അ​യ്യ​ന്പു​ഴ​യു​ടെ ആ​കു​ല​ത​ക​ൾ
Wednesday, February 21, 2024 4:05 AM IST
സിജോ പൈനാടത്ത്

കാ​ടി​റ​ങ്ങി​വ​രു​ന്ന വ​ന്യ​ജീ​വി​ക​ൾ അ​യ്യ​ന്പു​ഴ​ക്കാ​രു​ടെ ഉ​റ​ക്കം കെ​ടു​ത്തു​ന്ന​തു പ​തി​വ്. ആ​ന​യും പു​ലി​യും കാ​ട്ടു​പ​ന്നി​യു​മെ​ല്ലാം ഇ​വ​രു​ടെ സ്വൈ​ര്യ​ജീ​വി​ത​ത്തി​നും കൃ​ഷി​ക​ൾ​ക്കും ‌ദു​ര​ന്തം വി​ത​യ്ക്കു​ക​യാ​ണ്.

അ​ങ്ക​മാ​ലി​യ്ക്ക​ടു​ത്ത് അ​യ്യ​ന്പു​ഴ എ​ണ്ണ​പ്പ​ന കൃ​ഷി​യി​ലൂ​ടെ അ​റി​യ​പ്പെ​ടു​ന്ന കാ​ല​ടി പ്ലാ​ന്‍റേ​ഷ​ൻ ഉ​ൾ​പ്പെ​ടു​ന്ന പ്ര​ദേ​ശ​മാ​ണ്. എം​സി റോ​ഡു​വ​ഴി വ​രു​ന്ന സ​ഞ്ചാ​രി​ക​ൾ അ​തി​ര​പ്പി​ള്ളി, വാ​ഴ​ച്ചാ​ൽ, മ​ല​യ്ക്ക​പ്പാ​റ, വാ​ൽ​പ്പാ​റ എ​ന്നി​വി​ട​ങ്ങ​ളി​ലേ​ക്കു​ള്ള യാ​ത്ര​യ്ക്ക് അ​യ്യ​ന്പു​ഴ റൂ​ട്ട് ഉ​പ​യോ​ഗി​ക്കാ​റു​ണ്ട്.
ഇ​വി​ടു​ത്തെ പ്ര​കൃ​തി​ദൃശ്യം മ​നോ​ഹ​ര​മെങ്കിലും ക​ർ​ഷ​ക​രു​ൾപ്പെടെ ഇ​വി​ടെ താ​മ​സി​ക്കു​ന്ന​വ​ർ​ക്ക് വ​ന്യ​ജീ​വി​ക​ളു​ടെ ആ​ക്ര​മ​ണം തീ​രാ​സ​ങ്ക​ട​മാ​ണ്.

ആ ​രാ​ത്രി തോ​മ​സ് മ​റ​ക്കി​ല്ല

കൊ​ല്ല​ക്കോ​ട് പ​ന്ന​ൻ​ചി​റ​യി​ൽ കാ​ട്ടാ​ന ഇ​റ​ങ്ങി​യ ആ ​രാ​ത്രി ക​ർ​ഷ​ക​നാ​യ തോ​മ​സ് ഓ​ലി​യ​പ്പു​റ​ത്തി​നു മ​റ​ക്കാ​നാ​കി​ല്ല. പൊ​തു​വ​ഴി​യി​ലേ​ക്കി​റ​ങ്ങി​യ കാ​ട്ടാ​ന​ക്കൂ​ട്ട​ത്തെ അ​തു​വ​ഴി ക​ട​ന്നു​പോ​വു​ക​യാ​യി​രു​ന്ന തോ​മ​സ് ക​ണ്ടി​ല്ല.

ആ​ന​ക​ളി​ലൊ​ന്ന് തോ​മ​സി​നെ ത​ട്ടി​യെ​റി​ഞ്ഞ​ത് വ​ലി​യ കു​ഴി​യി​ലേ​ക്കാ​യി​രു​ന്നു. കൈ​യ്ക്കും ക​ണ്ണി​നും ആ​ന്ത​രി​കാ​വ​യ​വ​ങ്ങ​ൾ​ക്കും പ​രി​ക്കേ​റ്റു. വ​ഴി​യാ​ത്ര​ക്കാ​ര​നാ​യി​രു​ന്ന സാ​ജു, പ്ര​ദേ​ശ​വാ​സി ജി​പ്സി എ​ന്നി​വ​രും ആ​ക്ര​മ​ണ​ത്തി​നിരയായി.


രാപകൽ ആ​ന​ശ​ല്യം

അ​യ്യ​ന്പു​ഴ​യി​ലും പ​രി​സ​ര​ങ്ങ​ളി​ലും രാ​പ​ക​ൽ ആ​ന​ശ​ല്യം രൂ​ക്ഷ​മാ​ണ്. ക​ഴി​ഞ്ഞ ഒ​രു വ​ർ​ഷ​ത്തി​നി​ടെ ഏ​ക്ക​ർ​ക​ണ​ക്കി​നു കൃ​ഷി​യി​ട​ങ്ങ​ളാ​ണ് ഇ​വി​ടെ കാ​ട്ടാ​ന​ക​ളി​റ​ങ്ങി ന​ശി​പ്പി​ച്ച​തെ​ന്ന് അ​യ്യ​ന്പു​ഴ ഗ്രാ​മ​പ​ഞ്ചാ​യ​ത്തം​ഗം ലൈ​ജു ഈ​രാ​ളി പ​റ​ഞ്ഞു.

ജ​ന​വാ​സ മേ​ഖ​ല​ക​ളി​ലും കൃ​ഷി​യി​ട​ങ്ങ​ളി​ലും ആ​ന​ശ​ല്യ​മു​ണ്ട്. ക​ടു​കു​ള​ങ്ങ​ര, മ​ഞ്ഞ​ന, പ​ന്ന​ൻ​ചി​റ പാ​ട​ശേ​ഖ​രം എ​ന്നി​വി​ട​ങ്ങ​ളി​ലെ നെ​ല്ല്, വാ​ഴ, അ​ട​യ്ക്ക, തെ​ങ്ങ് കൃ​ഷി​ക​ൾ വ്യാ​പ​ക​മാ​യി ന​ശി​പ്പി​ക്ക​പ്പെ​ട്ടു.

ന​ഷ്ട​പ​രി​ഹാ​രം കാത്ത് 210 പേ​ര്‍

അ​യ്യ​മ്പു​ഴ, മ​ല​യാ​റ്റൂ​ര്‍ തു​ട​ങ്ങി​യ മ​ല​യോ​ര ഗ്രാ​മ​ങ്ങ​ള്‍ ഉ​ള്‍​പ്പെ​ടു​ന്ന അ​ങ്ക​മാ​ലി മേ​ഖ​ല​യി​ല്‍ മാ​ത്രം വ​ന്യ​ജീ​വി ആ​ക്ര​മ​ങ്ങ​ളു​ടെ പേ​രി​ലു​ള്ള ന​ഷ്ട​പ​രി​ഹാ​രത്തിനായി കാ​ത്തി​രി​ക്കു​ന്ന​ത് 210 പേ​രാ​ണ്. ക​ഴി​ഞ്ഞ ര​ണ്ടു വ​ര്‍​ഷ​ങ്ങ​ളി​ലെ ആ​ക്ര​മ​ണത്തിനിരയായവരുടെ എണ്ണം മാത്രമാണിത്.

9.64 ല​ക്ഷം രൂ​പ ഈ​യി​ന​ത്തി​ല്‍ അ​പേ​ക്ഷ​ക​ര്‍​ക്കു കി​ട്ടാ​നു​ണ്ട്. ആ​ന​യു​ടെ ആ​ക്ര​മ​ണ​ത്തി​ല്‍ ഗു​രു​ത​ര​മാ​യി പ​രി​ക്കേ​റ്റ​വ​ര്‍​ക്കും സ​ര്‍​ക്കാ​ര്‍ സ​ഹാ​യം ന​ല്‍​കി​യി​ട്ടി​ല്ല. പ​ല​രു​ടെ​യും അ​പേ​ക്ഷ​ക​ള്‍ കാ​ണാ​നി​ല്ലെ​ന്നും പ​റ​യു​ന്നു.
(തു​ട​രും)

Copyright @ 2022 , Rashtra Deepika Ltd.