പ​ഞ്ചാ​യ​ത്തുവ​ക സ്ഥ​ല​ത്ത് വ​ൻ​തോ​തി​ൽ മാ​ലി​ന്യം ത​ള്ളു​ന്നു; ന​ട​പ​ടി സ്വീ​ക​രി​ക്കാ​തെ പ​ഞ്ചാ​യ​ത്ത് അ​ധി​കൃ​ത​ർ
Friday, April 12, 2024 6:43 AM IST
അ​തി​ര​മ്പു​ഴ: പ​ഞ്ചാ​യ​ത്തി​ന്‍റെ സ്വ​ന്തം സ്ഥ​ല​ത്ത് വ​ലി​യ വാ​ഹ​ന​ങ്ങ​ളി​ൽ എ​ത്തി​ക്കു​ന്ന മാ​ലി​ന്യം ത​ള്ളു​ന്നു. പ​ട്ടാ​പ്പ​ക​ൽ പ​ര​സ്യ​മാ​യി നി​ര​ന്ത​രം മാ​ലി​ന്യം ത​ള്ളി​യി​ട്ടും പ​ഞ്ചാ​യ​ത്ത് അ​ധി​കൃ​ത​ർ അ​റി​ഞ്ഞ​ഭാ​വം ന​ടി​ക്കു​ന്നി​ല്ല. പ​ഞ്ചാ​യ​ത്തു​വ​ക പ​ച്ച​ക്ക​റി മാ​ർ​ക്ക​റ്റി​നോ​ട് ചേ​ർ​ന്നു​ള്ള സ്ഥ​ല​ത്താ​ണ് വ​ൻ​തോ​തി​ൽ മാ​ലി​ന്യം ത​ള്ളു​ന്ന​ത്. വ​ലി​യ ചാ​ക്കു​ക​ളി​ലാ​ക്കി​യ മാ​ലി​ന്യ​ങ്ങ​ളി​ൽ ഏ​റെ​യും പ്ലാ​സ്റ്റി​ക് മാ​ലി​ന്യ​ങ്ങ​ളാ​ണ്. തെ​ർ​മോ​ക്കോ​ൾ, റെ​ക്സി​ൻ, ഉ​പ​യോ​ഗ​ശൂ​ന്യ​മാ​യ ബെ​ഡു​ക​ൾ തു​ട​ങ്ങി​യ​വ​യെ​ല്ലാം ഇ​വി​ടെ ത​ള്ളു​ന്നു​ണ്ട്.

മാ​ർ​ക്ക​റ്റി​നോ​ട് ചേ​ർ​ന്നു​ള്ള വ​ഴി​യി​ൽ വാ​ഹ​നം നി​ർ​ത്തി അ​തി​ൽ​നി​ന്നു മ​തി​ലി​നു മു​ക​ളി​ലൂ​ടെ​യും മ​തി​ൽ ഇ​ടി​ഞ്ഞ ഭാ​ഗ​ത്തു കൂ​ടി​യു​മാ​ണ് മാ​ലി​ന്യം ത​ള്ളു​ന്ന​ത്. ഇ​ങ്ങ​നെ ത​ള്ളു​ന്ന മാ​ലി​ന്യ​ങ്ങ​ളു​ടെ മു​ക​ളി​ലേ​ക്ക് വാ​ഴ​യി​ല (വാ​ഴ​ക്ക​ച്ചി) ഇ​ട്ടു മൂ​ടും.

ഇ​ട​യ്ക്കി​ടെ ഈ ​മാ​ലി​ന്യ​ക്കൂ​മ്പാ​ര​ത്തി​ന് തീ​യി​ടും. പ്ലാ​സ്റ്റി​ക്കും തെ​ർ​മോ​ക്കോ​ളും റെ​ക്സി​നു​മെ​ല്ലാം ക​ത്തു​മ്പോ​ൾ ഉ​യ​രു​ന്ന പു​ക പ​രി​സ​ര​മാ​കെ നി​റ​ഞ്ഞു സ​മീ​പ​വാ​സി​ക​ൾ​ക്ക് അ​സ്വ​സ്ഥ​ത ഉ​ണ്ടാ​കു​ന്നു. മാ​ലി​ന്യ​മേ​റു​മ്പോ​ൾ ജെ​സി​ബി ഉ​പ​യോ​ഗി​ച്ച് കു​ഴി​യെ​ടു​ത്തു മൂ​ടാ​റു​മു​ണ്ട്. ട​ൺ​ക​ണ​ക്കി​ന് അ​ഴു​കാ​ത്ത മാ​ലി​ന്യം ഇ​വി​ടെ മ​ണ്ണി​ന​ടി​യി​ൽ ഉ​ണ്ടാ​കും.

മ​നു​ഷ്യ​നും പ​രി​സ്ഥി​തി​ക്കും ക​ടു​ത്ത ആ​ഘാ​ത​മേ​ൽ​പ്പി​ക്കു​ന്ന ഈ ​മ​ലി​നീ​ക​ര​ണ​ത്തി​നെ​തി​രേ പ​ഞ്ചാ​യ​ത്ത് ചെ​റു​വി​ര​ൽ അ​ന​ക്കാ​ത്ത​താ​ണ് അ​ദ്ഭു​ത​പ്പെ​ടു​ത്തു​ന്ന​ത്. പ്ലാ​സ്റ്റി​ക്കി​ന്‍റെ ഉ​പ​യോ​ഗം, പൊ​തു​സ്ഥ​ല​ത്തെ മാ​ലി​ന്യം ത​ള്ള​ൽ തു​ട​ങ്ങി​യ​വ ക​ണ്ടെ​ത്തി പി​ഴ ഈ​ടാ​ക്കേ​ണ്ട പ​ഞ്ചാ​യ​ത്ത് ക​ട​മ മ​റ​ക്കു​ക​യാ​ണ്.

പ​ഞ്ചാ​യ​ത്ത് അ​ധി​കൃ​ത​രു​ടെ മൗ​നാ​നു​വാ​ദ​ത്തോ​ടെ ന​ട​ക്കു​ന്ന മാ​ലി​ന്യം ത​ള്ള​ലി​നെ​തി​രേ ആ​രും പ്ര​തി​ക​രി​ക്കു​ന്നു​മി​ല്ല. ന​ട​പ​ടി സ്വീ​ക​രി​ക്കാ​ത്ത പ​ഞ്ചാ​യ​ത്ത് ഭ​ര​ണ​സ​മി​തി​യും പ്ര​തി​ക​രി​ക്കാ​ത്ത പ്ര​തി​പ​ക്ഷ​വും ഒ​രു പോ​ലെ ജ​ന​ങ്ങ​ളോ​ടു​ള്ള ക​ട​മ മ​റ​ക്കു​ക​യാ​ണ്.