പ​റ​വൂ​ർ: ദേ​ശീ​യപാ​ത 66ലെ ​മൂ​ത്ത​കു​ന്നം-പ​റ​വൂ​ർ റോ​ഡി​ൽ അ​ണ്ടി​പ്പി​ള്ളി​ക്കാ​വ് ക​ലു​ങ്കി​ന്‍റെ സൈ​ഡ് ഭി​ത്തി ത​ക​ർ​ന്ന് അ​പ​ക​ട​വ​സ്ഥ​യി​ലാ​യി​ട്ട് മാ​സ​ങ്ങ​ൾ ക​ഴി​ഞ്ഞു. വ​ലി​യൊ​രു ലോ​റി സൈ​ഡ് ഭി​ത്തി​യി​ൽ ഇ​ടി​ച്ച് താ​ഴേ​ക്ക് പോ​യ​തി​നെതു​ട​ർ​ന്നാ​ണ് ത​ക​ർ​ന്ന​ത്.

സൈ​ഡ് ഭി​ത്തി ത​ക​ർ​ന്ന​തോ​ടെ ഈ ​റോ​ഡി​ന്‍റെ അ​രി​ക് ഇ​ടി​യാൻ തുടങ്ങിയിട്ടു​ണ്ട്. വ​ലി​യ ടാ​ങ്ക​ർ, ക​ണ്ടെ​യ്ന​ർ ലോ​റി​ക​ൾ അ​ട​ക്കം രാപ​ക​ൽ വ്യ​ത്യാ​സ​മി​ല്ലാ​തെ ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ളാ​ണ് ഈ ​റോ​ഡി​ലൂ​ടെ ക​ട​ന്നുപോ​കു​ന്ന​ത്.

ക​ഴി​ഞ്ഞ ഡി​സം​ബ​ർ ഒന്നിന് ​ജി​ല്ലാ ക​ള​ക്ട​റും ദേ​ശീ​യ​പാ​ത പ്രോ​ജ​ക്ട് ഡ​യ​റ​ക്ട​റും ​റോ​ഡി​ന്‍റെ അ​പ​ക​ടാ​വ​സ്ഥ നേ​രി​ൽ ക​ണ്ടി​രു​ന്ന​താ​ണ്. ഇ​വി​ടെ അ​പ​ക​ടാ​വ​സ്ഥ ത​ര​ണം ചെ​യ്യാ​ൻ അ​ടി​യ​ന്ത​ര ന​ട​പ​ടി​ക​ൾ വേ​ണ​മെ​ന്ന് ക​ള​ക്ട​ർ ദേ​ശീ​യ​പാ​ത പ്രോ​ജ​ക്ട് ഡ​യ​റ​ക്ട​ർ​ക്ക് നി​ർ​ദേ​ശ​വും ന​ൽ​കി​യി​രു​ന്നു. പ​ക്ഷേ മൂ​ന്നു മാ​സമാ​യിട്ടും ഒ​രു ന​ട​പ​ടി​യും സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​യി​ട്ടി​ല്ല.

ഇ​വി​ടെ അ​പ​ക​ട​മോ ദു​ര​ന്ത​മോ ഉ​ണ്ടാ​യാ​ൽ ഉ​ത്ത​ര​വാ​ദി​ക​ളാ​യ ഉ​ദ്യോ​ഗ​സ്ഥ​ർ​ക്കെ​തി​രെ ശ​ക്ത​മാ​യ ക്രി​മി​ന​ൽ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നു കോ​ൺ​ഗ്ര​സ് മ​ണ്ഡ​ലം പ്ര​സി​ഡ​ന്‍റ് എം.​ഡി. മ​ധു​ലാ​ൽ ആ​വ​ശ്യ​പ്പെ​ട്ടൂ.