ADVERTISEMENT

ADVERTISEMENT

രാമായണ മഹോത്സവം

കടുത്തുരുത്തി: വൈക്കം താലൂക്ക് എന്‍എസ്എസ് യൂണിയന്‍റെ നേതൃത്വത്തില്‍ നടത്തുന്ന രാമായണ മഹോത്സവം താലൂക്ക് യൂണിയന്‍ പ്രസിഡന്‍റ് പി.ജി.എം. നായര്‍ കാരിക്കോട് ഉദ്ഘാടനം ചെയ്തു. 302 -ാം നമ്പര്‍ എന്‍എസ്എസ് കരയോഗത്തിന്‍റെ സഹകരണത്തോടെ ഗൗരീശങ്കരം ഓഡിറ്റോറിയത്തില്‍ നടന്ന സമ്മേളനത്തില്‍ യൂണിയന്‍ സെക്രട്ടറി അഖില്‍ ആര്‍. നായര്‍, സി.പി. നാരായണന്‍ നായര്‍, പി.എന്‍. രാധാകൃഷ്ണന്‍, എന്‍.മധു, കെ.ജയലക്ഷ്മി തുടങ്ങിയവര്‍ പ്രസംഗിച്ചു.

ADVERTISEMENT

മറയൂരിന്‍റെ കാട്ടുപാതയിൽ പൂത്തുവിരിഞ്ഞ് ഗ്ലോറി ഓഫ് ലില്ലി

മറയൂർ: ജില്ലയിലെ മറയൂർ മേഖലയിലെ ചിന്നാറിൽനിന്ന് തായണ്ണൻകുടിയിലേക്കുള്ള കാട്ടുപാതയിൽ, സിംബാബ്‌വേയുടെ ദേശീയ പുഷ്പമായ ഗ്ലോറിയോസ സൂപ്പർബ പൂത്തുലഞ്ഞു. സാധാരണ ഗ്ലോറി ഓഫ് ലില്ലി എന്നും തമിഴിൽ കാനൂൽ പൂ എന്നും ഈ വള്ളിച്ചെടി അറിയപ്പെടുന്നുണ്ട്. ഇതിന്‍റെ പൂക്കൾക്ക് 4.4 സെന്‍റീമീറ്റർ വലിപ്പമുണ്ട്, ചുവപ്പ്, മഞ്ഞ, ഓറഞ്ച് എന്നീ നിറങ്ങളിൽ കാണപ്പെടുന്ന പൂക്കൾ ആകർഷണീയമാണ്. പൂവിന്‍റെ ഇതളുകൾ നീളമേറിയതും വളഞ്ഞതുമാണ്, ഇത് ചെടിക്ക് കൂടുതൽ ഭംഗി നൽകുന്നു. ഈ ചെടി സാധാരണയായി 2900 അടി ഉയരത്തിൽ താഴെയുള്ള വനപ്രദേശങ്ങളിലും പുൽമേടുകളിലുമാണ് വളരുന്നത്. ഉയർന്ന മലനിരകളിൽ ഇവയുടെ വളർച്ച കുറവാണ്. ഔഷധഗുണമുള്ള ഇത് പരന്പരാഗത വൈദ്യത്തിനും വ്യാപകമായി ഉപയോഗിക്കപ്പെടുന്നുണ്ട്. ഇതിന്‍റെ വേര്, ഇല, വിത്ത് എന്നിവയെല്ലാം ഔഷധഗുണമുള്ളതാണ്. വാതം, വേദന, ചർമരോഗങ്ങൾ എന്നിവയ്ക്കുള്ള ചികിത്സയ്ക്കാണ് ഇത് ഉപയോഗിക്കുന്നത്. എന്നാൽ ഈ ചെടിയിൽ കോൾചിസിൻ എന്ന രാസവസ്തു അടങ്ങിയിരിക്കുന്നതിനാൽ ഔഷധനിർമാണത്തിൽ ശ്രദ്ധാപൂർവം മാത്രമേ ഉപയോഗിക്കാവൂ. മറയൂരിന്‍റെ പ്രകൃതിസൗന്ദര്യത്തിന് മാറ്റുകൂട്ടി മേഖലയിലെ പുൽമേടുകളിലും വനപാതകളിലും ഗ്ലോറി ഓഫ് ലില്ലി ഇതുവഴി സഞ്ചരിക്കുന്നവർക്ക് കാഴ്ചയുടെ വിരുന്നൊരുക്കുന്നു. ചിന്നാറിൽനിന്ന് തായണ്ണൻകുടിയിലേക്കുള്ള വഴിയിലാണ് ഇവ കൂടുതലായും പൂവിട്ടുനിൽക്കുന്നത്. ജൂലൈ, ഓഗസ്റ്റ് മാസങ്ങളിലാണ് കൂടുതലായും ഇവ പുഷ്പിക്കുന്നത്.

അക്കരപ്പാടം പാലം ഉദ്ഘാടനം 22ന്

ഉദയനാപുരം: കിഫ്ബിയുടെ സാമ്പത്തിക സഹായത്തോടെ 16.88 കോടി രൂപ ചെലവഴിച്ച് സംസ്ഥാന സർക്കാർ നിർമ്മിച്ച അക്കരപ്പാടം പാലം 22ന് മന്ത്രി പി.എ. മുഹമ്മദ് റിയാസ് നാടിനു സമർപ്പിക്കും.14.91മീറ്റർ നീളത്തിൽ 15 ബീമുകളിലായി അഞ്ച് സ്പാനോടുകൂടിയാണ് പാലം നിർമിച്ചിരിക്കുന്നത്. സമീപ റോഡിന്‍റെ നിർമാണത്തിലേക്കായി 29.77സെന്‍റ് ഭൂമിയാണ് ഏറ്റെടുക്കേണ്ടിവന്നത്. ഈ വസ്തു പൂർണമായും ഏറ്റെടുത്ത് നഷ്ടപരിഹാരത്തുക ഭൂവുടമകൾക്ക് കൈമാറിക്കഴിഞ്ഞു. പാലത്തിന്‍റെ നിർമാണവും പാലത്തിന്‍റെ കിഴക്കുവശത്ത് നാനാടം ഭാഗത്ത് ഒരു കൾവർട്ടിന്‍റെ നിർമാണവും ഇരുവശങ്ങളിലും ബിഎം ആൻഡ് ബിസി നിലവാരത്തിലുള്ള സമീപ റോഡിന്‍റെ നിർമാണവും പൂർത്തീകരിച്ചു. അക്കരപ്പാടം നിവാസികളുടെ പതിറ്റാണ്ടുകൾ നീണ്ട സ്വപ്നമാണ് ഇതോടെ സഫലീകരിക്കപ്പെട്ടത്. അക്കരപ്പാടം ഗവൺമെന്‍റ് യുപിസ്കൂളിൽ പാലത്തിന്‍റെ ഉദ്ഘാടനവുമായി ബന്ധപ്പെട്ട സംഘാടകസമിതി ചേർന്നു. സി.കെ.ആശഎംഎൽ എയുടെ അധ്യക്ഷതയിൽ നടന്ന യോഗത്തിൽ ഉദയനാപുരം പഞ്ചായത്ത് പ്രസിഡന്‍റ് പി.കെ. ആനന്ദവല്ലി, വൈസ് പ്രസിഡന്‍റ് സി.പി. അനൂപ്, വൈക്കം ബ്ലോക്ക് പഞ്ചായത്തംഗം ഒ.എം. ഉദയപ്പൻ, പഞ്ചായത്തംഗങ്ങളായ ടി. പ്രസാദ്, ഗിരിജാ പുഷ്കരൻ, പി.ഡി. ജോർജ്, പാലം നിർമാണ കമ്മിറ്റി ഭാരവാഹികളായ അക്കരപ്പാടം ശശി, എ.പി. നന്ദകുമാർ, പി.ഡി. സാബു തുടങ്ങിയവർ പങ്കെടുത്തു. പാലം ഉദ്ഘാടനം ഒരു ദിവസം നീണ്ട ആഘോഷമാക്കാനുള്ള തയാറെടു പ്പിലാണ് അക്കരപ്പാടം നിവാസികൾ.

കഥാപാത്രങ്ങൾ പകർന്നാടി; ദേവമാതായിൽ വേറിട്ട അനുഭവമായി ബഷീർ അനുസ്മരണം

കുറവിലങ്ങാട്: വൈക്കം മുഹമ്മദ് ബഷീറിനെ അനുസ്മരിച്ച് ദേവമാതാ കോളജ്. വായനയിൽ കണ്ടുമുട്ടിയിട്ടുള്ള ബഷീർ കഥാപാത്രങ്ങളെ അരങ്ങിൽ പുനരവതരിപ്പിച്ചത് നവ്യമായ അനുഭവമായി. പതിറ്റാണ്ടുകൾക്ക് മുമ്പ് ബഷീർ സൃഷ്ടിച്ച കഥാപാത്രങ്ങളെ കാലോചിതമായ നവീകരണത്തിലൂടെ കുട്ടികൾ അരങ്ങിലെത്തിച്ചു. ബഷീർ, പാത്തുമ്മ, ഒറ്റക്കണ്ണൻ പോക്കർ, നാരായണി, കേശവൻ നായർ, സാറാമ്മ തുടങ്ങി അതുല്യ മികവാർന്ന കഥാപാത്രങ്ങൾ അനുയോജ്യമായ വേഷപ്പകർച്ചയോടെ അരങ്ങിലെത്തി. ‌ഡിബി കോളജിലെ മലയാള വിഭാഗം അസി. പ്രഫസർ ഡോ. ജി. രമ്യ, ബഷീർ അനുസ്മരണ പ്രഭാഷണം നടത്തി. ദേവമാതാ കോളജ് മലയാള വിഭാഗത്തിന്‍റെ ആഭിമുഖ്യത്തിലാണ് പരിപാടി സംഘടിപ്പിച്ചത്. പ്രിൻസിപ്പൽ ഡോ. സുനിൽ സി. മാത്യു, വൈസ് പ്രിൻസിപ്പൽ ഫാ. ഡിനോയ് മാത്യു കവളമ്മാക്കൽ, ബർസാർ ഫാ. ജോസഫ് മണിയഞ്ചിറ, ഡോ. ജോബിൻ ജോസ്, ഡോ. സിജി ചാക്കോ, സിസ്റ്റർ സിന്ധു ഡോ. സെബാസ്റ്റ്യൻ, ഡോ. ടീനാ സെബാസ്റ്റ്യൻ, ഡോ. അരുണിമ സെബാസ്റ്റ്യൻ തുടങ്ങിയവർ പരിപാടികൾക്ക് നേതൃത്വം നൽകി.

വാഴൂർ പഞ്ചായത്ത് പഴയ ഷോപ്പിംഗ് കോംപ്ലക്സ് അപകടാവസ്ഥയിൽ

വാഴൂർ: അപകടാവസ്ഥയിൽ നിൽക്കുന്ന വാഴൂർ പഞ്ചായത്തിന്‍റെ പഴയ ഷോപ്പിംഗ് കോംപ്ലക്സ് ഉടൻ പൊളിച്ചുമാറ്റണമെന്ന ആവശ്യം ശക്തമാകുന്നു. കോംപ്ലക്സിന്‍റെ മുകളിലെ നിലയിൽ ചോർച്ചയും കോൺക്രീറ്റ് അടർന്നുവീഴുന്ന സ്ഥിതിയിലുമാണ്. കെട്ടിടത്തിന്‍റെ ഭിത്തിക്കു വിള്ളലുണ്ട്. കോൺക്രീറ്റ് താഴേക്ക് അടർന്നുവീണ് അപകടം ഉണ്ടാകാതിരിക്കാൻ ഇരുമ്പുവല സ്ഥാപിച്ചിട്ടുണ്ട്. കെട്ടിടം അപകടാവസ്ഥയിലാണെന്നും ഇതിന്‍റെ മുന്പിൽ വാഹനങ്ങൾ നിർത്തിയിടരുതെന്നും കാൽനട യാത്രക്കാർ റോഡിന്‍റെ എതിർവശം വഴി മാത്രമേ പോകാവൂവെന്നും നിർദേശിച്ചു പഞ്ചായത്ത് കോംപ്ലക്സിന്‍റെ മുന്പിൽ ബോർഡ് സ്ഥാപിച്ചിട്ടുണ്ട്. അഞ്ചു വ്യാപാര സ്ഥാപനങ്ങൾ ഇവിടെ പ്രവർത്തിക്കുന്നുണ്ട്. 30 വർഷം മുന്പ് നിർമിച്ച മൂന്നു നില ഷോപ്പിംഗ് കോംപ്ലക്സിന്‍റെ മുകളിലെ നിലയിൽ ചോർച്ചയുണ്ടായി കോൺക്രീറ്റ് അടർന്നുവീഴാൻ തുടങ്ങിയതോടെ എട്ടു വർഷംമുന്പ് കോംപ്ലക്സ് കെട്ടിടം അറ്റകുറ്റപ്പണി നടത്താൻ തീരുമാനിച്ചിരുന്നു. ഇതിനായി 15 ലക്ഷം രൂപ വകയിരുത്തി കരാർ ചെയ്യുകയും ചെയ്തിരുന്നു. എൻജിനിയറിംഗ് വിഭാഗം അറ്റകുറ്റപ്പണി നടത്തരുതെന്നും കെട്ടിടം പൊളിച്ചുമാറ്റണമെന്നും നിർദേശിച്ചതോടെ പദ്ധതി നടന്നില്ല. കെട്ടിടം പൊളിച്ചുമാറ്റാനുള്ള നീക്കത്തിനെതിരേ കോംപ്ലക്സിലെ വ്യാപാരികൾ കോടതിയെ സമീപിച്ചു. കെട്ടിടത്തിന്‍റെ താഴത്തെ നില ഒഴിച്ചുള്ള ഭാഗം പൊളിച്ചുനീക്കി വ്യാപാര സ്ഥാപനങ്ങളെ സംരക്ഷിക്കാമെന്നു തീർപ്പാക്കിയിരുന്നു. എൻജിനിയറിംഗ് വിഭാഗത്തിന്‍റെ വിദഗ്ധ പരിശോധനയിൽ കെട്ടിടത്തിന്‍റെ താഴത്തെ നിലമാത്രം നിർത്തി പൊളിച്ചു മാറ്റുമ്പോൾ താഴത്തെ നിലയ്ക്കു ബലക്ഷയം ഉണ്ടാകുമെന്നും കെട്ടിടം പൂർണമായി പൊളിച്ചുനീക്കണമെന്നും നിർദേശിച്ചതായി പഞ്ചായത്ത് പ്രസിഡന്‍റ് തോമസ് വെട്ടുവേലി പറഞ്ഞു. 15നു പഞ്ചായത്ത് കമ്മിറ്റി യോഗം ചേർന്ന് ഒഴിഞ്ഞുതരണമെന്ന് ആവശ്യപ്പെട്ടു കെട്ടിടത്തിലെ കടയുടമകൾക്കു നോട്ടീസ് നൽകുമെന്നും പ്രസിഡന്‍റ് പറഞ്ഞു.

കണ്ണീർമഴയത്ത് ഐറിൻ ജിമ്മി യാത്രയായി

അരുവിത്തുറ: നാടിനെയാകെ ദുഃഖത്തിലാഴ്ത്തി ഐറിൻ യാത്രയായി. കഴിഞ്ഞ ദിവസം മീനച്ചിലാറ്റിലെ ഒഴുക്കിൽപ്പെട്ട് മരിച്ച ഈരാറ്റുപേട്ട കൊണ്ടൂർ പാലാത്ത് ഐറിൻ ജിമ്മിയുടെ സംസ്കാരം അരുവിത്തുറ സെന്‍റ് ജോർജ് ഫൊറോന പള്ളിയിൽ നടന്നു. കഴിഞ്ഞ ഒമ്പതിന് ഐറിനും സഹോദരിയും കൂട്ടുകാരും മീനച്ചിലാറ്റിൽ കുളിക്കാൻ ഇറങ്ങിയപ്പോൾ ഐറിൻ ഒഴുക്കിൽപ്പെടുകയായിരുന്നു. കൂടെയുണ്ടായിരുന്ന രണ്ടുപേരെ രക്ഷപ്പെടുത്തിയെങ്കിലും ഐറിന്‍റെ ജീവൻ രക്ഷിക്കാൻ കഴിഞ്ഞില്ല. സന്നദ്ധ പ്രവർത്തകർ ഐറിനെ വെള്ളത്തിൽനിന്ന് മുങ്ങിയെടുക്കുമ്പോൾ ജീവൻ ഉണ്ടായിരുന്നെങ്കിലും ആശുപത്രിയിൽ എത്തിച്ച് മണിക്കൂറുകൾ കഴിഞ്ഞ് ഐറിൻ മരണത്തിന് കീഴടങ്ങുകയായിരുന്നു. ഐറിന് അന്ത്യാഞ്ജലി അർപ്പിക്കാൻ കൂടെ പഠിച്ചവരും അധ്യാപകരും വൈദികരും സന്യസ്തരും നാട്ടുകാരും ഉൾപ്പെടെ ആയിരങ്ങളാണ് എത്തിയത്. പ്ലസ് ടു പഠനത്തിനുശേഷം ഉന്നത വിദ്യാഭ്യാസത്തിനായി ഒരുങ്ങിയിരിക്കുമ്പോഴായിരുന്നു എല്ലാവരെയും സങ്കടത്തിലാഴ്ത്തി ഐറിൻ കടന്നുപോയത്.

ട്രാന്‍സ്‌ഫോര്‍മർ കൈയടക്കി വള്ളിച്ചെടികള്‍

കോട്ടയം: ട്രാന്‍സ്‌ഫോര്‍മർ കൈയടക്കി വള്ളിച്ചെടികള്‍. ചുങ്കം പനയക്കഴിപ്പ് പ്രദേശത്തുള്ള ട്രാന്‍സ്‌ഫോര്‍മറാണ് വള്ളിപടര്‍പ്പുകള്‍ കൈയടക്കിയിരിക്കുന്നത്. മഴക്കാലമായതോടെ കൂടുതല്‍ വേഗത്തിലാണ് പടര്‍പ്പുകളും പുല്ലും ട്രാന്‍സ്‌ഫോര്‍മറില്‍ പടര്‍ന്നു പിടിക്കുന്നത്. പച്ച നിറത്തില്‍ ദൂരെനിന്നു നോക്കുമ്പോള്‍ കാണുന്ന സ്തഭം അടുത്തെത്തുമ്പോഴെ ട്രാന്‍സ്‌ഫോര്‍മറാണെന്ന് മനസിലാകുകയുള്ളു. മുണ്ടാർ പാടത്തിന്‍റെ കരയില്‍ മുനിസിപ്പല്‍ റോഡിനരികിലുള്ള ഈ ട്രാന്‍സ്‌ഫോര്‍മര്‍ സ്ഥിതി ചെയ്യുന്ന പ്രദേശത്തെ വഴി ഒരു മഴ പെയ്താല്‍ പുഴയാകുന്ന അവസ്ഥയാണ്. പ്രദേശവാസികള്‍ക്കു ഭീഷണിയായി മാറിയ ഈ ട്രാന്‍സ്‌ഫോര്‍മറില്‍ നിന്നാണ് ബേക്കര്‍ ഫീഡറിലേക്കുള്ള വൈദ്യുതി പ്രവഹിക്കുന്നത്. അപകട സാധ്യത ഏറെയുള്ള ട്രാന്‍സ്‌ഫോര്‍മറിലെ വള്ളിപടര്‍പ്പുകള്‍ അടിയന്തരമായി നീക്കം ചെയ്യണമെന്ന് നാട്ടുകാര്‍ ആവശ്യപ്പെട്ടു.

മഹാത്മാഗാന്ധി സ്മാരകം അനാച്ഛാദനം ചെയ്തു

പുതുപ്പള്ളി: പഞ്ചായത്തിന്‍റെ നേതൃത്വത്തില്‍ പഞ്ചായത്ത് കമ്യൂണിറ്റി ഹാളിന് മുന്പില്‍ സ്ഥാപിച്ച മഹാത്മാഗാന്ധി സ്മാരകം മന്ത്രി വി.എന്‍. വാസവന്‍ അനാച്ഛാദനം ചെയ്തു. തുടര്‍ന്ന് പുതുപ്പള്ളി ഗ്രാമപഞ്ചായത്ത് പൂര്‍ത്തീകരിച്ച വിവിധ പദ്ധതികളുടേയും കുടുംബശ്രീയുടെ ലഹരിവിരുദ്ധ ബോധവത്കരണ കാമ്പയിനിന്‍റെയും ടാസ്‌ക് ഫോഴ്‌സ് രൂപീകരണത്തിന്‍റെയും ഉദ്ഘാടനം മന്ത്രി നിര്‍വഹിച്ചു. പഞ്ചായത്ത് പ്രസിഡന്‍റ് പൊന്നമ്മ ചന്ദ്രന്‍ അധ്യക്ഷത വഹിച്ച യോഗത്തില്‍ പള്ളം ബ്ലോക്ക് പഞ്ചായത്ത് പ്രസിഡന്‍റ് റ്റോമിച്ചന്‍ ജോസഫ്, ജില്ലാ പഞ്ചായത്ത് അംഗം നിബു ജോണ്‍, സുഭാഷ് പി. വര്‍ഗീസ്, പഞ്ചായത്ത് വൈസ് പ്രസിഡന്‍റ് പ്രമോദ് കുര്യാക്കോസ്, ബ്ലോക്ക് പഞ്ചായത്ത് അംഗങ്ങളായ സാബു പുതുപ്പറമ്പില്‍, റേച്ചല്‍ കുര്യന്‍, ശാന്തമ്മ തോമസ്, ശാന്തമ്മ പീലിപ്പോസ് തുടങ്ങിയവര്‍ പ്രസംഗിച്ചു. പഞ്ചായത്തിലെ വിവിധ പദ്ധതികള്‍ക്കു സ്ഥലംവിട്ടു നല്‍കിയ വ്യക്തികളേയും കുടുംബശ്രീ സംസ്ഥാന കലോത്സവത്തില്‍ ലളിതഗാന മത്സരത്തില്‍ ഒന്നാം സ്ഥാനം കരസ്ഥമാക്കിയ അനീഷ സജീവിനേയും മുഖ്യമന്ത്രിയുടെ അഗ്‌നിരക്ഷാസേവ മെഡല്‍ നേടിയ കെ.ആര്‍. അഭിലാഷിനേയും 2024- 25 സാമ്പത്തിക വര്‍ഷം കെട്ടിടനികുതി നൂറു ശതമാനം പിരിവ് നടത്തിയ ജീവനക്കാരെയും ജനപ്രതിനിധികളെയും ചടങ്ങില്‍ ആദരിച്ചു.

ഏറ്റുമാനൂരിൽ വികസനക്കുതിപ്പ്: മന്ത്രി മുഹമ്മദ് റിയാസ്

ഏറ്റുമാനൂർ മിനി സിവിൽ സ്റ്റേഷന് തറക്കല്ലിട്ടു ഏറ്റുമാനൂർ: സമാനതകളില്ലാത്ത വികസനക്കുതിപ്പാണ് മന്ത്രി വി.എൻ. വാസവന്‍റെ നേതൃത്വത്തിൽ ഏറ്റുമാനൂരിൽ നടന്നുവരുന്നതെന്ന് പൊതുമരാമത്ത് മന്ത്രി മുഹമ്മദ് റിയാസ്. ഏറ്റുമാനൂർ മിനി സിവിൽ സ്റ്റേഷന്‍റെ നിർമാണോദ്ഘാടനം ഓൺലൈനായി നിർവഹിച്ച് പ്രസംഗിക്കുകയായിരുന്നു അദ്ദേഹം. റോഡുകൾ, പാലങ്ങൾ, ബൈപ്പാസുകൾ, ജംഗ്ഷനുകളുടെ നവീകരണം തുടങ്ങി പശ്ചാത്തല വികസനരംഗത്ത് കേരളം വലിയ മുന്നേറ്റമാണുണ്ടാക്കിയത്. ഏറ്റുമാനൂർ മിനി സിവിൽ സ്റ്റേഷന്‍റെ നിർമാണം സമയബന്ധിതമായി പൂർത്തിയാക്കുമെന്നും മന്ത്രി പറഞ്ഞു. ഏറ്റുമാനൂർ പോലീസ് സ്റ്റേഷനു സമീപമുള്ള നിർദിഷ്‌ട മിനി സിവിൽ സ്റ്റേഷൻ അങ്കണത്തിൽ നടന്ന ചടങ്ങിൽ മന്ത്രി വി.എൻ. വാസവൻ അധ്യക്ഷത വഹിച്ചു. ഭാവിയിൽ ഏറ്റുമാനൂരിനെ താലൂക്ക് ആക്കി ഉയർത്തുകയെന്ന ലക്ഷ്യം കൂടി മുന്നിൽക്കണ്ടാണ് മിനി സിവിൽ സ്റ്റേഷൻ നിർമിക്കുന്നതെന്ന് അദ്ദേഹം പറഞ്ഞു. പലവിധ തടസങ്ങൾ മറികടന്നാണ് സിവിൽ സ്റ്റേഷൻ നിർമാണത്തിനു തുടക്കമിടുന്നത്. സ്ഥലം സംബന്ധിച്ച തർക്കമുണ്ടായപ്പോൾ മുഖ്യമന്ത്രി പിണറായി വിജയൻ നേരിട്ടു യോഗം വിളിച്ചാണ് ഭൂമി വിട്ടു നൽകാൻ നടപടിയെടുത്തത്. ഏറ്റുമാനൂരിൽ ബഹുനില കോടതി സമുച്ചയത്തിന്‍റെ നിർമാണോദ്ഘാടനവും ഉടൻ നടത്തുമെന്നും മന്ത്രി വി.എൻ. വാസവൻ പറഞ്ഞു. മിനി സിവിൽ സ്റ്റേഷന്‍റെ തറക്കല്ലിടലും മന്ത്രി വി.എൻ. വാസവൻ നിർവഹിച്ചു. ഏറ്റുമാനൂർ ബ്ലോക്ക് പഞ്ചായത്ത് പ്രസിഡന്‍റ് ആര്യ രാജൻ, നഗരസഭാംഗം രശ്മി ശ്യാം, നീണ്ടൂർ പഞ്ചായത്ത് പ്രസിഡന്‍റ് വി.കെ. പ്രദീപ് കുമാർ, അയ്മനം പഞ്ചായത്ത് പ്രസിഡന്‍റ് വിജി രാജേഷ്, തോമസ് ചാഴികാടൻ, എഡിഎം എസ്. ശ്രീജിത്ത്, സംഘാടക സമിതി ചെയർമാൻ ഇ.എസ്. ബിജു, വനം വികസന കോർപറേഷൻ ചെയർപേഴ്സൺ ലതിക സുഭാഷ്, പൊതുമരാമത്തു വകുപ്പ് കെട്ടിടവിഭാഗം എക്സിക്യൂട്ടീവ് എൻജിനിയർ ആർ. ദീപ, അസിസ്റ്റന്‍റ് എക്സിക്യൂട്ടീവ് എൻജിനിയർ ആർ. രൂപേഷ്, ഏറ്റുമാനൂർ ക്രിസ്തുരാജ പള്ളി വികാരി ഫാ. തോമസ് കുത്തുകല്ലുങ്കൽ, മാന്നാനം കെഇ സ്‌കൂൾ പ്രിൻസിപ്പൽ റവ.ഡോ. ജയിംസ് മുല്ലശേരി, ചൈതന്യ പാസ്റ്ററൽ സെന്‍റർ ഡയറക്ടർ ഫാ. സുനിൽ പെരുമാനൂർ, സീനിയർ സിറ്റിസൺ ഫോറം പ്രസിഡന്‍റ് എൻ. അരവിന്ദാക്ഷൻ നായർ, രാഷ്‌ട്രീയ പാർട്ടി പ്രതിനിധികളായ ബാബു ജോർജ്, ജോസ് ഇടവഴിക്കൽ, പി.വി. മൈക്കിൾ, കെ.ഐ. കുഞ്ഞച്ചൻ, രാജീവ് നെല്ലിക്കുന്നേൽ, വ്യപാരി വ്യവസായി പ്രതിനിധികളായ എൻ.പി. തോമസ്, സെബാസ്റ്റ്യൻ വാളംപറമ്പിൽ എന്നിവർ പ്രസംഗിച്ചു.

നിയമങ്ങള്‍ നോക്കുകുത്തി; ജില്ലയിൽ മഹാദുരന്തം പേറുന്ന 200 പാറമട ജലാശയങ്ങള്‍

കോട്ടയം: നിറഞ്ഞുതുളുമ്പാറായ ഇടുക്കി ജലാശയത്തിന്‍റെ പ്രതീതിയാണ് ജില്ലയില്‍ ഉപയോഗശൂന്യമായി കിടക്കുന്ന കൂറ്റന്‍പാറമടകൾക്ക്. വിവിധ പഞ്ചായത്തുകളിലായി ഇരുനൂറ് ക്വാറികളാണ് വെള്ളം കെട്ടിക്കിടക്കുന്നത്. പാറ പൊട്ടിച്ചുകഴിഞ്ഞാല്‍ അത് അപകടമുണ്ടാക്കാത്ത വിധം സുരക്ഷിതമാക്കണമെന്നാണ് ചട്ടം. എന്നാല്‍ ഏറെയിടങ്ങളിലും ക്വാറി കരാറുകാരന്‍ ഉപേക്ഷിച്ചുപോകുകയാണു പതിവ്. വന്‍കിട ലോബികള്‍ കോടികള്‍ മുടക്കി ലൈസന്‍സ് നേടിയശേഷം പണികള്‍ ഉപകരാറുകാര്‍ക്കു കൈമാറുന്നതും പതിവാണ്. പാറമടയോടു ചേര്‍ന്ന ദുര്‍ബലമായ കരപ്രദേശം ഇടിയുന്ന സാഹചര്യമുണ്ടായാല്‍ വിവിധയിടങ്ങളില്‍ കൂട്ടിക്കല്‍ ഉരുള്‍പൊട്ടലിനു തുല്യമായ ദുരന്ത സാധ്യതയേറെയാണ്. പാറമടകളിലെ പണികള്‍ ചെയ്തു ജീവിക്കുന്ന തൊഴിലാളികളുടെ കോളനികള്‍ മിക്ക ക്വാറികളോടു ചേര്‍ന്നുമുണ്ട്. പാറമടകള്‍ പല തട്ടുകളായി പൊട്ടിക്കണമെന്നും അവശ്യസാഹചര്യത്തില്‍ രക്ഷാപ്രവര്‍ത്തകരുടെ വാഹനങ്ങള്‍ കയറി വരാവുന്ന ഒന്നിലേറെ റോഡുകളുണ്ടാകണമെന്നും വെള്ളം കെട്ടിക്കിടക്കാത്ത വിധം ചെരിച്ച് അടിവശം പൊട്ടിക്കണമെന്നുമുള്ള ഖനന മാനദണ്ഡം ഒരിടത്തും പാലിക്കപ്പെടുന്നില്ല. കൂടുതല്‍ അളവില്‍ പാറ ലഭിക്കാന്‍ കുത്തനെ പൊട്ടിച്ച് വന്‍ ഗര്‍ത്തമായി മാറ്റുകയാണ് പതിവ്. നെടുങ്കുന്നം, കൂട്ടിക്കല്‍, എരുമേലി, കടപ്ലാമറ്റം, തലനാട് പഞ്ചായത്തുകളില്‍ മാത്രം അന്‍പത് പാറമടകള്‍ ജലസംഭരണികളായി കിടക്കുന്നു. കൂട്ടിക്കല്‍ ഉരുള്‍പൊട്ടലിനു പിന്നില്‍ കൂട്ടിക്കല്‍, കൊക്കയാര്‍ പഞ്ചായത്തുകളിലെ ക്വാറികളുടെ പ്രവര്‍ത്തനമാണെന്ന് ജിയോളജി വിഭാഗം അഭിപ്രായപ്പെട്ടിരുന്നു. പ്രദേശവാസികളുടെ എതിര്‍പ്പിനെ മറികടന്നാണ് പാറമടലോബി പണത്തിന്‍റെയും ഗുണ്ടായിസത്തിന്‍റെയും ബലത്തില്‍ ഖനന ലൈസന്‍സ് വാങ്ങിയെടുക്കുന്നത്. പോലീസിനും ജനപ്രതിനിധികള്‍ക്കും വിവിധ വകുപ്പുതല ഉദ്യോഗസ്ഥര്‍ക്കും മാസപ്പടി നല്‍കുന്ന ക്വാറിയുടമകള്‍ പലരുണ്ട്. ജിയോളജി വകുപ്പ് അനുവദിക്കുന്ന അളവിലോ ആഴത്തിലോ സമയത്തോ അല്ല ഏറെ മടകളും പ്രവര്‍ത്തിക്കുന്നത്. അനുവദനീയമായ അളവിനേക്കാൾ രാസസാമഗ്രികള്‍ ഉപയോഗിച്ചാണ് ഒരേ സമയം ഉഗ്രസ്ഫോടനത്തില്‍ പാറപൊട്ടിക്കുന്നത്. ഇവിടങ്ങളിലെ സ്റ്റോറുകളില്‍ അനുവദനീയമായതിനേ ക്കാള്‍ അളവില്‍ സ്‌ഫോടക വസ്തുക്കള്‍ സൂക്ഷിക്കുന്നതും പതിവാണ്. ഉറക്കം കെടുത്തുന്ന ശബ്ദമുണ്ടാക്കി സമീപവാസികള്‍ക്ക് ദുരിതം സൃഷ്ടിക്കും വിധമാണ് മിക്ക ക്രഷറുകളുടെയും പ്രവര്‍ത്തനം. വലിയൊരു ഗുണ്ടാസംഘത്തെ കൂടെ നിർത്തിയാണ് ഏറെയിടങ്ങളിലും പാറമട ലോബിയുടെ പ്രവര്‍ത്തനം. പ്രദേശവാസികള്‍ എതിര്‍പ്പുപറയുകയോ നിയമനടപടികളിലേക്കു കടക്കുകയോ ചെയ്താല്‍ കൈയേറ്റത്തിനു മുതിരുക പതിവാണ്. ജില്ലയില്‍ ലൈസന്‍സില്ലാത്തതും കാലാവധി കഴിഞ്ഞതും സസ്‌പെന്‍ഡ് ചെയ്യപ്പെട്ടതുമായ ക്വാറികള്‍ നിയമവിരുദ്ധമായി പ്രവര്‍ത്തിക്കുന്നുണ്ട്. പാറ പൊട്ടിക്കാന്‍ അനുമതി നല്‍കിയാല്‍ ഖനനത്തിന്‍റെ ഓരോ ഘട്ടത്തിലും റവന്യു, മലിനീകരണം, ജിയോളജി, മൈനിംഗ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തണമെന്നും പ്രദേശവാസികളുടെ പരാതികള്‍ക്ക് പരിഹാരം തേടണമെന്നാണ് നിയമം. നിലവില്‍ ഉദ്യോഗസ്ഥര്‍ സ്ഥലത്തെത്താതെ സുരക്ഷിത കേന്ദ്രങ്ങളില്‍ വിഹിതം വാങ്ങുകയാണു പതിവ്. പാറമട കരാറുകാരന് സ്വര്‍ണഖനി കോട്ടയം: കോടികളുടെ മുടക്കില്‍ ശതകോടികള്‍ കോരുന്ന വ്യവസായമാണ് ഖനനം. ക്വാറി-ക്രഷര്‍ യൂണിറ്റുകള്‍ ദിവസേന നേടുന്ന ലാഭം സാധാരണക്കാരുടെ കണക്കുകൂട്ടലുകളേക്കാള്‍ ഏറെയാണ്. ഒരു ഇടത്തരം ക്വാറിയില്‍നിന്ന് ദിവസം 150 മുതല്‍ 200 ലോഡ് വരെയാണ് പാറ പുറത്തുപോകുക. ഒരു ലോഡ് പാറ ഒമ്പതു ടണ്‍ വരും. അത്തരത്തില്‍ 1,200 ടണ്‍ കരിങ്കല്ലാണ് ദിവസം പുറത്തുപോകുന്നത്. ശരാശരി 200 ലോഡ് മെറ്റലും അത്രതന്നെ എം-സാന്‍ഡും വിറ്റഴിയുന്നു. 20 ടണ്ണാണ് ഒരു ലോഡ് മെറ്റല്‍. അത്തരത്തില്‍ ദിവസം നാലായിരം ടണ്‍ മെറ്റല്‍ ദിവസവും വില്‍ക്കുന്നു. എം-സാന്‍ഡിന്‍റെ കണക്കും ഇങ്ങനെതന്നെ. പാറമട ലോബി ഓരോ വര്‍ഷവും പാറവില കൂട്ടുന്നു. രണ്ടു വര്‍ഷം മുന്‍പ് പാറ തൂക്കി വില്‍ക്കാന്‍ വരെ ക്വാറിലോബി ആലോചന നടത്തിയിരുന്നു. മട തെളിച്ച് ഖനനം തുടങ്ങിയാല്‍ ഒരു മാസത്തിനുള്ളില്‍ മുടക്കുമുതല്‍ തിരിച്ചുകിട്ടും. തൊഴില്‍കൂലിയും സ്‌ഫോടനചെലവും മാസപ്പടിയും കഴിഞ്ഞാല്‍ ബാക്കി കരാറുകാരന് ലാഭമാണ്. നിയമപരമായ സമയപരിധി ലംഘിച്ചാണ് ക്വാറികള്‍ പ്രവര്‍ത്തിക്കുക. ജനവാസ പ്രദേശമല്ലെങ്കില്‍ നിര്‍ദ്ദേശിക്കപ്പെട്ട സമയക്രമങ്ങളൊന്നും ക്വാറി ഉടമകള്‍ നോക്കാറില്ല. പകല്‍ പൊട്ടിക്കുന്ന കൂറ്റന്‍ പാറകള്‍ മെറ്റലാക്കാനും എം-സാന്‍ഡാക്കാനും രാത്രി മുഴുവന്‍ ക്രഷര്‍ യൂണിറ്റുകള്‍ പ്രവര്‍ത്തിപ്പിക്കും. കരിങ്കല്ലും കരിങ്കല്‍ ഉത്പന്നങ്ങളം മാത്രമല്ല ലാഭനേട്ടം. ഖനനത്തിന് മുന്നോടിയായി പല ക്വാറികളിലും മേല്‍മണ്ണ് വില്‍ക്കുക പതിവാണ്. മടകളില്‍ ഇരുപതടി താഴ്ചയില്‍ കൂടുതല്‍ കുഴിക്കാനോ സ്‌ഫോടനം നടത്താനോ നിയമപരമായി സാധിക്കില്ല. 1967-ലെ മൈനര്‍ മിനറല്‍ മൈനിംഗ് ആക്ട് അനുസരിച്ച് പാറയുടെ ആഴപരിധിയും പലയിടങ്ങളിലും വിലങ്ങുതടിയാണ്. അതിനു ക്വാറി ഉടമകള്‍ കണ്ടെത്തുന്ന വഴിയാണ് മേല്‍മണ്ണ് നീക്കല്‍. ഇതോടെ കരിങ്കല്‍ ഉത്പന്നങ്ങള്‍ക്കൊപ്പം മണ്ണ് കച്ചവടവും നടത്താനാകും. ഇതിന് രേഖയോ ലൈസന്‍സോ ആവശ്യമില്ലതാനും. ലൈസന്‍സ് മൂന്നു വര്‍ഷംകൂടുമ്പോള്‍ പുതുക്കി ഒരു മടയില്‍ അഞ്ചു വര്‍ഷം മുതല്‍ 12 വര്‍ഷം വരെ ഖനനം നടത്താം.

ജില്ലാ സമ്മേളനത്തിലേക്ക് സിപിഐ

കോട്ടയം: വൈക്കത്ത് നടക്കുന്ന ജില്ലാ സമ്മേളനത്തില്‍ സിപിഐയ്ക്കും ജില്ലയില്‍ പുതിയ സാരഥി എത്തും. നിലവിലെ സെക്രട്ടറി വി.ബി. ബിനു ഇനി സെക്രട്ടറിയാകാന്‍ താത്പര്യമില്ലെന്നും ഒഴിവാക്കണമെന്നും ആവശ്യപ്പെട്ട് സംസ്ഥാന നേതൃത്വത്തിനു കത്തുനല്‍കി. ഓഗസ്റ്റ് എട്ടു മുതല്‍ 10 വരെ വിപുലമായ രീതിയിലാണു പാര്‍ട്ടിയുടെ ശക്തി കേന്ദ്രമായ വൈക്കത്ത് ജില്ലാ സമ്മേളനം നടക്കുന്നത്. കഴിഞ്ഞ തവണ ഏറ്റുമാനൂരില്‍ നടന്ന സമ്മേളനത്തില്‍ അപ്രതീക്ഷിതമായി നടന്ന മത്സരത്തില്‍ അന്നത്തെ സംസ്ഥാന സെക്രട്ടറിയായിരുന്ന കാനം രാജേന്ദ്രന്‍റെ നോമിനെയെ പരാജയപ്പെടുത്തിയാണ് ബിനു സെക്രട്ടറിയാകുന്നത്. സംസ്ഥാന സെക്രട്ടറിയായിരുന്ന കാനം രാജേന്ദ്രന്‍ പങ്കെടുത്ത സമ്മേളനത്തില്‍ അദ്ദേഹവും സംസ്ഥാന നേതൃത്വവും നിര്‍ദേശിച്ച വി.കെ. സന്തോഷ് കുമാറിനെയാണ് ബിനു പരാജയപ്പെടുത്തിയത്. സെക്രട്ടറി കാലയളവില്‍ സിപിഐയെ ജില്ലയിലെ കരുത്തുറ്റ പാര്‍ട്ടിയായി നയിക്കാന്‍ ബിനുവിനു സാധിച്ചിരുന്നു. ഈ സാഹചര്യത്തില്‍ ബിനുവിന്‍റെ ആവശ്യം സംസ്ഥാന നേതൃത്വം എങ്ങനെ പരിഗണിക്കും എന്നറിയാന്‍ സമ്മേളനംവരെ കാത്തിരിക്കണം. യുവാക്കള്‍ക്കും പുതുമുഖങ്ങള്‍ക്കും പ്രാതിനിധ്യം കൊടുക്കണമെന്നാണ് ബിനു ആവശ്യപ്പെട്ടിരിക്കുന്നത്. അങ്ങനെ വന്നാല്‍ കഴിഞ്ഞ തവണ ബിനുവിനോടു പരാജയപ്പെട്ട എഐടിയുസി ജില്ലാ സെക്രട്ടറി കൂടിയായ വി.കെ. സന്തോഷ്‌കുമാര്‍, നിലവിലെ ജില്ലാ അസി. സെക്രട്ടറിമാരിലൊരാളായ ജോണ്‍ വി. ജോസഫ്, ജില്ലാ ട്രഷറര്‍ ബാബു കെ. ജോര്‍ജ് എന്നിവരിലൊരാള്‍ സെക്രട്ടറിയാകും. വൈക്കം മുന്‍ എംഎല്‍എ കെ. അജിത്തിന്‍റെ പേരും പരിഗണനയിലുണ്ട്. ജില്ലാ സെക്രട്ടറി സ്ഥാനം ഒഴിയുന്ന ബിനു സംസ്ഥാന നേതൃത്വത്തിലേക്ക് എത്തിയേക്കും. സംസ്ഥാന അസി. സെക്രട്ടറിമാരിലൊരാളായോ അല്ലെങ്കില്‍ സംസ്ഥാന എക്‌സിക്യൂട്ടീവ് അംഗമായോ ബിനുവിനെ പരിഗണിക്കും. നിയമസഭാ തെരഞ്ഞെടുപ്പില്‍ സിപിഐയുട ഉറച്ച സീറ്റിലൊന്നോ, രാജ്യസഭാ സീറ്റോ ബിനുവിനു നല്‍കിയേക്കാം. ജില്ലാ സമ്മേളനത്തിനു മുന്നോടിയായി 622 ബ്രാഞ്ച് സമ്മേളനങ്ങളും 98 ലോക്കല്‍ സമ്മേളനങ്ങളും 11 മണ്ഡലം സമ്മേളനങ്ങളും പൂര്‍ത്തിയായി. പുതിയ നേതൃനിരയാണ് എല്ലായിടത്തും. 300 പ്രതിനിധികള്‍ പങ്കെടുക്കുന്ന ജില്ലാ സമ്മേളനത്തിന്‍റെ പൊതുസമ്മേളനവും വൈക്കം ബീച്ചില്‍ നടക്കുന്ന ചുവപ്പുസേനാ മാര്‍ച്ചും സംസ്ഥാന സെക്രട്ടറി ബിനോയി വിശ്വമാണ് ഉദ്ഘാടനം ചെയ്യുന്നത്. സമ്മേളനത്തിനു മുന്നോടിയായി ഒമ്പത് നിയോജക മണ്ഡലങ്ങളിലായി വിദ്യാര്‍ഥി, യുവജന, മഹിളാ സമ്മേളനങ്ങളും കര്‍ഷക, തൊഴിലാളി സംഗമങ്ങളും സംഘടിപ്പിച്ചിട്ടുണ്ട്.

നാല് ഇതരസംസ്ഥാനത്തൊഴിലാളികള്‍ ആറ് കിലോ കഞ്ചാവുമായി പിടിയില്‍

ചിങ്ങവനം: കുറിച്ചിയില്‍ ഇതര സംസ്ഥാനത്തൊഴിലാളികളില്‍നിന്നു വില്‍പനയ്ക്കായി എത്തിച്ച 6.8 കിലോ കഞ്ചാവ് ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡും ചിങ്ങവനം പോലീസും ചേര്‍ന്ന് പിടികൂടി. സംഭവത്തിൽ നാല് പേരെ ചിങ്ങവനം പോലീസ് അറസ്റ്റ് ചെയ്തു. ഒഡീഷ സ്വദേശികളായ സുരേഷ് ബൈര (22), ആകാശ് ബൈര (19), ആസാം സ്വദേശികളായ ബിക്രം ബുയാന്‍ (19), പരാഗ് ദത്ത (20) എന്നിവരാണ് അറസ്റ്റിലായത്. കോട്ടയം ജില്ലാ പോലീസ് മേധാവി ഷാഹുല്‍ഹമീദിന് ലഭിച്ച രഹസ്യവിവരത്തിന്‍റെ അടിസ്ഥാനത്തില്‍ ഇന്നലെ രാവിലെ 7.45 ന് ഇത്തിത്താനം കളംപാട്ട്ചിറ ഭാഗത്തെത്തിയ പോലീസ് സംഘം സംശയാസ്പദമായി കണ്ട നാലു പേരെ തടഞ്ഞുനിര്‍ത്തി ചോദ്യം ചെയ്തതില്‍ ഇവര്‍ ഇതര സംസ്ഥാനക്കാരാണെന്ന് മനസിലാവുകയും ഇവരുടെ കൈവശം ഉണ്ടായിരുന്ന ഷോള്‍ഡര്‍ ബാഗ് പരിശോധിച്ചതില്‍ പ്ലാസ്റ്റിക് കവറുകളില്‍ ആക്കി പാക്ക് ചെയ്ത നിലയില്‍ 6.8 കിലോഗ്രാം കഞ്ചാവ് കണ്ടെത്തുകയുമായിരുന്നു. പ്രതികളില്‍ രണ്ടുപേര്‍ ആസാം സ്വദേശികളും രണ്ടുപേര്‍ ഒഡീഷ സ്വദേശികളുമാണ്. പ്രതികളില്‍ സുരേഷ്, ആകാശ് എന്നീ ഒഡീഷ സ്വദേശികള്‍. ചിങ്ങവനത്ത് സികെ ഇന്‍ഡസ്ട്രീസ് എന്ന കമ്പനിയില്‍ ജോലിക്കാരായ വിക്രം, പരാഗ് എന്നീ ആസാം സ്വദേശികള്‍ക്ക് കൈമാറാന്‍ ട്രെയിനില്‍ കഞ്ചാവുമായി എത്തുകയായിരുന്നു. ഇതര സംസ്ഥാനത്തൊഴിലാളികള്‍ക്കും മറ്റും വില്‍പ്പനയ്ക്കായി എത്തിച്ച കഞ്ചാവാണ് പിടിക്കപ്പെട്ടത്. ജില്ലാ പോലീസ് മേധാവിയുടെ ലഹരിവിരുദ്ധ സ്‌ക്വാഡിനോടൊപ്പം ചിങ്ങവനം പോലീസ് സ്റ്റേഷന്‍ എസ്എച്ച്ഒ വി.എസ്. അനില്‍കുമാര്‍, എസ്‌ഐമാരായ വി.വി. വിഷ്ണു, ഷാന്‍, എം.പി. സജി, സിജു സൈമണ്‍, എഎസ്‌ഐ സിജോ രവീന്ദ്രന്‍, സിപിഒ മാരായ റിങ്കു, സുമേഷ്, രാജീവ്, സിറാജുദ്ദീന്‍, സാല്‍ബിന്‍, ഭാസുരന്‍ എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.

വാഴൂർ പഞ്ചായത്ത് പഴയ ഷോപ്പിംഗ് കോംപ്ലക്സ് അപകടാവസ്ഥയിൽ

വാഴൂർ: അപകടാവസ്ഥയിൽ നിൽക്കുന്ന വാഴൂർ പഞ്ചായത്തിന്‍റെ പഴയ ഷോപ്പിംഗ് കോംപ്ലക്സ് ഉടൻ പൊളിച്ചുമാറ്റണമെന്ന ആവശ്യം ശക്തമാകുന്നു. കോംപ്ലക്സിന്‍റെ മുകളിലെ നിലയിൽ ചോർച്ചയും കോൺക്രീറ്റ് അടർന്നുവീഴുന്ന സ്ഥിതിയുമാണ്. കെട്ടിടത്തിന്‍റെ ഭിത്തിക്കു വിള്ളലുണ്ട്. കോൺക്രീറ്റ് താഴേക്ക് അടർന്നുവീണ് അപകടം ഉണ്ടാകാതിരിക്കാൻ ഇരുമ്പുവല സ്ഥാപിച്ചിട്ടുണ്ട്. കെട്ടിടം അപകടാവസ്ഥയിലാണെന്നും ഇതിന്‍റെ മുന്പിൽ വാഹനങ്ങൾ നിർത്തിയിടരുതെന്നും കാൽനട യാത്രക്കാർ റോഡിന്‍റെ എതിർവശം വഴി മാത്രമേ പോകാവൂവെന്നും നിർദേശിച്ചു പഞ്ചായത്ത് കോംപ്ലക്സിന്‍റെ മുന്പിൽ ബോർഡ് സ്ഥാപിച്ചിട്ടുണ്ട്. അഞ്ചു വ്യാപാര സ്ഥാപനങ്ങൾ ഇവിടെ പ്രവർത്തിക്കുന്നുണ്ട്. 30 വർഷം മുന്പ് നിർമിച്ച മൂന്നു നില ഷോപ്പിംഗ് കോംപ്ലക്സിന്‍റെ മുകളിലെ നിലയിൽ ചോർച്ചയുണ്ടായി കോൺക്രീറ്റ് അടർന്നുവീഴാൻ തുടങ്ങിയതോടെ എട്ടു വർഷംമുന്പ് കോംപ്ലക്സ് കെട്ടിടം അറ്റകുറ്റപ്പണി നടത്താൻ തീരുമാനിച്ചിരുന്നു. ഇതിനായി 15 ലക്ഷം രൂപ വകയിരുത്തി കരാർ ചെയ്യുകയും ചെയ്തിരുന്നു. എൻജിനിയറിംഗ് വിഭാഗം അറ്റകുറ്റപ്പണി നടത്തരുതെന്നും കെട്ടിടം പൊളിച്ചുമാറ്റണമെന്നും നിർദേശിച്ചതോടെ പദ്ധതി നടന്നില്ല. കെട്ടിടം പൊളിച്ചുമാറ്റാനുള്ള നീക്കത്തിനെതിരേ കോംപ്ലക്സിലെ വ്യാപാരികൾ കോടതിയെ സമീപിച്ചു. കെട്ടിടത്തിന്‍റെ താഴത്തെ നില ഒഴിച്ചുള്ള ഭാഗം പൊളിച്ചുനീക്കി വ്യാപാര സ്ഥാപനങ്ങളെ സംരക്ഷിക്കാമെന്നു തീർപ്പാക്കിയിരുന്നു. എൻജിനിയറിംഗ് വിഭാഗത്തിന്‍റെ വിദഗ്ധ പരിശോധനയിൽ കെട്ടിടത്തിന്‍റെ താഴത്തെ നിലമാത്രം നിർത്തി പൊളിച്ചു മാറ്റുമ്പോൾ താഴത്തെ നിലയ്ക്കു ബലക്ഷയം ഉണ്ടാകുമെന്നും കെട്ടിടം പൂർണമായി പൊളിച്ചുനീക്കണമെന്നും നിർദേശിച്ചതായി പഞ്ചായത്ത് പ്രസിഡന്‍റ് തോമസ് വെട്ടുവേലി പറഞ്ഞു. 15നു പഞ്ചായത്ത് കമ്മിറ്റി യോഗം ചേർന്ന് ഒഴിഞ്ഞുതരണമെന്ന് ആവശ്യപ്പെട്ടു കെട്ടിടത്തിലെ കടയുടമകൾക്കു നോട്ടീസ് നൽകുമെന്നും പ്രസിഡന്‍റ് പറഞ്ഞു.

‌വീടിനു മുകളിൽ വനംവകുപ്പിന്‍റെ തേക്കുമരങ്ങൾ നഷ്‌ടപരിഹാരമില്ല, കണ്ണടച്ച് വനംവകുപ്പ്

എരുമേലി: സ്വന്തമായി ആകെയുള്ള രണ്ടു സെന്‍റ് ഭൂമിയിലെ ചെറിയ വീട്ടിൽ കഴിയുന്ന നിർധന കുടുംബം എരുമേലി ഫോറസ്റ്റ് ഓഫീസിലെ അനാസ്ഥമൂലം വീട് ഉപേക്ഷിച്ചു പോകേണ്ട സ്ഥിതിയിൽ. ശ്രീനിപുരം കോളനിയിൽ കാവുങ്കൽ വത്സമ്മ, മകൻ രഞ്ജിത്ത്, ഭാര്യ, മകൻ എന്നിവർ ഉൾപ്പെടുന്ന കുടുംബമാണ് അപകടഭീഷണിയിൽ കഴിയുന്നത്. വീടിന്‍റെ തൊട്ടടുത്ത് വനംവകുപ്പിന്‍റെ തേക്കിൻകൂപ്പാണ്. പഴക്കമേറിയ തേക്കുമരങ്ങൾ വീടിനു സമീപത്ത് വേരറ്റു മറിഞ്ഞുവീഴുന്ന നിലയിലാണ്. നഷ്ടപരിഹാരമില്ല കഴിഞ്ഞ ദിവസം വീടിന് അടുത്തേക്ക് വനത്തിലെ വലിയ തേക്ക് കടപുഴകി വീണു. 2018ൽ മൂന്നു തേക്കുകൾ വീടിനു മുകളിൽ വീണ് വീട് തകർന്നതാണ്. ഇതിനു നഷ്ടപരിഹാരം തേടി എരുമേലി ഫോറസ്റ്റ് റേഞ്ച് ഓഫീസിൽ നൽകിയ അപേക്ഷയിൽ ഒരു നടപടിയുമുണ്ടായില്ല. കഴിഞ്ഞ ദിവസം തേക്ക് വീണ വിവരം അറിയിച്ചിട്ടും വനംവകുപ്പ് അനങ്ങുന്നില്ല. കഴിഞ്ഞ ദിവസം മരം വീഴുമ്പോൾ രഞ്ജിത്തും കുടുംബവും കൂടാതെ അയൽപക്കത്തെ ആറു കുട്ടികളും വീട്ടിലുണ്ടായിരുന്നു. മരം വീട്ടിലേക്കു വീണിരുന്നെങ്കിൽ വലിയ ദുരന്തമായി മാറുമായിരുന്നു. അങ്ങനെ സംഭവിക്കാതെ ഇവരുടെയെല്ലാം ജീവൻ രക്ഷപ്പെട്ടതിന്‍റെ ആശ്വാസത്തിലാണ് നാട്ടുകാർ. ഓട്ടോ വിറ്റു കടംവീട്ടി 2018ൽ മൂന്നു തേക്കുമരങ്ങൾ വീണപ്പോൾ വീടിന്‍റെ മേൽക്കൂര ഉൾപ്പെടെ തകർന്നിരുന്നു. നിർമാണം നടത്തി വീടിന്‍റെ കേടുപാടുകൾ മാറ്റാനെടുത്ത വായ്പയുടെ തിരിച്ചടവ് മുടങ്ങിയതോടെ രഞ്ജിത്ത് തന്‍റെ ഓട്ടോറിക്ഷ വിറ്റാണ് കടം വീട്ടിയത്. ഇതോടെ കൂലിപ്പണി നടത്തിയാണ് രഞ്ജിത്ത് കുടുംബം പോറ്റുന്നത്. 2011ൽ ഒരു അപകടത്തിലേറ്റ പരിക്കുമൂലം രഞ്ജിത്തിന്‍റെ വലതുകൈ ശസ്ത്രക്രിയയിലൂടെ തുന്നിച്ചേർത്തതാണ്. ഇതുമൂലം ശ്രമകരമായ ജോലികൾ ചെയ്യാൻ കഴിയില്ല. കഴിഞ്ഞ ദിവസം തേക്ക് വീണ വിവരം പറയാൻ എരുമേലി ഫോറസ്റ്റ് റേഞ്ച് ഓഫീസിൽ ചെന്ന രഞ്ജിത്തിനോട്‌ ഭീഷണിയായ ആറ് തേക്ക് മരങ്ങൾ വെട്ടിമാറ്റാൻ അനുമതി ആയിട്ടുണ്ടെന്ന് ഉദ്യോഗസ്ഥർ പറഞ്ഞു. മരങ്ങൾ വെട്ടിമാറ്റുന്നതിന്‍റെ ചെലവ് വനംവകുപ്പ് വഹിക്കില്ലെന്ന് അറിയിച്ച ഉദ്യോഗസ്ഥർ മരങ്ങൾ വെട്ടിയിട്ടാൽ വനംവകുപ്പ് ലേലം ചെയ്യുമെന്നും വ്യക്തമാക്കി. അപേക്ഷ‌‌ ഓഫീസിലില്ല 2018ൽ മരങ്ങൾ വീണ് വീട് തകർന്നതിന്‍റെ നഷ്ടപരിഹാരം തേടി നൽകിയ അപേക്ഷയിൽ തുടർ നടപടികൾ അറിയാൻ ഏഴു വർഷമായി ഓഫീസിൽ കയറി‍യിറങ്ങുകയാണെന്നും അപേക്ഷ ഓഫീസിൽ കാണുന്നില്ല എന്നുമായിരുന്നു ഉദ്യോഗസ്ഥരുടെ മറുപടിയെന്നും രഞ്ജിത്ത് പറഞ്ഞു. അപേക്ഷ നൽകിയതിന്‍റെ പകർപ്പ് തെളിവായി രഞ്ജിത്ത് സൂക്ഷിച്ചുവച്ചിട്ടുണ്ട്. ഇത് ഉൾപ്പെടെ വനംവകുപ്പിലെ അനാസ്ഥയ്ക്കെതിരേ ഫോറസ്റ്റ് ഓഫീസിനു മുമ്പിൽ കുടുംബവുമായി സമരം നടത്താനൊരുങ്ങുകയാണ് രഞ്ജിത്ത്. കോവിഡ് കാലത്ത് സൗജന്യമായി നൂറുകണക്കിനു പേരെ ആശുപത്രികളിൽ എത്തിച്ച ഓട്ടോ ഡ്രൈവറാണ് ജീവൻ രക്ഷിക്കാൻ കുടുംബവുമായി സ്വന്തം വീട് ഉപേക്ഷിച്ചു പോകേണ്ട സ്ഥിതിയിലെത്തിയിരിക്കുന്നത്.

ലക്ഷങ്ങൾ പാഴായി; എരുമേലിയിലെ അറവുശാല നശിക്കുന്നു

എരുമേലി: ലക്ഷങ്ങൾ പാഴാക്കി നിർമിച്ച എരുമേലിയിലെ അറവുശാല ആർക്കും പ്രയോജനമില്ലാതെ നശിക്കുന്നു.കശാപ്പുമുതല്‍ മാലിന്യസംസ്‌കരണം വരെ എല്ലാ പ്രക്രിയകളും നടത്താൻ സജ്ജമാക്കിയ ഒരൊറ്റ ഉപകരണം പോലും ഇപ്പോൾ പ്രവർത്തിപ്പിക്കുന്നില്ല. പ്രതിദിനം പത്തുമുതല്‍ 15 കന്നുകാലികളെ വരെ കശാപ്പ് ചെയ്യാനുള്ള യന്ത്രങ്ങളാണുണ്ടായിരുന്നത്. എന്നാൽ ഇപ്പോൾ ഇതെല്ലാം തുരുമ്പുപിടിച്ച നിലയിലാണ്. അതേസമയം, ആധുനികവും ആരോഗ്യകരവും സുരക്ഷിതവുമായ അറവുശാല സജ്ജമാക്കിയെന്നു പഞ്ചായത്ത്‌ വികസന രേഖയിൽ കാണാം. വൃത്തിയുള്ള അന്തരീക്ഷത്തില്‍ ആധുനിക സാങ്കേതികവിദ്യയും ഉപകരണങ്ങളും ഉപയോഗിച്ച് ഉയര്‍ന്ന നിലവാരമുള്ള മാംസം ഉത്പാദിപ്പിച്ചു വിപണിയില്‍ എത്തിക്കുന്നുവെന്നാണ് വികസന രേഖയിൽ പരാമർശിച്ചിരിക്കുന്നത്. എന്നാൽ ഒരിക്കൽ പോലും പ്രവർത്തിപ്പിക്കാൻ കഴിഞ്ഞിട്ടില്ല എന്നതാണ് യാഥാർഥ്യം. പതിനഞ്ചു വർഷം മുന്പ് നേർച്ചപ്പാറ കമുകിൻകുഴി ഭാഗത്താണ് അറവുശാല നിർമിച്ചത്. ഒന്നരക്കോടിയോളം രൂപ ഇതിനായി ചെലവിട്ടു. നിർമാണം പൂർത്തിയായപ്പോൾ പ്രവർത്തനം ആരംഭിച്ചിരുന്നുവെങ്കിൽ ഇപ്പോൾ യന്ത്രസംവിധാനങ്ങൾ പരിഷ്കരിക്കാൻ കഴിയുമായിരുന്നു. നിർമാണത്തിനു ശിലയിട്ടത് എൽഡിഎഫ് ഭരണസമിതിയും നിർമാണം നടത്തിയതു യുഡിഎഫ് ഭരണസമിതിയുമാണ്. ഇതിനുശേഷം എൽഡിഎഫ് ഭരണസമിതി അധികാരത്തിൽ വന്നു. ഇരു പക്ഷങ്ങളും മാറിമാറി ഭരണം നടത്തിയിട്ടും പ്രവർത്തനം ആരംഭിക്കാൻ കഴിയാത്തത് വികസന പരാജയമായി മാറുകയാണ്. മാംസംമുറിക്കല്‍, എല്ലുകള്‍ നീക്കം ചെയ്യല്‍, അറവുമാലിന്യങ്ങള്‍ വേര്‍തിരിക്കല്‍ എന്നിവയെല്ലാം വേഗത്തില്‍ ചെയ്യാനാകുന്ന മെഷീനുകൾ, ക്രയിൻ എന്നിവയാണ് സ്ഥാപിച്ചിരുന്നത്. കട്ടിംഗ് മെഷീന്‍, ഹാംഗര്‍, കണ്‍വെയര്‍, സംഭരണസ്ഥലം, കന്നുകാലികളെ സൂക്ഷിക്കുന്നതിനുള്ള പ്രത്യേക സ്ഥലം എന്നിവയെല്ലാം ഒരുക്കിയിരുന്നു. ഗുണനിലവാരവും ശുചിത്വവും ഉറപ്പാക്കാന്‍ കന്നുകാലിയുടെ ഭാരം അളന്നു വെറ്ററിനറി ഡോക്ടറുടെ നേതൃത്വത്തില്‍ ആരോഗ്യനില പരിശോധിക്കുന്നതിനുള്ള സൗകര്യവും സജ്ജമാക്കിയിരുന്നു. അണുവിമുക്തമാക്കിയ കന്നുകാലികളെ കശാപ്പ് കഴിഞ്ഞാലുടന്‍ തല, രക്തം, മറ്റ് ഭാഗങ്ങള്‍ എന്നിവ യന്ത്രങ്ങളുപയോഗിച്ച് വേര്‍പെടുത്തി പ്രത്യേക ഇടങ്ങളിലേക്ക് മാറ്റുന്നതിനും പ്രത്യേകം സംവിധാനമുണ്ടായിരുന്നു. വിവിധ ഘട്ടങ്ങളിലൂടെ നീക്കംചെയ്യുന്ന അറവുമാലിന്യം ഡ്രെയിനേജ് സംവിധാനത്തിലേക്കു മാറ്റുന്നതിന് സൗകര്യം ഒരുക്കിയിരുന്നു. എന്നാൽ ഇതൊന്നും നാളിതുവരെ പഞ്ചായത്ത്‌ ഉപയോഗിച്ചിട്ടില്ല.

ഗിഫ്റ്റഡ് ചിൽഡ്രൻ പ്രോഗ്രാം പ്രവർത്തനോദ്ഘാടനം

പൊൻകുന്നം: കാഞ്ഞിരപ്പള്ളി വിദ്യാഭ്യാസ ജില്ലയിലെ 2025-26 വർഷത്തെ ഗിഫ്റ്റഡ് ചിൽഡ്രൻ പ്രോഗാമിന്‍റെ പ്രവർത്തനം ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്തു. കാഞ്ഞിരപ്പള്ളി ഡിഇഒ റോഷ്‌ന അലിക്കുഞ്ഞ് അധ്യക്ഷത വഹിച്ചു. പ്രോഗ്രാം കോ-ഓർഡിനേറ്റർ രാജേഷ് കെ.രാജു പദ്ധതി വിശദീകരണം നടത്തി. കോട്ടയം ഡയറ്റിലെ സ്മിത ശങ്കർ, കാഞ്ഞിരപ്പള്ളി ബിപിസി അജാസ് വാരിക്കാടൻ, പൊൻകുന്നം ഗവ. എച്ച്എസ്എസ് പ്രിൻസിപ്പൽ എം.എച്ച്. നിയാസ്, വൊക്കേഷണൽ എച്ച്എസ്എസ് പ്രിൻസിപ്പൽ ആശാ രാജു, ഹെഡ്മിസ്ട്രസ് എം.സി. രജനി എന്നിവർ പ്രസംഗിച്ചു. എംജി സർവകലാശാല മുൻ വൈസ് ചാൻസലർ ഡോ. സാബു തോമസ് ക്ലാസ് നയിച്ചു.

ബസില്‍നിന്ന് വീണ് വിദ്യാര്‍ഥിനിക്ക് പരിക്കേറ്റ സംഭവം: ഡ്രൈവര്‍ക്കെതിരേ കേസെടുത്തു

കാഞ്ഞിരപ്പള്ളി: ബസില്‍നിന്നിറങ്ങുന്നതിനു മുന്നേ വാഹനം നീങ്ങിയതിനെത്തുടര്‍ന്ന് വിദ്യാര്‍ഥിനിക്ക് വീണു പരിക്കേറ്റ സംഭവത്തില്‍ ഡ്രൈവര്‍ക്കെതിരേ പോലീസ് കേസെടുത്തു. സംഭവത്തില്‍ വാഴയില്‍ എന്ന സ്വകാര്യ ബസിലെ ഡ്രൈവര്‍ പൊന്‍കുന്നം എലിക്കുളം പല്ലാട്ട്‌ അര്‍ജുന്‍ പി. ചന്ദ്രനെ(30)തിരേയാണ് കാഞ്ഞിരപ്പള്ളി പോലീസ് കേസെടുത്തത്. കാഞ്ഞിരപ്പള്ളി-ഈരാറ്റുപേട്ട റോഡില്‍ ആനിത്തോട്ടം സ്റ്റോപ്പില്‍ നിര്‍ത്തിയ ബസിൽനിന്ന് വിദ്യാര്‍ഥിനി ഇറങ്ങുന്നതിനു മുമ്പായി ബസ് അശ്രദ്ധമായി മുന്നോട്ടെടുത്തതിനാല്‍ വിദ്യാര്‍ഥിനി ഫുട്‌ബോർഡില്‍നിന്നു റോഡിലേക്ക് തെറിച്ചുവീഴുകയായിരുന്നു. വീഴ്ചയില്‍ കുട്ടിയുടെ വലതുകാലിനും കൈക്കുഴയ്ക്കും കൈവിരലുകള്‍ക്കും പരിക്കേറ്റിട്ടുണ്ട്. ബസ് ഡ്രൈവര്‍ക്കെതിരേ അശ്രദ്ധമായും അപകടകരമായും വാഹനമോടിച്ചതിനും അപകടശേഷവും വാഹനം നിർത്താതെ ഓടിച്ചുപോയി എന്ന കുറ്റത്തിനുമാണ് കേസെടുത്തിട്ടുള്ളത്.

വിദ്യാലയ പ്രവർത്തനങ്ങളെ താളംതെറ്റിക്കുന്ന സർക്കാർനയം പ്രതിഷേധാർഹമെന്ന്

പൊൻകുന്നം: വിദ്യാഭ്യാസ അവകാശനിയമത്തിന്‍റെ പേരുപറഞ്ഞ് സ്കൂൾ വിദ്യാഭ്യാസത്തെ മൂന്ന് സമയക്രമങ്ങളിലേക്കു മാറ്റി വിദ്യാലയ പ്രവർത്തനങ്ങളെ താളംതെറ്റിക്കുന്ന സർക്കാർനയം പ്രതിഷേധാർഹമാണെന്ന് ഡിസിസി ജനറൽ സെക്രട്ടറി പി.എ. ഷെമീർ പറഞ്ഞു. കേരള പ്രദേശ് സ്കൂൾ ടീച്ചേഴ്സ് അസോസിയേഷൻ ജില്ലാ കമ്മിറ്റി നടത്തിയ ഏകദിന നേതൃത്വ പരിശീലന ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. ഒരു രൂപ പോലും കണ്ടിൻജൻസി തുക വർധിപ്പിക്കാതെ വിഭവസമൃദ്ധമായ ഉച്ചഭക്ഷണം പ്രഥമാധ്യാപകരുടെ ചെലവിൽ വിദ്യാലയങ്ങളിൽ നടപ്പിലാക്കുന്നതിനെതിരേ ക്യാമ്പ് പ്രമേയം പാസാക്കി. ജില്ലാ പ്രസിഡന്‍റ് സാബു ജേക്കബിന്‍റെ അധ്യക്ഷതയിൽ റവന്യു ജില്ലാ പ്രസിഡന്‍റ് ആർ. രാജേഷ് മുഖ്യപ്രഭാഷണം നടത്തി. മുൻ സംസ്ഥാന വൈസ് പ്രസിഡന്‍റ് പി.വി. ഷാജിമോൻ, സംസ്ഥാന സമിതിയംഗം ജോസുകുട്ടി ജേക്കബ്, ജില്ലാ ട്രഷറർ ടോമി ജേക്കബ്, യോഗേഷ് ജോസഫ്, ജേക്കബ് മാത്യു എന്നിവർ പ്രസംഗിച്ചു. കാഞ്ഞിരപ്പള്ളി, കറുകച്ചാൽ, ഈരാറ്റുപേട്ട എന്നീ ഉപജില്ലകളിൽനിന്നുള്ള പ്രതിനിധികൾ പങ്കെടുത്തു.

ഫാ. ആന്‍റണി മാന്നല മെമ്മോറിയൽ ബൈബിൾ ക്വിസ്: ചെങ്ങളം ഈസ്റ്റ് സൺഡേസ്കൂൾ ജേതാക്കൾ

അരുവിക്കുഴി: ലൂർദ് മാതാ പള്ളിയിൽ നടന്ന ഫാ. ആന്‍റണി മാന്നല മെമ്മോറിയൽ ബൈബിൾ ക്വിസ് മത്സരത്തിൽ ചെങ്ങളം ഈസ്റ്റ് സെന്‍റ് ആന്‍റണീസ് സൺഡേ സ്കൂളിലെ ആൻമരിയ ജോർജ്-ഏയ്ഞ്ചൽ മരിയ ഇമ്മാനുവൽ ടീം ഒന്നാം സ്ഥാനം കരസ്ഥമാക്കി. രണ്ടാം സ്ഥാനം അരുവിക്കുഴി സെന്‍റ് ജോസഫ് സൺഡേ സ്കൂളിലെ സനീഷ് ഫിലിപ്പ്-സെറിൻ മരിയ ടീമും മൂന്നാം സ്ഥാനം ചങ്ങനാശേരി സെന്‍റ് മേരീസ് മെത്രാപ്പോലീത്തൻ പള്ളി സൺഡേ സ്കൂളിലെ ഗ്ളാഡിസ് ജോസ്-സ്റ്റെഫി സോജി ടീമും നേടി. വിജയികൾക്ക് ക്വിസ് മാസ്റ്റർ ഫാ. ജേക്കബ് കാട്ടടി കാഷ് അവാർഡും ട്രോഫികളും സമ്മാനിച്ചു.

സിടിസി ഉദ്ഘാടനവും സര്‍ട്ടിഫിക്കറ്റ് വിതരണവും

കാഞ്ഞിരപ്പള്ളി: രൂപത വിശ്വാസജീവിത പരിശീലനകേന്ദ്രം വിശ്വാസജീവിത പരിശീലകര്‍ക്കായി നടത്തുന്ന അടിസ്ഥാന ദൈവശാസ്ത്ര അധ്യാപന വിഷയങ്ങളില്‍ അറിവ് നല്‍കുന്ന പരിശീലന പരിപാടിയായ കാറ്റക്കിസ്റ്റ്‌സ് ട്രെയിനിംഗ് കോഴ്‌സിന്‍റെ (സിടിസി) പുതിയ അധ്യയനവര്‍ഷത്തിന്‍റെ ഉദ്ഘാടനവും 2024-25ല്‍ കോഴ്‌സ് പൂര്‍ത്തിയാക്കിയവരുടെ സര്‍ട്ടിഫിക്കറ്റ് വിതരണവും പാസ്റ്ററല്‍ സെന്‍ററില്‍ നടന്നു. രൂപതാധ്യക്ഷന്‍ മാര്‍ ജോസ് പുളിക്കല്‍ സമ്മേളനം ഉദ്ഘാടനം ചെയ്ത് സര്‍ട്ടിഫിക്കറ്റുകൾ വിതരണം ചെയ്തു. രൂപത പ്രോട്ടോസിഞ്ചെല്ലൂസ് ഫാ. ജോസഫ് വെള്ളമറ്റം അധ്യക്ഷത വഹിച്ചു. വിശ്വാസ ജീവിത പരിശീലന ഡയറക്ടര്‍ ഫാ. തോമസ് വാളന്മനാല്‍, ഫാ. സേവ്യര്‍ കൊച്ചുപറമ്പില്‍ എന്നിവർ പ്രസംഗിച്ചു.

കടനാട് മികച്ച കുടുംബാരോഗ്യകേന്ദ്രം

കടനാട്: ജില്ലാതലത്തിലെ മികച്ച കുടുംബാരോഗ്യകേന്ദ്രമായി കടനാട് കുടുംബാരോഗ്യകേന്ദ്രം തെരഞ്ഞെടുക്കപ്പെട്ടു. 2024-25 വര്‍ഷത്തെ ആരോഗ്യവകുപ്പിന്‍റെ സംസ്ഥാന കായകൽപ് അവാര്‍ഡിന്‍റെ ഭാഗമായാണിത്. 94.2 ശതമാനം മാര്‍ക്ക് നേടിയാണ് ഈ ആരോഗ്യസ്ഥാപനം രണ്ടു ലക്ഷം രൂപയുടെ അവാര്‍ഡ് കരസ്ഥമാക്കിയത്. ശുചിത്വം, മാലിന്യപരിപാലനം, അണുബാധ നിയന്ത്രണം തുടങ്ങിയ മേഖലകളില്‍ പുലര്‍ത്തിയ ഉയര്‍ന്ന നിലവാരമാണ് കായകൽപ് അവാര്‍ഡിന് കടനാട് കുടുംബാരോഗ്യകേന്ദ്രത്തെ അര്‍ഹമാക്കിയത്. കടനാട് പഞ്ചായത്ത് ഭരസമിതിയുടെ നേതൃത്വവും പിന്തുണയും ആശുപത്രി മാനേജ്‌മെന്‍റ് കമ്മിറ്റിയുടെ നിര്‍ലോഭമായ സഹകരണവും മെഡിക്കല്‍ ഓഫീസര്‍മാരായ ഡോ. ബ്രിജിറ്റ് ജോണ്‍, ഡോ. പ്രീനു സൂസന്‍ ചാക്കോ, മുന്‍ മെഡിക്കല്‍ ഓഫീസര്‍മാരായ ഡോ. വിവേക് പുളിക്കല്‍, ഡോ. വിജീഷ വിജയന്‍ എന്നിവരുടെ നേതൃത്വത്തില്‍ ആശുപത്രിയിലെ ജീവനക്കാരുടെ ഏകോപിതമായ പരിശ്രമവുമാണ് കുടുംബാരോഗ്യകേന്ദ്രത്തിന് വലിയ നേട്ടം കൈവരിക്കാന്‍ സാധിച്ചതെന്ന് കടനാട് പഞ്ചായത്ത് പ്രസിഡന്‍റ് ജിജി തമ്പി പറഞ്ഞു.

കരുതലിന്‍ കൈകള്‍ നീട്ടി എകെസിസി ചേര്‍പ്പുങ്കല്‍ യൂണിറ്റ്

ചേര്‍പ്പുങ്കല്‍: സാമ്പത്തിക, സാമൂഹിക മേഖലകളില്‍ നിസഹായതയനുഭവിക്കുന്നവര്‍ക്ക് ആശ്വാസമായി എകെസിസി സാമൂഹ്യക്ഷേമ പദ്ധതിയായ "കരുതല്‍' ആരംഭിക്കുന്നു. പ്രഥമ ഘട്ടത്തില്‍ അഗതി മന്ദിരങ്ങളിലെ അന്തേവാസികള്‍ക്കും വീടുകളില്‍ ഒറ്റപ്പെട്ടു കഴിയുന്ന വൃദ്ധ മാതാപിതാക്കള്‍ക്കും രോഗികള്‍ക്കും ഭക്ഷണം, മരുന്ന്, അനുദിനാവശ്യ വസ്തുക്കള്‍ തുടങ്ങിയവ നല്‍കും. കരുതല്‍ പദ്ധതിയുടെ ഉദ്ഘാടനം മാര്‍ ജേക്കബ് മുരിക്കന്‍ നിര്‍വഹിച്ചു. അദൃശ്യനായ ദൈവത്തിന്‍റെ ദ്യശ്യമായ കരങ്ങളായി ജീവിതയാത്രയില്‍ ഒട്ടേറെ പേര്‍ക്ക് ആശ്വാസത്തിന്‍റെയും പ്രതീക്ഷയുടെയും നേര്‍സാക്ഷ്യമായി മാറാന്‍ ഈ പദ്ധതിയിലൂടെ കഴിയുമെന്ന് മാര്‍ മുരിക്കന്‍ പറഞ്ഞു. പാലിയേറ്റീവ് മേഖലയിലെ ജീവന്‍രക്ഷാ ഉപകരണങ്ങള്‍ താത്കാലിക ആവശ്യങ്ങള്‍ക്കായി മിതമായ നിരക്കില്‍ ലഭ്യമാക്കാനുള്ള സംവിധാനങ്ങള്‍ പദ്ധതിയുടെ ഭാഗമായി ഉടന്‍ ആരംഭിക്കുമെന്ന് പ്രസിഡന്‍റ് മാര്‍ട്ടിന്‍ ജെ. കോലടി പറഞ്ഞു. പാലാ രൂപത വികാരി ജനറാള്‍ മോണ്‍. ജോസഫ് മലേപ്പറമ്പില്‍, ഡയറക്ടര്‍ ഫാ. അജിത്ത് പരിയാരത്ത്, മിനി ജോസഫ് പള്ളിച്ചിറ, ഇമ്മാനുവല്‍ വടാത്തുരുത്തേല്‍, ഷിബു മറ്റപ്പള്ളി തുടങ്ങിയവര്‍ പ്രസംഗിച്ചു.

സ്‌നേഹവീടിന്‍റെ താക്കോല്‍ സമർപ്പണം

പാലാ: ജില്ലാ പഞ്ചായത്തംഗം ജോസ്‌മോന്‍ മുണ്ടയ്ക്കല്‍ നേതൃത്വം നല്‍കുന്ന സ്നേഹദീപം ഭവനപദ്ധതി പ്രകാരമുള്ള 48-ാമത് സ്നേഹവീടിന്‍റെ താക്കോല്‍ സമര്‍പ്പണം കരൂര്‍ പഞ്ചായത്തിലെ ഇടനാട്ടില്‍ സന്തോഷ് ജോര്‍ജ് കുളങ്ങര നിര്‍വഹിച്ചു. ജീവിച്ചിരിക്കുമ്പോള്‍ ബുദ്ധിമുട്ട് അനുഭവിക്കുന്ന മനുഷ്യനെ സഹായിക്കാന്‍ ലഭിക്കുന്ന അവസരം പ്രയോജനപ്രദമാക്കണമെന്ന് അദ്ദേഹം പറഞ്ഞു. ഡേവിസ് പാലാത്ത് സംഭാവന നൽകിയ സ്ഥലത്താണ് സ്നേഹദീപം പദ്ധതിപ്രകാരമുള്ള കരൂര്‍ പഞ്ചായത്തിലെ ആദ്യ സ്നേഹവീട് നിര്‍മിച്ചത്. സന്തോഷ് ജോര്‍ജ് കുളങ്ങര നേതൃത്വം നൽകുന്ന സഫാരി ചാനലാണ് ഈ വീട് നിര്‍മാണത്തിനായി നാലു ലക്ഷം രൂപ നൽകിയത്. യോഗത്തില്‍ ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കല്‍, കരൂര്‍ പഞ്ചായത്ത് പ്രസിഡന്‍റ് അനസ്യ രാമന്‍, വൈസ് പ്രസിഡന്‍റ് സാജു വെട്ടത്തേട്ട്, ബ്ലോക്ക് പഞ്ചായത്ത് മെംബര്‍ ഷീലാ ബാബു, പഞ്ചായത്ത് മെംബര്‍ പ്രിന്‍സ് കുര്യത്ത്, ഡേവിസ് പാലാത്ത്, സ്നേഹദീപം സൊസൈറ്റി ഭാരവാഹികളായ ജോര്‍ജ് പുളിങ്കാട്, സന്തോഷ് കുര്യത്ത്, ജയചന്ദ്രന്‍ കോലത്ത്, പാട്രിക് ജോസഫ്, വിന്‍സെന്‍റ് ഡി പോള്‍ ഭാരവാഹികളായ തോമസ് മാത്യു ചാത്തനാട്ട്, സ്‌കറിയാച്ചന്‍ ആനിത്തോട്ടം, ബെന്നി കന്യാട്ടുകുന്നേല്‍, ജിന്‍സ് കുഴികുളം, സാനിച്ചന്‍ മാധവത്ത് എന്നിവര്‍ പ്രസംഗിച്ചു.

എം.പി. പോള്‍ ചെറുകഥാ പുരസ്‌കാരം

കോട്ടയം: എം.പി. പോള്‍ ചെറുകഥാ പുരസ്‌കാരം ആഷ് ആഷിതയ്ക്ക് സമ്മാനിച്ചു. ദര്‍ശന സാംസ്‌കാരിക കേന്ദ്രത്തില്‍ നടന്ന സാഹിതീ സംഖ്യത്തിന്‍റെ വാര്‍ഷിക യോഗത്തില്‍ മന്ത്രി വി.എന്‍. വാസവനാണ് പുരസ്‌കാരം സമ്മാനിച്ചത്. ഡോ. കുര്യാസ് കുമ്പളക്കുഴി അധ്യക്ഷത വഹിച്ച യോഗത്തില്‍ എഴുത്തുകാരന്‍ എസ്. ഹരീഷ് മുഖ്യപ്രഭാഷണവും കെ.ബി. പ്രസന്നകുമാര്‍ എം.പി. പോള്‍ അനുസ്മരണവും നടത്തി. ചെറുകഥാ സ്‌പെഷല്‍ ജൂറി പുരസ്‌കാരം ക്യാപ്റ്റന്‍ ഗോവിന്ദ്, ജോണി ജെ. പ്ലാത്തോട്ടം, രമേശന്‍ മുല്ലശേരി എന്നിവര്‍ക്കും മാധ്യമ പുരസ്‌കാരം സതീഷ് ചേലാട്ട്, പ്രഫ. നെടുംകുന്നം രഘുദേവ് എന്നിവര്‍ക്കും സമ്മാനിച്ചു. കോട്ടയത്തും പരിസര പ്രദേശങ്ങളിലുമുള്ള സാഹിത്യ സംഘടനാ പ്രവര്‍ത്തകരെയും യോഗത്തില്‍ ആദരിച്ചു. തേക്കിന്‍കാട് ജോസഫ്, പോള്‍ മണലില്‍, ഉണ്ണിക്കൃഷ്ണന്‍ കിടങ്ങൂര്‍, ജോയി നാലുന്നാക്കല്‍, രാധാകൃഷ്ണക്കുറുപ്പ് എന്നിവര്‍ പ്രസംഗിച്ചു.

അന്ത്യാളം വളവിലെ വൈദ്യുതിത്തൂണ‌്‍ അപകടഭീഷണിയായി

അന്ത്യാളം: പാലാ-രാമപുരം റോഡിലെ അന്ത്യാളം വളവിലെ വൈദ്യുതിത്തൂണ‌്‍ അപകടഭീഷണിയായി. പന്ത്രണ്ടിലധികം കമ്പികള്‍ ഈ വൈദ്യുതിത്തൂണിലുണ്ട്. ഇന്‍റ‌ഗ്രേറ്റഡ് കേബിളുകള്‍ കൂടി സ്ഥാപിച്ചതോടെയാണ് ഭാരം താങ്ങാനാവാതെ തൂണുകളുടെ അടിവശം വളഞ്ഞത്. നാട്ടുകാരുടെ പരാതിയെത്തുടര്‍ന്ന് വൈദ്യുതിവകുപ്പ് ജീവനക്കാര്‍ പ്ലാസ്റ്റിക് കയര്‍ ഉപയോഗിച്ച് സമീപ പറമ്പിലെ മരത്തില്‍ കെട്ടിവച്ചിരിക്കുകയാണ്. നൂറുകണക്കിന് വാഹനങ്ങള്‍ ദിവസേന ഈ റോഡിലൂടെ കടന്നു പോകുന്നതാണ്. റോഡിന് ഇരുവശവും മിക്ക ഭാഗങ്ങളിലും റബര്‍ത്തോട്ടങ്ങളാണുള്ളത്. മഴയത്തും കാറ്റത്തും റബര്‍ മരങ്ങള്‍ വൈദ്യുതി ലൈനിലേക്ക് ഒടിഞ്ഞു വീണാല്‍ ഈ വൈദ്യുതിത്തൂണ‌് നിലംപതിക്കുമെന്നാണ് നാട്ടുകാരുടെ ആശങ്ക. വൈദ്യുതിവകുപ്പ് അധികൃതര്‍ മറ്റ് സുരക്ഷിത മാര്‍ഗങ്ങള്‍ സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.

കഥാപാത്രങ്ങൾ പകർന്നാടി; ദേവമാതായിൽ വേറിട്ട ബഷീർ അനുസ്മരണം

കുറവിലങ്ങാട്: വൈക്കം മുഹമ്മദ് ബഷീറിനെ അനുസ്മരിച്ച് ദേവമാതാ കോളജ്. വായനയിൽ കണ്ടുമുട്ടിയിട്ടുള്ള ബഷീർ കഥാപാത്രങ്ങളെ അരങ്ങിൽ പുനരവതരിപ്പിച്ചത് നവ്യമായ അനുഭവമായി. പതിറ്റാണ്ടുകൾക്ക് മുമ്പ് ബഷീർ സൃഷ്ടിച്ച കഥാപാത്രങ്ങളെ കാലോചിതമായ നവീകരണത്തിലൂടെ കുട്ടികൾ അരങ്ങിലെത്തിച്ചു. ബഷീർ, പാത്തുമ്മ, ഒറ്റക്കണ്ണൻ പോക്കർ, നാരായണി, കേശവൻ നായർ, സാറാമ്മ തുടങ്ങി അതുല്യ മികവാർന്ന കഥാപാത്രങ്ങൾ അനുയോജ്യമായ വേഷപ്പകർച്ചയോടെ അരങ്ങിലെത്തി. ‌ഡിബി കോളജിലെ മലയാള വിഭാഗം അസി. പ്രഫസർ ഡോ. ജി. രമ്യ, ബഷീർ അനുസ്മരണ പ്രഭാഷണം നടത്തി. ദേവമാതാ കോളജ് മലയാള വിഭാഗത്തിന്‍റെ ആഭിമുഖ്യത്തിലാണ് പരിപാടി സംഘടിപ്പിച്ചത്. പ്രിൻസിപ്പൽ ഡോ. സുനിൽ സി. മാത്യു, വൈസ് പ്രിൻസിപ്പൽ ഫാ. ഡിനോയ് മാത്യു കവളമ്മാക്കൽ, ബർസാർ ഫാ. ജോസഫ് മണിയഞ്ചിറ, ഡോ. ജോബിൻ ജോസ്, ഡോ. സിജി ചാക്കോ, സിസ്റ്റർ സിന്ധു ഡോ. സെബാസ്റ്റ്യൻ, ഡോ. ടീനാ സെബാസ്റ്റ്യൻ, ഡോ. അരുണിമ സെബാസ്റ്റ്യൻ തുടങ്ങിയവർ പരിപാടികൾക്ക് നേതൃത്വം നൽകി.

നാടിനെയാകെ ദുഃഖത്തിലാഴ്ത്തി ഐറിൻ ജിമ്മി യാത്രയായി

അരുവിത്തുറ: നാടിനെയാകെ ദുഃഖത്തിലാഴ്ത്തി ഐറിൻ യാത്രയായി. കഴിഞ്ഞ ദിവസം മീനച്ചിലാറ്റിലെ ഒഴുക്കിൽപ്പെട്ട് മരിച്ച ഈരാറ്റുപേട്ട കൊണ്ടൂർ പാലാത്ത് ഐറിൻ ജിമ്മിയുടെ സംസ്കാരം അരുവിത്തുറ സെന്‍റ് ജോർജ് ഫൊറോന പള്ളിയിൽ നടന്നു. കഴിഞ്ഞ ഒമ്പതിന് ഐറിനും സഹോദരിയും കൂട്ടുകാരും മീനച്ചിലാറ്റിൽ കുളിക്കാൻ ഇറങ്ങിയപ്പോൾ ഐറിൻ ഒഴുക്കിൽപ്പെടുകയായിരുന്നു. കൂടെയുണ്ടായിരുന്ന രണ്ടുപേരെ രക്ഷപ്പെടുത്തിയെങ്കിലും ഐറിന്‍റെ ജീവൻ രക്ഷിക്കാൻ കഴിഞ്ഞില്ല. സന്നദ്ധ പ്രവർത്തകർ ഐറിനെ വെള്ളത്തിൽനിന്ന് മുങ്ങിയെടുക്കുമ്പോൾ ജീവൻ ഉണ്ടായിരുന്നെങ്കിലും ആശുപത്രിയിൽ എത്തിച്ച് മണിക്കൂറുകൾ കഴിഞ്ഞ് ഐറിൻ മരണത്തിന് കീഴടങ്ങുകയായിരുന്നു. ഐറിന് അന്ത്യാഞ്ജലി അർപ്പിക്കാൻ കൂടെ പഠിച്ചവരും അധ്യാപകരും വൈദികരും സന്യസ്തരും നാട്ടുകാരും ഉൾപ്പെടെ ആയിരങ്ങളാണ് എത്തിയത്. പ്ലസ് ടു പഠനത്തിനുശേഷം ഉന്നത വിദ്യാഭ്യാസത്തിനായി ഒരുങ്ങിയിരിക്കുമ്പോഴായിരുന്നു എല്ലാവരെയും സങ്കടത്തിലാഴ്ത്തി ഐറിൻ കടന്നുപോയത്.

ഏഴാച്ചേരി റൂട്ടില്‍ യാത്രാക്ലേശം

പാലാ: ഏഴാച്ചേരി വഴിയുള്ള പ്രധാന സര്‍വീസുകളൊക്കെ കെഎസ്ആര്‍ടിസി നിര്‍ത്തലാക്കിയിട്ടും ചോദിക്കാനും പറയാനും ആരുമില്ലാത്ത അവസ്ഥ. സ്‌കൂളുകളും കോളജുകളും തുറന്നതോടെ ഈ റൂട്ടിലെ യാത്രാക്ലേശം വര്‍ധിച്ചിട്ടുണ്ട്. ഏതാനും സ്വകാര്യ ബസുകള്‍ സര്‍വീസ് നടത്തുന്നുണ്ടെങ്കിലും അത് യാത്രാക്ലേശത്തിന് പരിഹാരമല്ലെന്ന് യാത്രാക്കാര്‍ പറയുന്നു. ഇടസമയങ്ങളില്‍ ബസ് സര്‍വീസില്ല. മുമ്പ് ഏഴാച്ചേരി വഴി രാവിലെ 7.15, 8.30, 9.20നും പാലായില്‍നിന്ന് രാമപുരത്തേക്കും തിരിച്ചും കെഎസ്ആര്‍ടിസി സര്‍വീസുണ്ടായിരുന്നു. കൂടാതെ രാവിലെ 11.50നും വൈകുന്നേരം മൂന്നിനും രാത്രി 9.20ന് സ്റ്റേ സര്‍വീസും ഉണ്ടായിരുന്നത് കോവിഡിന്‍റെ കാലഘട്ടത്തില്‍ നിര്‍ത്തലാക്കി. സര്‍വീസ് പുനരാരംഭിക്കണമെന്ന് യാത്രക്കാര്‍ മുറവിളി കൂട്ടിയെങ്കിലും അധികാരികളാരും ഗൗനിച്ചില്ല. പേരിന് രണ്ട് സര്‍വീസുകള്‍ മാത്രം നടത്തി ജനങ്ങളുടെ കണ്ണില്‍ പൊടിയിടുകയാണ് കെഎസ്ആര്‍ടിസി പാലാ ഡിപ്പോ അധികാരികള്‍.

കടപ്പാട്ടൂർ വിഗ്രഹദര്‍ശന ദിനാഘോഷം നാളെ

പാലാ: കടപ്പാട്ടൂര്‍ ശ്രീമഹാദേവ ക്ഷേത്രത്തിലെ വിഗ്രഹദര്‍ശന ദിനാഘോഷം നാളെ വിശേഷാല്‍ പൂജകള്‍, ധാരാനാമജപം, മഹാ പ്രസാദഊട്ട് എന്നീ ചടങ്ങുകളോടെ നടക്കും. ക്ഷേത്രം തന്ത്രി ബ്രഹ്‌മശ്രീ പറമ്പൂരില്ലത്ത് നീലകണ്ഠന്‍ നാരായണന്‍ ഭട്ടതിരിപ്പാടും മേല്‍ശാന്തി മനോജ് നമ്പൂതിരിയും മുഖ്യകാര്‍മികത്വം വഹിക്കും. രാവിലെ 9.30 മുതല്‍ മഹാപ്രസാദഊട്ട്, വിഗ്രഹദര്‍ശന സമയമായ 2.30ന് വിശേഷാല്‍ ദീപാരാധന, 2.45 മുതല്‍ തിരുവരങ്ങില്‍ സംഗീതാര്‍ച്ചന, സോപാനസംഗീത സമന്വയം, 8.30ന് ഭരതനാട്യം, 9.30ന് കൈകൊട്ടിക്കളി എന്നിവയാണ് പ്രധാന പരിപാടികള്‍. ക്ഷേത്രത്തില്‍ എത്തിച്ചേരുന്ന മുഴുവന്‍ ഭക്തജനങ്ങള്‍ക്കും ലഭ്യമാകുംവിധം ഭക്തജനങ്ങള്‍ സമര്‍പ്പിച്ച ഉത്പന്നങ്ങളാല്‍ തയാറാക്കിയ മഹാപ്രസാദഊട്ടിന് 501 പറ അരിയുടെ വിഭവങ്ങളാണ് തയാറാക്കുന്നത്. 151 കിലോ ശര്‍ക്കരയുടെ പ്രസാദവിതരണവും ഇതോടനുബന്ധിച്ചുണ്ടാകും. ആഘോഷച്ചടങ്ങുകളുടെ ഒരുക്കങ്ങൾ പൂര്‍ത്തിയായതായി ദേവസ്വം ഭാരവാഹികള്‍ അറിയിച്ചു.

എൽഡിഎഫ് ബഹുജന കൂട്ടായ്മ നാളെ പാലായിൽ

പാലാ: പൊതുജനാരോഗ്യ മേഖലയെ തകര്‍ക്കാന്‍ യുഡിഎഫ്-ബിജെപി ഗൂഢാലോചന നടത്തുകയാണെന്ന് ആരോപിച്ച് എല്‍ഡിഎഫ് നാളെ പാലായില്‍ ബഹുജന കൂട്ടായ്മ സംഘടിപ്പിക്കും. എൽഡിഎഫ് പാലാ നിയോജകമണ്ഡലം കമ്മിറ്റിയുടെ നേതൃത്വത്തില്‍ സംഘടിപ്പിക്കുന്ന പരിപാടിയുടെ ഭാഗമായി വൈകുന്നേരം നാലിന് പ്രകടനവും തുടർന്നു പൊതുസമ്മേളനവും നടത്തും. ആശുപതി ജംഗ്ഷനില്‍നിന്ന് പ്രകടനം ആരംഭിക്കും. ളാലം പാലം ജംഗ്ഷനില്‍ ചേരുന്ന സമ്മേളനം കേരള കോണ്‍ഗ്രസ്-എം ചെയര്‍മാന്‍ ജോസ് കെ. മാണി എംപി ഉദ്ഘാടനം ചെയ്യും. എല്‍ഡിഎഫ് നേതാക്കളായ ടി.ആര്‍. രഘുനാഥന്‍, അഡ്വ. വി.ബി. ബിനു, പ്രാഫ. ലോപ്പസ് മാത്യു, സണ്ണി തോമസ്, അഡ്വ. ഫ്രാന്‍സിസ് തോമസ്, ഡോ. ഷാജി കടമല തുടങ്ങിയവര്‍ പ്രസംഗിക്കും.

ജിഒപിഐഒ പ്രഥമ ഉമ്മന്‍ ചാണ്ടി പുരസ്‌കാരം ബി. രാജീവിന്

കോട്ടയം: ഗ്ലോബല്‍ ഓര്‍ഗനൈസേഷന്‍ ഓഫ് പീപ്പിള്‍ ഓഫ് ഇന്ത്യന്‍ ഒറിജിന്‍ (ജിഒപിഐഒ) പ്രഥമ ഉമ്മന്‍ ചാണ്ടി പുരസ്‌കാരവും കേരള സീനിയര്‍ ലീഡേഴ്സ് ഫോറം സംസ്ഥാനപ്രസിഡന്‍റും പി.എന്‍. പണിക്കര്‍ ഫൗണ്ടേഷന്‍ കോട്ടയം ജില്ലാ വൈസ് ചെയര്‍മാനുമായ ബി. രാജീവ് അര്‍ഹനായി. 50,001 രൂപ കാഷ് അവാര്‍ഡും ഫലകവും പുരസ്‌കാരവും അടങ്ങുന്നതാണ് അവാര്‍ഡ്. പൊതുരംഗത്തും സാംസ്‌കാരിക പ്രവര്‍ത്തനങ്ങളിലുമുള്ള സമഗ്ര സംഭാവനക്കാണ് അവാര്‍ഡ്. 17നു കോട്ടയത്തു ചേരുന്ന സമ്മേളനത്തില്‍ പുരസ്‌കാരം വിതരണം ചെയ്യുമെന്ന് ഓര്‍ഗനൈസേഷന്‍ ഗ്ലോബല്‍ ചെയര്‍മാന്‍ സണ്ണി കുളത്താക്കല്‍ അറിയിച്ചു.

തെങ്ങുകൃഷി വ്യാപനത്തിന് സഹായപദ്ധതി

കോട്ടയം: തെങ്ങുകൃഷിക്ക് നാളികേര വികസന ബോര്‍ഡിന്‍റെ പ്രോത്സാഹന പദ്ധതി. തെങ്ങിന്‍ തൈകള്‍ തയാറാക്കി വില്‍ക്കുന്ന നഴ്‌സറികള്‍, നാളികേര കര്‍ഷകര്‍, തെങ്ങുകയറ്റക്കാര്‍ എന്നിവര്‍ക്കാണ് സഹായം. ഇപ്പോഴുള്ള തെങ്ങുകളില്‍ 40 ശതമാനവും ഉത്പാദന ക്ഷമത കുറഞ്ഞതും കാലപ്പഴക്കം ചെന്നതും കേടുള്ളതുമാണ്. തെങ്ങുകയറാന്‍ ഉദ്ദേശിക്കുന്ന ഒരു ഗ്രൂപ്പിന് തെങ്ങുകയറ്റ യന്ത്രം വാങ്ങാന്‍ 2.5 ലക്ഷം രൂപയും തെങ്ങ് കയറാന്‍ മൂന്നു ദിവസത്തെ പരിശീലനവും നല്‍കും. തെങ്ങു കയറാന്‍ രണ്ടരലക്ഷം പേര്‍ക്ക് പരിശീലനം നല്‍കുകയാണ് ലക്ഷ്യം. കുറഞ്ഞത് കാല്‍ ലക്ഷം തെങ്ങിന്‍തൈകള്‍ തയാക്കുന്ന പൊതുമേഖലാ നഴ്‌സറികള്‍ക്ക് ഒരു തൈയ്ക്ക് 90 രൂപ വീതം സബ്‌സിഡി നല്‍കും. സ്വകാര്യ നഴ്‌സറികളില്‍ ഒരു തൈയ്ക്ക് 45 രൂപ നല്‍കും. ഒരു ഹെക്ടറില്‍ പൂര്‍ണമായി തെങ്ങുകൃഷി ചെയ്യുന്ന കര്‍ഷകര്‍ക്ക് 3.60 ലക്ഷം രൂപയാണ് സബ്‌സിഡി. പരമാവധി രണ്ടു ഹെക്ടറില്‍ ഈ സഹായം ലഭിക്കും. രണ്ടു ഗഡുവായാണ് ഈ തുക നല്‍കുക. ഒരു ഗ്രാമമോ പ്രദേശമോ ഒന്നാകെ തെങ്ങുകൃഷിയിലേക്ക് വന്നാല്‍ ആ ക്ലസ്റ്ററിനും തുക അനുവദിക്കും.

അംഗം മരിച്ചാൽ പത്തു ലക്ഷം രൂപയുടെ ധനസഹായം: പദ്ധതിയുമായി അസോ. ഓഫ് ഓട്ടോമൊബൈല്‍ വര്‍ക് ഷോപ്പ്‌സ്

കോട്ടയം: അസോസിയേഷന്‍ ഓഫ് ഓട്ടോമൊബൈല്‍ വര്‍ക് ഷോപ്പ്‌സ് കേരള അംഗങ്ങള്‍ക്കായി നടപ്പാക്കുന്ന ഒരംഗം മരണപ്പെട്ടാല്‍ 10 ദിവസത്തിനുള്ളില്‍ 10 ലക്ഷം രൂപ കുടുംബത്തിനു നല്‍കുന്ന ലൈഫ് ലൈന്‍ പദ്ധതിയുടെ ജില്ലാതല ഉദ്ഘാടനം ഏറ്റുമാനൂര്‍ വ്യാപാരഭവന്‍ ഹാളില്‍ നടന്ന ചടങ്ങില്‍ മന്ത്രി വി.എന്‍. വാസവന്‍ നിര്‍വഹിച്ചു. യൂണിറ്റ് പ്രസിഡന്‍റ് പി.വി. സന്തോഷ് അധ്യക്ഷത വഹിച്ചു. സംസ്ഥാന പ്രസിഡന്‍റ് കെ.ജി. ഗോപകുമാര്‍, വൈസ്പ്രസിഡന്‍റ് വി.എസ്. മീരാണ്ണന്‍, ജോയിന്‍റ് സെക്രട്ടറി പി.എല്‍. ജോസ്‌മോന്‍, ജില്ലാ പ്രസിഡന്‍റ് എ.ആര്‍. രാജന്‍, സെക്രട്ടറി സുരേഷ് ബാബു, ട്രഷറര്‍ പി.ജി. ഗിരീഷ്, എസ്. വിജയന്‍, ഇ.എന്‍. സിജോ, ജ്യോതി കൃഷ്ണന്‍, രതീഷ് പി. രാഘവന്‍ തുടങ്ങിയവര്‍ പ്രസംഗിച്ചു. താത്കാലിക അവശയതയ്ക്ക് ആഴ്ചതോറും നല്‍കുന്ന സഹായം, മരണപ്പെട്ട അംഗത്തിന്‍റെ കുട്ടിക്ക് വര്‍ഷം തോറും നല്‍കുന്ന സഹായം, മരണാനന്തര കുടുംബ സഹായ ഫണ്ട്, പെന്‍ഷന്‍ എന്നിവയ്ക്കു പുറമേയാണ് പുതിയ പദ്ധതി. ഒരംഗം 2000 രൂപ ഒറ്റത്തവണയും ഓരോ മരണത്തിനും 25 രൂപ വീതവും അടയ്ക്കുന്നതാണു പദ്ധതി.

ചങ്ങനാശേരി-കവിയൂര്‍ റോഡിന്‍റെ ശോച്യാവസ്ഥ പരിഹരിക്കണം

ചങ്ങനാശേരി: കാലങ്ങളായി തകര്‍ന്നുകിടക്കുന്ന ചങ്ങനാശേരി-കവിയൂര്‍ റോഡിന്‍റെ ശോച്യാവസ്ഥ പരിഹരിക്കണമെന്നാവശ്യപ്പെട്ട് അസംഘടിത തൊഴിലാളി കോണ്‍ഗ്രസ് നിയോജകമണ്ഡലം കമ്മിറ്റിയുടെ നേതൃത്വത്തില്‍ ഇന്നു വൈകുന്നേരം അഞ്ചിന് ഫാത്തിമാപുരത്ത് യോഗം നടത്തും. ജില്ലാ പ്രസിഡന്‍റ് എസ്. രാജീവ് ഉദ്ഘാടനം ചെയ്യും. നിയോജകമണ്ഡലം പ്രസിഡന്‍റ് എം.കെ. മനുകുമാര്‍ അധ്യക്ഷത വഹിക്കും.

മദ്യവില്പന എക്‌സൈസിനെ അറിയിച്ചെന്നാരോപിച്ച് യുവാവിനെ ആക്രമിച്ചയാള്‍ അറസ്റ്റില്‍

ചങ്ങനാശേരി: അനധികൃത മദ്യ വില്പന എക്‌സൈസിനെ അറിയിച്ചെന്നാരോപിച്ചു യുവാവിനെ ആക്രമിച്ച് പരിക്കേല്‍പ്പിച്ചയാൾ അറസ്റ്റില്‍. കുമരകം വിലാവില്‍ ബിനു (47) എന്നയാളെയാണ് തൃക്കൊടിത്താനം പോലീസ് അറസ്റ്റ് ചെയ്തത്. പ്രതി മദ്യവും മറ്റും അനധികൃതമായി വിൽക്കുന്ന വിവരം എക്‌സൈസുകാരെ അറിയിച്ചുവെന്ന വിരോധത്തില്‍ ഇയാള്‍ പരാതിക്കാരനെ വഴിയില്‍ തടഞ്ഞുനിര്‍ത്തി കമ്പിവടിക്ക് അടിച്ചുവെന്നാണ് കേസ്. കൈക്കു ഗുരുതരമായി പരിക്കേറ്റ പരാതിക്കാരൻ ചികിത്സ തേടിയിരുന്നു. കഴിഞ്ഞ 27നാണ് കേസിന് ആസ്പദമായ സംഭവം.

ചങ്ങനാശേരി ലയണ്‍സ് ക്ലബ് ഭാരവാഹികള്‍ സ്ഥാനമേറ്റു

ചങ്ങനാശേരി: ചങ്ങനാശേരി ലയണ്‍സ് ക്ലബിന്‍റെ പുതിയ പ്രസിഡന്‍റായി സതീഷ് സാബു, സെക്രട്ടറി സിനോ മാത്യു, ട്രഷറര്‍ ലയണ്‍ ചെറിയാന്‍ പി. വര്‍ഗീസ് എന്നിവര്‍ സ്ഥാനമേറ്റു. ലയണസ് ക്ലബ് പ്രസിഡന്‍റ് ശ്രീകുമാരി സാബു, സെക്രട്ടറി ഷാന്‍റി ചെറിയാന്‍, ട്രഷറര്‍ രഞ്ജു ജോയി എന്നിവരും സ്ഥാനമേറ്റു. ലയണ്‍സ് മള്‍ട്ടിപ്പിള്‍ ഡിസ്ട്രിക്റ്റ് മുന്‍ ചെയര്‍പേഴ്സണ്‍ അഡ്വ.പി.വി അമര്‍നാഥ് മുഖ്യാതിഥിയായിരുന്നു. മുന്‍ ഡിസ്ട്രിക്ട് ഗവര്‍ണര്‍ സി.വി. മാത്യു പ്രോജക്‌ടുകളുടെ ഉദ്ഘാടനം നിര്‍വഹിച്ചു. ഇത്തിത്താനം ഗവണ്‍മെന്‍റ് സ്‌കൂളിലെ രണ്ട് വിദ്യാർഥിനികള്‍ക്ക് സൈക്കിളുകളും വടക്കേക്കര ഗവണ്‍മെന്‍റ് സ്‌കൂളിലേക്ക് രണ്ട് ഗ്രീന്‍ ബോര്‍ഡുകളും ലയണ്‍സ് ക്ലബ് സംഭാവന ചെയ്തു. സുനില്‍ ഹോര്‍മിസ്, രാധാകൃഷ്ണന്‍, ജേക്കബ് വിജി, റോയി ജോസ്, ടോജി വര്‍ഗീസ്, എം.കെ. ജോസഫ്, പ്രേമചന്ദ്രന്‍ എസ്, ആര്‍.സുരേഷ് കുമാര്‍ എന്നിവര്‍ പ്രസംഗിച്ചു.

ആശാഭവനില്‍ "ഓണത്തിന് ഒരുമുറം പച്ചക്കറി' പദ്ധതി

ഇത്തിത്താനം: ആശാഭവന്‍ സ്‌പെഷല്‍ സ്‌കൂളില്‍ ഓണത്തിന് ഒരു മുറം പച്ചക്കറി പദ്ധതി ആരംഭിച്ചു. വാഴപ്പള്ളി പഞ്ചായത്തും മാടപ്പള്ളി ബ്ലോക്ക് പഞ്ചായത്തും വാഴപ്പള്ളി കൃഷിഭവനും സംയുക്തമായാണ് പദ്ധതി നടപ്പിലാക്കുന്നത്. പഞ്ചായത്ത് പ്രസിഡന്‍റ് മിനി വിജയകുമാര്‍ ഉദ്ഘാടനം ചെയ്തു. ആശാഭവന്‍ ഡയറക്ടര്‍ ഫാ. സോണി മുണ്ടുനടയ്ക്കല്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് മെംബര്‍ വര്‍ഗീസ് ആന്‍റണി, കൃഷി ഓഫീസര്‍ ബോണി സിറിയക്, സിസ്റ്റര്‍ ജൂലിയറ്റ്, സിസ്റ്റര്‍ റോജി, ജിജി കാലായില്‍ എന്നിവര്‍ പ്രസംഗിച്ചു.

വനിതാ ഐടിഐക്ക് ഫാത്തിമാപുരത്ത് സ്ഥലം ലഭ്യമാക്കണം

ചങ്ങനാശേരി: പെരുന്ന ഗവൺമെന്‍റ് എല്‍പി സ്‌കൂളില്‍ പ്രവര്‍ത്തിക്കുന്ന സര്‍ക്കാര്‍ വനിതാ ഐടിഐക്ക് ഫാത്തിമാപുരത്ത് പഴയ സ്ലോട്ടര്‍ഹൗസ് പ്രവര്‍ത്തിച്ചിരുന്ന സ്ഥലത്ത് സ്ഥലം ലഭ്യമാക്കാന്‍ നഗരസഭ തയാറാകണമെന്ന് മുന്‍ നഗരസഭ കൗണ്‍സിലറും ഫ്രണ്ട്‌സ് ഓഫ് ഫാത്തിമാപുരം രക്ഷാധികാരിയുമായ കുര്യന്‍ തൂമ്പുങ്കല്‍ ആവശ്യപ്പെട്ടു. സാമൂഹ്യമായി പിന്നാക്കം നില്‍ക്കുന്ന ഈ പ്രദേശത്തിന്‍റെ പുരോഗതിക്ക് ഇതു സഹായകരമാകുമെന്നും യുവതികള്‍ക്ക് തൊഴില്‍ പരിശീലനം ലഭ്യമാകുന്നതിലൂടെ അവരുടെ വികസനവും സ്വയംപര്യാപ്തതയും ഉറപ്പുവരുത്താനാകുമെന്നും അദ്ദേഹം പറഞ്ഞു. വനിതാ ഐടിഐ സ്ഥാപിക്കണമെന്നുള്ള ആവശ്യവുമായി ബന്ധപ്പെട്ട് എംഎല്‍എയ്ക്കും നഗരസഭാ അധികൃതര്‍ക്കും നിവേദനം സമര്‍പ്പിക്കുമെന്നും അദ്ദേഹം അറിയിച്ചു. പെരുന്ന ഗവൺമെന്‍റ് എല്‍പി സ്‌കൂളില്‍ കഴിഞ്ഞ 12 വര്‍ഷമായി വനിത ഐടിഐ പ്രവര്‍ത്തിക്കുന്നത് സ്‌കൂളിനും ഐടിഐയ്ക്കും ദുരിതമാകുന്നതായി ദീപിക കഴിഞ്ഞ ദിവസം റിപ്പോര്‍ട്ട് ചെയ്തിരുന്നു.

പള്ളാത്തുരുത്തി പാലത്തിന്‍റെ ആര്‍ച്ച് കോണ്‍ക്രീറ്റിംഗ് ഇന്ന്

ചങ്ങനാശേരി: ചങ്ങനാശേരി-ആലപ്പുഴ റോഡില്‍ പുതിയ പള്ളാത്തുരുത്തി പാലത്തിന്‍റെ ആര്‍ച്ച് കോണ്‍ക്രീറ്റിംഗ് പ്രവൃത്തികള്‍ ഇന്നു രാവിലെ 10ന് ആരംഭിക്കും. എസി റോഡ് നവീകരണത്തിന്‍റെ ഭാഗമായി നിര്‍മിക്കുന്ന ഏറ്റവും നീളംകൂടിയ ഈ പാലത്തിന് 600 മീറ്റര്‍ നീളമാണുള്ളത്. പാലത്തില്‍ 10.50 മീറ്റര്‍ വീതിയില്‍ ടാറിംഗും ഒരു വശത്ത് നടപ്പാതയും സജ്ജമാക്കിയിട്ടുണ്ട്. പാലത്തിന്‍റെ ആര്‍ച്ച്മാതൃകയിലുള്ള സ്പാന്‍ മൂന്നു ഘട്ടങ്ങളായാണ് നിര്‍മിക്കുന്നത്. ആദ്യഘട്ട നിര്‍മാണമാണ് ഇന്നു നടക്കുന്നത്. എസി റോഡ് നവീകരണത്തിന്‍റെ ഭാഗമായി നാലു വലിയ പാലങ്ങളുടെയും 14 ചെറിയ പാലങ്ങളുടെയും അഞ്ചു ഫ്‌ളൈ ഓവറുകളുടെയും മൂന്നു കോസ്‌വേകളുടെയും നിർമാണം പൂർത്തിയായിട്ടുണ്ട്. നിര്‍മാണ പ്രവൃത്തികളോടനുബന്ധിച്ച് ഇന്നു രാവിലെ മുതല്‍ നാളെ രാവിലെ ആറുവരെ എസി റോഡില്‍ ഗതാഗത നിയന്ത്രണമേര്‍പ്പെടുത്തിയിട്ടുണ്ട്.

ലഹരി ഉപയോഗത്തിനെതിരേ മനഃശാസ്ത്ര ചികിത്സ: ദ്വിദിന ശില്പശാല ഇന്നും നാളെയും

ചങ്ങനാശേരി: ചെത്തിപ്പുഴ സെന്‍റ് തോമസ് ആശുപത്രിയുടെ നേതൃത്വത്തില്‍ ഇന്നും നാളെയും അമിത മദ്യപാനത്തിനും ലഹരി ഉപയോഗത്തിനുമെതിരേയുള്ള മനഃശാസ്ത്ര ചികിത്സയെക്കുറിച്ചുള്ള ദ്വിദിന ശില്പശാല (വീക്കെന്‍ഡ് വര്‍ക്ക്‌ഷോപ്പ്) സാന്തോം ഓഡിറ്റോറിയത്തില്‍ സംഘടിപ്പിക്കും. പ്രശസ്ത മനഃശാസ്ത്രജ്ഞന്‍ ഡോ. ഷാഹുല്‍ അമീന്‍ ക്ലാസുകള്‍ നയിക്കും. അമിതാസക്തി മൂലം ശാരീരികവും മാനസികവുമായ ബുദ്ധിമുട്ടുകളും അവയെ പ്രതിരോധിക്കാനുള്ള മാര്‍ഗങ്ങളും അതിന്‍റെ ചികിത്സയുമായി ബന്ധപ്പെട്ട നൂതന പഠനസാധ്യതകള്‍ മനസിലാക്കുവാനും വര്‍ക്ക്‌ഷോപ്പ് ഉപകാരപ്രദമാണ്. മനഃശാസ്ത്ര മേഖലയില്‍ പ്രവര്‍ത്തിക്കുന്ന സൈക്യാട്രിസ്റ്റുകള്‍, സൈക്കോളജിസ്റ്റുകള്‍, ആതുരസേവകര്‍, സാമൂഹിക രംഗത്ത് പ്രവര്‍ത്തിക്കുന്നവര്‍ എന്നിവര്‍ പങ്കെടുക്കും. ഇന്ന് ഉച്ചകഴിഞ്ഞ് 2.30ന് ആരംഭിക്കുന്ന പരിപാടി നാളെ മൂന്നിനു സമാപിക്കും. രജിസ്‌ട്രേഷനും കൂടുതല്‍ വിവരങ്ങള്‍ക്കും 9633100011 എന്ന നമ്പറില്‍ ബന്ധപ്പെടണമെന്ന് ഹോസ്പിറ്റല്‍ എക്‌സിക്യൂട്ടീവ് ഡയറക്ടര്‍ ഫാ. ജയിംസ് പി. കുന്നത്ത് അറിയിച്ചു.

കൂണ്‍ ഗ്രാമം പദ്ധതിയില്‍ ചങ്ങനാശേരി നിയോജകമണ്ഡലവും

ചങ്ങനാശേരി: കൂണ്‍ഗ്രാമം പദ്ധതി നടപ്പിലാക്കുന്നതിനായി ചങ്ങനാശേരി നിയോജകമണ്ഡലത്തെ തെരഞ്ഞെടുത്തതായി കൃഷിമന്ത്രി പി. പ്രസാദ് അറിയിച്ചതായി ജോബ് മൈക്കിള്‍ എംഎല്‍എ പറഞ്ഞു. പോഷക ഗുണമുള്ള കൂണിന്‍റെ ഉത്പാദന വര്‍ധനയും മൂല്യവര്‍ധനയും ലക്ഷ്യമാക്കി കൃഷിവകുപ്പ് നടത്തിവരുന്ന പദ്ധതിയാണ് കൂണ്‍ ഗ്രാമം പദ്ധതി. കൂണ്‍ ഗ്രാമം പദ്ധതിക്ക് 30.25 ലക്ഷം രൂപയുടെ ധനസഹായമാണ് ലഭിക്കുന്നത്. 100 ചെറുകിട കൂണ്‍ ഉത്പാദന യൂണിറ്റുകള്‍, രണ്ട് വന്‍കിട ഉത്പാദന യൂണിറ്റുകള്‍, ഒരു വിത്തുത്പാദന യൂണിറ്റ്, 10 കമ്പോസ്റ്റ് യൂണിറ്റുകള്‍, രണ്ടു പാക്ക് ഹൗസുകള്‍, മൂന്നുസംസ്‌കരണ യൂണിറ്റുകള്‍, 100 കര്‍ഷകര്‍ക്കുള്ള പരിശീലനം എന്നിവ ഉള്‍പ്പെട്ടതാണ് കൂണ്‍ ഗ്രാമം പദ്ധതി. കൂണ്‍കൃഷി പദ്ധതി ഗുണകരമാകും കൂണ്‍കൃഷി പദ്ധതി നടപ്പിലാക്കുന്നതിലൂടെ കൂടുതൽ കർഷകരെ കൂണ്‍ കൃഷിയിലേക്ക് ആകർഷിക്കാൻ കഴിയും. ഉത്പാദനം കൂട്ടി പോഷകഗുണമുള്ള കൂൺ വിപണിയിലെത്തിക്കാനും കാര്‍ഷിക മേഖലയ്ക്ക് കൂടുതല്‍ ഉണര്‍വേകാനും സാധിക്കും. ജോബ് മൈക്കിള്‍ എംഎല്‍എ

ഫാ. ജയിംസ് കോട്ടായില്‍ എസ്ജെയുടെ രക്തസാക്ഷിത്വ വാര്‍ഷികം 16ന്

കടുത്തുരുത്തി: ഇന്ത്യക്കാരനായ ആദ്യത്തെ ഈശോസഭാ രക്തസാക്ഷിയായ ഫാ. ജയിംസ് കോട്ടായില്‍ എസ്‌ജെയുടെ 58-ാം രക്തസാക്ഷിത്വ വാര്‍ഷികം 16ന് മാതൃ ഇടവകയായ തുരുത്തിപ്പള്ളി സെന്‍റ് ജോണ്‍ ദ് ബാപ്റ്റിസ്റ്റ് പള്ളിയില്‍ ആചരിക്കും. രാവിലെ 6.30ന് വിശുദ്ധ കുര്‍ബാനയും ഒപ്പീസും നടക്കും. വികാരി ഫാ. അഗസ്റ്റിന്‍ പീടികമലയില്‍, ഫാ. റെജി പൈമറ്റം സിഎംഎഫ് എന്നിവരുടെ കാര്‍മികത്വത്തില്‍ തിരുക്കര്‍മങ്ങള്‍ നടക്കും. ഫാ.കോട്ടായില്‍ രക്തസാക്ഷിത്വം വരിച്ച റാഞ്ചി നവാട്ടാട് ഇടവകയിലും 16ന് വിശുദ്ധകുര്‍ബാന ഉണ്ടായിരിക്കും. ഇടവക വികാരി ഫാ.സുനില്‍ ടോപ്പയും ഫാ. ടോമി അഞ്ചുപങ്കിലും കാര്‍മികത്വം വഹിക്കും.

മദ്യത്തിൽ വിഷം ചേർത്ത് കുടിച്ച യുവാവ് അവശനിലയിൽ

തലയോലപ്പറമ്പ്: ബാറിൽ സുഹൃത്തുക്കളുമായി മദ്യപിക്കാൻ എത്തിയ യുവാവ് കൈയിൽ കരുതിയിരുന്ന വിഷം മദ്യത്തിൽ കലർത്തി കുടിച്ചു. അവശനിലയിലായിലായ യുവാവിനെ ഉടൻ ആശുപത്രിയിൽ പ്രവേശിപ്പിച്ചു. തലയോലപ്പറമ്പിലുള്ള ബാർ ഹോട്ടലിൽ ഇന്നലെ ഉച്ചയ്ക്ക് 2.30നായിരുന്നു സംഭവം. വെള്ളൂർകരിപ്പാടം സ്വദേശിയായ അജി(47)യാണ് കൂട്ടുകാരോടൊപ്പം മദ്യപിക്കുന്നതിനിടെ വിഷം കഴിച്ചത്. സംഭവമറിഞ്ഞ് തലയോലപ്പറമ്പ് പോലീസ് സ്ഥലത്തെത്തി അവശനിലയിലായ യുവാവിനെ ഉടൻ കോട്ടയം മെഡിക്കൽ കോളജ് ആശുപത്രിയിൽ എത്തിച്ചു.

ഭൈമി വിജയന് തലയാഴം കണ്ണീരോടെ വിടയേകി

തലയാഴം: കഴിഞ്ഞ ദിവസം അന്തരിച്ച തലയാഴം മുൻ പഞ്ചായത്ത് പ്രസിഡന്‍റും 11-ാംവാർഡ് മെംബറുമായിരുന്ന ഭൈമി വിജയന് തലയാഴം ഗ്രാമം കണ്ണീരിൽ കുതിർന്ന യാത്രാമൊഴിയേകി. ഇന്നലെ രാവിലെ 11ന് വീട്ടുവളപ്പിൽ വൻജനാവലിയുടെ സാന്നിധ്യത്തിലാണ് സംസ്കാരംനടന്നത്.രണ്ടുതവണ ജനപ്രതിനിധിയായ ഭൈമി വിജയൻ ഒരു വർഷക്കാലം പഞ്ചായത്ത് പ്രസിഡന്‍റായിരുന്നു. നിസ്വാർഥമായി ജനസേവനം നടത്തിയിരുന്ന ഭൈമിവിജയൻ സ്ത്രീശക്തീകരണത്തിനായി യത്നിച്ചിരുന്നു. ദീർഘകാലം ധീവര മഹിളാസഭ സംസ്ഥാന പ്രസിഡന്‍റായിരുന്ന ഭൈമി സാമുദായിക പ്രവർത്തനങ്ങളിലും സമുദായത്തിലെ സ്ത്രീകളുടെ ഉന്നമനത്തിനുമായി ശ്രദ്ധേയമായ പ്രവർത്തനമാണ് നടത്തിയിരുന്നത്.

വൈദികനെ ഹണിട്രാപ്പിൽപ്പെടുത്തി 60 ലക്ഷം തട്ടിയ കേസിലെ രണ്ടാം പ്രതി പിടിയിൽ

വൈക്കം: വൈദികനെ ഹണി ട്രാപ്പിൽപ്പെടുത്തി 60 ലക്ഷത്തോളം രൂപ തട്ടിയെടുത്ത കേസിലെ ഒളിവിൽ ആയിരുന്ന രണ്ടാം പ്രതിയും പിടിയിൽ. ഫോണിലൂടെ വൈദികനുമായി പരിചയത്തിലായ ശേഷം ഹണി ട്രാപ്പിൽപ്പെടുത്തി പ്രതികൾ മൂന്നുപേരും ചേർന്ന് വൈദികനിൽനിന്നു പണം അപഹരിക്കുകയായിരുന്നു. 2023 ഏപ്രിൽ 24 മുതൽ ഗൂഗിൾപേ വഴിയും എസ്ഐബി മിറർ ആപ്പ് വഴിയും 60 ലക്ഷത്തോളം രൂപ തട്ടിയെടുത്ത കേസിലെ മൂന്നു പ്രതികളിൽ ഒന്നും മൂന്നും പ്രതികളായ നേഹ ഫാത്തിമ(25), സാരഥി (29)എന്നിവരെ നേരത്തേ അറസ്റ്റ് ചെയ്തു കോടതിയിൽ ഹാജരാക്കിയിരുന്നു. ഈ കേസിൽ ഒളിവിൽ കഴിഞ്ഞിരുന്ന രണ്ടാംപ്രതി ഇടുക്കി ജില്ലയിൽ രാജാക്കാട് വില്ലേജിൽ അടിവാരം ഭാഗത്ത് പുളിക്കൽ പി.ഡി. കൃഷ്ണജിത്തി(27)നെയാണ് വൈക്കം പോലീസ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

മുട്ടുചിറ റീജൺ‍ എയ്ഞ്ചല്‍സ് മീറ്റ് ഇന്ന്

മുട്ടുചിറ: ചെറുപുഷ്പ മിഷന്‍ലീഗ് മുട്ടുചിറ റീജണിലെ ഈ വര്‍ഷം വിശുദ്ധ കുര്‍ബാന സ്വീകരണം നടത്തിയ കുട്ടികളുടെ സംഗമം - എയ്ഞ്ചല്‍ മീറ്റ് ഇന്ന് മുട്ടുചിറ റൂഹാദ്ക്കുദിശാ ഫൊറോന പള്ളിയില്‍ നടക്കും. രാവിലെ ഒമ്പതിന് രജിസ്ട്രേഷന്‍, 9.30ന് വിശുദ്ധ കുര്‍ബാന - മുട്ടുചിറ മേഖലാ ഡയറക്ടര്‍ ഫാ. ആന്‍റണി ഞരളക്കാട്ട് കാര്‍മികത്വം വഹിക്കും. തുടര്‍ന്ന് സെന്‍റ് അല്‍ഫോന്‍സ കണ്‍വന്‍ഷന്‍ സെന്‍ററില്‍ നടക്കുന്ന സമ്മേളനത്തില്‍ മുട്ടുചിറ ഫൊറോന വികാരി ഫാ.ഏബ്രഹാം കൊല്ലിത്താനത്തുമലയില്‍, കടുത്തുരുത്തി സെന്‍റ് മേരീസ് ഫൊറോന താഴത്തുപള്ളി വികാരി ഫാ. മാത്യു ചന്ദ്രന്‍കുന്നേല്‍, കോതനല്ലൂര്‍ കന്തീശങ്ങള്‍ ഫൊറോന വികാരി ഫാ. സെബാസ്റ്റ്യന്‍ പടിക്കക്കുഴുപ്പില്‍ എന്നിവര്‍ സന്ദേശം നല്‍കും. മുട്ടുചിറ, കടുത്തുരുത്തി, കോതനല്ലൂര്‍ ഫൊറോനകളിലെ 22 പള്ളികളില്‍ നിന്നുള്ള കുട്ടികള്‍ സംഗമത്തില്‍ പങ്കെടുക്കും. കടുത്തുരുത്തി മേഖലാ ഡയറക്ടര്‍ ഫാ. ജോണ്‍ നടുത്തടം, കോതനല്ലൂര്‍ മേഖലാ ഡയറക്ടര്‍ ഫാ. റ്റോം മാമലശേരില്‍, ഭാരവാഹികളായ സിജോ സ്‌കറിയ ചേമ്പാലയില്‍, അബീഷ് കുര്യന്‍ വടകരക്കാലായില്‍, ബോബന്‍ ജോസഫ് കാറുകുളത്തേല്‍, ഷാജന്‍ വളച്ചതിനകത്ത് തുടങ്ങിയവര്‍ നേതൃത്വം നല്‍കും.

തെരുവുനായ ആക്രമണത്തില്‍ രണ്ടു സ്ത്രീകള്‍ക്ക് പരിക്ക്

കടുത്തുരുത്തി: തെരുവുനായയുടെ ആക്രമണത്തില്‍ രണ്ടു സ്ത്രീകള്‍ക്ക് പരിക്ക്. മുളക്കുളം തെക്കേക്കര പുളിക്കക്കുന്ന് സ്വദേശികളായ ചന്ദ്രവേലില്‍ കുഞ്ഞുമോള്‍ മണി (62), കല്ലിടിക്കില്‍ അമ്മിണി മത്തായി (74) എന്നിവര്‍ക്കാണു തെരുവുനായയുടെ ആക്രമണത്തില്‍ പരിക്കേറ്റത്. പ്രദേശത്തെ നിരവധി വളര്‍ത്തുമൃഗങ്ങളെയും നായ ആക്രമിച്ചു. ഇന്നലെ പകലാണ് സംഭവം. ഭര്‍തൃവീട്ടില്‍നിന്ന് സ്വന്തം വീട്ടിലെത്തിയ കുഞ്ഞുമോളെ ഇന്നലെ രാവിലെ പത്തോടെ തെരുവുനായ കടിക്കുകയായിരുന്നു. കൈക്കും കാലിനുമാണ് പരിക്കേറ്റത്. ഉടന്‍തന്നെ സമീപവാസിയായ ഓട്ടോ ഡ്രൈവര്‍ ബിജുവിന്‍റെ വാഹനത്തില്‍ മൂവാറ്റുപുഴയിലെ സര്‍ക്കാര്‍ ആശുപത്രിയിലെത്തിച്ചു കുഞ്ഞുമോള്‍ക്ക് ചികിത്സ നല്‍കി. കുഞ്ഞുമോളെ തിരികെ വീട്ടിലെത്തിച്ച് അല്‍പസമയം കഴിഞ്ഞ് ഉച്ചയ്ക്ക് രണ്ടോടെയോടെയാണ് ബിജുവിന്‍റെ അമ്മ അമ്മിണിയെ നായ ആക്രമിച്ചത്. വീട്ടുമുറ്റത്ത് തുണിയലക്കിക്കൊണ്ടിരുന്ന അമ്മിണിയെ പിന്നില്‍നിന്നെത്തിയ നായ ആക്രമിക്കുകയായിരുന്നു. ആക്രമ ണത്തിൽ നായയുടെ പല്ല് ഇവരുടെ വസ്ത്രത്തില്‍ കുടുങ്ങി. പിടിവലിക്കിടെ നിലത്തുവീണ അമ്മിണിയുടെ കൈയിലും കാലിലും നായ കടിച്ചു. തുടര്‍ന്ന് അമ്മിണിയെയും മൂവാറ്റുപുഴയിലെ ആശുപത്രിയിലെത്തിച്ചു ചികിത്സ നല്‍കി. ദേഹാസ്വാസ്ഥ്യം അനുഭവപ്പെട്ടതിനെത്തുടര്‍ന്ന് ഇവരെ കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റി. മുളക്കുളം, പെരുവ, വടുകുന്നപ്പുഴ, കാരിക്കോട് മേഖലകളിൽ തെരുവുനായ ശല്യം രൂക്ഷമാണെന്ന് പെരുവ സ്വദേശിയായ എ.എം. രവീന്ദ്രന്‍ പറഞ്ഞു.

അപകടത്തില്‍ മരിച്ച കൈക്കാരന്‍റെ സംസ്‌കാരം നടത്തി

കടുത്തുരുത്തി: പള്ളിയുടെ സീലിംഗ് വൃത്തിയാക്കുന്നതിനിടെ സ്‌കഫ്ഹോള്‍ഡിംഗ് മറിഞ്ഞു വീണ് മരിച്ച കൈക്കാരന്‍റെ സംസ്‌കാരം നടത്തി. ബിഷപ് മാര്‍ ജോസഫ് കല്ലറങ്ങാട്ട് സംസ്‌കാര ശുശ്രൂഷകള്‍ക്കു മുഖ്യകാര്‍മികത്വം വഹിച്ചു. വികാരി ഫാ.ജോസ് വള്ളോംപുരയിടം സഹകാര്‍മിത്വം വഹിച്ചു. കുറുപ്പന്തറ കുറുപ്പംപറമ്പില്‍ ജോസഫ് ഫിലിപ് (ഔസേപ്പച്ചന്‍ -53)ന്‍റെ സംസ്‌കാര കര്‍മങ്ങളില്‍ ഇടവകയും നാടും ഉള്‍പ്പെടെ വന്‍ജനാവലിയാണ് പങ്കെടുത്തത്. ഇടവകാംഗങ്ങള്‍ ഉള്‍പ്പെടെ നിരവധിയാളുകള്‍ വീട്ടിലും ദേവാലയത്തിലുമെത്തി അന്തിമോപചാരമര്‍പ്പിച്ചു. പള്ളിയുടെ പ്രവര്‍ത്തനങ്ങളില്‍ സജീവ സാന്നിധ്യമായിരുന്ന ഔസേപ്പച്ചന്‍ പിതൃവേദി ഉള്‍പ്പെടെയുള്ള സംഘടനകളിലും സജീവ പ്രവര്‍ത്തകനായിരുന്നു. നിരവധി വൈദികരും മോന്‍സ് ജോസഫ് എംഎല്‍എ, മുന്‍ എംഎല്‍എ സ്റ്റീഫന്‍ ജോര്‍ജ്, ജനപ്രതിനിധികള്‍, രാഷ്ട്രീയകക്ഷി നേതാക്കള്‍ തുടങ്ങിയവർ അന്തിമോപചാരമര്‍പ്പിക്കാനെത്തി. ഞായറാഴ്ച മണ്ണാറപ്പാറ സെന്‍റ് സേവ്യേഴ്സ് പള്ളിയിലുണ്ടായ അപകടത്തിലാണ് കൈക്കാരന്‍ ഔസേപ്പച്ചന് ജീവന്‍ നഷ്ടപ്പെട്ടത്.

ലഹരിവിരുദ്ധ ബോധവത്കരണ സെമിനാർ

അതിരമ്പുഴ: ഭാരത് സ്കൗട്ട്സ് ആൻഡ് ഗൈഡ്സ് കോട്ടയം വെസ്റ്റ് ലോക്കൽ അസോസിയേഷന്‍റെ നേതൃത്വത്തിൽ അതിരമ്പുഴ സെന്‍റ് അലോഷ്യസ് ഹയർ സെക്കൻഡറി സ്കൂളിൽ ലഹരിവിരുദ്ധ ബോധവത്കരണ സെമിനാർ നടത്തി. സ്കൂൾ അഡ്മിനിസ്ട്രേറ്റർ ഫാ. അനീഷ് കാമിച്ചേരി അധ്യക്ഷത വഹിച്ച ചടങ്ങിൽ ഏറ്റുമാനൂർ എക്സൈസ് റേഞ്ച് ഓഫീസർ കെ.വി. ബിജു ഉദ്ഘാടനം നിർവഹിച്ചു. അതിരമ്പുഴ പഞ്ചായത്ത് പ്രസിഡന്‍റ് ജോസ് അമ്പലക്കുളം, സ്കൂൾ പ്രിൻസിപ്പൽ ബിനു ജോൺ, ഹെഡ്മിസ്ട്രസ് റോഷ്നി കെ. ജേക്കബ്, സെന്‍റ് മേരീസ് ഗേൾസ് ഹൈസ്കൂൾ ഹെഡ്മിസ്ട്രസ് സിനി ജോസഫ്, ഡിസ്ട്രിക്‌ട് ട്രെയിനിംഗ് കമ്മീഷണർ സിസ്റ്റർ പ്രകാശ്, ജോബി മാത്യു, റോജി സി.സി. എന്നിവർ പ്രസംഗിച്ചു. ജില്ലാ ട്രെയിനിംഗ് കമ്മീഷണർ റോയി പി. ജോർജ് കുട്ടികൾക്കു ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ലഹരി ഉപയോഗവും യുവജനങ്ങളും എന്ന വിഷയത്തിൽ ഏറ്റുമാനൂർ സിവിൽ എക്സൈസ് ഓഫീസർ പ്രിയ വി.വി. ക്ലാസ് നയിച്ചു. പ്രീതി ജോൺ, മെറിൻ ജെ. എഴുകാട്, ജോയൽ ജോൺ, റെനു ജോസഫ് എന്നിവർ നേതൃത്വം നൽകി. കോട്ടയം വെസ്റ്റ് സബ് ജില്ലയിലെ വിവിധ സ്കൂളുകളിൽനിന്നായി മുന്നൂറോളം കുട്ടികൾ പങ്കെടുത്തു.

കാന്‍സര്‍ സുരക്ഷ ബോധവത്കരണം

കോട്ടയം: കോട്ടയം സോഷ്യല്‍ സര്‍വീസ് സൊസൈറ്റിയുടെ നേതൃത്വത്തില്‍ കാന്‍സര്‍ സുരക്ഷ ബോധവത്കരണ പരിപാടി സംഘടിപ്പിച്ചു. തെള്ളകം ചൈതന്യയില്‍ സംഘടിപ്പിച്ച പരിപാടിയുടെ ഉദ്ഘാടനം ഏറ്റുമാനൂര്‍ മുനിസിപ്പാലിറ്റി ചെയര്‍പേഴ്സണ്‍ ലൗലി ജോര്‍ജ് നിര്‍വഹിച്ചു. സൊസൈറ്റി എക്സിക്യൂട്ടീവ് ഡയറക്ടര്‍ ഫാ. സുനില്‍ പെരുമാനൂര്‍ അധ്യക്ഷത വഹിച്ചു. കെഎസ്എസ്എസ് പിആര്‍ഒ സിജോ തോമസ്, കോഓര്‍ഡിനേറ്റര്‍ മേരി ഫിലിപ്പ് എന്നിവര്‍ പ്രസംഗിച്ചു. ബോധവത്കരണ ക്ലാസിന് കെയര്‍ ആന്‍ഡ് സേഫ് ചീഫ് മാര്‍ക്കറ്റിംഗ് ഓഫീസര്‍ ഡോ. റോണി ഗില്‍ബര്‍ട്ട്, സോണല്‍ മാനേജര്‍ അജീഷ് കുര്യന്‍ എന്നിവര്‍ നേതൃത്വം നല്‍കി.

നാലമ്പലദര്‍ശനത്തിന് ഒരുക്കങ്ങളായി

കോട്ടയം: രാമപുരം നാലമ്പലദര്‍ശനത്തിനു കെഎസ്ആര്‍ടിസി ബജറ്റ് ടൂറിസം സെല്ലുമായി സഹകരിച്ച് 17 മുതല്‍ ഓഗസ്റ്റ് 16 വരെ എല്ലാ ജില്ലകളില്‍നിന്നും തീര്‍ഥയാത്രകള്‍ ക്രമീകരിച്ചെന്നും മുന്‍കൂട്ടി സീറ്റുകള്‍ ബുക്കുചെയ്യാന്‍ സൗകര്യമുണ്ടെന്നും നാലമ്പല ദര്‍ശനകമ്മിറ്റി. ഡിപ്പോകളില്‍നിന്നുള്ള യാത്രാതീയതിയും വിശദാംശങ്ങളും അതതു ജില്ലകളിലെ കോ-ഓര്‍ഡിനേറ്റര്‍മാര്‍ തയാറാക്കിവരുന്നു. രാമപുരം ശ്രീരാമ സ്വാമി ക്ഷേത്രം, കൂടപ്പുരം ശ്രീലക്ഷ്മണ സ്വാമി ക്ഷേത്രം, അമനകര ശ്രീഭരത സ്വാമി ക്ഷേത്രം, മേതിരി ശത്രുഘ്‌ന സ്വാമി ക്ഷേത്രത്തിലും ദര്‍ശനം നടത്തി വീണ്ടും ശ്രീരാമ സ്വാമി ക്ഷേത്രത്തില്‍ ദര്‍ശനം നടത്തുന്നതോടെ നാലമ്പല ദര്‍ശനം പൂര്‍ത്തിയാകും. ശ്രീരാമ ലക്ഷ്മണ ഭരക ശത്രുഘ്‌ന ക്ഷേത്രങ്ങളില്‍ ഒരേദിവസം ദര്‍ശനം നടത്തുന്ന പൂര്‍വികാചാരമാണ് നാലമ്പല ദര്‍ശനം. നാലമ്പലദര്‍ശനം ഒരേ ദിവസം ഉച്ചപൂജയ്ക്ക് മുമ്പ് പൂര്‍ത്തിയാക്കണം. ഇന്‍ഫര്‍മേഷന്‍ സെന്‍ററുകളും വോളന്‍റിയര്‍മാരുടെ സേവനവും നാലു ക്ഷേത്രങ്ങളിലും ഒരുക്കിയിട്ടുണ്ട്. മറ്റ് വാഹനങ്ങള്‍ പാര്‍ക്കുചെയ്യാന്‍ കൂടുതല്‍ സൗകര്യമുണ്ട്. മഴ നനയാതെ ക്യൂ നില്‍കുന്നതിനു പന്തല്‍ ഒരുക്കിയിട്ടുണ്ട്. വഴിപാടുകള്‍ക്ക് ഉടന്‍ പ്രസാദം ലഭിക്കും. അമനകര ഭരതസ്വാമിക്ഷേത്രത്തില്‍ ദിവസവും അന്നദാനമുണ്ട്. കര്‍ക്കടകമാസത്തില്‍ ദര്‍ശനസമയം രാവിലെ 5 മുതല്‍ ഉച്ചയ്ക്ക് 12 വരെയും വൈകുന്നേരം 5 മുതല്‍ 7.30 വരെയുമാണ്.

കെഎൽഎം കൂരോപ്പട യൂണിറ്റ് സമ്മേളനം നടത്തി

കൂരോപ്പട: സാന്താ മരിയാ ഓഡിറ്റോറിയത്തില്‍ കെഎല്‍എം യൂണിറ്റ് സമ്മേളനവും സംരംഭക പരിശീലനവും കെഎല്‍എം അതിരൂപതാ ഡയറക്ടര്‍ ഫാ. ജോസ് ചമ്പക്കുളം ഉദ്ഘാടനം ചെയ്തു. യൂണിറ്റ് ഡയറക്ടര്‍ ഫാ. റോയ് മുളേക്കല്‍ അധ്യക്ഷത വഹിച്ചു. യൂണിറ്റ് കോ-ഓര്‍ഡിനേറ്റര്‍ ബിജു കാരിമല, ടോമി തോമസ് മേക്കാട്ട്, ആനിയമ്മ ആന്‍റണി മറ്റത്തില്‍, പി.ജെ. സെബാസ്റ്റ്യന്‍, ഷാജി കോര, ബിനു മാത്യു എന്നിവര്‍ പ്രസംഗിച്ചു.

നഗരവാസികള്‍ക്കു വിഷരഹിത പച്ചക്കറിയുമായി കുടുംബശ്രീ

കോട്ടയം: നഗരവാസികള്‍ക്കു വിഷരഹിത പച്ചക്കറികളും കുടുംബശ്രീ സംരംഭകരുടെ തനത് ഉത്പന്നങ്ങളുമായി നഗരചന്ത യ്ക്കു തുടക്കം. കോട്ടയം നോര്‍ത്ത് സിഡിഎസിന്‍റെ പരിധിയിലുള്ള തിരുവാതുക്കലിലാണ് നഗരചന്ത ആരംഭിച്ചിരിക്കുന്നത്. കുടുംബശ്രീയുടെ കാര്‍ഷിക മേഖലയിലെ പദ്ധതിരേഖയുടെ ഭാഗമായി സംഘകൃഷി ഗ്രൂപ്പുകളുടെ ഉത്പന്നങ്ങള്‍ വിപണിയില്‍ എത്തിക്കുകയാണു സംരംഭ ത്തിലൂടെ. വൈവിധ്യമാര്‍ന്ന ഉത്പന്നങ്ങള്‍ ഉപഭോക്താക്കളിലേക്കെത്തിക്കുകയാണ് നഗരചന്തയിലുടെ ലക്ഷ്യമിടുന്നതെന്ന് സംഘാടകര്‍ അറിയിച്ചു. കുടുംബശ്രീ സംഘങ്ങള്‍ക്കു പുറമേ കര്‍ഷകരില്‍നിന്നു നേരിട്ടു വാങ്ങുന്ന ഉത്പന്നങ്ങളും നഗരചന്തയിലൂടെ വില്പന നടത്തും. മാര്‍ക്കറ്റിലേതിനേക്കാൾ വിലക്കുറവും നഗരചന്തയില്‍ ലഭിക്കും. മുനിസിപ്പല്‍ ചെയര്‍പേഴ്‌സണ്‍ ബിന്‍സി സെബാസ്റ്റ്യന്‍ ഉദ്ഘാടനം ചെയ്തു.

ലൈഫ്‌ലൈന്‍ പദ്ധതി ജില്ലാതല ഉദ്ഘാടനം ഇന്ന്

കോട്ടയം: അസോസിയേഷന്‍ ഓഫ് ഓട്ടോമൊബൈല്‍ വര്‍ക്‌ഷോപ്‌സ് കേരള അംഗങ്ങള്‍ക്കായി നടപ്പാക്കുന്ന ലൈഫ്‌ലൈന്‍ പദ്ധതിയുടെ ജില്ലാതല ഉദ്ഘാടനവും ഏറ്റുമാനൂര്‍ യൂണിറ്റ് വാര്‍ഷിക പൊതുയോഗവും ഇന്നു രാവിലെ 10ന് ഏറ്റുമാനൂര്‍ വ്യാപാരഭവന്‍ ഹാളില്‍ നടക്കും. മന്ത്രി വി.എന്‍. വാസവന്‍ ഉദ്ഘാടനം ചെയ്യും. അസോസിയേഷനിലെ ഒരംഗം മരണപ്പെട്ടാല്‍ പത്തുദിവസത്തിനുള്ളില്‍ പത്തു ലക്ഷം രൂപ കുടുംബത്തിന് നല്‍കുന്നതാണു പദ്ധതി. ഇപ്പോള്‍ നല്‍കുന്ന ചികിത്സാ സഹായം, താത്കാലിക അവശതയ്ക്ക് ആഴ്ചതോറും നല്‍കുന്ന സഹായം, മരണപ്പെട്ട അംഗത്തിന്‍റെ കുട്ടിക്ക് വര്‍ഷംതോറും നല്‍കുന്ന പഠനസഹായം, മരണാനന്തര കുടുംബസഹായ ഫണ്ട്, 2014 മുതല്‍ നല്‍കുന്ന പെന്‍ഷന്‍ എന്നിവയ്ക്കു പുറമേയാണു ലൈഫ് ലൈന്‍ പദ്ധതി. ഈ മാസം 31 വരെ ഏത് അവസ്ഥയിലും ഏതു പ്രായത്തിലുമുള്ള സംഘടനയിൽ അംഗത്വമുള്ള എല്ലാവര്‍ക്കും ഈ പദ്ധതിയില്‍ ചേരാം. 2026 മുതല്‍ അംഗത്വമെടുക്കുന്നവര്‍ക്ക് 55 വയസ് വരെ പ്രായപരിധി നിശ്ചയിച്ചിട്ടുണ്ട്. ഒരംഗം 2000 രൂപ ഒറ്റത്തവണയും ഓരോ മരണത്തിനും 25 രൂപ വീതവും അടയ്ക്കണം. യൂണിറ്റ് പ്രസിഡന്‍റ് പി.വി. സന്തോഷ് അധ്യക്ഷത വഹിക്കും. സംസ്ഥാനപ്രസിഡന്‍റ് കെ.ജി. ഗോപകുമാര്‍, വൈസ്പ്രസിഡന്‍റ് വി.എസ്. മീരാണ്ണന്‍, ജോയിന്‍റ് സെക്രട്ടറി പി.എല്‍. ജോസ്‌മോന്‍, ജില്ലാ പ്രസിഡന്‍റ് എ.ആര്‍. രാജന്‍, സെക്രട്ടറി കെ.പി.എന്‍. സുരേഷ് ബാബു, ട്രഷറര്‍ പി.ജി. ഗിരീഷ് തുടങ്ങിയവര്‍ പ്രസംഗിക്കും.

അപകടം പതിയിരിക്കുന്ന വത്തിക്കാൻതോട്

സൗത്ത് പാമ്പാടി: വത്തിക്കാൻ തോട്ടിൽ കുളിക്കാനും വെള്ളത്തില്‍ ചാടാനുമായി സംഘം ചേര്‍ന്നെത്തുന്ന കുട്ടികള്‍ അപകടം ക്ഷണിച്ചുവരുത്തുന്നു. വെള്ളത്തിൽ ചാടുന്നവരിൽ ഏറെയും‍ നീന്തല്‍ അറിയാത്തവരാണ്. ഒരാഴ്ച മുന്‍പ് ജൂണിയര്‍ ബസേലിയോസ് സ്‌കൂളിനു മുന്നിലുള്ള തെന്നാം പാറയില്‍ തെന്നി താഴേക്ക് ഇറങ്ങിയ കുട്ടി തിരിച്ച് അതുവഴിതന്നെ മുകളിലേക്ക് കയറവേ മുഖം ഇടിച്ച് പാറയില്‍ വീണ് പല്ലൊടിഞ്ഞിരുന്നു. ഇതിനു പിന്നാലെയാണ് കഴിഞ്ഞദിവസം ഞാവല്‍ പഴം ആണെന്ന് കരുതി തോട്ടരികിലെ ചേരിന്‍റെ കായ തിന്ന കുട്ടി ശരീരം ചൊറിഞ്ഞു തടിച്ച്, നാക്ക് പൊട്ടി, മുഖം നീരുവച്ച് പാമ്പാടി താലൂക്ക് ആശുപത്രിയില്‍ ചികിത്സ തേടിയത്. കുളിക്കടവുകളില്‍ എത്തുന്ന ചില കുട്ടികളുടെ കൂട്ടുകെട്ടും ശരിയല്ലെന്ന് പാമ്പാടി പഞ്ചായത്ത് മുന്‍ വൈസ് പ്രസിഡന്‍റും ജൂണിയര്‍ ബസേലിയോസ് സ്‌കൂള്‍ മാനേജരുമായ സിജു കെ. ഐസക്ക് പറഞ്ഞു.

മദ്യവില്പന: യുവാവിനെ ആക്രമിച്ചയാൾ‍ അറസ്റ്റില്‍

ചങ്ങനാശേരി: അനധികൃത മദ്യവില്പന എക്‌സൈസിനെ അറിയിച്ചെന്ന് ആരോപിച്ച്്‍ യുവാവിനെ ആക്രമിച്ച് പരിക്കേല്പിച്ച പ്രതി അറസ്റ്റില്‍. കുമരകം വിലാവില്‍ വീട്ടില്‍ ബിനു (47) എന്നയാളെയാണ് തൃക്കൊടിത്താനം പോലീസ് അറസ്റ്റ് ചെയ്തത്. പ്രതി മദ്യവില്പനയും മറ്റും നടത്തുന്ന വിവരം എക്‌സൈസുകാരെ അറിയിച്ചെന്നു പറഞ്ഞ്‍ ഇയാള്‍ പരാതിക്കാരനെ വഴിയില്‍ തടഞ്ഞുനിര്‍ത്തി കമ്പിവടിക്ക്അടിച്ചെന്നാണ് കേസ്. കൈക്ക് ഗുരുതര പരിക്കേറ്റ പരാതിക്കാരൻ ചികിത്സ തേടിയിരുന്നു. കഴിഞ്ഞ 27നാണ് കേസിനാസ്പദമായ സംഭവം.

ഏറ്റുമാനൂര്‍ മിനി സിവില്‍ സ്റ്റേഷൻ നിര്‍മാണോദ്ഘാടനം ഇന്ന്

കോട്ടയം: ഏറ്റുമാനൂര്‍ മിനി സിവില്‍ സ്റ്റേഷന്‍റെ നിര്‍മാണ പ്രവര്‍ത്തനങ്ങള്‍ക്ക് ഇന്നു തുടക്കമാകും. ഏറ്റുമാനൂര്‍ പോലീസ് സ്റ്റേഷനു സമീപമുള്ള നിര്‍ദിഷ്ട മിനി സിവില്‍ സ്റ്റേഷന്‍ അങ്കണത്തില്‍ നടക്കുന്ന ചടങ്ങില്‍ മന്ത്രി പി.എ. മുഹമ്മദ് റിയാസ് നിര്‍മാണോദ്ഘാടനം നിര്‍വഹിക്കും. മന്ത്രി വി.എന്‍. വാസവന്‍ അധ്യക്ഷത വഹിക്കും. കെ. ഫ്രാന്‍സിസ് ജോര്‍ജ് എംപി, ജില്ലാ പഞ്ചായത്തു പ്രസിഡന്‍റ് ഹേമലത പ്രേംസാഗര്‍, ജില്ലാ കളക്ടര്‍ ജോണ്‍ വി. സാമുവല്‍ എന്നിവര്‍ വിശിഷ്ടാതിഥികളാകും.

ബഹിഷ്കരിക്കുമെന്ന് കോൺഗ്രസ്

ഏറ്റുമാനൂർ: ഏറ്റുമാനൂർ സിവിൽ സ്റ്റേഷന്‍റെ നിർമാണോദ്ഘാടന പരിപാടിയിൽനിന്ന് കോൺഗ്രസ് വിട്ടുനിൽക്കും. ഉദ്ഘാടന സമ്മേളനത്തിന്‍റെ കാര്യപരിപാടിയിൽ മറ്റെല്ലാ രാഷ്‌ട്രീയ പാർട്ടികളുടെയും ഔദ്യോഗിക ഭാരവാഹികളെ പ്രാസംഗികരായി നിശ്ചയിച്ചപ്പോൾ ഇന്ത്യൻ നാഷണൽ കോൺഗ്രസിന്‍റെ ഔദ്യോഗിക പ്രതിനിധികളെ ഉൾപ്പെടുത്താത്തതിൽ പ്രതിഷേധിച്ചാണ് ബഹിഷ്കരണം. ഏറ്റുമാനൂർ നിയോജക മണ്ഡലത്തിൽ നടക്കുന്ന ഔദ്യോഗിക പരിപാടികളിൽ കുറെക്കാലമായി കോൺഗ്രസ് പാർട്ടിയെ മാറ്റി നിർത്താൻ മനഃപൂർവമായ ശ്രമം നടക്കുന്നുവെന്നും മുമ്പു നടന്ന പരിപാടികളിലും സമാനമായ സംഭവങ്ങൾ ഉണ്ടായിട്ടുണ്ടെന്നും ഭാരവാഹികൾ പറഞ്ഞു. മന്ത്രി വി.എൻ. വാസവനും അദ്ദേഹത്തിന്‍റെ ഓഫീസുമാണ് ഇതിന്‍റെ പിന്നിലെന്ന് അവർ ആരോപിച്ചു. ജനങ്ങളുടെ നികുതിപ്പണം കൊണ്ടു നടത്തുന്ന പരിപാടികൾ പൂർണമായും രാഷ്‌ട്രീയവത്കരിക്കുന്ന സിപിഎം നിലപാട് കോൺഗ്രസ് പാർട്ടി അംഗീകരിക്കില്ല. പരിപാടിയിൽ കോൺഗ്രസ് പ്രതിനിധികളാരും പങ്കെടുക്കരുതെന്ന് ഡിസിസി പ്രസിഡന്‍റ് കർശന നിർദേശം നൽകിയതായി ഡിസിസി ജനറൽ സെക്രട്ടറി എം. മുരളി, ബ്ലോക്ക് പ്രസിഡന്‍റുമാരായ ജോറോയി പൊന്നാറ്റിൽ, സോബിൻ തെക്കേടം എന്നിവർ പറഞ്ഞു.

സംഭരിച്ച നെല്ലിന്‍റെ പണം കിട്ടിയില്ലെങ്കില്‍ ശക്തമായ സമരം: വി.ജെ. ലാലി

കോട്ടയം: സംഭരിച്ച നെല്ലിന്‍റെ പണം ലഭ്യമാക്കിയില്ലെങ്കില്‍ ശക്തമായ സമരം ആരംഭിക്കുമെന്ന് നെല്‍കര്‍ഷക സംരക്ഷണ സമിതി സംസ്ഥാന രക്ഷാധികാരി വി.ജെ. ലാലി. സംഭരിച്ച നെല്ലിന്‍റെ പണം നല്കാത്തതില്‍ പ്രതിഷേധിച്ച് പാടശേഖരസമിതികളുടെ നേതൃത്വത്തില്‍ ജില്ലാ പാഡി ഓഫീസിനു മുമ്പില്‍ നടത്തിയ ജനകീയ ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. കണ്‍വീനര്‍ ടി.ഒ. വര്‍ഗീസിന്‍റെ അധ്യക്ഷതയില്‍ നെല്‍കര്‍ഷക സംരക്ഷണ സമിതി സംസ്ഥാന പ്രസിഡന്‍റ് റെജീന അഷ്റഫ്, സമരസമിതി ചെയര്‍മാന്‍ ജിക്കു കുര്യാക്കോസ്, എഐ കെകെഎം എസ് സെക്രട്ടറി എ.ജി. അജയകുമാര്‍, കിസാന്‍ സഭ ഏരിയ കമ്മിറ്റിയംഗം സുനില്‍ കരീത്ര, സണ്ണി കല്ലാശേരി, ടി.പി. നാരായണന്‍ നായര്‍, എ.എം. മാത്യു, ജോണ്‍കുട്ടി ചിറക്കടവ്, സണ്ണി തോമസ്, ജേക്കബ് കുരുവിള,ഷമ്മി വിനോദ്, സുഭാഷ് പി കുമാര്‍, മോനിച്ചന്‍, ടി.പി. കുഞ്ഞുമോന്‍ എന്നിവര്‍ പ്രസംഗിച്ചു.

മെഡി. കോളജ് മെൻസ് ഹോസ്റ്റലിന്‍റെ അറ്റകുറ്റപ്പണികൾ ഉടൻ

ഗാന്ധിനഗര്‍: കോട്ടയം മെഡിക്കല്‍ കോളജിലെ ശോച്യാവസ്ഥയിലായ മെന്‍സ് ഹോസ്റ്റലില്‍ അറ്റകുറ്റപ്പണി നടത്താന്‍ നടപടി. രണ്ട് ലേഡീസ് ഹോസ്റ്റലും ഒരു മെന്‍സ് ഹോസ്റ്റലുമാണ് മെഡിക്കല്‍ കോളജിലുള്ളത്. 700ല്‍ പരം വിദ്യാര്‍ഥികളാണ് മൂന്നു ഹോസ്റ്റലിലുമായുള്ളത്. ഇതില്‍ മെന്‍സ് ഹോസ്റ്റലിനാണ് കാലപ്പഴക്കത്തെത്തുടര്‍ന്ന് കേടുപാടുകള്‍ സംഭവിച്ചിരിക്കുന്നത്. ഇവിടെ 85 മുറികളിലായി 270 വിദ്യാര്‍ഥികളാണുള്ളത്. ഏഴു മുറികളാണ് തകരാറിലായിരിക്കുന്നത്. ഈ മുറികള്‍ ഉള്‍പ്പെടെ ഹോസ്റ്റലിന്‍റെ അറ്റകുറ്റപ്പണി നടത്തുന്നതിന് 40 ലക്ഷം രൂപയുടെ ടെന്‍ഡര്‍ നടന്നുകഴിഞ്ഞു. ശോച്യാവസ്ഥയിലുള്ള മുറികളിലെ വിദ്യാര്‍ഥികളെ ഇവിടെനിന്നു മാറ്റി നിര്‍മാണ പ്രവര്‍ത്തനങ്ങള്‍ ഉടന്‍ നടത്തും. ഈ റൂമുകളിലെ വിദ്യാര്‍ഥികളെ പാരാമെഡിക്കല്‍ വിദ്യാര്‍ഥികളുടെ ഹോസ്റ്റലിലേക്കാണ് മാറ്റുന്നത്. സെപ്റ്റംബര്‍ മാസത്തോടെ പുതിയ ബാച്ച് വിദ്യാര്‍ഥികളെത്തുന്ന സാഹചര്യത്തില്‍ അതിനു മുന്പേ മെന്‍സ് ഹോസ്റ്റലിന്‍റെ അറ്റകുറ്റപ്പണികള്‍ പൂർത്തീകരിക്കുമെന്ന് മെഡിക്കല്‍ കോളജ് പ്രിന്‍സിപ്പല്‍ ഡോ.വര്‍ഗീസ് പി. പുന്നൂസ് പറഞ്ഞു. ഇന്നലെ നടന്ന പിടിഎ എക്‌സിക്യൂട്ടീവ് യോഗം ഇക്കാര്യം ചര്‍ച്ച ചെയ്തു. കൂടാതെ മെഡിക്കല്‍ കോളജിലെ തെരുവുനായ ശല്യം ഒഴിവാക്കുന്നതിനുള്ള നടപടികളും യോഗത്തില്‍ ചര്‍ച്ചയായി. ഇതിനായി ആശുപത്രിയിലെ ഭക്ഷണസാധനങ്ങളുടെ അവശിഷ്ടങ്ങള്‍ കുറ്റമറ്റ രീതിയില്‍ സംസ്‌കരിക്കുന്നതിന് നടപടിയെടുക്കുമെന്നും ഇതിന് പുറമെ ജില്ലാ മൃഗക്ഷേമ വകുപ്പുമായി സഹകരിച്ച് നായ്ക്കള്‍ക്ക് താത്കാലിക സംരക്ഷണ കേന്ദ്രമൊരുക്കി നായ്ക്കളെ വന്ധ്യകരിക്കുന്നതിനും നടപടിയുണ്ടാകുമെന്നും പ്രിന്‍സിപ്പല്‍ പറഞ്ഞു.

ലേബർ കോഡുകൾ തൊഴിലാളിവിരുദ്ധമെന്ന്

പൊൻകുന്നം: കേന്ദ്രനയത്തിന്‍റെ ഭാഗമായുള്ള ലേബർ കോഡുകൾ ജനദ്രോഹപരമെന്ന് സിപിഐ ജില്ലാ സെക്രട്ടറി വി.ബി. ബിനു. സിപിഐ ജില്ലാ സമ്മേളനത്തിന് മുന്നോടിയായുള്ള കർഷക സംഗമത്തിന്‍റെ സംഘാടക സമിതി രൂപീകരണ യോഗം പൊൻകുന്നത്ത് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കോർപറേറ്ററുകൾക്ക് അനുകൂലമായ നിലപാടാണ് കേന്ദ്രസർക്കാർ സ്വീകരിക്കുന്നതെന്നും കർഷക സംഘടനകൾ കൃഷിക്കാർക്കൊപ്പംനിന്ന് സമരം ചെയ്തതിന്‍റെ ഗുണം കർഷകർക്ക് ലഭിച്ചുവെന്നും വി.ബി. ബിനു കൂട്ടിച്ചേർത്തു. സിപിഐ ജില്ലാ കമ്മിറ്റിയംഗം രാജൻ ചെറുകാപ്പള്ളി അധ്യക്ഷത വഹിച്ചു. സംസ്ഥാന എക്സിക്യൂട്ടീവ് അംഗം ഒ.പി.എ. സലാം, കിസാൻ സഭ ദേശീയ സെക്രട്ടറി ഇ.എൻ. ദാസപ്പൻ, ജില്ലാ പ്രസിഡന്‍റ് വി.ടി. തോമസ്, എം.എ. ഷാജി, മണ്ഡലം സെക്രട്ടറി സി.ജി. ജ്യോതിരാജ്, വി.ജെ. കുര്യാക്കോസ്, മണ്ഡലം അസിസ്റ്റന്‍റ് സെക്രട്ടറി ശരത് മണിമല, ബാബു ലൂക്കോസ്, പി.എസ്. സിനീഷ്, തങ്കമ്മ അലക്സ്, ചന്ദ്രബാബു എന്നിവർ പ്രസംഗിച്ചു. സംഘാടകസമിതി പ്രസിഡന്‍റായി രാജൻ ചെറുകാപ്പള്ളി, സെക്രട്ടറിയായി സി.ജി. ജ്യോതിരാജ് എന്നിവരെ തെരഞ്ഞെടുത്തു.

കാവാലി വ്യൂ പോയിന്‍റിൽ മാലിന്യം തള്ളി

കൂട്ടിക്കൽ: കാവാലി വ്യൂ പോയിന്‍റിൽ മാലിന്യം തള്ളി. ഇന്നലെ രാവിലെ മുതലാണ് കാവാലിയിൽ റോഡ് സൈഡിൽ മാലിന്യങ്ങൾ കാണപ്പെട്ടത്. രൂക്ഷമായ ദുർഗന്ധം വമിച്ചതോടെ ജനങ്ങളുടെ പ്രതിഷേധം വ്യാപകമായി. ചാക്കിലാക്കി തള്ളിയ മാലിന്യത്തിൽനിന്നു കുട്ടികളുടെ ഡയപ്പറുകൾ ഉൾപ്പെടെയുള്ളവ പുറത്തുകിടക്കുകയായിരുന്നു. രാത്രിയിലോ പുലർച്ചയോ ആണ് ഇവിടെ മാലിന്യം തള്ളിയതെന്ന് കരുതപ്പെടുന്നു. വിവരമറിഞ്ഞ് പഞ്ചായത്ത് അധികൃതർ സ്ഥലത്തെത്തി മാലിന്യം നീക്കം ചെയ്തു. വീണ്ടും ഇവിടെ മാലിന്യം തള്ളാതിരിക്കാനുള്ള നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെട്ടു. നിരവധി പേരാണ് ഇതുവഴി കടന്നുപോകുമ്പോൾ വ്യൂ പോയിന്‍റിൽ പ്രകൃതിഭംഗി ആസ്വദിക്കാനായി വാഹനം നിർത്തി ഇറങ്ങുന്നത്. പൊതുനിരത്തുകളിൽ ഉൾപ്പെടെ മാലിന്യം തള്ളുന്നവർക്കെതിരേ ശക്തമായ നടപടിയുണ്ടാകുമെന്ന് കൂട്ടിക്കൽ പഞ്ചായത്ത് പ്രസിഡന്‍റ് ബിജോയ്‌ ജോസ്‌ മുണ്ടുപാലം അറിയിച്ചു.

കേരള എൻസിസി ഇന്‍റർ ഗ്രൂപ്പ് സ്പോർട്സ് ഷൂട്ടിംഗ് മത്സരം സമാപിച്ചു

എരുമേലി: എംഇഎസ് കോളജിൽ പത്തു ദിവസമായി നടന്ന കേരള - ലക്ഷദ്വീപ് ഡയറക്‌ടറേറ്റിന്‍റെ കീഴിലുള്ള തിരുവനന്തപുരം, കൊല്ലം, കോട്ടയം, എറണാകുളം, കോഴിക്കോട് എന്നീ അഞ്ചു ഗ്രൂപ്പുകളിൽ നിന്നുള്ള തെരഞ്ഞെടുക്കപ്പെട്ട നൂറ് എൻസിസി കേഡറ്റുകളുടെ ഷൂട്ടിംഗ് കോമ്പറ്റീഷൻ സമാപിച്ചു. എൻസിസി ഗ്രൂപ്പ് ഹെഡ് ക്വാർട്ടർ കോട്ടയത്തിന്‍റെയും 16 കേരള ബറ്റാലിയൻ എൻസിസി കോട്ടയത്തിന്‍റെയും ആഭിമുഖ്യത്തിലാണ് ക്യാമ്പ് നടത്തിയത്. ഷൂട്ടിംഗ് കോമ്പറ്റീഷനിൽ കോട്ടയം ഗ്രൂപ്പ് ഓവറോൾ ചാന്പ്യൻഷിപ്പും തിരുവനന്തപുരം ഗ്രൂപ്പ് റണ്ണേഴ്അപ്പുമായി. സമ്മാനദാനം കേരള-ലക്ഷദ്വീപ് ഡയറക്‌ടറേറ്റിനുവേണ്ടി എൻസിസി കോട്ടയം ഗ്രൂപ്പ് കമാൻഡർ ബ്രിഗേഡിയർ ജി.വി.എസ്. റെഡി നടത്തി. എംഇഎസ് കോളജ് മാനേജ്മെന്‍റ് കമ്മിറ്റി സെക്രട്ടറി സി.യു. അബ്ദുൾ കരീം, പ്രിൻസിപ്പൽ പ്രഫ.ഡോ.എസ്. അനിൽകുമാർ എന്നിവർ പ്രസംഗിച്ചു. വിവിധ ഷൂട്ടിംഗ് മത്സരങ്ങളിൽ വിജയികളായ 30 കേഡറ്റുകൾക്ക് ഓഗസ്റ്റ് അഞ്ചിന് മഹാരാഷ്‌ട്രയിൽ നടക്കുന്ന ഓൾ ഇന്ത്യ ലെവൽ ഇന്‍റർ ഡയറക്‌ടറേറ്റ് സ്പോർട്സ് ഷൂട്ടിംഗ് കോമ്പറ്റീഷനിൽ കേരളത്തെ പ്രതിനിധീകരിച്ചുകൊണ്ട് പങ്കെടുക്കും. ഇവർക്ക് തിരുവനന്തപുരം പാങ്ങോട് നടത്തുന്ന രണ്ട് ക്യാമ്പുകളിലായി പരിശീലനം നൽകും.

ബസിൽനിന്നു വിദ്യാർഥിനി റോഡിലേക്കു വീണതു കണ്ടിട്ടും ബസ് നിർത്താതെ പോയതായി പരാതി

കാഞ്ഞിരപ്പള്ളി: സ്റ്റോപ്പിൽ ഇറങ്ങുന്നതിനിടെ മുൻപോട്ടെടുത്ത ബസിൽനിന്നു വിദ്യാർഥിനി റോഡിലേക്ക് വീണതു കണ്ടിട്ടും ബസ് നിർത്താതെ പോയതായി പരാതി. കാഞ്ഞിരപ്പള്ളി ആനിത്തോട്ടത്ത് വച്ചാണ് വിദ്യാർഥികൾ ഇറങ്ങുന്നതിനിടെ ബസ് മുന്നോട്ടെടുത്തതും ഒരു വിദ്യാർഥിനി തെറിച്ച് റോഡിൽ വീണതും. ഇന്നലെ വൈകുന്നേരം നാലോടെയായിരുന്നു സംഭവം. ഈരാറ്റുപേട്ട-കാഞ്ഞിരപ്പള്ളി റൂട്ടിലോടുന്ന "വാഴയിൽ' സ്വകാര്യ ബസിൽ നിന്നാണ് വിദ്യാർഥിനി റോഡിലേക്കു തെറിച്ചുവീണത്. അദ്ഭുതകരമായാണ് കുട്ടി രക്ഷപ്പെട്ടത്. സംഭവത്തിനുശേഷം ബസ് നിർത്താനോ കുട്ടിക്ക് പരിക്കുണ്ടോ എന്ന് അന്വേഷിക്കാനോപോലും ബസ് ജീവനക്കാർ തയാറായില്ലെന്ന് ദൃക്സാക്ഷികൾ പറഞ്ഞു. കാഞ്ഞിരപ്പള്ളിയിലെ സ്വകാര്യ സ്കൂളിലെ ഏഴാം ക്ലാസ് വിദ്യാർഥിനിയാണ് അപകടത്തിൽപ്പെട്ടത്.

അറ്റകുറ്റപ്പണിക്കാ‌യി ബസ് സ്റ്റാൻഡ് അടച്ചു; കാഞ്ഞിരപ്പള്ളി ടൗൺ ഗതാഗതക്കുരുക്കിൽ

കാഞ്ഞിരപ്പള്ളി: കാഞ്ഞിരപ്പള്ളി ബസ് സ്റ്റാൻഡ് കവാടത്തിലെ അറ്റകുറ്റപ്പണികൾക്കായി സ്റ്റാൻഡ് അടച്ചതോടെ ടൗണിൽ ഗതാഗതകുരുക്ക് രൂക്ഷമായി. ബസുകളെല്ലാം സ്റ്റാൻഡിന്‍റെ മുന്പിൽ നിർത്തി ആളുകളെ കയറ്റുകയും ഇറക്കുകയും ചെയ്യുന്നതോടെയാണ് ഗതാഗതക്കുരുക്ക് രൂക്ഷമായത്. മഴയും വെയിലുംകൊണ്ടു വിദ്യാർഥികളടക്കമുള്ള യാത്രക്കാർ നടുറോഡിലായ അവസ്ഥയിലാണ്. സീബ്രാലൈനിലൂടെപോലും റോഡ് മുറിച്ചുകടക്കാൻ യാത്രക്കാർ കഷ്ടപ്പെടുകയാണ്. ദേശീയപാതയിൽനിന്നു കാഞ്ഞിരപ്പള്ളി ബസ് സ്റ്റാൻഡിലേക്കു പ്രവേശിക്കുന്നതും ഇറങ്ങുന്നതുമായ റോ‍ഡിലെ ഓടകൾക്കു മുകളിലുള്ള സ്ലാബുകൾ തകർന്നതിനെത്തുടർന്ന് ഇവ പുനഃസ്ഥാപിക്കുന്നതിന്‍റെ ഭാഗമായാണ് ബസ് സ്റ്റാൻഡ് അടച്ചിട്ടത്. കോട്ടയം ഭാഗത്തേക്കുള്ള ബസുകൾ മിനി സിവിൽ സ്റ്റേഷന്‍റെ മുന്നിലും മുണ്ടക്കയം ഭാഗത്തേക്കുള്ള ബസുകൾ ഇടിമണ്ണിക്കൽ ജൂവലറിയുടെ മുന്നിലും നിർത്തി ആളുകളെ കയറ്റണമെന്നാണ് അധികൃതർ അറിയിച്ചിരുന്നത്. എന്നാൽ, ഈ ഗതാഗത ക്രമീകരണങ്ങൾ ഒന്നും നടക്കുന്നില്ല. കൂടാതെ ഈരാറ്റുപേട്ട ഭാഗങ്ങളിലേക്കു പോകുന്ന ബസുകൾ യാത്രക്കാരെ ഇറക്കിയ ശേഷം ദേശീയപാതയിൽ മിനിസിവിൽ സ്റ്റേഷന്‍റെ മുന്നിൽ തന്നെയാണ് പാർക്ക് ചെയ്യുന്നത്. ഇതും ടൗണിൽ ഗതാഗതക്കുരുക്കിനു കാരണമാകുന്നുണ്ട്. രാവിലെയും വൈകുന്നേരവുമാണ് ഏറ്റവും കൂടുതൽ തിരക്ക് അനുഭവപ്പെടുന്നത്. ഇതിനിടെ ഇത്രയും ദിവസം ബസ് സ്റ്റാൻഡ് അടച്ചിട്ടിട്ടും സ്റ്റാൻഡിലേക്കുള്ള റോഡ് നന്നാക്കാനുള്ള നടപടികൾ ഇതുവരെ ആരംഭിച്ചിട്ടില്ലെന്ന ആരോപണം ശക്തമായിരിക്കുകയാണ്. നിലവിൽ റോഡ് കുണ്ടും കുഴിയുമായി താറുമാറായി കിടക്കുകയാണ്. മുന്പു കോൺക്രീറ്റ് ചെയ്തിരുന്ന റോഡ് തകർന്നതിനെത്തുടർന്ന് ഇതിന്‍റെ മുകളിൽ ടാറിംഗ് നടത്തിയിരുന്നു. എന്നാൽ, ഇപ്പോൾ ഈ ടാറിംഗും അടിയിലെ കോൺക്രീറ്റിംഗും തകർന്ന നിലയിലാണ്. കഷ്ടിച്ച് ഒരു ബസിനു മാത്രം കടന്നുപോകാൻ കഴിയുന്ന ഭാഗത്തെ കോൺക്രീറ്റിംഗ് തകർന്നതോടെ ബസ് ആടിയുലഞ്ഞാണ് സ്റ്റാൻഡിലേക്കു കയറുന്നത്. നിലവിൽ ബസ് സ്റ്റാൻഡ് അടച്ചിരിക്കുന്ന സാഹചര്യത്തിൽ റോഡിന്‍റെ അറ്റകുറ്റപ്പണി കൂടി നടത്തിയില്ലെങ്കിൽ ഇതിനായി പിന്നീട് വീണ്ടും സ്റ്റാൻഡ് അടച്ചിടേണ്ടി വരും.

‘സ്മാർട്ട് കാഞ്ഞിരപ്പള്ളി' വികസന സെമിനാർ ഇന്ന്

കാഞ്ഞിരപ്പള്ളി: സെന്‍റ് ഡൊമിനിക്സ് കത്തീഡ്രലിന്‍റെ ദ്വിശതാബ്ദി സമാപന ആഘോഷങ്ങളുടെ ഭാഗമായി നടത്തപ്പെടുന്ന വികസന സെമിനാർ സ്മാർട്ട് കാഞ്ഞിരപ്പള്ളി ഇന്നു വൈകുന്നേരം അഞ്ചിന് കത്തീഡ്രൽ മഹാജൂബിലി ഹാളിൽ നടക്കും. കത്തീഡ്രൽ വികാരിയും ആർച്ച്പ്രീസ്റ്റുമായ റവ.ഡോ. കുര്യൻ താമരശേരി സെമിനാർ ഉദ്ഘാടനം ചെയ്യും. ചീഫ് വിപ്പ് ഡോ. എൻ. ജയരാജ്, ആന്‍റോ ആന്‍റണി എംപി, പഞ്ചായത്ത് പ്രസിഡന്‍റ് കെ.ആർ. തങ്കപ്പൻ, ജില്ലാ പഞ്ചായത്തംഗം ജെസി ഷാജൻ, ബ്ലോക്ക് പഞ്ചായത്ത് വൈസ് പ്രസിഡന്‍റ് ജോളി മടുക്കക്കുഴി, പഞ്ചായത്തംഗങ്ങളായ മഞ്ജു ബിനോയ്, ബിജു പത്യാല, വി.പി. രാജൻ തുടങ്ങിയവർ പങ്കെടുക്കും. സെമിനാറിൽ പ്രഫ. തോമസ് വർക്കി, ഡോ. ജയ്മോൾ ജയിംസ്, ഡോ. ജോസ് കല്ലറയ്ക്കൽ എന്നിവർ പ്രബന്ധങ്ങൾ അവതരിപ്പിക്കും. മാധ്യമപ്രവർത്തകനും യൂട്യൂബറുമായ ജോ എ. സ്കറിയ ചർച്ചകൾക്കു നേതൃത്വം നൽകും. സമഗ്ര ജീവിത ഗുണനിലവാര ഉന്നതിയും സാമൂഹ്യനന്മയും ലക്ഷ്യമാക്കിയുള്ള പ്രായോഗിക നിർദേശങ്ങളാണ് സെമിനാറിലൂടെ ലക്ഷ്യം വയ്ക്കുന്നത്. കത്തീഡ്രൽ അസിസ്റ്റന്‍റ് വികാരിമാരായ ഫാ. തോമസ്കുട്ടി ആലപ്പാട്ടുകുന്നേൽ, ഫാ. ടോണി മുളങ്ങാശേരി, ഡോ. ബെന്നി ജോർജ്, ടോമി നീറിയാങ്കല്‍, സെബാസ്റ്റ്യൻ എള്ളുകുന്നേൽ എന്നിവർ നേതൃത്വം നൽകുമെന്ന് പബ്ലിസിറ്റി കൺവീനർ ഫിലിപ്പ് നിക്കോളാസ് പള്ളിവാതുക്കൽ അറിയിച്ചു.

ഡോ. ജോസ് തെക്കുംചേരിക്കുന്നേലിന്‍റെ മെത്രാഭിഷേകം: ചെമ്മലമറ്റം ഇടവക പ്രാർഥനയിൽ

ചെമ്മലമറ്റം: ജലന്ധര്‍ രൂപതയുടെ മെത്രാനായി ഡോ. ജോസ് തെക്കുംചേരിക്കുന്നേല്‍ ഇന്ന് അഭിഷിക്തനാകുന്പോള്‍ അദ്ദേഹത്തിന്‍റെ ഇടവകയായ ചെമ്മലമറ്റം പന്ത്രണ്ട് ശ്ലീഹന്മാരുടെ ഇടവകസമൂഹം പ്രാര്‍ഥനയിലും സന്തോഷത്തിലുമാണ്. ദൈവവിളികളാല്‍ സമ്പന്നമാണ് ചെമ്മലമറ്റം ഇടവക. രാജ്കോട്ട് രൂപതയുടെ മുന്‍ അധ്യക്ഷന്‍ മാര്‍ ഗിഗ്രറി കരോട്ടെമ്പ്രയില്‍ ഉള്‍പ്പെടെ രണ്ടു മെത്രാന്മാരും 52 വൈദികരും 180 സന്യസ്തരും ഇടവകയില്‍നിന്നുണ്ട്. രണ്ടു മെത്രാന്മാരുടെയും കുടുംബങ്ങള്‍ അയല്‍വാസികളാണ് എന്നുള്ളതും പ്രത്യേകതയാണ്. ഇടവകയില്‍നിന്നു നിരവധി പേര്‍ ഇന്നു നടക്കുന്ന ചടങ്ങില്‍ പങ്കെടുക്കാന്‍ ജലന്ധറിനു പോയിട്ടുണ്ട്. അസി. വികാരി ഫാ. ജേക്കബ് കടുതോടിലാണ് ഇടവക ടീമിനെ നയിക്കുന്നത്. ഈ മാസം 27നു മാതൃ ഇടവകയായ ചെമ്മലമറ്റം പള്ളിയില്‍ വന്‍ സ്വീകരണമാണ് പുതിയ ബിഷപ്പിന് നല്‍കുന്നത്. വികാരി ഫാ. സെബാസ്റ്റ്യന്‍ കൊല്ലംപറമ്പിലിന്‍റെ നേതൃത്വത്തില്‍ വിപുലമായ ഒരുക്കങ്ങള്‍ തുടങ്ങിക്കഴിഞ്ഞു.

അമോണിയ പ്ലാന്‍റ്: അനുമതിക്കായി അപേക്ഷയെത്തിയത് ഓൺലൈനിൽ

എലിക്കുളം: എലിക്കുളം പഞ്ചായത്തിൽ പത്തനംതിട്ട സ്വദേശിയുടെ മലനാട് അമോണിയ പ്രൈവറ്റ് ലിമിറ്റഡ് എന്ന പ്ലാന്‍റിന് അനുമതിക്കായി അപേക്ഷയെത്തിയത് സർക്കാരിന്‍റെ ഓൺലൈൻ സംവിധാനമായ കെ-സ്വിഫ്റ്റിലൂടെ. ആളുറുമ്പ് പടിഞ്ഞാറ്റുമലയിൽ അമോണിയ പ്ലാന്‍റിനായി സ്വകാര്യകമ്പനി വാങ്ങിയത് ഒന്നേകാൽ ഏക്കർ (0.5070 ഹെക്ടർ) സ്ഥലമാണെന്ന് അപേക്ഷയിൽ സൂചിപ്പിച്ചിട്ടുണ്ട്. സ്ഥലം വാങ്ങിയതിനും കെട്ടിടം പണിയുന്നതിനും മെഷീനറിക്കുമായി കണക്കിൽ കാണിച്ചിരിക്കുന്നത് ഒന്നരക്കോടി രൂപ. അപേക്ഷയിൽ ഒക്യൂപ്പൻസി എന്ന കോളത്തിൽ പ്ലാന്‍റ് അപകടകരം എന്ന ഗണത്തിലാണ് ഉൾപ്പെടുത്തിയിട്ടുള്ളത്. ജനവികാരം ഉൾക്കൊണ്ടില്ലെങ്കിൽ പ്ലാന്‍റിനെതിരേ ശക്തമായ സമരമുണ്ടാവുമെന്ന് എലിക്കുളം മേഖല പൗരസമിതി പ്രസിഡന്‍റ് ജിമ്മിച്ചൻ മണ്ഡപത്തിൽ പറഞ്ഞു. പടിഞ്ഞാറ്റുമലയിൽ അമോണിയം പ്ലാന്‍റിന്‍റെ പ്രവർത്തനം തുടങ്ങിയാൽ കുടിവെള്ളസ്രോതസുകൾ നശിക്കുമെന്ന് ജനകീയ കമ്മിറ്റി ചെയർമാൻ ജോസഫ് മാത്യു തെക്കേക്കുറ്റ് പറഞ്ഞു.

ഓൾ കേരള ഇംഗ്ലീഷ് പ്രസംഗമത്സരം

കടനാട്: സെന്‍റ് സെബാസ്റ്റ്യന്‍സ് ഹൈസ്‌കൂള്‍ ഇംഗ്ലീഷ് അധ്യാപകനും പിജിടിഎ സംസ്ഥാന കൗണ്‍സിലറുമായിരുന്ന ജിമ്മി ജോസ് ചീങ്കല്ലിന്‍റെ സ്മരണാര്‍ഥം ഓള്‍ കേരള ഇംഗ്ലീഷ് പ്രസംഗമത്സരം നടത്തി. മത്സരത്തിനുശേഷം സ്‌കൂള്‍ അസി. മാനേജര്‍ ഫാ. ജോസഫ് അട്ടങ്ങാട്ടിലിന്‍റെ അധ്യക്ഷതയില്‍ ചേര്‍ന്ന പൊതുസമ്മേളനം ഫ്രാന്‍സിസ് ജോര്‍ജ് എംപി ഉദ്ഘാടനം ചെയ്തു. മാണി സി. കാപ്പന്‍ എംഎല്‍എ മുഖ്യപ്രഭാഷണവും സമ്മാനദാനവും നിര്‍വഹിച്ചു. ജില്ലാ പഞ്ചായത്ത് മെബർ രാജേഷ് വാളിപ്ലാക്കല്‍ വിവിധ സ്‌കൂള്‍ ക്ലബ്ബുകളുടെ പ്രവര്‍ത്തനോദ്ഘാടനം നിര്‍വഹിച്ചു. പഞ്ചായത്ത് പ്രസിഡന്‍റ് ജിജി തമ്പി, വാര്‍ഡ് മെംബര്‍ ഉഷാ രാജു, പ്രിന്‍സിപ്പല്‍ സെബാസ്റ്റ്യന്‍ തെരുവില്‍, പിടിഎ പ്രസിഡന്‍റ് സിബി അഴകന്‍പറമ്പില്‍, ഹെഡ്മാസ്റ്റര്‍ വി.ജെ. അജി എന്നിവര്‍ പ്രസംഗിച്ചു. മത്സരത്തില്‍ മാനന്തവാടി എംജിഎം എച്ച്എസ്എസിലെ നെഹല ഫാത്തിമ ഒന്നാം സ്ഥാനവും പ്ലാശനാല്‍ സെന്‍റ് ആന്‍റണീസ് ഹയര്‍ സെക്കന്‍ഡറി സ്‌കൂളിലെ ആത്മജ നിഷാന്ത് രണ്ടാം സ്ഥാനവും കടനാട് സെന്‍റ് സെബാസ്റ്റ്യന്‍സ് ഹയര്‍ സെക്കന്‍ഡറി സ്‌കൂളിലെ മരിയറ്റ് ജോമോനും അരുവിത്തുറ സെന്‍റ് ജോര്‍ജ് ഹയര്‍ സെക്കന്‍ഡറി സ്‌കൂളിലെ ഗ്രേഷ്യന്‍ ജോയും മൂന്നാം സ്ഥാനവും കരസ്ഥമാക്കി.

പാലാ ജനറല്‍ ആശുപത്രിക്ക് ആരോഗ്യവകുപ്പിന്‍റെ കായകൽപ് അവാര്‍ഡ്

പാലാ: 2025ലെ ആരോഗ്യ വകുപ്പിന്‍റെ സംസ്ഥാന കായകല്‍പ് അവാര്‍ഡില്‍ പാലാ കെ.എം. മാണി സ്മാരക ഗവ. ജനറല്‍ ആശുപത്രി കോട്ടയം ജില്ലയില്‍ ഒന്നാം സ്ഥാനവും കമന്‍റേഷന്‍ അവാര്‍ഡില്‍ കേരളത്തിലെ നാലാം സ്ഥാനവും കരസ്ഥമാക്കി. 2024ല്‍ കമന്‍റേഷന്‍ അവാര്‍ഡ് കരസ്ഥമാക്കിയ പാലാ ജനറല്‍ ആശുപത്രി ഇപ്രാവശ്യം വളരെ ഉയര്‍ന്ന ഗ്രേഡോടെ കോട്ടയം ജില്ലയിൽനിന്നു തെരഞ്ഞെടുക്കപ്പെട്ട ഏക ജനറല്‍ ആശുപത്രിയായി. അഭിമാനകരമായ നേട്ടമാണ് ആശുപത്രി നേടിയിരിക്കുന്നതെന്ന് ആശുപത്രി മാനേജിംഗ് കമ്മിറ്റി ചെയര്‍മാന്‍ കൂടിയായ നഗരസഭാധ്യക്ഷന്‍ തോമസ് പീറ്ററും ആശുപത്രി സൂപ്രണ്ട് അസിസ്റ്റന്‍റ് ഡയറക്ടര്‍ ഡോ. ടി.പി.അഭിലാഷും പറഞ്ഞു. നിരവധിയായ ഘടകങ്ങള്‍ പരിശോധിച്ചാണ് അവാര്‍ഡിന് പരിഗണിച്ചത്. ആശുപത്രിയിലെ വിവിധ ചികിത്സാ വിഭാഗങ്ങളിലെ ഡോക്ടര്‍മാരുടെയും മുഴുവന്‍ ആരോഗ്യ പ്രവര്‍ത്തകരുടെയും പ്രതിബദ്ധതയോടെയുള്ള കൂട്ടായ പ്രയത്‌നത്തിന്‍റെ ഫലമാണിതെന്ന് അവര്‍ പറഞ്ഞു. വലിയ രോഗീസൗഹൃദ വികസന പദ്ധതികളാണ് ഈ വര്‍ഷം നടപ്പാക്കുന്നതെന്നും അവര്‍ പറഞ്ഞു.

മിനിലോറിയും കാറും കൂട്ടിയിടിച്ച് അമ്മയ്ക്കും മകനും പരിക്ക്

തലയോലപ്പറമ്പ്: മിനിലോറിയും ഇന്നോവയും കൂട്ടിയിടിച്ചുണ്ടായ അപകടത്തിൽ സിപിഐ മുൻ സംസ്ഥാന സെക്രട്ടറി അന്തരിച്ച കാനം രാജേന്ദ്രന്‍റെ ഭാര്യക്കും മകനും പരിക്ക്. തലയോലപ്പറമ്പ് വടകര തോട്ടം ജംഗ്ഷനു സമീപം ഇന്നലെ വൈകുന്നേരം 4.30 ഓടെയായിരുന്നു അപകടം. ഇടിയുടെ ആഘാതത്തിൽ ഇന്നോവയുടെ മുൻവശം പൂർണമായി തകർന്നു. തലയ്ക്ക് സാരമായി പരിക്കേറ്റ വനജ രാജേന്ദ്രൻ, മകൻ സന്ദീപ് രാജേന്ദ്രൻ എന്നിവരെ എറണാകുളത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു. എറണാകുളത്തുനിന്നും തലയോലപ്പറമ്പ് ഇല്ലിത്തൊണ്ടിലുള്ള ഗ്രാനൈറ്റ് കടയിലേക്ക് ലോഡുമായി വരികയായിരുന്നു മിനിലോറി. കോട്ടയം ഭാഗത്തുനിന്നു എറണാകുളം ഭാഗത്തേക്ക് പോകുകയായിരുന്നു ഇന്നോവ. കാർ ഡ്രൈവർ മയങ്ങിപ്പോയതാണ് അപകടത്തിന് ഇടയാക്കിയതെന്ന് പറയപ്പെടുന്നു.

പരിസ്ഥിതി സംരക്ഷണ മേഖലയിലെ പുതു മാതൃകകള്‍ക്കുള്ള അംഗീകാരം

കോട്ടയം: പരിസ്ഥിതി സംരക്ഷണ മേഖലയില്‍ സൃഷ്ടിച്ച പുതു മാതൃകകള്‍ക്കുള്ള അംഗീകാരമാണ് എംജി യൂണിവേഴ്‌സിറ്റിക്ക് ലഭിച്ച ജൈവവൈവിധ്യ സംരക്ഷണ അവാര്‍ഡ്. സര്‍ക്കാര്‍, സഹകരണ, പൊതുമേഖലകളിലെ മികച്ച ജൈവവൈവിധ്യ സംരക്ഷണ സ്ഥാപനമായാണ് സംസ്ഥാന ജൈവവൈവിധ്യ ബോര്‍ഡ് എംജി യൂണിവേഴ്‌സിറ്റിയെ തെരഞ്ഞെടുത്തത്. വൈവിധ്യമാര്‍ന്ന സസ്യജാലങ്ങള്‍ തണല്‍വിരിക്കുന്ന കാമ്പസ് പൂര്‍ണമായും പരിസ്ഥിതി സൗഹൃദമായാണ് പ്രവര്‍ത്തിക്കുന്നത്. ജൈവ മാലിന്യങ്ങളും വൃക്ഷങ്ങളുടെ കരിയിലകളും വരെ മൂല്യവര്‍ധിത ഉത്പന്നങ്ങളാക്കി മാറ്റുന്ന നിര്‍മലം എംജിയു ഗ്രീന്‍ പ്രോട്ടോക്കോള്‍ പദ്ധതിയും കാര്‍ബണ്‍ മലിനീകരണം കുറയ്ക്കുന്നതിന് ലക്ഷ്യമിടുന്ന ബയോഗ്യാസ് പ്ലാന്‍റുകളും സൗരോര്‍ജ യൂണിറ്റുകളും കാമ്പസിനെ വേറിട്ടുനിര്‍ത്തുന്നു. ജീവക ലൈവ് ലാബോറട്ടറി എന്ന പേരില്‍ 2008 മുതല്‍ 12 ഏക്കര്‍ സ്ഥലം സംരക്ഷിത മേഖലയായി നിലനിര്‍ത്തിയിട്ടുണ്ട്. ഓര്‍ഗാനിക് ഫാം, ഔഷധ സസ്യോദ്യാനം, മിയാവാക്കി വനം, പഴവര്‍ഗങ്ങളുടെ ഉദ്യാനം, ഭൂമിമിത്ര ക്ലബ്, പരിസ്ഥിതി ശാസ്ത്ര വിദ്യാര്‍ഥികളുടെ ക്ലബ്, വിദ്യാര്‍ഥികള്‍ക്കും സന്ദര്‍ശകര്‍ക്കും കാമ്പസിലെ മരങ്ങളെ അടുത്തറിയുന്നതിനുപകരിക്കുന്ന ക്യുആര്‍ കോഡ് സംവിധാനം തുടങ്ങിയവയും ഇവിടെയുണ്ട്. ജൈവ വൈവിധ്യ സംരക്ഷണ പ്രവര്‍ത്തനങ്ങളില്‍ അധ്യാപകരും വിദ്യാര്‍ഥികളും ജീവനക്കാരും പങ്കുചേരുന്നു. അധിനിവേശ സസ്യങ്ങളെ നിയന്ത്രിക്കുന്നതിനുള്ള നടപടികള്‍, സര്‍ക്കാര്‍, സര്‍ക്കാരിതര മേഖലകളിലെ ജൈവവൈവിധ്യ നയരൂപീകരണ പ്രവര്‍ത്തനങ്ങളിലെയും പ്രളയാനന്തര ദുരന്തനിവാരണ പഠനങ്ങളിലെയും പങ്കാളിത്തം, സ്‌കൂള്‍ ഓഫ് എന്‍വയോണ്‍മെന്‍റല്‍ സയന്‍സസിന്‍റെ നേതൃത്വത്തില്‍ പരിസ്ഥിതി സംരക്ഷണത്തിനായി നടത്തിവരുന്ന വിവിധ പ്രവര്‍ത്തനങ്ങള്‍ എന്നിവയും പുരസ്‌കാര നേട്ടത്തിന് സഹായകമായി.

വിദ്യാർഥിനിയെ മരിച്ചനിലയിൽ കണ്ടെത്തി

വൈക്കം: ബിബിഎ വിദ്യാർഥിനിയെ വീട്ടിൽ തൂങ്ങിമരിച്ച നിലയിൽ കണ്ടെത്തി. ഉദയനാപുരം നേരേകടവ് വഴിത്തറയിൽ രാജേഷ്-നിഷ ദമ്പതികളുടെ മകൾ അനഘ (22)യെയാണ് കിടപ്പുമുറിയിൽ തൂങ്ങി മരിച്ചനിലയിൽ കണ്ടെത്തിയത്. വ്യാഴാഴ്ച വൈകുന്നേരം അഞ്ചോടെയായിരുന്നു സംഭവം. സംസ്കാരം നടത്തി. ഉടുപ്പിയിൽ ബിബിഎയ്ക്ക് പഠിക്കുന്ന അനഘ കഴിഞ്ഞ മാസം 30 നാണ് അവധിക്ക് നാട്ടിൽ എത്തിയത്. 15ന് തിരികെ പോകാൻ ഇരിക്കുകയായിരുന്നു. അമ്മ നിഷ വിദേശത്താണ്. വൈക്കം പോലീസ് മേൽനടപടി സ്വീകരിച്ചു.

വേമ്പനാട്ടുകായലിനു ചുറ്റും ജൈവവേലി നിർമിക്കണം പി.ജെ. ജോസഫ്

വൈക്കം: വേമ്പനാട്ട് കായലിന്‍റെ ആവാസവ്യവസ്ഥയ്ക്ക് കോട്ടം തട്ടാതെ ജൈവവേലി നിർമിച്ച് കൃഷിയെ പ്രോത്സാഹിപ്പിക്കണമെന്ന് കേരള കോൺഗ്രസ് ചെയർമാൻ പി.ജെ. ജോസഫ്. വേമ്പനാട്ട് കായൽ സംരക്ഷണ സംഗമ സംസ്ഥാന സെമിനാർ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കായലിലും നദികളിലും അടിഞ്ഞുകൂടുന്ന ചെളിയും മണലും മാലിന്യങ്ങളും മൂലം കായലിന്‍റെ ജല സംഭരണശേഷി പ ത്തിലൊന്നായി കുറഞ്ഞു. ഇത് വെള്ളപ്പൊക്കത്തിനും വ്യാപകമായ കൃഷിനാശത്തിനും കാരണമാകുകയാണ്. കായലിൽനിന്നു വാരുന്ന ചെളിയും മണലും ഉപയോഗിച്ച് ബണ്ട് നിർമിച്ച് വെള്ളപ്പൊക്കത്തിന് പരിഹാരം ഉണ്ടാക്കണം. 98 കിലോമീറ്റർ നീളമുള്ള വേമ്പനാട്ട് കായലിൽ ആറു നദികൾ സംഗമിക്കുന്നു. ഈ നദികളിലൂടെ ഒഴുകിയെത്തുന്ന എക്കൽ ഫലപ്രദമായി വിനിയോഗിച്ച് നെൽകൃഷിക്കും മത്സ്യകൃഷിക്കും ഉപകരിക്കുന്ന രീതിയിൽ മാറ്റിയെടുക്കണമെന്ന് അദ്ദേഹം അഭിപ്രായപ്പെട്ടു. കുട്ടനാട് അപ്പർ കുട്ടനാട് മേഖലകളിലെ കനാലുകൾ തടാകങ്ങൾ ആക്കി മാറ്റിയാൽ ടൂറിസം മേഖലയ്ക്ക് പുത്തൻ ഉണർവ് ഉണ്ടാകും. വേമ്പനാട്ടുകായലിൽ എത്തുന്ന കാർബൺ ശേഖരം കൃഷിക്ക് ഉപയോഗയോഗ്യമാക്കുന്ന പദ്ധതികൾ സംസ്ഥാന സർക്കാർ രൂപം നൽകി നടപ്പിലാക്കണമെന്നും അദ്ദേഹം ആവശ്യപ്പെട്ടു. കേരള കോൺഗ്രസ് കോട്ടയം ജില്ലാ പ്രസിഡന്‍റ് ജയ്സൺ ജോസഫ് അധ്യക്ഷത വഹിച്ചു. സെമിനാറിൽ കാർഷിക വികസന കേന്ദ്രം മുൻ ഡയറക്ടർ ഡോ. കെ.ജി. പത്മകുമാർ വിഷയാവതരണം നടത്തി. വർക്കിംഗ് ചെയർമാൻ പി.സി. തോമസ്, എക്സിക്യൂട്ടീവ് ചെയർമാൻ മോൻസ്ജോസഫ് എംഎൽഎ, സെക്രട്ടറി ജനറൽ ജോയ് ഏബ്രഹാം, ഡെപ്യൂട്ടി ചെയർമാൻ ഫ്രാൻസിസ് ജോർജ് എംപി, ഡെപ്യൂട്ടി ചെയർമാൻ തോമസ് ഉണ്ണിയാടൻ, സംസ്ഥാന കോ-ഓർഡിനേറ്റർ അപു ജോൺ ജോസഫ്, വൈസ് ചെയർമാൻമാരായ ഇ.ജെ. ആഗസ്തി, കെ.എഫ്. വർഗീസ്, സീനിയർ സെക്രട്ടറിമാരായ മാഞ്ഞൂർ മോഹൻകുമാർ, ജോണി അരീക്കാട്ടില്‍, സംസ്ഥാന അഡ്‌വൈസർ തോമസ് കണ്ണന്തറ, പാർട്ടി ഉന്നത അധികാര സമിതി അംഗങ്ങളായ പോൾസൺ ജോസഫ്, സ്റ്റീഫൻ പാറാവേലി, പ്രിൻസ് ലൂക്കോസ്, തോമസ് ഉഴുന്നാലി, ബിനുചെങ്ങളം, ജോർജ് പുളിങ്കാട്ട്, സാബു ഒഴുങ്ങാലി, ജെയിംസ് മാത്യുതെക്കൻ, ജോർജ് ചെന്നേലി, ജോസ് വഞ്ചിപ്പുര, ജോസ് ജെയിംസ് നിലപ്പനക്കൊല്ലി, ജോസഫ് തോമസ് തുടങ്ങിയവർ പ്രസംഗിച്ചു.

പുതിയ കേരളത്തിനായി പുതിയ കോൺഗ്രസ്: ദീപ ദാസ് മുൻഷി

കോട്ടയം: ഇടത് സര്‍ക്കാരിനെ അധികാരത്തില്‍നിന്ന് നീക്കാനുള്ള പോരാട്ടത്തിനൊപ്പം പുതിയ കേരളത്തിനായുള്ള കര്‍മ പദ്ധതികളും തയാറാക്കണമെന്ന് എഐസിസി ജനറല്‍ സെക്രട്ടറി ദീപ ദാസ് മുന്‍ഷി. കോട്ടയത്ത് ജില്ലാ കോണ്‍ഗ്രസ് കമ്മിറ്റി സംഘടിപ്പിച്ച സമരസംഗമം സ്‌പെഷല്‍ ജനറല്‍ ബോഡി യോഗം ഉദ്ഘാടനം ചെയ്യുകയായിരുന്നു അവര്‍. കേരളത്തില്‍ ഇടത് സര്‍ക്കാരിനെതിരേയും കേന്ദ്രത്തില്‍ ബിജെപി സര്‍ക്കാരിനെതിരേയും സമരങ്ങള്‍ നടത്തുന്നതിനൊപ്പം തന്നെ യുവതലമുറയെ അടുത്തറിയാനും ചേര്‍ത്ത് നിര്‍ത്തിക്കൊണ്ടുള്ള നാടിന്‍റെ വികസനത്തിനും ഊന്നല്‍ നല്‍കണമെന്നും അവര്‍ ചൂണ്ടിക്കാട്ടി. നാട്ടില്‍ യുവാക്കള്‍ക്ക് ജോലി കിട്ടുന്നില്ല. യുവാക്കള്‍ വലിയൊരു വിഭാഗം തൊഴില്‍തേടി വിദേശങ്ങളിലേക്ക് പോകുകയാണ്. തൊഴിലവസരങ്ങള്‍ സൃഷ്ടിച്ച് ഇവരെ കേരളത്തില്‍ നിലനിര്‍ത്താന്‍ കോണ്‍ഗ്രസിന് പദ്ധതി വേണം. വര്‍ധിച്ചുവരുന്ന ലഹരിവിപത്തിനെതിരേയും കോണ്‍ഗ്രസ് പ്രവര്‍ത്തകര്‍ മുന്നിട്ടിറങ്ങണം. പുതിയ കേരളത്തെക്കുറിച്ച് കോണ്‍ഗ്രസിന്‍റെയും യുഡിഎഫിന്‍റെയും കാഴ്ചപ്പാടും പദ്ധതികളും ജനങ്ങള്‍ക്ക് മുന്നില്‍ വയ്ക്കാന്‍ കഴിയണം. യുഡിഎഫ് സര്‍ക്കാരിന്‍റെ കാലത്ത് പ്രവര്‍ത്തനത്തിലുണ്ടായിരുന്ന ആവേശം വീണ്ടെടുക്കണമെന്നും യോഗം ഉദ്ഘാടനം ചെയ്ത് ദീപ ദാസ് മുന്‍ഷി പറഞ്ഞു. രാഹുല്‍ഗാന്ധി പങ്കെടുക്കുന്ന ഉമ്മന്‍ ചാണ്ടി അനുസ്മരണം ചരിത്രസംഭവമാക്കാനും യോഗം തീരുമാനിച്ചു. കെപിസിസി പ്രസിഡന്‍റ് സണ്ണി ജോസഫ്, യുഡിഎഫ് കണ്‍വീനര്‍ അടൂര്‍ പ്രകാശ് എംപി, ഡിസിസി പ്രസിഡന്‍റ് നാട്ടകം സുരേഷ്, എംഎല്‍എമാരായ തിരുവഞ്ചൂര്‍ രാധാകൃഷ്ണന്‍, എ.പി. അനില്‍കുമാര്‍, പി.സി. വിഷ്ണുനാഥ്, ആന്‍റോ ആന്‍റണി എംപി, നേതാക്കളായ വി.പി. സജീന്ദ്രന്‍, കെ.സി. ജോസഫ്, ജോസഫ് വാഴയ്ക്കന്‍, പി.എ. സലിം, ജോസി സെബാസ്റ്റ്യന്‍, കുര്യന്‍ ജോയി, ടോമി കല്ലാനി, പി.ആര്‍. സോന, ഫില്‍സണ്‍ മാത്യൂസ്, ജോഷി ഫിലിപ്പ്, സുധാകുര്യന്‍, പി.എസ്. രഘുറാം, കുഞ്ഞ് ഇല്ലംപള്ളി തുടങ്ങിയവര്‍ പ്രസംഗിച്ചു.

എലിപ്പനി പടരുന്നു ; ജാഗ്രത പാലിക്കുക, മുന്‍കരുതലുകള്‍ സ്വീകരിക്കുക

കോട്ടയം: ജില്ലയില്‍ എലിപ്പനി ബാധിതരുടെ എണ്ണത്തില്‍ വര്‍ധന. കനത്ത ജാഗ്രതയുമായി ആരോഗ്യവകുപ്പ്. എലിപ്പനി ബാധിച്ചു മരണപ്പെടുന്നവരുടെ എണ്ണവും രോഗം പിടിപെടുന്നവരുടെ എണ്ണവും വര്‍ധിക്കുന്നതോടെയാണ് ആരോഗ്യവകുപ്പ് മുന്‍കരുതലുമായി രംഗത്തെത്തിയത്. ജില്ലയില്‍ എലിപ്പനി കേസുകള്‍ വ്യാപകമായി റിപ്പോര്‍ട്ടു ചെയ്യുന്ന സാഹചര്യത്തില്‍ ജാഗ്രത പാലിക്കണമെന്നും മുന്‍കരുതലുകള്‍ സ്വീകരിക്കണമെന്നും ആരോഗ്യവകുപ്പ് വ്യക്തമാക്കി. വെള്ളംകയറിയ പ്രദേശങ്ങളില്‍ താമസിക്കുന്നവര്‍, ദുരിതാശ്വാസക്യാമ്പുകളില്‍ കഴിയുന്നവര്‍, ശുചീകരണത്തൊഴിലാളികള്‍, പാടത്തും ജലാശയങ്ങളിലും മീന്‍ പിടിക്കാനിറങ്ങുന്നവര്‍ തുടങ്ങി കെട്ടിക്കിടക്കുന്ന വെള്ളവുമായോ മണ്ണുമായോ സമ്പര്‍ക്കമുണ്ടായിട്ടുള്ള എല്ലാവരും എലിപ്പനിക്കെതിരേയുള്ള മുന്‍കരുതല്‍ മരുന്നായ ഡോക്സിസൈക്ലിന്‍ 200 മില്ലിഗ്രാം (100 മില്ലിഗ്രാമിന്‍റെ രണ്ട് ഗുളിക) ആരോഗ്യപ്രവര്‍ത്തകരുടെ നിര്‍ദ്ദേശാനുസരണം കഴിക്കണം. ഗുളിക കഴിക്കുമ്പോള്‍ മലിനജലവുമായി സമ്പര്‍ക്കത്തില്‍വരുന്ന തൊഴിലുകളില്‍ ഏര്‍പ്പെടുന്നവര്‍ 200 എംജി ഡോക്സിസൈക്ലിന്‍ ഗുളിക ആഴ്ചയിലൊരിക്കല്‍ ആറാഴ്ച വരെ കഴിക്കണം. ജോലി തുടര്‍ന്നും ചെയ്യുന്നെങ്കില്‍ രണ്ടാഴ്ചത്തെ ഇടവേളയ്ക്കു ശേഷം വീണ്ടും കഴിക്കണം. വെറും വയറ്റില്‍ ഡോക്സിസൈക്ലിന്‍ ഗുളിക കഴിക്കരുത്. ഭക്ഷണം കഴിച്ച ശേഷം മാത്രം ഗുളിക കഴിക്കാന്‍ ശ്രദ്ധിക്കണം. ഗുളിക കഴിക്കുന്നതോടൊപ്പം രണ്ടു ഗ്ലാസ് വെള്ളമെങ്കിലും കുടിക്കണം. ഗുളിക കഴിച്ചശേഷം ചിലര്‍ക്കുണ്ടാകുന്ന വയറെരിച്ചില്‍ ഒഴിവാക്കാന്‍ ഇതു സഹായിക്കും. ഗുളിക കഴിച്ചശേഷം ഉടനേ കിടക്കരുത്. തൊഴിലുറപ്പ് ജോലികളില്‍ ഏര്‍പ്പെടുന്നവര്‍ ജോലിക്കിറങ്ങുന്നതിനു തലേദിവസം ഭക്ഷണശേഷം ഗുളിക കഴിക്കണം. പ്രതിരോധമാണ് പ്രധാനം ശരീരത്തില്‍ ചെറിയ മുറിവുകളോ വ്രണങ്ങളോ ഉള്ളവര്‍, പാദം വിണ്ടുകീറിയവര്‍. ഏറെനേരം വെള്ളത്തില്‍ പണിയെടുത്ത് കൈകാലുകളിലെ തൊലി മൃദുലമായവര്‍ തുടങ്ങിയവരില്‍ എലിപ്പനിക്ക് കാരണമാകുന്ന രോഗാണുവിന് പ്രവേശിക്കാന്‍ എളുപ്പമാണ്. ശരീരത്തില്‍ മുറിവുകള്‍ ഉള്ളവര്‍ അത് ഉണങ്ങുന്നതുവരെ മലിനജലവുമായി സമ്പര്‍ക്കത്തില്‍വരുന്ന ജോലികള്‍ ചെയ്യരുത്. ജോലിചെയ്യേണ്ട സാഹചര്യം വന്നാല്‍ കൈയുറ, കാലുറ എന്നിവ ധരിക്കണം. ഡോക്സിസൈക്ലിനും കഴിക്കണം. വീടിനു പുറത്തിറങ്ങുമ്പോള്‍ നിര്‍ബന്ധമായും ചെരുപ്പ് ധരിക്കണം. വിനോദത്തിനായി മീന്‍ പിടിക്കാന്‍ പോകുന്ന സ്ഥലങ്ങളില്‍ മലിനജലവുമായി സമ്പര്‍ക്കമുണ്ടായാല്‍ ഡോക്സിസൈക്ലിന്‍ ഗുളിക കഴിച്ച് മുന്‍ കരുതല്‍ എടുക്കുക. കന്നുകാലികളെ കുളിപ്പിക്കുന്ന തോട്, കുളം എന്നിവിടങ്ങളില്‍ കുളിക്കുകയോ മുഖം കഴുകുകയോ ചെയ്യരുത്‌. തൊഴുത്ത്, പട്ടിക്കൂട് എന്നിവ വൃത്തിയാക്കുന്നവര്‍ മൃഗങ്ങളുടെ വിസര്‍ജ്ജ്യങ്ങളുമായി സമ്പര്‍ക്കം ഉണ്ടാകാതെ സൂക്ഷിക്കുക. കെട്ടിക്കിടക്കുന്ന വെള്ളത്തില്‍ ഇറങ്ങേണ്ടിവന്നാല്‍ കൈകാലുകള്‍ സോപ്പുപയോഗിച്ച് നന്നായി കഴുകുക ആഹാരവും കുടിവെള്ളവും എലി മൂത്രംകലര്‍ന്ന് മലിനമാകാതെ മൂടിവ‌യ്ക്കുക. കടുത്ത പനി, തലവേദന, ക്ഷീണം, ശരീര വേദന, കാല്‍വണ്ണയിലെ പേശികളില്‍ വേദന, കണ്ണിനു മഞ്ഞനിറം എന്നിവ ഉണ്ടായാല്‍ സ്വയംചികിത്സ ഒഴിവാക്കി അടുത്തുള്ള ആരോഗ്യ കേന്ദ്രത്തിലെത്തി ഡോക്ടറെ കണ്ടു ചികിത്സതേടണം. മലിനജലവുമായി സമ്പര്‍ക്കം വന്നിട്ടുണ്ടെങ്കില്‍ ഡോക്ടറോട് പറയണം. ഇതോടെ നിര്‍ണയം കൂടുതല്‍ എളുപ്പമാകും. കുട്ടികളെ മലിനജലത്തില്‍ കുളിക്കാനോ കളിക്കാനോ അനുവദിക്കരുതെന്നും ജാഗ്രത പാലിക്കണമെന്നും ജില്ലാ മെഡിക്കല്‍ ഓഫീസര്‍ അറിയിച്ചു.

രാമപുരം നാലമ്പലദര്‍ശനം: തീർഥയാത്രകളുമായി കെഎസ്ആർടിസി

കോട്ടയം: രാമപുരം നാലമ്പലദര്‍ശനത്തിനു കെഎസ്ആര്‍ടിസി ബജറ്റ് ടൂറിസം സെല്ലുമായി സഹകരിച്ച് 17 മുതല്‍ ഓഗസ്റ്റ് 16 വരെ എല്ലാ ജില്ലകളില്‍നിന്നും തീര്‍ഥയാത്രകള്‍ ക്രമീകരിച്ചെന്നും മുന്‍കൂട്ടി സീറ്റുകള്‍ ബുക്കുചെയ്യാന്‍ സൗകര്യമുണ്ടെന്നും നാലമ്പല ദര്‍ശന കമ്മിറ്റി. ഓരോ ഡിപ്പോകളില്‍നിന്നുള്ള യാത്രാതീയതിയും വിശദാംശങ്ങളും അതതു ജില്ലകളിലെ കോ-ഓര്‍ഡിനേറ്റര്‍മാര്‍ തയാറാക്കിവരുന്നു. രാമപുരം ശ്രീരാമസ്വാമി ക്ഷേത്രം, കൂടപ്പുലം ശ്രീലക്ഷ്മണസ്വാമി ക്ഷേത്രം, അമനകര ശ്രീഭരതസ്വാമി ക്ഷേത്രം, മേതിരി ശത്രുഘ്‌നസ്വാമി ക്ഷേത്രം എന്നിവിടങ്ങളിൽ ദര്‍ശനം നടത്തി വീണ്ടും ശ്രീരാമസ്വാമി ക്ഷേത്രത്തില്‍ ദര്‍ശനം നടത്തുന്നതോടെ നാലമ്പല ദര്‍ശനം പൂര്‍ത്തിയാകും. ഒരേദിവസം ഉച്ചപൂജയ്ക്ക് മുമ്പ് നാലമ്പലദര്‍ശനം പൂര്‍ത്തിയാക്കണം. ഇന്‍ഫര്‍മേഷന്‍ സെന്‍ററുകളും വോളണ്ടിയര്‍മാരുടെ സേവനവും നാലു ക്ഷേത്രങ്ങളിലും ഒരുക്കിയിട്ടുണ്ട്. വാഹനങ്ങള്‍ പാര്‍ക്കുചെയ്യാൻ കൂടുതല്‍ സൗകര്യമുണ്ട്. മഴ നനയാതെ ക്യൂ നില്‍കുന്നതിനു പന്തല്‍ ഒരുക്കിയിട്ടുണ്ട്. വഴിപാടുകള്‍ക്ക് ഉടന്‍ പ്രസാദം ലഭിക്കും. അമനകര ഭരതസ്വാമി ക്ഷേത്രത്തില്‍ ദിവസവും അന്നദാനമുണ്ട്. കര്‍ക്കിടമാസത്തില്‍ ദര്‍ശനസമയം രാവിലെ അഞ്ചുമുതല്‍ ഉച്ചയ്ക്ക് 12 വരെയും വൈകുന്നേരം അഞ്ചുമുതല്‍ 7.30 വരെയുമാണ്. ക്ഷേത്രങ്ങള്‍ തമ്മിലുള്ള ദൂരം മൂന്നു കിലോമീറ്റര്‍ മാത്രമാണ്.

സാന്‍തോം ഫുഡ് ഫാക്ടറി ഉദ്ഘാടനം 14ന്

പാലാ: പാലാ സോഷ്യല്‍ വെല്‍ഫെയര്‍ സൊസൈറ്റി പ്രമോട്ട് ചെയ്യുന്ന സാന്‍തോം ഫാര്‍മര്‍ പ്രൊഡ്യൂസര്‍ കമ്പനിയുടെ ഉടമസ്ഥതയില്‍ ആരംഭിക്കുന്ന പാലാ രൂപത പ്ലാറ്റിനം ജൂബിലി സ്മാരക പാലാ സാന്‍തോം ഫുഡ് ഫാക്ടറിയുടെ ഉദ്ഘാടനം 14ന് നടക്കുമെന്ന് ബിഷപ്സ് ഹൗസില്‍ നടന്ന പത്രസമ്മേളനത്തില്‍ മാര്‍ ജോസഫ് കല്ലറങ്ങാട്ട് അറിയിച്ചു. പാലാ രൂപതയുടെ ഉടമസ്ഥതയിലുള്ള മുണ്ടുപാലം സ്റ്റീല്‍ ഇന്ത്യ കാമ്പസിലാണ് സാന്‍തോം ഫുഡ് ഫാക്ടറി പ്രവര്‍ത്തനം ആരംഭിക്കുന്നത്. നിര്‍മാണം പൂര്‍ത്തിയായ ഫാക്ടറിക്കെട്ടിടത്തിന്‍റെ ആശീര്‍വാദകര്‍മം 14ന് ഉച്ചകഴിഞ്ഞ് 2.30ന് ബിഷപ് മാര്‍ ജോസഫ് കല്ലറങ്ങാട്ട് നിര്‍വഹിക്കും. മുഖ്യ വികാരി ജനറാള്‍ മോണ്‍. ജോസഫ് തടത്തില്‍, വികാരി ജനറാള്‍മാരായ മോണ്‍. ജോസഫ് മലേപ്പറമ്പില്‍, മോണ്‍. ജോസഫ് കണിയോടിക്കല്‍, മോണ്‍. സെബാസ്റ്റ്യന്‍ വേത്താനത്ത് എന്നിവര്‍ സഹകാര്‍മികരാകും. മന്ത്രിമാരായ വി.എന്‍. വാസവനും പി. പ്രസാദും പങ്കെടുക്കും ഉച്ചകഴിഞ്ഞ് മൂന്നിന് മാര്‍ ജോസഫ് കല്ലറങ്ങാട്ടിന്‍റെ അധ്യക്ഷതയില്‍ ചേരുന്ന സമ്മേളനത്തിന്‍റെ ഉദ്ഘാടനം മന്ത്രി വി.എന്‍. വാസവനും ഫാക്ടറിയുടെ ഉദ്ഘാടനം കൃഷിമന്ത്രി പി. പ്രസാദും നിര്‍വഹിക്കും. രൂപതയുടെ പ്ലാറ്റിനം ജൂബിലിയുടെ സ്മരണാര്‍ഥം 75 മാതൃകാ കര്‍ഷകരെ സമ്മേളനത്തില്‍ ആദരിക്കും. വികാരി ജനറാള്‍ മോണ്‍. സെബാസ്റ്റ്യന്‍ വേത്താനത്ത് പദ്ധതി വിശദീകരിക്കും. എംപിമാരായ ജോസ് കെ. മാണി, കെ. ഫ്രാന്‍സിസ് ജോര്‍ജ്, എംഎല്‍എമാരായ മാണി സി. കാപ്പന്‍, മോന്‍സ് ജോസഫ്, സെബാസ്റ്റ്യന്‍ കുളത്തുങ്കല്‍, ചാണ്ടി ഉമ്മന്‍ എന്നിവരും പി.സി. ജോര്‍ജ്, മുനിസിപ്പല്‍ ചെയര്‍മാന്‍ തോമസ് പീറ്റര്‍, പിഎസ്ഡബ്ല്യുഎസ് ഡയറക്ടര്‍ ഫാ. തോമസ് കിഴക്കേല്‍, സ്മോള്‍ ഫാര്‍മേഴ്‌സ് അഗ്രി ബിസിനസ് കണ്‍സോര്‍ഷ്യം മാനേജിംഗ് ഡയറക്ടര്‍ എസ്. രാജേഷ്‌കുമാര്‍, സ്റ്റേറ്റ് ഹോര്‍ട്ടികള്‍ച്ചര്‍ മിഷന്‍ മാനേജിംഗ് ഡയറക്ടര്‍ സജി ജോണ്‍, നബാര്‍ഡ് ജില്ലാ മാനേജര്‍ റെജി വര്‍ഗീസ്, പ്രിന്‍സിപ്പല്‍ കൃഷി ഓഫീസര്‍ സി. ജോ ജോസ്, വ്യവസായവകുപ്പ് ജില്ലാ ജനറല്‍ മാനേജര്‍ വി.ആര്‍. രാജേഷ്, ആത്മാ പ്രോജക്‌ട് ഡയറക്ടര്‍ മിനി ജോര്‍ജ്, സ്റ്റേറ്റ് ഹോര്‍ട്ടികള്‍ച്ചര്‍ മിഷന്‍ ഡെപ്യൂട്ടി ഡയക്ടര്‍ ലെന്‍സി തോമസ്, കൃഷി വിജ്ഞാനകേന്ദ്രം പ്രോഗ്രാം കോ-ഓര്‍ഡിനേറ്റര്‍ ഡോ. ജി. ജയലക്ഷ്മി, കാഞ്ഞിരമറ്റം അഗ്രോ പ്രൊഡ്യൂസർ കമ്പനി ചീഫ് എക്‌സിക്യൂട്ടീവ് ഓഫീസര്‍ ടോം ജേക്കബ്‍, സാന്‍തോം ഫാര്‍മര്‍ പ്രൊഡ്യൂസര്‍ കമ്പനി ചെയര്‍മാന്‍ സിബി മാത്യു തുടങ്ങിയവര്‍ പ്രസംഗിക്കും. വാര്‍ഷിക പൊതുയോഗം പാലാ സാന്‍തോം ഫാര്‍മേഴ്‌സ് പ്രൊഡ്യൂസര്‍ കമ്പനിയുടെ വാര്‍ഷിക പൊതുയോഗം രാവിലെ 11ന് ആരംഭിക്കും. ചെയര്‍മാന്‍ സിബി മാത്യു അധ്യക്ഷത വഹിക്കും. പിഎസ്ഡബ്ല്യുഎസ് ഡയറക്ടര്‍ ഫാ. തോമസ് കിഴക്കേല്‍ ഉദ്ഘാടനം ചെയ്യും. ഡയറക്ടര്‍ ബോര്‍ഡംഗം ജോയി മടിക്കാങ്കല്‍, ചീഫ് എക്‌സിക്യൂട്ടീവ് ഓഫീസര്‍ വിമല്‍ കദളിക്കാട്ടില്‍, ക്ലാരീസ് ചെറിയാന്‍, ഡയറക്ടര്‍ ബോര്‍ഡംഗങ്ങളായ പി.വി. ജോര്‍ജ് പുരയിടം, ഷീബാ ബെന്നി എന്നിവര്‍ പ്രസംഗിക്കും. 1.30ന് കാര്‍ഷിക മേഖലയിലെ പ്രശ്‌നങ്ങളും സാധ്യതകളും സംബന്ധിച്ച കര്‍ഷകസംവാദം നടക്കും. സ്റ്റീല്‍ ഇന്ത്യ ഡയറക്ടര്‍ ഫാ. ജോസഫ് താഴത്തുവരിക്കയിലിന്‍റെ അധ്യക്ഷതയില്‍ ഇന്‍ഫാം ദേശീയ ചെയര്‍മാന്‍ ഫാ. ജോസഫ് ചെറുകരക്കുന്നേല്‍ സംവാദം ഉദ്ഘാടനം ചെയ്യും. ഇന്‍ഫാം രൂപത ഡയറക്ടര്‍ ഫാ. ജോസഫ് തറപ്പേല്‍ മോഡറേറ്ററാകും. വിവിധ കര്‍ഷക കമ്പനി സാരഥികളും വിദഗ്ധരും പ്രസംഗിക്കും. പിഎസ്ഡബ്ല്യുസ് അസിസ്റ്റന്‍റ് ഡയറക്ടര്‍ ഫാ. ഫ്രാന്‍സിസ് ഇടത്തിനാല്‍ സ്വാഗതവും എഫ്പിഒ ഡിവിഷന്‍ മാനേജര്‍ ഡാന്‍റീസ് കൂനാനിക്കല്‍ നന്ദിയും പറയും. കര്‍ഷകകൂട്ടായ്മകള്‍ വിവിധ കലാപരിപാടികളും അവതരിപ്പിക്കും. പാലാ ബിഷപ്സ് ഹൗസില്‍ നടന്ന വാര്‍ത്താസമ്മേളനത്തില്‍ മാര്‍ ജോസഫ് കല്ലറങ്ങാട്ട്, മോണ്‍. സെബാസ്റ്റ്യന്‍ വേത്താനത്ത്, ഫാ. തോമസ് കിഴക്കേല്‍, ഫാ. ജോസഫ് താഴത്തുവരിക്കയില്‍, ഫാ. ഫ്രാന്‍സിസ് ഇടത്തിനാല്‍, സിബി മാത്യു കണിയാംപടി, പബ്ലിസിറ്റി കമ്മിറ്റി കണ്‍വീനര്‍ ഡാന്‍റീസ് കൂനാനിക്കല്‍, പി.വി. ജോര്‍ജ് പുരയിടം, സപ്ലിമെന്‍റ് കമ്മിറ്റി കണ്‍വീനര്‍ ടോണി സണ്ണി തുടങ്ങിയവര്‍ സന്നിഹിതരായിരുന്നു.

ഭാരതീയ പോസ്റ്റല്‍ ഫെഡറേഷന്‍ പ്രതിഷേധ പ്രകടനം നടത്തി

ചങ്ങനാശേരി: ദേശീയ പൊതു പണിമുടക്ക് ദിനത്തില്‍ ചങ്ങനാശേരി ഹെഡ് പോസ്റ്റ് ഓഫീസില്‍ അതിക്രമിച്ചുകയറി പോസ്റ്റല്‍ ജീവക്കാരന്‍ വിഷ്ണു ചന്ദ്രനെ മര്‍ദിച്ച സംഭവത്തില്‍ ഭാരതീയ പോസ്റ്റല്‍ ഫെഡറേഷന്‍റെ നേതൃത്വത്തില്‍ പ്രതിഷേധ പ്രകടനവും യോഗവും സംഘടിപ്പിച്ചു. പെരുന്നയില്‍ നിന്നാരംഭിച്ച പ്രകടനത്തില്‍ നിരവധി സംഘപരിവാര്‍ പ്രവര്‍ത്തകര്‍ പങ്കെടുത്തു. കെഎസ്ആര്‍ടിസി ജംഗ്ഷനില്‍ നടന്ന പ്രതിഷേധ യോഗം ബിഎംഎസ് ദേശീയ നിര്‍വാഹക സമിതി അംഗം കെ.കെ. വിജയകുമാര്‍ ഉദ്ഘാടനം ചെയ്തു. സര്‍ക്കിള്‍ കണ്‍വീനര്‍ രാജേന്ദ്രപ്രസാദ്, ബിജെപി ജില്ലാ സെക്രട്ടറി എ. മനോജ്, ഗോപന്‍ മണിമുറി, ഡി. ഹര്‍ഷന്‍ എന്നിവര്‍ പ്രസംഗിച്ചു.

അഭിഭാഷകരും ക്ലര്‍ക്കുമാരും നടത്തിവന്ന സമരം അവസാനിപ്പിച്ചു

ചങ്ങനാശേരി: മജിസ്‌ട്രേറ്റ് കോടതിയുടെ അധികാരപരിധി പുനര്‍നിര്‍ണയിച്ചതിലുള്ള അപാകത പരിഹരിക്കണമെന്ന് ആവശ്യപ്പെട്ട് കഴിഞ്ഞ 109 ദിവസമായി ചങ്ങനാശേരി താലൂക്കിലെ പൊതുസമൂഹത്തിന്‍റെ പൂര്‍ണ പിന്തുണയില്‍ നടത്തിവന്ന പ്രതിഷേധ സമരം അവസാനിപ്പിച്ചതായി സമരസമിതി അറിയിച്ചു. ചങ്ങനാശേരി ബാര്‍ അസോസിയേഷനാണ് സമരത്തിന് നേതൃത്വം നല്‍കിയത്. കേരള ബാര്‍ കൗണ്‍സിലിന്‍റെ മുന്‍ ചെയര്‍മാന്‍ അഡ്വ. കെ.എന്‍. അനില്‍കുമാര്‍, ബാര്‍ കൗണ്‍സില്‍ അംഗവും തിരുവനന്തപുരം ബാര്‍ അസോസിയേഷന്‍ പ്രസിഡന്‍റുമായ അഡ്വ. പള്ളിച്ചല്‍ എസ്.കെ പ്രമോദ് എന്നിവരുടെ സാന്നിധ്യത്തില്‍ കോട്ടയം ജുഡീഷല്‍ ജില്ലയുടെ ചാര്‍ജ് വഹിക്കുന്ന ഹൈക്കോടതി ജഡ്ജി ജസ്റ്റീസ് വി.ജി. അരുണുമായി ബാര്‍ അസോസിയേഷന്‍ പ്രതിനിധികള്‍ നടത്തിയ കൂടിക്കാഴ്ചയിലെ നിര്‍ദ്ദേശങ്ങള്‍ ഉള്‍ക്കൊണ്ട് സത്യഗ്രഹ സമരം താത്കാലികമായി അവസാനിപ്പിക്കാന്‍ തീരുമാനിച്ചതെന്ന് ബാര്‍ അസോസിയേഷന്‍ പ്രസിഡന്‍റ് അഡ്വ. കെ. മാധവന്‍ പിള്ള, സെക്രട്ടറി പി.എ. സുജാത, കെഎസിഎ ചങ്ങനാശേരി യൂണിറ്റ് പ്രസിഡന്‍റ് പ്രതാപന്‍ എന്നിവര്‍ അറിയിച്ചു.

പള്ളാത്തുരുത്തി പാലത്തിന്‍റെ ആര്‍ച്ച് കോണ്‍ക്രീറ്റിംഗ് : എസി റോഡില്‍ നാളെ മുതല്‍ ഗതാഗത നിയന്ത്രണം

ചങ്ങനാശേരി: ആലപ്പുഴ- ചങ്ങനാശേരി റോഡില്‍ പുതിയ പള്ളാത്തുരുത്തി പാലത്തിന്‍റെ ആര്‍ച്ച് കോണ്‍ക്രീറ്റിംഗ് പ്രവൃത്തികള്‍ നടക്കുന്നതിനാല്‍ നാളെ രാവിലെ 10 മുതല്‍ 13ന് രാവിലെ ആറുവരെ എസി റോഡിലൂടെയുള്ള ഗതാഗതത്തിന് നിയന്ത്രണമേര്‍പ്പെടുത്താന്‍ തീരുമാനം. ആലപ്പുഴ കളക്‌ടറേറ്റില്‍ ചേര്‍ന്ന എസി റോഡ് നിര്‍മാണവുമായി ബന്ധപ്പെട്ട ഉദ്യോഗസ്ഥരുടെ യോഗത്തിലാണ് തീരുമാനമെടുത്തത്. ചങ്ങനാശേരിയില്‍നിന്ന് ആലപ്പുഴയിലേക്കു വരുന്ന ഭാരവാഹനങ്ങള്‍ തിരുവല്ല വഴി തിരുവല്ല-അമ്പലപ്പുഴ റോഡിലൂടെ ദേശീയ പാതയില്‍ എത്തിച്ചേരണം. ചങ്ങനാശേരിയില്‍നിന്നു വരുന്ന ചെറു വാഹനങ്ങള്‍ എസി റോഡിലൂടെ സഞ്ചരിച്ച് മങ്കൊമ്പ് ജംഗ്ഷനില്‍നിന്ന് ചമ്പക്കുളം ഭാഗത്തേക്കു തിരിഞ്ഞ് നെടുമുടി പഞ്ചായത്ത് ഓഫീസ് ജംഗ്ഷന്‍വഴി ദേശീയ പാതയിലെ കാക്കാഴം റെയില്‍വേ മേല്‍പ്പാലത്തിന് വടക്ക് വശത്തുള്ള എസ്എന്‍ കവലയില്‍വന്ന് ആലപ്പുഴയിലേക്ക് യാത്ര തുടരണം. ആലപ്പുഴയില്‍നിന്നും ചങ്ങനാശേരിക്കു പോകുന്ന ഭാരവാഹനങ്ങള്‍ അമ്പലപ്പുഴ - തിരുവല്ല റോഡിലൂടെ ചങ്ങനാശേരിക്കു പോകണം. ആലപ്പുഴയില്‍നിന്നും ചങ്ങനാശേരിക്ക് പോകുന്ന ചെറുവാഹനങ്ങള്‍ ദേശീയ പാതയിലെ എസ്എന്‍ കവലയില്‍നിന്നും കഞ്ഞിപ്പാടം-ചമ്പക്കുളം വഴി എസി റോഡിലെ പൂപ്പള്ളിയിലെത്തി ചങ്ങനാശേരിക്ക് യാത്ര തുടരണം. പള്ളാത്തുരുത്തി പഴയ പാലത്തിന് സമാന്തരമായി പണിയുന്ന പുതിയ പാലത്തിന്‍റെ നടുവിലുള്ള 72 മീറ്റര്‍ നീളമുള്ള ആര്‍ച്ചിന്‍റെ ആദ്യഘട്ട കോണ്‍ക്രീറ്റിംഗ് പ്രവൃത്തികളാണ് നാളെ നടക്കുന്നത്. യോഗത്തില്‍ ജില്ലാ കളക്ടര്‍ അലക്‌സ് വര്‍ഗീസ് അധ്യക്ഷത വഹിച്ചു. കെഎസ്ടിപി എക്‌സിക്യുട്ടീവ് എന്‍ജിനിയര്‍ ജി.എസ്. ജ്യോതി, അമ്പലപ്പുഴ ഡിവൈഎസ്പി കെ.എന്‍. രാജേഷ്, വിവിധ വകുപ്പുകളിലെ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]