കാത്തലിക് എൻജിനിയറിംഗ് കോളജ് അസോസിയേഷന്‍; ഫാ. ജോണ്‍ വര്‍ഗീസ് പ്രസിഡന്‍റ് റവ. ഡോ. ജോസ് കുറിയേടത്ത് സെക്രട്ടറി : Deepika.com Kerala News |

Click here for detailed news of all items

കാത്തലിക് എൻജിനിയറിംഗ് കോളജ് അസോസിയേഷന്‍; ഫാ. ജോണ്‍ വര്‍ഗീസ് പ്രസിഡന്‍റ് റവ. ഡോ. ജോസ് കുറിയേടത്ത് സെക്രട്ടറി

Saturday, May 4, 2024 2:02 AM IST

കൊച്ചി: കേരള കാത്തലിക് എൻജിനിയറിംഗ് കോളജ് മാനേജ്‌മെന്‍റ്സ് അസോസിയേഷന്‍ പ്രസിഡന്‍റായി ഫാ. ജോണ്‍ വര്‍ഗീസ് (മാര്‍ ബസേലിയോസ് കോളജ് ഓഫ് എൻജിനിയറിംഗ് ആൻഡ് ടെക്‌നോളജി, തിരുവനന്തപുരം), സെക്രട്ടറിയായി റവ. ഡോ. ജോസ് കുറിയേടത്ത് സിഎംഐ (രാജഗിരി സ്‌കൂള്‍ ഓഫ് എൻജിനിയറിംഗ് ആൻഡ് ടെക്‌നോളജി, കൊച്ചി) എന്നിവരെ തെരഞ്ഞെടുത്തു.

ഫാ. ജെയിംസ് ചെല്ലങ്കോട്ട് (വിമല്‍ജ്യോതി എൻജിനിയറിംഗ് കോളജ്, ചെമ്പേരി)-വൈസ് പ്രസിഡന്‍റ്, ഫാ. റോയി വടക്കന്‍ (ജ്യോതി എൻജിനിയറിംഗ് കോളജ് തൃശൂര്‍)-ട്രഷറർ, ഫാ. ആന്‍റണി അറയ്ക്കല്‍ (ആല്‍ബര്‍ട്ടൈന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ആൻഡ് ടെക്‌നോളജി, കൊച്ചി)-ജോയിന്‍റ് സെക്രട്ടറി എന്നിവരാണ് മറ്റു ഭാരവാഹികൾ.

രാജ്യാന്തര പ്രശസ്തമായ യൂണിവേഴ്‌സിറ്റികളുമായി സഹകരിച്ച് നവീന കോഴ്‌സുകള്‍, വ്യവസായ സ്ഥാപനങ്ങളുമായി ബന്ധപ്പെട്ട് കൂടുതല്‍ തൊഴില്‍ സംരംഭങ്ങള്‍, സ്‌കില്‍ ഡവലപ്പ്‌മെൻഡ് പ്രോഗ്രാമുകള്‍, സ്റ്റാര്‍ട്ടപ്പുകള്‍ എന്നിവ അസോസിയേഷനിൽ അംഗങ്ങളായ കോളജുകളില്‍ കൂടുതല്‍ സജീവമാക്കുമെന്നും എക്‌സികൂട്ടീവ് സെക്രട്ടറി ഷെവ. അഡ്വ. വി.സി. സെബാസ്റ്റ്യന്‍ വിശദീകരിച്ചു.

കേരളത്തിന്‍റെ സാങ്കേതിക വിദ്യാഭ്യാസമേഖലയില്‍ ഈടുറ്റ സംഭാവനകള്‍ കാലങ്ങളായി തുടരുന്ന സ്ഥാപനങ്ങളുടെ രാജ്യാന്തര കാഴ്ചപ്പാടോടുകൂടിയ പ്രവര്‍ത്തനങ്ങള്‍ക്ക് പ്രോത്സാഹനം നല്‍കണമെന്നും യുജിസി ആക്ട് പ്രകാരം സ്വയംഭരണ പദവി ലഭിച്ചിരിക്കുന്ന സാങ്കേതിക വിദ്യാഭ്യാസ സ്ഥാപനങ്ങളുടെ നിയമപ്രകാരമുള്ള അഡ്മിഷന്‍ അക്കാദമിക് തലങ്ങളിലെ പ്രവര്‍ത്തനസ്വാതന്ത്ര്യം സര്‍ക്കാരും യൂണിവേഴ്‌സിറ്റിയും ഉറപ്പാക്കണമെന്നും സമ്മേളനം ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.