വ​ട​ക്ക​ഞ്ചേ​രി: നാ​ടി​ന്‍റെ​ത​ന്നെ നാ​മ​ക​ര​ണ​ത്തി​ന് നി​ദാ​ന​മാ​യ പാ​റ​പ്പു​റ​ങ്ങ​ൾ ത​ക​ർ​ത്ത് നാ​ടി​നെ വി​ക​ല​മാ​ക്കാ​നു​ള്ള ക്വാ​റി മാ​ഫി​യ​യു​ടെ മൂ​ന്നാ​മ​ത്തെ നീ​ക്ക​വും പാ​ളി. വ്യാ​ജ പ​രാ​തി​ക​ൾ ന​ൽ​കി സ​മ​ര​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന​വ​രെ കേ​സു​ക​ളി​ൽ കു​ടു​ക്കി സ​മ​രം പൊ​ളി​ക്കാ​നു​ള്ള മാ​ഫി​യ സം​ഘ​ത്തി​ന്‍റെ ത​ന്ത്ര​മാ​ണ് വീ​ണ്ടും പാ​ളി​പ്പോ​യ​ത്.

പാ​റ​ക്കൂ​ട്ട​ങ്ങ​ൾ നി​റ​ഞ്ഞ പൊ​ത്ത​പ്പാ​റ, ച​ക്കു​ണ്ട് പ്ര​ദേ​ശ​ത്ത് ക​രി​ങ്ക​ൽ ക്വാ​റി ആ​രം​ഭി​ക്കാ​നു​ള്ള നീ​ക്ക​മാ​ണ് നാ​ട്ടു​കാ​ർ സം​ഘ​ടി​ച്ച് പ​രാ​ജ​യ​പ്പെ​ടു​ത്തി​യ​ത്.

പ​രാ​തി​ക​ളു​ടെ അ​ടി​സ്ഥാ​ന​ത്തി​ലാ​യി​രു​ന്നു സ​മ​ര​ത്തി​ന് നേ​തൃ​ത്വം ന​ൽ​കി​യ​വ​രെ പോ​ലീ​സ് ഇ​ന്ന​ലെ സ്റ്റേ​ഷ​നി​ലേ​ക്ക് വി​ളി​പ്പി​ച്ച​ത്. മൂ​ന്നു​പേ​ർ​ക്കെ​തി​രെ​യാ​യി​രു​ന്നു പ​രാ​തി.

എ​ന്നാ​ൽ മൂ​ന്നു​പേ​രെ വി​ളി​പ്പി​ച്ച​പ്പോ​ൾ പ്ര​ദേ​ശ​ത്തെ സ്ത്രീ​ക​ൾ ഉ​ൾ​പ്പെ​ടെ മു​ഴു​വ​ൻ​പേ​രും സ്റ്റേ​ഷ​നി​ലെ​ത്തു​ക​യാ​യി​രു​ന്നു. കേ​സെ​ടു​ക്കു​ന്നു​ണ്ടെ​ങ്കി​ൽ പ്ര​ദേ​ശ​ത്തെ മു​ഴു​വ​ൻ പേ​ർ​ക്കെ​തി​രേ​യും കേ​സെ​ടു​ക്ക​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു നാ​ട്ടു​കാ​ർ സ്റ്റേ​ഷ​നി​ൽ ത​ടി​ച്ചു​കൂ​ടി​യ​ത്.

പ​ഞ്ചാ​യ​ത്ത് അം​ഗ​ങ്ങ​ളാ​യ എ.​ടി. വ​ർ​ഗീ​സ്കു​ട്ടി, അ​മ്പി​ളി മോ​ഹ​ൻ​ദാ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് നാ​ട്ടു​കാ​ർ എ​ത്തി​യ​ത്. ജ​ന​ങ്ങ​ളു​ടെ പ്ര​തി​ഷേ​ധം ക​ണ്ട് സി​ഐ കെ.​പി. ബെ​ന്നി വി​ഷ​യ​ത്തി​ൽ ഇ​ട​പ്പെ​ട്ടു.

പ​രാ​തി​യി​ൽ കേ​സെ​ടു​ക്കാ​നാ​വി​ല്ലെ​ന്നു പ​റ​ഞ്ഞ് പോ​ലീ​സും കൈ​യൊ​ഴി​ഞ്ഞ​തോ​ടെ ജ​ന​വാ​സ മേ​ഖ​ല​യി​ൽ ക​രി​ങ്ക​ൽ ക്വാ​റി തു​ട​ങ്ങാ​നു​ള്ള മാ​ഫി​യ സം​ഘ​ങ്ങ​ളു​ടെ നീ​ക്ക​ങ്ങ​ളെ​ല്ലാം പാ​ളി​പോ​കു​ന്ന സ്ഥി​തി​യു​ണ്ടാ​യെ​ന്ന് നാ​ട്ടു​കാ​ർ പ​റ​ഞ്ഞു.

ക​ഴി​ഞ്ഞ ദി​വ​സം പ്ര​ദേ​ശ​ത്ത് കു​ന്നി​ടി​ക്കു​ന്ന​ത് വി​ല്ലേ​ജ് അ​ധി​കൃ​ത​ർ സ്ഥ​ല​ത്തെ​ത്തി സ്റ്റോ​പ്പ് മെ​മ്മോ ന​ൽ​കി ത​ട​ഞ്ഞി​രു​ന്നു. ജെ​സി​ബി റോ​ഡി​നു കു​റു​കെ നി​ർ​ത്തി ഗ​താ​ഗ​ത ത​ട​സം സൃ​ഷ്ടി​ച്ചാ​യി​രു​ന്നു പ്ര​വൃ​ത്തി​ക​ൾ. ഇ​തേ​തു​ട​ർ​ന്ന് പ​ഞ്ചാ​യ​ത്ത് മെം​ബ​ർ എ.​ടി. വ​ർ​ഗീ​സ് കു​ട്ടി​യു​ടെ നേ​തൃ​ത്വ​ത്തി​ൽ നാ​ട്ടു​കാ​ർ സം​ഘ​ടി​ച്ച് ശ​ക്ത​മാ​യ എ​തി​ർ​പ്പ് പ്ര​ക​ടി​പ്പി​ച്ചു.

ക​ഴി​ഞ്ഞ ചൊ​വ്വാ​ഴ്ച​യും ജെ​സി​ബി​യു​ടെ സ​ഹാ​യ​ത്തോ​ടെ ക്വാ​റി​ക്കാ​യി വ​ഴി​യൊ​രു​ക്കാ​നു​ള്ള ശ്ര​മം ന​ട​ന്ന​ത് നാ​ട്ടു​കാ​ർ ത​ട​ഞ്ഞി​രു​ന്നു. തൊ​ട്ട​ടു​ത്ത് വീ​ടു​ക​ളും കൃ​ഷി​യി​ട​ങ്ങ​ളും ഗ്രാ​മ​റോ​ഡു​ക​ളു​മു​ള്ള സ്ഥ​ല​ത്താ​ണ് ക​രി​ങ്ക​ൽ ക്വാ​റി തു​ട​ങ്ങാ​ൻ നീ​ക്കം ന​ട​ക്കു​ന്ന​തെ​ന്ന് നാ​ട്ടു​കാ​ർ പ​റ​ഞ്ഞു.

നി​ല​വി​ലു​ള്ള ക്വാ​റി​ക​ൾ മൂ​ലം ഗ്രാ​മ​റോ​ഡു​ക​ളെ​ല്ലാം ത​ക​ർ​ന്ന നി​ല​യി​ലാ​ണ്. ക​ല്ലു​ക​ട​ത്തു ലോ​റി​ക​ളു​ടെ പാ​ച്ചി​ൽ മൂ​ലം ചെ​റു​വാ​ഹ​ന​യാ​ത്ര പേ​ടി​പ്പെ​ടു​ത്തും വി​ധ​മാ​യി. മ​ഴ മാ​റി​യാ​ൽ പൊ​ടി മൂ​ടി പ്ര​ദേ​ശം ത​ന്നെ കാ​ണാ​ൻ ക​ഴി​യാ​ത്ത സ്ഥി​തി​യാ​ണെ​ന്ന് പ്ര​ദേ​ത്തെ താ​മ​സ​ക്കാ​ർ പ​റ​യു​ന്നു. ഇ​നി​യും പു​തി​യൊ​രു ക്വാ​റി​യു​ടെ പ്ര​വ​ർ​ത്ത​ന ദു​രി​തം കൂ​ടി താ​ങ്ങാ​ൻ ത​ങ്ങ​ൾ​ക്ക് ക​ഴി​യി​ല്ലെ​ന്ന ഉ​റ​ച്ച നി​ല​പാ​ടി​ലാ​ണ് നാ​ട്ടു​കാ​ർ.