‌അ​ജി വ​ള്ളി​ക്കീ​ഴ്

കൊ​ല്ലം: ദ്ര​വി​ച്ച് നി​ലംപൊ​ത്താ​റാ​യ കെ​ട്ടി​ട​ത്തി​ലാ​ണ് കൊ​ല്ല​ത്ത് കെഎ​സ്ആ​ർടിസി ഡിപ്പോ യുടെ പ്ര​വ​ർ​ത്ത​നം. ഡി​പ്പോ​യ്ക്ക് പു​തി​യ കെ​ട്ടി​ടം പ​ണി​യു​ന്നു​ണ്ടെ​ന്നു സ്ഥ​ലം എംഎ​ൽഎ​യും കെഎ​സ്ആ​ർടിസി​യും പ​റ​യാ​ൻ തു​ട​ങ്ങി​യി​ട്ട് കാ​ല​മേ​റെ​യാ​യി. ശ​ക്ത​മാ​യ മ​ഴ​യോ കാ​റ്റോ ഉ​ണ്ടാ​യാ​ൽ ദ്ര​വി​ച്ചു തു​ട​ങ്ങി​യ കെ​ട്ടി​ട ഭാ​ഗ​ങ്ങ​ൾ യാ​ത്ര​ക്കാ​രു​ടെ​യും ജീ​വ​ന​ക്കാ​രു​ടെ​യും മേ​ൽ വീ​ഴു​മെ​ന്ന അ​വ​സ്ഥ​യാ​ണ് ബ​സ് ഡി​പ്പോ​യ്ക്ക് ഇ​പ്പോ​ഴു​ള്ള​ത്.

മു​ൻ വ​ർ​ഷ​ങ്ങ​ളി​ലെ ബ​ജ​റ്റി​ൽ ഡി​പ്പോ ആ​ധു​നി​ക രീ​തി​യി​ൽ പു​ന​ർ നി​ർ​മി​ക്കാ​ൻ കോ​ടി​ക​ൾ അ​നു​വ​ദി​ച്ച​ത​ല്ലാ​തെ ഒ​ന്നും ന​ട​ന്നി​ല്ല. ത​ന്‍റെ എംഎ​ൽഎ ​ഫ​ണ്ടി​ൽ നി​ന്ന് 15 കോ​ടി അ​നു​വ​ദി​ച്ചി​ട്ടു​ണ്ടെ​ന്ന് എം. ​മു​കേ​ഷ് പ​റ​ഞ്ഞി​രു​ന്നു. 2025 ൽ ​കെഎ​സ്ആ​ർടി ​സി ഡി​പ്പോ നി​ർ​മാ​ണം ആ​രം​ഭി​ക്കു​മെ​ന്ന് എ​ട്ടു മാ​സ​ങ്ങ​ൾ​ക്കു​ള്ളി​ൽ മൂ​ന്നു ത​വ​ണ​യാ​ണ് എം ​എ​ൽ എ ​പ​റ​ഞ്ഞ​ത്. കെ​ട്ടി​ടം പു​ന​ർ നി​ർ​മി​ക്കാ​നാ​ണു പ​ദ്ധ​തി എ​ന്ന​തി​നാ​ൽ കെ​ട്ടി​ട​ത്തി​ന് ആ​വ​ശ്യ​മാ​യ അ​റ്റ​കു​റ്റ​പ്പ​ണി​ക​ൾ പോ​ലും ന​ട​ത്താ​തെ വ​ന്ന​തോ​ടെ കെ​ട്ടി​ടം തീ​ർ​ത്തും അ​പ​ക​ടാ​വ​സ്ഥ​യി​ലാ​ണ്.

പു​തി​യ കെ​ട്ടി​ട നി​ർ​മാ​ണ പ്ലാ​ൻ ത​യാ​റാ​ക്കി ക​ഴി​ഞ്ഞെ​ന്നു മൂ​ന്നു മാ​സ​ങ്ങ​ൾ​ക്ക് മു​ൻ​പ് എംഎ​ൽഎ ​പ​റ​ഞ്ഞി​രു​ന്ന​താ​ണ്. എ​ന്നാ​ൽ ഇ​തുവ​രെ ഡി​പ്പോ കെ​ട്ടി​ട പ്ലാ​ൻ പോ​ലും ആ​യി​ട്ടി​ല്ലെ​ന്ന​താ​ണ് യാ​ഥാ​ർ​ഥ്യം. ബ​സ് ഡി​പ്പോ​ക്ക് ഏ​തു രീ​തി​യി​ലു​ള്ള ഫൗ​ണ്ടേ​ഷ​ൻ വേ​ണ​മെ​ന്ന കാ​ര്യ​ത്തി​ൽ പോ​ലും സ​ത്യ​ത്തി​ൽ തീ​രു​മാ​നം ആ​യി​ട്ടി​ല്ല. ഏ​ത് ഫൗ​ണ്ടേ​ഷ​ൻ വേ​ണ​മെ​ന്ന് തീ​രു​മാ​നി​ക്കും മു​ൻ​പ് ന​ട​ത്തേ​ണ്ട മണ്ണ് പരിശോധന ന​ട​പ​ടി​ക​ൾ പൂ​ർ​ത്തി​യാ​യി​ട്ടി​ല്ല.

മ​ണ്ണ് പ​രി​ശോ​ധ​ന​ക്ക് സ്വ​കാ​ര്യ ക​മ്പ​നി​യെ ആ​ണ് ചു​മ​ത​ല ഏ​ൽ​പ്പി​ച്ചി​രി​ക്കു​ന്ന​ത്. ഈ ​പ​രി​ശോ​ധ​ന​യു​ടെ പേ​രി​ൽ മൂ​ന്നു മാ​സ​ങ്ങ​ളാ​ണ് ത​ള്ളി നീ​ക്ക​പ്പെ​ട്ട​ത്. പ​രി​ശോ​ധ​ന ഫ​ലം വ​ന്ന​ശേ​ഷ​മാ​ണ് ഫൗ​ണ്ടേ​ഷ​ൻ എ​ങ്ങ​നെ വേ​ണ​മെ​ന്ന് തീ​രു​മാ​നി​ക്കു​ക.

തു​ട​ർ​ന്ന് മാ​ത്ര​മേ ടെ​ണ്ട​ർ ന​ട​പ​ടി​ക​ളി​ലേ​ക്ക് ക​ട​ക്കാ​ൻ ക​ഴി​യൂ. ഒ​ക്‌ടോ​ബ​ർ മാ​സ​ത്തി​ൽ ത​ദ്ദേ​ശ തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ചാ​ൽ പി​ന്നെ ടെ​ണ്ട​ർ ന​ട​പ​ടി​ക​ളി​ലേ​ക്കും നി​ർ​മാ​ണ​പ്ര​വ​ർ​ത്ത​ന​ങ്ങ​ളി​ലേ​ക്കും ക​ട​ക്കാ​നും ആ​വി​ല്ല. ത​ദ്ദേ​ശ തെ​ര​ഞ്ഞെ​ടു​പ്പും തു​ട​ർ​ന്ന് ന​ട​ക്കു​ന്ന നി​യ​മ​സ​ഭ തെ​ര​ഞ്ഞെ​ടു​പ്പ് ക​ഴി​യും വ​രെ കെ ​എ​സ് ആ​ർ ടി ​സി ഡി​പ്പോ നി​ർ​മാ​ണം ആ​രം​ഭി​ക്കി​ല്ലെ​ന്ന സൂ​ച​യാ​ണ് ഇ​ത് ന​ൽ​കു​ന്ന​ത്.

കെ​എ​സ്ആ​ർ​ടി​സി ഡി​പ്പോ സ്ഥി​തി ചെ​യ്യു​ന്ന കോ​മ്പൗ​ണ്ട് ദ്ര​വി​ച്ചു കൊ​ണ്ടി​രി​ക്കു​ന്ന കെ​ട്ടി​ട അ​വ​ശി​ഷ്ട​ങ്ങ​ൾ കൊ​ണ്ട് നി​റ​യു​ക​യാ​ണ്. കെ​ട്ടി​ട അ​വ​ശി​ഷ്ട​ങ്ങ​ളും മാ​ലി​ന്യ​വും ത​ക​ർ​ന്ന കോ​ൺ​ക്രീ​റ്റ് സ്ലാ​ബു​ക​ളും ആ​ണ് എ​വി​ടെ​യും. യാ​ത്ര​ക്കാ​ർ​ക്ക് ഇ​രി​ക്കു​ക​യും ബ​സ് കാ​ത്ത് നി​ന്ന് തി​രി​യാ​നു​ള്ള അ​ൽ​പമാ​ത്ര സ്ഥ​ല​ത്തി​ന്‍റെ​ മേ​ൽ​ക്കൂ​ര ത​ക​ർ​ന്നു ക​മ്പി​ക​ൾ​ക്കി​ട​യി​ലൂ​ടെ കോ​ൺ​ക്രീ​റ്റ് ക​ഷ്ണ​ങ്ങ​ൾ യാ​ത്ര​ക്കാ​ര​ന്‍റെ മേ​ൽ വീ​ണ സം​ഭ​വം വ​രെ ഉ​ണ്ടാ​യി​ട്ടു​ണ്ട്.

കെ​എ​സ്ആ​ർ​ടി​സി ഓ​ഫീ സും ഡി​പ്പോ​യും താ​ലൂ​ക്ക് ഓ​ഫീ സ് ജം​ഗ്ഷ​നി​ലേ​ക്ക് മാ​റ്റാ​നാ​യി​ട്ടാ​ണ് പു​തി​യ പ​ദ്ധ​തി​യി​ൽ വി​ഭാ​വ​നം ചെ​യ്തി​ട്ടു​ള്ള​ത്. നി​ല​വി​ൽ ഡി​പ്പോ പ്ര​വ​ർ​ത്തി​ക്കു​ന്ന സ്ഥ​ലം വി​നോ​ദ സ​ഞ്ചാ​ര കേ​ന്ദ്ര​മാ​യി വി​ക​സി​പ്പി​ക്കാ​നാ​ണ് തീ​രു​മാ​നം. കെ​എ​സ്ആ​ർ​ടി​സി​യു​ടെ കാ​ന്‍റീ​ൻ പ്ര​വ​ർ​ത്തി​ക്കു​ന്ന സ്ഥ​ല​ത്ത് മൂ​ന്നുനി​ല കെ​ട്ടി​ടം നി​ർ​മി​ച്ച് ഓ​ഫീ സ് അ​വി​ടേ​ക്ക് മാ​റ്റു​ക​യും നി​ല​വി​ൽ ഗാ​രേ​ജ് പ്ര​വ​ർ​ത്തി​ക്കു​ന്ന സ്ഥ​ല​ത്തേ​ക്കു ഡി​പ്പോ മാ​റ്റാ​നും ആ​യി എ​ട്ടു കോ​ടി രൂ​പ​യു​ടെ പ​ദ്ധ​തി​യാ​ണ് ആ​ദ്യം ആ​ലോ​ചി​ക്കു​ന്ന​ത്.

ഇ​ക്കാ​ര്യ​ത്തി​ൽ മാ​റ്റം വ​രു​ത്തി​യാ​ണ് ഓ​ഫീസ്, ഡി​പ്പോ, ഗാ​രി​ജ് ഉ​ൾ​പ്പെ​ടെ മു​ഴു​വ​ൻ സം​വി​ധാ​ന​വും താ​ലൂ​ക്ക് ഓ​ഫീസ് ജം​ഗ്ഷ​നി​ൽ നി​ല​വി​ൽ ഗാ​രേജ് പ്ര​വ​ർ​ത്തി​ക്കു​ന്ന സ്ഥ​ല​ത്തേ​ക്കു മാ​റ്റാ​ൻ പ​ദ്ധ​തി ത​യാ​റാ​ക്കി​യി​ട്ടു​ള്ള​ത്. വ​കു​പ്പ് മ​ന്ത്രി​യു​ടെ നി​ർ​ദേ​ശം കൂ​ടി പ​രി​ഗ​ണി​ച്ച് ത​യാ​റാ​ക്കി​യ 16 കോ​ടി രൂ​പ ചെ​ല​വു പ്ര​തീ​ക്ഷി​ക്കു​ന്ന പ​ദ്ധ​തി​യാ​ണ് ക​ഴി​ഞ്ഞ മൂ​ന്നു മാ​സ​ങ്ങ​ളാ​യി മ​ണ്ണ് പ​രി​ശോ​ധ​ന​യി​ൽ കു​രു​ങ്ങി കി​ട​ക്കു​ന്ന​ത്.

ഗാ​രേ​ജ് പ്ര​വ​ർ​ത്തി​ക്കു​ന്ന​ത് 1.73 ഏ​ക്ക​ർ സ്ഥ​ല​ത്താ​ണ്. ഇ​തി​നു​ള്ളി​ൽ ത​ന്നെ ഡി​പ്പോ​യും ഗാ​രേ​ജും ഒ​രു​ക്കും. അ​ഷ്ട​മു​ടി​ക്കാ​യ​ൽ തീ​ര​ത്ത് ഡി​പ്പോ പ്ര​വ​ർ​ത്തി​ക്കു​ന്ന സ്ഥ​ലം വി​നോ​ദ സ​ഞ്ചാ​ര കേ​ന്ദ്ര​മാ​യി വി​ക​സി​പ്പി​ക്കു​ന്ന​തി​നു വേ​ണ്ടി കാ​ന്‍റീ​ൻ നി​ൽ​ക്കു​ന്ന സ്ഥ​ലം കൂ​ടി കി​ഫ്ബി ആ​വ​ശ്യ​പ്പെ​ട്ട​തോ​ടെ​യാ​ണ് നി​ല​വി​ൽ ഗാ​രേ​ജ് പ്ര​വ​ർ​ത്തി​ക്കു​ന്ന സ്ഥ​ല​ത്തേ​ക്ക് ഡി​പ്പോ മാ​റ്റാ​ൻ തീ​രു​മാ​നി​ച്ച​ത്.​സ്ഥ​ല പ​രി​മി​തി മൂ​ല​മാ​ണ് ഗാ​രേ​ജ് ഡി​പ്പോ​യ്ക്കാ​യി നി​ർ​മി​ക്കു​ന്ന കെ​ട്ടി​ട​ത്തി​ന്‍റെ താ​ഴ​ത്തെ നി​ല​യി​ൽ ത​ന്നെ സ്ഥാ​പി​ക്കാ​ൻ തീ​രു​മാ​ന​മെ​ടു​ത്ത​ത്.

ഭൂ​മി​ക്ക​ടി​യി​ൽ ഒ​രുനി​ല ഉ​ൾ​പ്പെ​ടെ മൂ​ന്നുനി​ല കെ​ട്ടി​ടം നി​ർ​മി​ക്കാ​നു​ള്ള പ്ലാ​നാ​ണ് ത​യാ​റാ​കു​ന്ന​ത്. ഈ ​വി​ക​സ​ന​ങ്ങ​ളൊ​ക്കെ യാ​ഥാ​ർ​ഥ്യ​മാ​യാ​ലും ലി​ങ്ക് റോ​ഡി​ലും മ​റ്റു​മാ​യി ബ​സ് പാ​ർ​ക്ക് ചെ​യ്യു​ന്ന അ​വ​സ്ഥ​യ്ക്ക് അ​പ്പോ​ഴും സ്ഥ​ല പ​രി​മി​തി മൂ​ലം പ​രി​ഹാ​രം ഉ​ണ്ടാ​വി​ല്ലെ​ന്ന​താ​ണ് എ​ടു​ത്ത് പ​റ​യേ​ണ്ടി വ​രു​ന്ന​ത്.

ആ​ധു​നി​ക സൗ​ക​ര്യ​ങ്ങ​ളോ​ടു കൂ​ടി​യ ഡി​പ്പോ​യാ​ണ് ല​ക്ഷ്യം. കോ​ഫി ഷോ​പ്പ് ഉ​ൾ​പ്പെ​ടെ​യു​ള്ള സം​വി​ധാ​ന​ങ്ങ​ൾ അ​തി​ൽ ഒ​രു​ക്കും. താ​ഴ​ത്തെ നി​ല പൂ​ർ​ണ​മാ​യി ഉ​പ​യോ​ഗി​ക്കാ​ൻ ക​ഴി​യു​ന്ന​തി​നാ​ൽ ഗാ​രേ​ജ് ചാ​ത്ത​ന്നൂ​രി​ലേ​ക്കു മാ​റ്റു​ന്ന​ത് ഒ​ഴി​വാ​ക്കാ​ൻ ക​ഴി​യും. കാ​ന്‍റീ​ൻ കെ​ട്ടി​ടം നി​ൽ​ക്കു​ന്ന 18 സെ​ന്‍റ് വ​സ്തു ഉ​ൾ​പ്പെ​ടെ നി​ല​വി​ൽ ഡി​പ്പോ പ്ര​വ​ർ​ത്തി​ക്കു​ന്ന സ്ഥ​ല​ത്ത് വി​നോ​ദ സ​ഞ്ചാ​ര വി​ക​സ​ന പ​ദ്ധ​തി​ക്ക് വി​നി​യോ​ഗി​ക്കാ​നാ​ണ് തീ​രു​മാ​നം.