കോ​ഴി​ക്കോ​ട്: മ​ല​യോ​ര​ത്തെ പ​രി​സ്ഥി​ലോ​ല പ്ര​ദേ​ശ​ങ്ങ​ളി​ലെ ടൂ​റി​സം കേ​ന്ദ്ര​ങ്ങ​ളി​ല്‍ ഒ​റ്റ​ത്ത​വ​ണ പ്ലാസ്റ്റി​ക് നി​രോ​ധ​നം ന​ട​പ്പാ​ക്കു​ന്നു. ഹൈ​ക്കോ​ട​തി ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ല്‍ സം​സ്ഥാ​ന​ത്തെ മ​ല​യോ​ര ടൂ​റി​സം കേ​ന്ദ്ര​ങ്ങ​ളു​ള്ള 16 ഗ്രാ​മ​പ​ഞ്ചാ​യ​ത്ത​ക​ളി​ലാ​ണ് ആ​ദ്യ​ഘ​ട്ട​ത്തി​ല്‍ നി​രോ​ധ​നം ന​ട​പ്പാ​ക്കു​ക. ജ​ന​കീ​യ പ​ങ്കാ​ളി​ത്ത​ത്തോ​ടെ നി​രോ​ധ​നം ന​ട​പ്പാ​ക്കാ​നാ​ണ് സം​സ്ഥാ​ന ഹ​രി​ത കേ​ര​ള മി​ഷ​ന്‍ പ​ദ്ധ​തി ത​യ​റാ​ക്കു​ന്ന​ത്. ഒ​ക്‌​ടോ​ബ​ര്‍ ര​ണ്ടി​ന​കം നി​രോ​ധ​നം ന​ട​പ്പാ​ക്കാ​നാ​ണ് കോ​ട​തി ഉ​ത്ത​ര​വ്.

അ​ഞ്ചു​ലി​റ്റ​റി​ല്‍ താ​ഴെ​യു​ള്ള വെ​ള്ള​ക്കു​പ്പി​ക​ള്‍, ഡി​സ്‌​പോ​സി​ബി​ള്‍ പ്ലേറ്റു​ക​ള്‍, ക​പ്പു​ക​ള്‍, സ്‌​ട്രോ​ക​ള്‍ എ​ന്നി​വ​യ​ട​ക്ക​മു​ള്ള ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്‌​ളാ​സ്റ്റി​ക് വ​സ്തു​ക്ക​ള്‍​ക്കാ​ണ് നി​രോ​ധ​നം വ​രു​ന്ന​ത്. മൂ​ന്നാ​ര്‍, അ​ടി​മാ​ലി, പ​ള്ളി​വാ​സ​ല്‍, മാ​ങ്കു​ളം, മ​റ​യൂ​ര്‍, ദേ​വി​കു​ളം, കാ​ന്ത​ല്ലൂ​ര്‍, വ​ട്ട​വ​ട, കു​മി​ളി,ഏ​ല​പ്പാ​റ, ആ​തി​ര​പ്പ​ള്ളി, നെ​ല്ലി​യാ​മ്പ​തി, വൈ​ത്തി​രി,അ​മ്പ​ല​വ​യ​ല്‍, ത​രി​യോ​ട് ഗ്രാ​മ​പ​ഞ്ചാ​യ​ത്തു​ക​ളി​ലും സു​ല്‍​ത്താ​ന്‍ ബ​ത്തേ​രി മു​നി​സി​പ്പാ​ലി​റ്റി​യി​ലു​മാ​ണ് ആ​ദ്യ​ഘ​ട്ട​ത്തി​ല്‍ നി​രോ​ധ​നം ന​ട​പ്പാ​ക്കു​ക. ഇ​വി​ട​ങ്ങ​ളി​ല്‍ ചെ​ക്ക്‌​പോ​സ്റ്റു​ക​ള്‍ സ്ഥാ​പി​ച്ചാ​യി​രി​ക്കും ഗ്രീ​ന്‍ കോ​റി​ഡോ​ര്‍ കൊ​ണ്ടു​വ​രി​ക.

മ​ല​യോ​ര​ത്തെ ടൂ​റി​സം കേ​ന്ദ്ര​ങ്ങ​ളി​ല്‍ സീ​സ​ണി​ല്‍ ആ​യി​ര​ക​ണ​ക്കി​നു വി​നോ​ദ സ​ഞ്ചാ​രി​ക​ളാ​ണ് എ​ത്തു​ന്ന​ത്. അ​ന്യ​സം​സ്ഥാ​ന​ങ്ങ​ളി​ല്‍ നി​ന്നും വി​ദേ​ശ നാ​ടു​ക​ളി​ല്‍ നി​ന്നും ടൂ​റി​സ്റ്റു​ക​ള്‍ വ​രു​ന്നു​ണ്ട്. ഒ​റ്റ​ത്ത​വ​ണ പ്ലാ​സ്റ്റി​ക് വ​സ്തു​ക്ക​ള്‍ ഇ​വി​ട​ങ്ങ​ളി​ല്‍ വ്യാ​പ​ക​മാ​യി ഉ​പ​യോ​ഗി​ക്കു​ന്ന​താ​യി പ​രാ​തി ഉ​യ​ര്‍​ന്നി​രു​ന്നു. പ​രി​സ്ഥി​ക്കു കോ​ട്ടം ത​ട്ടു​ന്ന വി​ധ​ത്തി​ലു​ള്ള പ്‌​ളാ​സ്റ്റി​ക് ഉ​ല്‍​പ്പ​ന്ന​ങ്ങ​ളാ​ണ് കൂ​ട്ടേ​ത്താ​ടെ എ​ത്തു​ന്ന വി​നോ​ദ സ​ഞ്ചാ​രി​ക​ള്‍ ഉ​പ​യോ​ഗി​ക്കു​ന്ന​ത്. ത​ദ്ദേ​ശ​സ്ഥാ​പ​ന​ങ്ങ​ള്‍​ക്കാ​ണ് ഇ​തു ത​ട​യു​ന്ന​തി​നു​ള്ള ഉ​ത്ത​ര​വാ​ദി​ത്ത​മെ​ങ്കി​ലും മി​ക്ക​യി​ട​ത്തും ഫ​ല​പ്ര​ദ​മാ​യി ഇ​ട​പെ​ടാ​ന്‍ ക​ഴ​യു​ന്നി​ല്ലെ​ന്ന വി​മ​ര്‍​ശ​ന​മു​യ​ര്‍​ന്നി​ട്ടു​ണ്ട്. ഈ ​സാ​ഹ​ച​ര്യ​ത്തി​ലാ​ണ് കോ​ട​തി​യു​ടെ ഇ​ട​പെ​ട​ല്‍.

നി​രോ​ധ​നം ന​ട​പ്പാ​ക്കു​ന്ന​തി​ല്‍ ടൂ​ര്‍ ഓ​പ്പ​റ്റേ​ര്‍​മാ​ര്‍​ക്ക് മു​ഖ്യ പ​ങ്കു​വ​ഹി​ക്കാ​ന്‍​ക​ഴി​യു​മെ​ന്ന് ഹ​രി​ത​കേ​ര​ള മി​ഷ​ന്‍ അ​ധി​കൃ​ത​ര്‍ ചൂ​ണ്ടി​ക്കാ​ട്ടു​ന്നു. വി​നോ​ദ സ​ഞ്ചാ​രി​ക​ളെ െകാ​ണ്ടു​വ​രു​മ്പോ​ള്‍ ത​ന്നെ അ​വ​ര്‍​ക്ക് നി​രോ​ധ​ന​വു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ള്‍ ബോ​ധ്യ​പ്പെ​ടു​ത്താ​ന്‍ ടൂ​ര്‍ ഓ​പ്പ​റേ​റ്റ​ര്‍​മാ​ര്‍​ക്കു ക​ഴി​യും. ഇ​തി​ന്‍റെ ഗൗ​ര​വം വി​നോ​ദ സ​ഞ്ചാ​രി​ക​ളി​ല്‍ എ​ത്തി​ച്ചാ​ല്‍ ഒ​രു പ​രി​ധി​വ​രെ പ്ലാ​സ്റ്റി​ക് ഉ​ത്പന്ന​ങ്ങ​ള്‍ ടൂ​റ​സി​റ്റ് കേ​ന്ദ്ര​ങ്ങ​ളി​ല്‍ എ​ത്തു​ന്ന​ത് ത​ട​യാ​ന്‍ സാ​ധി​ക്കും. നീ​ല​ഗി​രി മോ​ഡ​ല്‍ പ​ദ്ധ​തി സം​സ്ഥാ​ന​ത്തെ ടൂ​റി​സം കേ​ന്ദ്ര​ങ്ങ​ളി​ലും കൊ​ണ്ടു​വ​ര​ണ​മെ​ന്ന നി​ര്‍​ദേ​ശം ഉ​യ​ര്‍​ന്നി​ട്ടു​ണ്ട്.

പ്ലാ​സ്റ്റി​ക് ബോ​ട്ടി​ലു​ക​ളു​ടെ ഉ​പ​യോ​ഗം ഒ​ഴി​വാ​ക്കാ​ന്‍ ടൂ​സി​റ്റ് കേ​ന്ദ്ര​ങ്ങ​ളി​ല്‍ വാ​ട്ട​ര്‍ കി​യോ​സ്‌​ക്കു​ക​ള്‍ സ്ഥാ​പി​ച്ച​താ​ണ് നീ​ല​ഗി​രി മോ​ഡ​ല്‍. ഇ​തു ന​ട​പ്പാ​ക്കി​യാ​ല്‍ പ്ലാ​സ്റ്റി​ക് വെ​ള്ള​ക്കു​പ്പി​ക​ള്‍ എ​ത്തു​ന്ന​തു ത​ട​യാ​ന്‍ സാ​ധി​ക്കും.​ഊ​ട്ടി​യി​ലും നീ​ല​ഗി​രി​യി​ലും ഒ​റ്റ​ത്ത​വ​ണ പ്ലാ​സ്റ്റി​ക് നി​രോ​ധ​നം ഫ​ല​പ്ര​ദ​മാ​യി ന​ട​പ്പാ​ക്കു​ന്നു​ണ്ട്. പ്ലാ​സ്റ്റി​ക് നി​രോ​ധി​ത മേ​ഖ​ല​യ​യാ​യി ഊ​ട്ടി​യും നീ​ല​ഗി​രി​യും പ്ര​ഖ്യാ​പി​ച്ചി​ട്ടു​ണ്ട്.

അ​ടി​ച്ചേ​ല്‍​പി​ക്കു​ന്ന​തി​നു പ​ക​രം പൊ​ത​ജ​ന​പ​ങ്കാ​ളി​ത്ത​ത്തോ​ടെ നി​രോ​ധ​നം യാ​ഥാ​ര്‍​ഥ്യ​മാ​ക്കാ​നാ​ണ് ഹ​രി​ത​കേ​ര​ള മി​ഷ​ന്‍ ല​ക്ഷ്യ​മി​ടു​ന്ന​ത്. ഇ​തി​നാ​യി ഈ ​മേ​ഖ​ല​യി​ല്‍ വ്യാ​പ​ക കാ​മ്പ​യി​ന്‍ സം​ഘ​ടി​പ്പി​ക്കും. ബോ​ര്‍​ഡു​ക​ള്‍ സ്ഥാ​പി​ക്കാ​നും സോ​ഷ്യ​ല്‍​മീ​ഡി​യ ക്യാ​മ്പ​യി​ന്‍ സം​ഘ​ടി​പ്പി​ക്കാ​നും ആ​ലോ​ച​ന​യു​ണ്ട്. നി​രോ​ധ​നം ന​ട​പ്പാ​ക്കുേ​മ്പാ​ള്‍ ടൂ​റി​സ്റ്റു​ക​ള്‍​ക്കു ബ​ദ​ല്‍ സം​വി​ധാ​നം ഒ​രു​ക്കാ​നാ​ണ് ആ​ലോ​ച​ന. ഗ്രീ​ന്‍ ചെ​ക്ക്‌​പോ​സ്റ്റു​ക​ളി​ല്‍ ഫെ​സി​ലി​റ്റേ​ഷ​ന്‍ െസ​ന്‍റ​റു​ക​ള്‍ സ്ഥാ​പി​ക്കും. അ​വി​ടെ​വ​ച്ച് ടൂ​റി​സ്റ്റു​ക​ള്‍​ക്ക് ഭ​ക്ഷ​ണം ക​ഴി​ക്കു​ന്നി​തി​നു​ള്ള സൗ​ക​ര്യ​വു​മു​ണ്ടാ​വും.