: ജയിലുകള്‍ സുവിശേഷ കേന്ദ്രങ്ങളാകുമെന്ന് മേലുകാവുമറ്റം സെന്‍റ് തോമസ് പള്ളി വികാരി റവ. ഡോ. ജോര്‍ജ് കാരംവേലില്‍. ഛത്തീസ്ഗഡില്‍ അന്യായമായി തടവിലാക്കപ്പെട്ട കന്യാസ്ത്രീകള്‍ക്ക് ഐക്യദാര്‍ഢ്യം പ്രഖ്യാപിച്ചു മേലുകാവുമറ്റം സെന്‍റ് തോമസ് പള്ളിയുടെ നേതൃത്വത്തില്‍ നടന്ന ഐക്യ പ്രഖ്യാപന ജാഗ്രതാ റാലിയില്‍ സന്ദേശം നല്‍കി പ്രസംഗിക്കുകയായിരുന്നു അദ്ദേഹം. ഫാ. ജോസഫ് കണ്ടപറമ്പത്, ജോണ്‍സണ്‍ പാമ്പക്കല്‍, ബെന്നി കൊച്ചുപറമ്പില്‍ എന്നിവര്‍ പ്രസംഗിച്ചു. ധർണ നടത്തി തിടനാട്: ഛത്തീസ്ഗഡില്‍ മലയാളി കന്യാസ്ത്രീകളെ അകാരണമായി അറസ്റ്റ് ചെയ്തതിനെതിരേ തിടനാട് യുഡിഎഫ് മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധ ധര്‍ണ സംഘടിപ്പിച്ചു. കേരള കോണ്‍ഗ്രസ് മണ്ഡലം പ്രസിഡന്‍റ് രമേശ് കുമ്മണ്ണൂര്‍ അധ്യക്ഷത വഹിച്ചു. ഡിസിസി സെക്രട്ടറി പ്രഫ. റോണി കെ. ബേബി ഉദ്ഘാടനം ചെയ്തു. കേരള കോണ്‍ഗ്രസ് ഉന്നതാധികാര സമിതിയംഗം സാബു പ്ലാത്തോട്ടം മുഖ്യപ്രഭാഷണം നടത്തി. യുഡിഎഫ് മണ്ഡലം കണ്‍വീനര്‍ സുരേഷ് കാലായില്‍, കോണ്‍ഗ്രസ് മണ്ഡലം പ്രസിഡന്‍റ് റോയി തുരുത്തിയില്‍, ബിനോ മുളങ്ങാശേരി, വര്‍ക്കിച്ചന്‍ വയമ്പോത്തനാല്‍, ഇമ്മാനുവല്‍ പുളിമൂട്ടില്‍, ജോസ് വടക്കേല്‍, പി.ജെ. ചാക്കോ പൊരിയത്ത്, മോഹനകുമാര്‍ കുമ്മണ്ണൂര്‍, ഓമന ഗോപാലന്‍ തുടങ്ങിയവര്‍ പ്രസംഗിച്ചു. ഏഴാച്ചേരി: കന്യാസ്ത്രീകള്‍ക്ക് നീതി വൈകുന്നതില്‍ എകെസിസി ഏഴാച്ചേരി യൂണിറ്റ് പ്രതിഷേധിച്ചു. വികാരി ഫാ. ലൂക്കോസ് കൊട്ടുകാപ്പള്ളി ഉദ്ഘാടനം ചെയ്തു. പ്രസിഡന്‍റ് ബിനോയി പള്ളത്ത് അധ്യക്ഷത വഹിച്ചു. സെക്രട്ടറി സജി പള്ളിയാരടിയില്‍, അജോ തൂണുങ്കല്‍, ജോമേഷ് നടയ്ക്കല്‍, റോയി പള്ളത്ത്, സോജന്‍ കവളക്കാട്ട്, സതീഷ് ഐക്കര, ബെന്നി ആലുങ്കല്‍, സാബു നെടുമ്പള്ളില്‍, ജയ്സണ്‍ കരിങ്ങോഴയ്ക്കല്‍ എന്നിവര്‍ പ്രസംഗിച്ചു. പാലാ: ഛത്തീസ്ഗഡില്‍ കന്യാസ്ത്രീകളെ നിയമവിരുദ്ധമായി അറസ്റ്റ് ചെയ്തതില്‍ പ്രതിഷേധിച്ച് ഇന്നു വൈകുന്നേരം ആറിന് പാലാ ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തില്‍ കരിശുപള്ളിക്കവലയില്‍ പ്രതിഷേധസമരം നടത്തും. ബ്ലോക്ക് പ്രസിഡന്‍റ് എന്‍. സുരേഷിന്‍റെ അധ്യക്ഷതയില്‍ ചേരുന്ന യോഗം തിരുവഞ്ചൂര്‍ രാധാകൃഷ്ണന്‍ എംഎല്‍എ ഉദ്ഘാടനം ചെയ്യും. പുഞ്ഞാർ: ഛത്തീസ്ഗഡിൽ കന്യാസ്ത്രീകളെ അറസ്റ്റ് ചെയ്ത് തുറങ്കിലിലടച്ച ബിജെപി ഗവൺമെന്‍റിന്‍റെ ന്യൂനപക്ഷവിരുദ്ധ സമീപനത്തിൽ പ്രതിഷേധിച്ച് ഐഎൻടിയുസി പൂഞ്ഞാർ റീജണൽ കമ്മിറ്റി പ്രതിഷേധിച്ചു. സംസ്ഥാന കമ്മിറ്റി അംഗം വി.ജെ. ജോസ് യോഗം ഉദ്ഘാടനം ചെയ്തു. റീജണൽ കമ്മിറ്റി പ്രസിഡന്‍റ് നാസർ പനച്ചി അധ്യക്ഷത വഹിച്ചു.

പാലാ ഇന്‍സ്റ്റിറ്റ്യൂട്ട് ഓഫ് ഹോസ്പിറ്റാലിറ്റി മാനേജ്മെന്‍റിന് 35 കോടിയുടെ ഭരണാനുമതി: ജോസ് കെ. മാണി എംപി

പാലാ: സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ഹോസ്പിറ്റാലിറ്റി മാനേജ്മെന്‍റ് സ്ഥാപിക്കുന്നതിന് 35 കോടിയുടെ പുതിയ ഭരണാനുമതി ലഭ്യമായതായി ജോസ് കെ. മാണി എംപി അറിയിച്ചു. ധനമന്ത്രി കെ.എന്‍. ബാലഗോപാലുമായി നിരവധി തവണ ചര്‍ച്ച നടത്തുകയും മന്ത്രിതന്നെ നേരിട്ട് മുടങ്ങിക്കിടക്കുന്ന നിര്‍മാണ പ്രവര്‍ത്തനങ്ങള്‍ കണ്ടതിന്‍റെയും അടിസ്ഥാനത്തിലാണ് പുതുക്കിയ ഭരണാനുമതി. ധനമന്ത്രി ആവശ്യപ്പെട്ടതനുസരിച്ചു ധനകാര്യ ചീഫ് ടെക്‌നിക്കല്‍ എക്‌സാമിനറുടെ നേതൃത്വത്തില്‍ വിലയിരുത്തുകയും ചെയ്തു. അക്കാഡമിക് ബ്ലോക്കിന്‍റെ പൂര്‍ത്തീകരണത്തിനും പൂര്‍ണമായ പ്രവര്‍ത്തനത്തിനും 2021 -ലെ ഡിഎസ്ആര്‍ അടിസ്ഥാനമാക്കിയാണ് 3,513.47 ലക്ഷം തുകയ്ക്ക് പുതുക്കിയ ഭരണാനുമതി നല്‍കിയത്. നിലവിലെ കരാറുകാരനെ പിരിച്ചുവിട്ട് പുതിയ ടെന്‍ഡര്‍ നടപടികള്‍ ആരംഭിക്കണമെന്നും പുതുക്കിയ ഭരണാനുമതിപ്രകാരം കേന്ദ്ര ഗവണ്‍മെന്‍റിന്‍റെ ബാക്കിയുള്ള വിഹിതം ലഭ്യമാക്കുന്നതിന് ടൂറിസം ഡയറക്ടര്‍ ആവശ്യമായ നടപടി സ്വീകരിക്കണമെന്നും സര്‍ക്കാര്‍ ഉത്തരവിലുണ്ട്. കേന്ദ്ര ഗവണ്‍മെന്‍റിന്‍റെ ബാക്കിയുള്ള വിഹിതം ലഭ്യമാക്കുന്നതിന് സര്‍ക്കാരില്‍ ഇടപെടുമെന്നും എത്രയും പെട്ടെന്ന് സാങ്കേതികാനുമതി ലഭ്യമാക്കുവാന്‍ നിര്‍വഹണ ഏജന്‍സിയായ കെഐഐഡിസിയോട് ആവശ്യപ്പെട്ടിട്ടുണ്ടെന്നും ജോസ് കെ. മാണി എംപി അറിയിച്ചു. മുത്തോലി പുലിയന്നൂരിലെ ഇന്‍ഡ്യന്‍ ഇന്‍സ്റ്റിറ്റൂട്ട് ഓഫ് ഹോട്ടല്‍ മാനേജ്‌മെന്‍റിനായുള്ള 80 ശതമാനം പണികളും പൂര്‍ത്തിയായെങ്കിലും തുടര്‍ന്നുള്ള പണികള്‍ തടസമാവുകയായിരുന്നു. പുതുക്കിയ ഭരണാനുമതി ലഭ്യമാക്കിയതോടെ മുടങ്ങിയ നിര്‍മാണങ്ങള്‍ ഉടന്‍ പുനരാരംഭിക്കുമെന്നും അദ്ദേഹം പറഞ്ഞു.

മെഡിസിറ്റിയില്‍ ഹാര്‍ട്ട് ഫെയിലര്‍ ക്ലിനിക് പ്രവര്‍ത്തനമാരംഭിച്ചു

പാലാ: ഹൃദ്രോഗ സംബന്ധമായ രോഗങ്ങള്‍ നേരിടുന്നവര്‍ക്കായി മാര്‍ സ്ലീവാ മെഡിസിറ്റിയില്‍ കാര്‍ഡിയാക് സയന്‍സസ് വിഭാഗത്തിന്‍റെ നേതൃത്വത്തില്‍ പുതിയ ഹാര്‍ട്ട് ഫെയിലര്‍ ക്ലിനിക് ആരംഭിച്ചു. അനൂപ് ജേക്കബ് എംഎല്‍എ ഉദ്ഘാടനം നിര്‍വഹിച്ചു. ആധുനിക ചികിത്സകള്‍ ഒരു കുടക്കീഴില്‍ ഒരുക്കുന്ന മാര്‍ സ്ലീവാ മെഡിസിറ്റിയുടെ പ്രവര്‍ത്തനങ്ങള്‍ മാതൃകാപരമാണെന്ന് അദ്ദേഹം പറഞ്ഞു. ബിഷപ് മാര്‍ ജോസഫ് കല്ലറങ്ങാട്ട് അധ്യക്ഷത വഹിച്ചു. ആധ്യാത്മികമായ വീക്ഷണത്തോടു കൂടിയാണ് മാര്‍ സ്ലീവാ മെഡിസിറ്റിയുടെ ഓരോ പ്രവര്‍ത്തനങ്ങളുമെന്ന് ബിഷപ് പറഞ്ഞു. ഹാര്‍ട്ട് ഫെയിലര്‍ ക്ലിനിക്കിനെക്കുറിച്ച് കാര്‍ഡിയാക് സയന്‍സസ് വിഭാഗം മേധാവി ഡോ. രാംദാസ് നായിക് വിശദീകരിച്ചു. ആശുപത്രി മാനേജിംഗ് ഡയറക്ടര്‍ മോണ്‍. ഡോ.ജോസഫ് കണിയോടിക്കല്‍, ചീഫ് ഓഫ് മെഡിക്കല്‍ സര്‍വീസസ് എയര്‍ കോമഡോര്‍ ഡോ.പോളിന്‍ ബാബു എന്നിവര്‍ പ്രസംഗിച്ചു. ഹൃദ്രോഗികള്‍ക്കും ഹൃദ്രോഗലക്ഷണങ്ങള്‍ ഉള്ളവര്‍ക്കും ആധുനിക സമഗ്ര ചികിത്സകള്‍ ഉറപ്പാക്കുക എന്നതാണ് ക്ലിനിക്കിന്‍റെ ലക്ഷ്യം. ജന്മനാ ഹൃദ്രോഗബാധിതര്‍, ജീവിതശൈലി രോഗം നേരിടുന്നവര്‍, ഹൃദയത്തിന്‍റെ പമ്പിംഗ് കുറഞ്ഞവര്‍, ഹൃദ്രോഗ ചികിത്സ നടത്തിവരുന്നവര്‍ എന്നിവര്‍ക്കും ക്ലിനിക്കിന്‍റെ സേവനം പ്രയോജനപ്പെടും. ക്ലിനിക്കില്‍ ഉള്‍പ്പെടുന്നവര്‍ക്ക് വ്യക്തിഗത ചികിത്സാപദ്ധതികളും പ്രത്യേക കണ്‍സള്‍ട്ടേഷന്‍ പാക്കേജുകളും ലഭ്യമാകും. ഡോക്ടര്‍മാരുടെ പരിശോധനകളെ തുടര്‍ന്നാണ് ക്ലിനിക്കിലേക്ക് അര്‍ഹരായവരെ കണ്ടെത്തുന്നത്. എല്ലാ ദിവസവും ക്ലിനിക്കിന്‍റെ സേവനം ലഭ്യമാണ്. രോഗികള്‍ക്കായി പ്രത്യേക ഹെല്‍ത്ത് സ്‌ക്രീനിംഗ് കാര്‍ഡും ഉണ്ടാകും. വിദഗ്ധ ചികിത്സ ആവശ്യമുള്ളവര്‍ക്ക് 24 മണിക്കൂറും വിദഗ്ധരെ ബന്ധപ്പെടാനും അവസരമുണ്ട്. ക്ലിനിക്കിന്‍റെ ഭാഗമാകുന്നവര്‍ക്ക് പ്രത്യേക ചികിത്സാനിരക്കുകളും ലാബ് റേഡിയോളജി സേവനങ്ങള്‍ക്ക് പ്രത്യേക പരിഗണനകളും ലഭ്യമാണ്. പേഷ്യന്‍റ് കൗണ്‍സലിംഗ്, ഡയറ്റീഷ്യന്മാരുടെ സേവനം, കുടുംബാംഗങ്ങള്‍ക്കായി പ്രത്യേക കൗണ്‍സലിംഗ് തുടങ്ങിയ സേവനങ്ങളുമുണ്ട്. വിദഗ്ധ ഡോക്ടര്‍മാരുടെ മേല്‍നോട്ടത്തില്‍ 24 മണിക്കൂറും ആന്‍ജിയോപ്ലാസ്റ്റി സൗകര്യവും അത്യാധുനിക കാത്ത് ലാബും മാര്‍ സ്ലീവാ മെഡിസിറ്റിയുടെ പ്രത്യേകതയാണ്.

കോഴായിൽ ഫാം ഫെസ്റ്റ് വരുന്നു; നാടിന് ഉത്സവമാകും

കുറവിലങ്ങാട്: സയൻസ് സിറ്റിയും ജില്ലാ കൃഷിത്തോട്ടവും സംസ്ഥാന സീഡ് ഫാമും സമ്മാനിക്കുന്ന കാർഷിക കരുത്തിൽ കോഴായിൽ ഫാം ഫെസ്റ്റ് വരുന്നു. ഇതാദ്യമായാണ് ജില്ലാ കൃഷിത്തോട്ടവും സംസ്ഥാന സീഡ്ഫാമും ചേർന്ന് കാർഷികോത്സവത്തിന് ആതിഥ്യമരുളുന്നത്. ജില്ലയ്ക്കാകെ കാർഷിക മുന്നേറ്റത്തിനും ആസ്വാദനത്തിനുമുള്ള വഴിതുറക്കുന്നുവെന്നത് ഫാം ഫെസ്റ്റ് വലിയ മുന്നേറ്റമാക്കി മാറ്റും. സെപ്റ്റംബർ 26 മുതൽ നാലു ദിവസത്തേക്കാണ് അറിവും ആവേശവും ആനന്ദവും സമ്മാനിക്കുന്ന ഉത്സവം നടക്കുക. 70 ഏക്കറോളം വരുന്ന ജില്ലാ കൃഷിത്തോട്ടത്തിനും 25 ഏക്കറുള്ള സംസ്ഥാന സീഡ്ഫാമിലും വലിയ അറിവുത്സവമാകും നടക്കുന്നത്. ജില്ലാ കൃഷിത്തോട്ടത്തിലെ പറക്കത്താനം മലയാകും ഫെസ്റ്റിന്‍റെ ആകർഷണ ഇനം. പറക്കത്താനത്തേക്കു കാൽനടയായും വാഹനത്തിലും പോകുന്നതിനുള്ള ക്രമീകരണങ്ങൾ നടത്തും. കശുമാവ് തോട്ടത്തിന്‍റെ പേരിൽ അറിയപ്പെട്ടിരുന്ന പറക്കത്താനം മല ഇപ്പോൾ കാർഷിക സമൃദ്ധിയിലാണ് ശ്രദ്ധയാർജിക്കുന്നത്. വിവിധ വിനോദസൗകര്യങ്ങളും കായിക മത്സരങ്ങളും ഫാം ഫെസ്റ്റിന്‍റെ ഭാഗമാണ്. ഫാം ഫെസ്റ്റിന്‍റെ ഭാഗമായി വിവിധ കമ്മിറ്റികളുടെ രൂപീകരണവും തുടർപ്രവർത്തനങ്ങളും വരുംദിവസങ്ങളിൽ നടക്കും. കൃഷിവകുപ്പും കോട്ടയം ജില്ലാ പഞ്ചായത്തും ചേർന്നാണ് ഫാം ഫെസ്റ്റിനുള്ള ക്രമീകരണങ്ങൾ നടത്തുന്നത്.

കന്യാസ്ത്രീകളെ അറസ്റ്റ് ചെയ്ത സംഭവം: പ്രതിഷേധം തുടരുന്നു

മുണ്ടക്കയം: മലയാളി കന്യാസ്ത്രീകളെ കള്ളക്കേസ് ചുമത്തി അറസ്റ്റ് ചെയ്ത് ജയിലിലടച്ച ഛത്തീസ്ഗഡിലെ ബിജെപി സർക്കാരിന്‍റെ കിരാത നടപടിയിൽ പ്രതിഷേധിച്ച് മുണ്ടക്കയം ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ മുണ്ടക്കയത്ത് പ്രതിഷേധജ്വാല സംഘടിപ്പിച്ചു. ബ്ലോക്ക് പ്രസിഡന്‍റ് ബിനു മറ്റക്കര അധ്യക്ഷത വഹിച്ചു. കെപിസിസി ജനറൽ സെക്രട്ടറി പി.എ. സലിം ഉദ്ഘാടനം ചെയ്തു. പ്രകാശ് പുളിക്കൻ, റോയി കപ്പലുമാക്കൽ, വി.ടി. അയൂബ്ഖാൻ, കെ.എസ്. രാജു, സി.എ. തോമസ്, നാസർ പനച്ചി, വിജയമ്മ ബാബു, കെ.കെ. ജനാർദനൻ, സലിം കണ്ണങ്കര, മാഗി ജോസഫ്, ടി.ജെ. ജോൺസൺ, നൗഷാദ് ഇല്ലിക്കൽ, ടി.വി. ജോസഫ്, ബെന്നി ചേറ്റുകുഴി, ബോബി. കെ മാത്യു എന്നിവർ പ്രസംഗിച്ചു. മുണ്ടക്കയം: ഛത്തീസ്ഗഡില്‍ മനുഷ്യക്കടത്ത് ആരോപിച്ച് മലയാളി കന്യാസ്ത്രീകളെ അറസ്റ്റ് ചെയ്ത സംഭവം പ്രതിഷേധാര്‍ഹമാണെന്നും ഭരണഘടനാ വിരുദ്ധവും മനുഷ്യാവകാശ ലംഘനവുമായ നടപടി പിന്‍വലിക്കണമെന്നും കേരള കോണ്‍ഗ്രസ് മുണ്ടക്കയം മണ്ഡലം കമ്മിറ്റി ആവശ്യപ്പെട്ടു. ഇന്ത്യയില്‍ പലയിടങ്ങളിലായി നടന്നുകൊണ്ടിരിക്കുന്ന ന്യൂനപക്ഷവേട്ടയുടെ ഏറ്റവും ഒടുവിലത്തെ ഉദാഹരണമാണ് ഛത്തീസ്ഗഡില്‍ നടന്നത്. മതവര്‍ഗീയവാദികളുടെ കൈയിലെ മര്‍ദനോപാധിയായി പ്രവര്‍ത്തിക്കുകയാണ് സര്‍ക്കാരും പോലീസുമെന്നും യോഗം കുറ്റപ്പെടുത്തി. മണ്ഡലം പ്രസിഡന്‍റ് ഷാജി അറത്തിലിന്‍റെ അധ്യക്ഷതയില്‍ കൂടിയ യോഗം സംസ്ഥാന സെക്രട്ടറി സോണി തോമസ് ഉദ്ഘാടനം ചെയ്തു. ജിജി നിക്കോളാസ്, എം.വി. വര്‍ക്കി, അജീഷ് വേലനിലം, ജസ്റ്റിന്‍ ഡേവിഡ്, ജോണി ആലപ്പാട്ട്, തോമാച്ചന്‍ തടത്തില്‍, കുഞ്ഞുമോന്‍ അമ്പാട്ട് തുടങ്ങിയവര്‍ പ്രസംഗിച്ചു.

തെരുവുനായ ശല്യം: നടപടി ഉണ്ടാകാത്തതിൽ വെച്ചൂച്ചിറയിൽ പ്രതിഷേധം

റാന്നി: വെച്ചൂച്ചിറയിൽ വർധിച്ചുവരുന്ന തെരുവുനായ ശല്യത്തിൽ നടപടി വൈകുന്നതിൽ പ്രതിഷേധം. ഡിവൈഎഫ്ഐയുടെ നേതൃത്വത്തിൽ ഇന്നലെ പഞ്ചായത്ത് ഓഫീസിലേക്ക് മാർച്ച് നടത്തി. കഴിഞ്ഞദിവസം വിദ്യാർഥികളും വ്യാപാരിയും വഴിയാത്രക്കാരുമടക്കം അഞ്ചു പേർക്കാണ് തെരുവുനായയുടെ കടിയേറ്റത്. മാർക്കറ്റ് കവല ഭാഗങ്ങളിലായി എട്ടോളം തെരുവു നായ്ക്കൾക്കും കടിയേറ്റിട്ടുണ്ട്. കടിച്ച നായയ്ക്ക് പേവിഷബാധയുള്ളതായും സംശയിക്കുന്നു. ബുധനാഴ്ച വൈകുന്നേരം ട്യൂഷനുശേഷം വീട്ടിലേക്കു പോകാൻ സിഎംഎസ് എൽപി സ്കൂളിനു സമീപം നിന്നിരുന്ന വിദ്യാർഥിനിക്കാണ് നായയുടെ കടി ആദ്യം ഏറ്റത്. കൈയ്ക്കു ഗുരുതരമായി പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചു. വഴിയാത്രക്കാരനാണ് നായയെ വിരട്ടി ഓടിച്ചത്. പിന്നീട് കവല ഭാഗത്തേക്ക് ഓടിയ നായ വ്യാപാരിയായ വെച്ചൂച്ചിറ മോളോപറമ്പിൽ ജോജി ജോർജ്, കണ്ണംകേരിൽ ആലിയ , നിതീഷ് എന്നിവർ അടക്കം അഞ്ചു പേരെ കടിച്ചു. ഇതിനിടയിൽ ഈ ഭാഗത്ത് എട്ടോളം തെരുവുനായ്ക്കൾക്കും കടിയേറ്റതായിപറയുന്നു . കടിയേറ്റവരെ റാന്നി, കാഞ്ഞിരപ്പള്ളി താലൂക്കാശുപത്രികളിലും രണ്ടു പേരെ പിന്നീട് കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചു. നായയെ കണ്ടെത്താനാകാത്തതിനാൽ ഇതിനു പേ വിഷബാധ സ്ഥിരീകരിക്കാനുമായിട്ടില്ല.

കാഞ്ഞിരപ്പള്ളി രൂപത മെറിറ്റ് ഡേ ദിനാഘോഷം നാളെ

കാഞ്ഞിരപ്പള്ളി: രൂപത കോർപറേറ്റ് മാനേജ്മെന്‍റ് സ്കൂളുകളുടെ 2024-25 അധ്യയന വർഷത്തെ മെറിറ്റ് ഡേ നാളെ രണ്ടിന് കാഞ്ഞിരപ്പള്ളി സെന്‍റ് മേരീസ് ഗേൾസ് ഹൈസ്കൂൾ ഓഡിറ്റോറിയത്തിൽ നടക്കും. രൂപതാധ്യക്ഷൻ മാർ ജോസ് പുളിക്കൽ ഉദ്ഘാടനം നിർവഹിക്കും. രൂപതാ വികാരി ജനറാൾ ഫാ. ബോബി അലക്സ് മണ്ണംപ്ലാക്കൽ അധ്യക്ഷത വഹിക്കും. കോർപറേറ്റ് മാനേജർ ഫാ. ഡൊമിനിക് അയലൂപ്പറമ്പിൽ, സ്കൂൾ മാനേജർ സിസ്റ്റർ സലോമി സിഎംസി, ഹെഡ്മിസ്ട്രസ് നിസ ജോൺ, അക്കാദമിക് കൗൺസിൽ സെക്രട്ടറി ഡോ. ഡൊമിനിക് സാവിയോ എന്നിവർ പ്രസംഗിക്കും. വിവിധ മേഖലകളിൽ മികവ് പുലർത്തിയ സ്കൂളുകൾക്കുള്ള മാനേജേഴ്സ് ട്രോഫി വിതരണവും ദേശീയ, സംസ്ഥാന തലങ്ങളിൽ നേട്ടം കൈവരിച്ച വിദ്യാർഥികളെയും അധ്യാപകരെയും ആദരിക്കുന്നതുമാണ്.

രണ്ടു നൂറ്റാണ്ടിന്‍റെ പ്രകാശഗോപുരമായി സെന്‍റ് ഡൊമിനിക്സ് കത്തീഡ്രല്‍

കാഞ്ഞിരപ്പള്ളി: കാഞ്ഞിരപ്പള്ളി സെന്‍റ് ഡൊമിനിക്സ് കത്തീഡ്രല്‍ സ്ഥാപിതമായിട്ട് 200 വര്‍ഷം പൂര്‍ത്തിയാകുന്നു. 1825 ഓഗസ്റ്റ് നാലിന് വിശുദ്ധ ദുമ്മിനിങ്കോസിന്‍റെ (വിശുദ്ധ ഡൊമിനിക്) നാമത്തിലാണ് പുത്തന്‍പള്ളിയെന്ന് അറിയപ്പെടുന്ന പള്ളി സ്ഥാപിച്ചത്. പരിശുദ്ധ കന്യകമറിയത്തിന്‍റെ ഭക്തനും ജപമാലഭക്തി പ്രചരിപ്പിച്ച വിശുദ്ധനുമായ ഡൊമിനിക്കിന്‍റെ നാമധേയത്തില്‍ പള്ളി പണിതത് അക്കരയമ്മയോടുള്ള ബന്ധംമൂലമാണെന്നു കരുതപ്പെടുന്നു. 15-ാം നൂറ്റാണ്ടില്‍ നിലയ്ക്കലില്‍നിന്നു കുടിയേറിപ്പാര്‍ത്തവരാണ് കാഞ്ഞിരപ്പള്ളിയിലെ ക്രൈസ്തവസമൂഹം. ആദ്യകാലഘട്ടത്തില്‍ അരുവിത്തുറ പള്ളിയിലാണ് ആധ്യാത്മിക ആവശ്യങ്ങള്‍ക്കായി പോയിരുന്നത്. പിന്നീട് ചിറ്റാര്‍ പുഴയോരത്ത് 1449-ല്‍ അക്കരപ്പള്ളി സ്ഥാപിച്ചു. പലതവണ പുനരുദ്ധരിച്ച പഴയപള്ളിക്ക് വെള്ളപ്പൊക്കത്തില്‍ 1825-ല്‍ പല നാശനഷ്ടങ്ങളുമുണ്ടായി. ഇതോടെയാണ് വെള്ളം കയറാത്ത ഉയര്‍ന്ന സ്ഥലത്തേക്ക് പള്ളി മാറ്റിസ്ഥാപിച്ചത്. വിപുലീകരണം വിശ്വാസികളുടെ എണ്ണം വര്‍ധിച്ചതോടെ 1878ല്‍ പുത്തന്‍പള്ളി വിപുലീകരിക്കാന്‍ തീരുമാനിച്ചു. 1882 ല്‍ മഴയിലും വെള്ളപ്പൊക്കത്തിലും പള്ളിക്കു കേടുപാടുകളുണ്ടായി മുഖവാരം ഇടിഞ്ഞുവീണു. 1884-ല്‍ താത്കാലിക പള്ളി എന്ന നിലയില്‍ സെമിത്തേരിക്കപ്പേള ഉപയോഗിച്ചു. 1885-ല്‍ പുതിയ പള്ളിയുടെ പണി ആരംഭിച്ച് 1897 വരെ നീണ്ടു. 1945-ല്‍ പള്ളി വീണ്ടും പൊളിച്ച് പുതിയ പള്ളിക്ക് മാര്‍ ജയിംസ് കാളാശേരി മെത്രാന്‍ ശിലാസ്ഥാപനം നടത്തി. പിന്നീട് പല കാരണങ്ങളാല്‍ മുടങ്ങിയ പള്ളിപണി 1977-ല്‍ പൂര്‍ണമായും പൂര്‍ത്തിയാക്കിയത് 32 വര്‍ഷങ്ങള്‍ക്കു ശേഷമാണ്. 1971 മേയ് 23ന് മാർ ആന്‍റണി പടിയറ ശിലാസ്ഥാപനം നടത്തിയ നവീന വൈദികമന്ദിരം 1972 മേയ് 21ന് മാർ ജോസഫ് പവ്വത്തിൽ ഉദ്ഘാടനം ചെയ്തു. രൂപതാ സ്ഥാപനത്തിനുശേഷം പാസ്റ്ററൽ സെന്‍ററും അജപാലന ഓഫീസുകളും മെത്രാൻ മന്ദിരവും ഇവിടെയായിരുന്നു. പിന്നീട് 2016 ഏപ്രിൽ നാലിന് ഫാ. ജോർജ് ആലുങ്കലിന്‍റെ കാലത്ത് പുതിയ വൈദിക മന്ദിരവും 2020 ജൂൺ 19ന് ഫാ. വർഗീസ് പരിന്തിരിക്കലിന്‍റെ കാലത്ത് മദ്ബഹ നവീകരണവും പൂർത്തിയാക്കി. ഭരണസംവിധാനം കാഞ്ഞിരപ്പള്ളി ഇടവക പോര്‍ച്ചുഗീസുകാരുടെ ആഗമനശേഷം വരാപ്പുഴ ലത്തീന്‍ മെത്രാന്‍റെ കീഴിലായിരുന്നു. 1887-ല്‍ കോട്ടയം വികാരിയാത്തിന്‍റെയും പിന്നീട് ചങ്ങനാശേരി വികാരിയാത്തിന്‍റെയും ഭാഗമായി. ചങ്ങനാശേരിക്ക് കീഴിലെ ഏറ്റവും കിഴക്കേയറ്റത്തെ പള്ളിയായിരുന്നു കാഞ്ഞിരപ്പള്ളി. ഇടവകയെ ചങ്ങനാശേരി രൂപതയിലെ ഫൊറോനയായി 1919 സെപ്റ്റംബര്‍ 14 ന് ഉയര്‍ത്തി. അന്ന് ഈ ഫൊറോനയുടെ കീഴിൽ ആനിക്കാട്, ചെങ്ങളം, എലിക്കുളം, ഇളങ്ങുളം, പൊൻകുന്നം, തന്പലക്കാട്, കപ്പാട്, താമരക്കുന്ന്, ചെറുവള്ളി, പഴയ മണില,പുത്തൻ മണിമല, കോട്ടാങ്ങൽ എന്നീ 12 പള്ളികളാണ് ഉണ്ടായിരുന്നത്. കത്തീഡ്രല്‍ ആകുന്നു 1977 ഫെബ്രുവരി 26-ന് പോള്‍ ആറാമന്‍ മാര്‍പാപ്പയുടെ കല്‍പ്പന പ്രകാരം കാഞ്ഞിരപ്പള്ളി രൂപത രൂപീകൃതമായപ്പോള്‍ ഫൊറോനാ ദേവാലയമായിരുന്ന പുത്തന്‍പള്ളി കത്തീഡ്രലായി ഉയര്‍ത്തപ്പെട്ടു. രൂപത രൂപീകൃതമായപ്പോള്‍ 91 പള്ളികള്‍ ഉള്‍പ്പെടുന്ന ആറു ഫൊറോനകളുണ്ടായിരുന്നു. പുതിയ രൂപതയുടെ ആദ്യത്തെ മെത്രാനായി മാര്‍ ജോസഫ് പവ്വത്തില്‍ 1977 മേയ് 12-ന് സ്ഥാനമേറ്റു. ആ വര്‍ഷം തന്നെ ദേവാലയത്തിന്‍റെ 150-ാം വാര്‍ഷികവും നടത്തി. ഇടവക ജനങ്ങള്‍ നിലവില്‍ 1500 കുടുംബങ്ങളിലായി പതിനായിരത്തോളം ഇടവകാംഗങ്ങളുണ്ട്. കത്തീഡ്രല്‍ ഇടവകയുടെ കീഴില്‍ സെന്‍റ് ഡൊമിനിക് കോളജ്, സെന്‍റ് ഡൊമിനിക്‌സ് ലോ കോളജ്, സെന്‍റ് ഡൊമിനിക്സ് ഹയര്‍ സെക്കന്‍ഡറി സ്‌കൂള്‍ എന്നിവ പ്രവര്‍ത്തിക്കുന്നു. രൂപതയുടെയും സന്യാസിനീസമൂഹത്തിന്‍റെയും മേൽനോട്ടത്തില്‍ അഞ്ച് കാരുണ്യഭവനങ്ങളും രണ്ടു സ്‌കൂളുകളും പ്രവര്‍ത്തിക്കുന്നു. 1930 മുതല്‍ കര്‍മലീത്താമഠവും സെന്‍റ് മേരീസ് സ്‌കൂളും പ്രവര്‍ത്തിച്ചുവരുന്നു. എസ്എബിഎസ്, എസ്എച്ച്, മാര്‍ത്താസ് കോണ്‍വെന്‍റുകളും ഇടവകയില്‍ നിലവിലുണ്ട്. ഇടവകയ്ക്ക് കീഴിലുള്ള 110 വര്‍ഷങ്ങളായി നിലനില്‍ക്കുന്ന കൂവപ്പള്ളി കുരിശുമല മധ്യകേരളത്തിലെ ഏറ്റവും പുരാതനമായ തീർഥാടന കേന്ദ്രമാണ്. അഞ്ചിലിപ്പ, പനച്ചേപ്പള്ളി, പുളിമാവ് എന്നിവിടങ്ങളിൽ കുരിശുപള്ളികളുണ്ട്. 2000-ൽ മഹാജൂബിലിഹാൾ എന്ന പേരിൽ ആധുനികഹാളും നിർമിച്ചു. വിളംബര റാലി ഓഗസ്റ്റ് രണ്ടു മുതൽ 10 വരെ നടക്കുന്ന ഇടവക സ്ഥാപനത്തിന്‍റെ ദ്വിശതാബ്ദി ജൂബിലി സമാപന ആഘോഷങ്ങളുടെ ഭാഗമായി നാളെ വൈകുന്നേരം 4.30ന് അക്കരപ്പള്ളിയിൽനിന്നു കത്തീഡ്രലിലേക്കു വിളംബര റാലി നടക്കും. ഫ്ലോട്ടുകളും ബൈക്ക് റാലിയും പരിപാടിക്കു മോടികൂട്ടും. തുടർന്ന് ജൂബിലി പതാക ഉയർത്തൽ, തിരിതെളിക്കൽ, ജൂബിലിഗാനം, വാദ്യമേളം എന്നിവയും നടക്കും.

വിവേചനങ്ങൾക്കതീതമായി മനുഷ്യനെ സമീപിക്കാൻ സാധിക്കുന്നതാണ് ഏറ്റവും വലിയ സന്തോഷം: ഷാഹുൽ ഹമീദ്

അരുവിത്തുറ: ജാതി മത വർഗ വർണ്ണ ലിംഗ വിവേചനങ്ങൾക്കതീതമായി മനുഷ്യനെ സമീപിക്കാൻ കഴിയുന്നതാണ് ഒരു വ്യക്തിയുടെ ഏറ്റവും വലിയ നേട്ടമെന്ന് കോട്ടയം ജില്ലാ പോലീസ് മേധാവി ഷാഹുൽ ഹമീദ്. ഇത്തരത്തിൽ മനുഷ്യനെ സമീപിക്കുന്നത് സന്തോഷകരമാണെന്നും അദ്ദേഹം പറഞ്ഞു. അരുവിത്തുറ സെന്‍റ് ജോർജ് കോളജിൽ ഐക്യുഎസിയുടെ നേതൃത്വത്തിൽ സംഘടിപ്പിച്ച സംവാദ പരിപാടിയിൽ പങ്കെടുത്ത് സംസാരിക്കുകയായിരുന്നു അദ്ദേഹം. സംസ്ഥാനത്തെ ക്രമസമാധാന നില സംബന്ധിച്ചും പോലീസുമായി ബന്ധപ്പെട്ടും വിദ്യാർഥികൾ ഉന്നയിച്ച വിവിധ ചോദ്യങ്ങൾക്ക് ഷാഹുൽ ഹമീദ് മറുപടി നൽകി. കോളജ് ബർസാർ റവ.ഫാ. ബിജു കുന്നയ്ക്കാട്ട് അധ്യക്ഷത വഹിച്ച സമ്മേളനത്തിൽ വൈസ് പ്രിൻസിപ്പൽ ഡോ. ജിലു ആനി ജോൺ, നാക്ക് കോഓർഡിനേറ്റർ ഡോ. മിഥുൻ ജോൺ തുടങ്ങിയവർ സംസാരിച്ചു.

ഛത്തീസ്ഗഡിൽ കന്യാസ്ത്രീകളുടെ അറസ്റ്റ് : അണയാതെ പ്രതിഷേധാഗ്നി

കുറുപ്പന്തറ: ഛത്തീസ്ഗഡില്‍ കന്യാസ്ത്രീകളെ അറസ്റ്റ് ചെയ്തതില്‍ പ്രതിഷേധിച്ചും ഇവരുടെ ജയില്‍മോചനം ആവശ്യപ്പെട്ടും കേരള കോണ്‍ഗ്രസ്-എം മാഞ്ഞൂര്‍ മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധ പ്രകടനവും സമ്മേളനവും പ്രതിഷേധ ജ്വാല തെളിക്കലും നടത്തി. മണ്ഡലം പ്രസിഡന്‍റ് ജോയി കക്കാട്ടില്‍ അധ്യക്ഷത വഹിച്ചു. ഉന്നതാധികാര സമിതിയംഗം സഖറിയാസ് കുതിരവേലില്‍ ഉദ്ഘാടനം ചെയ്തു. സ്റ്റിയറിംഗ് കമ്മിറ്റിയംഗം ബിജു മറ്റപ്പള്ളി പ്രതിഷേധജ്വാല തെളിച്ചു. നേതാക്കളായ കെ.സി. മാത്യു, ബിജു കൊണ്ടൂകാല, സാബു കല്ലട, ജോണ്‍ ഏബ്രഹാം പഞ്ഞിപ്പുറത്തുകുന്നേല്‍ എന്നിവര്‍ പ്രസംഗിച്ചു. കടുത്തുരുത്തി: ഛത്തീസ്ഗഡില്‍ സംഘപരിവാര്‍ സഘടനകള്‍ കന്യാസ്ത്രീകള്‍ക്കെതിരേ എടുപ്പിച്ച വ്യാജ കേസുകള്‍ പിന്‍വലിക്കണമെന്ന് കീഴൂര്‍ മൗണ്ട് കാര്‍മല്‍ പള്ളിയിലെ പിതൃവേദി, എകെസിസി യൂണിറ്റുകള്‍ ആവശ്യപ്പെട്ടു. മതനൂനപക്ഷങ്ങള്‍ക്കെതിരേ നടക്കുന്ന ആസൂത്രിത അതിക്രമങ്ങളാണ് ഛത്തീസ്ഗഡിലെ കന്യാസ്ത്രീകള്‍ക്കെതിരേ നടപ്പാക്കിയത്. ഭരണഘടനാപരമായ അവകാശങ്ങളെയും മതസ്വാതന്ത്ര്യത്തെയും ഹനിക്കുന്ന ഇത്തരം നിക്കങ്ങള്‍ അവസാനിപ്പിക്കണമെന്ന് യോഗം ആവശ്യപ്പെട്ടു. വികാരി ഫാ. ജോസഫ് വയലില്‍ ഉദ്ഘാടനം ചെയ്തു. പിതൃവേദി യൂണിറ്റ് പ്രസിഡന്‍റ് രാജു കുന്നേല്‍ അധ്യക്ഷത വഹിച്ചു. സിബി പതിപ്പറമ്പില്‍, ജോസഫ് പെരുമറ്റം, കുഞ്ഞച്ചന്‍ മേച്ചേരി, ടോമി കടംബംകുഴി, ജോയി ചിറ്റേത്ത്, ഔസേപ്പച്ചന്‍ ചിറ്റേത്ത് എന്നിവര്‍ പ്രസംഗിച്ചു. വൈക്കം: വ്യാജ ആരോപണം ഉന്നയിച്ച് ചത്തീസ്ഗഡിൽ കന്യാസ്ത്രീകളെ അറസ്റ്റ് ചെയ്ത് ജയിലിൽ അടച്ചതിൽ പ്രതിഷേധിച്ച് വൈക്കം സെന്‍റ് ജോസഫ് ഫൊറോന പള്ളിയുടെ ആഭിമുഖ്യത്തിൽ പ്രതിഷേധ സംഗമവും റാലിയും നടത്തി. ഫൊറോന പള്ളിയുടെ കവാടത്തിനു മുന്നിൽ നടന്ന പ്രതിഷേധ സംഗമം വികാരി റവ.ഡോ.ബർക്കുമൻസ് കൊടയ്ക്കൽ ഉദ്ഘാടനം ചെയ്തു. മെഴുകുതിരി കത്തിച്ച് ജപമാല ചൊല്ലി കന്യാസ്ത്രീകൾക്ക് വൈദീകരും സന്ന്യസ്ഥരും വിശ്വാസികളും ഐകൃദാർഢ്യം പ്രഖ്യാപിച്ചു. സഹവികാരി ഫാ. ജോസഫ് മേച്ചേരി, കൈക്കാരൻമാരായ മോനിച്ചൻ പെരുംഞ്ചേരി, മാത്യുകോടാലിച്ചിറ, വൈസ് ചെയർമാൻ മാത്യു കൂടല്ലിൽ,കൗൺസിൽ സെക്രട്ടറി സോണി പൂതവേലിൽ, പാരീഷ് കൗൺസിൽ അംഗങ്ങൾ തുടങ്ങിയവർ പ്രസംഗിച്ചു.

വടയാർ-തലയോലപ്പറന്പ് റോഡിന് ഏഴു കോടി രൂപ

തലയോലപ്പറമ്പ്: നവകേരള സദസിൽ ഉയർന്നുവന്ന പദ്ധതികളിൽനിന്നു വൈക്കം നിയോജകമണ്ഡലത്തിൽ ഏഴു കോടി രൂപയുടെ നിർമാണ പ്രവൃത്തിക്ക് സർക്കാർ അംഗീകാരം ലഭിച്ചു. വടയാർ പാലത്തിന് പടിഞ്ഞാറു ഭാഗം മുതൽ തലയോലപ്പറമ്പ് പള്ളിക്കവലവരെയുള്ള അഞ്ചര കിലോമീറ്റർ റോഡ് ബിഎം ആൻഡ് ബിസി നിലവാരത്തിലുള്ള പുനർനിർമാണത്തിനും മറ്റ് അനുബന്ധ പ്രവൃത്തികൾക്കുമായാണ് ഏഴുകോടി രൂപ അനുവദിച്ചിരിക്കുന്നത്. നവകേരള സദസിൽ സിപിഎം വടയാർ ലോക്കൽ കമ്മിറ്റിയുടെ നേതൃത്വത്തിൽ വടയാർ മുതൽ തലയോലപ്പറമ്പ് വരെയുള്ള ഭാഗത്തെ താഴ്ന്ന പ്രദേശങ്ങൾ മണ്ണിട്ടുയർത്തി ബിഎം ആൻഡ് ബിസി നിലവാരത്തിൽ നിർമിക്കണമെന്ന് ആവശ്യപ്പെട്ടു നിവേദനം സമർപ്പിച്ചിരുന്നു. ചെറിയ വെള്ളപ്പൊക്കത്തിൽ പോലും വടയാർ പാലത്തിനു പടിഞ്ഞാറ് ഭാഗത്തും ഇളങ്കാവ് ജംഗ്ഷനിലും പൊട്ടൻചിറ പമ്പിനു മുൻവശത്തും തോട് കവിഞ്ഞൊഴുകി ഗതാഗത തടസം ഉണ്ടാകുന്നത് പതിവാണ്. നിലവിൽ അനുവദിച്ചിട്ടുള്ള ഫണ്ട് ഉപയോഗിച്ച് റോഡ് നിർമാണം പൂർത്തിയാകുന്നതോടെ പ്രദേശത്ത് കാലങ്ങളായി നിലനിൽക്കുന്ന പ്രശ്നമാണ് പരിഹരിക്കപ്പെടുന്നത്. തുടർന്നുള്ള സാങ്കേതിക നടപടികൾ കൂടി അടിയന്തരമായി പൂർത്തീകരിച്ച് നിർമാണ പ്രവർത്തനങ്ങൾ ഉടൻ തുടങ്ങാനാകുമെന്ന് പൊതുമരാമത്ത് മന്ത്രി പി. എ. മുഹമ്മദ് റിയാസിന്‍റെ ഓഫീസും സി. കെ.ആശ എംഎൽഎയും അറിയിച്ചു.

ഏതു നിമിഷവും വീഴും : മെഡി.കോളജ് പത്താംവാർഡിൽ സിമന്‍റുപാളി അടർന്നു

ഗാന്ധിനഗർ: മെഡിക്കൽ കോളജ് ആശുപത്രിയിലെ പഴയ 10-ാം വാർഡിൽ സീലിംഗായി ഉപയോഗിച്ചിരുന്ന സിമന്‍റുപാളി അടർന്നുവീഴാറായ നിലയിൽ. അപകടമുണ്ടാകാവുന്ന തരത്തിലാണ് വലിയ ഭാരമുള്ള സിമന്‍റുപാളി അടർന്ന് വീഴാറായി തങ്ങിനിൽക്കുന്നത്. അടുത്തിടെ ആശുപത്രിയിലെ 14-ാം വാർഡിന് സമീപത്തെ ശുചി മുറി ഇടിഞ്ഞുവീണ് തലയോലപ്പറമ്പ് സ്വദേശിയായ വീട്ടമ്മ മരണപ്പെട്ടിരുന്നു. ഈ കെട്ടിടത്തിൽ തന്നെയാണ് 10-ാം വാർഡും പ്രവർത്തിച്ചിരുന്നത്. ഇവിടെയാണ് സിമന്‍റ് പാളി ഏത് നിമിഷവും അടർന്ന് നിലം പൊത്താവുന്ന തരത്തിൽ തങ്ങിയിരിക്കുന്നത്. കെട്ടിടം ഇടിഞ്ഞുവീണതിനെത്തുടർന്ന് 10, 11, 14 തുടങ്ങിയ വിവിധ വിഭാഗങ്ങളും പ്രധാന ശസ്ത്രക്രിയ തിയറ്ററും പുതിയ സർജിക്കൽ ബ്ലോക്കിലേക്ക് മാറ്റിയിരുന്നു. എന്നാൽ ആശുപത്രിയിൽ എത്തുന്ന കാൽനടയാത്രക്കാർക്ക് സിമന്‍റുപാളി ഭീഷണിയായിരിക്കുകയാണ്. അപകട മേഖലയാണ് ഇതുവഴി സഞ്ചരിക്കരുതെന്ന് അധികൃതർ ബോർഡ് സ്ഥാപിച്ചിട്ടുണ്ടെങ്കിലും കാൽനട യാത്രക്കാർ ഇത് ശ്രദ്ധിക്കാറില്ല. ഏതു നിമിഷവും നിലം പൊത്താവുന്ന തരത്തിൽ തങ്ങിയിരിക്കുന്ന ഭാരമുള്ള ഈ സിമന്‍റുപാളി ഇവിടെ നിന്ന് നീക്കം ചെയ്യണമെന്നാണ് രോഗികളും കൂട്ടിരിപ്പുകാരും ആവശ്യപ്പെടുന്നത്.

വാട്ടര്‍ അഥോറിറ്റി കടുത്തുരുത്തി ഡിവിഷന്‍ ഓഫീസിന് മുന്നില്‍ ധര്‍ണ ആരംഭിച്ചു

കടുത്തുരുത്തി: മീറ്റര്‍ റീഡിംഗ് എടുക്കുന്നതില്‍നിന്ന് എസ്റ്റാബ്ലിഷ്മെന്‍റ് മീറ്റര്‍ റീഡര്‍മാരെ മാറ്റി മുനിസിപ്പാലിറ്റി നിര്‍ദേശിക്കുന്ന ആള്‍ക്കാരെ നിയമിക്കുന്നതില്‍ പ്രതിഷേധിച്ചു വാട്ടര്‍ അഥോറിറ്റി കടുത്തുരുത്തി ഡിവിഷന്‍ ഓഫീസിന് മുന്നില്‍ ധര്‍ണാസമരം ആരംഭിച്ചു. യൂണിയന്‍ ജില്ലാ പ്രസിഡന്‍റ് കെ. സുരേഷ്‌കുമാറിന്‍റെ അധ്യക്ഷതയില്‍ നടന്ന പ്രതിഷേധസമരം സംസ്ഥാന വൈസ് പ്രസിഡന്‍റ് വി. അമൃതരാജ് ഉദ്ഘാടനം ചെയ്തു, ജില്ലാ സെക്രട്ടറി ടി.ഡി. ജോസുകുട്ടി, ബിജു വര്‍ഗീസ്, എം.ജി. കൃഷ്ണകുമാര്‍, എം.ജെ. ശ്രീലക്ഷമി എന്നിവര്‍ പ്രസംഗിച്ചു. രണ്ടാം ദിവസത്തെ സമരം സിഐടിയു കടുത്തുരുത്തി ഏരിയാ സെക്രട്ടറി ടി. സി. വിനോദ് ഉദ്ഘാടനം ചെയ്തു. കെ.സുരേഷ്‌കുമാര്‍ അധ്യക്ഷത വഹിച്ചു.

കേന്ദ്രീയവിദ്യാലയം വെള്ളൂരിൽ നിലനിർത്തണം

വെള്ളൂർ: കേന്ദ്രീയ വിദ്യാലയം വെള്ളൂരിൽ നിലനിർത്തുന്നതിന് സർക്കാർ നടപടി സ്വീകരിക്കണമെന്ന ആവശ്യം ശക്തമായി. 2015ൽ കേന്ദ്രീയ വിദ്യാലയം നിർമിക്കാൻ 30 കോടി രൂപ അനുവദിച്ചെങ്കിലും സംസ്ഥാനസർക്കാർ ഉചിതമായ സ്ഥലം ഏറ്റെടുത്ത് നൽകാഞ്ഞതിനാൽ കെട്ടിടം നിർമിക്കാനായില്ല. സർക്കാർ സ്ഥലം ഏറ്റെടുത്ത് നൽകിയില്ലെങ്കിൽ വിദ്യാലയം നിർത്തലാക്കാനുള്ള നടപടി സ്വീകരിച്ചുവരികയാണ് അധികൃതർ. ആപ്പാഞ്ചിറയിൽ അനുവദിച്ച സ്ഥലം തണ്ണീർത്തട നിയമ പ്രകാരം മണ്ണിട്ടു നികത്താൻ സാധ്യമല്ല.2018ൽ ഈ സ്ഥലം നിർമാണപ്രവർത്തനങ്ങൾക്ക് അനുയോജ്യമല്ലെന്ന് കേന്ദ്രസംഘം റിപ്പോർട്ട് ചെയ്തിരുന്നു. നിലവിൽ പ്രവർത്തിച്ചുകൊണ്ടിരിക്കുന്ന പഴയ സിഐഎസ്എഫ് ബാരക്കിനോടു ചേർന്ന് ഉപയോഗശൂന്യമായി കിടക്കുന്ന കെപിപിഎൽ വക സ്ഥലം വിട്ടുനൽകിയാൽ കേന്ദ്രീയ വിദ്യാലയം വെള്ളൂരിൽ നിലനിർത്താൻ സാധിക്കും. സ്വകാര്യ മാനേജ്മെന്‍റ് സ്കൂളായ ഭാവൻസിന് വീണ്ടും സ്ഥലവും കെട്ടിടവും കരാർ പുതുക്കി നൽകിയ സംസ്ഥാന സർക്കാർ കേന്ദ്രീയവിദ്യാലയത്തിന്‍റെ കാര്യത്തിൽ അനുഭാവപൂർവമായ നടപടി സ്വീകരിച്ചില്ലെങ്കിൽ ബഹുജനങ്ങളെ സംഘടിപ്പിച്ച് സമരപരിപാടി ആരംഭിക്കുമെന്ന് കോൺഗ്രസ് ബ്ലോക്ക് കമ്മിറ്റി ഭാരവാഹികൾ പറഞ്ഞു. ബ്ലോക്ക് കോൺഗ്രസ് വൈസ്പ്രസിഡന്‍റ് എം.ആർ. ഷാജിയുടെഅധ്യക്ഷതയിൽ നടന്ന യോഗം ബ്ലോക്ക് കോൺഗ്രസ് പ്രസിഡന്‍റ് എം.കെ. ഷിബു ഉദ്ഘാടനം ചെയ്തു.വെള്ളൂർ പഞ്ചായത്തംഗം കുര്യാക്കോസ് തോട്ടത്തിൽ, മണ്ഡലം പ്രസിഡന്‍റ് വി.സി. ജോഷി, ബ്ലോക്ക് ഭാരവാഹികളായ മുഹമ്മദ് മർസൂക്, ജയേഷ് മാമ്പള്ളിൽ, കെ.പി. ജോസ്, സി.ജി. ബിനു, നിയാസ് കൊടിയനേഴത്ത്, പി.എസ്. ബാബു, വി.ജി. സുധാകരൻ തുടങ്ങിയവർ പ്രസംഗിച്ചു.

ഏഴാം ധനകാര്യ കമ്മീഷനു മുന്നില്‍ നിര്‍ദേശങ്ങളുമായി ജനപ്രതിനിധികള്‍

കോട്ടയം: തദ്ദേശ സ്ഥാപനങ്ങള്‍ക്കുള്ള ഫണ്ട് അനുവദിക്കലും അവയുടെ വിനിയോഗവും സംബന്ധിച്ച് ഏഴാം ധനകാര്യകമ്മീഷനു മുമ്പില്‍ ക്രിയാത്മക നിര്‍ദ്ദേശങ്ങള്‍ സമര്‍പ്പിച്ച് ജില്ലാ ആസൂത്രണ സമിതിയംഗങ്ങളും ജനപ്രതിനിധികളും. തദ്ദേശ സ്ഥാപനങ്ങളുടെ ഫണ്ട് വിനിയോഗം കാര്യക്ഷമമാക്കുന്നതിനും സാമ്പത്തിക ശാക്തീകരണത്തിനുമുള്ള നിര്‍ദേശങ്ങള്‍ സ്വീകരിക്കാനാണ് കമ്മീഷന്‍ ചെയര്‍മാന്‍ ഡോ. കെ.എന്‍. ഹരിലാല്‍ പ്രത്യേക ജില്ലാ ആസൂത്രണസമിതി യോഗത്തില്‍ പങ്കെടുത്തത്. ധനവിന്യാസവും പദ്ധതി രൂപീകരണവും നിര്‍വഹണവുമായി ബന്ധപ്പെട്ടതും ഭരണനിര്‍വഹണവുമായി ബന്ധപ്പെട്ടതുമായ വിവരങ്ങളാണ് തേടിയത്. പരമ്പരാഗത ചെലവുകള്‍ക്കുള്ള ഫണ്ട്(ജനറല്‍ പര്‍പസ് ഫണ്ട്), റോഡ് ഇതര സംരക്ഷണ ഫണ്ട്, റോഡ് സംരക്ഷണ ഫണ്ട്, വികസന ഫണ്ട്, പട്ടികജാതി-പട്ടിക വര്‍ഗ ഉപപദ്ധതി ഫണ്ടുകള്‍ തുടങ്ങിയവയേക്കുറിച്ചുള്ള അഭിപ്രായങ്ങള്‍, എന്തെങ്കിലും മാറ്റം വരുത്തേണ്ടതുണ്ടോ എന്നിങ്ങനെയുള്ള വിവരങ്ങള്‍ കമ്മീഷന്‍ ആരാഞ്ഞു. നഗരവത്കരണവുമായി ബന്ധപ്പെട്ടു നേരിടുന്ന വെല്ലുവിളികള്‍, തനതുവരുമാനം മെച്ചപ്പെടുത്തല്‍, സേവനങ്ങള്‍ മെച്ചപ്പെടുത്തല്‍, തദ്ദേശ സ്വയംഭരണ സര്‍ക്കാരുകളുടെ ഭരണസംവിധാനം മെച്ചപ്പെടുത്തല്‍ തുടങ്ങിയ കാര്യങ്ങളിലും ജനപ്രതിനിധികളും ഉദ്യോഗസ്ഥരും അഭിപ്രായങ്ങള്‍ പങ്കുവച്ചു. ജനറല്‍ പര്‍പസ് ഫണ്ട് നല്‍കുമ്പോള്‍ വരുമാനം കുറവുള്ള പഞ്ചായത്തുകള്‍ക്ക് പ്രത്യേക പരിഗണന നല്‍കണമെന്ന് ആവശ്യമുയര്‍ന്നു. പട്ടികജാതി പട്ടികവര്‍ഗ ഫണ്ടുകള്‍ കൂടുതലായി അനുവദിക്കുക, തോടുകളിലെ എക്കല്‍ നീക്കുന്നതിനുള്ള ചുമതല മൈനര്‍ ഇറിഗേഷന്‍ ഡിപ്പാര്‍ട്ടുമെന്‍റില്‍ നിന്നുമാറ്റി പഞ്ചായത്തുകളെ ഏല്‍പ്പിക്കുക തുടങ്ങിയ ആവശ്യങ്ങളും യോഗത്തില്‍ ഉയര്‍ന്നു. തദ്ദേശസ്ഥാപനങ്ങളിലെ നികുതി പിരിവ് ഊര്‍ജിതമാക്കുന്നതിന് സെമി ജുഡീഷല്‍ അധികാരമുള്ള ഉദ്യോഗസ്ഥനെ ചുമതലപ്പെടുത്തുന്നതിന് ശിപാര്‍ശ ചെയ്യുന്ന കാര്യം കമ്മീഷന്‍റെ പരിഗണനയിലുണ്ടെന്നും ചെയര്‍മാന്‍ ഡോ. കെ.എന്‍. ഹരിലാല്‍ പറഞ്ഞു. ജില്ലാ ആസൂത്രണസമിതി സെക്രട്ടേറിയററ് ഹാളില്‍ നടന്ന യോഗത്തില്‍ ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗര്‍ അധ്യക്ഷത വഹിച്ചു.

പറഞ്ഞ സമയത്ത് കാര്‍ നല്‍കിയില്ല; ഒരു ലക്ഷം രൂപ നഷ്ടപരിഹാരം

കോട്ടയം: വിവാഹ സമയത്തുപയോഗിക്കാനായി ബുക്ക് ചെയ്ത കാര്‍ കൃത്യസമയത്തു നല്‍കാതിരുന്നതിനു നഷ്ടപരിഹാരമായി ഹ്യുണ്ടായ് ഇന്ത്യ മോട്ടോഴ്സ് ലിമിറ്റഡ് ഒരുലക്ഷം രൂപ ഉപയോക്താവിനു നല്‍കണമെന്ന് കോട്ടയം ഉപഭോക്തൃ തര്‍ക്കപരിഹാര കമ്മീഷന്‍ ഉത്തരവ്. കോട്ടയം കുടമാളൂര്‍ സ്വദേശിയായ ഋഷികേശ് നല്‍കിയ പരാതിയിലാണ് നടപടി. 2022 ജൂണ്‍ ഒന്നിന് ഷോറൂമില്‍ 10,000 രൂപ അഡ്വാന്‍സ് നല്‍കി കറുപ്പു നിറത്തിലുള്ള വെര്‍ണ ഡീസല്‍ കാര്‍ ബുക്ക് ചെയ്തിരുന്നു. എന്നാല്‍ ഡെലിവറി തീയതിയില്‍ വാഹനം നല്‍കിയില്ല. ഇതുമൂലം പരാതിക്കാരന് വിവാഹാവശ്യത്തിനായി കര്‍ വാടകയ്ക്കെടുക്കേണ്ടിവന്നു. 2023 ആദ്യം കമ്പനി ഈ മോഡല്‍ കാറുകളുടെ വില്‍പന നിര്‍ത്തലാക്കിയെങ്കിലും പരാതിക്കാരനെ അറിയിക്കുകയോ അഡ്വാന്‍സ് തുക തിരിച്ചുനല്‍കുകയോ ചെയ്തില്ല. തുടര്‍ന്ന് ഉപഭോക്തൃ തര്‍ക്ക പരിഹാര കമ്മീഷനെ സമീപിക്കുകയായിരുന്നു. ഡെലിവറി തീയതി താത്കാലികമായി മാത്രമേ നല്‍കിയിട്ടുള്ളൂവെന്നും ബുക്ക് ചെയ്ത വേരിയന്‍റ് നിര്‍ത്തലാക്കിയ കാര്യം പരാതിക്കാരനെ കൃത്യമായി അറിയിച്ചിരുന്നുവെന്നുമുള്ള എതിര്‍കക്ഷികളുടെ വാദം തെളിവുകളില്ലാത്തതിനാല്‍ കമ്മീഷന്‍ അംഗീകരിച്ചില്ല. വാഹനത്തിന്‍റെ നിര്‍മാണം നിര്‍ത്തുന്ന വിവരം ഡീലറെ മുന്‍കൂട്ടി അറിയിക്കുകയും ബുക്കിംഗ് സ്വീകരിക്കരുതെന്നു നിര്‍ദേശിക്കുകയും ചെയ്യേണ്ടിയിരുന്നെന്നും വീഴ്ചകള്‍ക്ക് വാഹന നിര്‍മാതാവായ ഹ്യൂണ്ടായ് ഇന്ത്യ മോട്ടോഴ്സ് ലിമിറ്റഡ് പൂര്‍ണമായും ബാധ്യസ്ഥരാണെന്നും കമ്മീഷന്‍ അഭിപ്രായപ്പെട്ടു. പരാതിക്കാരന്‍റെ സമ്മതമോ മുന്‍കൂര്‍ അറിയിപ്പോ ഇല്ലാതെ ഏകപക്ഷീയമായി ഓര്‍ഡര്‍ റദ്ദാക്കിയത് സേവനം നല്‍കുന്നതിലെ പോരായ്മയും അനുചിത വ്യാപാര നയമാണെന്നും കമ്മീഷന്‍ ചൂണ്ടിക്കാട്ടി. 10,000 രൂപ പണം നല്‍കിയ തീയതി മുതൽ 12 ശതമാനം പലിശ നിരക്കില്‍ തിരികെ നല്‍കണമെന്നും പരാതിക്കാരനുണ്ടായ മാനസിക വേദനയ്ക്കും അസൗകര്യത്തിനും നഷ്ടപരിഹാരമായി ഹ്യൂണ്ടായ് ഇന്ത്യ മോട്ടോഴ്സ് ലിമിറ്റഡ് ഒരുലക്ഷം രൂപ നല്‍കണമെന്നുമാണ് അഡ്വ. വി.എസ്. മനുലാല്‍ പ്രഡിഡന്‍റും അഡ്വ. ആര്‍. ബിന്ദു, കെ.എം. ആന്‍റോ എന്നിവര്‍ അംഗങ്ങളുമായുള്ള ജില്ലാ ഉപഭോക്തൃ തര്‍ക്ക പരിഹാര കമ്മീഷന്‍ ഉത്തരവിട്ടത്.

റിസോർട്ട് ഉടമയോട് പണം ആവശ്യപ്പെട്ട ബിജെപി നേതാവിന് എതിരേ കേസ്

കുമരകം: വേമ്പനാട്ട് കായൽ കൈയേറി നിർമാണം നടത്തിയെന്നാരോപിച്ച് സ്വകാര്യ റിസോർട്ട് ഉടമയോട് പണം ആവശ്യപ്പെട്ടു ഭീഷണിപ്പെടുത്തിയ ബിജെപി നേതാവിനെതിരേ കുമരകം പോലീസ് കേസെടുത്തു. ഏതാനും ആഴ്ചകൾക്കു മുൻപ് കുമരകം ലേക്ക് റിസോർട്ട് കായൽ കൽക്കെട്ട് കൈയേറി നിർമാണപ്രവർത്തനം നടത്തിയെന്ന് ആരോപണം ഉയർന്നിരുന്നു. സംഭവം വിവാദമായപ്പോൾ കുമരകം പഞ്ചായത്ത് സ്റ്റേ നൽകുകയും നിർമാണ പ്രവർത്തനം താത്കാലികമായി നിർത്തിവയ്ക്കുകയും ചെയ്തു. ബിജെപി കുമരകം മണ്ഡലം പ്രസിഡന്‍റ് അഭിലാഷ് ശ്രീനിവാസൻ അഞ്ചു ലക്ഷം രൂപ ആവശ്യപ്പെട്ടു ഭീഷണിപ്പെടുത്തുകയും പണം തന്നില്ലെങ്കിൽ റിസോർട്ട് തല്ലിപ്പൊളിക്കുമെന്നും പറഞ്ഞതായി കാണിച്ചാണ് റിസോർട്ട് അധികാരികൾ പോലീസിൽ പരാതി നൽകിയത്. അഭിലാഷ് ശ്രീനിവാസൻ ആദ്യം നേരിട്ട് റിസോർട്ടിലെത്തി പണം ആവശ്യപ്പെടുകയും വഴങ്ങാതെ വന്നപ്പോൾ ബിജെപി കുമരകം മണ്ഡലം പ്രസിഡന്‍റിന്‍റെ ലെറ്റർ പാഡിൽ ഭീഷണിക്കത്ത് റിസോർട്ടിന് നൽകി എന്നുമാണ് കേസ്.

പ്രതിഷേധക്കൂട്ടായ്മ നടത്തി

അതിരമ്പുഴ: ഛത്തീസ്ഗഡിൽ കന്യാസ്ത്രീമാരെ കള്ളക്കേസിൽ കുരുക്കി ജയിലിലടച്ച നടപടിയിൽ പ്രതിഷേധിച്ച് കേരള കോൺഗ്രസ് -എം അതിരമ്പുഴ മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ കൂട്ടായ്മ നടത്തി. നിയോജക മണ്ഡലം പ്രസിഡന്‍റ് ജോസ് ഇടവഴിക്കൽ ഉദ്ഘാടനം ചെയ്തു. മണ്ഡലം പ്രസിഡന്‍റ് ജോഷി ഇലഞ്ഞിയിൽ അധ്യക്ഷത വഹിച്ചു. എൻ.എ. മാത്യു, ബൈജു മാതിരമ്പുഴ, ജിൻസ് കുര്യൻ, ഷിബു കടുംബശേരി, ജോസ് ഓലപ്പുരക്കൽ, മാത്തച്ചൻ പ്ലാത്തോട്ടം, മണി അമ്മഞ്ചേരി, ജിമ്മി മാണിക്കോത്ത് തുടങ്ങിയവർ പ്രസംഗിച്ചു.

വരുമാനം കുറവുള്ള പഞ്ചായത്തുകൾക്കു പരിഗണന വേണം

കോട്ടയം: തദ്ദേശ സ്ഥാപനങ്ങള്‍ക്കുള്ള ഫണ്ട് അനുവദിക്കലും അവയുടെ വിനിയോഗവും സംബന്ധിച്ച് ഏഴാം ധനകാര്യകമ്മീഷനു മുമ്പില്‍ ക്രിയാത്മക നിര്‍ദ്ദേശങ്ങള്‍ സമര്‍പ്പിച്ച് ജില്ലാ ആസൂത്രണ സമിതിയംഗങ്ങളും ജനപ്രതിനിധികളും. തദ്ദേശ സ്ഥാപനങ്ങളുടെ ഫണ്ട് വിനിയോഗം കാര്യക്ഷമമാക്കുന്നതിനും സാമ്പത്തിക ശാക്തീകരണത്തിനുമുള്ള നിര്‍ദേശങ്ങള്‍ സ്വീകരിക്കാനാണ് കമ്മീഷന്‍ ചെയര്‍മാന്‍ ഡോ. കെ.എന്‍. ഹരിലാല്‍ പ്രത്യേക ജില്ലാ ആസൂത്രണസമിതി യോഗത്തില്‍ പങ്കെടുത്തത്. ജനറല്‍ പര്‍പസ് ഫണ്ട് നല്‍കുമ്പോള്‍ വരുമാനം കുറവുള്ള പഞ്ചായത്തുകള്‍ക്കു പ്രത്യേക പരിഗണന നല്‍കണമെന്ന് ആവശ്യമുയര്‍ന്നു. പട്ടികജാതി പട്ടികവര്‍ഗ ഫണ്ടുകള്‍ കൂടുതലായി അനുവദിക്കുക, തോടുകളിലെ എക്കല്‍ നീക്കാനുള്ള ചുമതല മൈനര്‍ ഇറിഗേഷന്‍ ഡിപ്പാര്‍ട്ടുമെന്‍റില്‍നിന്നു മാറ്റി പഞ്ചായത്തുകളെ ഏല്‍പ്പിക്കുക തുടങ്ങിയ ആവശ്യങ്ങളും യോഗത്തില്‍ ഉയര്‍ന്നു. തദ്ദേശസ്ഥാപനങ്ങളിലെ നികുതി പിരിവ് ഊര്‍ജിതമാക്കുന്നതിനു സെമി ജുഡീഷല്‍ അധികാരമുള്ള ഉദ്യോഗസ്ഥനെ ചുമതലപ്പെടുത്തുന്നതിനു ശിപാര്‍ശ ചെയ്യുന്ന കാര്യം കമ്മീഷന്‍റെ പരിഗണനയിലുണ്ടെന്നും ചെയര്‍മാന്‍ ഡോ. കെ.എന്‍. ഹരിലാല്‍ പറഞ്ഞു.

കന്യാസ്ത്രീകളുടെ അറസ്റ്റ് : ബിജെപിയുടെ മുന്നറിയിപ്പ്: ഡിസിസി പ്രസിഡന്‍റ്

അതിരമ്പുഴ: ഛത്തീസ്ഗഡിലെ കന്യാസ്ത്രീമാരുടെ അറസ്റ്റ് ഇന്ത്യയിലെ എല്ലാ ന്യൂനപക്ഷ വിഭാഗങ്ങൾക്കുമുള്ള ബിജെപിയുടെ മുന്നറിയിപ്പാണെന്ന് ഡിസിസി പ്രസിഡന്‍റ് നാട്ടകം സുരേഷ്. കന്യാസ്ത്രീകളെ അറസ്റ്റ് ചെയ്തതിൽ പ്രതിഷേധിച്ച് കോൺഗ്രസ് അതിരമ്പുഴ മണ്ഡലം കമ്മി റ്റി സംഘടിപ്പിച്ച വായ് മൂടിക്കെട്ടി പ്രതിഷേധം ഉദ്ഘാടനം ചെയ്യുകയായിരുന്നു അദ്ദേഹം.മണ്ഡലം പ്രസിഡന്‍റ് ജൂബി ഐക്കരക്കുഴി അധ്യക്ഷത വഹിച്ചു. കെപിസിസി സെക്രട്ടറി കുഞ്ഞ് ഇല്ലംപള്ളി, ജനറൽ സെക്രട്ടറി എം. മുരളി, പി.വി. മെക്കിൾ തുടങ്ങിയവർ പ്രസംഗിച്ചു.

ലൂര്‍ദിയന്‍ ബാസ്‌കറ്റ്ബോള്‍: ക്വാര്‍ട്ടര്‍ ഫൈനല്‍ ഇന്ന് ആരംഭിക്കും

കോട്ടയം: ലൂര്‍ദിയന്‍ ബാസ്‌കറ്റ്ബോള്‍ ടൂര്‍ണമെന്‍റ് ക്വാര്‍ട്ടര്‍ ഫൈനല്‍ മത്സരങ്ങള്‍ ഇന്ന് ആരംഭിക്കും. ടൂര്‍ണമെന്‍റിന്‍റെ രണ്ടാം ദിവസം ആണ്‍കുട്ടികളുടെ വിഭാഗത്തില്‍ പൂള്‍ എയില്‍നിന്നു കോട്ടയം ലൂര്‍ദ്, കുര്യനാട് സെന്‍റ് ആന്‍സ്, പൂള്‍ ബി യില്‍നിന്നു കിളിമല എസ്എച്ച്, ഇരിഞ്ഞാലക്കുട ഡോണ്‍ ബോസ്‌കോ, കോഴിക്കോട് സില്‍വര്‍ ഹില്‍സ്, പൂള്‍ ഡിയില്‍നിന്നു ചങ്ങനാശേരി എകെഎം, വാഴക്കുളം കാര്‍മല്‍ എന്നീ ടീമുകളും പെണ്‍കുട്ടികളുടെ വിഭാഗത്തില്‍ പൂള്‍ എയില്‍നിന്നു കോട്ടയം എസ്എച്ച് മൗണ്ട്, ചങ്ങനാശേരി എസ്എച്ച്, പൂള്‍ ബി യില്‍നിന്നു കോട്ടയം മൗണ്ട് കാര്‍മല്‍, ആലപ്പുഴ സെന്‍റ് മൈക്കിള്‍സ് പൂള്‍ സിയില്‍നിന്നു കോഴിക്കോട് പ്രൊവിഡന്‍സ്, ആലപ്പുഴ ജ്യോതിനികേതന്‍, പൂള്‍ ഡിയില്‍നിന്നു കൊരട്ടി ലിറ്റില്‍ ഫ്ലവര്‍, കോഴിക്കോട് സില്‍വര്‍ ഹില്‍സ് എന്നീ ടീമുകളും ക്വാര്‍ട്ടറില്‍ പ്രവേശിച്ചു.

തീർഥാടകരെ വരവേൽക്കാൻ കുടമാളൂർ

കുടമാളൂര്‍: ഓഗസ്റ്റ് രണ്ടിന് നടക്കുന്ന ചങ്ങനാശേരി അതിരൂപത ചെറുപുഷ്പം മിഷന്‍ ലീഗ് നേതൃത്വം നല്‍കുന്ന അല്‍ഫോന്‍സ തീര്‍ഥാടകരെ സ്വീകരിക്കാന്‍ കുടമാളൂര്‍ സെന്‍റ് മേരീസ് മേജര്‍ ആര്‍ക്കിഎപ്പിസ്‌കോപ്പല്‍ തീര്‍ഥാന പള്ളിയില്‍ വിപുലമായ ഒരുക്കങ്ങള്‍. 500 അംഗ വോളണ്ടിയര്‍ കമ്മിറ്റി രൂപീകരിച്ചു നടത്തപ്പെടുന്ന ഒരുക്കങ്ങള്‍ വിലയിരുത്താനായി ആര്‍ച്ച്പ്രിസ്റ്റ് റെവ. ഡോ.ജോര്‍ജ് മംഗലത്തിലിന്‍റെ അധ്യക്ഷതയില്‍ യോഗം ചേര്‍ന്നു. ഫാ.അലോഷ്യസ് വല്ലാത്തറ ഫാ. ജസ്റ്റിന്‍ വരവുകാലായില്‍, ഫാ. സുനില്‍ ആന്‍റണി കൈക്കാരന്മാരായ സോണി ജോസഫ്, പി.എം. മാത്യു, പ്ലാസിഡ് വര്‍ഗീസ്, എം.ടി. ആന്‍റണി, ഫ്രാങ്ക്‌ളിന്‍ ജോസഫ് എന്നിവർ പങ്കെടുത്തു.

എല്‍ഡിഎഫ് നാളെ നഗരസഭ ഉപരോധിക്കും

കോട്ടയം: നഗരസഭയുടെ കെടുകാര്യസ്ഥതയ്ക്കും അഴിമതിക്കും വികസനമുരടിപ്പിനുമെതിരേ പ്രതിഷേധവുമായി എല്‍ഡിഎഫ്. നാളെ രാവിലെ ഒമ്പതിന് നഗരസഭാ കവാടത്തില്‍ എല്‍ഡിഎഫ് ഉപരോധസമരം നടത്തും. കെ. അനില്‍കുമാര്‍ ഉദ്ഘാടനം ചെയ്യും. നഗരസഭാ ഭരണവും ദൈനംദിന പ്രവര്‍ത്തനങ്ങളും കെടുകാര്യസ്ഥതയില്‍ കുത്തഴിഞ്ഞു കിടക്കുകയാണെന്ന് എല്‍ഡിഎഫ് നേതൃത്വം ആരോപിച്ചു. പണി കഴിഞ്ഞാലും കോണ്‍ട്രാക്‌ടര്‍മാരുടെ പണം നല്‍കുന്നില്ല. പെന്‍ഷന്‍ നല്‍കുന്നതിലുള്ള കാലതാമസം വരുത്തുക, കടത്തുകാര്‍ക്ക് പണം നല്‍കാതിരിക്കുക, പുതിയതായി നിയമിച്ചവര്‍ക്ക് ശമ്പളം നല്‍കാതിരിക്കുക എന്നിങ്ങനെ നിരവധി ആക്ഷേപങ്ങളാണ് നഗരസഭയ്ക്കെതിരേയുള്ളതെന്നും ഇത് അവസാനിപ്പിക്കണമെന്നാവശ്യപ്പെട്ടാണ് സമരമെന്നും നേതാക്കള്‍ പറഞ്ഞു.

മീനടം യാക്കോബായ പള്ളിയിൽ ഓർമപ്പെരുന്നാൾ

മീനടം: സെന്‍റ് ജോണ്‍സ് യാക്കോബായ സുറിയാനി പള്ളിയില്‍ മര്‍ത്തശ്മൂനി അമ്മയുടെയും സഹോദരന്മാരായ ഏഴ് മക്കളുടെയും ഗുരുനാഥനായ മാര്‍ ഏലിയാസറിന്‍റെയും ഓര്‍മപ്പെരുന്നാള്‍ ഓഗസ്റ്റ് രണ്ട്, മൂന്ന് തീയതികളില്‍ തൃശൂര്‍ ഭദ്രാസനാധിപന്‍ കുര്യാക്കോസ് മാര്‍ ക്ലീമിസ് മെത്രാപ്പോലീത്തായുടെ മുഖ്യകാര്‍മികത്വത്തില്‍ ആചരിക്കും. രണ്ടിനു മര്‍ത്തശ്മൂനി കുരിശുപള്ളിയില്‍ വൈകുന്നേരം ആറിനു സന്ധ്യാനമസ്‌കാരം, ഏഴിന് ഗാനശുശ്രൂഷ-ഫാ. ജോണ്‍സ് കോട്ടയില്‍. 7.20ന് വചനപ്രഘോഷണം-റവ. മാണി കോര്‍എപ്പിസ്‌കോപ്പ കല്ലാപ്പുറം, എട്ടിന് മധ്യസ്ഥപ്രാര്‍ഥന. റവ. തോമസ് ഇട്ടി കോര്‍എപ്പിസ്‌കോപ്പ കുന്നത്തയ്യേട്ട്, ഫാ. ജേക്കബ് ചെറിയാന്‍ മണ്ണൂര്‍, ഫാ. കുര്യന്‍ മാത്യു വടക്കേപ്പറമ്പില്‍, ഫാ. സ്വോബി മാത്യു മൂലയില്‍, ഫാ. നൈനാന്‍ ഫിലിപ്പ് എട്ടുപറയില്‍, ഫാ. തോമസ് കുര്യന്‍ കണ്ടാന്ത്ര, റവ.ഡോ. ബിനോയി തോമസ് വള്ളിക്കാട്ടില്‍ എന്നിവര്‍ കാര്‍മികത്വം വഹിക്കും. 8.30നു പാച്ചോര്‍ നേര്‍ച്ച വിതരണം. മൂന്നിനു മീനടം പള്ളിയില്‍ 7.15നു പ്രഭാതപ്രാര്‍ഥന, 8.15നു വിശുദ്ധ കുര്‍ബാനയ്ക്കും മധ്യസ്ഥപ്രാര്‍ഥനയ്ക്കും കുര്യാക്കോസ് മാര്‍ ക്ലീമിസ് മെത്രാപ്പോലീത്ത മുഖ്യകാര്‍മികത്വം വഹിക്കും. പത്തിന് അനുമോദനസമ്മേളനം, 10.15നു പ്രദക്ഷിണം, വെള്ളയപ്പം നേര്‍ച്ച വിതരണം. ശുശ്രൂഷകള്‍ക്ക് റവ. കുര്യന്‍ കോര്‍എപ്പിസ്‌കോപ്പ മാലിയില്‍, ഫാ. തോമസ് വേങ്കടത്ത് എന്നിവര്‍ നേതൃത്വം നല്‍കും.

ഖാദി ഓണം മേള നാളെ മുതല്‍

കോട്ടയം: കേരള ഖാദി ഗ്രാമവ്യവസായ ബോര്‍ഡിന്‍റെ ഖാദി ഓണം മേള നാളെ മുതല്‍ സെപ്റ്റംബര്‍ നാലുവരെ നടക്കും. മേളയില്‍ ജില്ലയിലെ തനതായ ഉത്പന്നങ്ങള്‍ക്കു പുറമേ രാജ്യത്തിന്‍റെ വിവിധ ഭാഗങ്ങളില്‍നിന്നുള്ള വൈവിധ്യമാര്‍ന്ന ഖാദി തുണിത്തരങ്ങളും ഉണ്ടാകും. റെഡിമെയ്ഡ് ഷര്‍ട്ടുകള്‍, കോട്ടണ്‍ കുര്‍ത്തികള്‍, സില്‍ക്ക് സാരികള്‍, കോട്ടണ്‍ സാരികള്‍, ബെഡ്ഷീറ്റുകള്‍ കൂടാതെ ഗ്രാമ വ്യവസായ ഉത്പന്നങ്ങളായ നാടന്‍ പഞ്ഞിമെത്തകള്‍, തേന്‍, ചക്കിലാട്ടിയ എളെളണ്ണ, സോപ്പ്, സ്റ്റാര്‍ച്ച് തുടങ്ങിയവ മേളകളിലുണ്ടാവും. ഖാദി തുണിത്തരങ്ങള്‍ക്ക് 30 ശതമാനം വരെ സര്‍ക്കാര്‍ റിബേറ്റ്, ഡിസ്‌കൗണ്ടിനു പുറമേ ഓരോ ആയിരം രൂപയുടെ പര്‍ച്ചേസിനും സമ്മാനകൂപ്പണുകളും ലഭിക്കും. സര്‍ക്കാര്‍, അര്‍ധസര്‍ക്കാര്‍, പൊതുമേഖല, സഹകരണ സ്ഥാപനങ്ങളിലെ ജീവനക്കാര്‍ക്ക് 1,00,000 രൂപ വരെ ക്രെഡിറ്റ് സൗകര്യം ലഭ്യമാണ്.

പന്തംകൊളുത്തി പ്രകടനം

കോട്ടയം: കന്യാസ്ത്രീകളെ ഉടന്‍ മോചിപ്പിക്കണമെന്ന് ആവശ്യപ്പ െട്ട് കേരള കോണ്‍ഗ്രസ് -എം കോട്ടയത്ത് പന്തംകൊളുത്തി പ്രകടനവും പ്രതിഷേധ ധര്‍ണയും നടത്തി. ഓഗസ്റ്റ് ഒന്നിന് എല്ലാ പഞ്ചായത്തുകളിലും പന്തംകൊളുത്തി പ്രകടനവും പ്രതിഷേധ യോഗവും നടത്തുമെന്ന് ജില്ലാ പ്രസി ഡന്‍റ് പ്രഫ. ലോപ്പസ് മാത്യു അറിയിച്ചു. വിജി എം. തോമസ്, സഖറിയാസ് കുതിരവേലി, ഔസേപ്പച്ചന്‍ വാളിപ്ലാക്കല്‍, ജോസഫ് ചാമക്കാല, സാജന്‍ തൊടുക, സിറിയക് ചാഴികാടന്‍, മാലേത്ത് പ്രതാപചന്ദ്രന്‍, ജോജി കുറത്തിയാട്ട്, ബ്രൈറ്റ് വട്ടനിരപ്പേല്‍ എന്നിവര്‍ പ്രസംഗിച്ചു.

ഗുണനിലവാരമില്ലാത്ത സോപ്പ് വിറ്റ കമ്പനിക്ക് പിഴ

കോട്ടയം: ഗുണനിലവാരമില്ലാത്ത സോപ്പ് വിറ്റതിന് സെബാമെഡ് സോപ്പ് കമ്പനി നഷ്ടപരിഹാരം നല്‍കണമെന്ന് ഉത്തരവിട്ട് ജില്ലാ ഉപഭോക്തൃ തര്‍ക്കപരിഹാര കമ്മീഷന്‍. സോപ്പിന്‍റെ വിലയായ 540 രൂപയും കമ്പനിയുടെ ഭാഗത്തുനിന്നുണ്ടായ സേവനത്തിലെ പോരായ്മയ്ക്കും അന്യായമായ വ്യാപാര രീതികള്‍ക്കും നഷ്ടപരിഹാരമായി 50,000 രൂപയും നല്‍കാനാണ് അഡ്വ. വി.എസ്. മനുലാല്‍ പ്രസിഡന്‍റായും അഡ്വ. ആര്‍. ബിന്ദു, കെ.എം. ആന്‍റോ എന്നിവര്‍ അംഗങ്ങളുമായുള്ള ഉപഭോക്തൃ തര്‍ക്കപരിഹാര കമ്മീഷന്‍ വിധിച്ചത്. തൃക്കൊടിത്താനം സ്വദേശിയായ ജിന്‍സി വര്‍ഗീസ് തന്‍റെ എട്ടുമാസം പ്രായമുള്ള കുഞ്ഞിനുവേണ്ടി സെബാമെഡ് കമ്പനിയുടെ ഓണ്‍ലൈന്‍ സൈറ്റില്‍ ബുക്ക് ചെയ്ത് 540 രൂപയ്ക്ക് രണ്ട് ക്ലെന്‍സിംഗ് സോപ്പുകള്‍ വാങ്ങി. ആദ്യത്തെ സോപ്പ് ഉപയോഗിക്കാന്‍ തുടങ്ങി ഒരാഴ്ചയ്ക്കുശേഷം വെളുത്ത നിറമുള്ള സോപ്പ് മഞ്ഞയായി മാറിയതിനെത്തുടര്‍ന്ന് രണ്ടാമത്തെ സോപ്പ് ഉപയോഗിക്കാന്‍ തുടങ്ങി. തുടര്‍ന്ന് കുഞ്ഞിന്‍റെ ദേഹത്ത് ചുവന്ന കളറില്‍ ചൂടുകുരു വരുന്നതുപോലെ കണ്ടതിനാല്‍ സോപ്പ് പരിശോധിച്ചപ്പോള്‍ അതില്‍ ജീവനുള്ള പുഴുക്കളെ കണ്ടെത്തി. കമ്പനിയുടെ കസ്റ്റമര്‍ കെയറില്‍ പരാതി നല്‍കിയെങ്കിലും സോപ്പ് മാറ്റി നല്‍കാമെന്നുള്ള കമ്പനിയുടെ മറുപടി തൃപ്തികരമല്ലാത്തതിനാല്‍ ജിന്‍സി ഉപഭോക്ത്യ തര്‍ക്കപരിഹാര കമ്മീഷനെ സമീപിക്കുകയായിരുന്നു. ഉപയോഗിച്ച ശേഷം നനഞ്ഞ അവസ്ഥയില്‍ സൂക്ഷിച്ചതിനാലാണ് സോപ്പില്‍ പുഴുക്കള്‍ പ്രത്യക്ഷപ്പെട്ടതെന്നും ഉത്പന്നത്തിന്‍റെ പുറം പാക്കേജിംഗില്‍ അച്ചടിച്ച നിര്‍ദേശങ്ങള്‍ പാലിക്കുന്നതില്‍ പരാതിക്കാരി പരാജയപ്പെട്ടുവെന്നും കമ്പനി വാദിച്ചെങ്കിലും തിരുവനന്തപുരത്തെ ഡ്രഗ് ടെസ്റ്റിംഗ് ലബോറട്ടിയില്‍ പരിശോധിച്ചതിന്‍റെ റിപ്പോര്‍ട്ട് അനുസരിച്ച് സോപ്പ് നിലവാരമില്ലാത്തതാണെന്ന് കണ്ടെത്തി. നിലവാരവും സ്പെസിഫിക്കേഷനും സുരക്ഷാ മാനദണ്ഡങ്ങളും പാലിക്കാതെ കമ്പനി സോപ്പ് വിറ്റുവെന്നും അതുവഴി അന്യായമായ വ്യാപാരരീതി നടത്തിയെന്നും കമ്മീഷന്‍ വ്യക്തമാക്കി.

മരം വീഴട്ടെ; എന്നിട്ടു മുറിക്കാം

സ്കൂളിനും വില്ലേജ് ഓഫീസിനും ഭീഷണിയായി വൻമരങ്ങൾ ഏറ്റുമാനൂർ: സ്കൂളിനും വില്ലേജ് ഓഫീസിനും വ്യാപാര സ്ഥാപനങ്ങൾക്കും ഭീഷണിയായി നിൽക്കുന്ന വന്മരങ്ങൾ വെട്ടിനീക്കാൻ തയാറാകാതെ അധികൃതർ. ഏറ്റുമാനൂർ വില്ലേജ് ഓഫീസ് വളപ്പിലാണ് അപകട ഭീഷണിയായി വന്മരങ്ങൾ നിൽക്കുന്നത്. ദിവസേന നൂറുകണക്കിനാളുകളാണ് വില്ലേജ് ഓഫീസിൽ എത്തുന്നത്. വില്ലേജ് ഓഫീസ് വളപ്പിനോട് തൊട്ടുചേർന്നാണ് ഗവൺമെന്‍റ് ബോയ്സ് സ്കൂൾ കെട്ടിടം. വില്ലേജ് ഓഫീസിനു സമീപത്തുതന്നെ വ്യാപാര സമുച്ചയവുമുണ്ട്. ശക്തമായ കാറ്റും മഴയും ഉണ്ടാകുമ്പോൾ ഇവിടങ്ങളിൽ എത്തുന്ന ആളുകളും നാട്ടുകാരും ഭയപ്പാടിലാണ്. ഏതു നിമിഷവും നിലംപൊത്താവുന്ന അവസ്ഥയിലാണ് മരങ്ങൾ. മരങ്ങൾ കടപുഴകുകയോ വലിയ ശിഖരങ്ങൾ ഒടിഞ്ഞു വീഴുകയോ ചെയ്യാൻ സാധ്യതയുണ്ട്. നിരവധി തവണ പരാതി പറഞ്ഞിട്ടും മരങ്ങൾ വെട്ടിമാറ്റാൻ അധികൃതർ തയ്യാറാകുന്നില്ല. മുമ്പൊരിക്കൽ ഒരു വലിയ മരം മാത്രം വെട്ടി നീക്കിയിരുന്നു. പാഴ്മരങ്ങളായതുകൊണ്ട് ആവശ്യക്കാരുമില്ല. വെട്ടി നീക്കാൻ വലിയ തുക ചെലവാകുകയും ചെയ്യും. ഇതാണ് നടപടി ഉണ്ടാകാത്തതിന് കാരണം. പരാതിയുമായെത്തിയ വ്യാപാരികളോട് നിങ്ങൾ വെട്ടിനീക്കിക്കൊള്ളാൻ പറഞ്ഞതായും പറയുന്നു. എന്തു തന്നെയായാലും വിദ്യാർഥികൾ ഉൾപ്പെടെയുള്ളവർക്ക് ഭീഷണിയായി നിൽക്കുന്ന മരങ്ങൾ അടിയന്തരമായി വെട്ടി നീക്കാൻ നടപടി ഉണ്ടാകണമെന്ന ആവശ്യം ശക്തമാണ്.

കന്യാസ്ത്രീകളുടെ അറസ്റ്റ്: പ്രതിഷേധം അലയടിക്കുന്നു

കേരളം പാര്‍ലമെന്‍റിനു മുമ്പില്‍ ഒന്നിക്കും: മാര്‍ കല്ലറങ്ങാട്ട് പാലാ: ഛത്തീസ്ഗഡിൽ ജയിലില്‍ കിടക്കുന്ന കന്യാസ്ത്രീകള്‍ ഭാരതത്തിലെ ക്രൈസ്തവരെ കോര്‍ത്തിണക്കുന്ന ചങ്ങലയാണെന്നും ഇവരുടെ ജയില്‍വാസം അനിശ്ചിതമായി നീണ്ടാല്‍ കേരള ജനത ഡല്‍ഹി പാര്‍ലമെന്‍റിനു മുന്നില്‍ ഒന്നിക്കുമെന്നും ബിഷപ് മാർ ജോസഫ് കല്ലറങ്ങാട്ട് . ഛത്തീസ്ഗഡില്‍ ജയിലില്‍ കഴിയുന്നു കന്യാസ്ത്രീകള്‍ക്ക് ഐക്യദാർഢ്യം പ്രഖ്യാപിച്ച് ഇന്നലെ പാലാ രൂപത ഭരണങ്ങാനത്ത് നടത്തിയ പ്രാര്‍ഥനാ യജ്ഞത്തില്‍ സന്ദേശം നല്‍കുകയായിരുന്നു ബിഷപ് മാർ കല്ലറങ്ങാട്ട്. മൗലികാവകാശങ്ങള്‍ കൂടെക്കൂടെ ഓര്‍മിപ്പിക്കേണ്ടി വരുന്നത് ദൗര്‍ഭാഗ്യകരമാണ്. എത്രയോ പ്രാവശ്യം ഭരണഘടന കീറിമുറിക്കപ്പെട്ടു. മതസ്വാതന്ത്ര്യം തടയുന്നത് അപകടകരമാണ്. സഭയ്ക്ക് രാഷ്‌ട്രീയമില്ല. എന്നാല്‍ രാഷ്‌ട്രീയക്കാരെ തങ്ങളുടെ അവകാശങ്ങള്‍ സംബന്ധിച്ച് പഠിപ്പിക്കാന്‍ ഉത്തരവാദിത്വമുണ്ട്. ക്രൈസ്തവര്‍ അംഗബലത്തിൽ ചെറുതാണെങ്കിലും മൂല്യങ്ങളിൽ സ്വാധീനമുള്ളവരാണെന്നും ബിഷപ് ഉദ്ബോധിപ്പിച്ചു. ജയിലില്‍ കഴിയുന്ന കന്യാസ്ത്രീകള്‍ക്ക് ഐക്യദാര്‍ഢ്യം പ്രഖ്യാപിക്കാന്‍ ഭരണങ്ങാനത്ത് പാലാ രൂപതയൊന്നാകെ ഒത്തുചേരുകയായിരുന്നു. തീര്‍ഥാടന കേന്ദ്രവും ഫൊറോന ദേവാലയപരിസരവും തിങ്ങിനിറഞ്ഞ അല്മായരും സന്യസ്തരും ജപമാല കൈകളിലേന്തി പ്രാര്‍ഥനയോടെയാണ് ജയിലില്‍ കഴിയുന്ന കന്യാസ്ത്രീകള്‍ക്കു വേണ്ടി പ്രാര്‍ഥിച്ചും ഐക്യദാര്‍ഢ്യം പ്രഖ്യാപിച്ചും വിശുദ്ധ അല്‍ഫോന്‍സാമ്മയ്ക്ക് അവരെ സമര്‍പ്പിച്ചത്. തീര്‍ഥാടന ദേവാലയത്തില്‍നിന്ന് ആരംഭിച്ച ജപമാല റാലി ഫൊറോന ദേവാലയം ചുറ്റി തിരികെ തീര്‍ഥാടന ദേവാലയത്തിലെത്തി സമാപിച്ചു. ഫൊറോന വികാരി ഫാ. സഖറിയാസ് ആട്ടപ്പാട്ട് സ്വാഗതവും രൂപത മുഖ്യ വികാരി ജനറാള്‍ മോണ്‍. ജോസഫ് തടത്തില്‍ കൃതജ്ഞതയും പറഞ്ഞു. മാര്‍ ജോസഫ് പള്ളിക്കാപറമ്പില്‍, മാര്‍ ജോസഫ് കൊല്ലംപറമ്പില്‍, വികാരി ജനറാള്‍മാരായ മോണ്‍. ജോസഫ് മലേപ്പറമ്പില്‍, മോണ്‍. സെബാസ്റ്റ്യന്‍ വേത്താനത്ത്, മോണ്‍. ജോസഫ് കണിയോടിക്കല്‍, ഫൊറോന വികാരിമാര്‍, ജനപ്രതിനിധികള്‍, വിവിധ അല്മായ സംഘടനാ ഭാരവാഹികള്‍, സന്യസ്തര്‍ തുടങ്ങിയവര്‍ പങ്കെടുത്തു. ആക്രമണം ഭാരതത്തിന്‍റെ ആത്മാവിനേറ്റ മുറിവ്: മാര്‍ മൂലക്കാട്ട് കോട്ടയം: ഛത്തീസ്ഗഡില്‍ കന്യാസ്ത്രീകള്‍ക്കുനേരേയുണ്ടായ ആക്രമണം ആര്‍ഷ ഭാരതത്തിന്‍റെ ആത്മാവിനേറ്റ മുറിവാണെന്നും ഭാരതസ്ത്രീകള്‍ തന്‍ ഭാവശുദ്ധിയെ ഭരണകൂടം ഇരുമ്പഴിക്കുള്ളിലാക്കിയിരിക്കുകയാണെന്നും കോട്ടയം ആര്‍ച്ച്ബിഷപ് മാര്‍ മാത്യു മൂലക്കാട്ട്. ഛത്തീസ്ഗഡില്‍ കന്യാസ്ത്രീകളെ അറസ്റ്റു ചെയ്തതില്‍ പ്രതിഷേധിച്ചു കോട്ടയം പൗരാവലിയുടെയും വിവിധ സംഘടനകളുടെയും ആഭിമുഖ്യത്തില്‍ കോട്ടയം തിരുനക്കരയില്‍ നടന്ന പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു മാര്‍ മൂലക്കാട്ട്. നന്മയുടെ വെളിച്ചം പകർന്ന് സ്നേഹത്തിന്‍റെയും സാഹോദര്യത്തിന്‍റെയും മഹത്വം ലോകത്തിനു വെളിവാക്കി പ്രവര്‍ത്തിക്കുന്ന ക്രൈസ്തവ സമൂഹത്തെ ഇല്ലാത്ത കാരണങ്ങളുടെ പേരില്‍ ഒതുക്കാനും തളര്‍ത്താനും ശ്രമിച്ചാല്‍ ഭാരതം അതിനു സമ്മതിക്കില്ലെന്നും മാര്‍ മൂലക്കാട്ട് പറഞ്ഞു. തിരുവഞ്ചൂര്‍ രാധാകൃഷ്ണന്‍ എംഎല്‍എ, കോട്ടയം അതിരൂപത വികാരി ജനറാളും രാഷ്ട്രദീപിക ലിമിറ്റഡ് മാനേജിംഗ് ഡയറക്ടറുമായ ഫാ. മൈക്കിള്‍ വെട്ടിക്കാട്ട്, കാരിത്താസ് ആശുപത്രി ഡയറക്ടര്‍ റവ.ഡോ. ബിനു കുന്നത്ത്, സിപിഐ ജില്ലാ സെക്രട്ടറി വി.ബി. ബിനു, സിപിഎം സംസ്ഥാന കമ്മിറ്റിയംഗം കെ. അനില്‍കുമാര്‍, എംജി യൂണിവേഴ്‌സിറ്റി സിന്‍ഡിക്കറ്റംഗം റെജി സഖറിയ, ക്‌നാനായ കത്തോലിക്ക കോണ്‍ഗ്രസ് പ്രസിഡന്‍റ് ബാബു പറമ്പടത്തുമലയില്‍, കേരള കോണ്‍ഗ്രസ് ജില്ലാ പ്രസിഡന്‍റ് ജയ്‌സണ്‍ ജോസഫ്, ദര്‍ശന സാംസ്‌കാരിക കേന്ദ്രം ഡയറക്ടര്‍ ഫാ. എമില്‍ പുള്ളിക്കാട്ടില്‍, കോട്ടയം ലൂർദ് ഫൊറോന വികാരി റവ.ഡോ. ജോർജ് വട്ടക്കാട്ട്, സിസ്റ്റര്‍ സൗമ്യ, ഡോ. കെ.എം. ബെന്നി, സണ്ണി കാഞ്ഞിരം, മാത്യു കൊല്ലമലക്കരോട്ട്, ബേബി മുളവേലിപ്പുറം, ബിനു ചെങ്ങളം തുടങ്ങിയവര്‍ പ്രസംഗിച്ചു. അടിയന്തര നടപടിയുണ്ടാകണം: കോട്ടയം അതിരൂപത കോട്ടയം: ഛത്തീസ്ഗഡില്‍ സിസ്റ്റര്‍ വന്ദന ഫ്രാന്‍സിസിനെയും സിസ്റ്റര്‍ പ്രീതി മേരിയെയും അന്യായമായി ജയിലിലടച്ചത് ഭരണഘടന ഉറപ്പുനല്‍കുന്ന മൗലികാവകാശങ്ങളുടെ നഗ്നമായ ലംഘനമാണെന്ന് കോട്ടയം അതിരൂപത. സ്വതന്ത്രഭാരതത്തില്‍ എല്ലാ പൗരന്മാര്‍ക്കും തുല്യ അവകാശമുണ്ടെന്നിരിക്കെ നിസ്വാര്‍ഥമായി സാമൂഹ്യശുശ്രൂഷ ചെയ്യുന്ന കന്യാസ്ത്രീകള്‍ക്ക് സഭാവസ്ത്രം ധരിച്ച് രാജ്യത്ത് യാത്രചെയ്യാന്‍പോലും കഴിയാത്ത അവസ്ഥ അങ്ങേയറ്റം ഭീതിജനകമാണ്. കേന്ദ്രസര്‍ക്കാരും ഛത്തീസ്ഗഡ് ഭരണാധികാരികളും മൗനംവെടിഞ്ഞ് നീതിയുടെ പക്ഷത്തു നില്‍ക്കണം. സിസ്റ്റര്‍ വന്ദന ഫ്രാന്‍സിസിനും സിസ്റ്റര്‍ പ്രീതി മേരിക്കും അവര്‍ അംഗങ്ങളായ സന്യാസിനീ സമൂഹത്തിനുമൊപ്പമാണ് കോട്ടയം അതിരൂപത. അവര്‍ നേരിടുന്ന അധിക്ഷേപങ്ങളെ അതിരൂപത ഒന്നടങ്കം അപലപിക്കുന്നു. സിസ്റ്റേഴ്സിനെതിരേ ചുമത്തിയിരിക്കുന്ന കള്ളക്കേസുകള്‍ അടിയന്തരമായി പിന്‍വലിക്കണമെന്നും കോട്ടയം അതിരൂപത ആവശ്യപ്പെട്ടു.

മെഡി. കോളജ് അപകടം അന്വേഷണ റിപ്പോര്‍ട്ട് : രക്ഷാപ്രവര്‍ത്തനം വൈകിയില്ലെന്ന് കളക്ടര്‍

കോട്ടയം: മെഡിക്കല്‍ കോളജ് ആശുപത്രിയില്‍ പഴയ കെട്ടിടം തകര്‍ന്നുവീണു വീട്ടമ്മ മരിച്ച സംഭവത്തില്‍ ജില്ലാ കളക്ടര്‍ അന്വേഷണ റിപ്പോര്‍ട്ട് സമര്‍പ്പിച്ചു. അപകടത്തില്‍ രക്ഷാപ്രവര്‍ത്തനം വൈകിയിട്ടില്ലെന്നാണ് കളക്ടര്‍ ജോണ്‍ വി. സാമുവല്‍ ആരോഗ്യവകുപ്പ് അഡീഷണല്‍ ചീഫ് സെക്രട്ടറിക്കു കൈമാറിയ റിപ്പോര്‍ട്ടില്‍ വ്യക്തമാക്കിയിരിക്കുന്നത്. കെട്ടിടത്തിന്‍റെ ബലക്ഷയം സംബന്ധിച്ച് മുന്‍പ് ഔദ്യോഗിക റിപ്പോര്‍ട്ടുകള്‍ ഒന്നുമില്ലായിരുന്നുവെന്നും റിപ്പോര്‍ട്ടില്‍ പറയുന്നു. ജൂലൈ മൂന്നിനു രാവിലെ 11നാണ് പതിനാലാം വാര്‍ഡിലെ ശുചിമുറിയുടെ ഭാഗം തകര്‍ന്നുവീണു തലയോലപ്പറമ്പ് സ്വദേശി ബിന്ദു മരിച്ചത്. വ്യാപക പ്രതിഷേധം ഉയര്‍ന്ന പശ്ചാത്തലത്തില്‍ അന്വേഷിച്ച് റിപ്പോര്‍ട്ട് സമര്‍പ്പിക്കാന്‍ ജില്ലാ കളക്ടര്‍ക്കു സര്‍ക്കാര്‍ നിര്‍ദേശം നല്‍കിയിരുന്നു. അപകടം നടന്ന സ്ഥലത്ത് മണ്ണുമാന്ത്രിയന്ത്രം എത്തിക്കാന്‍ ഇടമില്ലാതിരുന്നതിനാല്‍ വാര്‍ഡിന്‍റെ കവാടം പൊളിച്ച് സൗകര്യം ഒരുക്കേണ്ടിവന്നത് പരിമിതിയായി റിപ്പോര്‍ട്ടിലുണ്ട്. തകര്‍ന്നുവീണ കെട്ടിടത്തിന്‍റെ അവശിഷ്ടങ്ങള്‍ക്കിടയില്‍നിന്ന് രണ്ടര മണിക്കൂറിനുശേഷമാണ് ബിന്ദുവിനെ പുറത്തെടുക്കാന്‍ കഴിഞ്ഞത്. രക്ഷാപ്രവര്‍ത്തനം വൈകിയെന്നും കെട്ടിടത്തിന്‍റെ ബലക്ഷയം സംബന്ധിച്ച് മുന്‍പുതന്നെ റിപ്പോര്‍ട്ടുകള്‍ ലഭിച്ചുവെന്നും ആരോപണം ഉയര്‍ന്നിരുന്നു. അപകടം നടന്ന് 26-ാം ദിവസമാണ് റിപ്പോര്‍ട്ട് സമര്‍പ്പിച്ചത്. അന്വേഷണ റിപ്പോര്‍ട്ടല്ല, മംഗളപത്രം: തിരുവഞ്ചൂര്‍ രാധാകൃഷ്ണന്‍ കോട്ടയം: കോട്ടയം മെഡിക്കല്‍ കോളജ് ആശുപത്രിയില്‍ ജൂലൈ മൂന്നിന് ടോയ്‌ലറ്റ് കെട്ടിടം വീണ് തലയോലപ്പറമ്പ് സ്വദേശിനി ബിന്ദു മരിച്ച സംഭവത്തില്‍ കളക്ടര്‍ ജോണ്‍ വി. സാമുവൽ സമർപ്പിച്ച റിപ്പോര്‍ട്ട് സര്‍ക്കാരിനുള്ള മംഗളപത്രമാണെന്ന് തിരുവഞ്ചൂര്‍ രാധാകൃഷ്ണന്‍ എംഎല്‍എ പ്രതികരിച്ചു. റിപ്പോര്‍ട്ട് വസ്തുതകള്‍ മറച്ചുവയ്ക്കുന്നതാണെന്ന് പരക്കെ വിമര്‍ശനം ഉയര്‍ന്നു. കെട്ടിടം ഉപയോഗത്തിലുള്ളതല്ലെന്നും ആരും അപകടത്തില്‍പ്പെട്ടിട്ടില്ലെന്നും സ്ഥലത്തെത്തിയ മന്ത്രിമാരായ വി.എന്‍. വാസവനും വീണാ ജോര്‍ജും പറഞ്ഞത് തെരച്ചില്‍ വൈകാന്‍ കാരണമായതായി റിപ്പോര്‍ട്ടിലില്ല. ബിന്ദുവിനെ കാണാനില്ലെന്ന വാര്‍ത്ത പരന്ന് ഒരു മണിക്കൂറിനു ശേഷമാണ് തെരച്ചില്‍ തുടങ്ങിയത്. കെട്ടിടം ഉപയോഗശൂന്യമായിരുന്നുവെന്ന് പറയുമ്പോഴും നിരവധി രോഗികളും കൂട്ടിരിപ്പുകാരും ഇതേ ടോയ്‌ലറ്റ് ഉപയോഗിച്ചിരുന്നു. പുതിയ കെട്ടിടം പണിതീര്‍ന്നെങ്കിലും അവിടേക്ക് വാര്‍ഡ് മാറ്റാന്‍ കാലതാമസമുണ്ടായതായും തിരുവഞ്ചൂർ പറഞ്ഞു.

ജില്ലാ ജൂണിയര്‍ അത്‌ലറ്റിക് ചാമ്പ്യന്‍ഷിപ്പ്‌: പാലാ അല്‍ഫോന്‍സാ അത്‌ലറ്റിക് അക്കാദമി മുന്നില്‍

പാലാ: ജില്ലാ അത്‌ലറ്റിക് ചാമ്പ്യന്‍ഷിപ്പില്‍ പാലാ അല്‍ഫോന്‍സ അത്‌ലറ്റിക് അക്കാദമി 321 പോയിന്‍റുമായി മുന്നിട്ടു നില്‍ക്കുന്നു. 134 പോയിന്‍റുമായി ചങ്ങനാശേരി അസംപ്ഷന്‍ കോളജ് രണ്ടാം സ്ഥാനത്തും 116 പോയിന്‍റുമായി പൂഞ്ഞാര്‍ എസ്എംവിഎച്ച്എസ്എസ് മൂന്നാം സ്ഥാനത്തും നില്‍ക്കുന്നു. വനിതകളുടെ 20 വയസില്‍ താഴെയുള്ള വിഭാഗത്തില്‍ അല്‍ഫോന്‍സ അത്‌ലറ്റിക് അക്കാഡമി 102 പോയിന്‍റുമായി ഒന്നാമതും 94 പോയിന്‍റുമായി അസംപ്ഷന്‍ കോളജ് രണ്ടാമതും നില്‍ക്കുന്നു. പുരുഷന്മാരുടെ 20 വയസില്‍ താഴെയുള്ള വിഭാഗത്തില്‍ സെന്‍റ് ഡൊമിനിക്‌സ് കോളജ് കാഞ്ഞിരപ്പള്ളി 77 പോയിന്‍റുമായി ഒന്നാമതും 58 പോയിന്‍റുമായി എസ്ബി കോളജ് രണ്ടാമതും നില്‍ക്കുന്നു. വനിതകളുടെ 18 വയസില്‍ താഴെയുള്ള വിഭാഗത്തില്‍ അല്‍ഫോന്‍സാ അത്‌ലറ്റിക് അക്കാഡമി 69 പോയിന്‍റുമായി ഒന്നാമതും അസംപ്ഷന്‍ കോളജ് 39 പോയിന്‍റുമായി രണ്ടാം സ്ഥാനത്തും നില്‍ക്കുന്നു. പുരുഷന്മാരുടെ 18 വയസില്‍ താഴെയുള്ള വിഭാഗത്തില്‍ അല്‍ഫോന്‍സാ അത്‌ലറ്റിക് അക്കാദമി 50 പോയിന്‍റുമായി ഒന്നാമതും ഭവന്‍സ് വിദ്യാലയ 27 പോയിന്‍റുമായി രണ്ടാം സ്ഥാനത്തും നില്‍ക്കുന്നു. പെണ്‍കുട്ടികളുടെ 16 വയസില്‍ താഴെയുള്ള വിഭാഗത്തില്‍ ഭരണങ്ങാനം എസ്എച്ച്ജിഎച്ച്എസ് 57 പോയിന്‍റുമായി ഒന്നാമതും പൂഞ്ഞാര്‍ എസ്എംവിഎച്ച്എസ് 28 പോയിന്‍റുമായി രണ്ടാം സ്ഥാനത്തും നില്‍ക്കുന്നു. ആണ്‍കുട്ടികളുടെ 16 വയസില്‍ താഴെയുള്ള വിഭാഗത്തില്‍ 42 പോയിന്‍റുമായി പൂഞ്ഞാര്‍ എസ്എംവിഎച്ച്എസ് എസ് ഒന്നാം സ്ഥാനത്തും 33 പോയിന്‍റുമായി കോട്ടയം എംഡിഎസ്എച്ച്എസ്എസ് രണ്ടാം സ്ഥാനത്തും നില്‍ക്കുന്നു. പെണ്‍കുട്ടികളുടെ 14 വയസില്‍ താഴെയുള്ള വിഭാഗത്തില്‍ അല്‍ഫോന്‍സാ അത്‌ലറ്റിക് അക്കാഡമി 30 പോയിന്‍റുമായി ഒന്നാമതും ഭരണങ്ങാനം എസ്എച്ച്ജിഎച്ച്എസ് 23 പോയിന്‍റുമായി രണ്ടാമതും നില്‍ക്കുന്നു. ആണ്‍കുട്ടികളുടെ അണ്ടര്‍ 14 വയസില്‍ താഴെയുള്ള വിഭാഗത്തില്‍ 36 പോയിന്‍റുമായി അല്‍ഫോന്‍സാ അത്‌ലറ്റിക് അക്കാദമി ഒന്നാം സ്ഥാനത്തും കുറുമ്പനാടം സെന്‍റ് പീറ്റേഴ്‌സ് 23 പോയിന്‍റുമായി രണ്ടാം സ്ഥാനത്തും നില്‍ക്കുന്നു. മീറ്റ് പാലാ മുനിസിപ്പല്‍ ചെയര്‍മാന്‍ തോമസ് പീറ്റര്‍ ഉദ്ഘാടനം ചെയ്തു.പാലാ മുനിസിപ്പല്‍ വൈസ് ചെയര്‍പേഴ്‌സണ്‍ ബിജി ജോജോ അധ്യക്ഷത വഹിച്ചു. മുനിസിപ്പല്‍ കൗണ്‍സിലര്‍മാരായ സാവിയോ കാവുകാട്ട്, ജോസ് ജെ. ചീരാംകുഴി, ലീന സസി, വി.സി. ജോസഫ്, വി.സി. പ്രിന്‍സ്, ജോസിന്‍ ബിനോ, ജില്ലാ സ്‌പോര്‍ട്സ് കൗണ്‍സില്‍ സെക്രട്ടറി മായാദേവി എന്നിവര്‍ പ്രസംഗിച്ചു. ഒളിമ്പ്യന്‍ മനോജ്‌ലാല്‍ മുഖ്യാതിഥിയായിരുന്നു. ജില്ലാ അത്‌ലറ്റിക് അസോസിയേഷന്‍ സെക്രട്ടറി ഡോ. തങ്കച്ചന്‍ മാത്യു സ്വാഗതവും പ്രവീണ്‍ തരിയന്‍ നന്ദിയും പറഞ്ഞു. ഇന്ന് വൈകുന്നേരം നടക്കുന്ന സമാപന സമ്മേളനത്തില്‍ ജില്ലാ അത്‌ലറ്റിക് അസോസിയേഷന്‍ പ്രസിഡന്‍റ് ഫാ. മാത്യു കരീത്തറ സമ്മാനദാനം നിര്‍വഹിക്കും.

വള്ളം മറിഞ്ഞ് കാണാതായ ആളുടെ മൃതദേഹം കണ്ടെത്തി

വൈക്കം: ചെമ്പ് മുറിഞ്ഞപുഴ നടുത്തുരുത്തിന് സമീപം വള്ളം മറിഞ്ഞ് കാണാതായ പാണാവള്ളി വേലംകുന്നത്ത് (കൊറ്റപ്പള്ളി നികർത്ത് ) സുമേഷിന്‍റെ(കണ്ണൻ-45) മൃതദേഹം കണ്ടെത്തി. അരൂർ കോട്ടപ്പുറത്ത് കായലോരത്ത് പായലും പുല്ലും വളർന്നഭാഗത്താണ് ഇന്നലെരാവിലെ ഒൻപതോടെ പ്രദേശവാസികൾ മൃതദേഹം കണ്ടത്. പോലീസ് നടപടിക്രമങ്ങൾ പൂർത്തിയാക്കി പോസ്റ്റ്മോർട്ടത്തിനുശേഷം ഉച്ചകഴിഞ്ഞ് രണ്ടിന് മൃതദേഹം പാണാവള്ളിയിലെ വീട്ടുവളപ്പിൽ സംസ്കരിച്ചു. തിങ്കളാഴ്ച ഉച്ചയ്ക്ക് 2.15ഓടെ കാട്ടിക്കുന്ന് തുരുത്തിൽ മരണവീട്ടിൽ പോയി മടങ്ങുകയായിരുന്ന പാണാവള്ളി സ്വദേശികൾ സഞ്ചരിച്ചിരുന്ന വള്ളം മറിഞ്ഞാണ് സുമേഷിനെ(45കണ്ണൻ) കാണാതായത്. ഭാര്യ: ഷീബ. മക്കൾ: സ്കൂൾ വിദ്യാർഥികളായ അച്ചു, കിച്ചു.

ജയ്നമ്മയുടെ തിരോധാനം: ഫോൺ കോളുകൾ അവഗണിച്ചത് വിനയായെന്ന് ആക്ഷേപം

ഏറ്റുമാനൂർ: തുടക്കത്തിൽത്തന്നെ കാര്യക്ഷമമായി അന്വേഷിച്ചിരുന്നെങ്കിൽ ജയ്നമ്മയെ കണ്ടെത്താൻ സാധിക്കുമായിരുന്നെന്ന് കാണാതായ അതിരമ്പുഴ കോട്ടമുറി കാക്കനാട്ടുകാലായിൽ കെ.എ. മാത്യുവിന്‍റെ ഭാര്യ ജയ്നമ്മയുടെ ബന്ധുക്കൾ. കഴിഞ്ഞ ഡിസംബർ 23നാണ് ജയ്നമ്മയെ കാണാതായത്. ജയ്നമ്മയെ കാണാതായതിൽ ദുരൂഹത സംശയിച്ച് ആദ്യം സഹോദരങ്ങളും പിന്നീട് ഭർത്താവും ഏറ്റുമാനൂർ പോലീസിൽ പരാതി നൽകി. എന്നാൽ കാര്യമായ അന്വേഷണം നടന്നില്ലെന്നാണ് ബന്ധുക്കൾ പറയുന്നത്. ജനുവരി, ഫെബ്രുവരി മാസങ്ങളിലായി മൂന്നു തവണ ജയ്നമ്മയുടെ ഫോണിൽനിന്ന് സഹോദരിയുടെ ഫോണിലേക്ക് കോൾ വന്നിരുന്നു. അപ്പോഴെല്ലാം ചേർത്തല പള്ളിപ്പുറമാണ് ലൊക്കേഷൻ എന്നും മനസിലാക്കിയിരുന്നു. മൂന്നു തവണയും തങ്ങൾ ഇക്കാര്യം ചൂണ്ടിക്കാട്ടി ഏറ്റുമാനൂർ പോലീസിനെ സമീപിച്ചെങ്കിലും ഈ കോളുകളെ പിന്തുടർന്നുള്ള അന്വേഷണത്തിന് പോലീസ് തയാറായില്ലെന്നാണ് ബന്ധുക്കൾ ആരോപിക്കുന്നത്. അന്ന് അന്വേഷിച്ചിരുന്നെങ്കിൽ ജയ്നമ്മയെ കണ്ടെത്താൻ സാധിക്കുമായിരുന്നെന്ന് ഇവർ പറയുന്നു. ഏറ്റുമാനൂർ പോലീസ് സ്റ്റേഷനിലേക്ക് തങ്ങളെ വിളിച്ചുവരുത്തി സമ്മർദം ചെലുത്തിയതിനെ തുടർന്ന് പരാതി പിൻവലിക്കുന്നതായി എഴുതിനൽകേണ്ടി വന്നതായും ഇവർ പറയുന്നു. പിന്നീട് തങ്ങൾ ഹൈക്കോടതിയെ സമീപിക്കുകയായിരുന്നു. ഹൈക്കോടതി ഉത്തരവിനെ തുടർന്ന് അന്വേഷണം ഏറ്റെടുത്ത ക്രൈംബ്രാഞ്ച് ഈ ഫോൺ വിളികളെ പിന്തുടർന്നാണ് പള്ളിപ്പുറം സ്വദേശി സെബാസ്റ്റ്യനിലേക്ക് എത്തിയതെന്നും ഇവർ ചൂണ്ടിക്കാട്ടുന്നു.

മുണ്ടക്കൈ-ചൂരല്‍മല ഉരുള്‍പൊട്ടല്‍ 50 വീടുകളുടെ നിർമാണത്തിനു തുടക്കമിട്ട് ഓര്‍ത്തഡോക്‌സ് സഭ

കോട്ടയം: വയനാട് മുണ്ടക്കൈ-ചൂരല്‍മല ഉരുള്‍പൊട്ടല്‍ ദുരന്തത്തിന്‍റെ ഒന്നാം വാര്‍ഷിക ദിനത്തില്‍ അകാലത്തില്‍ പൊലിഞ്ഞവര്‍ക്ക് ആദരം അര്‍പ്പിച്ച് മലങ്കര ഓര്‍ത്തഡോക്‌സ് സഭ എപ്പിസ്‌കോപ്പല്‍ സുന്നഹദോസ്. സകലവും നഷ്ടപ്പെട്ട ജനത്തിന്‍റെ അതിജീവനത്തിന് കൈത്താങ്ങായി സഭയുണ്ടാകുമെന്ന് സുന്നഹദോസ് വ്യക്തമാക്കി. ദുരന്തബാധിതര്‍ക്കായി സഭയുടെ നേതൃത്വത്തില്‍ 50 ഭവനങ്ങള്‍ നിര്‍മിച്ച് നല്‍കുവാനുള്ള പ്രവര്‍ത്തനങ്ങള്‍ ആരംഭിച്ചു. ഇതിനായി രണ്ട് ഏക്കര്‍സ്ഥലം വിലകൊടുത്ത് വാങ്ങും. ദുരന്തമേഖലയില്‍ പുനരധിവാസത്തിനായി സര്‍ക്കാര്‍ ഏറ്റെടുത്തിരിക്കുന്ന ഭൂമിയില്‍ ഭവന നിര്‍മാണത്തിനായി മറ്റാര്‍ക്കും അനുമതി ലഭിക്കാന്‍ സാധ്യതയില്ലാത്തതിനാലാണ് സഭ നേരിട്ട് വീടുകള്‍ നിര്‍മിക്കുന്നത്. മേപ്പാടിയില്‍ 22 വീടുകളും ചൂരല്‍മലയില്‍ 16 വീടുകളും കുറിച്ച്യാര്‍മലയിലും ദുരന്തം നാശം വിതച്ച മറ്റിടങ്ങളിലുമായി ശേഷിക്കുന്ന വീടുകളും സഭ നിര്‍മിച്ച് നല്‍കും. വഴിസൗകര്യം, പൊതുഇടങ്ങള്‍ തുടങ്ങി അടിസ്ഥാനസൗകര്യങ്ങള്‍ ഉറപ്പുവരുത്തിയാകും വീടുകളുടെ നിര്‍മാണം.

ആക്രമണകാരിയായ കാട്ടാനയെ വനത്തിലേക്ക് കയറ്റിവിടുമെന്ന് വനം വകുപ്പ്

മുണ്ടക്കയം ഈസ്റ്റ്: പെരുവന്താനം പഞ്ചായത്തിലെ മതമ്പയിൽ ടാപ്പിംഗ് തൊഴിലാളിയെ ആക്രമിച്ച് കൊലപ്പെടുത്തിയ കാട്ടാനയെ ഉൾവനത്തിലേക്ക് തുരത്താൻ അടിയന്തര നടപടി സ്വീകരിക്കുമെന്ന് എരുമേലി ഫോറസ്റ്റ് റേഞ്ച് ഓഫീസർ ഹരിലാൽ അറിയിച്ചു. അതേസമയം അഞ്ചു മാസങ്ങൾക്കു മുമ്പ് ചെന്നാപ്പാറയിൽ വീട്ടമ്മയെ കൊലപ്പെടുത്തിയ ആനതന്നെയാണോ മതമ്പയിൽ പുരുഷോത്തമനെ ആക്രമിച്ച് കൊന്നതെന്ന സംശയം നാട്ടുകാർ പങ്കുവയ്ക്കുന്നുണ്ട്.

നിൽക്കണോ, പോണോ? തീരുമാനം ഉടനെ

എരുമേലി: ടൗണിൽ പ്രൈവറ്റ് ബസ് സ്റ്റാൻഡിൽ എരുമേലി പഞ്ചായത്ത്‌ വക ഇരുനില കെട്ടിടത്തിലുള്ള വ്യാപാര സമുച്ചയത്തിന്‍റെ സുരക്ഷസംബന്ധിച്ച് പരിശോധന പൂർത്തിയാക്കി പഞ്ചായത്ത്‌ അസിസ്റ്റന്‍റ് എൻജിനിയർ എക്‌സിക്യൂട്ടീവ് എൻജിനിയർക്കു റിപ്പോർട്ട് സമർപ്പിച്ചു. കോട്ടയം ആർഡിഒയുടെ നിർദേശപ്രകാരമായിരുന്നു പരിശോധന. കെട്ടിടത്തിൽ അപാകതകൾ ഏറെയുണ്ടെന്നാണ് റിപ്പോർട്ട്. ഇനി എക്‌സിക്യൂട്ടീവ് എൻജിനിയർ വിശദമായ റിപ്പോർട്ട് ആർഡിഒയ്ക്കു നൽകുന്നതോടെ കെട്ടിടം പൊളിക്കണോ കെട്ടിടത്തിലെ സർക്കാർ ഓഫീസുകളും കടമുറികളും ഒഴിപ്പിക്കണമോ തുടങ്ങിയ കാര്യങ്ങളിൽ തീരുമാനമാകും. ഫിറ്റല്ലാതെ ഫിറ്റ്നസ് നേരത്തെ കെട്ടിടത്തിനു ഫിറ്റ്നസ് സർട്ടിഫിക്കറ്റ് നൽകുകയും അറ്റകുറ്റപ്പണി നടത്തുകും ചെയ്തിരുന്നു. എന്നാൽ, പണിയിലെ അപാകത കെട്ടിടത്തെ കൂടുതൽ ദുർബലമാക്കി. കോട്ടയം ആർഡിഒ ഡി. രഞ്ജിത്ത് എത്തി കെട്ടിടം പരിശോധിച്ചിരുന്നു. തുടർന്നു പഞ്ചായത്ത്‌ അസിസ്റ്റന്‍റ് എൻജിനിയറോടു തത്സ്ഥിതി വിവര റിപ്പോർട്ട് നൽകാൻ നിർദേശിച്ചു. കോട്ടയം മെഡിക്കൽ കോളജിൽ കെട്ടിടം ഇടിഞ്ഞുവീണ പശ്ചാത്തലത്തിലായിരുന്നു നടപടി. പാളിയ പണികൾ അറ്റകുറ്റപ്പണികളിൽ സംഭവിച്ച അപാകതകളാണ് കെട്ടിടം അപകടത്തിലാക്കിയതെന്നാണ് പ്രധാന ആക്ഷേപം. കെട്ടിടം റൂഫ് ചെയ്തപ്പോൾ പ്രവേശന ഭാഗമായ രണ്ട് വശങ്ങളിലെ പടിക്കെട്ടുകളുടെ മുകളിലെ മേൽക്കൂരയിൽ റൂഫ് ചെയ്തില്ല. ഇതോടെയാണ് ചോർച്ച വീണ്ടുമുണ്ടായതെന്നു കെട്ടിടത്തിലെ വ്യാപാരികൾ പറയുന്നു. ആറു ലക്ഷം ചെലവിട്ടാണ് മേൽക്കൂര റൂഫ് ചെയ്തത്. മേൽക്കൂരയുടെ അടിയിൽ പ്ലാസ്റ്ററിംഗ് നടത്തി പെയിന്‍റ് ചെയ്തിരുന്നു. എന്നാൽ, രണ്ടാമത്തെ നിലയിൽ കോൺക്രീറ്റ് മേൽക്കൂരയിലും ഭിത്തിയിലുമായി വളർന്നുകൊണ്ടിരുന്ന ആൽമരത്തന്‍റെ തൈയും വേരുകളും മുറിച്ചു മാറ്റിയിരുന്നില്ല. ഇതു വളർന്നു വേരിറങ്ങി കെട്ടിടത്തിനു ബലക്ഷയം നേരിട്ടെന്നാണ് ആക്ഷേപം. ഇക്കാര്യം പണികൾ നടത്തുമ്പോൾത്തെന്നെ കരാറുകാരനെയും ഭരണസമിതിയെയും വ്യാപാരികൾ അറിയിച്ചിരുന്നെങ്കിലും ആരും ഗൗനിച്ചില്ല. ദ്രവിച്ച കന്പികൾ, ചോർച്ച കെട്ടിടത്തിൽ നിലവിൽ ചോർച്ചയുണ്ട്. മേൽക്കൂരയിൽ ചില ഭാഗങ്ങളിൽ കമ്പികൾ ദ്രവിച്ച നിലയിലും. മേൽക്കൂരയിലെ കോൺക്രീറ്റ് ഭാഗങ്ങൾ ചിലേടങ്ങളിൽ അടർന്നു വീഴുന്നുണ്ട്. രണ്ടാമത്തെ നിലയിൽ വില്ലേജ് ഓഫിസ്, ലൈബ്രറി പൊതുമരാമത്ത് സെക്‌ഷൻ ഓഫീസ് എന്നിവയും താഴെ നിലയിൽ കടമുറികളും പൊതു ശൗചാലയവുമാണുള്ളത്. കെട്ടിടം പൊളിച്ചുമാറ്റണോ അറ്റകുറ്റപ്പണി നടത്തി സുരക്ഷിതമാക്കാനാകുമോ യെന്നതാണ് ജനം കാത്തിരിക്കുന്നു.

കന്യാസ്ത്രീമാരുടെ അറസ്റ്റ്: പ്രധാനമന്ത്രി ഇടപെടണമെന്ന് രൂപത പാസ്റ്ററല്‍ കൗണ്‍സില്‍

കാഞ്ഞിരപ്പള്ളി: ഛത്തീസ്ഗഡില്‍ മലയാളികളായ കന്യാസ്ത്രീകളെ അവര്‍ നല്‍കിയ വിശദീകരണം പരിഗണിക്കാന്‍ പോലും തയാറാകാതെ പോലീസ് അറസ്റ്റ് ചെയ്ത നടപടി അപലപനീയമാണെന്നു കാഞ്ഞിരപ്പള്ളി രൂപത പാസ്റ്ററല്‍ കൗണ്‍സില്‍. ന്യൂനപക്ഷാവകാശങ്ങളിന്മേലും ഭരണഘടന അനുവദിച്ചു നല്‍കുന്ന മൗലികാവകാശങ്ങളിന്മേലുമുള്ള കടന്നുകയറ്റങ്ങളെ എതിര്‍ത്തു തോല്‍പ്പിക്കുക തന്നെ വേണം. കന്യാസ്ത്രീകള്‍ക്ക് സഭാവസ്ത്രം ധരിച്ച് പുറത്തിറങ്ങാന്‍ പറ്റാത്ത നിലയിലേക്ക് ഉത്തരേന്ത്യയില്‍ ക്രൈസ്തവ സമുദായം അടിച്ചമര്‍ത്തപ്പെടുന്നു. മത പരിവര്‍ത്തനത്തിനു വേണ്ടിയല്ല സാമൂഹിക പുരോഗതിക്കും മനുഷ്യന്‍റെ സമഗ്ര വളര്‍ച്ചയ്ക്കും വേണ്ടിയാണ് സഭ പ്രവര്‍ത്തിക്കുന്നത്. ഛത്തീസ്ഗഡില്‍ നടന്നത് മനുഷ്യാവകാശ ലംഘനവും ആള്‍ക്കൂട്ട വിചാരണയുമാണ്. വ്യാജ ആരോപണങ്ങള്‍ ഉന്നയിച്ചവര്‍ക്കും ഏകപക്ഷീയമായി അറസ്റ്റ് ചെയ്തവര്‍ക്കുമെതിരേ നടപടി സ്വീകരിക്കണമെന്നും പ്രധാനമന്ത്രിയും കേന്ദ്ര ആഭ്യന്തര മന്ത്രിയും ന്യൂനപക്ഷകാര്യ മന്ത്രിയും ഇടപെടണമെന്നും രൂപത പാസ്റ്ററല്‍ കൗണ്‍സില്‍ ആവശ്യപ്പെട്ടു. പന്തംകൊളുത്തി പ്രകടനവുമായി എസ്എംവൈഎം കാഞ്ഞിരപ്പള്ളി: ഛത്തീസ്ഗഡിൽ മലയാളികളായ കന്യാസ്ത്രീകളെ അറസ്റ്റ് ചെയ്തതിൽ പ്രതിഷേധിച്ച് കാഞ്ഞിരപ്പള്ളി ഫൊറോന എസ്എംവൈഎമ്മിന്‍റെ നേതൃത്വത്തിൽ പ്രതിഷേധ റാലിയും പന്തംകൊളുത്തി പ്രകടനവും നടത്തി. രൂപത വികാരി ജനറാൾ റവ.ഡോ. ജോസഫ് വെള്ളമറ്റം പ്രതിഷേധ റാലി ഫ്ലാഗ് ഓഫ് ചെയ്തു. കത്തോലിക്ക കോൺഗ്രസ് രൂപത ഡയറക്ടർ ഫാ. ജസ്റ്റിൻ മതിയത്ത് സമ്മേളനം ഉദ്ഘാടനം ചെയ്തു. എസ്എംവൈഎം ഫൊറോന പ്രസിഡന്‍റ് അലൻ എസ്. വെള്ളൂർ അധ്യക്ഷത വഹിച്ചു. സിസ്റ്റർ സിൽവി ആൻ മുഖ്യപ്രഭാഷണം നടത്തി. എസ്എംവൈഎം ഡയറക്ടർ ഫാ. ജോസഫ് ആലപ്പാട്ടുകുന്നേൽ, അനിമേറ്റർ സിസ്റ്റർ എമിലിൻ സിഎംസി, വൈസ് പ്രസിഡന്‍റ് റോഷ്നി ജോർജ്, ഭാരവാഹികളായ ഡിജു കൈപ്പൻപ്ലാക്കൽ, ജിബിൽ തോമസ്, ജോയൽ ജോബി, എബിൻ തോമസ്, ജ്യോതിസ് മരിയ, കെ. സാവിയോ, അഖില സണ്ണി, ധ്യാൻ ജിൻസ്, റോൺ ആന്‍റണി, അശ്വിൻ അപ്രേം എന്നിവർ പ്രസംഗിച്ചു. വിവിധ ഇടവകകളിൽ നിന്നായി അന്പതോളം യുവജനങ്ങൾ പ്രതിഷേധ റാലിയിലും പന്തംകൊളുത്തി പ്രകടനത്തിലും പങ്കെടുത്തു. ചിറക്കടവ്: ഛത്തീസ്ഗഡിൽ ക്രൈസ്തവ സന്യാസിനിമാരെ വ്യാജ ആരോപണമുയർത്തി അറസ്റ്റ് ചെയ്തതിൽ പ്രതിഷേധിച്ച് ചിറക്കടവ് സെന്‍റ് ഇഫ്രേംസ് ഇടവകയിലെ വൈദികർ, സന്യാസിനികൾ, എസ്എംവൈഎം, എകെസിസി, ഇൻഫാം, പിതൃവേദി, മാതൃവേദി തുടങ്ങി വിവിധ സംഘടന പ്രതിനിധികളുടെയും നേതൃത്വത്തിൽ പന്തം കൊളുത്തി പ്രകടനം നടത്തി. താമരക്കുന്ന് പള്ളിയിൽ നിന്നാരംഭിച്ച പ്രകടനം ചിറക്കടവ് മണ്ണംപ്ലാവ് ടൗണിൽ എത്തി. തുടർന്ന് നടന്ന പ്രതിഷേധ യോഗത്തിൽ വികാരി ഫാ. റെജി മാത്യു വയലുങ്കൽ, അസിസ്റ്റർ വികാരി ഫാ. ഷിബിൻ മണ്ണാറത്ത്, എകെസിസി പ്രസിഡന്‍റ് ജോയി കൊന്നക്കൽ, എസ്എംവൈഎം പ്രസിഡന്‍റ് സാവിയോ കുഴിമറ്റം തുടങ്ങിയവർ പ്രസംഗിച്ചു.

സുരേഷിന് ആദരാഞ്ജലി അർപ്പിച്ച് സഹപ്രവർത്തകർ

കാഞ്ഞിരപ്പള്ളി: വൈദ്യുതി പോസ്റ്റ് ഒടിഞ്ഞ് വീണ് മരിച്ച കാഞ്ഞിരപ്പള്ളി ഫയർഫോഴ്സിലെ ഉദ്യോഗസ്ഥന് ആദരാഞ്ജലി അർപ്പിച്ച് സഹപ്രവർത്തകർ. കാഞ്ഞിരപ്പള്ളി ഫയർഫോഴ്സ് ഓഫീസിലെ ഹോം ഗാർഡായ മുണ്ടക്കയം കരിനിലം സ്വദേശി കല്ലുക്കുന്നേൽ സുരേഷിനാണ് കാഞ്ഞിരപ്പള്ളി ഫയർ ഫോഴ്സ് അങ്കണത്തിൽ ഉദ്യോഗസ്ഥർ ആദരാഞ്ജലി അർപ്പിച്ചത്. രാവിലെ 11.45 യോടെയാണ് സുരേഷിന്‍റെ ചേതനയറ്റ മൃതദേഹം കാഞ്ഞിരപ്പള്ളി ഫയർ ഫോഴ്സ് യൂണിറ്റിലേക്ക് എത്തിച്ചത്. ചീഫ് വിപ്പ് ഡോ. എൻ. ജയരാജ്, ഡിഎഫ്ഒ എസ്.കെ. ബിജുമോൻ, വ്യാപാരികൾ, രാഷ്ട്രീയ നേതാക്കൾ, വിവിധ ഫയർ യൂണിറ്റുകളിൽനിന്നുള്ള ഉദ്യോഗസ്ഥർ തുടങ്ങിയവർ അന്ത്യാഞ്ജലി അർപ്പിച്ചു. സമൂഹത്തിന്‍റെ നാനാതുറകളിൽപ്പെട്ടവരും സുരേഷിനെ ഒരുനോക്ക് കാണാൻ എത്തിയിരുന്നു. തുടർന്ന് സംസ്കാര ചടങ്ങുകൾക്കായി യൂണിറ്റ് വാഹനത്തിന്‍റെ അകമ്പടിയോടെ വസതിയിലേക്ക് കൊണ്ടുപോയി. ‌ചൊവാഴ്ച രാവിലെ 11 ന് മുണ്ടക്കയം അസംബനിയിൽ വച്ചാണ് സുരേഷ് അപകടത്തിൽ മരിച്ചത്. സ്വകാര്യ വ്യക്തിയുടെ വൈദ്യുതി ലൈനിലേക്ക് വീണ മരം മുറിച്ചു മാറ്റുന്നതിനിടെ മരം മുറിഞ്ഞ് വൈദ്യുതി പോസ്റ്റ് ഒടിഞ്ഞ് സുരേഷിന്‍റെ ദേഹത്തേക്ക് വീഴുകയായിരുന്നു. മുണ്ടക്കയത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബിഎസ്എഫിൽ നിന്നു വിരമിച്ച ശേഷമാണ് കാഞ്ഞിരപ്പള്ളി ഫയർ ഫോഴ്സ് ഹോം ഗാർഡായി സുരേഷ് ജോലിയിൽ പ്രവേശിച്ചത്.

കാട്ടാനക്കലിയിൽ ജീവൻ പൊലിഞ്ഞ പുരുഷോത്തമന് നാടിന്‍റെ യാത്രാമൊഴി

കാഞ്ഞിരപ്പള്ളി: കാട്ടാനക്കലിയിൽ ജീവൻ പൊലിഞ്ഞ കാഞ്ഞിരപ്പള്ളി തമ്പലക്കാട് സ്വദേശി പുരുഷോത്തമന് നാടിന്‍റെ യാത്രാമൊഴി. വീട്ട് മുറ്റത്തൊരുക്കിയ ചിതയ്ക്ക് മകൻ രാഹുൽ തീ കൊളുത്തി. പ്രദേശവാസികളടക്കം നിരവധി പേർ സംസ്കാര ചടങ്ങുകളിൽ പങ്കെടുത്തു. ഇടുക്കി - കോട്ടയം ജില്ലകളുടെ അതിർത്തിയായ മുണ്ടക്കയം പെരുവന്താനത്തിന് സമീപം ചൊവ്വാഴ്ച രാവിലെയുണ്ടായ കാട്ടാന ആക്രമണത്തിലായിരുന്നു ടാപ്പിംഗ് തൊഴിലാളിയായ പുരുഷോത്തമൻ മരണപ്പെട്ടത്. പോസ്റ്റ്മോർട്ടത്തിന് ശേഷം രാത്രിതന്നെ വീട്ടിലെത്തിച്ച മൃതദേഹത്തിൽ അന്തിമോപചാരമർപ്പിക്കാൻ നിരവധിയാളുകളാണ് എത്തിയത്. ചീഫ് വിപ്പ് ഡോ. എൻ. ജയരാജ് അടക്കമുള്ള ജനപ്രതിനിധികൾ വീട്ടിലെത്തി അന്തിമോപചാരമർപ്പിച്ചു. വണ്ടൻപതാൽ ഫോറസ്റ്റ് ഡപ്യൂട്ടി റേഞ്ച് ഓഫീസർ മനോജ് കെ. ചന്ദ്രന്‍റെ നേതൃത്വത്തിൽ വനപാലകരും സ്ഥലത്തെത്തിയിരുന്നു. നഷ്ടപരിഹാരമായി അനുവദിച്ച 10 ലക്ഷം രൂപയിൽ ആദ്യഘഡുവായ അഞ്ചു ലക്ഷം രൂപയുടെ രേഖകൾ വനപാലകരുടെ സാന്നിധ്യത്തിൽ ചീഫ് വിപ്പ് കൈമാറി.

ആരോപണ പ്രത്യാരോപണവുമായി ബിജെപിയും സിപിഎമ്മും

കാഞ്ഞിരപ്പള്ളി: പെരുവന്താനം മതമ്പയിൽ ടാപ്പിംഗ് തൊഴിലാളിയെ കാട്ടാന കൊലപ്പെടുത്തിയ സംഭവത്തിൽ ആരോപണ പ്രത്യാരോപണവുമായി ബിജെപിയും സിപിഎമ്മും. വന്യമൃഗ ശല്യത്തിൽ സംസ്ഥാന സർക്കാർ ഉദാസീന നിലപാടാണ് സ്വീകരിക്കുന്നതെന്ന് ബിജെപി സംസ്ഥാന വൈസ് പ്രസിഡന്‍റ് ഷോൺ ജോർജ് ആരോപിച്ചു. വനനിയമങ്ങൾ നടപ്പാക്കേണ്ട കേന്ദ്ര സർക്കാരിന്‍റെ കേരളത്തോടുള്ള വിവേചനത്തിന്‍റെ ഇരയാണ് പുരുഷോത്തമനെന്നായിരുന്നു സിപിഎം ജില്ലാ സെക്രട്ടേറിയറ്റംഗം കെ. രാജേഷിന്‍റെ മറുപടി. വന്യമൃഗങ്ങൾ നാട്ടിലിറങ്ങാതിരിക്കാനും കൃഷി നശിപ്പിക്കാതിരിക്കാനും സർക്കാർ യാതൊരു നടപടിയും സ്വികരിക്കുന്നില്ലെന്നും ഷോൺ ജോർജ് ആരോപിച്ചു. മക്കളിൽ ഒരാൾക്ക് ജോലി നൽകുവാൻ സർക്കാർ തയാറാകണം. കേന്ദ്ര സർക്കാരിന്‍റെ 10 ലക്ഷം രൂപയും സംസ്ഥാന സർക്കാർ നൽകേണ്ട 14 ലക്ഷം രൂപ ഉൾപ്പെടെ 24 ലക്ഷം രൂപ കുടുംബത്തിന് ലഭ്യമാക്കണമെന്നും ഷോൺ ജോർജ് ആവശ്യപ്പെട്ടു. സർക്കാരിന്‍റെ നിലവിലുള്ള നിയമമനുസരിച്ചുള്ള ധനസഹായമടക്കം എല്ലാ സഹായവും സമയബന്ധിതമായി പ്രഖ്യാപിച്ചിട്ടുള്ളതാണെന്ന് സിപിഎം ജില്ലാ സെക്രട്ടേറിയറ്റംഗം കെ. രാജേഷ് പറഞ്ഞു. എന്നാൽ ദൗർഭാഗ്യകരമായ ഇത്തരം സംഭവങ്ങളെ രാഷ്ട്രീയവൽക്കരിക്കാനും ആഘോഷിക്കുവാനും ചിലർ ശ്രമിക്കുകയാണ്. ആറു മാസത്തിനിടയിൽ രണ്ടാമതൊരു മരണം കൂടി സംഭവിക്കുന്നു എന്നത് ഉൾക്കൊള്ളാവുന്ന കാര്യമല്ലെന്ന് പുരുഷോത്തമന്‍റെ വീട്ടിലെത്തിയ മുൻ എംഎൽഎ കൂടിയായ സിപിഐ സംസ്ഥാന കൗൺസിൽ അംഗം ഇ.എസ് ബിജിമോൾ പറഞ്ഞു. രണ്ട് പ്രാവശ്യവും അക്രമിച്ചത് ഒരേ ആനയാണ് എന്നാണ് പ്രദേശവാസികളിൽനിന്ന് മനസിലാക്കുന്നത്. അക്രമകാരിയായ മോഴയാനയെ ഇവിടെ നിന്ന് മാറ്റണം. ടിആർ ആൻഡ് ടി എസ്റ്റേറ്റിലെ സ്ഥലം കാടുപിടിച്ച് കിടക്കുന്നതിനാൽ വന്യമൃഗങ്ങൾക്ക് വിഹരിക്കാൻ കഴിയുന്ന സാഹചര്യമുണ്ട്. ഇക്കാര്യത്തിൽ സർക്കാർ ഇടപെടണമെന്നും ബിജിമോൾ ആവശ്യപ്പെട്ടു. സംസ്ഥാന സർക്കാർ തികഞ്ഞ പരാജയമെന്ന് കാഞ്ഞിരപ്പള്ളി: ജനങ്ങളുടെ ജീവനും സ്വത്തും സംരക്ഷിക്കുന്നതിൽ സംസ്ഥാന സർക്കാർ തികഞ്ഞ പരാജയമാണെന്ന് കോട്ടയം ഡിസിസി പ്രസിഡന്‍റ് നാട്ടകം സുരേഷ്. കാട്ടാന ആക്രമണത്തിൽ മരണമടഞ്ഞ കാഞ്ഞിരപ്പള്ളി തമ്പലക്കാട് സ്വദേശി പുരുഷോത്തമന്‍റെ വീട് സന്ദർശിക്കുകയായിരുന്നു അദ്ദേഹം. സർക്കാർ ധനസഹായം 25 ലക്ഷം രൂപ നൽകണമെന്നും കുടുംബത്തിലെ ഒരു അംഗത്തിന് സർക്കാർ ജോലി നൽകണമെന്നും കോൺഗ്രസ്‌ ജില്ല നേതൃത്വം ആവശ്യപ്പെട്ടു.

ബസ് സർവീസ് നിർത്തിവച്ച് ജീവനക്കാരുടെ പ്രതിഷേധം

മുണ്ടക്കയം: മുണ്ടക്കയം -പുഞ്ചവയൽ- 504 റൂട്ടിൽ ഓട്ടോറിക്ഷ തൊഴിലാളികൾ ബസ് ജീവനക്കാരെ മർദിക്കാൻ ശ്രമിച്ചെന്നാരോപിച്ചും ഓട്ടോറിക്ഷകളുടെ പാരലൽ സർവീസ് നിർത്തണമെന്ന് ആവശ്യപ്പെട്ടും സർവീസ് നിർത്തിവച്ച് ബസ് ജീവനക്കാരുടെ പ്രതിഷേധം. കഴിഞ്ഞ ഏതാനും മാസങ്ങളായി പുഞ്ചവയൽ, പുലിക്കുന്ന് മേഖലയിലേക്ക് ഓട്ടോറിക്ഷകൾ അനധികൃതമായി ഷട്ടിൽ സർവീസ് നടത്തുന്നതുമായി ബന്ധപ്പെട്ട് ബസ് ജീവനക്കാരുമായി തർക്കം നിലനിന്നിരുന്നു. ബസുകളുടെ സർവീസിന് മുമ്പ് ഓട്ടോറിക്ഷകൾ ട്രിപ്പടിക്കുന്നത് ബസ് സർവീസിനെ ബാധിക്കുന്നതായി ജീവനക്കാർ ആരോപിച്ചു. ഇത് സംബന്ധിച്ച് ആർടിഒ അടക്കമുള്ളവർക്ക് ഇവർ പരാതി നൽകുകയും അധികാരികൾ നടപടി സ്വീകരിക്കുകയും ചെയ്തിരുന്നു. എന്നാൽ വീണ്ടും അനധികൃതമായി ഓട്ടോറിക്ഷകൾ പാരലൽ സർവീസ് നടത്തുന്നെന്ന വിവരത്തിന്‍റെ അടിസ്ഥാനത്തിൽ ഇന്നലെ രാവിലെ കരിനിലം ഭാഗത്ത് ഇതു പരിശോധിക്കാനെത്തിയ ബസ് ഉടമകളെയും ജീവനക്കാരെയും ഒരുപറ്റം ഓട്ടോറിക്ഷ തൊഴിലാളികൾ കൈയേറ്റം ചെയ്യുവാൻ ശ്രമിച്ചതായി ബസ് ജീവനക്കാർ ആരോപിച്ചു. ഇതിൽ പ്രതിഷേധിച്ച് പുഞ്ചവയൽ മേഖലയിലേക്കുള്ള സർവീസുകൾ നിർത്തിവെച്ച് ബസ് ജീവനക്കാർ പ്രതിഷേധിച്ചു. പുഞ്ചവയൽ, പുലിക്കുന്ന് മേഖലയിലേക്കുള്ള ഓട്ടോറിക്ഷകളുടെ അനധികൃത പാരലൽ സർവീസ് അവസാനിപ്പിച്ചില്ലെങ്കിൽ വരും ദിവസങ്ങളിൽ മുണ്ടക്കയത്തിന്‍റെ സമീപ മേഖലകളിലേക്കുള്ള മുഴുവൻ ബസ് സർവീസുകളും നിർത്തിവച്ച് പ്രതിഷേധിക്കുമെന്ന് ബസ് ജീവനക്കാർ പറഞ്ഞു. വൈകുന്നേരം നാലോടെ മോട്ടോർ വാഹന വകുപ്പ് ഉദ്യോഗസ്ഥരുമായി നടത്തിയ ചർച്ചയെ തുടർന്ന് സമരം അവസാനിപ്പിച്ചു. ബസ് സർവീസ് മുടങ്ങുന്നത് പരിഹരിക്കണമെന്ന് പുഞ്ചവയൽ: സമാന്തര സർവീസ് മൂലം ബസ് സർവീസുകൾ മുടങ്ങുന്നത് പരിഹരിക്കണമെന്ന് കേരള വ്യാപാരി വ്യവസായി ഏകോപന സമിതി പുഞ്ചവയൽ യൂണിറ്റ് ആവശ്യപ്പെട്ടു. സമാന്തര സർവീസുകൾ മൂലം ചെറുകിട വ്യാപാര മേഖല കടുത്ത പ്രതിസന്ധിയിലാണെന്നും യോഗം വിലയിരുത്തി. ആയിരക്കണക്കിന് യാത്രക്കാരെയും സ്കൂൾ വിദ്യാർഥികളെയും ബാധിക്കുന്ന പ്രശ്നത്തിൽ ശാശ്വത പരിഹാരം വേണമെന്നും യോഗം അവശ്യപ്പെട്ടു. പി.ഡി. ജോൺ പൗവത്ത് അധ്യക്ഷത വഹിച്ചു. അനിൽ കെ. കുമാർ, സി.എൻ. മോഹനൻ, അബ്ദുൾ റസാഖ്, വി.ബി. ഷാജികുമാർ, സാബു തോമസ്, ലൂയിസ് തോമസ്, ജേക്കബ് വർഗീസ്, എം.സി. ബിനു എന്നിവർ പ്രസംഗിച്ചു.

എരുമേലി ഡിവിഷൻ നിർണയത്തിൽ ആക്ഷേപം: ഹിയറിംഗ് ഇന്ന്

എരുമേലി: ജില്ലാ പഞ്ചായത്ത്‌ എരുമേലി ഡിവിഷൻ നിർണയിച്ചതിൽ ആക്ഷേപം ലഭിച്ചതിനെ തുടർന്ന് തെരഞ്ഞെടുപ്പ് ഡീലിമിറ്റേഷൻ കമ്മീഷൻ ഇന്ന് ഹിയറിംഗ് നടത്തും. ഡിസിസി ജനറൽ സെക്രട്ടറിയും യുഡിഎഫ് പൂഞ്ഞാർ മണ്ഡലം കൺവീനറുമായ പ്രകാശ് പുളിക്കൻ നൽകിയ പരാതിയിലാണ് ഇന്ന് ഹിയറിംഗ് നടക്കുക. എരുമേലി ഡിവിഷനിൽ ഉൾപ്പെട്ടിരുന്ന ചേനപ്പാടി ബ്ലോക്ക്‌ പഞ്ചായത്ത്‌ ഡിവിഷനും നിർദിഷ്‌ട വിമാനത്താവള പദ്ധതി പ്രദേശങ്ങളും ജില്ലാ പഞ്ചായത്ത്‌ കാഞ്ഞിരപ്പള്ളി ഡിവിഷനിൽ ആണ് കരട് ലിസ്റ്റിൽ ഇപ്പോൾ ഉൾപ്പെടുത്തിയിട്ടുള്ളത്. ഇത് മാറ്റി എരുമേലി ഡിവിഷനിൽ നിലനിർത്തണമെന്നാണ് പരാതി. മണിമല ബ്ലോക്ക്‌ ഡിവിഷനെ ജില്ലാ പഞ്ചായത്ത്‌ എരുമേലി ഡിവിഷനിൽ ഉൾപ്പെടുത്തിയത് ഒഴിവാക്കണമെന്നും പരാതിയിൽ ആവശ്യപ്പെട്ടിട്ടുണ്ട്. തിരുവനന്തപുരം തൈക്കാട് റസ്റ്റ് ഹൗസിൽ ഇന്ന് രാവിലെ 11 നാണ് ഹിയറിംഗ്.

കന്യാസ്ത്രീകളുടെ അറസ്റ്റ്: പ്രതിഷേധം തുടരുന്നു

കുറവിലങ്ങാട്: ഛത്തീസ്ഗഡിൽ സന്യാസിനിമാരെ അകാരണമായി അറസ്റ്റ് ചെയ്ത സംഭവത്തിൽ പ്രതിഷേധകൊടുങ്കാറ്റ് ഉയർത്തി മേജർ ആർക്കി എപ്പിസ്കോപ്പൽ മർത്ത് മറിയം അർക്കദിയാക്കോൻ തീർഥടന ഇടവക. ഇടവകയുടെ നേതൃത്വത്തിൽ റാലിയും സമ്മേളനവും നടത്തി. പ്രസിദ്ധമായ ആലിൻചുവട് സംഭവത്തിന് സാക്ഷ്യം വഹിച്ച സ്ഥലത്താണ് സമ്മേളനം ചേർന്നത്. നൂറുകണക്കിന് ആളുകൾ പങ്കെടുത്ത സമ്മേളനം വലിയ മുന്നറിയിപ്പായി മാറി. ഭരണങ്ങാനത്ത് രൂപതാതലത്തിൽ നടന്ന പ്രതിഷേധ പരിപാടികളിലും ജപമാലയിലും ഇടവകയിൽ നിന്ന് എഴുന്നൂറോളം പേർ പങ്കെടുത്തു. പ്രതിഷേധ പരിപാടികളിൽ ആർച്ച്പ്രീസ്റ്റ് റവ. ഡോ. തോമസ് മേനാച്ചേരി അധ്യക്ഷത വഹിച്ചു. സീനിയർ അസിസ്റ്റന്‍റ് വികാരി ഫാ. ജോസഫ് മണിയഞ്ചിറ, അസിസ്റ്റന്‍റ് വികാരിമാരായ ഫാ. പോൾ കുന്നുംപുറത്ത്, ഫാ. ആന്‍റണി വാഴക്കാലായിൽ, ഫാ. ജോസഫ് ചൂരയ്ക്കൽ, ഫാ. തോമസ് താന്നിമലയിൽ , പാസ്റ്ററൽ അസിസ്റ്റന്‍റ് ഫാ. ജോസ് കോട്ടയിൽ, പള്ളിയോഗം സെക്രട്ടറി ബെന്നി കോച്ചേരി, കുടുംബക്കൂട്ടായ്മ ജനറൽ ലീഡർ ബോബിച്ചൻ നിധീരി, സോൺ ലീഡർമാരായ ഷൈജു പാവുത്തിയേൽ, ജിയോ കരികുളം , ജോസ് സി. മണക്കാട്ട്, സണ്ണി വെട്ടിക്കാട് എന്നിവർ പ്രസംഗിച്ചു. ചക്കാമ്പുഴ: ഛത്തീസ്ഗഡില്‍ അറസ്റ്റിലായ കന്യാസ്ത്രീകള്‍ക്ക് നീതി വൈകുന്നതില്‍ എകെസിസി ചക്കാമ്പുഴ യൂണിറ്റ് പ്രതിഷേധിച്ചു. യൂണിറ്റ് പ്രസിഡന്‍റ് സണ്ണി കുരിശുമൂട്ടില്‍ അധ്യക്ഷത വഹിച്ച സമ്മേളനം വികാരി ഫാ. ജോസഫ് വെട്ടത്തേല്‍ ഉദ്ഘാടനം ചെയ്തു. യൂണിറ്റ് സെക്രട്ടറി തങ്കച്ചന്‍ കളരിക്കല്‍, പി.ജെ. മാത്യു പാലത്താനം, ഫിലിപ്പ് പാലയ്ക്കാക്കുന്നേല്‍, തുടങ്ങിയവര്‍ പ്രസംഗിച്ചു. പാലാ: ഛത്തീസ്ഗഡില്‍ കന്യാസ്ത്രീകളെ ജയിലില്‍ അടച്ച സംഭവത്തില്‍ പ്രതിഷേധിച്ച് ഡിവൈഎഫ്‌ഐ പാലായില്‍ പ്രതിഷേധ പ്രകടനവും യോഗവും നടത്തി. സംസ്ഥാന സെക്രട്ടറി വി.കെ സനോജ് ഉദ്ഘാടനം ചെയ്തു. പാലാ: ഛത്തീസ്ഗഡില്‍ കന്യാസ്ത്രീകളെ അകാരണമായി അറസ്റ്റ് ചെയ്ത് ജയിലില്‍ അടച്ച സംഭവത്തില്‍ പ്രതിഷേധിച്ച് കേരളാ കോണ്‍ഗ്രസ്-എം പ്രവര്‍ത്തകര്‍ പാലാ ടൗണില്‍ പ്രതിഷേധ പ്രകടനവും യോഗവും നടത്തി. ജില്ലാ പ്രസിഡന്‍റ് പ്രഫ. ലോപ്പസ് മാത്യു പ്രതിഷേധ യോഗം ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് ടോബിന്‍ കെ. അലക്സ് അധ്യക്ഷത വഹിച്ചു.

വിശുദ്ധ അൽഫോൻസാമ്മയെ സ്മരിച്ച് വാകക്കാട് സെന്‍റ് പോൾസ് എൽപി സ്കൂൾ

വാകക്കാട്: ലോകമെങ്ങും വിശുദ്ധ അൽഫോൻസമ്മയുടെ തിരുനാൾ ആഘോഷിക്കുമ്പോൾ അഭിമാനത്തോടെ വിശുദ്ധ അൽഫോൻസാമ്മയെ സ്മരിക്കുകയാണ് വാകക്കാട് സെന്‍റ് പോൾസ് എൽപി സ്കൂൾ. തിരുനാളിനോടനുബന്ധിച്ച് മാലാഖാവേഷങ്ങളും അൽഫോൻസാവേഷങ്ങളുമണിഞ്ഞ കുട്ടികൾ വിശുദ്ധ അൽഫോൻസാമ്മ താമസിച്ച മഠം സന്ദർശിച്ചു. സ്കൂൾ മാനേജർ ഫാ. മൈക്കിൾ ചീരാംകുഴി സന്ദേശം നൽകി. പരാതി കൂടാതെ ജീവിക്കാനുള്ള കൃപയ്ക്കായി വിശുദ്ധ അൽഫോൻസാമ്മയോട് പ്രാർഥിക്കണമെന്ന് അദ്ദേഹം പറഞ്ഞു. 1932-33 കാലഘട്ടത്തിലാണ് സിസ്റ്റർ അൽഫോൻസ വാകക്കാട് സെന്‍റ് പോൾസ് എൽപി സ്കൂളിൽ അധ്യാപികയായി എത്തിയത്. മൂന്നാം ക്ലാസിലെ ടീച്ചറായിരുന്ന വിശുദ്ധ അൽഫോൻസ ഒരു വർഷമേ ഇവിടെ അധ്യാപനശുശ്രൂഷ നടത്തിയുള്ളൂവെങ്കിലും ഇടവകജനത്തിനും വിദ്യാർഥികൾക്കും പ്രിയപ്പെട്ട അധ്യാപികയായിരുന്നു. അൽഫോസാമ്മയുടെ മനോഹരമായ കൈയക്ഷരം കുട്ടികളുടെയും സഹപ്രവർത്തകരുടെയുമൊക്കെ ശ്രദ്ധ പിടിച്ചുപറ്റിയിരുന്നു. വാകക്കാട് മഠത്തിലായിരുന്നപ്പോൾ അൽഫോൻസാമ്മ പിതാവിനെഴുതിയ കത്ത് ഇന്നും ഇവിടെ കാണാം. കൂടാതെ അൽഫോൻസാമ്മ ഉപയോഗിച്ചിരുന്ന കട്ടിലും കസേരയും തുന്നൽ സാമഗ്രികളും ഇവിടെ സൂക്ഷിച്ചിരിക്കുന്നു. അൽഫോൻസാമ്മയുടെ തിരുനാളിന്‍റെ ദിവസങ്ങളിൽ നിരവധി ആളുകൾ കുട്ടികളെ എഴുത്തിനിരുത്തുന്നതിനായി വാകക്കാട് പള്ളിയിൽ കൊണ്ടുവരാറുണ്ട്.

ഇരട്ട സ്വര്‍ണവുമായി കാര്‍ത്തിക് ഘോഷ്

പാലാ: ജില്ലാ ജൂനിയര്‍ അത്‌ലറ്റിക് മീറ്റിന്‍റെ ആദ്യ ദിനത്തില്‍ ഇരട്ട സ്വര്‍ണത്തിന്‍റെ തിളക്കവുമായി കാര്‍ത്തിക് ഘോഷ്. പൂഞ്ഞാര്‍ എസ്എംവി സ്‌കൂളിലെ പ്ലസ് വണ്‍ വിദ്യാര്‍ഥിയായ കാര്‍ത്തിക് ഘോഷ് 16 വയസില്‍ താഴെയുള്ള ആണ്‍കുട്ടികളുടെ 1000 മീറ്റര്‍ ഓട്ടത്തിലും ഹൈജംപിലുമാണ് സ്വര്‍ണം നേടിയത്. കഴിഞ്ഞ വര്‍ഷത്തെ മേളയിലും മെഡല്‍ നേടിയിരുന്നു. രാജാസ് തോമസാണ് പരിശീലകന്‍. പൂഞ്ഞാര്‍ പനച്ചികപ്പാറ മറ്റത്തിനാനിക്കല്‍ അരവിന്ദിന്‍റെയും സൗമ്യയുടെയും മകനാണ്. ഇന്നും മത്സരങ്ങളില്‍ പങ്കെടുക്കുന്നുണ്ട്.

പ്രയുക്തി 2025 മെഗാ ജോബ് ഫെയര്‍

പാലാ: ജില്ലാ എംപ്ലോയ്മെന്‍റ് എക്സ്ചേഞ്ചും കോട്ടയം മോഡല്‍ കരിയര്‍ സെന്‍ററും പാലാ അല്‍ഫോന്‍സാ കോളജിന്‍റെ സഹകരണത്തോടെ ഓഗസ്റ്റ് രണ്ടിനു പ്രയുക്തി 2025 മെഗാ ജോബ് ഫെയര്‍ നടത്തും. രാവിലെ 9.30 ന് പാലാ അല്‍ഫോന്‍സാ കോളജ് കാമ്പസില്‍ മാണി സി. കാപ്പന്‍ എംഎല്‍എ ഉദ്ഘാടനം ചെയ്യും. പാലാ നഗരസഭാ ചെയര്‍പേഴ്സണ്‍ തോമസ് പീറ്റര്‍ വെട്ടുകല്ലേല്‍ അധ്യക്ഷത വഹിക്കും. പ്രിന്‍സിപ്പല്‍ ഡോ. സിസ്റ്റര്‍ മിനിമോള്‍ മാത്യു മുഖ്യാതിഥിയാവും. പാരാമെഡിക്കല്‍, ഓട്ടോമൊബൈല്‍, ഹോസ്പിറ്റാലിറ്റി, നഴ്സിംഗ്, ഫിനാന്‍സ്, മാര്‍ക്കറ്റിംഗ്, ഇന്‍ഷ്വറന്‍സ് തുടങ്ങി വിവിധ മേഖലകളില്‍ നിന്നുള്ള 45 കമ്പനികള്‍ മേളയില്‍ പങ്കെടുക്കും. എസ്എസ്എല്‍സി, പ്ലസ്ടു, ബിരുദം, ബിരുദാനന്തര ബിരുദം, ഐടിഐ, ഡിപ്ലോമ, ബിടെക്, എംബിഎ എംസിഎ യോഗ്യതയുള്ളവര്‍ക്ക് തൊഴില്‍മേളയില്‍ പങ്കെടുക്കാം. തൊഴില്‍പരിചയം ഉള്ളവര്‍ക്കും ഇല്ലാത്തവര്‍ക്കുമുള്ള 1500 ലധികം ഒഴിവുകള്‍ ലഭ്യമാണ്. രജിസ്ട്രേഷന്‍ സൗജന്യമാണ്. തൊഴില്‍മേളയില്‍ പങ്കെടുക്കുവാന്‍, ഉദ്യോഗാര്‍ഥികള്‍ employabilitycentrekottayam എന്ന ഫേസ്ബുക്ക് പേജ് സന്ദര്‍ശിച്ച് രജിസ്റ്റര്‍ ചെയ്യണം. ttps://bit.ly/MEGAJOBFAIRREGISTRATION എന്ന ലിങ്ക് വഴി രജിസ്റ്റർ‍ ചെയ്യാം. ഫോൺ: 0481-2563451,8138908657.

കെജിഒഎ മേഖലാ മാര്‍ച്ചും ധര്‍ണയും

കോട്ടയം: വിവിധ ആവശ്യങ്ങള്‍ ഉന്നയിച്ചു കേരള ഗസറ്റഡ് ഓഫീസേഴ്സ് അസോസിയേഷന്‍ സംഘടിപ്പിക്കുന്ന മേഖലാ മാര്‍ച്ചും ധര്‍ണയും കോട്ടയം, പാലാ എന്നിവിടങ്ങളില്‍നടന്നു. കോട്ടയം മേഖലാ മാര്‍ച്ച് കോട്ടയം ജനറല്‍ ആശുപത്രിക്കു സമീപത്തുനിന്ന് കളക്ടറേറ്റിലേക്ക് നടന്നു. ധര്‍ണ കെജിഒഎ സംസ്ഥാന സെക്രട്ടറി എം.എന്‍. ശരത്ചന്ദ്രലാല്‍ ഉദ്ഘാടനം ചെയ്തു. പാലാ മേഖലാ മാര്‍ച്ച് പാലാ കെ.എം. മാണി മെമ്മോറിയല്‍ താലൂക്ക് ആശുപത്രിക്കു സമീപത്തുനിന്ന് ആരംഭിച്ച് പാലാ മിനി സിവില്‍ സ്റ്റേഷന്‍ സബ് ട്രഷറി ഓഫീസിനു മുന്നില്‍ സമാപിച്ചു. തുടര്‍ന്നു നടന്ന ധര്‍ണ കെജിഒഎ സംസ്ഥാന സെക്രട്ടറിയേറ്റംഗം ഡോ. ബോബി പോള്‍ ഉദ്ഘാടനം ചെയ്തു. ജില്ലാ പ്രസിഡന്‍റ് പി.എം. സുനില്‍ കുമാര്‍ അധ്യക്ഷത വഹിച്ചു.

പാലാ നഗരസഭ ഇനി ഇ-മാലിന്യങ്ങളും ശേഖരിക്കും

പാലാ: നഗരസഭയില്‍ മാലിന്യമുക്ത കാമ്പയിന്‍റെ ഭാഗമായി പ്ലാസ്റ്റിക് ഉള്‍പ്പെടെയുള്ള അജൈവ മാലിന്യങ്ങള്‍ക്കൊപ്പം ഹരിതകര്‍മ സേന ഇനി ഇ-മാലിന്യങ്ങളും ശേഖരിക്കും. ഇ-മാലിന്യങ്ങള്‍ ഇനത്തിനും തൂക്കത്തിനും അനുസരിച്ച് ഉപഭോക്താക്കള്‍ക്ക് വില നല്‍കി ശേഖരിക്കുന്നതിനാണ് തീരുമാനിച്ചിട്ടുള്ളത്. ഇ-വേസ്റ്റ് ശേഖരണം സംബന്ധിച്ച് ഹരിതകര്‍മ സേനയുടെ പരിശീലനം നഗരസഭാ ചെയര്‍മാന്‍ തോമസ് പീറ്റര്‍ ഉദ്ഘാടനം ചെയ്തു. ക്ലീന്‍ സിറ്റി മാനേജര്‍ ആറ്റ്‌ലി പി. ജോണ്‍, ക്ലീന്‍ കേരള കമ്പനി സെക്ടര്‍ കോഓര്‍ഡിനേറ്റര്‍ അന്‍ഷാദ് ഇസ്മയില്‍ എന്നിവര്‍ പരിശീലന ക്ലാസ് നയിച്ചു. വികസനകാര്യ സ്റ്റാൻഡിംഗ് കമ്മിറ്റി ചെയര്‍മാന്‍ സാവിയോ കാവുകാട്ട്, കൗണ്‍സിലര്‍മാരായ ആന്‍റോ ജോസ് പടിഞ്ഞാറേക്കര, ജോസിന്‍ ബിനോ തുടങ്ങിയവര്‍ പങ്കെടുത്തു.

ഉമ്മന്‍ ചാണ്ടി ജനമനസുകളിലെ കാരുണ്യമുഖം: കെ.സി. ജോസഫ്

ചങ്ങനാശരി: ഉമ്മന്‍ ചാണ്ടി ജനമനസുകളില്‍ കാരുണ്യത്തിന്‍റെ മുഖമായി പ്രവര്‍ത്തിച്ചിരുന്ന നേതാവായിരുന്നുവെന്ന് മുന്‍ മന്ത്രി കെ.സി. ജോസഫ്. ഉമ്മന്‍ ചാണ്ടിയുടെ രണ്ടാം ചരമവാര്‍ഷികത്തിന്‍റെ ഭാഗമായി ഈസ്റ്റ് ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തില്‍ ചെത്തിപ്പുഴ മേഴ്സി ഹോമില്‍ സംഘടിപ്പിച്ച ‘ഉമ്മന്‍ ചാണ്ടി സ്മൃതിസംഗമം' ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക് പ്രസിഡന്‍റ് കെ.എ. ജോസഫ് അധ്യക്ഷത വഹിച്ചു. ജോസി സെബാസ്റ്റ്യന്‍, പി.എസ്. രഘുറാം, പി.എച്ച്. നാസര്‍, ആന്‍റണി കുന്നുംപുറം, സോബിച്ചന്‍ കണ്ണമ്പള്ളി, ബാബു കുരീത്ര, മോട്ടി മുല്ലശേരി, പി.സി. വര്‍ഗീസ്, സിയാദ് അബ്ദുള്‍ റഹ്‌മാന്‍, ജോമി ജോസഫ്, ബാബു രാജേന്ദ്രന്‍, ജയശ്രീ പ്രഹ്ലാദന്‍, പി. സുരേഷ്, ബിജു പുല്ലുകാടന്‍, സിസ്റ്റര്‍ സെലിന്‍ എന്നിവര്‍ പ്രസംഗിച്ചു.

പൊട്ടശേരി,തോട്ടാശേരി തോടുകള്‍ക്ക് അഞ്ചു ലക്ഷം രൂപ അനുവദിച്ചു

ചങ്ങനാശേരി: തൃക്കൊടിത്താനം പഞ്ചായത്തിലെ പൊട്ടശേരി തോടിന്‍റെ നവീകരണത്തിന് 3.50 ലക്ഷം രൂപയും ചങ്ങനാശേരി മുനിസിപ്പാലിറ്റിയിലെ തോട്ടശേരി തോടിന്‍റെ നവീകരണത്തിന് 1.50 ലക്ഷം രൂപയും അനുവദിച്ചതായി ജോബ് മൈക്കിള്‍ എംഎല്‍എ അറിയിച്ചു. രണ്ടു വര്‍ഷങ്ങള്‍ക്കു മുമ്പ് ഈ തോട് എംഎല്‍എയുടെ ഇടപെടലില്‍ നവീകരിച്ചിരുന്നു. എന്നാല്‍, മാലിന്യങ്ങളും മറ്റു പാഴ്‌വസ്തുക്കള്‍ വലിച്ചെറിയുന്നതു മൂലം തോട് വീണ്ടും നവീകരിക്കേണ്ട അവസ്ഥയിലേക്ക് വരുകയും സമീപ പ്രദേശങ്ങളില്‍ വെള്ളപ്പൊക്കം ഉണ്ടാകുന്ന സാഹചര്യമുണ്ടായി. അതിനാല്‍, തോട് നവീകരിച്ചുതരുന്ന സമയത്തുതന്നെ പൊതുജനങ്ങൾ മാലിന്യങ്ങളോ പാഴ്‌വസ്തുക്കളോ വലിച്ചെറിയാതെ തോട് സംരക്ഷിച്ചെങ്കില്‍ മാത്രമെ നവീകരണം പൂര്‍ത്തിയാകുകയുള്ളൂവെന്നും വെള്ളപ്പൊക്കം തടയുവാന്‍ സാധിക്കൂവെന്നും എംഎല്‍എ കൂട്ടിച്ചേര്‍ത്തു.

രാസലഹരി വ്യാപനം: അമ്മമാരുടെ കൂട്ടായ്മ ഉദ്ഘാടനം ഇന്ന്

ചങ്ങനാശേരി: രാസലഹരി വ്യാപനത്തിനെതിരേയും, ലഹരിവസ്തുക്കളുടെ ഉപയോഗം മൂലം മക്കളിലുണ്ടാകുന്ന സ്വഭാവ വ്യതിയാനങ്ങളും മാനസിക, ശാരീരിക പ്രശ്നങ്ങളും തിരിച്ചറിയുന്നതിനും അതില്‍നിന്നും അവരെ മോചിപ്പിക്കുന്നതിനും രൂപീകരിച്ച അമ്മമാരുടെ കൂട്ടായ്മയുടെ ഉദ്ഘാടനം ഇന്ന് ഉച്ചകഴിഞ്ഞ് മൂന്നിന് വാഴപ്പള്ളി സെന്‍റ് തെരേസാസ് ഹയര്‍ സെക്കന്‍ഡറി സ്‌കൂളില്‍ നടക്കും. ആര്‍ച്ച്ബിഷപ് മാര്‍ തോമസ് തറയില്‍ ഉദ്ഘാടനം ചെയ്യും. സ്‌കൂള്‍ മാനേജര്‍ സിസ്റ്റര്‍ ലിന്‍സി വലിയപ്ലാക്കല്‍ അധ്യക്ഷത വഹിക്കും. അസിസ്റ്റന്‍റ് എക്സൈസ് കമ്മീഷണര്‍ എം.കെ. പ്രസാദ് മുഖ്യപ്രഭാണം നടത്തും. എക്സൈസ് പ്രിവന്‍റീവ് ഓഫീസര്‍ ബെന്നി സെബാസ്റ്റ്യന്‍ ക്ലാസ് നയിക്കും.

കന്യാസ്ത്രീകളുടെ അറസ്റ്റ്: നാടാകെ പ്രതിഷേധം

ഇസിഎ നേതൃസമിതി ചങ്ങനാശേരി: മനുഷ്യക്കടത്തും മതപരിവര്‍ത്തനവും ആരോപിച്ച് ഛത്തീസ്ഗഡില്‍ ദുര്‍ഗ് റെയില്‍വേ സ്റ്റേഷനില്‍നിന്നു കന്യാസ്ത്രീകളെ അറസ്റ്റ് ചെയ്തു ജയിലില്‍ അടച്ചത് അങ്ങേയറ്റം വേദനാജനകവും അപലപനീയവുമാണെന്ന് ചങ്ങനാശേരി അതിരൂപത ഈസ്റ്റേണ്‍ കാത്തലിക് അസോസിയേഷന്‍ നേതൃസമിതി. പ്രസിഡന്‍റ് പ്രഫ. ജോസഫ് ടിറ്റോ അധ്യക്ഷത വഹിച്ചു. അതിരൂപത ഡയറക്ടര്‍ റവ.ഡോ. തോമസ് കറുകക്കളം ഉദ്ഘാടനം ചെയ്തു. അതിരൂപത ജനറല്‍ സെക്രട്ടറി തോമസുകുട്ടി മണക്കുന്നേല്‍ വിഷയാവതരണം നടത്തി. പ്രഫ. സെബാസ്റ്റ്യന്‍ വര്‍ഗീസ്, ബേബിച്ചന്‍ പുത്തന്‍പറമ്പില്‍, കെ.പി. മാത്യു, തോമസ് കുട്ടംപേരൂര്‍, ഷാജി വാഴേപ്പറമ്പില്‍, ടോമിച്ചന്‍ അയ്യരുകുളങ്ങര, പാപ്പച്ചന്‍ നേര്യംപറമ്പില്‍, ജോണ്‍സണ്‍ കൊച്ചുതറ, പോത്തച്ചന്‍ മണിമുറി, ബാബു വള്ളപ്പുര, മേരിക്കുട്ടി പാറക്കടവില്‍, റോസമ്മ കാടാശേരി, ലൗലി മാളിയേക്കല്‍, ജമിനി കണ്ണമ്പള്ളി, ബേബിച്ചന്‍ തടത്തില്‍ എന്നിവര്‍ പ്രസംഗിച്ചു. ചങ്ങനാശേരി ഫൊറോന കൗണ്‍സില്‍ ചങ്ങനാശേരി: അടിസ്ഥാനരഹിതമായ ആരോപണങ്ങള്‍ ഉന്നയിച്ച് ആതുരശുശ്രൂഷ-ജീവകാരുണ്യ രംഗങ്ങളിൽ നിസ്തുലമായ സേവനം നടത്തുന്ന കന്യാസ്ത്രീകളെ ബജ്‌രംഗ് ദള്‍ പ്രവര്‍ത്തകര്‍ വടക്കേയിന്ത്യന്‍ സംസ്ഥാനങ്ങളില്‍ ആക്രമിക്കുന്നത് നിത്യസംഭവമാണെന്നും ഇതിന്‍റെ ഉദാഹരണമാണ് ഛത്തീസ്ഗഡില്‍ കന്യാസ്ത്രീകളെ പോലീസ് അറസ്റ്റ് ചെയ്ത നടപടിയെന്നും ചങ്ങനാശേരി ഫൊറോന കൗണ്‍സില്‍ ആരോപിച്ചു. വടക്കേ ഇന്ത്യന്‍ സംസ്ഥാനങ്ങളില്‍ സേവനനിരതരായിരിക്കുന്നവരുടെ ജീവനും സ്ഥാപനങ്ങള്‍ക്കും മിഷണറി പ്രവര്‍ത്തനങ്ങള്‍ക്കും മതിയായ സംരക്ഷണം കേന്ദ്ര സര്‍ക്കാര്‍ നല്‍കണമെന്ന് യോഗം ആവശ്യപ്പെട്ടു. കത്തീഡ്രല്‍ വികാരിയും ഫൊറോന കൗണ്‍സില്‍ പ്രസിഡന്‍റുമായ ഫാ. ജോസഫ് വാണിയപ്പുരയ്ക്കല്‍ അധ്യക്ഷത വഹിച്ചു. വൈസ് പ്രസിഡന്‍റ് ഫാ. തോമസ് പുത്തന്‍പുരയ്ക്കല്‍, സെക്രട്ടറി സൈബി അക്കര, ഷിജോ കളപ്പുരയ്ക്കല്‍, റോഷന്‍ ചെന്നീക്കര, ജിന്‍സി മണക്കുന്നേല്‍ തുടങ്ങിയവര്‍ പ്രസംഗിച്ചു. കുറുമ്പനാടം ഫൊറോന കൗണ്‍സില്‍ കുറുമ്പനാടം: ഛത്തീസ്ഗഡില്‍ കന്യാസ്ത്രീകളെ അറസ്റ്റ് ചെയ്ത നടപടിയില്‍ കുറുമ്പനാടം ഫൊറോനാ കൗണ്‍സില്‍ പ്രതിഷേധിച്ചു. ഫൊറോന വികാരി റവ.ഡോ. ജോബി കറുകപ്പറമ്പില്‍ ഉദ്ഘാടനം ചെയ്തു. ഫൊറോന കൗണ്‍സില്‍ സെക്രട്ടറി സോബിച്ചന്‍ കണ്ണമ്പള്ളി അധ്യക്ഷത വഹിച്ചു. ജസ്റ്റിന്‍ പാറുകണ്ണില്‍, ജോസഫ് ഏബ്രഹാം തെക്കേക്കര, ബിനു വെളിയനാടന്‍, ഈശോ തോമസ്, ഫിലിപ്‌സണ്‍ ജെ. മേടയില്‍, ടെസി വര്‍ഗീസ്, എം.സി. ബേബി, അലക്‌സ് വലിയപറമ്പില്‍, ഷിന്‍റോ തോമസ്, ആല്‍ബിന്‍ ജോണ്‍സണ്‍ എന്നിവര്‍ പ്രസംഗിച്ചു. കത്തോലിക്ക കോൺഗ്രസ് ചങ്ങനാശേരി ഫൊറോന ചങ്ങനാശേരി: നിരന്തരമായി ഭാരതത്തിലെ വിവിധ സംസ്ഥാനങ്ങളില്‍ മതന്യൂനപക്ഷങ്ങള്‍ അകാരണമായി വേട്ടയാടപ്പെടുകയാണെന്നും ഇത്തരം ശിഥില ശക്തികള്‍ക്കെതിരേ നിയന്ത്രണം ഏര്‍പ്പെടുത്താന്‍ ബിജെപി സര്‍ക്കാര്‍ തയാറാകണമെന്ന് കാത്തലിക് റിലീജിയസ് ഓഫ് ഇന്ത്യ വൈസ് പ്രസിഡന്‍റ റവ.ഡോ. തോമസ് കല്ലുകളം. അകാരണമായി കള്ളക്കേസില്‍ കുടുക്കി ഛത്തീസ്ഗഡ് ജയിലില്‍ അടച്ച കന്യാസ്ത്രീകളെ ഉടന്‍ വിട്ടയയ്ക്കണമെന്നും അദ്ദേഹം ആവശ്യപ്പെട്ടു. കത്തോലിക്കാ കോണ്‍ഗ്രസ് ചങ്ങനാശേരി ഫൊറോന സമിതിയുടെയും ഫൊറോന കൗണ്‍സിലിന്‍റെയും നേതൃത്വത്തില്‍ കെഎസ്ആര്‍ടിസി ബസ് സ്റ്റാന്‍ഡിനു മുമ്പില്‍ നടത്തിയ പ്രതിഷേധ സമരം ഉദ്ഘാടനം ചെയ്യുയായിരുന്നു അദ്ദേഹം. ഫൊറോന പ്രസിഡന്‍റ് കുഞ്ഞുമോന്‍ തൂമ്പുങ്കല്‍ അധ്യക്ഷത വഹിച്ചു. ഡയറക്ടര്‍ ഫാ. ലിബിന്‍ തുണ്ടുകളം പ്രതിഷേധജാഥ ഫ്‌ളാഗ് ഓഫ് ചെയ്തു. കൗണ്‍സില്‍ സെക്രട്ടറി സൈബി അക്കര, സിസ്റ്റര്‍ ബ്രിജി എഫ്‌സിസി, സിസ്റ്റര്‍ ലില്ലി റോസ് എസ്എബിഎസ്, സിസ്റ്റര്‍ സോഫി റോസ് സിഎംസി, സിസ്റ്റര്‍ മെര്‍ലിന്‍ എംഎല്‍എഫ്, സിസ്റ്റര്‍ മേഴ്‌സി മരിയ എഎസ്എംഐ, സിസ്റ്റര്‍ മേരി ട്രീസ എംഎല്‍എഫ്, സിസ്റ്റര്‍ ടെറസീന എഫ്ഡിഎസ്എച്ച്‌ജെ, ടോമിച്ചന്‍ അയ്യരുകുളങ്ങര, വി.ജെ. ലാലി, ഡോ. റൂബിള്‍ രാജ്, സി.ടി. തോമസ്, കെ.എസ് ആന്‍റണി, ഔസേപ്പച്ചന്‍ ചെറുകാട്, കെ.പി. മാത്യു തുടങ്ങിയവര്‍ പ്രസംഗിച്ചു. കേരള കോണ്‍ഗ്രസ് പ്രതിഷേധം ഇന്ന് ചങ്ങനാശേരി: ഛത്തീസ്ഗഡില്‍ കന്യാസ്ത്രീകളെ അകാരണമായി അറസ്റ്റ് ചെയ്തതില്‍ പ്രതിഷേധിച്ച് കേരള കോണ്‍ഗ്രസ് നിയോജകമണ്ഡലം കമ്മിറ്റിയുടെ നേതൃത്വത്തില്‍ കെഎസ്ആര്‍ടിസി ജംഗ്ഷനില്‍ ഇന്ന് വൈകുന്നേരം 5.30 പ്രതിഷേധ സംഗമം നടത്തുമെന്ന് നിയോജകമണ്ഡലം പ്രസിഡന്‍റ് ജോസഫ് തോമസ് അറിയിച്ചു. കേന്ദ്രസര്‍ക്കാര്‍ ജനാധിപത്യവും മതേതരത്വവും അട്ടിമറിക്കുന്നു: കെ.സി. ജോസഫ് ചങ്ങനാശേരി: മതേതരത്വവും ജനാധിപത്യവും അട്ടിമറിക്കാന്‍ ബിജെപി സര്‍ക്കാര്‍ ശ്രമിക്കുകയാണെന്ന് മുന്‍ മന്ത്രി കെ.സി. ജോസഫ്. ഛത്തീസ്ഗഡില്‍ കന്യാസ്ത്രീകളെ അറസ്റ്റ് ചെയ്തു ജയിലിലടച്ച നടപടിയില്‍ പ്രതിഷേധിച്ച് കോണ്‍ഗ്രസ് ബ്ലോക്ക് കമ്മിറ്റികളുടെ നേതൃത്വത്തില്‍ കെഎസ്ആര്‍ടിസി ജംഗ്ഷനില്‍ സംഘടിപ്പിച്ച സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക് പ്രസിഡന്‍റ് കെ.എ. ജോസഫ് അധ്യക്ഷത വഹിച്ചു. കെപിസിസി ജനറല്‍ സെക്രട്ടറി ജോസി സെബാസ്റ്റ്യന്‍, ബാബു കോയിപ്പുറം, ഡോ. അജീസ് ബെന്‍ മാത്യൂസ്, പി.എച്ച്. നാസര്‍, ആന്‍റണി കുന്നുംപുറം, ബാബു കുരീത്ര, സിയാദ് അബ്ദുള്‍ റഹിമാന്‍, മോട്ടി മുല്ലശേരി, റോജി ആന്‍റണി, തോമസ് അക്കര, ജയശ്രീ പ്രഹ്ലാദന്‍, ജോമി ജോസഫ്, ബാബു രാജേന്ദ്രന്‍ എന്നിവര്‍ പ്രസംഗിച്ചു. കന്യാസ്ത്രീകളുടെ അറസ്റ്റ് ബിജെപി സര്‍ക്കാരിന്‍റെ ഗൂഢ അജണ്ട: ജോബ് മൈക്കിള്‍ ചങ്ങനാശേരി: ജനാധിപത്യത്തെ തകര്‍ക്കുന്ന പ്രവര്‍ത്തനങ്ങളാണ് ഇന്ത്യ മുഴുവന്‍ നടക്കുന്നതെന്നും അതിന്‍റെ ഭാഗമായി മതങ്ങള്‍ക്കെതിരേയുള്ള രാഷ്‌ട്രീയ നീക്കമാണ് ഛത്തീസ്ഗഡില്‍ കന്യാസ്ത്രീകളുടെ അറസ്റ്റിലൂടെ വ്യക്തമാകുന്നതെന്നും ജോബ് മൈക്കിള്‍ എംഎല്‍എ. ഛത്തീസ്ഗഡ് സര്‍ക്കാര്‍ അകാരണമായി അറസ്റ്റ് ചെയ്തു ജയിലിലാക്കിയ കന്യാസ്ത്രീകളെ മോചിപ്പിക്കണമെന്നാവശ്യപ്പെട്ട് കേരള കോണ്‍ഗ്രസ്-എം നിയോജകമണ്ഡലം കമ്മിറ്റി നടത്തിയ ഹെഡ് പോസ്റ്റ് ഓഫീസ് മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം. നിയോജക പ്രസിഡന്‍റ് ലാലിച്ചന്‍ കുന്നിപ്പറമ്പില്‍ അധ്യക്ഷത വഹിച്ചു. ജോണ്‍സണ്‍ അലക്‌സാണ്ടര്‍, ജോര്‍ജ് വാണിയപ്പുരയ്ക്കല്‍, ബാബു കുരിശുംമൂട്ടില്‍, ലിനു ജോബ്, സണ്ണി ചങ്ങങ്കരി, സാജന്‍ അലക്‌സ്, അലക്‌സാണ്ടര്‍ പ്രാക്കുഴി, റ്റിറ്റി കോട്ടപ്പുറം, ജോയിച്ചന്‍ പീലിയാനിക്കല്‍, ഷാജി പുളിമൂട്ടില്‍, ഡാനി തോമസ്, മിനി റെജി, ഷീലമ്മ ജോസഫ്, ഡിനു ചാക്കോ തുടങ്ങിയവര്‍ പ്രസംഗിച്ചു.

കെഎസ്ഇബി ഓഫീസിന് മുന്നില്‍ ധര്‍ണ നടത്തി

കുറുപ്പന്തറ: കെഎസ്ഇബി സെക്‌ഷന്‍ ഓഫീസ് കുറുപ്പന്തറയില്‍നിന്ന് മാറ്റാനുള്ള നീക്കത്തിനെതിരേ കുറുപ്പന്തറ ഗ്രാമവികസന സമിതിയുടെ നേതൃത്വത്തില്‍ കെഎസ്ഇബി ഓഫീസിന് മുന്നില്‍ ധര്‍ണ നടത്തി. ഓഫീസ് പ്രവര്‍ത്തിക്കുന്ന കെട്ടിടം അറ്റകുറ്റപ്പണികള്‍ നടത്തി കെഎസ്ഇബി ഓഫീസ് ഇവിടെത്തന്നെ നിലനിര്‍ത്തുന്നതിനുള്ള നടപടിക്രമങ്ങള്‍ ഉടന്‍ നടപ്പിലാക്കണമെന്ന് പ്രതിഷേധക്കാര്‍ ആവശ്യപ്പെട്ടു. ഗ്രാമവികസനസമിതി രക്ഷാധികാരി എ.കെ. ശശിധരന്‍ ധര്‍ണ ഉദ്ഘാടനം ചെയ്തു. പ്രസിഡന്‍റ് എം.എം. സ്‌കറിയ അധ്യക്ഷത വഹിച്ചു. സെക്രട്ടറി വിന്‍സെന്‍റ് ചിറയില്‍, വ്യാപാരി വ്യവസായി ഏകോപനസമിതി പ്രസിഡന്‍റ് ജോണ്‍പോള്‍ തെങ്ങുംപള്ളി, ജോയി പാറക്കാല, സി.ജെ. തങ്കച്ചന്‍, എം.എസ്. രാജു എന്നിവര്‍ പ്രസംഗിച്ചു.

പെരുഞ്ചില നഗറിന്‍റെ വികസനത്തിന് ഒരുകോടി രൂപ അനുവദിച്ചു

വൈക്കം: വൈക്കം നഗരസഭ രണ്ട്, മൂന്ന് വാർഡുകളിൽ ഉൾപ്പെട്ട പെരിഞ്ചിലനഗറിനെ അംബേദ്കർ ഗ്രാമപദ്ധതിയിൽ ഉൾപ്പെടുത്തി സമഗ്രവികസനത്തിനായി ഒരു കോടി രൂപ സംസ്ഥാന സർക്കാർ അനുവദിച്ചു. അതുമായി ബന്ധപ്പെട്ട ഗുണഭോക്തൃ സമിതി രൂപീകരിക്കുന്നതിനായി പെരിഞ്ചില അങ്കണവാടി കെട്ടിടത്തിൽ യോഗം ചേർന്നു. സി.കെ. ആശ എംഎൽഎയുടെ അധ്യക്ഷതയിൽ നടന്ന യോഗത്തിൽ നഗരസഭാ കൗൺസിലർ ബി. ചന്ദ്രശേഖരനടക്കം സാമൂഹ്യ, രാഷ്‌ട്രീയ രംഗത്തെ പ്രമുഖർ പങ്കെടുത്തു. 51 പട്ടികജാതി കുടുംബങ്ങളും 43 ജനറൽ കുടുംബങ്ങളും ഈപദ്ധതി പ്രദേശത്ത് താമസിക്കുന്നുണ്ട്.

പാടശേഖരത്തിൽ വെള്ളമെത്തിക്കുന്ന തോട്ടിൽ കക്കൂസ് മാലിന്യം നിക്ഷേപിച്ചു

വെച്ചൂര്‍: പാടശേഖരങ്ങളിലേക്ക് വെള്ളമെത്തിക്കുന്ന തോട്ടിലും ലക്ഷങ്ങള്‍ ചെലവഴിച്ചു പഞ്ചായത്ത് ആഴംകൂട്ടി നീരൊഴുക്കു വര്‍ധിപ്പിച്ച നാട്ടുതോട്ടിലും കക്കൂസ് മാലിന്യം നിരന്തരം തള്ളുന്നത് നെല്‍കൃഷിക്കും ജനജീവിതത്തിനും കടുത്ത ഭീഷണിയാകുന്നു. വൈക്കം വെച്ചൂരിലെ 545 ഏക്കര്‍ വിസ്തൃതിയുള്ള പൂവത്തുക്കരി പാടശേഖരത്തിലേക്ക് വെള്ളമെത്തിക്കുന്ന തോട്ടില്‍ നാലുലോഡ് കക്കൂസ് മാലിന്യമാണ് കഴിഞ്ഞ ദിവസം തള്ളിയത്. മാസങ്ങളായി ഈ തോട്ടില്‍ കക്കൂസ് മാലിന്യം തള്ളിവരികയാണെന്ന് കര്‍ഷകര്‍ ആരോപിച്ചു. നെല്ല് വിതച്ച് 25 ദിവസം പിന്നിട്ടതിനെത്തുടര്‍ന്ന് വളമിട്ട് മരുന്നടിച്ച കൃഷിയിടത്തില്‍ വെള്ളം കയറ്റേണ്ട സമയമായെങ്കിലും തോട് മലിനമായതോടെ തൂമ്പ് തുറക്കാനാവുന്നില്ല. കഴിഞ്ഞ ദിവസം തോട്ടിലിറങ്ങിയ കര്‍ഷകര്‍ ദേഹം ചൊറിഞ്ഞു തടിച്ചു അസുഖബാധിതരായി ചികിത്സ തേടി. തൊഴിലുറപ്പു തൊഴിലാളികളും തോട്ടിലിറങ്ങി അസുഖബാധിതരായതിനെത്തുടര്‍ന്നു മാലിന്യം നിറഞ്ഞ തോട് ശുചീകരിക്കാനുമാകുന്നില്ല. മാലിന്യം തള്ളുന്നവെര പിടികൂടാന്‍ കര്‍ഷകരുടെയും നാട്ടുകാരുടെയും സഹകരണത്തോടെ പഞ്ചായത്ത് റോഡില്‍ കാമറകള്‍ സ്ഥാപിച്ചിരുന്നു. മാലിന്യവുമായി വന്ന വാഹനങ്ങള്‍ കര്‍ഷകരും നാട്ടുകാരും ജനപ്രതിനിധികളും ചേര്‍ന്ന് പിടികൂടി അധികൃതര്‍ക്ക് കൈമാറിയെങ്കിലും ശക്തമായ നടപടിയുണ്ടാകാത്തതിനാല്‍ രാത്രിയുടെ മറവില്‍ മാലിന്യനിക്ഷേപം തുടരുകയാണ്. നിരന്തരം ആവശ്യപ്പെട്ടിട്ടും ജലാശയങ്ങള്‍ മലിനമാക്കുന്നതിനെതിരേ ഫലപ്രദമായി അധികൃതര്‍ നടപടി സ്വീകരിക്കാത്തതില്‍ പ്രതിഷേധിച്ച് കര്‍ഷകര്‍ ശക്തമായ സമരപരിപാടികള്‍ ആരംഭിക്കുമെന്ന് പൂവത്തുക്കരി പാടശേഖരസമിതി സെക്രട്ടറി ബി. റെജി, പ്രസിഡന്‍റ് എസ്. പ്രദീപ്, കമ്മിറ്റിക്കാരായ പി.ആര്‍. രജനി, ജനാര്‍ദനന്‍ പുറത്തിക്കാട്ട്, കര്‍ഷകരായ അശോകന്‍ കാട്ടിളം, പ്രകാശന്‍ കല്ലിത്തറ തുടങ്ങിയവര്‍ പറഞ്ഞു.

സുവർണ ജൂബിലി ആഘോഷം

വെള്ളൂർ: കരിപ്പാടം കാരുണ്യമാതാ എൽപി സ്കൂൾ സുവർണ ജൂബിലിയോടനുബന്ധിച്ച് ഒരു വർഷം നീളുന്ന ആഘോഷ പരിപാടികൾക്ക് നാളെ തുടക്കം കുറിക്കും. നാളെ ഉച്ചകഴിഞ്ഞ് രണ്ടിന് പാരിഷ്ഹാളിൽ നടക്കുന്ന സുവർണ ജൂബിലി ആഘോഷങ്ങളുടെ ഉദ്ഘാടനം സി.കെ. ആശ എം എൽഎ നിർവഹിക്കും. സ്‌കൂൾ മാനേജർ ഫാ. മാത്യുകുഴിപ്പള്ളി അധ്യക്ഷത വഹിക്കും. കോട്ടയം അതിരൂപത വിദ്യാഭ്യാസ സെക്രട്ടറി റവ. ഡോ. തോമസ് പുതിയകുന്നേൽ, വെള്ളൂർ പഞ്ചായത്ത് പ്രസിഡന്‍റ് കെ.എൻ. സോണിക, വാർഡ് മെംബർ ഷിനി സജു, സ്കൂൾ ഹെഡ്മിസ്ട്രസ് സിസ്റ്റർ സുദീപ, പി ടിഎ പ്രസിഡന്‍റ് കെ.എൻ. ജിജിത്ത്, എംപിടിഎ പ്രസിഡന്‍റ് വിഷ്ണുപ്രിയ, ജോമോൻ പുന്നൂസ്, കെ.എം. ഷെമീർ തുടങ്ങിയവർ സംബന്ധിക്കും.

ചെമ്മനത്തുകരയിൽ മോഷണം പതിവായി; വ്യാപാരികൾ ആശങ്കയിൽ

ചെമ്മനത്തുകര: ചെമ്മനത്തുകരയിൽ മോഷണവും മോഷണശ്രമവും പതിവായതോടെ വ്യാപാരികൾ ആശങ്കയിൽ. കഴിഞ്ഞ 19ന് ചെമ്മനത്തുകരയിലെ ഒരു പലചരക്ക് കടയിൽനിന്നും 5000ത്തിലധികംരൂപയും സാധനങ്ങളും മോഷ്ടിച്ചിരുന്നു. യുവാക്കൾ കടയിൽ മോഷണം നടത്തുന്നതിന്‍റെ സിസിടിവി ദൃശ്യങ്ങളും പുറത്തുവന്നിരുന്നു. പിന്നീട് ചെമ്മനത്തുകരയിലെ മറ്റു ചില കടകളിലും മോഷണശ്രമം നടന്നിരുന്നു. കഴിഞ്ഞ ദിവസം രാത്രി ചെമ്മനത്തുകരയിലെ നമ്പ്യാത്ത് സ്റ്റോറിന്‍റെ പൂട്ടുതകർത്ത് മോഷണം നടത്താൻ ഇതേ യുവാക്കൾ നടത്തിയ ശ്രമം സ്ഥാപന ഉടമയുടെ മകൻ വിഫലമാക്കി മോഷ്ടാക്കളെ പോലീസിനു കൈമാറിയിരുന്നു. ചെമ്മനത്തുകരയിലെ വ്യാപാരികളുടെയും കുടുംബങ്ങളുടെയും ഭീതിയകറ്റാൻ പോലീസ് പട്രോളിംഗ് ശക്തമാക്കണമെന്ന് വ്യാപാരി വ്യവസായി ഏകോപന സമിതി ചെമ്മനത്തുകര യൂണിറ്റ് ഭാരവാഹികൾ അവശ്യപ്പെട്ടു.

കന്യാസ്ത്രീകളുടെ അറസ്റ്റ്: വ്യാപക പ്രതിഷേധം

കടുത്തുരുത്തി സെന്‍റ് മേരീസ് ഫൊറോനാ താഴത്തുപള്ളി കടുത്തുരുത്തി; ഛത്തീസ്ഗഡില്‍ രണ്ടു മലയാളി കന്യാസ്ത്രീകളെ അന്യായമായി അറസ്റ്റ് ചെയ്യുകയും ജയിലിലടയ്ക്കകുയും ചെയ്ത സംഭവത്തില്‍ കടുത്തുരുത്തി സെന്‍റ് മേരീസ് ഫൊറോനാ താഴത്തുപള്ളിയിലെ ജാഗ്രതാസമിതി പ്രതിഷേധിച്ചു. യോഗത്തില്‍ ഫൊറോനാ വികാരി ഫാ. മാത്യു ചന്ദ്രന്‍കുന്നേല്‍ അധ്യക്ഷത വഹിച്ചു. പ്രസിഡന്‍റ് സി.എം. മാത്യു, പി.സി. ജോസഫ്, മനോജ് ജോസഫ് തുടങ്ങിയവര്‍ പ്രസംഗിച്ചു. കത്തോലിക്കാ കോണ്‍ഗ്രസ് മേഖലാ കമ്മിറ്റി കടുത്തുരുത്തി: ഛത്തീസ്ഗഡില്‍ രണ്ടു മലയാളി കന്യാസ്ത്രീകളെ അന്യായമായി ജയിലിലടയ്ക്കുകയും ജാമ്യാപേക്ഷ നിരസിച്ചതിനെയും കടുത്തുരുത്തി കത്തോലിക്കാ കോണ്‍ഗ്രസ് മേഖലാ കമ്മിറ്റി പ്രതിഷേധിച്ചു. കുറ്റക്കാര്‍ക്കെതിരേ ശക്തമായ നടപടികള്‍ സ്വീകരിക്കാനും കന്യാസ്ത്രീകളെ മോചിപ്പിക്കുന്നതിനാവശ്യമായ നടപടികള്‍ സ്വീകരിക്കുന്നതിനും ഇത്തരം സംഭവങ്ങള്‍ ആവര്‍ത്തിക്കാതിരിക്കുന്നതിനും നടപടികള്‍ സ്വീകരിക്കാന്‍ കേന്ദ്രഗവണ്‍മെന്‍റിനോട് യോഗം ആവശ്യപ്പെട്ടു. പൂഴിക്കോല്‍ വികാരി ഫാ. തോമസ് കുറ്റിക്കാട്ട് അധ്യക്ഷത വഹിച്ചു. രൂപത ജനറല്‍ സെക്രട്ടറി ജോസ് വട്ടുകുളം, മേഖലാ പ്രസിഡന്‍റ് രാജേഷ് ജെയിംസ് കോട്ടായില്‍, മേഖലാ സെക്രട്ടറി ജോര്‍ജ് തോമസ് മങ്കുഴിക്കരി, സലിന്‍ കൊല്ലംകുഴി, ജോസഫ് ചേനക്കാലായില്‍, ലൂക്കോസ് കുടിലില്‍ പുത്തന്‍പുര, ജോര്‍ജ് കപ്ലിക്കുന്നേല്‍, മനോജ് കടവന്‍റെകാലായില്‍, ജെറി പനക്കല്‍, സിബി പൊതിപ്പറമ്പില്‍, ആഷ്‌ലി ആമ്പക്കാട്ട്, രാജു കുന്നേല്‍, പഞ്ചായത്തംഗങ്ങളായ ജെസി ലൂക്കോസ്, സാലി ജോര്‍ജ് മുടക്കാമ്പുറം എന്നിവര്‍ പ്രസംഗിച്ചു. ദീപം തെളിച്ചു തലയോലപ്പറമ്പ്: മതപരിവർത്തനവും മനുഷ്യക്കടത്തും ആരോപിച്ച് കേരളത്തിൽനിന്നുള്ള രണ്ടു കന്യാസ്ത്രീകളെ ഛത്തീസ്ഗഡിലെ ദുർഗ് റെയിൽവേ സ്റ്റേഷനിൽ അറസ്റ്റ് ചെയ്ത സംഭവത്തിൽ പ്രതിഷേധിച്ച് യൂത്ത്ഫ്രണ്ട്-എം തലയോലപ്പറമ്പ് മണ്ഡലം കമ്മിറ്റിയുടെ നേതൃത്വത്തിൽ ദീപം തെളിച്ചു. പള്ളിക്കവല ജംഗ്ഷനിൽ എ.ജെ. ജോൺ പ്രതിമയ്ക്ക് മുന്നിൽ നടന്ന പ്രതിഷേധ യോഗത്തിൽ കേരള കോൺഗ്രസ്-എം മണ്ഡലം പ്രസിഡന്‍റ് അഡ്വ. ആന്‍റണി കളമ്പുകാടൻ, യൂത്ത്ഫ്രണ്ട്-എം സംസ്ഥാന ജനറൽ സെക്രട്ടറി ആൽവിൻ അരയത്തേൽ, സെബാസ്റ്റ്യൻ മുല്ലക്കര, ജോസ്റ്റിൻ പന്തലാട്ട്, ശ്യാം മുണ്ടാർ, ജിമ്മി തുണ്ടുപറമ്പിൽ, സാജൻ മറവൻതുരുത്ത്, ജോമോൻ അമ്പലത്തിൽ, ജിമ്മി കളത്തറ തുടങ്ങിയവർ പങ്കെടുത്തു. ആക്രമണങ്ങള്‍ അവസാനിപ്പിക്കണം കടുത്തുരുത്തി: ക്രിസ്ത്യന്‍ മിഷണറിമാര്‍ക്കെതിരേ ബജ്‌റംഗ്ദള്‍, സംഘപരിവാര്‍ സംഘടനകള്‍ നടത്തുന്ന ആക്രമണം അവസാനിപ്പിക്കണമെന്ന് കോണ്‍ഗ്രസ് -എസ് കടുത്തുരുത്തി ബ്ലോക്ക് കമ്മിറ്റി ആവശ്യപ്പെട്ടു. ഛത്തിസ്ഗഡില്‍ മതപരിവര്‍ത്തനവും മനുഷ്യക്കടത്തും ആരോപിച്ച് മലയാളികളായ രണ്ടു കന്യാസ്ത്രീകളെ അന്യായമായി അറസ്റ്റ് ചെയ്തു തടങ്കലിലാക്കിയ നടപടിയെ യോഗം അപലപിച്ചു. സംഭവത്തില്‍ കേന്ദ്രസര്‍ക്കാര്‍ തുടരുന്ന മൗനം ഇന്ത്യയിലെ ന്യൂനപക്ഷങ്ങളോടുള്ള വെല്ലുവിളിയാണന്നും യോഗം അഭിപ്രായപ്പെട്ടു. ബ്ലോക്ക് പ്രസിഡന്‍റ് ജോണ്‍സണ്‍ പാളി അധ്യക്ഷത വഹിച്ച യോഗത്തില്‍ ജില്ലാ സെക്രട്ടറി ജോസഫ് ചേനക്കാലാ, രാജേഷ് മാത്യു, പി. ബാബു, സാബു പൗലോസ്, എബിന്‍ ചെറുമേല്‍പ്പുറം തുടങ്ങിയവര്‍ പ്രസംഗിച്ചു. കേരള കോണ്‍ഗ്രസ്-എം കടുത്തുരുത്തി മണ്ഡലം കമ്മിറ്റി കടുത്തുരുത്തി: ഛത്തീസ്ഗഡില്‍ കന്യാസ്ത്രീകളെ അന്യായമായി അറസ്റ്റ് ചെയ്ത ബിജെപിയുടെ മതന്യുനപക്ഷ വേട്ടയ്‌ക്കെതിരേ കേരള കോണ്‍.-എം കടുത്തുരുത്തി മണ്ഡലം കമ്മിറ്റിയുടെ നേതൃത്വത്തില്‍ കടുത്തുരുത്തി ഹെഡ് പോസ്റ്റഫീസിനു മുമ്പില്‍ പ്രതിഷേധയോഗം നടത്തി. മണ്ഡലം പ്രസിഡന്‍റ് സന്തോഷ് ജേക്കബ് അധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്‍റ് ജോസ് പുത്തന്‍കാലാ ഉദ്ഘാടനം ചെയ്തു. കെ.ടി. സിറിയക്, പൗലോസ് കടമ്പംകുഴി, ഇ.എം. ചാക്കോ എണ്ണയ്ക്കാപ്പള്ളി, കുരുവിള ആഗസ്തി, ബ്രൈറ്റ് വട്ടനിരപ്പേല്‍, ജോണ്‍സണ്‍ കൊട്ടുകാപ്പള്ളി, ജോസ് മുണ്ടകുന്നേല്‍, തോമസ് മണ്ണഞ്ചേരി തുടങ്ങിയവര്‍ പ്രസംഗിച്ചു.

കുറുപ്പന്തറയിലെ കെഎസ്ഇബി സെക്‌ഷന്‍ ഓഫീസ് മാറ്റുന്നതിനെതിരേ പ്രതിഷേധം ശക്തമായി

കുറുപ്പന്തറ: കുറുപ്പന്തറയിലെ കെഎസ്ഇബി സെക്‌ഷന്‍ ഓഫീസ് മാറ്റുന്നതിനെതിരേ പ്രതിഷേധം ശക്തമായി. മാഞ്ഞൂര്‍ പഞ്ചായത്തും കാണക്കാരി, കടുത്തുരുത്തി പഞ്ചായത്തുകളുടെ കുറച്ചു പ്രദേശവും ഉള്‍പ്പെടുന്നതാണ് സെക്‌ഷന്‍ ഓഫീസിന്‍റെ പരിധി. കുറുപ്പന്തറ ബസ് സ്റ്റാന്‍ഡിലെ ഷോപ്പിംഗ് കോപ്ലക്‌സിലാണ് സെക്‌ഷന്‍ ഓഫീസ് വര്‍ഷങ്ങളായി പ്രവര്‍ത്തിക്കുന്നത്. മാഞ്ഞൂര്‍ പഞ്ചായത്തിന്‍റെ ഉടമസ്ഥതയിലുള്ളതാണ് കെട്ടിടം. ഓഫീസ് മാറ്റിസ്ഥാപിക്കാനുള്ള അനുമതി കെഎസ്ഇബി ഡെപ്യൂട്ടി ചീഫ് എന്‍ജിനിയര്‍ നല്‍കിക്കഴിഞ്ഞു. കെഎസ്ഇബി അസിസ്റ്റന്‍റ് എന്‍ജിനിയര്‍ പി.കെ. ശ്യാം ഇതുസംബന്ധിച്ചു പറയുന്നതിങ്ങനെ: നിലവിലുള്ള കെട്ടിടം ചോര്‍ന്നൊലിക്കുകയാണ്. ഷോപ്പിംഗ് കോപ്ലക്‌സിന്‍റെ ഒന്നാം നിലയിലാണ് കെഎസ്ഇബി ഓഫീസ് പ്രവര്‍ത്തിക്കുന്നത്. മുകളിലിട്ടിരിക്കുന്ന ഷീറ്റ് ചോര്‍ന്നൊലിച്ചു കെട്ടിടത്തിന്‍റെ സീലിംഗിലൂടെ വെള്ളം താഴേക്ക് ഒലിച്ചിറങ്ങുകയാണ്. മഴയുള്ള സമയങ്ങളില്‍ മുറികളിലെല്ലാം വെള്ളം തളംകെട്ടി നില്‍ക്കുന്നു. ഈ സമയങ്ങളില്‍ ജോലി ചെയ്യാന്‍ പ്രയാസമാണ്. ഷീറ്റിനിടെയിലൂടെ വരുന്ന വെള്ളം സീലിംഗിനൊപ്പം ഭിത്തികളിലേക്കും ഒലിച്ചിറങ്ങുന്നു. ഭിത്തികളും സ്വിച്ച് ബോര്‍ഡുകളിലും വെള്ളം നനഞ്ഞ് ജീവനക്കാര്‍ക്ക് ഷോക്കേല്‍ക്കുന്നതും പതിവാണ്. ഇത് അപകടം വിളിച്ചുവരുത്താന്‍ കാരണമാകും. ഉപഭോക്താക്കള്‍ക്ക് ഏറ്റവും സൗകര്യപ്രദമായ സ്ഥലത്താണ് നിലവില്‍ സെക്‌ഷന്‍ ഓഫീസ് പ്രവര്‍ത്തിക്കുന്നത്. എല്ലാവര്‍ക്കും ബസിലടക്കം വന്നുപോകാവുന്ന സ്ഥലമാണിത്. ഓഫീസ് ഇവിടെനിന്ന് മാറ്റാനുള്ള തീരുമാനം പിന്‍വലിക്കണമെന്ന് പ്രദേശവാസിയായ സിജു ജോസഫ് പറഞ്ഞു.

ചെമ്പ് മുറിഞ്ഞപുഴ വള്ളം അപകടം : കാണാതായ ആൾക്കുവേണ്ടിയുള്ള തെരച്ചിൽ തുടരുന്നു

തലയോലപ്പറമ്പ്: ചെമ്പ് മുറിഞ്ഞപുഴ നടുത്തുരുത്തിനു സമീപം വള്ളം മറിഞ്ഞ് കാണാതായ പാണാവള്ളി സ്വദേശിക്കായുള്ള തെരച്ചിൽ ഊർജിതമായി തുടരുന്നു. തിങ്കളാഴ്ച ഉച്ചയ്ക്ക് 2.15ഓടെ കാട്ടിക്കുന്ന് തുരുത്തിൽ മരണവീട്ടിൽ പോയി മടങ്ങുകയായിരുന്ന പാണാവള്ളി സ്വദേശികൾ സഞ്ചരിച്ചിരുന്ന വള്ളം മറിഞ്ഞാണ് പാണാവള്ളി വേലംകുന്നത്ത് (കൊറ്റപ്പള്ളി നികർത്ത്) സുമേഷിനെ (കണ്ണൻ-45) കാണാതായത്. ചൊവ്വാഴ്ച രാവിലെ ഫയർഫോഴ്സ് സ്കൂബ ടീമുകളും എന്‍ഡിആര്‍എഫിന്‍റെ സംഘവും സ്ഥലത്തെത്തി തെരച്ചിൽ പുനരാരംഭിച്ചിരുന്നു. ഉച്ചകഴിഞ്ഞും തെരച്ചിൽ തുടർന്നെങ്കിലും കാണാതായയാളെ കണ്ടെത്താനായിട്ടില്ല. പ്രദേശവാസികളും പൊതുപ്രവർത്തകരും തെരച്ചിലിന് സഹായവുമായെത്തി.

വൈക്കത്ത് ജലാശയങ്ങളിൽ അപകടമുണ്ടായാൽ രക്ഷാദൗത്യം ശ്രമകരമെന്ന്

വൈക്കം: വേമ്പനാട്ടുകായലിൽ അതിശക്തമായ കാറ്റും വളരെ ഉയരത്തിൽ ആഞ്ഞടിക്കുന്ന തിരയും രൂപപ്പെടുന്നത് പതിവാകുന്നത് കായലിലും പുഴയും കായലും സംഗമിക്കുന്നിടങ്ങളിലും അപകടങ്ങൾ പതിവാക്കുന്നു. കഴിഞ്ഞ ദിവസം 23 പേർ സഞ്ചരിച്ച രണ്ട് പതിവുള്ളവള്ളം ശക്തമായ കാറ്റിലും തിരയിലും അകപ്പെട്ട് വെള്ളം കയറി മുങ്ങി ഒരാളെ കാണാതായിരുന്നു. നാട്ടുകാരുടെയും കക്കാവാരൽ തൊഴിലാളികളുടെയും സമയോചിതമായ ഇടപെടൽമൂലമാണ് സ്ത്രീകളടക്കം 22 പേരെ രക്ഷിക്കാനായത്. മത്സ്യബന്ധനത്തിനും കക്കാവാരലിലും സമീപ സ്ഥലങ്ങളിലേക്ക് എളുപ്പമെത്തുന്നതിനും നിരവധിപേർ കായലിലും പുഴകളിലും വള്ളങ്ങളിൽ സഞ്ചരിക്കുന്നുണ്ട്. പൊടുന്നനെ രൂപപ്പെടുന്ന ശക്തമായ കാറ്റും തിരയും കനത്ത മഴയും പലപ്പോഴും വള്ളത്തിൽ വരുന്നവരെയും വഞ്ചിവീടുകളിലും യാത്രാബോട്ടുകളിൽ സഞ്ചരിക്കുന്നവർക്കും ഭീഷണിയാണ്. കഴിഞ്ഞ ദിവസം വള്ളം മുങ്ങിയതിനു സമീപം ഒരു മാസം മുമ്പ് കാറ്റിൽ വള്ളം മറിഞ്ഞ് മത്സ്യത്തൊഴിലാളി മുങ്ങിമരിച്ചിരുന്നു. കായലിലും പുഴയിലും പ്രകൃതിക്ഷോഭമുണ്ടായാൽ ഉടൻ രക്ഷാപ്രവർത്തനത്തിനു സംവിധാനമില്ലാത്തത് വലിയ ആശങ്കയാണുണ്ടാക്കുന്നത്. തിങ്കളാഴ്ച ഉച്ചയ്ക്ക് വള്ളം മുങ്ങിയപ്പോൾ രക്ഷാപ്രവർത്തനത്തിന് ചേർത്തല പാണാവള്ളിയിൽനിന്നാണ് റെസ്ക്യു ബോട്ടെത്തിയത്. പോലീസിന്‍റെയും ഫയർഫോഴ്സിന്‍റെയും റെസ്ക്യുബോട്ടുകൾ കട്ടപ്പുറത്ത് ജലാശയങ്ങളിൽ അപകടമുണ്ടായാൽ പാഞ്ഞെത്തി രക്ഷാപ്രവർത്തനം നടത്താൻ പോലീസിനും ഫയർഫോഴ്സിനും ലഭിച്ച ബോട്ടുകൾ തകരാറിലായിട്ടും നന്നാക്കിയില്ല. പോലീസിന്‍റെ റെസ്ക്യുബോട്ട് തകരാറിലായിട്ട് ഒരു വർഷം പിന്നിട്ടു. ഫയർഫോഴ്സിന്‍റെ റെസ്ക്യുബോട്ട് ആറുമാസമായി ബോട്ടുജെട്ടി വളപ്പിൽ വിശ്രമത്തിലാണ്. വൈക്കം - തവണക്കടവ് ഫെറിയിൽ പഴയ തടിബോട്ട് കാറ്റും മഴയും ശക്തമായി തുടരുന്നത് കണക്കിലെടുത്ത് വൈക്കം - തവണക്കടവ് ഫെറിയിൽ സർവീസ് നടത്തുന്ന കാലപ്പഴക്കമേറിയ ജലഗതാഗതവകുപ്പിന്‍റെ A90 നമ്പർ ബോട്ട് നീക്കണമെന്ന ആവശ്യം നാളുകളായുണ്ട്. മഴയിൽ ചോരുന്ന ബോട്ട് ചില നേരങ്ങളിൽ തിരിക്കാൻതന്നെ പ്രയാസമാണെന്ന് ആരോപണമുണ്ട്. ചെളിയും മണൽക്കൂനയും മൂലം ആഴംകുറഞ്ഞ കായലിൽ ശക്തമായ കാറ്റുവീശിയാൽ ബോട്ട് നിയന്ത്രണം വിട്ടാൽ വൻദുരന്തത്തിനിടയാക്കുമെന്ന് നാട്ടുകാർ ആരോപിക്കുന്നു.

പ്രതിഷേധിച്ചു

കോട്ടയം: വന്യജീവി ശല്യം തടഞ്ഞ് ജനങ്ങളുടെ ജീവനും സ്വത്തിനും സംരക്ഷണം നല്‍കണമെന്നാവശ്യപ്പെട്ട് താമരേശരി ഫോറസ്റ്റ് ഓഫീസിലേക്ക് കര്‍ഷക കോണ്‍ഗ്രസ് നടത്തിയ മാര്‍ച്ചില്‍ പങ്കാളികളായ സംസ്ഥാന പ്രസിഡന്‍റ് മാജൂഷ് മാത്യു ഉള്‍പ്പെടെയുള്ള സംസ്ഥാന-ജില്ലാ നേതാക്കള്‍ക്കെതിരേ കേസെടുത്ത് റിമാൻഡിലാക്കിയ നടപടിയില്‍ കേരള കര്‍ഷക യൂണിയന്‍ സംസ്ഥാന പ്രസിഡന്‍റ് വര്‍ഗീസ് വെട്ടിയാങ്കല്‍, സംസ്ഥാന ജനറല്‍ സെക്രട്ടറി ജോസ് ജയിംസ് നിലപ്പന എന്നിവര്‍ പ്രതിഷേധം രേഖപ്പെടുത്തി. വന്യജീവിശല്യം തടയുന്നതില്‍ കേന്ദ്ര-സംസ്ഥാന സര്‍ക്കാരുകള്‍ പരാജയപ്പെട്ടതായും ജനങ്ങള്‍ക്കുവേണ്ടി സമരം നടത്തുന്നവരെ അറസ്റ്റ് ചെയ്യുന്നത് സമരങ്ങള്‍ക്കു നേതൃത്വം കൊടുക്കുന്ന ഇടതുമുന്നണിയുടെ ഇരട്ടത്താപ്പ് നയത്തിന്‍റെ ഭാഗമാണെന്നും അവര്‍ ആരോപിച്ചു.

സംസ്ഥാന പവർലിഫ്റ്റിംഗ് മത്സരത്തിൽ വെള്ളി മെഡൽ നേടി സുനിത

കോട്ടയം: കോഴിക്കോട് നടന്ന സംസ്ഥാന പവർലിഫ്റ്റിംഗ് ചാന്പ്യൻഷിപ്പിൽ ജില്ലയ്ക്കായി പാമ്പാടി വെള്ളൂർ (7-ാം മൈൽ) വടക്കേക്കര സുനിതാ ചെറിയാൻ വെള്ളി മെഡൽ നേടി. കേരള സ്റ്റേറ്റ് പവർലിഫ്റ്റിംഗ് അസോസിയേഷനും കോഴിക്കോട് ജില്ലാ പവർലിഫ്റ്റിംഗ് അസോസിയേഷനും സംയുക്തമായി നടത്തിയ ചാന്പ്യൻഷിപ്പിലാണ് ജില്ലയ്ക്ക് അഭിമാനമായി വനിതാ വിഭാഗത്തിൽ തന്‍റെ ആദ്യ സംസ്ഥാനതല മത്സരത്തിൽതന്നെ സുനിതാ ചെറിയാൻ വെള്ളി മെഡൽ നേടിയത്. കളത്തിപ്പടിയിലുള്ള സോളമൻസ് ജിമ്മിന്‍റെ ഉടമകളും ഫിറ്റ്നസ് പരിശീലകരും ദേശീയ പവർലിഫ്റ്റിംഗ് ജേതാക്കളുമായ സോളമൻ തോമസിന്‍റെയും ക്രിസ്റ്റി സോളമന്‍റെയും പരിശീലനത്തിലാണ് സുനിത പവർലിഫ്റ്റിംഗ് മത്സരത്തിൽ പങ്കെടുത്തു വിജയിച്ചത്. സുനിതാ ചെറിയാൻ വാഴൂർ പുളിക്കൽകവല (14-ാം മൈൽ) പുള്ളിയിൽ പരേതരായ മത്തായി ജോസഫ്-ശോശാമ്മ ദന്പതികളുടെ മകളും വെള്ളൂർ (7-ാം മൈൽ) നിതാ ഹോട്ടൽ ഉടമ വടക്കേക്കര പരേതനായ വി.എം. ചെറിയാന്‍റെ (തങ്കച്ചന്‍റെ) ഭാര്യയുമാണ്. മക്കൾ: നിതിൻ (യുകെ), നിതാ (എറണാകുളം).

വീട്ടില്‍ അതിക്രമിച്ചു കയറി ആക്രമണം: രണ്ടുപേര്‍ അറസ്റ്റില്‍

കോട്ടയം: വീട്ടില്‍ അതിക്രമിച്ചു കയറി ആക്രമണം നടത്തിയ കേസില്‍ രണ്ടുപേര്‍ അറസ്റ്റില്‍. കുമാരനല്ലൂര്‍ പരിയാരത്ത് കാലായില്‍ ഷംനാസ് (42), വെട്ടിക്കാട്ട് കുറയങ്കേരില്‍ ശ്രീജിത്ത് (ജിത്തു-33) എന്നിവരെയാണ് കുമരകം പോലീസ് പിടികൂടിയത്. ഇക്കഴിഞ്ഞ 27ന് വൈകുന്നേരം ആറോടെ തിരുവാര്‍പ്പിലെ പരാതിക്കാരന്‍റെ വീട്ടിൽ അതിക്രമിച്ചുകയറി ചീത്തവിളിക്കുകയായിരുന്നു. പ്രതികൾ കേസിലെ ഒന്നാം പ്രതിയുടെ സഹോദരനായ ഷംനാദിനെതിരേ കോട്ടയം വെസ്റ്റ് സ്റ്റേഷനിലെ കേസില്‍ കോടതിയില്‍ പ്രതിക്കനുകൂലമായി മൊഴിമാറ്റിപ്പറയണമെന്നും, അല്ലാത്തപക്ഷം ജീവിക്കാന്‍ അനുവദിക്കില്ലെന്നും കൊന്നുകളയുമെന്നും ഭീഷണിപ്പെടുത്തി. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.

സ്വകാര്യബസ് ഓട്ടോസ്റ്റാൻഡിലേക്ക് ഇടിച്ചുകയറി

പാമ്പാടി: നിയന്ത്രണം നഷ്ടമായ സ്വകാര്യബസ് ഓട്ടോ സ്റ്റാന്‍ഡിലേക്ക് ഇടിച്ചുകയറി. ഡ്രൈവര്‍ ചുഴലി ബാധിച്ചു കുഴഞ്ഞു വീണതിനെത്തുടര്‍ന്നാണ് സ്വകാര്യബസ് നിയന്ത്രണം നഷ്ടമായി ഓട്ടോ സ്റ്റാന്‍ഡിലേക്കു പാഞ്ഞുകയറിയത്. അപകടത്തില്‍ ആര്‍ക്കും പരിക്കില്ല. അസ്വസ്ഥത അനുഭവപ്പെട്ട ബസ് ഡ്രൈവറെ പാമ്പാടി താലൂക്ക് ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ 11.30നായിരുന്നു അപകടം. പൊന്‍കുന്നം ഭാഗത്തുനിന്നു കോട്ടയത്തേക്കു വരികയായിരുന്ന മൈ ബസ് ആണ് അപകടത്തില്‍പ്പെട്ടത്. സ്റ്റാന്‍ഡില്‍നിന്നു പുറത്തേക്ക് ഇറങ്ങിയ ബസ് അതിവേഗം നിയന്ത്രണം നഷ്ടമായി ഓട്ടോറിക്ഷാ സ്റ്റാന്‍ഡിലേക്ക് ഇടിച്ചു കയറുകയായിരുന്നു. അപകടത്തില്‍നിന്നു ഓട്ടോഡ്രൈവര്‍മാര്‍ ഭാഗ്യംകൊണ്ട് പരിക്കേൽക്കാതെ രക്ഷപ്പെട്ടു. പാമ്പാടി പോലീസ് സ്ഥലത്തെത്തി മേൽനടപടി സ്വീകരിച്ചു.

കന്യാസ്ത്രീകളുടെ അറസ്റ്റ്: വ്യാപക പ്രതിഷേധം

എകെസിസി മുടിയൂര്‍ക്കര മുടിയൂര്‍ക്കര: ഛത്തീസ്ഗഡില്‍ മലയാളികളായ കന്യാസ്ത്രീകളെ പോലീസ് അറസ്റ്റ് ചെയ്തതില്‍ പ്രതിഷേധിച്ച് എകെസിസി മുടിയൂര്‍ക്കര യൂണിറ്റിന്‍റെയും വിവിധ സംഘടനകളുടെയും സംയുക്താഭിമുഖ്യത്തില്‍ പ്രതിഷേധ യോഗം ചേര്‍ന്നു. മെഡിക്കല്‍ കോളജ് കുരിശടിയില്‍ നടന്ന പ്രതിഷേധ കൂട്ടായ്മ വികാരി റവ.ഡോ. ഫിലിപ്പ് നെല്പുരപ്പറമ്പില്‍ ഉദ്ഘാടനം ചെയ്തു. എകെസിസി യൂണിറ്റ് പ്രസിഡന്‍റ് ജോസ് ജേക്കബ് പ്രമേയം അവതരിപ്പിച്ചു. സഹവികാരിമാരായ ഫാ. ജസ്റ്റിന്‍ പുത്തന്‍പുരയില്‍, ഫാ. ജെന്നി കായംകുളത്തുശേരില്‍, വിവിധ സംഘടനാ ഭാരവാഹികളായ ഡോ. റോസമ്മ സോണി, ജോസ് പാറയ്ക്കല്‍, ബേബിച്ചന്‍ മുകളേല്‍, ഷാജി സി. മുകളേല്‍, ബേബിച്ചന്‍ തടത്തേല്‍, അനു കാരക്കട, മറിയമ്മ പ്ലാത്താനം എന്നിവര്‍ പ്രസംഗിച്ചു. കെസിസി കോട്ടയം: ഛത്തീസ്ഗ‌ഡിലെ ദുര്‍ഗില്‍ മനുഷ്യക്കടത്ത് ആരോപിച്ച് മലയാളി കന്യാസ്ത്രീകളെ അറസ്റ്റ് ചെയ്തു ജയിലില്‍ അടച്ച സംഭവം മനഃസാക്ഷിക്ക് നിരക്കാത്തതും ഇന്ത്യന്‍ മതേതരത്വത്തെയും ഭരണഘടനയെയും വെല്ലുവിളിക്കുന്നതുമാണെന്ന് ക്‌നാനായ കത്തോലിക്കാ കോണ്‍ഗ്രസ്. പ്രസിഡന്‍റ് പി.എ. ബാബു പറമ്പടത്തുമലയുടെ അധ്യക്ഷതയില്‍ ചേര്‍ന്ന എക്‌സിക്യൂട്ടീവ് യോഗം ഭരണകൂടത്തിന്‍റെ മനുഷ്യത്വരഹിതമായ നടപടിയില്‍ ശക്തമായ പ്രതിഷേധം രേഖപ്പെടുത്തി. പ്രധാനമന്ത്രി ഇടപെടണം: മോന്‍സ് ജോസഫ് കോട്ടയം: സിസ്റ്റര്‍ പ്രീതി മേരിയെയും സിസ്റ്റര്‍ വന്ദനയെയും എത്രയും വേഗം ജയില്‍ മോചിതരാക്കുന്നതിനുവേണ്ടി പ്രധാനമന്ത്രി നരേന്ദ്രമോദിയും കേന്ദ്രസര്‍ക്കാരും നേരിട്ട് ഇടപെടണമെന്ന് മോന്‍സ് ജോസഫ് എംഎല്‍എ. കേരള കോണ്‍ഗ്രസിന്‍റെ ആഭിമുഖ്യത്തില്‍ കോട്ടയത്ത് നടത്തിയ പ്രതിഷേധ മാര്‍ച്ചും ഹെഡ് പോസ്റ്റോഫീസ് കൂട്ട ധര്‍ണയും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ജില്ലാ പ്രസിഡന്‍റ് ജയ്‌സണ്‍ ജോസഫ് അധ്യക്ഷത വഹിച്ച യോഗത്തില്‍ സംസ്ഥാന സെക്രട്ടറി ജനറല്‍ ജോയ് ഏബ്രഹാം മുഖ്യപ്രഭാഷണം നടത്തി. കോൺഗ്രസ് പള്ളിക്കത്തോട് മണ്ഡലം കമ്മിറ്റി പള്ളിക്കത്തോട്: ഛത്തീസ്ഗഡിൽ കന്യാസ്ത്രീകളെ അന്യായമായി ജയിലിൽ അടച്ചതിൽ പ്രതിഷേധിച്ചും വർഗീയത വിതയ്ക്കുന്ന ബജ്‌രംഗ് ദൾ സംഘടനയെ നിയന്ത്രിക്കണമെന്നമാവശ്യപ്പെട്ട് കോൺഗ്രസ് പള്ളിക്കത്തോട് മണ്ഡലം കമ്മിറ്റിയുടെ നേതൃത്വത്തിൽ വായമൂടിക്കെട്ടി പ്രതിഷേധ ധർണ നടത്തി. ഡിസിസി ജനറൽ സെക്രട്ടറി റോണി കെ. ബേബി ഉദ്ഘാടനം ചെയ്തു. മണ്ഡലം പ്രസിഡന്‍റ് ജോജി മാത്യു അധ്യക്ഷത വഹിച്ചു. നേതാക്കളായ സുനിൽ മാത്യു, സുമേഷ് നായർ, ബെന്നി ഒഴുക, സാജു തോമസ്, പ്രീതാ ബിജു, ബാബുക്കുട്ടൻ, പി.ജെ. ഏബ്രഹാം, അമ്പിളി രഞ്ജിത് എന്നിവർ പ്രസംഗിച്ചു. തൃണമൂല്‍ കോണ്‍ഗ്രസ് കോട്ടയം: ഛത്തീസ്ഗഡില്‍ മലയാളി കന്യാസ്ത്രീകളെ ജയിലിലടച്ചതിൽ പ്രതിഷേധിച്ച് തൃണമൂല്‍ കോണ്‍ഗ്രസ് ജില്ലാ കമ്മിറ്റിയുടെ ആഭിമുഖ്യത്തില്‍ കോട്ടയം ഹെഡ് പോസ്റ്റ് ഓഫീസ് പിടിക്കല്‍ നടന്ന സമരം തൃണമൂല്‍ കോണ്‍ഗ്രസ് ചീഫ് കോ ഓര്‍ഡിനേറ്റര്‍ സജി മഞ്ഞക്കടമ്പില്‍ ഉദ്ഘാടനം ചെയ്തു. ജില്ലാ ചീഫ് കോ ഓര്‍ഡിനേറ്റര്‍ ഗണേഷ് ഏറ്റുമാനൂര്‍ അധ്യക്ഷത വഹിച്ചു. പ്രഫ. ബാലു ജി. വെള്ളിക്കര, അന്‍സാരി ഈരാറ്റുപേട്ട, എം.എം. ഖാലിത്, ജോയി സി. കാപ്പന്‍ തുടങ്ങിയവര്‍ പ്രസംഗിച്ചു.

അന്താരാഷ്‌ട്ര കടുവദിനം ആചരിച്ചു

കോട്ടയം: ബസേലിയസ് കോളജ് നേച്ചര്‍ ക്ലബ്ബിന്‍റെ ആഭിമുഖ്യത്തില്‍ സുവോളജി വിഭാഗത്തിന്‍റെയും നാഷണല്‍ സര്‍വീസ് സ്‌കീമിന്‍റെയും സഹകരണത്തോടെ അന്താരാഷ്‌ട്ര കടുവദിനം ആചരിച്ചു. കോളജ് വൈസ് പ്രിന്‍സിപ്പല്‍ ഡോ.പി. ജ്യോതിമോള്‍ ഉദ്ഘാടനം ചെയ്തു. സുവോളജി വിഭാഗം മേധാവി ഡോ. വി. രജിത മുഖ്യസന്ദേശം നല്‍കി. നേച്ചര്‍ ക്ലബ്ബ് കോ-ഓര്‍ഡിനേറ്റര്‍ ഡോ. തോമസ് കുരുവിള, എന്‍എസ്എസ് പ്രോഗം ഓഫീസര്‍ ഡോ.എന്‍. കൃഷ്ണരാജ്, ഇര്‍ഫാന ഹബീബ് എന്നിവര്‍ പ്രസംഗിച്ചു.

ബസില്‍നിന്നു തെറിച്ചുവീണ് വീട്ടമ്മയ്ക്ക് പരിക്ക്

കോട്ടയം: സ്റ്റോപ്പില്‍ ഇറങ്ങുന്നതിനു മുന്നേ മുന്നോട്ടെടുത്ത ബസില്‍നിന്നു തെറിച്ചുവീണ് വീട്ടമ്മയ്ക്കു പരിക്കേറ്റു. കളത്തില്‍പ്പടി പുത്തന്‍പുറമ്പില്‍ ഓമന തമ്പാനാണ് (45) പരിക്കേറ്റത്. ഇന്നലെ രാവിലെ പുതുപ്പള്ളി -കഞ്ഞിക്കുഴി റോഡില്‍ കഞ്ഞിക്കുഴി കുരിശുപള്ളി ജംഗ്ഷനിലാണ് അപകടമുണ്ടായത്. കോട്ടയം-റാന്നി റൂട്ടിലോടുന്ന ധ്യാന്‍കൃഷ്ണ ബസിലാണ് സംഭവം. സ്റ്റോപ്പില്‍ നിര്‍ത്തിയ ബസില്‍നിന്ന് ഓമന ഇറങ്ങുന്നതിനുമുന്നേ ബെല്ലടിച്ച് ബസ് മുന്നോട്ടെടുക്കുകയായിരുന്നു. യാത്രക്കാരും സമീപത്തുള്ളവരും ബഹളമുണ്ടാക്കിയതോടെ ബസ് നിര്‍ത്തി. തലയിടിച്ചു റോഡിലേക്കു വീണ വീട്ടമ്മയെ ബസ് ജീവനക്കാര്‍ ജനറല്‍ ആശുപത്രിയില്‍ പ്രവേശിപ്പിച്ചു.

ലൂര്‍ദിയന്‍ ബാസ്‌കറ്റ്ബോള്‍ ടൂര്‍ണമെന്‍റിനു തുടക്കമായി

കോട്ടയം: ലൂര്‍ദ് പബ്ലിക് സ്‌കൂളിന്‍റെ ആഭിമുഖ്യത്തില്‍ നടക്കുന്ന 20-ാമത് ലൂര്‍ദിയന്‍ ഇന്‍റര്‍സ്‌കൂള്‍ ബാസ്‌കറ്റ് ബോള്‍ ടൂര്‍ണമെന്‍റിന് ലൂര്‍ദ് സ്‌കൂളിലെ ബിഷപ് ചാള്‍സ് ലവീഞ്ഞ് മെമ്മോറിയല്‍ ഇന്‍ഡോര്‍ സ്റ്റേഡിയത്തില്‍ തുടക്കമായി. ഉദ്ഘാടന മത്സരത്തില്‍ ആണ്‍കുട്ടികളുടെ വിഭാഗത്തില്‍ കോട്ടയം ലൂര്‍ദ് സ്‌കൂള്‍ ആലപ്പുഴ ലെയോ തേർട്ടീന്ത് സ്‌കൂളിനെ (52- 26) പരാജയപ്പെടുത്തി. രാവിലെ നടന്ന ആണ്‍കുട്ടികളുടെ വിഭാഗം മത്സരത്തില്‍ കുര്യനാട് സെന്‍റ് ആന്‍സ് സ്‌കൂള്‍ ആലപ്പുഴ ലെയോ തേർട്ടീന്ത് സ്‌കൂളിനെയും (39-32), കിളിമല എസ്എച്ച് സ്‌കൂള്‍ ഇരിഞ്ഞാലക്കുട ഡോണ്‍ ബോസ്‌കോ സ്‌കൂളിനെയും (60- 23 ), ചങ്ങനാശേരി എകെഎം സ്‌കൂള്‍ കോട്ടയം ഗിരിദീപം സ്‌കൂളിനെയും (48- 42 ) പരാജയപ്പെടുത്തി. പെണ്‍കുട്ടികളുടെ വിഭാഗത്തില്‍ കോട്ടയം എസ്എച്ച് മൗണ്ട് സ്‌കൂള്‍ ചങ്ങനാശേരി എസ്എച്ച് സ്‌കൂളിനെയും (18-5), കോട്ടയം മൗണ്ട് കാര്‍മല്‍ സ്‌കൂള്‍ ആലപ്പുഴ സെന്‍റ് മൈക്കിള്‍സ് സ്‌കൂളിനെയും (71 -16), കൊരട്ടി ലിറ്റില്‍ ഫ്ളവര്‍ സ്‌കൂള്‍ കിളിമല എസ്എച്ച് സ്‌കൂളിനെയും (30-08 ) പരാജയപ്പെടുത്തി. ടൂര്‍ണമെന്‍റ് ജില്ലാ നര്‍ക്കോട്ടിക് സെല്‍ ഡിവൈഎസ്പി എ.ജെ. തോമസ് ഉദ്ഘാടനം ചെയ്തു. സ്‌കൂള്‍ മാനേജര്‍ ഫാ. ജേക്കബ് വട്ടയ്ക്കാട്ട് അധ്യക്ഷത വഹിച്ചു. ലൂര്‍ദ് സ്‌കൂള്‍ പ്രിന്‍സിപ്പൽ ഫാ. തോമസ് പാറത്താനം, പിടിഎ പ്രസിഡന്‍റ് എസ്. ഗോപകുമാര്‍, വൈസ് പ്രിന്‍സിപ്പൽ ആന്‍സമ്മ ജോസഫ്, ട്രസ്റ്റി സിജോ സൈമണ്‍ എന്നിവര്‍ പ്രസംഗിച്ചു.

മിഷന്‍ലീഗ് അല്‍ഫോന്‍സാ തീര്‍ഥാടനം ഓഗസ്റ്റ് രണ്ടിന്

ചങ്ങനാശേരി: വിശുദ്ധ അല്‍ഫോന്‍സാമ്മയുടെ ജന്മഗൃഹത്തിലേക്കും കുടമാളൂര്‍ മേജര്‍ ആര്‍ക്കി എപ്പിസ്‌കോപ്പല്‍ തീര്‍ഥാടന കേന്ദ്രത്തിലേക്കും ചങ്ങനാശേരി അതിരൂപത ചെറുപുഷ്പ മിഷന്‍ലീഗിന്‍റെ ആഭിമുഖ്യത്തിലുള്ള 37-ാമത് അല്‍ഫോന്‍സാ തീര്‍ഥാടനം ഓഗസ്റ്റ് രണ്ടിന് നടത്തുമെന്നും ഇതിനുള്ള ഒരുക്കങ്ങള്‍ പൂര്‍ത്തിയായതായും ചെറുപുഷ്പ മിഷന്‍ലീഗ് അതിരൂപതാ ഡയറക്ടര്‍ റവ. ഡോ. വര്‍ഗീസ് പുത്തന്‍പുരയ്ക്കല്‍, അസിസ്റ്റന്‍റ് ഡയറക്ടര്‍ ഫാ. സെബാസ്റ്റ്യന്‍ മാമ്പറ, തീര്‍ഥാടന കണ്‍വീനര്‍ ജോണ്‍സണ്‍ കാഞ്ഞിരക്കാട്ട് എന്നിവര്‍ പത്രസമ്മേളനത്തില്‍ അറിയിച്ചു. ‘പ്രത്യാശയോടെ കുഞ്ഞുമിഷനറിമാര്‍’ എന്ന ആപ്തവാക്യവുമായി മിഷന്‍ലീഗ് അംഗങ്ങളുടെ നേതൃത്വത്തില്‍ നടത്തുന്ന തീര്‍ഥാടനത്തില്‍ പ്രായഭേദമെന്യേ പതിനായിരങ്ങള്‍ പങ്കെടുക്കും. രാവിലെ 5.30ന് അതിരമ്പുഴ, വെട്ടിമുകള്‍, ചെറുവാണ്ടൂര്‍, കോട്ടയ്ക്കപ്പുറം എന്നിവിടങ്ങളിൽനിന്ന് അതിരമ്പുഴ മേഖലയുടെ തീര്‍ഥാടനവും രാവിലെ 5.45ന് പാറേല്‍ മരിയന്‍ തീര്‍ഥാടനകേന്ദ്രത്തില്‍നിന്ന് ചങ്ങനാശേരി, തുരുത്തി മേഖലകളുടെ തീര്‍ഥാടനവും ആരംഭിക്കും. കുടമാളൂര്‍ മേഖലയിലെ വിവിധ ശാഖകളില്‍നിന്നുള്ള തീര്‍ഥാടകര്‍ 6.45ന് പനമ്പാലം സെന്‍റ് മൈക്കിള്‍സ് ചാപ്പലില്‍ എത്തും. കോട്ടയം സിഎംഎസ് ഹൈസ്‌കൂള്‍ ഗ്രൗണ്ടില്‍നിന്ന് രാവിലെ 8.45ന് കോട്ടയം, നെടുങ്കുന്നം, മണിമല, തൃക്കൊടിത്താനം ചെങ്ങന്നൂര്‍ മേഖലകളുടെ തീര്‍ഥാടനങ്ങളും 10.30ന് കുറുമ്പനാടം മേഖലയുടെ തീര്‍ഥാടനവും ആരംഭിക്കും. 33കിലോമീറ്റര്‍ കാല്‍നടയായി സഞ്ചരിക്കുന്ന ചങ്ങനാശേരി, തുരുത്തി മേഖലകളുടെ തീര്‍ഥാടനം ഉച്ചകഴിഞ്ഞ് രണ്ടിന് അല്‍ഫോന്‍സാ ജന്മഗൃഹത്തില്‍ എത്തിച്ചേരും. ആലപ്പുഴ, എടത്വാ, പുളിങ്കുന്ന്, ചമ്പക്കുളം, മുഹമ്മ മേഖലകളിലെ തീര്‍ഥാടകര്‍ വിശുദ്ധ ചാവറയച്ചന്‍റെ കബറിടം സ്ഥിതി ചെയ്യുന്ന മാന്നാനം ആശ്രമദേവാലയത്തില്‍ അന്നേദിവസം രാവിലെ 9.45ന് എത്തിച്ചേര്‍ന്ന് മധ്യസ്ഥപ്രാര്‍ഥനയില്‍ പങ്കെടുക്കും. തുടര്‍ന്ന് തീര്‍ഥാടകര്‍ കുടമാളൂരിലേക്ക് പദയാത്രയായി നീങ്ങും. അമ്പൂരി, തിരുവനന്തപുരം, കൊല്ലം-ആയൂര്‍ മേഖലകളില്‍നിന്നുള്ള തീര്‍ഥാടകരും വിവിധ സമയങ്ങളില്‍ എത്തിച്ചേരും. തീര്‍ഥാടകര്‍ക്കുള്ള നേര്‍ച്ചഭക്ഷണം കുടമാളൂര്‍ ഫൊറോനാ പള്ളിയില്‍ രാവില ഒമ്പതുമുതല്‍ വൈകുന്നേരം നാലുവരെ ക്രമീകരിച്ചിട്ടുണ്ട്. ബോബി തോമസ്, ടിന്‍റെ സെബാസ്റ്റ‍്യന്‍, എബിന്‍ ജോസഫ് എന്നിവരും പത്രസമ്മേളനത്തില്‍ പങ്കെടുത്തു. അല്‍ഫോന്‍സാ ജന്മഗൃഹത്തില്‍ പ്രത്യേക ശുശ്രൂഷകള്‍ തീര്‍ഥാടനദിനം രാവിലെ 7.15ന് അല്‍ഫോന്‍സാ ജന്മഗൃഹത്തില്‍ കുടമാളൂര്‍ മേജര്‍ ആര്‍ക്കി എപ്പിസ്‌ക്കോപ്പല്‍ തീര്‍ഥാടനകേന്ദ്രം ആര്‍ച്ച് പ്രീസ്റ്റ് റവ. ഡോ. ജോയി ജോര്‍ജ് മംഗലത്തില്‍ വിശുദ്ധ കുര്‍ബാനയ്ക്ക് മുഖ്യകാര്‍മികത്വം വഹിക്കും. ആര്‍ച്ച്ബിഷപ് എമരിറ്റസ് മാര്‍ ജോസഫ് പെരുന്തോട്ടം സന്ദേശം നല്കും. 9.45ന് വിശുദ്ധകുര്‍ബാന അതിരമ്പുഴ ഫൊറോനാ വികാരി ഫാ. മാത്യു പടിഞ്ഞാറേക്കുറ്റ്, സന്ദേശം - റവ. ഡോ. മാണി പുതിയിടം. ഉച്ചയ്ക്ക് 12ന് വിശുദ്ധകുര്‍ബാന - എടത്വാ മേഖല ഡയറക്ടര്‍ ഫാ. ഏലിയാസ് കരിക്കണ്ടത്തില്‍. സന്ദേശം: അതിരൂപത വികാരി ജനറാള്‍ മോണ്‍.സ്‌കറിയാ കന്യാകോണില്‍. പാറേല്‍ മരിയന്‍ തീര്‍ഥാടന കേന്ദ്രത്തില്‍നിന്നുമെത്തുന്ന തീര്‍ഥാടന പദയാത്രയെ ഉച്ചകഴിഞ്ഞ് രണ്ടിന് ചങ്ങനാശേരി ആര്‍ച്ച്ബിഷപ് മാര്‍ തോമസ് തറയില്‍ സ്വീകരിച്ച് സന്ദേശം നല്‍കും. വൈകുന്നേരം നാലിന് മിഷന്‍ലീഗ് ഡയറക്ടര്‍ റവ. ഡോ. വര്‍ഗീസ് പുത്തന്‍പുരയ്ക്കല്‍ വിശുദ്ധ കുര്‍ബാന അര്‍പ്പിക്കും. കുടമാളൂര്‍ പള്ളിയില്‍ രാവിലെ 10.30ന് മണിമല മേഖലാ ഡയറക്ടര്‍ ഫാ. ടോണി മണിയഞ്ചിറ വശുദ്ധ കുര്‍ബാന അര്‍പ്പിക്കും. അതിരൂപത വികാരി ജനറാള്‍ ഫാ. ആന്‍റണി എത്തയ്ക്കാട്ട് സന്ദേശം നല്കും. 12ന് കുറുമ്പനാടം മേഖലാ ഡയറക്ടര്‍ ഫാ. സെബാസ്റ്റ്യന്‍ കളത്തിപ്പറമ്പില്‍, ഉച്ചകഴിഞ്ഞ് 3.15ന് ചങ്ങനാശേരി മേഖലാ ഡയറക്ടര്‍ ഫാ. ജോസഫ് കുറശേരി എന്നിവര്‍ വിശുദ്ധ കുര്‍ബാന അര്‍പ്പിക്കും. മാന്നാനം ആശ്രമദേവാലയത്തില്‍ രാവിലെ 10.15ന് മാന്നാനം ആശ്രമം റെക്ടര്‍ ഫാ. കുര്യന്‍ ചാലങ്ങാടി പ്രാര്‍ഥന നയിക്കും. വാഹന പാര്‍ക്കിംഗ് ക്രമീകരണം വാഹനങ്ങള്‍ എംസി റോഡ്-ഗാന്ധിനഗര്‍വഴി മുടിയൂര്‍ക്കര പള്ളിക്കു സമീപം ചാഴികാടന്‍ റോഡില്‍ പാര്‍ക്ക് ചെയ്യണം. കുട്ടനാട് ആലപ്പുഴ റീജണില്‍നിന്നു തണ്ണീര്‍മുക്കം ബണ്ട് റോഡുവഴി വരുന്ന വാഹനങ്ങള്‍ കുട്ടോമ്പുറം- വില്ലൂന്നിവഴി മാന്നാനത്ത് കെഇ സ്‌കൂളിന് സമീപം ആളെ ഇറക്കി കെഇ സ്‌കൂള്‍ ഗ്രൗണ്ടില്‍ പാര്‍ക്ക് ചെയ്യണം. കോട്ടയം വഴി വരുന്ന വാഹനങ്ങള്‍ ഗാന്ധിനഗര്‍-മെഡിക്കല്‍ കോളജ് വഴിയോ അടിച്ചിറ-അമ്മഞ്ചേരി റോഡിലൂടെയോ മാന്നാനം കെഇ സ്‌കൂള്‍ ഗ്രൗണ്ടിലോ ചാഴികാടന്‍ റോഡിലോ പാര്‍ക്ക് ചെയ്യാം. കോട്ടയം ഭാഗത്തുനിന്നു തീര്‍ഥാടന കേന്ദ്രത്തിലേക്ക് നേരിട്ട് എത്തുന്ന ചെറിയ വാഹനങ്ങള്‍ കുടമാളൂര്‍ സെന്‍റ് ജോസഫ് ചാപ്പല്‍ ജംഗ്ഷനോട് ചേര്‍ന്നുള്ള ഗ്രൗണ്ടില്‍ പാര്‍ക്ക് ചെയ്യണം. വലിയ വാഹനങ്ങള്‍ അമ്പാടി ജംഗ്ഷന് മുമ്പ് തീര്‍ഥാടകരെയിറക്കി പുളിംചുവട് വഴി കുടമാളൂര്‍ കുമാരനല്ലൂര്‍ റോഡില്‍ പാര്‍ക്ക് ചെയ്യണം. മെഡിക്കല്‍ കോളജ് ഭാഗത്ത് നിന്നുള്ളവര്‍ അമ്പലക്കവലയില്‍ ഇറങ്ങി, വാഹനം ചാഴികാടന്‍ റോഡില്‍ പാര്‍ക്ക് ചെയ്യണം.

ഞാന്‍ അലറി വിളിച്ചോടി, അച്ഛന് ഓടിമാറാനായില്ല

സാന്‍റോ ജേക്കബ് മുണ്ടക്കയം: പാഞ്ഞടുത്ത കാട്ടാനയെക്കണ്ട് അച്ഛാ ഓടിക്കോ, ആന വരുന്നേ എന്ന് അലറി വിളിച്ചോടിയപ്പോള്‍ ആന എന്നെ വിട്ട് ടാപ്പിംഗ് നടത്തിക്കൊണ്ടിരുന്ന അച്ഛന്‍റെ നേരേ ഓടുകയായിരുന്നു. തുമ്പിക്കൈ ഉയര്‍ത്തി ആഞ്ഞടിച്ചതോടെ അച്ഛന്‍ റബര്‍ ചുവട്ടിലേക്ക് പിടഞ്ഞുവീണു. മുണ്ടക്കയം മതമ്പയില്‍ റബര്‍ ടാപ്പിംഗിനിടെ അച്ഛന്‍ പുരുഷോത്തന്‍ ദാരുണമായി മരിച്ചതിന്‍റെ ഓര്‍മകള്‍ വിളിപ്പാടകലെ ഒപ്പമുണ്ടായിരുന്ന മകന്‍ രാഹുല്‍ വേദനയോടെ ഓര്‍മിച്ചു. അച്ഛനെ അടിച്ചുവീഴ്ത്തിയശേഷം കാട്ടാന അതേ വേഗത്തിലോടി സമീപം ടിആര്‍ ആന്‍ഡ് ടി എസ്റ്റേറ്റിലെ കാട്ടിലേക്ക് മറഞ്ഞു. വനംപോലെ കാടു കയറിയ എസ്‌റ്റേറ്റില്‍നിന്ന് ആന എവിടേക്കു പോയെന്നറിയില്ല. ചുറ്റുപാടും തോട്ടങ്ങളായതിനാല്‍ വീടോ താമസക്കാരോ ഇല്ല. കുറച്ചകലെ കഴിഞ്ഞ ദിവസത്തെ കാറ്റില്‍ വീണ റബര്‍ മരങ്ങള്‍ മുറിക്കാനെത്തിയ തൊഴിലാളികളെ വിളിച്ചുകൂട്ടി അച്ഛനെ മുണ്ടക്കയം മെഡിക്കല്‍ ട്രസ്റ്റ് ആശുപത്രിയില്‍ എത്തിച്ചെങ്കിലും ജീവന്‍ നഷ്ടപ്പെട്ടിരുന്നു. കാലങ്ങളായി റബര്‍ പാട്ടത്തിനെടുത്ത് ടാപ്പിംഗ് നടത്തുകയാണ് തമ്പലക്കാട് കുറ്റിക്കാട്ട് പുരുഷോത്തമനും മക്കളും. മൂത്ത മകന്‍ പ്രശാന്ത് മലബാറില്‍ തോട്ടം പാട്ടത്തിനെടുത്ത് ടാപ്പിംഗ് നടത്തുന്നു. ഈ തൊഴിലില്‍നിന്ന് സാമാന്യം തൃപ്തികരമായ സാമ്പത്തിക നേട്ടമുണ്ടാക്കിയാണ് മതമ്പയില്‍ കറുകച്ചാല്‍ സ്വദേശിയുടെ തോട്ടം പാട്ടത്തിനെടുത്തത്. ഏപ്രിലില്‍ മരം എടുക്കുമ്പോള്‍ സമീപപ്രദേശത്ത് ആനശല്യമുള്ളതായി പറഞ്ഞുകേട്ടിരുന്നു. എന്നാല്‍ ഒരിക്കല്‍പോലും ആന തോട്ടത്തിലേക്ക് വരാതിരുന്നതിനാല്‍ പ്രശ്‌നമില്ലെന്ന് കരുതി. റബര്‍വില മെച്ചപ്പെട്ട സാഹചര്യത്തില്‍ പരമാവധി ദിവസം ടാപ്പിംഗ് നടത്തുകയായിരുന്നു. തമ്പലക്കാട്ടുനിന്നു വാനില്‍ തോട്ടത്തിലേക്ക് പോയി ടാപ്പിംഗ് നടത്തി ഉച്ചകഴിഞ്ഞ് ലാറ്റക്‌സും ഒട്ടുപാലുമായി മടങ്ങുകയായിരുന്നു പതിവ്. തിങ്കളാഴ്ച വൈകുന്നേരം പ്രദേശത്തിറങ്ങിയ കാട്ടാനക്കൂട്ടത്തെ വനപാലകര്‍ രാത്രി കാടുകയറ്റി വിട്ടിരുന്നു. അതില്‍നിന്ന് ഒറ്റ തിരിഞ്ഞ ആനയായിരിക്കും പുരുഷോത്തമനെ ആക്രമിച്ചതെന്നു സംശയിക്കുന്നു.

ചുറ്റും കാട്ടാനക്കൂട്ടം; ജീവിതം ഭയാനകം

മുണ്ടക്കയം: കാട്ടില്‍ കുറച്ചുകാലവും നാട്ടില്‍ ഏറെക്കാലവും എന്ന സ്ഥിതിയില്‍ പെരുവന്താനം പീരുമേട് മേഖലയില്‍ ഇരുപതിലേറെ ആനകളാണ് മനുഷ്യജീവന് ഭീഷണിയായിരിക്കുന്നത്. പ്രദേശത്തെ റബര്‍ തോട്ടങ്ങളിലൂടെയും മറ്റും കുട്ടിയാന ഉള്‍പ്പെടുന്ന സംഘം പാഞ്ഞുവരുന്ന ഭയാനക സാഹചര്യം. പുല്‍മേടുകളില്‍ തമ്പടിച്ചശേഷം പ്രദേശത്തെ കൃഷി ചവിട്ടിയരച്ച് കാടുകയറും. പിന്നീട് എസ്റ്റേറ്റുകളും വനവും താണ്ടി എട്ടു പത്തും കിലോമീറ്റര്‍ നടത്തം. രണ്ടു മോഴയാനകളും കൊലവിളിയുമായി മലയോരത്തുണ്ട്. ഒരു പതിറ്റാണ്ടു മുന്പുവരെ പീരുമേട് കൊക്കയാര്‍ വനമേഖലയിലായിരുന്നു ഇവയുടെ വാസം. അപൂര്‍വമായി മാത്രം നാട്ടിലേക്കിറങ്ങിയാലും പെട്ടെന്ന് ഉള്‍വലിയുക പതിവായിരുന്നു. അടുത്ത കാലത്തായി വീടുകള്‍ക്ക് സമീപവും കൃഷിയിടങ്ങളിലുമായിരിക്കുന്നു ഇവയുടെ വിളയാട്ടം. കാളകെട്ടി, കൊയ്നാട്, കോരുത്തോട്, മതമ്പ, മുറിഞ്ഞപുഴ, പുല്ലുമേട്, ചെന്നാപ്പാറ, കുഴിമാവ്, ബോധി, പ്ലാക്കത്തടം, അഴുത പ്രദേശങ്ങളിലൂടെയാണ് സഞ്ചാരം. പമ്പ, അഴുത, പുല്ലകയാര്‍ എന്നിവിടങ്ങളിലൂടെ നീന്തി പല കരകളിലും കയറി നാശമുണ്ടാക്കും. ജനവാസമേഖലകളില്‍ എത്തുമ്പോള്‍ പടക്കം പൊട്ടിച്ചും തീ കത്തിച്ചും ജനങ്ങള്‍ ഓടിക്കുകയാണു പതിവ്. തോട്ടങ്ങളിലെ ലയങ്ങള്‍ക്കുസമീപംവരെ രാത്രികാലങ്ങളില്‍ ആന ഇറങ്ങുന്നുണ്ട്. അപകടസാധ്യത മുന്നില്‍കണ്ടു വനാതിര്‍ത്തി മേഖലകളില്‍ രാത്രികാലങ്ങളില്‍ പലരും യാത്ര ഒഴിവാക്കുകയാണ്. വിദ്യാര്‍ഥികള്‍ സുരക്ഷതേടി ജീപ്പിലും മറ്റുമാണ് യാത്ര. ടിആര്‍ ആന്‍ഡ് ടി എസ്റ്റേറ്റിലെ റബര്‍ത്തോട്ടത്തിന് നടുവില്‍ വഴിമുടക്കിയും ചിന്നംവിളിച്ചും കാട്ടാനകള്‍ എത്തുന്നതോടെ പലരും ടാപ്പിംഗ് ഉപേക്ഷിച്ചുകഴിഞ്ഞു. മതമ്പ ടിആര്‍ ആന്‍ഡ് ടി എസ്റ്റേറ്റില്‍ ഇതേ ആനക്കൂട്ടം പലപ്പോഴും ടാപ്പിംഗ് തൊഴിലാളികള്‍ക്ക് ഭീഷണി ഉയര്‍ത്തുന്നു. എന്നാല്‍, വനംവകുപ്പിന്‍റെ ഭാഗത്തുനിന്ന് ആവശ്യമായ സുരക്ഷാ നടപടികള്‍ ഇല്ലാത്തതാണു വീണ്ടും ആളപായം ഉണ്ടാകാന്‍ കാരണമെന്നു പ്രദേശവാസികള്‍ ആരോപിക്കുന്നു. നഷ്ടപരിഹാരം ആവശ്യപ്പെട്ട് തർക്കം ഗാന്ധിനഗർ: ആന ചവിട്ടി മരണപ്പെട്ട പുരുഷോത്തമന്‍റെ കുടുംബത്തിന് നഷ്ടപരിഹാരം നൽകണമെന്ന് ആവശ്യപ്പെട്ട് മെഡിക്കൽ കോളജ് മോർച്ചറി പരിസരത്ത് രൂക്ഷതർക്കം അരങ്ങേറി. ഏറെ നേരത്തെ തർക്കത്തെ തുടർന്ന് ഫോറസ്റ്റ് അധികൃതർ 10 ലക്ഷം രൂപ നഷ്ടപരിഹാരം നൽകാമെന്ന് ഉറപ്പ് നൽകിയ ശേഷമാണ് മൃതദേഹം 6.50ന് കൊണ്ടുപോയത്. പുരുഷോത്തമന്‍റെ മൃതദേഹം പോസ്റ്റ്മോർട്ടം കഴിഞ്ഞ് പുറത്തിറക്കിയപ്പോൾ ബിജെപി ജില്ലാ വൈസ് പ്രസിഡന്‍റ് അഖിൽ രവീന്ദ്രന്‍റെ നേതൃത്വത്തിൽ, മൃതദേഹം കൊണ്ടുപോകണമെങ്കിൽ സർക്കാർ നഷ്ടപരിഹാര തുക നൽകണമെന്ന് ആവശ്യപ്പെട്ടു. ബഹളം രൂക്ഷമായതിനെ തുടർന്ന് സിപിഎം നേതാക്കളായ വേണു, പി.കെ. ഷാജി, ഹരിക്കുട്ടൻ എന്നിവർ സ്ഥലത്തെത്തി ഫോറസ്റ്റ് അധികൃതരുമായും തുടർന്ന് മന്ത്രി വി.എൻ. വാസവനുമായും ബന്ധപ്പെട്ടു. ഇതിനിടയിൽ എരുമേലി റെയ്ഞ്ച് ഓഫീസർ കെ.ഹരിലാൽ നഷ്ടപരിഹാരമായി 10 ലക്ഷം രൂപയാണ് വനംവകുപ്പ് നൽകാറുള്ളതെന്നും അത് പുരുഷോത്തമന്‍റെ കുടുംബത്തിനും നൽകുമെന്നും അറിയിച്ചു. രണ്ടു ദിവസത്തിനുള്ളിൽ ആദ്യ ഗഡുവായി അഞ്ചു ലക്ഷം നൽകാമെന്ന ഉറപ്പിന്മേൽ ബഹളം അവസാനിക്കുകയായിരുന്നു. നാലാമത്തെ അരുംകൊല... മുണ്ടക്കയം: കാട്ടാനക്കൂട്ടത്തിന്‍റെ ആക്രമണത്തിൽ കോട്ടയം ജില്ലാതിര്‍ത്തിയില്‍ ഇത് നാലാമത്തെ മരണം. 2024 മാര്‍ച്ച് അവസാനം കൃഷിയിടത്തിലിറങ്ങിയ കാട്ടാനയെ ഓടിക്കുന്നതിനിടയില്‍ തുലാപ്പള്ളി പുളിക്കുന്നത്തുമലയില്‍ ബിജു ദാരുണമായി കൊല്ലപ്പെട്ടു. അരുവിയില്‍ കുളിക്കാന്‍ പോയ പെരുവന്താനം ചെന്നാപ്പാറ പുത്തന്‍വീട്ടില്‍ സോഫിയയെ കാട്ടാന ചവിട്ടിക്കൊന്നത് കഴിഞ്ഞ ഫെബ്രുവരിയിലാണ്. സോഫിയയുടെ മരണത്തോടെ കുടുംബം പ്രദേശത്തുനിന്നു താമസം മാറ്റുകയും ചെയ്തു. പീരുമേട് മീന്‍മുട്ടി വനത്തില്‍ കഴിഞ്ഞ മാസം ആദിവാസി യുവതി സീത മരിച്ചത് കാട്ടാന ആക്രമണത്തിലാണെന്ന് കഴിഞ്ഞ ദിവസം സ്ഥിരീകരിച്ചിരുന്നു. നാല് പേരെ കൊലപ്പെടുത്തിയ ആനകളെ തുരത്തി വനം കയറ്റിവിടാന്‍ വനപാലകര്‍ക്ക് സാധിച്ചിട്ടില്ല. ഈ ആനകളെല്ലാം പ്രദേശത്ത് ഇപ്പോഴും നാശം വിതച്ച് ജനങ്ങള്‍ക്ക് ഭീഷണി ഉയര്‍ത്തുന്നു. കഴിഞ്ഞ ദിവസം മതമ്പയ്ക്കും കണയങ്കവയലിനും സമീപം കുട്ടിയാനകള്‍ ഉള്‍പ്പെടെ പതിനഞ്ച് ആനകള്‍ രണ്ടു ദിവസം കൃഷിയിടങ്ങളില്‍ തമ്പടിച്ചിരുന്നു. കണമലയ്ക്കു സമീപം വയോധികരായ രണ്ട് കര്‍ഷകരെ നാടിറങ്ങിയ കാട്ടുപോത്ത് കുത്തിക്കൊന്നത് രണ്ടു വര്‍ഷം മുന്‍പാണ്. മുണ്ടക്കയം ടിആര്‍ ആന്‍ഡ് ടി എസ്റ്റേറ്റില്‍ കാട്ടാനക്കൂട്ടം ടാപ്പിംഗ് തൊഴിലാളികള്‍ക്കുനേരേ പാഞ്ഞടുത്തതും തൊഴിലാളി സ്ത്രീ റബര്‍ ചുവടിനു സമീപം കടുവയെ കണ്ടതുമായ സംഭവങ്ങള്‍ക്കുശേഷവും വനംവകുപ്പ് നടപടികള്‍ സ്വീകരിക്കുന്നില്ല.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]