വ​ട​ക​ര: കോ​ട്ട​ക്ക​ല്‍​പു​ഴ​യി​ല്‍ മ​ത്സ്യ​ബ​ന്ധ​ന​ത്തി​നി​ടെ തോ​ണി മ​റി​ഞ്ഞ് കാ​ണാ​താ​യ മ​ത്സ്യ​ത്തൊ​ഴി​ലാ​ളി മ​രി​ച്ചു. പു​റ​ങ്ക​ര മു​ക്രി​വ​ള​പ്പി​ല്‍ സു​ബ​യ​ര്‍ (65) ആ​ണ് മ​രി​ച്ച​ത്.

വ്യാ​പ​ക​മാ​യ തെ​ര​ച്ചി​ല്‍ ന​ട​ക്കു​ന്ന​തി​നി​ടെ അ​യ​നി​ക്കാ​ട് ഭാ​ഗ​ത്താ​ണ് മൃ​ത​ദേ​ഹം ക​ണ്ടെ​ത്തി. ക​ട​ല്‍​ഭി​ത്തി​ക്കി​ട​യി​ല്‍ കു​ടു​ങ്ങി​യ നി​ല​യി​ലാ​യി​രു​ന്നു മൃ​ത​ദേ​ഹം. ബ​ന്ധു​ക്ക​ളെ​ത്തി മൃ​ത​ദേ​ഹം തി​രി​ച്ച​റി​ഞ്ഞു. പി​ന്നീ​ട് മൃ​ത​ദേ​ഹം വ​ട​ക​ര ജി​ല്ല ആ​ശു​പ​ത്രി മോ​ര്‍​ച്ച​റി​യി​ലേ​ക്ക് മാ​റ്റി. ചൊ​വ്വാ​ഴ്ച രാ​ത്രി പ​തി​നൊ​ന്നോ​ടെ​യാ​ണ് സു​ബ​യ​റും മ​ക​ന്‍ സു​നീ​റും (38) മ​ത്സ്യ​ബ​ന്ധ​ന​ത്തി​നി​ടെ അ​പ​ക​ട​ത്തി​ല്‍​പെ​ട്ട​ത്.

മി​നി ഗോ​വ​യു​ടെ സ​മീ​പം പു​ഴ​യി​ല്‍ മീ​ന്‍ പി​ടി​ക്കു​ന്ന​തി​നി​ട​യി​ല്‍ ശ​ക്ത​മാ​യ കാ​റ്റി​ലും ഒ​ഴു​ക്കി​ലും പെ​ട്ട് തോ​ണി മ​റി​യു​ക​യാ​യി​രു​ന്നു. ഇ​രു​വ​രും മ​റി​ഞ്ഞ തോ​ണി​യി​ല്‍​പി​ടി​ച്ചു നി​ന്നെ​ങ്കി​ലും ക​ന​ത്ത ഒ​ഴു​ക്കി​ല്‍ അ​ഴി​മു​ഖ​ത്തേ​ക്ക് എ​ത്തി​പ്പെ​ട്ടു. ഇ​തി​നി​ട​യി​ല്‍ സു​നീ​ര്‍ നീ​ന്തി ക​ര​പി​ടി​ച്ചെ​ങ്കി​ലും സു​ബ​യ​ര്‍ ക​ട​ലി​ലേ​ക്ക് ഒ​ഴു​കി​പ്പോ​വു​ക​യാ​യി​രു​ന്നു.

വി​വ​ര​മ​റി​ഞ്ഞ ഉ​ട​ന്‍ ഈ ​പ്ര​ദേ​ശ​ത്തു​ണ്ടാ​യി​രു​ന്ന മ​ത്സ്യ​ത്തൊ​ഴി​ലാ​ളി​ക​ളും പ​യ്യോ​ളി പോ​ലീ​സും ഫ​യ​ര്‍​ഫോ​ഴ്‌​സും തെ​ര​ച്ച​ലി​ല്‍ ഏ​ര്‍​പെ​ട്ടു. ബു​ധ​നാ​ഴ്ച ഉ​ച്ച​യ്ക്ക് ര​ണ്ട​ര​യോ​ടെ​യാ​ണ് മൃ​ത​ദേ​ഹം ക​ണ്ടെ​ത്തി​യ​ത്.