ഒ​റ്റ​പ്പാ​ലം: ന​ഗ​ര​സ​ഭ​യി​ൽ നി​ല​വി​ലു​ള്ള പ്ര​തി​സ​ന്ധി പ​രി​ഹ​രി​ക്ക​ണ​മെ​ന്നാ​വ​ശ്യം. എ​ൻ​ജി​നി​യ​റിം​ഗ് ത​സ്തി​ക​യി​ൽ ആ​ളി​ല്ലാ​ത്ത​തു​മൂ​ല​മു​ള്ള പ്ര​ശ്ന​ങ്ങ​ളാ​ണ് പ്ര​തി​സ​ന്ധി​ക്ക് കാ​ര​ണം.

ഇ​ത് വി​ക​സ​ന പ്ര​വ​ർ​ത്ത​ന​ങ്ങ​ളെ ബാ​ധി​ക്കു​ന്ന​താ​യാ​ണ് വി​മ​ർ​ശ​നം. മു​മ്പു​ണ്ടാ​യി​രു​ന്ന എ​ൻ​ജി​നീ​യ​ർ വി​ര​മി​ച്ച​തി​നു​ശേ​ഷം പു​തി​യ​യാ​ൾ ചു​മ​ത​ല​യേ​ൽ​ക്കാ​ത്ത​താ​ണ് ന​ഗ​ര​സ​ഭ​യി​ലെ പ​ദ്ധ​തി​ക​ളെ ബാ​ധി​ക്കു​ന്ന​ത്. വി​വി​ധ പ​ദ്ധ​തി പ്ര​വ​ർ​ത്ത​ന​ങ്ങ​ളെ ഇ​ത് ദോ​ഷ​മാ​യി ബാ​ധി​ക്കു​ന്നു​ണ്ട്.
ര​ണ്ടു​മാ​സ​ത്തി​ലേ​റെ​യാ​യി എ​ൻ​ജി​നീ​യ​റി​ല്ലാ​ത്ത സ്ഥി​തി​യാ​ണ്. ക​ഴി​ഞ്ഞ മേ​യ് 31-നാ​ണ് എ​ൻ​ജി​നീ​യ​റാ​യി​രു​ന്ന ജ​യ​പ്ര​കാ​ശ് വി​ര​മി​ച്ച​ത്. ഇ​തി​നു​ശേ​ഷം ത​ദ്ദേ​ശ​വ​കു​പ്പ് പു​തി​യ എ​ൻ​ജി​നീ​യ​റെ നി​യ​മി​ച്ചു​കൊ​ണ്ട് ഉ​ത്ത​ര​വി​റ​ക്കി.

പ​ട്ടാ​മ്പി ന​ഗ​ര​സ​ഭ​യി​ലെ എ​ൻ​ജി​നീ​യ​ർ​ക്കാ​ണ് ഒ​റ്റ​പ്പാ​ല​ത്തേ​ക്കു സ്ഥ​ലം​മാ​റ്റം ന​ൽ​കി​യ​തെ​ന്നാ​ണ് ന​ഗ​ര​സ​ഭാ​ധി​കൃ​ത​ർ പ​റ​യു​ന്ന​ത്. എ​ന്നാ​ൽ, ഇ​തു​വ​രെ ചു​മ​ത​ല​യേ​റ്റി​ട്ടി​ല്ല. പ​ട്ടാ​മ്പി​യി​ൽ എ​ൻ​ജി​നീ​യ​ർ ത​സ്തി​ക​യി​ൽ ആ​ളെ​ത്താ​ത്ത​താ​ണ് പ്ര​തി​സ​ന്ധി​യെ​ന്നാ​ണു സൂ​ച​ന. താ​ത്കാ​ലി​ക ചു​മ​ത​ല​യു​ണ്ടാ​യി​രു​ന്ന അ​ന​ങ്ങ​ന​ടി പ​ഞ്ചാ​യ​ത്തി​ലെ എ​ൻ​ജി​നീ​യ​ർ കൃ​ത്യ​മാ​യി ന​ഗ​ര​സ​ഭ​യി​ലെ​ത്തു​ന്നി​ല്ലെ​ന്നു കൗ​ൺ​സി​ല​ർ​മാ​ർ ആ​രോ​പി​ക്കു​ന്നു​മു​ണ്ട്.

റോ​ഡ് നി​ർ​മാ​ണ​വും കെ​ട്ടി​ട​നി​ർ​മാ​ണ​വും ഉ​ൾ​പ്പെ​ടെ ആ​റു പ​ദ്ധ​തി​ക​ളാ​ണ് മു​ട​ങ്ങി​ക്കി​ട​ക്കു​ന്ന​ത്. പ​ണി ക​ഴി​ഞ്ഞ പ​ല പ​ദ്ധ​തി​ക​ളു​ടെ​യും ബി​ല്ലു​ക​ൾ ക​രാ​റു​കാ​ർ സ​മ​ർ​പ്പി​ച്ചെ​ങ്കി​ലും ഇ​പ്പോ​ഴും ഫ​ണ്ട് അ​നു​വ​ദി​ച്ചി​ട്ടി​ല്ല. പ​ല വാ​ർ​ഡു​ക​ളി​ലേ​ക്കും റോ​ഡ് ന​വീ​ക​ര​ണ​ത്തി​ന്‍റെ പ​ദ്ധ​തി​രേ​ഖ ത​യ്യാ​റാ​ക്ക​ലും പാ​തി​വ​ഴി​യി​ലാ​ണ്. പ​ദ്ധ​തി​രേ​ഖ സ​മ​ർ​പ്പി​ച്ച് അം​ഗീ​കാ​രം കി​ട്ടി ക​രാ​ർ​ന​ട​പ​ടി തു​ട​ങ്ങേ​ണ്ട പ​ദ്ധ​തി​ക​ൾ​ക്കാ​ണ് ഈ ​കാ​ല​താ​മ​സം. ഇ​തു വേ​ഗ​ത്തി​ൽ പൂ​ർ​ത്തി​യാ​ക്കാ​ത്തപ​ക്ഷം​ തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ചാ​ൽ പി​ന്നീ​ട് പെ​രു​മാ​റ്റ​ച്ച​ട്ടം ബാ​ധി​ക്കു​മെ​ന്ന ആ​ശ​ങ്ക​യും കൗ​ൺ​സി​ല​ർ​മാ​ർ​ക്കു​ണ്ട്.
നേ​ര​ത്തേ പു​തി​യ എ​ൻ​ജി​നീ​യ​ർ വ​രും​വ​രെ വി​ര​മി​ച്ച എ​ൻ​ജി​നീ​യ​റെ താ​ത്കാ​ലി​ക ചു​മ​ത​ല​യേ​ൽ​പ്പി​ക്കാ​ൻ ശ്ര​മം ന​ട​ത്തി​യി​രു​ന്നെ​ങ്കി​ലും ന​ട​പ്പി​ലാ​യി​ല്ല.

എ​ൻ​ജി​നീ​യ​ർ ഉ​ട​ൻ ചു​മ​ത​ല​യേ​ൽ​ക്കു​മെ​ന്നും അ​തി​നാ​യി ന​ട​പ​ടി​ക​ൾ തു​ട​ങ്ങി​യെ​ന്നു​മാ​ണ് ന​ഗ​ര​സ​ഭാ​ധി​കൃ​ത​ർ പ​റ​യു​ന്ന​ത്. അ​ടി​യ​ന്ത​ര​മാ​യി പ്ര​ശ്ന​ത്തി​ന് പ​രി​ഹാ​രം കാ​ണ​ണ​മെ​ന്ന ആ​വ​ശ്യം ജ​ന​ങ്ങ​ളി​ൽ നി​ന്ന് ശ​ക്ത​മാ​ണ്.