ടീച്ചേഴ്സ് ഗിൽഡ് നേതാക്കളെ ആദരിച്ചു
Wednesday, June 12, 2024 12:19 AM IST
കൊച്ചി: കേരള കാത്തലിക് ടീച്ചേഴ്സ് ഗിൽഡ് സംസ്ഥാന സമിതിക്ക് മികച്ച നേതൃത്വം നൽകിയ മുൻ പ്രസിഡന്റ് ബിജു ഓളാട്ടുപുറം, ജനറൽ സെക്രട്ടറി സി.ടി. വർഗീസ്, ട്രഷറർ മാത്യു ജോസഫ് എന്നിവരെ ആദരിച്ചു.
പാലാരിവട്ടം പിഒസിയിൽ നടന്ന പ്രതിനിധി സമ്മേളനത്തിൽ കെസിബിസി വിദ്യാഭ്യാസ കമ്മീഷൻ ചെയർമാൻ ബിഷപ് ജോഷ്വാ മാർ ഇഗ്നാത്തിയോസ് പുരസ്കാരങ്ങൾ നൽകി.
അധ്യാപക പ്രശ്നങ്ങൾ ഉന്നയിച്ച് നടത്തിയ വിദ്യാദർശൻ യാത്ര, വെബിനാർ, സൂപ്പർ 30, അധ്യാപക ധർണകൾ, സെക്രട്ടേറിയറ്റ് ധർണ, സംസ്ഥാന ക്യാമ്പ്, മേഖലാ ക്യാമ്പ്, കരിയർ ഗൈഡൻസ്, വിവിധ സമ്മേളനങ്ങൾ, അഭിമുഖം തുടങ്ങിയ സമിതിയുടെ പ്രവർത്തനങ്ങൾ പരിഗണിച്ചാണ് ആദരം. സംസ്ഥാന ഡയറക്ടർ ഫാ. ആന്റണി അറയ്ക്കൽ, പ്രസിഡന്റ് ടോം മാത്യു, ജനറൽ സെക്രട്ടറി ജി. ബിജു എന്നിവർ പ്രസംഗിച്ചു.