സാ​മൂ​ഹി​കാ​ഘാ​ത​പ​ഠ​നം അടുത്ത മാസം ആ​രം​ഭി​ക്കും

കൊ​ച്ചി:​ ത​മ്മ​നം-​പു​ല്ലേ​പ്പ​ടി റോ​ഡ് വി​ക​സ​ന​വു​മാ​യി ബ​ന്ധ​പ്പെ​ട്ട് ന​ട​പ​ടി​ക​ള്‍ വേ​ഗ​ത്തി​ലാ​ക്കാ​ന്‍ നി​ര്‍​ദേ​ശം. റോ​ഡ് വി​ക​സ​ന​വു​മാ​യി ബ​ന്ധ​പ്പെ​ട്ട പു​രോ​ഗ​തി വി​ല​യി​രു​ത്തു​ന്ന​തി​നാ​യി കൊ​ച്ചി മേ​യ​ര്‍ അ​ഡ്വ.​എം.​അ​നി​ല്‍​കു​മാ​ര്‍, ജി​ല്ലാ ക​ള​ക്ട​ര്‍ എ​ന്‍.​എ​സ്.​കെ ഉ​മേ​ഷ് എ​ന്നി​വ​രു​ടെ നേ​തൃ​ത്വ​ത്തി​ല്‍ ചേ​ര്‍​ന്ന അ​വ​ലോ​ക​ന യോ​ഗ​ത്തി​ലാ​ണ് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ര്‍​ക്ക് നി​ര്‍​ദേശം ന​ല്‍​കി​യ​ത്.

സ്ഥ​ലം ഏ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ട ഭ​ര​ണാ​നു​മ​തി​ക്കാ​യി സം​സ്ഥാ​ന സ​ര്‍​ക്കാ​രി​ലേ​ക്ക് ഫ​യ​ല്‍ അ​യ​ച്ച​താ​യി ക​ള​ക്ട​ര്‍ യോ​ഗ​ത്തി​ല്‍ അ​റി​യി​ച്ചു. ഏ​പ്രി​ല്‍ 15 ന് ​മു​മ്പാ​യി ഭ​ര​ണാ​നു​മ​തി ല​ഭ്യ​മാ​ക്കാ​നു​ള്ള ന​ട​പ​ടി​ക​ള്‍ വേ​ഗ​ത്തി​ലാ​ക്കു​മെ​ന്ന് ക​ള​ക്ട​ര്‍ പ​റ​ഞ്ഞു.

സാ​മൂ​ഹി​കാ​ഘാ​ത​പ​ഠ​നം ഏ​പ്രി​ലി​ല്‍ ആ​രം​ഭി​ക്കും. ഓ​ഗ​സ്റ്റി​ല്‍ ഭൂ​മി ഏ​റ്റെ​ടു​ക്ക​ല്‍ ന​ട​പ​ടി​യു​മാ​യി ബ​ന്ധ​പ്പെ​ട്ട പ്രാ​ഥ​മി​ക നോ​ട്ടി​ഫി​ക്കേ​ഷ​ന്‍ 11 (1) പ്ര​കാ​ര​മു​ള്ള ന​ട​പ​ടി​ക​ള്‍ ആ​രം​ഭി​ക്കും.

റോ​ഡ് വി​ക​സ​ന​വു​മാ​യി ബ​ന്ധ​പ്പെ​ട്ട് നി​ല​വി​ല്‍ ഏ​റ്റെ​ടു​ത്ത സ്ഥ​ല​ത്ത് ഓ​ഗ​സ്റ്റ് മാ​സ​ത്തി​ല്‍ യൂ​ട്ടി​ലി​റ്റി ഷി​ഫ്റ്റിം​ഗ്, റോ​ഡ് വീ​തി കൂ​ട്ട​ല്‍ ന​ട​പ​ടി​ക​ള്‍ ആ​രം​ഭി​ക്കാ​ന്‍ കെആ​ര്‍എ​ഫ്ബിയെ ചു​മ​ത​ല​പ്പെ​ടു​ത്തി. കെആ​ര്‍എ​ഫ്ബി ​ന​ല്‍​കു​ന്ന പ്ലാ​ന്‍ കി​ഫ്ബി​യി​ല്‍ സ​മ​ര്‍​പ്പി​ച്ച് ആ​വ​ശ്യ​മാ​യ അം​ഗീ​കാ​രം ല​ഭ്യ​മാ​ക്കു​മെ​ന്ന് യോ​ഗ​ത്തി​ല്‍ മേ​യ​ര്‍ ഉ​റ​പ്പു​ന​ല്‍​കി.

അ​റ്റ്‌​ലാ​ന്‍റിസ് റെ​യി​ല്‍​വേ മേ​ല്‍​പ്പാ​ലം നി​ര്‍​മാ​ണ ന​ട​പ​ടി​ക​ളു​ടെ പു​രോ​ഗ​തി​യും യോ​ഗം വി​ല​യി​രു​ത്തി. സ്ഥ​ലം ഏ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ട് പ​രാ​തി​ക​ള്‍ ഉ​ന്ന​യി​ച്ച എ​ട്ടോ​ളം കു​ടും​ബ​ങ്ങ​ളു​ടെ പു​ന​ര​ധി​വാ​സ പ്ര​ശ്‌​ന​ങ്ങ​ള്‍ ച​ര്‍​ച്ച ചെ​യ്തു പ​രി​ഹ​രി​ക്കാ​ന്‍ മേ​യ​റെ ചു​മ​ത​ല​പ്പെ​ടു​ത്തി.