ജോ​ണ്‍​ ഗീ: ദീ​പി​ക​യു​ടെ പാ​ലാ​യി​ലെ മേ​ല്‍​വി​ലാ​സ​മാ​യ ലേ​ഖ​ക​ൻ
Sunday, March 3, 2024 1:41 AM IST
പാ​ലാ: പാ​ലാ​യു​ടെ സാം​സ്‌​കാ​രി​ക രംഗ​ത്തെ നി​റ​സാ​ന്നി​ധ്യ​മാ​യി​രു​ന്നു കാനഡയിൽ അന്തരിച്ച ജോ​ണ്‍ ഗീ ​കു​ന്നും​പു​റം. 44 വ​ര്‍​ഷം ദീ​പി​ക​യു​ടെ പാ​ലാ​ ലേഖകനായിരുന്നു ജോൺ ഗീ. വാ​യ​ന​ക്കാ​രും പ​രി​ച​യ​ക്കാ​രും സു​ഹൃ​ത്തു​ക​ളും അ​ദ്ദേ​ഹ​ത്തെ സ്‌​നേ​ഹ​പൂ​ര്‍​വം ഗീ​യാ​ച്ച​ന്‍ എ​ന്നാ​ണ് വി​ളി​ച്ചി​രു​ന്ന​ത്.

സാം​സ്‌​കാ​രി​ക മേ​ഖ​ല​ക​ളി​ല്‍ ത​ന്‍റേ​താ​യ വ്യ​ക്തി​മു​ദ്ര പ​തി​പ്പി​ക്കാ​ന്‍ അ​ദ്ദേ​ഹ​ത്തി​ന് സാ​ധി​ച്ചു. ദീ​പി​ക ചി​ല്‍​ഡ്ര​ന്‍​സ് ലീ​ഗി​ന്‍റെ പ്ര​സി​ഡ​ന്‍റാ​യും അ​ദ്ദേ​ഹം ദീ​ര്‍​ഘ​കാ​ലം പ്ര​വ​ര്‍​ത്തി​ച്ചു.

പാ​ലാ നെ​ല്ലി​യാ​നി​യി​ലു​ള്ള ല​യ​ണ്‍​സ് ക്ല​ബ്ബി​ന് സ്വ​ന്ത​മാ​യി കെ​ട്ടി​ടം നി​ര്‍​മി​ക്കു​ന്ന​തി​നു കാ​ര​ണ​മാ​യ​തും ഗീ​യാ​ച്ച​നാ​യി​രു​ന്നു. പി​ന്നീ​ട് അദ്ദേഹം ല​യ​ണ്‍​സ് ക്ല​ബ്ബി​ന്‍റെ പ്ര​സി​ഡ​ന്‍റാ​യി.

രാ​ഷ്‌​ട്രീ​യ നേ​താ​ക്ക​ളു​മാ​യി ഏ​റെ ആ​ത്മ​ബ​ന്ധം പു​ല​ര്‍​ത്തി​യി​രു​ന്നു അ​ദ്ദേ​ഹം. കേ​ര​ള കോ​ണ്‍​ഗ്ര​സി​ന്‍റെ പി​ള​ര്‍​പ്പി​ന് മു​മ്പ് പാ​ര്‍​ട്ടി​യെ ഏ​റ്റ​വും കൂ​ടു​ത​ല്‍ സ്വാ​ധീ​നി​ച്ചി​രു​ന്ന വ്യ​ക്തി​ക​ളി​ലൊ​രാ​ളായി​രു​ന്നു. പാ​ര്‍​ട്ടി​യി​ല്‍ ഒ​രു പ​ദ​വി പോ​ലും വ​ഹി​ച്ചി​രു​ന്നി​ല്ലെ​ങ്കി​ലും ഗീ​യാ​ച്ച​ന്‍റെ വാ​ക്കു​ക​ള്‍ കേ​ര​ള കോ​ണ്‍​ഗ്ര​സി​ന്‍റെ അ​ന്തി​മ തീ​രു​മാ​ന​ങ്ങ​ളാ​യി​രു​ന്നു​വെ​ന്നു പ​ഴ​മ​ക്കാ​ര്‍ ഓ​ര്‍​മി​ക്കു​ന്നു. പി.​സി. ചാ​ക്കോ, കെ.​എം. ചാ​ണ്ടി, കെ.​എം. ജോ​ര്‍​ജ്, കെ.​എം. മാ​ണി, എം.​എം. ജേ​ക്ക​ബ്, എം.​എ. ജോ​ണ്‍, പി.​സി. ജോ​ര്‍​ജ് തു​ട​ങ്ങി​യ​വ​ര്‍ അ​ദ്ദേ​ഹ​ത്തി​ന്‍റെ ഉ​റ്റ സു​ഹൃ​ത്തു​ക്ക​ളാ​യി​രു​ന്നു.

ഇ​രു​പ​ത്തി​നാ​ല് വ​ര്‍​ഷ​ങ്ങ​ള്‍​ക്ക് മു​മ്പ് പ​ത്ര​പ്ര​വർ​ത്ത​ന​വും പൊ​തു​പ്ര​വ​ര്‍​ത്ത​ന​വും മ​തി​യാ​ക്കി കു​ടും​ബ​ത്തോ​ടൊ​പ്പം കാനഡ​യി​ല്‍ താ​മ​സ​മാ​ക്കി​യ അ​ദ്ദേ​ഹം വാ​ര്‍​ധ​ക്യ​സ​ഹ​ജ​മാ​യ അ​സു​ഖ​ങ്ങ​ളെ​ത്തു​ട​ര്‍​ന്ന് കു​റ​ച്ചുനാ​ളാ​യി വി​ശ്ര​മ​ജീ​വി​ത​ത്തി​ലാ​യി​രുന്നു.