അച്ഛന് കോച്ച്, അമ്മ മാനേജര്, മക്കള് ക്യാപ്റ്റന്മാര്; ജില്ലാ ബോള് ബാഡ്മിന്റണ് ടീമില് ‘കുടുംബാധിപത്യം'
1588007
Sunday, August 31, 2025 3:20 AM IST
കാഞ്ഞങ്ങാട്: കോഴിക്കോട് നടക്കുന്ന 44-ാമത് സംസ്ഥാന സബ്ജൂണിയര് ബോള് ബാഡ്മിന്റണ് ചാമ്പ്യന്ഷിപ്പിലേക്കുള്ള കാസര്ഗോഡ് ജില്ലാ ടീമില് ‘കുടുംബാധിപത്യം'.
വെള്ളിക്കോത്ത് മഹാകവി പി സ്മാരക ജിവിഎച്ച്എസ്എസിലെ കായികാധ്യാപകനായ സോജന് ഫിലിപ്പാണ് പെണ്കുട്ടികളുടെ ടീമിന്റെ പരിശീലകന്.
ഭാര്യ സ്മിത സെബാസ്റ്റ്യനാണ് ഈ ടീമിന്റെ മാനേജര്. ഇതേ സ്കൂളിലെ വിദ്യാര്ഥികളായ ഇവരുടെ മക്കള് ഐബിന് ഫിലിപ്പ് സോജന് ആണ്കുട്ടികളുടെ ടീമിനെയും ഐറിന് റോസ് സോജന് പെണ്കുട്ടികളുടെ ടീമിനെയും നയിക്കും. ഐറിന് പത്താംക്ലാസിലും ഐബിന് ആറാംക്ലാസിലും പഠിക്കുന്നു.
ആണ്കുട്ടികളുടെ ടീം അംഗങ്ങള്: കേദാര് എസ്. കുമാര്, ജെ. ആദിദേവ്, കെ. ഋഷിരാജ് (വെള്ളിക്കോത്ത് എംപിഎസ് ജിവിഎച്ച്എസ്എസ്), എം.വി. സിദ്ധാര്ഥ്, എസ്. അര്ഷിന് (തച്ചങ്ങാട് ജിഎച്ച്എസ്), പി. നിരഞ്ജന് സജിത്ത്, സി.വി. നന്ദകിഷോര് (എളമ്പച്ചി ജിസിഎസ് ജിഎച്ച്എസ്എസ്), എ.എസ്. ഷാരോണ് (ഉദിനൂര് ജിഎച്ച്എസ്എസ്), എന്.ഇ. ഹസീബ് (തൃക്കരിപ്പൂര് എംഇഎംഎസ്). കോച്ച്: കെ. അശോകന്, മാനേജര്: എന്.കെ.പി. ഇര്ഷാദ്.
പെണ്കുട്ടികളുടെ ടീം അംഗങ്ങള്: പി.വി. ദില്ഷ, പി.വി. ദില്ന, പി. അമേയ, അന്വിത അജയ് (വെള്ളിക്കോത്ത് എംപിഎസ് ജിവിഎച്ച്എസ്എസ്), കെ.പി. സാനിയ (ജിസിഎസ് ജിഎച്ച്എസ്എസ്, എളമ്പച്ചി), എ. ഐഷ, കെ. നെജല് നന്ദ (തച്ചങ്ങാട് ജിഎച്ച്എസ്), എം.കെ. നിവേദ്യ രാജ്, എം. സഫിയത്ത് (എളമ്പച്ചി ജിസിഎസ് ജിഎച്ച്എസ്എസ്).