മു​രി​ങ്ങൂ​ർ - ഏ​ഴാ​റ്റു​മു​ഖം റോ​ഡില്‌ വെള്ളക്കെട്ട്
Monday, September 25, 2023 1:38 AM IST
മേ​ലൂ​ർ: മ​ഴ ത​ക​ർ​ത്തു പെ​യ്തി​റ​ങ്ങി, ദു​രി​ത​ത്തി​ലാ​യ​തു യാ​ത്ര​ക്കാ​ർ. അ​ധി​കൃ​ത​രു​ടെ അ​നാ​സ്ഥ​യാ​ണു കാ​ര​ണ​മെ​ന്ന് ആ​രോ​പ​ണം.

ക​ഴി​ഞ്ഞദി​വ​സം രാ​ത്രി പ​ന്ത്ര​ണ്ടോ​ടെ ആ​രം​ഭി​ച്ച പെ​രു​മ​ഴ മ​ണി​ക്കൂ​റു​ക​ളോ​ളം നീ​ണ്ടു. മു​രി​ങ്ങൂ​ർ - ഏ​ഴാ​റ്റു​മു​ഖം റോ​ഡി​ൽ കാ​ല​ടി ക​പ്പേ​ള​ക്ക് സ​മീ​പം കൈ​തോ​ല​പ്പാ​ടം, കു​രി​ശ​ങ്ങാ​ടി വ​ഴി എ​ന്നി​വി​ട​ങ്ങ​ളി​ൽ തോ​ട്ടി​ൽ നി​ന്നു​ള്ള മ​ഴ വെ​ള്ളം കു​തി​ച്ചൊ​ഴു​കി എ​ത്തി​യ​തി​നെ തു​ട​ർ​ന്ന് റോ​ഡ് പു​ഴ​യാ​യി മാ​റി. തോ​ടു​ക​ൾ വൃ​ത്തി​യാ​ക്കി സൂ​ക്ഷി​ക്കാ​ത്ത​തു മൂ​ലം മ​ണ്ണുനി​റ​ഞ്ഞ് മൂ​ടി​പ്പോ​വു​ക​യും കാ​ടു​ക​യ​റു​ക​യും ചെ​യ്തു. ഗ്രാ​മ​സ​ഭ​ക​ളി​ലും മ​റ്റും പ​രാ​തി പ​റ​ഞ്ഞി​രു​ന്നു​വെ​ങ്കി​ലും യാ​തൊ​രു​വി​ധ ന​ട​പ​ടി​യും ഉ​ണ്ടാ​യി​ട്ടി​ല്ലെ​ന്ന് നാ​ട്ടു​കാ​ർ പ​റ​യു​ന്നു. മേ​ലൂ​ർ - അ​ടി​ച്ചി​ലി റോ​ഡി​ൽ സെ​ന്‍റ് ജോ​സ​ഫ്സ് ഹൈ​സ്കൂ​ൾ ഭാ​ഗ​ത്തെ ഉ​യ​ർ​ന്ന പ്ര​ദേ​ശ​ത്തു​നി​ന്നും ഒ​ഴു​കി​വ​രു​ന്ന വെ​ള്ളം പ​ള്ളി ന​ട ജം​ഗ്ഷ​നി​ലാ​ണു നി​റ​യു​ന്ന​ത്. കൂ​ടാ​തെ ക​രി​ങ്ങാ​മ്പി​ള്ളി സ്റ്റോ​പ്പി​നു സ​മീ​പ​മു​ള്ള ഇ​ട​വ​ഴി​യി​ൽ നി​ന്നും വ​രു​ന്ന മ​ഴ വെ​ള്ളം റോ​ഡി​നു കു​റു​കെ ശ​ക്തി​യാ​യി ഒ​ഴു​കു​ക​യാ​ണ്.

റോ​ഡ് ന​വീ​ക​ര​ണ​ത്തി​ന്‍റെ ഭാ​ഗ​മാ​യി ഉ​ണ്ടാ​ക്കി​യ ഡ്രൈ​നേ​ജ് കാ​ഴ്ച​ക്ക് മാ​ത്ര​മാ​യെ​ന്ന് ആ​ക്ഷേ​പ​മു​ണ്ട്. ഏ​റെ ബു​ദ്ധി​മു​ട്ട് അ​നു​ഭ​വി​ക്കു​ന്ന​ത് ഇ​രു​ച​ക്ര വാ​ഹ​ന യാ​ത്ര​ക്കാ​രാ​ണ്.

മ​ഴ​യി​ൽ നി​റ​ഞ്ഞ റോ​ഡു​ക​ൾ കാ​ണാ​ൻ ക​ഴി​യാ​ത്ത വി​ധ​മാ​യി. വെ​ള്ള​ക്കെ​ട്ടി​ലൂ​ടെ ക​ട​ന്നു​പോ​കു​ന്ന വാ​ഹ​ന​ങ്ങ​ൾ മ​റ്റു യാ​ത്ര​ക്കാ​ർ​ക്ക് മു​ന്ന​റി​യി​പ്പ് ന​ൽ​കി​യാ​ണു പോ​യി​രു​ന്ന​ത്. തോ​ടു​ക​ൾ ശ​രി​യാ​യ രീ​തി​യി​ൽ ശു​ചീ​ക​ര​ണം ന​ട​ത്താ​ൻ അ​ധി​കൃ​ത​ർ​ക്ക് സാ​ധി​ച്ചി​ല്ലെ​ങ്കി​ൽ വ​ഞ്ചി​യി​റ​ക്കി ത​ര​ണ​മെ​ന്നാ​ണ് ആ​വ​ശ്യം.

പ്ര​ധാ​ന റോ​ഡു​ക​ളി​ൽ പെ​യ്ത്തു​വെ​ള്ളം കെ​ട്ടി​നി​ൽ​ക്കു​ന്ന​ത് ഒ​ഴി​വാ​ക്കാ​ൻ തോ​ടു​ക​ളെ​ല്ലാം തു​റ​ക്ക​ണ​മെ​ന്ന യാ​ത്ര​ക്കാ​രു​ടെ​യും നാ​ട്ടു​കാ​രു​ടെ​യും ആ​വ​ശ്യ​ത്തി​ന്‍റെ ഗൗ​ര​വം ക​ണ​ക്കി​ലെ​ടു​ത്ത് ഈ ​മാ​സം 20 ന് ​ദീ​പി​ക വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു. ന​ൽ​കി​യ മു​ന്ന​റി​യി​പ്പ് അ​വ​ഗ​ണി​ച്ച​താ​ണ് യാ​ത്ര​ക്കാ​രെ ബു​ദ്ധി​മു​ട്ടി​ലാ​ക്കി​യ​ത്.

ബ​ന്ധ​പ്പെ​ട്ട അ​ധി​കൃ​ത​ർ പ്ര​ശ്ന പ​രി​ഹാ​ര​ത്തി​ന് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​രും യാ​ത്ര​ക്കാ​രും ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.