മൂ​ന്നാ​ർ: മൂ​ന്നാ​റി​നെ സ്നേ​ഹി​ച്ച് മൂ​ന്നാ​റി​ന്‍റെ മ​ണ്ണി​ൽ നി​ത്യ​നി​ദ്ര പ്രാ​പി​ച്ച വി​ശു​ദ്ധ ചൈ​ത​ന്യം മ​റ​ഞ്ഞി​ട്ട് ഇ​ന്ന് 109 വ​ർ​ഷം.​മൂ​ന്നാ​റി​നെ ഏ​റെ സ്നേ​ഹി​ക്കു​ക​യും തേ​യി​ല​ത്തോ​ട്ടം തൊ​ഴി​ലാ​ളി​ക​ൾ​ക്കു വേ​ണ്ടി ജീ​വ​ന​ർ​പ്പി​ക്കു​ക​യും ചെ​യ്ത സ്പാ​നി​ഷ് ക​ർ​മ​ലീ​ത്താ മി​ഷ​ണ​റി​യാ​യ ഫാ. ​അ​ൽ​ഫോ​ണ്‍​സ് 1916 മേ​യ് 23നാ​ണ് മ​രി​ച്ച​ത്.

മൂ​ന്നാ​റി​ൽ ജീ​വി​ച്ച് ഇ​വി​ടെ​ത്ത​ന്നെ മ​രി​ച്ച് സം​സ്ക​രി​ക്ക​പ്പെ​ട്ടെ​ങ്കി​ലും ഒ​രു ഫോ​ട്ടോ പോ​ലും ഇ​ല്ലാ​ത്ത​തി​നാ​ൽ ഫാ. ​അ​ൽ​ഫോ​ൻ​സി​നെ കാ​ണാ​നു​ള്ള ഭാ​ഗ്യം മൂ​ന്നാ​റി​ലെ പു​തി​യ ത​ല​മു​റ​യ്ക്കി​ല്ലാ​തെ പോ​യി. മൂ​ന്നാ​ർ മൗ​ണ്ട് കാ​ർ​മ​ൽ ബ​സി​ലി​ക്ക​യു​ടെ ഉ​ൾ​വ​ശ​ത്ത് അ​ദ്ദേ​ഹ​ത്തെ അ​ട​ക്കി​യി​രി​ക്കു​ന്ന ക​ല്ല​റ മാ​ത്ര​മാ​ണ് ഓ​ർ​മ​പ്പെ​ടു​ത്ത​ലാ​യി അ​വ​ശേ​ഷി​ക്കു​ന്ന​ത്.

അ​ദ്ദേ​ഹ​ത്തെ ഒ​രു പു​ണ്യ​പു​രു​ഷ​നാ​യി ക​രു​തു​ന്ന മൂ​ന്നാ​റി​ലെ ഇ​ന്ന​ത്തെ ത​ല​മു​റ പ്രാ​ർ​ഥ​ന​ക​ളോ​ടെ​യാ​ണ് ആ ​ക​ല്ല​റ​യ്ക്കു മു​ന്പി​ൽ മു​ട്ടു​കു​ത്തു​ന്ന​ത്.

1853 മാ​ർ​ച്ച് ഒ​ന്നി​ന് സ്പെ​യി​നി​ലെ വി​സ്ക​യ പ്ര​ദേ​ശ​ത്ത് മാ​ർ​ക്വി​ന​യി​ലാ​യി​രു​ന്നു ജ​ന​നം. ക​ർ​മ​ലീ​ത്താ സ​ഭാ വൈ​ദി​ക​നാ​യ​ശേ​ഷം മി​ഷ​ൻ പ്ര​വ​ർ​ത്ത​ന​ങ്ങ​ൾ​ക്കാ​യി 1883ൽ ​വ​രാ​പ്പു​ഴ​യി​ലെ പ​ള്ളി​പ്പു​റ​ത്ത് എ​ത്തി. അ​വി​ടെ സേ​വ​നം ചെ​യ്തു വ​രു​ന്ന​തി​നി​ടെ​യാ​ണ് മൂ​ന്നാ​റി​ലെ പാ​വ​പ്പെ​ട്ട തൊ​ഴി​ലാ​ളി​ക​ളെ​ക്കു​റി​ച്ച് അ​ദ്ദേ​ഹം അ​റി​യു​ന്ന​ത്.

ബ്രി​ട്ടീ​ഷ് അ​ധി​നി​വേ​ശ കാ​ല​ത്ത് മൂ​ന്നാ​റി​ൽ തേ​യി​ല തോ​ട്ട പ​ണി​ക​ൾ​ക്കാ​യും കെ​ട്ടി​ടം പ​ണി​ക​ൾ​ക്കാ​യും ത​മി​ഴ്നാ​ട്ടി​ൽ​നി​ന്നും ആ​യി​ര​ക്ക​ണ​ക്കി​ന് ആ​ളു​ക​ൾ ഇ​വി​ടെ എ​ത്തി​യി​രു​ന്നു. ഇ​വ​രു​ടെ ഇ​ട​യി​ൽ സേ​വ​നം ചെ​യ്യാ​ൻ ആ​ഗ്ര​ഹി​ച്ച അ​ദ്ദേ​ഹം 1897ൽ ​ദി​വ​സ​ങ്ങ​ളോ​ളം കാ​ൽ​ന​ട​യാ​യി സ​ഞ്ച​രി​ച്ച് മൂ​ന്നാ​റി​ൽ എ​ത്തി.

ഭാ​ഷ ഒ​രു ത​ട​സമാ​യി​രു​ന്നെ​ങ്കി​ലും ജാ​തി-​മ​ത-​ഭേ​ദ​മെ​ന്യേ അ​വ​രു​ടെ ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നാ​യി അ​ദ്ദേ​ഹം അ​ക്ഷീ​ണം യ​ത്നി​ച്ചു. തൊ​ഴി​ലാ​ളി​ക​ൾ​ക്ക് ആ​തു​ര​സേ​വ​നം ന​ൽ​കു​ന്ന​തി​നും അ​റി​വു പ​ക​രു​ന്ന​തി​നും പ്രാ​ധാ​ന്യം ന​ൽ​കി​യ അ​ദ്ദേ​ഹം ക​ന്പ​നി​യി​ൽ​നി​ന്നും പ്ര​ത്യേ​ക അ​നു​വാ​ദം വാ​ങ്ങി 1898ൽ ​ഒ​രു പ​ള്ളി സ്ഥാ​പി​ച്ചു. പി​ന്നീ​ട് സ്വ​ദേ​ശ​മാ​യ സ്പെ​യി​നി​ലേ​ക്കു പോ​ലും മ​ട​ങ്ങാ​ൻ കൂ​ട്ടാ​ക്കാ​തെ തൊ​ഴി​ലാ​ളി​ക​ളു​ടെ ഇ​ട​യി​ൽ ശു​ശ്രൂ​ഷ നി​ർ​വ​ഹി​ച്ചു പോ​ന്നു.

ഇ​തി​നി​ട​യി​ലാ​ണ് തൊ​ഴി​ലാ​ളി​ക​ളി​ൽ ബ്ലാ​ക്ക് മ​ലേ​റി​യ രോ​ഗം പ​ട​ർ​ന്നു​പി​ടി​ച്ച​ത്. അ​വ​രെ പ​രി​ച​രി​ച്ചു വ​രു​ന്ന​തി​നി​ട​യി​ൽ അ​തേ രോ​ഗം പി​ടി​പെ​ട്ട അ​ദ്ദേ​ഹം 1916 മേ​യ് 23ന് ​ഇ​ഹ​ലോ​ക​വാ​സം വെ​ടി​ഞ്ഞു. ക​ത്തോ​ലി​ക്കാ വി​ശ്വാ​സി​ക​ളും സു​ഹൃ​ത്തു​ക്ക​ളും ചേ​ർ​ന്നാ​ണ് അ​ദ്ദേ​ഹം സ്ഥാ​പി​ച്ച പ​ള്ളി​യി​ൽ​ത്ത​ന്നെ സം​സ്കാ​രം ന​ട​ത്തി​യ​ത്. ഈ ​പ​ള്ളി ക​ഴി​ഞ്ഞ വ​ർ​ഷം മേ​യ് 25ന് ​ബ​സി​ലി​ക്ക​യാ​യി ഉ​യ​ർ​ത്ത​പ്പെ​ട്ടു.