പെ​രി​ന്ത​ൽ​മ​ണ്ണ: പെ​രി​ന്ത​ൽ​മ​ണ്ണ ജി​ല്ലാ ആ​ശു​പ​ത്രി​യി​ലെ ഡ​യാ​ലി​സി​സ് യ​ന്ത്ര​ങ്ങ​ളു​ടെ ത​ക​രാ​റും ആ​വ​ശ്യ​ത്തി​ന് ജീ​വ​ന​ക്കാ​ർ ഇ​ല്ലാ​ത്ത​തും നി​ർ​ധ​ന​രാ​യ ഡ​യാ​ലി​സി​സ് രോ​ഗി​ക​ൾ​ക്ക് പ്ര​യാ​സം സൃ​ഷ്ടി​ക്കു​ന്നു. 2021 ഫെ​ബ്രു​വ​രി​യി​ലാ​ണ് പെ​രി​ന്ത​ൽ​മ​ണ്ണ ജി​ല്ലാ ആ​ശു​പ​ത്രി​യി​ൽ സൗ​ജ​ന്യ ഡ​യാ​ലി​സ് സം​വി​ധാ​നം ആ​രം​ഭി​ച്ച​ത്. ഇ​തി​നാ​യി പ്ര​ത്യേ​ക വാ​ർ​ഡ് ക്ര​മീ​ക​രി​ച്ച് ഒ​ന്പ​ത് ഡ​യാ​ലി​സി​സ് മെ​ഷീ​നു​ക​ളും സ്ഥാ​പി​ച്ചു.

അ​ന്ന​ത്തെ ആ​രോ​ഗ്യ മ​ന്ത്രി കെ.​കെ. ശൈ​ല​ജ​യാ​യി​രു​ന്നു ഡ​യാ​ലി​സ് യൂ​ണി​റ്റു​ക​ളു​ടെ ഉ​ദ്ഘാ​ട​നം നി​ർ​വ​ഹി​ച്ച​ത്. തു​ട​ക്ക​ത്തി​ൽ നാ​ല് ടെ​ക്നീ​ഷ്യ​ൻ​മാ​രും ര​ണ്ട്, ക്ലീ​നിം​ഗ് സ്റ്റാ​ഫും ഡ​യാ​ലി​സ് യൂ​ണി​റ്റി​ൽ സേ​വ​ന​മ​നു​ഷ്ഠ​ച്ചി​രു​ന്നു. ഇ​തു​മൂ​ലം ര​ണ്ട് ഷി​ഫ്റ്റി​ലാ​യി പ​ര​മാ​വ​ധി രോ​ഗി​ക​ൾ​ക്ക് ഡ​യാ​ലി​സി​സ് ന​ട​ത്താ​ൻ ക​ഴി​ഞ്ഞി​രു​ന്നു. ഇ​പ്പോ​ൾ ര​ണ്ട് യ​ന്ത്ര​ങ്ങ​ൾ ത​ക​രാ​റി​ലാ​ണ്. ടെ​ക്നീ​ഷ്യ​ൻ​മാ​രു​ടെ എ​ണ്ണം മൂ​ന്നും.

ക്ലീ​നിം​ഗി​നാ​യി ഒ​രാ​ളെ മാ​ത്രം വി​ട്ടു​കൊ​ടു​ക്കു​ക​യു​മാ​ണ്. അ​തി​നാ​ൽ ഒ​രാ​ൾ​ക്ക് നാ​ല് മ​ണി​ക്കൂ​ർ വ​രെ ന​ട​ത്തേ​ണ്ട ഡ​യാ​ലി​സി​സ് ഇ​പ്പോ​ൾ മൂ​ന്ന് മ​ണി​ക്കൂ​റാ​ക്കി ചു​രു​ക്കി​യ​താ​യി വ്യാ​പ​ക പ​രാ​തി​യാ​ണ് ഉ​യ​രു​ന്ന​ത്. നാ​ല് മ​ണി​ക്കൂ​ർ നേ​രം ല​ഭി​ക്കേ​ണ്ട ഡ​യാ​ലി​സി​സ് മൂ​ന്ന് മ​ണി​ക്കൂ​റാ​ക്കി ചു​രു​ക്കു​ന്ന​തി​നാ​ൽ രോ​ഗി​ക​ൾ​ക്ക് വീ​ണ്ടും ശാ​രീ​രി​ക വി​ഷ​മ​ത​ക​ൾ നേ​രി​ടേ​ണ്ടി വ​രു​ന്നു​ണ്ട്. ആ​ഴ്ച​യി​ൽ മൂ​ന്നും നാ​ലും ദി​വ​സ​ങ്ങ​ൾ വീ​തം ഡ​യാ​ലി​സി​സ് ചെ​യ്ത് ജീ​വ​ൻ നി​ല​നി​ർ​ത്തേ​ണ്ട രോ​ഗി​ക​ൾ​ക്ക് മൂ​ന്ന് മ​ണി​ക്കൂ​റി​ലേ​ക്ക് ചു​രു​ക്കു​ന്ന​ത് പ്ര​ശ്ന​ങ്ങ​ൾ സൃ​ഷ്ടി​ക്കാ​നി​ട​യു​ണ്ട്.

നാ​ല് ടെ​ക്നീ​ഷ്യ​ൻ​മാ​രി​ൽ ഒ​രാ​ൾ ഒ​രാ​ഴ്ച മു​ന്പ് സ്ഥ​ലം മാ​റി പോ​യി. പ​ക​രം ആ​ൾ വ​ന്നി​ല്ല. ഇ​തി​നി​ടെ ര​ണ്ട് ഡ​യാ​ലി​സി​സ് യ​ന്ത്ര​ങ്ങ​ളു​ടെ ബോ​ർ​ഡ് ത​ക​രാ​റാ​യ​ത് നേ​രെ​യാ​ക്കാ​ൻ എ​റ​ണാ​കു​ള​ത്തേ​ക്ക് അ​യ​ച്ച​ത് എ​ത്താ​ൻ താ​മ​സം നേ​രി​ടു​ന്നു. ക്ലീ​നിം​ഗ് ജീ​വ​ന​ക്കാ​രി​ൽ ഒ​രാ​ളെ മാ​റ്റി​യ​തി​നാ​ൽ ശു​ചീ​ക​ര​ണ ജോ​ലി​ക​ളും അ​വ​താ​ള​ത്തി​ലാ​ണ്.