എ​ട​ത്വ: വ​ര്‍​ഷ​ങ്ങ​ള്‍ പ​ഴ​ക്ക​മു​ള്ള സ്‌​കൂ​ള്‍ കെ​ട്ടി​ടം പ​രി​ശോ​ധി​ക്കാ​തെ അ​ധി​കൃ​ത​ര്‍ ഫി​റ്റ്ന​സ് സ​ര്‍​ട്ടി​ഫി​ക്ക​റ്റ് ന​ല്‍​കി​യെ​ന്നാ​രോ​പി​ച്ച് സ്‌​കൂ​ളി​ന് മു​ന്‍​പി​ല്‍ ര​ക്ഷി​താ​വി​ന്‍റെ​യും മ​ക്ക​ളു​ടെ​യും കു​ത്തി​യി​രിപ്പ് സ​മ​രം. ഞ​ങ്ങ​ളു​ടെ ജീ​വ​ന് വി​ല​യി​ല്ലേ അ​ധി​കാ​രി​ക​ളേ എ​ന്ന ബോ​ര്‍​ഡു​മാ​യാ​ണ് കു​ട്ടി​ക​ള്‍ സ​മ​ര​ത്തി​ല്‍ പ​ങ്കെ​ടു​ത്ത​ത്. കോ​ഴി​മു​ക്ക് ഗ​വ. എ​ല്‍​പി സ്‌​കൂ​ളി​ലെ നി​ലം​പൊ​ത്താ​റാ​യ ഓ​ടു​മേ​ഞ്ഞ കെ​ട്ടി​ട​ത്തി​നെ​തി​രേ​യാ​ണ് ര​ക്ഷി​താ​വി​ന്‍റെ​യും മ​ക്ക​ളു​ടെ​യും പ്ര​തി​ഷേ​ധ സ​മ​രം അ​ര​ങ്ങേ​റി​യ​ത്.

അ​ധി​കാ​രി​ക​ള്‍ പ​രി​ശോ​ധി​ക്കാ​തെ ത​ന്നെ അ​ധ്യ​യ​ന വ​ര്‍​ഷാ​രം​ഭ​ത്തി​ല്‍ ഫി​റ്റ്ന​സ് സ​ര്‍​ട്ടി​ഫി​ക്ക​റ്റ് ന​ല്‍​കി​യെ​ന്നാ​ണ് ര​ക്ഷി​താ​വും സ്‌​കൂ​ള്‍ പി​ടി​എ വൈ​സ് പ്ര​സി​ഡ​ന്‍റു​മാ​യ കോ​ഴി​മു​ക്ക് കി​ഴ​ക്കേ​പ്പ​റ​മ്പി​ല്‍ റെ​ജി​മോ​ന്‍ പ​രാ​തി​പ്പെ​ടു​ന്ന​ത്. കാ​ല​പ്പ​ഴ​ക്ക​ത്താ​ല്‍ ഓ​ടു​മേ​ഞ്ഞ കെ​ട്ടി​ട​ത്തി​ന്‍റെ സീ​ലിം​ഗ് അ​ടർ​ന്നു​വീ​ണി​രു​ന്നു. അ​ട​ർന്നു​വീ​ണ ഭാ​ഗ​ത്തെ ഓ​ടു​ക​ള്‍ പൊ​ട്ടി​യ​ക​ന്ന നി​ല​യി​ലാ​ണ്.

സീ​ലിം​ഗ് അ​ട​ര്‍​ന്ന ഭാ​ഗ​ത്തെ ഓ​ടു​ക​ള്‍ മാ​ത്ര​മാ​ണ് കാ​ണു​ന്ന​ത്. ബാ​ക്കി ഭാ​ഗ​ങ്ങ​ള്‍ ഇ​തി​ലും ദ​യ​നീ​യ​മാ​ണെ​ന്നും ര​ക്ഷി​താ​വ് പ​റ​യു​ന്നു. അ​ര നൂ​റ്റാ​ണ്ടി​ന് മു​ന്‍​പാ​ണ് കെ​ട്ടി​ടം സ്ഥാ​പി​ച്ച​ത്. ര​ണ്ടു വ​ര്‍​ഷം കൂ​ടു​മ്പോ​ള്‍ കെ​ട്ടി​ട​ത്തി​ന്‍റെ ഓ​ട് പൊ​ളി​ച്ച് മാ​റ്റി​യി​ടു​ന്ന​ത് പ​തി​വാ​ണ്. എ​ന്നാ​ല്‍ ഈ ​സ്‌​കൂ​ളി​ന്‍റെ ഓ​ട് 11 വ​ര്‍​ഷം മു​ന്‍​പാ​ണ് മാ​റ്റി​യ​തെ​ന്ന് റെ​ജി​മോ​ന്‍ ചൂ​ണ്ടി​ക്കാ​ട്ടു​ന്നു.

കാ​ല​പ്പ​ഴ​ക്ക​ത്താ​ല്‍ കെ​ട്ടി​ട​ത്തി​ന്‍റെ പട്ടിക​യും ജീ​ര്‍​ണി​ച്ച അ​വ​സ്ഥ​യി​ലാ​ണ്. 2022ല്‍ 60 ​ല​ക്ഷം രൂ​പ മു​ട​ക്കി ര​ണ്ടു മു​റി​യു​ള്ള കെ​ട്ടി​ടം പ​ണി​തെ​ങ്കി​ലും ഇ​തി​ന് ഫി​റ്റ്ന​സ് സ​ര്‍​ട്ടി​ഫി​ക്ക​റ്റ് ല​ഭി​ച്ചി​ട്ടി​ല്ല. രണ്ട് ക്ലാ​സ് റൂം ​തു​ട​ങ്ങാ​നാ​ണ് കെ​ട്ടി​ടം നി​ര്‍​മി​ച്ച​ത്. ഇ​പ്പോ​ള്‍ ഇ​തി​ല്‍ ഒ​രെ​ണ്ണം ഓ​ഫീ​സ് ആ​വ​ശ്യ​ത്തി​നാ​യി മാ​റ്റു​ക​യും അ​ടു​ത്ത മു​റി​യി​ല്‍ വി​ദ്യാ​ര്‍​ഥി​ക​ളെ പ​ഠി​പ്പി​ക്കാ​നു​മാ​ണ് നീ​ക്കം ന​ട​ക്കു​ന്ന​ത്. യു​കെ​ജി മു​ത​ല്‍ നാ​ലാം ക്ലാ​സ് വ​രെ പ​ഠി​ക്കു​ന്ന കു​ട്ടി​ക​ളെ ഒ​റ്റ റൂ​മി​ല്‍ ഇ​രു​ത്തി എ​ങ്ങ​നെ ക്ലാ​സ് എ​ടു​ക്കു​മെ​ന്നാ​ണ് ര​ക്ഷി​താ​വ് ചോ​ദി​ക്കു​ന്ന​ത്.

പു​തി​യ കെ​ട്ടി​ട​ത്തി​ന് കൈ​വരി കെ​ട്ടാ​ന്‍ പി​ഡ​ബ്ല്യു​ഡി 2.80 ല​ക്ഷം രൂ​പ കൂ​ടി അ​നു​വ​ദി​ച്ചി​ട്ടു​ണ്ട്. കൂ​ടാ​തെ പി​ഞ്ചു​കു​ട്ടി​ക​ള്‍ സ്‌​കൂ​ളി​ല്‍ എ​ത്ത​ണ​മെ​ങ്കി​ല്‍ മു​ട്ടോ​ളം വെ​ള്ള​ത്തി​ല്‍ നീ​ന്ത​ണം. സ്‌​കൂ​ള്‍ റോ​ഡ് നി​ര്‍​മാ​ണം ഉ​ട​ന്‍ തു​ട​ങ്ങു​മെ​ന്ന് പ​ഞ്ചാ​യ​ത്ത് പ​റ​യാ​ന്‍ തു​ട​ങ്ങി​യി​ട്ട് നാ​ളു​ക​ളാ​യി. ഭ​ര​ണ​സ​മ​ിതി​യു​ടെ കാ​ലാ​വ​ധി തീ​രാ​ന്‍ ആ​ഴ്ച​ക​ള്‍ മാ​ത്രം നി​ല​നി​ല്‍​ക്കേ റോ​ഡ് നി​ര്‍​മാ​ണ​ത്തി​ല്‍ യാ​തൊ​രു ന​ട​പ​ടി​യും പ​ഞ്ചാ​യ​ത്ത് സ്വീ​ക​രി​ച്ചി​ട്ടി​ല്ലെ​ന്നും റെ​ജി​മോ​ന്‍ പ​റ​യു​ന്നു.

അ​തേ​സ​മ​യം, ര​ക്ഷി​താ​വി​ന്‍റെ​യും കു​ട്ടി​ക​ളു​ടെ​യും കു​ത്തി​യി​രി​പ്പ് സ​മ​ര​ത്തി​ന്‍റെ വാ​ര്‍​ത്ത എ​ടു​ക്കാ​ന്‍ മാ​ധ്യ​മ​ങ്ങ​ള്‍​ക്ക് വി​ല​ക്ക് ഏ​ര്‍​പ്പെ​ടു​ത്തി​യി​രു​ന്നു. എ​ഇ​ഒ​യു​ടെ നി​ര്‍​ദേ​ശ​മു​ണ്ടെ​ന്നും അ​തി​നാ​ല്‍ മാ​ധ്യ​മ​ങ്ങ​ളെ സ്‌​കൂ​ളി​ല്‍ പ്ര​വേ​ശി​പ്പി​ക്കാ​ന്‍ സ​മ്മ​തി​ക്കി​ല്ലെ​ന്നും പ്ര​ധാ​നാ​ധ്യാ​പി​ക അ​റി​യി​ച്ചു.