മ​ണ്ണാ​ർ​ക്കാ​ട്: കാ​റ്റ് ഒ​ന്ന​ടി​ച്ചാ​ൽ ക​റ​ന്‍റു​പോ​കും. പി​ന്നെ വൈ​ദ്യു​തി വ​ര​ണ​മെ​ങ്കി​ൽ മ​ണി​ക്കൂ​റു​ക​ൾ ക​ഴി​യും. ചി​ല​പ്പോ​ൾ ഒ​രു​ദി​വ​സം ത​ന്നെ ക​ഴി​ഞ്ഞെ​ന്നും വ​രാം. കെ​എ​സ്ഇ​ബി ഓ​ഫീ​സി​ലേ​ക്കു വി​ളി​ച്ചാ​ൽ ഫോ​ൺ എ​ന്നും പ​രി​ധി​ക്ക് പു​റ​ത്തും.

മ​ണ്ണാ​ർ​ക്കാ​രു​ടെ ഈ ​ദു​ര​വ​സ്ഥ തു​ട​ങ്ങി​യി​ട്ടു വ​ർ​ഷ​ങ്ങ​ൾ ഏ​റെ​യാ​യി. മ​റ്റു മേ​ഖ​ല​യെ​പോ​ലെ കെ​എ​സ്ഇ​ബി​യും ഹൈ​ടെ​ക് ആ​യി എ​ന്നു പ​റ​യു​മ്പോ​ഴും മ​ണ്ണാ​ർ​ക്കാ​ട്ടു​കാ​ർ​ക്ക് വൈ​ദ്യു​തി​യെ​ന്ന​ത് ഇ​പ്പോ​ഴും ദൗ​ർ​ല​ഭ്യ​മാ​യി തു​ട​രു​ക​യാ​ണ്.

നി​ല​വി​ലു​ള്ള 110 കെ​വി സ​ബ്സ്റ്റേ​ഷ​ന് മ​ണ്ണാ​ർ​ക്കാ​ട് മേ​ഖ​ല​യി​ലെ വൈ​ദ്യു​തി വി​ത​ര​ണ​ത്തി​ന്‍റെ ശേ​ഷി താ​ങ്ങാ​ത്ത​താ​ണ് ഇ​തി​നു കാ​ര​ണം. നി​ല​വി​ലെ 110 കെ​വി സ​ബ്സ്റ്റേ​ഷ​നെ 220 കെ​വി സ​ബ്സ്റ്റേ​ഷ​ൻ ആ​യി ഉ​യ​ർ​ത്തു​മെ​ന്നു പ​റ​യു​മ്പോ​ഴും എ​ന്നു ന​ട​ക്കു​മെ​ന്നു ക​ണ്ട​റി​യ​ണം.

മ​ണ്ണാ​ർ​ക്കാ​ട്, കു​മ​രം​പു​ത്തൂ​ർ, അ​ല​ന​ല്ലൂ​ർ, കാ​ഞ്ഞി​ര​പ്പു​ഴ, ത​ച്ച​മ്പാ​റ മേ​ഖ​ല​ക​ൾ അ​ട​ങ്ങി​യ​താ​ണ് മ​ണ്ണാ​ർ​ക്കാ​ട് 110 കെ​വി സ​ബ്സ്റ്റേ​ഷ​ൻ. ഈ ​മേ​ഖ​ല​ക​ളി​ൽ മി​ക്ക​പ്പോ​ഴും വൈ​ദ്യു​തി വി​ത​ര​ണ​ത്തി​ൽ ബു​ദ്ധി​മു​ട്ട് നേ​രി​ടു​ന്നു​ണ്ട്.

മ​ണ്ണാ​ർ​ക്കാ​ട് കേ​ന്ദ്രീ​ക​രി​ച്ച് 220 സ​ബ്സ്റ്റേ​ഷ​ൻ സ്ഥാ​പി​ച്ചാ​ൽ ഈ ​പ്ര​ശ്ന​ങ്ങ​ൾ​ക്കെ​ല്ലാം പ​രി​ഹാ​രം കാ​ണാ​ൻ ക​ഴി​യു​മെ​ന്നാ​ണ് കെ​എ​സ്ഇ​ബി അ​ധി​കൃ​ത​ർ ത​ന്നെ പ​റ​യു​ന്ന​ത്.

ആ​ല​പ്പു​ഴ ജി​ല്ല​യു​ടെ പ​കു​തി​യോ​ളം വ​ലി​പ്പ​മു​ള്ള മ​ണ്ണാ​ർ​ക്കാ​ട് താ​ലൂ​ക്കി​ൽ വൈ​ദ്യു​തി പ്ര​തി​സ​ന്ധി രൂ​ക്ഷ​മാ​ണ്. പാ​ല​ക്കാ​ട് നി​ന്നു​മാ​ണ് മ​ണ്ണാ​ർ​ക്കാ​ട് ഭാ​ഗ​ത്തേ​ക്ക് പ്ര​ധാ​ന​മാ​യും വൈ​ദ്യു​തി വി​ത​ര​ണം ചെ​യ്യു​ന്ന​ത് .

ഈ ​വി​ത​ര​ണ​ത്തി​ലാ​ണ് മി​ക്ക​പ്പോ​ഴും ത​ട​സ്സം നേ​രി​ടു​ന്ന​ത്. ഈ ​സ​മ​യ​ങ്ങ​ളി​ൽ മ​ല​പ്പു​റം ജി​ല്ല​യി​ലെ വെ​ട്ട​ത്തൂ​രി​ൽ നി​ന്നും വൈ​ദ്യു​തി എ​ത്തി​ച്ചാ​ണ് ഭാ​ഗി​ക​മാ​യെ​ങ്കി​ലും വൈ​ദ്യു​തി വി​ത​ര​ണം പു​ന​സ്ഥാ​പി​ക്കാ​റു​ള്ള​ത്. എ​ന്നാ​ൽ ഇ​തി​ലും ത​ട​സം നേ​രി​ടാ​റു​ണ്ട്.

ഈ ​പ്ര​ശ്ന​ങ്ങ​ൾ​ക്ക് ശാ​ശ്വ​ത​മാ​യ പ​രി​ഹാ​ര​മാ​ണ് വേ​ണ്ട​തെ​ന്ന് നാ​ട്ടു​കാ​രു​ടെ​യും കെ​എ​സ്ഇ​ബി ഉ​ദ്യോ​ഗ​സ്ഥ​രു​ടെ​യും ആ​വ​ശ്യം.

ക​ഴി​ഞ്ഞ​ദി​വ​സം കെ​എ​സ്ഇ​ബി സ​ബ്സ്റ്റേ​ഷ​ൻ സ​ന്ദ​ർ​ശി​ച്ച വൈ​ദ്യു​തി മ​ന്ത്രി കെ. ​കൃ​ഷ്ണ​ൻ​കു​ട്ടി​യോ​ടു കെ​എ​സ്ഇ​ബി ഉ​ദ്യോ​ഗ​സ്ഥ​ർ ത​ങ്ങ​ളു​ടെ ദ​യ​നീ​യാ​വ​സ്ഥ വെ​ളി​പ്പെ​ടു​ത്തി​യി​രു​ന്നു. ഉ​ട​ൻ ന​ട​പ​ടി​യെ​ടു​ക്കാ​മെ​ന്നു മ​ന്ത്രി ഉ​റ​പ്പും ന​ൽ​കി​യി​ട്ടു​ണ്ട്.

വൈ​ദ്യു​തി മു​ട​ക്ക​ത്തി​നു​പു​റ​മേ വോ​ൾ​ട്ടേ​ജ് ക്ഷാ​മ​വും മ​ണ്ണാ​ർ​ക്കാ​ട് മേ​ഖ​ല​യി​ൽ നി​ല​നി​ൽ​ക്കു​ന്നു​ണ്ട്. ഏ​താ​നും ആ​ഴ്ച​ക​ൾ​ക്കു മു​ൻ​പ് മേ​ഖ​ല​യി​ൽ രൂ​ക്ഷ​മാ​യ വൈ​ദ്യു​തി പ്ര​തി​സ​ന്ധി​യാ​ണ് ഉ​ണ്ടാ​യ​തെ​ന്നു അ​ധി​കൃ​ത​ർ സ​മ്മ​തി​ക്കു​ന്നു.

കാ​റ്റും മ​ഴ​യും കൂ​ടെ വ​ന്ന​തോ​ടെ വൈ​ദ്യു​തി വി​ത​ര​ണം താ​റു​മാ​റാ​യി. ഈ ​സ​മ​യ​ങ്ങ​ളി​ൽ അ​ട്ട​പ്പാ​ടി​യി​ലേ​ക്കു​ള്ള വൈ​ദ്യു​തി വി​ത​ര​ണ​വും നി​ല​ച്ചി​രു​ന്നു.