കോ​നി​യ (തു​ര്‍​ക്കി): ഫി​ഫ 2026 ലോ​ക​ക​പ്പ് ഫു​ട്‌​ബോ​ള്‍ യൂ​റോ​പ്യ​ന്‍ യോ​ഗ്യ​താ റൗ​ണ്ടി​ല്‍ ഗോ​ള്‍​കൊ​ണ്ട് സി​ക്‌​സ് അ​ടി​ച്ച് സ്‌​പെ​യി​നി​ന്‍റെ വ​മ്പ​ന്‍ പ്ര​ക​ട​നം.

എ​വേ പോ​രാ​ട്ട​ത്തി​ല്‍ സ്‌​പെ​യി​ന്‍ 6-0നു ​തു​ര്‍​ക്കി​യെ കീ​ഴ​ട​ക്കി. മൈ​ക്ക​ല്‍ മെ​റി​നൊ​യു​ടെ ഹാ​ട്രി​ക്കാ​ണ് സ്‌​പെ​യി​നി​നു വ​മ്പ​ന്‍ ജ​യ​മൊ​രു​ക്കി​യ​ത്. ഗ്രൂ​പ്പ് ഇ​യി​ല്‍ അ​ര​ങ്ങേ​റി​യ മ​ത്സ​ര​ത്തി​ല്‍ 22, 45+1, 57 മി​നി​റ്റു​ക​ളി​ലാ​യി​രു​ന്നു മെ​റി​നൊ​യു​ടെ ഗോ​ള്‍ നേ​ട്ടം.

കെ​വി​ന്‍ ഡ​ബി​ള്‍

കെ​വി​ന്‍ ഡി​ബ്രൂ​യി​ന്‍റെ ഇ​ര​ട്ട ഗോ​ള്‍ ബ​ല​ത്തി​ല്‍ ഗ്രൂ​പ്പ് ജെ​യി​ല്‍ ബെ​ല്‍​ജി​യം 6-0ന് ​ക​സാ​ക്കി​സ്ഥാ​നെ ത​ക​ര്‍​ത്തു. 42, 84 മി​നി​റ്റു​ക​ളി​ലാ​യി​രു​ന്നു കെ​വി​ന്‍റെ ഗോ​ള്‍. ജെ​റെ​മി ഡൊ​ക്കു​വും (44, 60) ബെ​ല്‍​ജി​യ​ത്തി​നാ​യി ഇ​ര​ട്ട​ഗോ​ള്‍ സ്വ​ന്ത​മാ​ക്കി.

ജ​ര്‍​മ​നി റി​ട്ടേ​ണ്‍​സ്


ഗ്രൂ​പ്പ് എ​യി​ലെ ആ​ദ്യ മ​ത്സ​ര​ത്തി​ല്‍ സ്ലോ​വാ​ക്യ​യോ​ട് അ​പ്ര​തീ​ക്ഷി​ത തോ​ല്‍​വി വ​ഴ​ങ്ങി​യ ജ​ര്‍​മ​നി, ര​ണ്ടാം മ​ത്സ​ര​ത്തി​ല്‍ ജ​യം സ്വ​ന്ത​മാ​ക്കി. ഹോം ​മ​ത്സ​ര​ത്തി​ല്‍ ജ​ര്‍​മ​നി 3-1ന് ​നോ​ര്‍​ത്തേ​ണ്‍ അ​യ​ര്‍​ല​ന്‍​ഡി​നെ തോ​ല്‍​പ്പി​ച്ചു. അ​തേ​സ​മ​യം, ഗ്രൂ​പ്പി​ല്‍ തു​ട​ര്‍​ച്ച​യാ​യ ര​ണ്ടാം ജ​യം സ്വ​ന്ത​മാ​ക്കി​യ സ്ലോ​വാ​ക്യ ഒ​ന്നാം സ്ഥാ​ന​ത്ത് തു​ട​രു​ന്നു.

പോ​ള​ണ്ട്, ഹോ​ള​ണ്ട്

ഗ്രൂ​പ്പ് ജി​യി​ല്‍ നെ​ത​ര്‍​ല​ന്‍​ഡ്‌​സും പോ​ള​ണ്ടും ജ​യം സ്വ​ന്ത​മാ​ക്കി. എ​വേ പോ​രാ​ട്ട​ത്തി​ല്‍ നെ​ത​ര്‍​ല​ന്‍​ഡ്‌​സ് 3-2ന് ​ലി​ത്വാ​നി​യ​യെ തോ​ല്‍​പ്പി​ച്ചു. മെം​ഫി​സ് ഡി​പ്പെ​യു​ടെ ഇ​ര​ട്ട ഗോ​ളാ​ണ് ഡ​ച്ച് സം​ഘ​ത്തി​നു ജ​യ​മൊ​രു​ക്കി​യ​ത്. സൂ​പ്പ​ര്‍ താ​രം റോ​ബ​ര്‍​ട്ട് ലെ​വ​ന്‍​ഡോ​വ്‌​സ്‌​കി ഗോ​ള്‍ നേ​ടി​യ മ​ത്സ​ര​ത്തി​ല്‍ പോ​ള​ണ്ട് 3-1ന് ​ഫി​ന്‍​ല​ന്‍​ഡി​നെ കീ​ഴ​ട​ക്കി.