മു​ണ്ട​ക്ക​യം: ഓ​ട്ട​ത്തി​നി​ടെ കെ​എ​സ്ആ​ർ​ടി​സി ബ​സി​ൽനി​ന്നും തീ​യും പു​ക​യും ഉ​യ​ർ​ന്ന​ത് യാ​ത്ര​ക്കാ​രെ പ​രി​ഭ്രാ​ന്ത​രാ​ക്കി. ക​ട്ട​പ്പ​ന​യി​ൽനി​ന്നു കൊ​ട്ടാ​ര​ക്ക​ര​യ്ക്ക് പോ​കു​ക​യാ​യി​രു​ന്ന കെ​എ​സ്ആ​ർ​ടി​സി ബ​സി​ൽനി​ന്നു​മാ​ണ് തീ​യും പു​ക​യും ഉ​യ​ർ​ന്ന​ത്. ഇ​ന്ന​ലെ വൈ​കു​ന്നേ​രം നാ​ലോ​ടു​കൂ​ടി മു​ണ്ട​ക്ക​യം 35ാം മൈ​ലി​ന് സ​മീ​പ​മാ​യി​രു​ന്നു സം​ഭ​വം.

ഇ​റ​ക്ക​മി​റ​ങ്ങി​വ​ന്ന ബ​സി​ൽനി​ന്നു പു​കയുയ​രു​ന്ന​ത് ശ്ര​ദ്ധ​യി​ൽ​പ്പെ​ട്ട​തോ​ടെ ഡ്രൈ​വ​ർ വാ​ഹ​നം നി​ർ​ത്തു​ക​യാ​യി​രു​ന്നു. പി​ന്നീ​ട് യാ​ത്ര​ക്കാ​രെ സു​ര​ക്ഷി​ത​സ്ഥാ​ന​ങ്ങ​ളി​ലേ​ക്കു മാ​റ്റി​യ​ശേ​ഷം പോ​ലീ​സി​ലും ഫ​യ​ർ​ഫോ​ഴ്സി​ലും വി​വ​രം അ​റി​യി​ച്ചു. പെ​രു​വ​ന്താ​നം പോ​ലീ​സി​നൊ​പ്പം പീ​രു​മേ​ട്ടി​ൽനി​ന്നു​ള്ള അ​ഗ്നിര​ക്ഷാസേ​ന​യും സ്ഥ​ല​ത്തെ​ത്തി ബ​സി​ൽനി​ന്നു​യ​ർ​ന്ന തീ​യും പു​ക​യും കെ​ടു​ത്തി അ​പ​ക​ട​മൊ​ഴി​വാ​ക്കി.

യാ​ത്ര​ക്കാ​രെ മ​റ്റൊ​രു ബ​സി​ൽ ക​യ​റ്റിവി​ട്ട​ശേ​ഷം കേ​ടു​പാ​ട് സം​ഭ​വി​ച്ച ബ​സ് മ​റ്റൊ​രു സ്ഥ​ല​ത്തേ​ക്ക് മാ​റ്റി. സം​ഭ​വ​ത്തെത്തു​ട​ർ​ന്ന് ദേ​ശീ​യ​പാ​ത​യി​ൽ 15 മി​നി​റ്റോ​ളം ഗ​താ​ഗ​ത ത​ട​സ​വു​മു​ണ്ടാ​യി. കു​ത്തി​റ​ക്ക​വും കൊ​ടുംവ​ള​വു​ക​ളു​മു​ള്ള മു​ണ്ട​ക്ക​യ​ത്തി​നും കു​ട്ടി​ക്കാ​ന​ത്തി​നു​മി​ട​യി​ൽ മു​ന്പും നി​ര​വ​ധി വാ​ഹ​ന​ങ്ങൾക്ക് തീ​പി​ടിത്തമുണ്ടാ​യി​ട്ടു​ണ്ട്.