തൊ​ടു​പു​ഴ: ഇ​ന്ത്യ​ൻ സൈ​ന്യ​ത്തി​നെ​തി​രേ ദേ​ശവി​രു​ദ്ധ പ​രാ​മ​ർ​ശം ന​ട​ത്തി​യ കേ​സി​ൽ യു​വാ​വ് അ​റ​സ്റ്റി​ൽ. മ​ല​പ്പു​റം ഏ​റ​നാ​ട് കാ​ര​ക്കു​ന്ന് ചെ​റു​കാ​ട്ട് മു​ഹ​മ്മ​ദ് ന​സീ​മി​നെ (26) യാ​ണ് പോ​ലീ​സ് അ​റ​സ്റ്റ് ചെ​യ്ത​ത്. ഇ​ൻ​സ്റ്റ​ഗ്രാ​മി​ലൂ​ടെ​യാ​ണ് മു​ഹ​മ്മ​ദ് ദേ​ശവി​രു​ദ്ധ പ​രാ​മ​ർ​ശം ന​ട​ത്തി​യ​ത്. സം​ഭ​വ​ത്തി​ൽ പ​രാ​തി ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ൽ ഇ​ടു​ക്കി സൈ​ബ​ർ ക്രൈം ​പോ​ലീ​സ് സ്റ്റേ​ഷ​നി​ൽ കേ​സ് ര​ജി​സ്റ്റ​ർ ചെ​യ്തി​രു​ന്നു.

തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ മ​ല​പ്പു​റ​ത്തുനി​ന്നാ​ണ് പ്ര​തി​യെ പി​ടി​കൂ​ടി​യ​ത്. ജ​ന​ങ്ങ​ളെ മ​ത​ത്തി​ന്‍റെ പേ​രി​ൽ ഭി​ന്നി​പ്പി​ക്കാ​നും ഇ​ന്ത്യ​യു​ടെ പ​ര​മാ​ധി​കാ​രം, ഐ​ക്യം, അ​ഖ​ണ്ഡ​ത, സു​ര​ക്ഷ എ​ന്നി​വ​യെ അ​പ​ക​ട​പ്പെ​ടു​ത്തു​ക എ​ന്ന ഉ​ദ്ദേ​ശ്യത്തോ​ടു കൂ​ടി​യാ​ണ് പ്ര​തി സോ​ഷ്യ​ൽ മീ​ഡി​യ വ​ഴി ശ്ര​മി​ച്ച​തെ​ന്ന് പോ​ലീ​സ് പ​റ​ഞ്ഞു. ജി​ല്ലാ പോ​ലീ​സ് മേ​ധാ​വി ടി.​കെ. വി​ഷ്ണു പ്ര​ദീ​പി​ന്‍റെ നി​ർ​ദേ​ശാ​നു​സ​ര​ണം ഡി​സി​ആ​ർ​ബി ഡി​വൈ​എ​സ്പി കെ.​ആ​ർ. ബി​ജു​വി​ന്‍റെ മേ​ൽ​നോ​ട്ട​ത്തി​ൽ സൈ​ബ​ർ ക്രൈം ​പോ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ വി.​എ.​ സു​രേ​ഷും സം​ഘ​വു​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്. ഇ​ടു​ക്കി​യി​ലെ​ത്തി​ച്ച പ്ര​തി​യെ തൊ​ടു​പു​ഴ ജു​ഡീ​ഷൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കി.