മു​ട്ടം: ജ​ൽ​ജീ​വ​ൻ മി​ഷ​ൻ പ​ദ്ധ​തി​ക്കാ​യി പൈ​പ്പ് സ്ഥാ​പി​ക്കു​ന്ന​തി​ന് റോ​ഡി​ൽ കു​ഴി​യെ​ടു​ത്ത ഭാ​ഗ​ത്തെ ക്രാ​ഷ് ബാ​രി​യ​റി​ൽ ഇ​രു ച​ക്ര വാ​ഹ​നം ഇ​ടി​ച്ച് യാ​ത്രി​ക​ന് ഗു​രു​ത​ര​മാ​യി പ​രി​ക്കേ​റ്റു. മു​ട്ടം ശ​ങ്ക​ര​പ്പ​ള്ളി പ​ള്ളി​പ്പ​റ​ന്പി​ൽ മാ​ർ​ട്ടി​ൻ ജോ​സാ​ണ് (35) അ​പ​ക​ട​ത്തി​ൽ​പെ​ട്ട​ത്. വ്യാ​ഴാ​ഴ്ച രാ​ത്രി എ​ട്ടോ​ടെ മു​ട്ടം എം​വി​ഐ​പി ഓ​ഫീ​സി​ന് സ​മീ​പ​മാ​യി​രു​ന്നു അ​പ​ക​ടം.

ഹോ​ട്ട​ൽ ജീ​വ​ന​ക്കാ​ര​നാ​യ മാ​ർ​ട്ടി​ൻ തൊ​ടു​പു​ഴ​യി​ൽനി​ന്ന് വീ​ട്ടി​ലേ​ക്ക് പോ​കു​ന്പോ​ഴാ​യി​രു​ന്നു അ​പ​ക​ടം. ഗു​രു​ത​ര​മാ​യ പ​രി​ക്കു​ക​ളോ​ടെ മാ​ർ​ട്ടി​നെ തൊ​ടു​പു​ഴ​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്.

ജ​ൽ​ജീ​വ​ൻ മി​ഷ​ൻ പ​ദ്ധ​തി​യു​ടെ ഭാ​ഗ​മാ​യ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന സ്ഥ​ല​ത്ത് സ്ഥാ​പി​ച്ച ക്രാ​ഷ് ബാ​രി​യ​റി​ന് വാ​ഹ​ന​യാ​ത്ര​ക്കാ​ർ​ക്ക് മു​ന്ന​റി​യി​പ്പു ന​ൽ​കു​ന്ന​തി​നാ​യി റി​ഫ്ള​ക്ട​ർ സ്ഥാ​പി​ച്ചി​രു​ന്നി​ല്ല. ഇ​തു വ​ലി​യ അ​പ​ക​ട​ത്തി​ന് കാ​ര​ണ​മാ​കു​മെ​ന്ന് പ്ര​ദേ​ശ​ത്തെ ഓ​ട്ടോ, ടാ​ക്സി ഡ്രൈ​വ​ർ​മാ​ർ ഉ​ൾ​പ്പെടെ ജ​ൽ ജീ​വ​ൻ മി​ഷ​ൻ അ​ധി​കൃ​ത​രെ​യും ക​രാ​റു​കാ​രനെയും നി​ര​വ​ധി പ്രാ​വ​ശ്യം അ​റി​യി​ച്ചി​രു​ന്നെ​ങ്കി​ലും മു​ൻ​ക​രു​ത​ൽ ന​ട​പ​ടി​ക​ൾ സ്വീ​ക​രി​ച്ചി​രു​ന്നി​ല്ല.

പ്ര​ദേ​ശ​ത്ത് രാ​ത്രി​സ​മ​യം വ​ഴിവി​ള​ക്കു​ക​ൾ പ്ര​വ​ർ​ത്തി​ക്കു​ന്നി​ല്ലെ​ന്നും പ​റ​യു​ന്നു. ഇ​വി​ടു​ത്തെ അ​പ​ക​ടാ​വ​സ്ഥ പ​രി​ഹ​രി​ക്കാ​ൻ ത​യാ​റാ​കാ​ത്ത ജ​ൽ​ജീ​വ​ൻ മി​ഷ​ൻ അ​ധി​കൃ​ത​രു​ടെ ന​ട​പ​ടി​യി​ൽ വ്യാ​പ​ക​മാ​യ പ്ര​തി​ഷേ​ധ​മാ​ണ് ഉ​യ​രു​ന്ന​ത്. മാ​ർ​ട്ടി​ൻ ജോ​സി​നു​ണ്ടാ​യ അ​പ​ക​ടം അ​റി​യി​ച്ചി​ട്ടും അ​ധി​കൃ​ത​ർ തി​രി​ഞ്ഞുനോ​ക്കി​യി​ല്ലെ​ന്നും ആ​ക്ഷേ​പ​മു​ണ്ട്.