കരുനാഗപ്പള്ളിയിലും ഓച്ചിറയിലും കൂടുതല്‍ ട്രെയിനുകള്‍ക്ക് സ്റ്റോപ്പ് അനുവദിക്കണം: കെ.സി. വേണുഗോപാല്‍ എംപി
1593182
Saturday, September 20, 2025 6:42 AM IST
കുനാഗപ്പള്ളി : കരുനാഗപ്പള്ളി, ഓച്ചിറ റെയില്‍വേ സ്റ്റേഷനുകളില്‍ കൂടുതല്‍ ട്രെയിനുകള്‍ക്ക് സ്റ്റോപ്പ് അനുവദിക്കണമെന്ന് കെ.സി. വേണുഗോപാല്‍ എംപി കേന്ദ്ര റെയില്‍വേ മന്ത്രിയോട് ആവശ്യപ്പെട്ടു. അതോടൊപ്പം ഈ സ്റ്റേഷനുകളിൽ കോവിഡിന് മുന്‍പ് ഉണ്ടായിരുന്ന ട്രെിനുകളുടെ സ്റ്റോപ്പ് അടിയന്തരമായി പുനസ്ഥാപിക്കണമെന്ന ആവശ്യവും കെ.സി. വേണുഗോപാല്‍ ഉന്നയിച്ചു.
രാജ്യറാണി എക്സ്പ്രസ്, മംഗളൂരു സെന്‍ട്രല്‍ - തിരുവനന്തപുരം സെന്‍ട്രല്‍ എക്സ്പ്രസ്, ചെന്നൈ സെന്‍ട്രല്‍ - തിരുവനന്തപുരം മെയില്‍ സൂപ്പര്‍ഫാസ്റ്റ് എക്സ്പ്രസ്, മൈസൂരു - തിരുവനന്തപുരം (കൊച്ചുവേളി) എക്സ്പ്രസ്, മുംബൈ കൊച്ചുവേളി ഫെസ്റ്റിവല്‍ സ്പെഷ്യല്‍, തിരുവനന്തപുരം നോര്‍ത്ത് എസ് എം വി ടി ബെംഗളൂരു എസി എക്സ്പ്രസ്,
എസ് എം വി ബി തിരുവനന്തപുരം സ്പെഷ്യല്‍ എന്നിവയ്ക്ക് കരുനാഗപ്പള്ളിയിലും, മധുര- ഗുരുവായൂര്‍ എക്സ്പ്രസിന് ഓച്ചിറയിലും സ്റ്റോപ്പ് അനുവദിക്കണമെന്നും എംപി ആവശ്യപ്പെട്ടു.