അപ്പവും മീനും ഊട്ടുനേർച്ചയിൽ പങ്കെടുത്ത് ആയിരങ്ങൾ
1565610
Sunday, June 8, 2025 11:33 PM IST
ചെമ്മലമറ്റം: പന്ത്രണ്ട് ശ്ലീഹന്മാരുടെ പള്ളിയിൽ വിശുദ്ധ ശ്ലീഹന്മാരുടെ തിരുനാളിനോട് അനുബന്ധിച്ച് നടത്തിയ അപ്പവും മീനും ഊട്ടുനേർച്ചയിൽ ആയിരങ്ങൾ പങ്കുചേർന്നു. വിവിധ ജില്ലകളിൽ നിന്നും വിശ്വാസികൾ നി‍യോഗം അർപ്പിച്ച് നേർച്ചസദ്യയിൽ പങ്കെടുത്തു.
ക്രിസ്തു തന്‍റെ ശിഷ്യന്മാർക്ക് പല സന്ദർഭങ്ങളിലും അപ്പവും മീനും പങ്കുവച്ചതിന്‍റെ ഓർമയ്ക്കായിട്ടാണ് ശ്ലീഹന്മാരുടെ തിരുനാളിന് അപ്പവും മീനും നേർച്ച നടത്തുന്നത്. ചെമ്മലമറ്റം പള്ളി വികാരിയായിരുന്ന ഫാ. ജയിംസ് കട്ടയ്ക്കലാണ് നേർച്ച ആരംഭിച്ചത്. വർഷങ്ങളായി എകെസിസി സംഘടനയാണ് ഇതിന് നേതൃത്വം നൽകുന്നത്.