ഒളിന്പിക്സുകളോടനുബന്ധിച്ച് വിവിധ വർഷങ്ങളിൽ ജർമനിയും ന്യൂസിലൻഡും പുറത്തിറക്കിയ അപൂർവമായ ത്രിഡി സ്റ്റാന്പുകൾ, അമേരിക്കയുടെ 18 കാരറ്റ് സ്വർണത്തിൽ രൂപകല്പന ചെയ്ത ഒളിന്പിക് സ്റ്റാന്പ് എന്നിവയും കൂട്ടത്തിലുണ്ട്.
മൂവാറ്റുപുഴ കല്ലൂർക്കാട് പുൽപ്പറന്പിൽ വീട്ടിൽ ടോണിഷ് റെയിൽവേയിൽ ചീഫ് ടിക്കറ്റിംഗ് ഓഫീസറാണ്. മൂന്നാം ക്ലാസ് മുതൽ സ്റ്റാന്പുകൾ ശേഖരിക്കാൻ തുടങ്ങി. ഇപ്പോൾ സ്റ്റാന്പുകളുടെയും തപാൽ കവറുകളുടെയും ശേഖരം ലക്ഷങ്ങൾ പിന്നിട്ടു.
റെയിൽവേയുമായി ബന്ധപ്പെട്ട മൂന്നു ലക്ഷം സ്റ്റാന്പുകൾ ശേഖരിച്ചതിന്റെ റിക്കാർഡ് ടോണിഷിനാണ്. ഗാന്ധി ചിത്രമുള്ള സ്റ്റാന്പുകളുടെ മികച്ച ശേഖരം ഇദ്ദേഹത്തിനുണ്ട്.
ഹയർ സെക്കൻഡറി അധ്യാപിക കരോളിനാണ് ഭാര്യ. റയാൻ, റൊണാൾഡ് എന്നിവർ മക്കൾ. മുപ്പതോളം ഫിലാറ്റലിക് എക്സിബിഷനുകൾ നടത്തിയിട്ടുള്ള ടോണിഷ് അറിയപ്പെടുന്ന ക്വിസ് മാസ്റ്റർ കൂടിയാണ്.