ഇടുക്കി: ശാ​ന്ത​ൻ​പാ​റ ഗ്രാ​മ​പ​ഞ്ചാ​യ​ത്തി​ലെ പേ​തൊ​ട്ടി​യി​ൽ കാ​ട്ടാ​ന​ശ​ല്യം അ​തി​രൂ​ക്ഷം. ക​ഴി​ഞ്ഞ ഒ​രാ​ഴ്ച​യാ​യി ഈ ​മേ​ഖ​ല​യി​ലെ കൃ​ഷി​യി​ട​ങ്ങ​ളി​ൽ കു​ട്ടി​യാ​ന​ക​ൾ അ​ട​ക്കം എ​ട്ടു കാ​ട്ടാ​ന​ക​ളാ​ണ് ഭീ​തി പ​ട​ർ​ത്തു​ന്ന​ത്. മ​തി​കെ​ട്ടാ​ൻ വ​ന​മേ​ഖ​ല​യോ​ട് ചേ​ർ​ന്നു​ള്ള ഈ ​പ്ര​ദേ​ശ​ത്ത് കാ​ട്ടാ​ന​ശ​ല്യം രൂ​ക്ഷ​മാ​യി​ട്ട് വ​ർ​ഷ​ങ്ങ​ളാ​യി.

കൃ​ഷി​യി​ട​ങ്ങ​ളി​ൽനി​ന്ന് കാ​ട്ടാ​ന​ക​ൾ മ​ട​ങ്ങാ​ത്ത​തു മൂ​ലം യാ​തൊ​രു​വി​ധ ജോ​ലി​ക​ളും ചെ​യ്യാ​ൻ പ​റ്റാ​ത്ത സാ​ഹ​ച​ര്യ​ത്തി​ലാ​ണ് ക​ർ​ഷ​ക​ർ. സാ​ധാ​ര​ണ രീ​തി​യി​ൽ കൃ​ഷി​യി​ട​ത്തി​ൽ എ​ത്തു​ന്ന കാ​ട്ടാ​ന​ക​ൾ ഒ​രു ദി​വ​സ​ത്തി​നു ശേ​ഷം മ​ട​ങ്ങി പോ​കു​ന്ന​താ​ണ് പ​തി​വ്. എ​ന്നാ​ൽ, ഒ​രാ​ഴ്ച​യാ​യി ഇ​വ പോ​കാ​തെ കൃ​ഷി​യി​ട​ത്തി​ൽ ത​ന്നെ നി​ലയു​റ​പ്പി​ച്ചി​രി​ക്കു​ന്ന​തി​നാ​ൽ രാ​ത്രി​യി​ൽ വീ​ട്ടി​ൽ കി​ട​ന്നു​റ​ങ്ങാ​ൻ പോ​ലും പ​റ്റാ​ത്ത ഭ​യ​പ്പാ​ടി​ലാ​ണ് പ്ര​ദേ​ശ​വാ​സി​ക​ൾ.


ഏ​ക്ക​ർ ക​ണ​ക്കി​ന് കൃ​ഷി​നാ​ശ​മാ​ണ് കാ​ട്ടാ​ന​ക​ൾ വരുത്തിവച്ചി രിക്കുന്നത്. ശാ​ന്ത​ൻ​പാ​റ, ചി​ന്ന​ക്ക​നാ​ൽ പ​ഞ്ചാ​യ​ത്തു​ക​ളു​ടെ വി​വി​ധ മേ​ഖ​ല​ക​ളി​ൽ കാ​ട്ടാ​ന​ക​ൾ മൂ​ലം ഉ​ണ്ടാ​കു​ന്ന പ്ര​തി​സ​ന്ധി​ക​ൾ തു​ട​രു​ക​യാ​ണ്.