നിലന്പൂർ ആണ് മികച്ച മുനിസിപ്പാലിറ്റി. ഒരു ലക്ഷം രൂപ പുരസ്കാരം. ഒല്ലൂക്കര മികച്ച ബ്ലോക്ക് പഞ്ചായത്തായും (ഒരു ലക്ഷം രൂപ) എലിക്കുളം, അന്നമനട എന്നിവയെ മികച്ച പഞ്ചായത്തുകളായും (അരലക്ഷം രൂപ വീതം) തെരഞ്ഞെടുത്തു. മികച്ച എൻജിഒക്കുള്ള പുരസ്കാരം ഇടുക്കി ജില്ലയിലെ വൊസാർഡും മെയിന്റനൻസ് ട്രിബ്യൂണലിനുള്ള പുരസ്കാരം ഫോർട്ട് കൊച്ചിയും നേടി. 50,000 രൂപ വീതമാണ് പുരസ്കാരങ്ങൾ.
ഈ വർഷം 10 വിഭാഗങ്ങളിലാണ് പുരസ്കാരം. കാഷ് അവാർഡും സർട്ടിഫിക്കറ്റും അടങ്ങുന്നതാണ് പുരസ്്കാരമെന്നു മന്ത്രി ആർ. ബിന്ദു അറിയിച്ചു. ഒക്ടോബർ ഒന്നിന് വയോജനദിനത്തിൽ പുരസ്കാരങ്ങൾ സമ്മാനിക്കും.