ഇ​ടു​ക്കി: രാ​ജാ​ക്കാ​ട് പ​ഞ്ചാ​യ​ത്തി​ലെ പ്ര​ധാ​ന വി​നോ​ദസ​ഞ്ചാ​ര കേ​ന്ദ്ര​മാ​യ ശ്രീ​നാ​രാ​യ​ണ​പു​ര​ത്തെ റി​പ്പി​ൾ വെ​ള്ള​ച്ചാ​ട്ടം കാ​ണാ​ൻ സ​ഞ്ചാ​രി​ക​ളു​ടെ തി​ര​ക്ക്. മ​ഴ ത​ക​ർ​ത്തുപെ​യ്യു​ന്പോ​ൾ ഭം​ഗി വ​ർ​ധി​ക്കു​ന്ന വെ​ള്ള​ച്ചാ​ട്ട​ത്തി​ന്‍റെ മ​നോ​ഹ​ര ദൃ​ശ്യം ആ​സ്വ​ദി​ക്കാ​നാ​യി വി​ദേ​ശ​ത്തുനി​ന്നും സ്വ​ദേ​ശ​ത്തുനി​ന്നു​മാ​യി അഞ്ഞൂറില​ധി​കം പേ​രാ​ണ് ദി​നം​പ്ര​തി ഇ​വി​ടെ എ​ത്തു​ന്ന​ത്.

ജൂ​ണ്‍, ജൂ​ലൈ മാ​സ​ങ്ങ​ളി​ലാ​യി 30,000ത്തി​ല​ധി​കം സ​ഞ്ചാ​രി​ക​ളാ​ണ് വെ​ള്ള​ച്ചാ​ട്ടം ആ​സ്വ​ദി​ക്കാ​നെ​ത്തി​യ​ത്. ജൂ​ണി​ൽ 15187 പേ​രും ജൂ​ലൈ​യി​ൽ 16814 പേ​രും ഇ​വി​ടെ സ​ന്ദ​ർ​ശ​നം ന​ട​ത്തി. മ​റ്റു വി​നോ​ദസ​ഞ്ചാ​ര കേ​ന്ദ്ര​ങ്ങ​ളി​ൽ പൊ​തു​വേ സ​ന്ദ​ർ​ശ​ക​രു​ടെ എ​ണ്ണം കു​റ​ഞ്ഞ​പ്പോ​ൾ ശ്രീ​നാ​രാ​യ​ണ​പു​രം വെ​ള്ള​ച്ചാ​ട്ട​ത്തി​ന്‍റെ മ​നോ​ഹ​ര ദൃ​ശ്യം കാ​ണാ​ൻ ക​ന​ത്ത മ​ഴ​യി​ലും വ​ലി​യ തി​ര​ക്ക​നു​ഭ​വ​പ്പെ​ട്ടു. ടി​ക്ക​റ്റ് ഇ​ന​ത്തി​ൽ ഈ ​സീ​സ​ണി​ൽ ഇ​തി​ന​കം ജി​ല്ലാ ടൂ​റി​സം പ്ര​മോ​ഷ​ൻ കൗ​ണ്‍​സി​ലി​ന് എ​ട്ടു ല​ക്ഷം രൂ​പ ല​ഭി​ച്ചു.

വെ​ള്ള​ച്ചാ​ട്ട​ത്തി​ന്‍റെ ഭം​ഗി ആ​സ്വ​ദി​ക്കാ​നെ​ത്തു​ന്ന സ​ഞ്ചാ​രി​ക​ൾ​ക്കാ​യി ഡി​ടി​പി​സി ക​രി​ങ്ക​ല്ലുകൊ​ണ്ടു തീ​ർ​ത്ത ആ​ക​ർ​ഷ​ക​മാ​യ പ​വ​ലി​യ​നും ശു​ചി​മു​റി സൗ​ക​ര്യ​വും വി​ശ്ര​മ കേ​ന്ദ്ര​വും സം​ര​ക്ഷ​ണ വ​ല​യ​ങ്ങ​ളും ഇ​വി​ടെ ഒ​രു​ക്കി​യി​ട്ടു​ണ്ട്. റി​പ്പി​ൾ വെ​ള്ള​ച്ചാ​ട്ട​ത്തി​ന്‍റെ പ്ര​വ​ർ​ത്ത​ന​ങ്ങ​ൾ​ക്കാ​യി 1,49,59,910 രൂ​പ​യാ​ണ് ഇ​തു​വ​രെ ഡി​ടി​പി​സി വി​നി​യോ​ഗി​ച്ചി​രി​ക്കു​ന്ന​ത്.

ജി​ല്ല​യി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ സ​ഞ്ചാ​രി​ക​ളെ ആ​ക​ർ​ഷി​ക്കാ​നാ​യി ന​ട​പ്പാ​ക്കി​യ ഇ​ൻ​സ്റ്റ​ലേ​ഷ​ൻ ഓ​ഫ് ഫോ​ട്ടോ​ഫ്രെ​യിം​സ് അ​റ്റ് -7 ലൊ​ക്കേ​ഷ​ൻ​സ് പ​ദ്ധ​തി​യു​ടെ ഭാ​ഗ​മാ​യി ശ്രീ​നാ​രാ​യ​ണ​പു​ര​ത്തെ റി​പ്പി​ൾ വെ​ള്ള​ച്ചാ​ട്ട​ത്തി​നും ഫ്രെ​യിം​സ് സ്ഥാ​പി​ച്ചി​ട്ടു​ണ്ട്. ഇ​വി​ടെ സ​ഞ്ചാ​രി​ക​ൾ​ക്ക് ചി​ത്ര​ങ്ങ​ൾ പ​ക​ർ​ത്താം. സ​ഞ്ചാ​രി​ക​ൾ​ക്ക് സു​ഗ​മ​മാ​യി വെ​ള്ള​ച്ചാ​ട്ടം ആ​സ്വ​ദി​ക്കു​ന്ന​തി​ന് സൗ​ക​ര്യ​മൊ​രു​ക്കാ​ൻ 11 ജീ​വ​ന​ക്കാ​ർ വി​വി​ധ മേ​ഖ​ല​യി​ൽ പ്ര​വ​ർ​ത്തി​ക്കു​ന്നു​ണ്ട്. അ​ഞ്ചു മു​ത​ൽ പ​ന്ത്ര​ണ്ട് വ​രെ പ്രാ​യ​മു​ള്ള കു​ട്ടി​ക​ൾ​ക്ക് 15 രൂ​പ​യും മു​തി​ർ​ന്ന​വ​ർ​ക്ക് 25 രൂ​പ​യു​മാ​ണ് പ്ര​വേ​ശ​ന ഫീ​സ്.

പ​ന്നി​യാ​ർ​കു​ട്ടി​യി​ൽനി​ന്ന് മൂ​ന്നു കി​ലോ​മീ​റ്റ​ർ സ​ഞ്ച​രി​ച്ചാ​ൽ വെ​ള്ള​ച്ചാ​ട്ട​ത്തി​ൽ എ​ത്തി​ച്ചേ​രാം. അ​ടി​മാ​ലി - ക​ല്ലാ​ർ​കു​ട്ടി വ​ഴി​യും ഇ​ങ്ങോ​ട്ടേ​ക്ക് എ​ത്താം. കൊ​ച്ചി - ധ​നു​ഷ്കോ​ടി ദേ​ശീ​യ​പാ​ത​യി​ൽ കു​ഞ്ഞി​ത്ത​ണ്ണി വ​ഴി രാ​ജാ​ക്കാ​ട്ടേ​ക്കു​ള്ള പാ​ത​യി​ലാ​ണ് ശ്രീ​നാ​രാ​യ​ണ​പു​രം വെ​ള്ള​ച്ചാ​ട്ടം. തേ​ക്കി​ൻ​കാ​ന​ത്തുനി​ന്ന് 1.5 കി​ലോ​മീ​റ്റ​ർ അ​ക​ലെ മു​തി​ര​പ്പു​ഴ​യാ​റി​ൽ പ​ര​സ്പ​രം അ​ടു​ക്കിവ​ച്ചി​രി​ക്കു​ന്ന പോ​ലെ​യു​ള്ള അ​ഞ്ചു വെ​ള്ള​ച്ചാ​ട്ട​ങ്ങ​ളും ഇ​വി​ടെ എ​ത്തു​ന്ന​വ​ർ​ക്ക് കാ​ഴ്ചവി​രു​ന്ന് ഒ​രു​ക്കു​ന്നു.