ഹ​രു​ണി സു​രേ​ഷ്

വൈ​പ്പി​ൻ: തീ​ര​ക്ക​ട​ലി​ൽ ഇ​ന്ന് അ​ർ​ധ​രാ​ത്രി മു​ത​ൽ ട്രോ​ളിം​ഗ് നി​രോ​ധ​നം പ്രാ​ബ​ല്യ​ത്തി​ലാകും. ഇ​ത് മു​ന്നി​ൽക്ക​ണ്ട് മു​ന​മ്പം, മു​രു​ക്കും​പാ​ടം, കൊ​ച്ചി മ​ത്സ്യ​ബ​ന്ധ​ന മേ​ഖ​ല​യി​ലെ ദൂ​രി​ഭാ​ഗം മ​ത്സ്യ​ബ​ന്ധ​ന ബോ​ട്ടു​ക​ളും ഇ​ന്ന​ലെ ത​ന്നെ തീ​ര​മ​ണ​ഞ്ഞു. ശേ​ഷി​ക്കു​ന്ന​വ ഇ​ന്ന് വൈ​കു​ന്നേ​ര​ത്തോ​ടെ എ​ത്തും. 52 ദി​വ​സ​ത്തെ വി​ശ്ര​മ​ത്തി​നു​ശേ​ഷം ഓ​ഗ​സ്റ്റ് ഒ​ന്നി​നു പു​ല​ർ​ച്ചെ മു​ത​ലേ ഇ​നി ബോ​ട്ടു​ക​ൾ ക​ട​ലി​ലേ​ക്കു പോ​കൂ.

ബോ​ട്ടു​ക​ൾ കെ​ട്ടു​ന്ന​തോ​ടെ മ​ത്സ്യ​ബ​ന്ധ​ന ഹാ​ർ​ബ​റു​ക​ളി​ലെ വ​ൻ ആ​ര​വ​ങ്ങ​ൾ​ക്കും താ​ൽ​ക്കാ​ലി​ക വി​രാ​മ​മാ​കും. പ​ര​മ്പ​രാ​ഗ​ത വ​ള്ള​ങ്ങ​ളു​ടെ സാ​ന്നി​ധ്യം മാ​ത്ര​മേ ഇ​നി ഹാ​ർ​ബ​റു​ക​ളി​ൽ ഉ​ണ്ടാ​കൂ. ബോ​ട്ടു​ക​ളാ​ക​ട്ടെ, വ​രും ദി​വ​സ​ങ്ങ​ൾ അ​റ്റ​കു​റ്റ​പ്പ​ണി​ക​ൾ തീ​ർ​ക്കു​ന്ന തി​ര​ക്കി​ലാ​കും. വ​ർ​ക്ക് ഷോ​പ്പു​ക​ളും യാ​ർ​ഡു​ക​ളു​മൊ​ക്കെ സ​ജീ​വ​മാ​കും.

ബോ​ട്ടു​ക​ൾ ക​ര​യി​ൽ കെ​ട്ടി​യാ​ൽ പി​ന്നെ തൊ​ഴി​ലാ​ളി​ക​ളാ​യ ഇ​ത​രസം​സ്ഥാ​ന​ക്കാ​ർ നാ​ടു​ക​ളി​ലേ​ക്ക് മ​ട​ങ്ങും. ജൂ​ലൈ അ​വ​സാ​ന വാ​ര​ത്തി​ലേ തി​രി​ച്ചു വ​രൂ. ഒ​രു കാ​ല​ത്ത് നാ​ട്ടു​കാ​രും ത​മി​ഴ്നാ​ട്ടു​കാ​രാ​യ കു​ള​ച്ച​ൽ സ്വ​ദേ​ശി​ക​ളും മാ​ത്ര​മാ​യി​രു​ന്നു ബോ​ട്ടു​ക​ളി​ലെ തൊ​ഴി​ലാ​ളി​ക​ളെ​ങ്കി​ൽ ഇ​ന്ന് സ്ഥി​തി മാ​റി. വ​ട​ക്കേ ഇ​ന്ത്യ​ക്കാ​രാ​ണ് കൂ​ടു​ത​ലും. നാ​ട്ടു​കാ​രാ​യ തൊ​ഴി​ലാ​ളി​ക​ൾ നാ​മ​മാ​ത്രം.

ക​ട​ന്നു​പോ​യ​ത് ക​ട​ക്കെ​ണി​യു​ടെ കാ​ലം

ഡി​സം​ബ​ർ മു​ത​ൽ ക​ട​ൽ വ​റു​തി​യി​ലാ​യ​തി​നാ​ൽ ക​ഴി​ഞ്ഞ ഫി​ഷിം​ഗ് സീ​സ​ൺ വ​ള​രെ മോ​ശ​മാ​യി​രു​ന്നു​വെ​ന്നാ​ണ് ബോ​ട്ടു​ട​മ​ക​ളും തൊ​ഴി​ലാ​ളി​ക​ളും പ​റ​യു​ന്ന​ത്. കു​റെ ബോ​ട്ടു​ക​ൾ​ക്ക് ക​ടം ക​യ​റി​യ​തി​നാ​ൽ ഡി​സം​ബ​ർ മു​ത​ൽ​ക്കേ ത​ന്നെ ഫി​ഷിം​ഗ് നി​ർ​ത്തി​യി​രു​ന്നു. മ​റ്റു​ള്ള​വ മാ​ർ​ച്ചു വ​രെ പി​ടി​ച്ചു​നി​ന്നെ​ങ്കി​ലും ക​ട​ക്കെ​ണി​യി​ൽപ്പെ​ട്ട് നി​ൽ​ക്ക​ക്ക​ള്ളി​യി​ല്ലാ​തെ വ​ന്ന​തോ​ടെ അ​വ​യും മ​ത്സ്യ​ബ​ന്ധ​നം നി​ർ​ത്തി​വ​യ്ക്കാ​ൻ നി​ർ​ബ​ന്ധി​ത​രാ​യി.

എ​ന്നാ​ൽ മേ​യ് അ​വ​സാ​ന​ത്തോ​ടെ കാ​ല​വ​ർ​ഷം ശ​ക്തി പ്രാ​പി​ച്ച​ത് ആ​ശ്വാ​സ​മാ​യി. ക​ട​ൽ ഇ​ള​കു​ക​യും തുടർന്ന് വെ​യി​ൽ തെ​ളി​യു​ക​യും ചെ​യ്ത​തോ​ടെ മ​ത്സ്യ​ങ്ങ​ളു​ടെ സാ​ന്നി​ധ്യം ക​ണ്ടു തു​ട​ങ്ങി.

ഇ​തോ​ടെ ബോ​ട്ടു​ക​ൾ വീ​ണ്ടും ക​ട​ലി​ൽ പോ​യി. പ​ല ബോ​ട്ടു​ക​ളും നി​റ​യെ ഐ​ല, തി​രി​യാ​ൻ, വ​റ്റ, കി​ളി​മീ​ൻ എ​ന്നി​വ​യു​മാ​യാ​ണ് തി​രി​ച്ചെ​ത്തി​യ​ത്. ഇ​തി​നി​ടെ ആ​ഴ​ക്ക​ട​ലി​ലെ ക​പ്പ​ൽ ദു​ര​ന്തം മ​ത്സ്യ മേ​ഖ​ല​യി​ൽ ആ​ശ​ങ്ക വി​ത​ച്ചി​രി​ക്കു​ക​യാ​ണ്.

പ​ര​മ്പ​രാ​ഗ​ത വ​ള്ള​ങ്ങ​ളു​ടെ ഊ​ഴം

മ​ൺ​സൂ​ൺകാ​ല ട്രോ​ളിം​ഗ് നി​രോ​ധ​ന​ത്തി​ന്‍റെ ഭാ​ഗ​മാ​യി ട്രോ​ളിം​ഗ് ബോ​ട്ടു​ക​ൾ ക​ര​യി​ൽ കെ​ട്ടി​യാ​ൽ പി​ന്നെ ക​ട​ലി​ൽ പ​ര​മ്പ​രാ​ഗ​ത മ​ത്സ്യ​ബ​ന്ധ​ന വ​ള്ള​ങ്ങ​ളു​ടെ ഊ​ഴ​മാ​ണ്.

ഇ​വ​ർ​ക്ക് ചാ​ള, കൊ​ഴു​വ, ന​ത്തോ​ലി തു​ട​ങ്ങി​യ മ​ത്സ്യ​ങ്ങ​ളും നാ​ര​ൻ, പൂ​വാ​ല​ൻ ചെ​മ്മീ​നു​ക​ളും സു​ല​ഭ​മാ​യി ല​ഭി​ക്കു​ന്ന​ത് ഈ ​മ​ൺ​സൂ​ൺ കാ​ല​ങ്ങ​ളി​ലാ​ണ്. എ​ന്നാ​ൽ ക​ഴി​ഞ്ഞ സീ​സ​ണി​ൽ നാ​ര​ൻ ചെ​മ്മീ​ന്‍റെ സാ​ന്നി​ധ്യം ക​ട​ലി​ൽ കു​റ​വാ​യി​രു​ന്നു.