ക​രു​വാ​ര​കു​ണ്ട്: ഗ്രാ​മ​പ​ഞ്ചാ​യ​ത്ത് കാ​ര്യാ​ല​യം പെ​ട്രോ​ളൊ​ഴി​ച്ച് ക​ത്തി​ക്കാ​ൻ ശ്ര​മി​ച്ചും ജീ​വ​ന​ക്കാ​ർ​ക്കുനേ​രെ ക​ത്തി വീ​ശി​യും മ​ധ്യ​വ​യ​സ്ക​ന്‍റെ പ​രാ​ക്ര​മം. മ​ല​പ്പു​റം ജി​ല്ല​യി​ലെ തു​വൂ​ർ ഗ്രാ​മ​പ​ഞ്ചാ​യ​ത്ത് കാ​ര്യാ​ല​യ​ത്തി​ലെ​ത്തി​യാ​ണ് ക​രു​വാ​ര​ക്കു​ണ്ട് ത​രി​ശ് സ്വ​ദേ​ശി വെ​മ്മു​ള്ളി മ​ജീ​ദ് (50) ആ​ണ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച​ത്. ത​ന്‍റെ ഉ​ട​മ​സ്ഥ​ത​യി​ലു​ള്ള മാ​ന്പു​ഴ​യി​ലെ കെ​ട്ടി​ട​ത്തി​ന് അ​നു​മ​തി ല​ഭി​ച്ചി​ല്ലെ​ന്ന കാ​ര​ണം പ​റ​ഞ്ഞാ​യി​രു​ന്നു അ​തി​ക്ര​മം.

ഇ​ന്ന​ലെ രാ​വി​ലെ പ​ത്ത​ര​യോ​ടെ​യാ​യി​രു​ന്നു സം​ഭ​വം. ക​ന്നാ​സി​ൽ പെ​ട്രോ​ളു​മാ​യി എ​ത്തി​യ മ​ജീ​ദ് പ​ഞ്ചാ​യ​ത്ത് ഓ​ഫീ​സ് കെ​ട്ടി​ട​ത്തി​ന് മു​ന്നി​ലും ഫ്ര​ണ്ട് ഓ​ഫീ​സ് ഭാ​ഗ​ത്തും ഒ​ഴി​ച്ചു. അ​തി​നുശേ​ഷം ജീ​വ​ന​ക്കാ​ർ​ക്കുനേരേ കൈ​യി​ൽ ക​രു​തി​യ ക​ത്തി വീ​ശു​ക​യു​മാ​യി​രു​ന്നു​വെ​ന്ന് ജീ​വ​ന​ക്കാ​ർ പ​റ​ഞ്ഞു.

ത​ല​നാ​രി​ഴ​ക്കാ​ണ് ക്ലാ​ർ​ക്ക് ജ​യേ​ഷ് ര​ക്ഷ​പ്പെ​ട്ട​ത്. നി​ല​ത്തൊ​ഴി​ച്ച പെ​ട്രോ​ളി​ൽ മ​ജീ​ദ് തെ​ന്നി വീ​ണ​താ​ണ് ജീ​വ​ന​ക്കാ​ർ​ക്ക് ര​ക്ഷ​യാ​യ​ത്. തു​ട​ർ​ന്ന് ജീ​വ​ന​ക്കാ​രും സ​മീ​പ​ത്തു​ണ്ടാ​യി​രു​ന്ന​വ​രും ബ​ലം പ്ര​യോ​ഗി​ച്ചാ​ണ് മ​ജീ​ദി​നെ കീ​ഴ്പ്പെ​ടു​ത്തി​യ​ത്. തു​ട​ർ​ന്ന് ക​രു​വാ​ര​ക്കു​ണ്ട് പോ​ലീ​സും സ്ഥ​ല​ത്തെ​ത്തി ഇ​യാ​ളെ പി​ടി​കൂ​ടി.

മാ​ന്പു​ഴ​യി​ൽ നി​ർ​മി​ച്ച കെ​ട്ടി​ട​ത്തി​ന് അ​നു​മ​തി ന​ൽ​കാ​ൻ പ​ഞ്ചാ​യ​ത്ത് ത​യാ​റാ​കാ​ത്ത​തും പ്ര​വാ​സി​യാ​യി​രി​ക്കെ സാ​ന്പാ​ദി​ച്ച പ​ണം മു​ഴു​വ​ൻ കെ​ട്ടി​ട​ത്തി​നാ​യി ചെ​ല​വ​ഴി​ച്ചെ​ന്നും മ​ജീ​ദ് പ​റ​ഞ്ഞു. കാ​ഴ്ച പ​രി​മി​തി​യു​ള്ള ത​ന്‍റെ മ​ക​ന്‍റെ ചി​കി​ൽ​സ​യ്ക്ക് പോ​ലും പ​ണ​മി​ല്ലാ​ത്ത സ്ഥി​തി​യാ​ണെ​ന്നും മ​ജീ​ദ് പ​റ​ഞ്ഞു.

അ​തേ​സ​മ​യം 2024 ഫെ​ബ്രു​വ​രി​യി​ലാ​ണ് മ​ജീ​ദ് കെ​ട്ടി​ട​ത്തി​ന്‍റെ ക്ര​മ​വ​ത്ക്ക​ര​ണ​ത്തി​ന് അ​പേ​ക്ഷ സ​മ​ർ​പ്പി​ച്ച​ത്. ഇ​തി​ലെ അ​പാ​ക​ത​ക​ൾ പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് ഗ്രാ​മ​പ​ഞ്ചാ​യ​ത്ത് മ​ജീ​ദി​ന് നോ​ട്ടീ​സ് ന​ൽ​കു​ക​യും ചെ​യ്ത​താ​ണ്. പി​ന്നീ​ട് യാ​തൊ​രു മ​റു​പ​ടി​യും പ​ഞ്ചാ​യ​ത്തി​ന് ന​ൽ​കാ​തെ​യാ​യി​രു​ന്നു മ​ജീ​ദ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച​തെ​ന്നും ഉ​ദ്യോ​ഗ​സ്ഥ​ർ പ​റ​ഞ്ഞു.