റാ​ന്നി: നാ​റാ​ണം​മൂ​ഴി സ​ഹ​ക​ര​ണ​ബാ​ങ്ക് സെ​ക്ര​ട്ട​റി​യെ പി​രി​ച്ചു​വി​ട്ട ബാ​ങ്ക് ഭ​ര​ണ​സ​മി​തി​യു​ടെ തീ​രു​മാ​നം പ​ത്ത​നം​തി​ട്ട സ​ഹ​ക​ര​ണ ജോ​യി​ന്‍റ് ര​ജി​സ്ട്രാ​ർ റ​ദ്ദു ചെ​യ്തു.ഉ​ത്ത​ര​വു​മാ​യി ജോ​ലി​യി​ൽ പ്ര​വേ​ശി​ക്കാ​ൻ വ​ന്ന ഒ.​കെ. പു​ഷ്പ​ല​ത​യെ ബാ​ങ്ക് പ്ര​സി​ഡ​ന്‍റ് ത​ട​ഞ്ഞ​തോ​ടെ ബാ​ങ്കി​നു​ള്ളി​ൽ അ​വ​ർ കു​ത്തി​യി​രി​പ്പ് സ​ത്യ​ഗ്ര​ഹം ന​ട​ത്തി.

ഉ​ത്ത​ര​വു ന​ട​പ്പി​ലാ​ക്കാ​തി​രി​ക്കാ​ൻ കാ​ര​ണം കാ​ണി​ച്ച് രേ​ഖാ​മൂ​ലം മ​റു​പ​ടി വേ​ണ​മെ​ന്നാ​യി​രു​ന്നു പു​ഷ്പ​ല​ത​യു​ടെ ആ​വ​ശ്യം. ബാ​ങ്കി​ൽ നി​ക്ഷേ​പ​മു​ള്ള​ത് തി​രി​കെ ല​ഭി​ക്കാ​ത്ത നി​ക്ഷേ​പ​ക​രും സ്ഥ​ല​ത്തെ​ത്തി​യ​തോ​ടെ രം​ഗം വ​ഷ​ളാ​കു​മെ​ന്ന് തോ​ന്നി​യ പ്ര​സി​ഡ​ന്‍റ് പെ​രു​നാ​ട് പോ​ലീ​സി​നെ വി​ളി​ച്ചു വ​രു​ത്തി.

ഉ​ത്ത​ര​വു ന​ട​പ്പി​ലാ​ക്കാ​ൻ സാ​ധ്യ​മ​ല്ലെ​ങ്കി​ൽ രേ​ഖാ​മൂ​ലം എ​ഴു​തി​ത്ത​ര​ണ​മെ​ന്ന നി​ല​പാ​ടി​ൽ ല​ത ഉ​റ​ച്ചു​നി​ന്നു. സി​പി​എം ഭ​രി​ക്കു​ന്ന ബാ​ങ്കാ​യ​തി​നാ​ൽ പാ​ർ​ട്ടി​ക്കാ​രും രം​ഗ​ത്തു​വ​ന്നു. എ​ത്ര​യും അ​ടു​ത്ത ദി​വ​സം ഭ​ര​ണ​സ​മി​തി കൂ​ടി തീ​രു​മാ​നം അ​റി​യി​ക്കാ​മെ​ന്ന് പെ​രു​നാ​ട് പോ​ലീസ് സ​ബ് ഇ​ൻ​സ്പെ​ക്ട​റു​ടെ സാ​ന്നി​ധ്യ​ത്തി​ൽ പ്ര​സി​ഡ​ന്‍റ് എ​ഴു​തി​ക്കൊ​ടു​ത്തു.