കെന്‍റക്കി കേണൽ പദവി മലയാളിക്ക്
Wednesday, June 11, 2025 1:56 AM IST
കൊച്ചി: യുഎസിലെ കോമൺ‌വെൽത്ത് ഓഫ് കെന്‍റക്കി നൽകുന്ന പരമോന്നത സിവിലിയൻ ബഹുമതിയായ കെന്‍റക്കി കേണൽ പദവി മലയാളിയായ അഖിൽ സുരേഷ് നായർക്ക് ലഭിച്ചു. സംരംഭക, സാമൂഹ്യ പ്രവർത്തന രംഗങ്ങളിലെ മികവു പരിഗണിച്ചാണ് അംഗീകാരം.
1813 മുതൽ ആരംഭിച്ച ഓണററി പദവിയായ കെന്‍റക്കി കേണൽ, അസാധാരണ നേട്ടങ്ങൾക്കും പൊതുസേവനത്തിനും അംഗീകാരമായി കെന്‍റക്കി ഗവർണറാണു സമ്മാനിക്കുന്നത്. ഇടപ്പള്ളി സ്വദേശിയായ അഖിൽ, ഡോ. സുരേഷ് നായരുടെയും ഡോ. ഗീത നായരുടെയും മകനാണ്. യുഎസ്, ഇന്ത്യ, ദുബായ് എന്നിവിടങ്ങളിൽ പ്രവർത്തിക്കുന്ന എഐ പവേർഡ് ഇ-കൊമേഴ്‌സ് പ്ലാറ്റ്‌ഫോമായ സെന ഇന്‍റലിജൻസിന്‍റെ സ്ഥാപകനാണ്.