അയര്ക്കുന്നത്ത് കാറുകള് കൂട്ടിയിടിച്ച് മൂന്നു പേര്ക്ക് പരിക്കേറ്റു
1431067
Sunday, June 23, 2024 6:43 AM IST
അയര്ക്കുന്നം: അയര്ക്കുന്നം കവലയില് കാറുകള് കൂട്ടിയിടിച്ച് മൂന്നു പേര്ക്കു പരിക്കേറ്റു. ഇടിയുടെ ആഘാതത്തില് നിയന്ത്രണംവിട്ട കാര് സമീപത്തെ കുരിശുപള്ളിയിലേക്ക് ഇടിച്ചുകയറി. വെള്ളിയാഴ്ച രാത്രി 11.30നായിരുന്നു അപകടം.
പരിക്കേറ്റവരെ ആദ്യം മണര്കാട്ടെ സ്വകാര്യ ആശുപത്രിയിലും തുടര്ന്നു തെള്ളകത്തെ സ്വകാര്യ ആശുപത്രിയിലും പ്രവേശിപ്പിച്ചു. കിടങ്ങൂര് ഭാഗത്തുനിന്നും വന്ന ഇന്നോവ കാറും തിരുവഞ്ചൂര് റോഡില്നിന്നും വന്ന ക്രെറ്റ കാറും തമ്മിലാണു കൂട്ടിയിടിച്ചത്.
നിയന്ത്രണംവിട്ട ക്രെറ്റ കാര് കുരിശുപള്ളിയുടെ ഗ്രില്ല് തകര്ത്ത് ഇടിച്ചുകയറി. യാത്രക്കാര്ക്ക് നിസാര പരിക്കേറ്റു. അയര്ക്കുന്നം പോലീസ് കേസെടുത്തു.