തോ​മ​സ് വ​ർ​ഗീ​സ്

അ​ടൂ​ർ: വേ​ഗ​ത്തി​ൽ ഓ​ടു​ന്ന ഒ​രാ​യി​രം ആ​ളു​ക​ൾ. അ​പ​ക​ട സൈ​റ​ണു​മാ​യി റ​ൺ​വേ നി​റ​ഞ്ഞ് വാ​ഹ​ന​ങ്ങ​ൾ. ഇ​രി​പ്പി​ട​ങ്ങ​ൾ വി​ട്ടൊ​ഴി​ഞ്ഞ് എ​ന്തു സം​ഭ​വി​ച്ചു​വെ​ന്ന ആ​കു​ല​ത​യി​ൽ പ​ര​ക്കം പാ​യു​ന്ന യാ​ത്ര​ക്കാ​ർ. മു​ന്ന​റി​യി​പ്പു​ക​ളു​മാ​യി വ​ഴി​യൊ​രു​ക്കി സു​ര​ക്ഷാ ജീ​വ​ന​ക്കാ​ർ.

അ​മ്മ മ​രി​ച്ച​തി​ന്‍റെ ദുഃ​ഖ​വു​മാ​യി നാ​ട്ടി​ലേ​ക്കു​ള്ള യാ​ത്ര​യ്ക്ക് കാ​ത്തി​രി​ക്കു​ന്ന​തി​നി​ടെ​ ഏ​ഴം​കു​ളം സ്വ​ദേ​ശി മി​നി ജി​ജി വ​ർ​ഗീ​സി​ന് ഇ​ന്ന​ലെ ഉ​ച്ച​ക​ഴി​ഞ്ഞ് 1.15നു​ശേ​ഷം അ​ഹ​മ്മ​ദാ​ബാ​ദ് വി​മാ​ന​ത്താ​വ​ള​ത്തി​ലെ കാ​ഴ്ച​ക​ൾ നി​ഴ​ൽ​പോ​ലെ മു​ന്പി​ലു​ണ്ട്.

ഏ​ഴം​കു​ള​ത്ത് ത​റ​യി​ൽ ജി​ജി വ​ർ​ഗീ​സി​ന്‍റെ ഭാ​ര്യ​യാ​യ മി​നി രാ​ജ​സ്ഥാ​നി​ൽ ജോ​ലി​യി​ലാ​ണ്. മി​നി​യു​ടെ മാ​താ​വ് കു​ഞ്ഞ​മ്മ ത​ങ്ക​ച്ച​ൻ ഇ​ന്ന​ലെ രാ​വി​ലെ​യാ​ണ് മ​രി​ച്ച​ത്. ഇ​ത​റി​ഞ്ഞു രാ​ജ​സ്ഥാ​നി​ൽ നി​ന്നു 380 കി​ലോ​മീ​റ്റ​റോ​ളം ടാ​ക്‌​സി​യി​ൽ യാ​ത്ര ചെ​യ്ത് അ​ഹ​മ്മ​ദാ​ബാ​ദ് വി​മാ​ന​ത്താ​വ​ള​ത്തി​ലെ​ത്തി അ​വി​ടെ​നി​ന്ന് തി​രു​വ​ന്ത​പു​ര​ത്തേ​ക്കു​ള്ള യാ​ത്ര​യ്ക്കു കാ​ത്തി​രി​ക്കു​ന്പോ​ഴാ​യി​രു​ന്നു അ​പ​ക​ടം.


പ​റ​ന്നു​യ​ർ​ന്ന വി​മാ​നം ഒ​രു അ​ഗ്നി​ഗോ​ളം പോ​ലെ ത​ക​ർ​ന്ന​ടി​യു​ന്ന കാ​ഴ്ച ക​ണ്ട് ഞെ​ട്ടി​ത്ത​രി​ച്ചുപോ​യെ​ന്ന് മി​നി. താ​നി​രു​ന്ന സ്ഥ​ല​ത്തി​ന് അ​ല്പം അ​ക​ലെ​യാ​യി ക​ഥ പ​റ​ഞ്ഞും ക​ളി​ച്ചും ചി‌​രി​ച്ചും ഇ​രു​ന്ന യാ​ത്ര​ക്കാ​രാ​ണ​ല്ലോ അ​ഗ്നി​ഗോ​ള​മാ​യി മാ​റി​യ​തെ​ന്ന​ത് മി​നി​ക്ക് ഓ​ർ​ക്കാ​നേ ക​ഴി​യു​ന്നി​ല്ല.

വി​മാ​ന​ങ്ങ​ളെ​ല്ലാം റ​ദ്ദാ​യ​തോ​ടെ തി​രു​വ​ന​ന്ത​പു​രം യാ​ത്ര​യ്ക്കാ​യി അ​ഹ​മ്മ​ദാ​ബാ​ദി​ൽ ത​ന്നെ കാ​ത്തി​രി​ക്കു​ക​യാ​ണ് മി​നി. ത​ന്നെ വീ​ട്ടി​ലേ​ക്ക് കൊ​ണ്ടു​വ​രാ​നാ​യി തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ലേ​ക്കു പു​റ​പ്പെ​ടാ​നി​രു​ന്ന ബ​ന്ധു​ക്ക​ളോ​ടു യാ​ത്ര റ​ദ്ദാ​യ വി​വ​രം മി​നി ത​ന്നെ ഉ​ച്ച​ക​ഴി​ഞ്ഞ​തോ​ടെ വി​ളി​ച്ചുപ​റ​ഞ്ഞു. ഇ​ന്നു രാ​വി​ലെ​യോ​ടെ വി​മാ​ന​ത്താ​വ​ള​ത്തി​ന്‍റെ പ്ര​വ​ർ​ത്ത​നം പു​ന​രാ​രം​ഭി​ക്കു​മെ​ന്നും തി​രു​വ​ന​ന്ത​പു​രം വി​മാ​നം ഉ​ണ്ടാ​കു​മെ​ന്നാ​ണ് അ​ധി​കൃ​ത​ർ അ​റി​യി​ച്ചി​രി​ക്കു​ന്ന​ത്.