വെ​ണ്ണി​ക്കു​ളം: പ്രാ​ക്ടീ​സി​നി​ടെ ല​ഹ​രി ഉ​പ​യോ​ഗം വി​ല​ക്കി​യ​തി​ന്‍റെ വി​രോ​ധ​ത്തി​ല്‍ യു​വാ​വി​നെ ആ​ക്ര​മി​ച്ച് ഗു​രു​ത​ര​മാ​യി പ​രി​ക്കേ​ല്പി​ച്ച കേ​സി​ല്‍ ഒ​രാ​ളെ കോ​യി​പ്രം പോ​ലീ​സ് പി​ടി​കൂ​ടി. കേ​സി​ലെ മൂ​ന്നാം പ്ര​തി പു​റ​മ​റ്റം പ​ടു​തോ​ട് വാ​ലാ​ങ്ക​ര മ​രു​തൂ​ര്‍ കാ​ലാ​യി​ല്‍ എം. ​എ. സു​ധീ​റാ​ണ് (45) പി​ടി​യി​ലാ​യ​ത്. പു​റ​മ​റ്റം വെ​ണ്ണി​ക്കു​ള​ത്തു​ള്ള പെ​ഗാ​സ​സ് ഫി​റ്റ്‌​ന​സ് സെ​ന്‍റ​ലാ​ണ് യു​വാ​വി​നു് നേ​രേ ആ​ക്ര​മ​ണ​മു​ണ്ടാ​യ​ത്. തെ​ള്ളി​യൂ​ര്‍ കോ​ള​ഭാ​ഗം വേ​ലം​പ​റ​മ്പി​ല്‍ അ​ല​ന്‍ റോ​യി​ക്കാ​ണ് (19) ക്രൂ​ര​മ​ര്‍​ദ​ന​മേ​റ്റ​ത്. ക​ഴി​ഞ്ഞ​ദി​വ​സം വൈ​കു​ന്നേ​രം 6 30 നാ​ണ് സം​ഭ​വം. ഏ​ഴോ​ളം പേ​ര്‍ ചേ​ര്‍​ന്നാ​ണ് യു​വാ​വി​നെ ആ​ക്ര​മി​ച്ച് പ​രി​ക്കേ​ല്പി​ച്ച​ത്.

സെ​ന്‍റ​റി​ല്‍ പ്രാ​ക്ടീ​സി​ന് എ​ത്തി​യ ഷി​ജി​ന്‍ ഷാ​ന്‍ ഹാ​ന്‍​സ് ഉ​പ​യോ​ഗി​ച്ച​ത് വി​ല​ക്കി​യ​തി​ന്‍റെ വി​രോ​ധ​ത്താ​ലാ​യി​രു​ന്നു ആ​ക്ര​മ​ണ​വും ക്രൂ​ര മ​ര്‍​ദന​വും ഉ​ണ്ടാ​യ​തെ​ന്ന് പ​റ​യു​ന്നു. പ്ര​കോ​പി​ത​നാ​യ ഷി​ജി​ന്‍, അ​ല​നെ ആ​ക്ര​മി​ക്കു​ക​യാ​യി​രു​ന്നു. ഒ​പ്പം ബി​ന്‍​സ​ണ്‍ കെ.​മാ​ത്യു, സു​ധീ​ര്‍ എ​ന്നി​വ​രും ത​ന്നെ ആ​ക്ര​മി​ച്ച​താ​യി അ​ല​ന്‍ പോ​ലീ​സി​ല്‍ ന​ല്‍​കി​യ പ​രാ​തി​യി​ല്‍ പ​റ​യു​ന്നു.

ഷി​ജി​നെ ഒ​ന്നാം പ്ര​തി​യാ​ക്കി​യാ​ണ് കോ​യി​പ്രം പോ​ലീ​സ് കേ​സെ​ടു​ത്ത​ത്. നാ​ലാ​മ​തൊ​രാ​ളെ​യും കേ​സി​ല്‍ പ്ര​തി ചേ​ര്‍​ത്തി​ട്ടു​ണ്ട്. കൈ​കാ​ലു​ക​ള്‍​ക്കും ത​ല​യ്ക്കും അ​ല​ന് പ​രി​ക്കേ​റ്റു. വി​ര​ലി​നു പൊ​ട്ട​ലു​മു​ണ്ട്. തി​രു​വ​ല്ല​യി​ലെ സ്വ​കാര്യ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്.

കോ​യി​പ്രം പോ​ലീ​സ്, ഇ​ന്‍​സ്പെ​ക്ട​ര്‍ പി ​എം ലി​പി​യു​ടെ നേ​തൃ​ത്വ​ത്തി​ല്‍ ന​ട​ത്തി​യ അ​ന്വേ​ഷ​ണ​ത്തി​ല്‍ മ​ണി​ക്കൂ​റു​ക​ള്‍​ക്കു​ള്ളി​ല്‍ ഒ​രു പ്ര​തി​യെ ക​സ്റ്റ​ഡി​യി​ലെ​ടു​ത്തു.

ശാ​സ്ത്രീ​യ അ​ന്വേ​ഷ​ണ​സം​ഘ​വും വി​ര​ല​ട​യാ​ള​വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി തെ​ളി​വു​ക​ള്‍ ശേ​ഖ​രി​ച്ചു. പ്ര​തി​ക​ള്‍ ആ​ക്ര​മി​ക്കാ​ന്‍ ഉ​പ​യോ​ഗി​ച്ച ഇ​രു​മ്പ് ബാ​ര്‍,, ഹെ​ല്‍​മ​റ്റ്, ബെ​ല്‍​റ്റ് തു​ട​ങ്ങി​യ​വ ക​ണ്ടെ​ടു​ത്തു. അ​റ​സ്റ്റി​ലാ​യ സു​ധീ​ര്‍ കോ​യി​പ്രം സ്റ്റേ​ഷ​നി​ലെ 17 കേ​സു​ക​ളി​ല്‍ പ്ര​തി​യാ​ണെ​ന്ന് അ​ന്വേ​ഷ​ണ​ത്തി​ല്‍ ക​ണ്ടെ​ത്തി. കാ​പ്പ ന​ട​പ​ടി​ക​ള്‍​ക്കും ഇ​യാ​ള്‍ വി​ധേ​യ​നാ​യി​ട്ടു​ണ്ടെ​ന്ന് പോ​ലീ​സ് പ​റ​ഞ്ഞു.