ADVERTISEMENT

ADVERTISEMENT

സ്‌കൂൾ കെട്ടിടം ഉദ്ഘാടനം ചെയ്തു

മങ്കൊമ്പ്: കൈനടി എ.ജെ. ജോൺ മെമ്മോറിയൽ ഹയർ സെക്കൻഡറി സ്‌കൂളിൽ പുതുതായി നിർമിച്ച ശതാബ്ദി സ്്മാരക കെട്ടിടത്തിന്‍റെ ആശീർവാദവും ഉദ്ഘാടനകർമവും ചങ്ങനാശേരി ആർച്ച്ബിഷപ് മാർ തോമസ് തറയിൽ നിർവഹിച്ചു. കോർപറേറ്റ് മാനേജർ ഫാ. ആന്‍റണി മൂലയിൽ അധ്യക്ഷത വഹിച്ചു.

നവീകരിച്ച സ്‌കൂൾ ഗ്രൗണ്ടിന്‍റെ ഉദ്ഘാടനം കൊടിക്കുന്നിൽ സുരേഷ് എംപി, നവീകരിച്ച ലാബിന്‍റെ ഉദ്ഘാടനം തോമസ് കെ. തോമസ് എംഎൽഎ, ചുറ്റുമതിലിന്‍റെ നിർമാണോദ്ഘാടനം ജോബ് മൈക്കിൾ എംഎൽഎ എന്നിവർ നിർവഹിച്ചു. സ്‌കൂൾ മാനേജർ ഫാ. തോമസ്് കമ്പിയിൽ, പഞ്ചായത്ത് പ്രസിഡന്‍റ് ടി.കെ. തങ്കച്ചൻ, ശിവദാസ് ആതിര, ജോസുകുട്ടി തൊടുകയിൽ, പ്രിൻസിപ്പൽ സിൽജോ സി. കണ്ടത്തിൽ, ടിറ്റോ ഏബ്രഹാം, ജോജോ ആന്‍റണി, പി.ജെ. ബിജുമോൻ, ഹെഡ്മിസ്ട്രസ് ഷേർളി തോമസ്, പിടിഎ പ്രസിഡന്‍റ് റെജി തോമസ് തുടങ്ങിയവർ പ്രസംഗിച്ചു.

ADVERTISEMENT

സ്വീകരണങ്ങൾ ഏറ്റുവാങ്ങി തലവടി ചുണ്ടൻ നീരണഞ്ഞു

എടത്വ: ഓളപ്പരപ്പിലെ പോരാട്ടത്തിനൊരുങ്ങി തലവടി ചുണ്ടൻ നീരണിഞ്ഞു. നൂറുകണക്കിന് ജലോത്സവ പ്രേമികളെ ആവേശത്തിലാക്കി ഇന്നലെ രാവിലെ 9.16ന് വള്ളത്തിന്‍റെ ശില്പി കോയിൽമുക്ക് സാബു നാരായണൻ ആചാരിയുടെ നേതൃത്വത്തിൽ നീരണിയിക്കൽ ചടങ്ങ് നടന്നു. രാവിലെ 5.30ന് മരങ്ങാട്ട് ഇല്ലം ശംഭു നമ്പൂതിരിയുടെ കാർമികത്വത്തിൽ അഷ്ടദ്രവ്യ മഹാഗണപതി ഹോമത്തോടെ ചടങ്ങുകൾ ആരംഭിച്ചു. തുടർന്ന് തലവടി സെന്‍റ് ജോണ്‍സ് പള്ളി വികാരി ഫാ. റജി ചാക്കോ തോമസ് വള്ളം ആശീർവദിച്ചു. നെഹ്‌റുട്രോഫി, സിബിഎൽ ഉൾപ്പെടെയുള്ള മത്സര വളംകളിൽ ഇനി തലവടി ചുണ്ടൻ കാണികളുടെ ആവേശമായി മാറും. യുബിസി കൈനകരിയുടെ കൈകാര്യത്തിലാണ് തലവടി ചുണ്ടൻ ജലമാമാങ്കത്തിന് ഇറങ്ങുന്നത്. തലവടി ചുണ്ടൻ കഴിഞ്ഞതവണ നടന്ന സിബിഎൽ മത്സരങ്ങളിൽ യോഗ്യത നേടിയിരുന്നു. നീരണിയിക്കൽ ചടങ്ങിന് മുന്നോടിയായി നടന്ന പൊതുസമ്മേളനം തലവടി പഞ്ചായത്ത് പ്രസിഡന്‍റ് ഗായത്രി ബി. നായർ ഉദ്ഘാടനം ചെയ്തു. തലവടി ടൗൺ ബോട്ട് ക്ലബ് പ്രസിഡന്‍റ് റിക്സൺ എടത്തിൽ അധ്യക്ഷത വഹിച്ചു. പഞ്ചായത്തംഗം പ്രിയ അരുൺ, രക്ഷാധികാരി ഷിനു എസ്. പിള്ള, സെക്രട്ടറി കെ.ആർ. ഗോപകുമാർ, ട്രഷറർ പ്രിൻസ് പാലത്തിങ്കൽ, വൈസ് പ്രസിഡന്‍റ് അജിത്ത് പിഷാരത്ത്, ജോ. സെക്രട്ടറി ഡോ. ജോൺസൺ വി. ഇടിക്കുള, കൺവീനർമാരായ പി.ഡി. രമേശ് കുമാർ, ജോജി ജെ. വയലപ്പള്ളി, അരുൺ പുന്നശേരിൽ, ജോമോൻ ചക്കാലയിൽ, ജെറി മാമ്മുട്ടിൽ, ബിജു പറമ്പുങ്കൽ, സുനിൽ വെട്ടിക്കൊമ്പിൽ, ഷിനു ദാമോദരന്‍, ആർ. അനിൽകുമാർ, ടിനു തോമസ് എന്നിവര്‍ പ്രസംഗിച്ചു. തലവടി ഗണപതി ക്ഷേത്രം, തിരുപനയനൂർകാവ് ക്ഷേത്രം, ആനപ്രമ്പാൽ ക്ഷേത്രം, വ്യാസപുരം ക്ഷേത്രം, പമ്പ ബോട്ട് റേസ് ഫിനിഷിങ്ങ് പോയിന്‍റ്, പമ്പ ബോട്ട് റേസ് ക്ലബ്ബിന്‍റെ നേതൃത്വത്തില്‍ നീരേറ്റുപുറത്ത് പമ്പ ബോട്ട് റേസ് വാട്ടർ സ്റ്റേഡിയം, നാരകക്കറമുട്ട് എന്നിവിടങ്ങളില്‍ വള്ളത്തിന് സ്വീകരണം നൽകി. എടത്വ സെന്‍റ് ജോർജ് ഫൊറോന പള്ളി, തലവടി സെന്‍റ് തോമസ് ഓർത്തഡോക്സ് പള്ളി, ചക്കുളത്തുകാവ് ക്ഷേത്രം എന്നിവിടങ്ങളില്‍ ചുണ്ടൻ വള്ളത്തിന്‍റെ കൂമ്പ് എത്തിച്ച് പ്രാർഥന നടത്തിയിരുന്നു.

തലവടിയിൽ പുറത്താക്കലും അകത്താക്കലുമായി സിപിഎം

എടത്വ: തലവടി പഞ്ചായത്തില്‍ പുറത്താക്കലും അകത്താക്കലുമായി സിപിഎം പ്രാദേശിക നേതൃത്വം. പഞ്ചായത്ത് സ്റ്റാന്‍ഡിംംഗ് കമ്മിറ്റി ചെയര്‍പേഴ്‌സണായ ലോക്കല്‍ കമ്മിറ്റി അംഗത്തെ പുറത്താക്കി. കേരള കോണ്‍ഗ്രസ്-ജേക്കബ് പ്രാദേശിക നേതാവിനെ പാര്‍ട്ടി അംഗത്വം നല്‍കി സ്വീകരിച്ചു. കഴിഞ്ഞ തദ്ദേശ സ്വയംഭരണ തെരഞ്ഞെടുപ്പ് മുതല്‍ തലവടി പഞ്ചായത്തിലെ സിപിഎം പ്രാദേശിക രാഷ്ട്രീയം കലുഷിതമാണ്. കഴിഞ്ഞ തെരഞ്ഞെടുപ്പില്‍ സംവരണ സീറ്റില്‍ മത്സരിച്ച് വിജയിച്ച കൊച്ചുമോള്‍ ഉത്തമന് അവസാന ടേമില്‍ പ്രസിഡന്‍റ് സ്ഥാനം ലഭിക്കുമെന്ന് പ്രതീക്ഷിച്ചിരുന്നു. എന്നാല്‍, പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ സ്ഥാനം നല്‍കി കൊച്ചുമോള്‍ ഉത്തമനെ പാര്‍ട്ടി അനുനയിപ്പിച്ചിരുന്നു. സിപിഎം-സിപിഐ പോര് മുറുകിയതോടെ നിലവിലെ പഞ്ചായത്ത് പ്രസിഡന്‍റിനും വൈസ് പ്രസിഡന്‍റിനുമെതിരേ സിപിഐ കോണ്‍ഗ്രസിന്‍റെ പിന്തു ണയോടെ അവിശ്വാസം കൊണ്ടുവന്നിരുന്നു. അവിശ്വാസ പ്രമേയത്തില്‍ രഹസ്യ പിന്തുണ നല്‍കിയെന്നാരോപിച്ചാണ് പഞ്ചായത്ത് സ്റ്റാന്‍ഡിംഗ്് കമ്മിറ്റി ചെയര്‍പേഴ്‌സണായ കൊച്ചുമോള്‍ ഉത്തമനെ പുറത്താക്കിയത്. കൊച്ചുമോള്‍ ഉത്തമനേയും മറ്റൊരു പ്രാദേശിക സിപിഎം പ്രവര്‍ത്തകന്‍ കെ.പി. വിശ്വരാജിനേയും പുറത്താക്കിയതായി സിപിഎം നേതൃത്വം പോസ്റ്റര്‍ ഇറക്കിയിട്ടുണ്ട്. പട്ടികജാതി സമുദായത്തില്‍നിന്നുള്ള കൊച്ചുമോള്‍ ഉത്തമന്‍ നിലവില്‍ അ ങ്കണവാടി അധ്യാപിക കൂടിയാണ്. കഴിഞ്ഞദിവസം തലവടി പഞ്ചായത്തിലെ കേരള കോണ്‍ഗ്രസ് (ജേക്കബ്) പ്രദേശിക വനിത നേതാവ് സിപിഎമ്മില്‍ ചേര്‍ന്നിരുന്നു. വനിത നേതാവിനെ പാര്‍ട്ടി അംഗത്വം നല്‍കി സ്വീകരിച്ചതിനു പിന്നില്‍ ഇടതു സ്വതന്ത്രയായ പഞ്ചായത്തംഗത്തെ പുറത്താക്കാനുള്ള നീക്കമെന്ന് സൂചനയുണ്ട്. ഇടതു സ്വതന്ത്ര അവിശ്വാസ പ്രമേയത്തിന് രഹസ്യ പിന്‍തുണ നല്‍കിയെന്നാണ് സിപിഎമ്മിന്‍റെ ആരോപണം. ഇക്കുറി ഈ വര്‍ഡില്‍നിന്ന് സിപിമ്മില്‍ ചേര്‍ന്ന വനിത നേതാവിനെ മത്സരിപ്പിക്കാനാണ് രഹസ്യനീക്കം നടക്കുന്നത്. തദ്ദേശ തെരഞ്ഞെടുപ്പ് അടുത്തതോടെ സിപിഎം നേതൃത്വം പഞ്ചായത്ത് ഭരണം രണ്ടാംവട്ടവും കൈപ്പിടിയില്‍ ആക്കാനുള്ള ശ്രമമാണ് നടത്തുന്നത്. വിഘടിച്ച് നില്‍ക്കുന്ന സിപിഐ പ്രാദേശിക ഘടകത്തെ ഒപ്പം കൂട്ടാന്‍ ജില്ലാ നേതൃത്വത്തിന്‍റെ സഹായവും തേടുന്നുണ്ട്. സിപിഎം പുറത്താക്കിയ അംഗങ്ങളെ അനുനയിപ്പിച്ച് കൂടെ കൂട്ടാന്‍ യുഡിഎഫും എന്‍ഡിഎയും തിരക്കിട്ട ചര്‍ച്ചകളും ആരംഭിച്ചിട്ടുണ്ട്.

കെപി റോഡ് നാഥനില്ലാക്കളരി

ചാരുംമൂട്: ഗതാഗത തിരക്കേറിയ കെപി റോഡിലെ സ്‌കൂളുകളുടെ മുന്നില്‍ രാവിലെയും വൈകുന്നേരവും ഉണ്ടാകുന്ന തിരക്ക് നിയന്ത്രിക്കാന്‍ പോലീസ് സേവനം ഉറപ്പാക്കണമെന്ന ആവശ്യം ശക്തമാവുന്നു. കുട്ടികളുടെ തിരക്കും നിയന്ത്രണമില്ലാതെ പായുന്ന വാഹനങ്ങളും വലിയ അപകട സാധ്യതയാണ് സൃഷ്ടിക്കുന്നത്. അപകടങ്ങള്‍ ഉണ്ടാകും മുമ്പേ അത് ഒഴിവാക്കാനുള്ള നടപടികള്‍ സ്വീകരിക്കണമെന്നാണ് ആവശ്യം. കെ പി റോഡില്‍ കറ്റാനത്തിനും ആദിക്കാട്ടുകുളങ്ങരയ്ക്കും ഇടയില്‍ മൂന്ന് ഹയര്‍ സെക്കന്‍ഡറി സ്‌കൂളുകളും അഞ്ച് എല്‍പി, യുപി സ്‌കൂളുകളും പ്രവര്‍ത്തിക്കുന്നുണ്ട്. ഓരോ ഹയര്‍ സെക്കന്‍ഡറി സ്‌കൂളിലും 2500ന് മുകളില്‍ വിദ്യാര്‍ഥികളാണുള്ളത്. രാവിലെയും വൈകുന്നേരവും ബസിലും സൈക്കിളിലും കാല്‍നടയായും യാത്ര ചെയ്യുന്ന വിദ്യാര്‍ഥികളെ കൊണ്ട് റോഡ് നിറയും. നൂറനാട് സിബിഎം ഹൈസ്‌കൂള്‍ കെപി റോഡിലെ ഏറ്റവും തിരക്കേറിയ വശത്താണ് സ്ഥിതി ചെയ്യുന്നത്. അമിത വേഗത്തിലാണ് വാഹനങ്ങള്‍ അടൂര്‍ ഭാഗത്തേ ക്കും കായംകുളം ഭാഗത്തേക്കും പായുന്നത്. റോഡ് മുറിച്ചുകടക്കാന്‍ ശ്രമിക്കുന്ന വിദ്യാര്‍ഥികള്‍ക്ക് ഓടി മാറാന്‍ പോലും കഴിയാത്ത അവസ്ഥയാണ്. ഒരു സിവില്‍ പൊലീസ് ഓഫിസറെ നിയമിച്ചാല്‍ വിദ്യാര്‍ഥികളുടെ സുരക്ഷ ഉറപ്പ് വരുത്താന്‍ കഴിയും. മുമ്പ് വല്ലപ്പോഴുമെങ്കിലും ഹോംഗാര്‍ഡിന്റെ സേവനം സ്‌കൂളുകള്‍ക്കു മുമ്പില്‍ ലഭ്യമാക്കിയിരുന്നു. ഇപ്പോള്‍ അതുമില്ല.അമിത വേഗത്തിലാണ് ബസു കളും സ്വകാര്യ വാഹനങ്ങളും കെപി റോഡിലൂടെ കടന്നു പോകുന്നത്. ടിപ്പറുകള്‍ക്ക് സമയം ക്രമീകരിച്ചിട്ടുണ്ടെങ്കിലും പല പ്പോഴും അതും പാലിക്കപ്പെടാറില്ല. നിരവധി അപകടങ്ങള്‍ കഴി ഞ്ഞ മൂന്ന് വര്‍ഷത്തിനുള്ളില്‍ ഈ സ്ഥലങ്ങളില്‍ ഉണ്ടായിട്ടുണ്ട്. എസ്പിസി വിദ്യാര്‍ഥികളും എന്‍സിസി കേഡറ്റ്‌സും വാഹന നിയന്ത്രണത്തിന് ഇറങ്ങിനിന്നാലും ബൈക്ക് യാത്രികര്‍ ഇവരെ മാനിക്കാറില്ല. രാവിലെ എട്ടര മുതല്‍ 10 വരെയും വൈകിട്ട് മൂന്നര മുതല്‍ അഞ്ച് വരെയും സ്‌കൂളിന് മുന്നില്‍ വാഹനങ്ങള്‍ നിയന്ത്രിക്കാനായി പൊലീസ് സേവനം ഏര്‍പ്പെടുത്തിയാല്‍ വലിയ ദുരന്തങ്ങള്‍ ഉണ്ടാകുന്നത് തടയാന്‍ കഴിയും.

ബിജെപിയുടെ തനിനിറം ജനം തിരിച്ചറിഞ്ഞു: ഫാ. സേവ്യര്‍ കുടിയാംശേരി

ആലപ്പുഴ: യൂത്ത് കോണ്‍ഗ്രസ് ആലപ്പുഴ ജില്ലാ കമ്മിറ്റിയുടെ നേതൃത്വത്തില്‍ ഛത്തീസ്ഗഡിലെ ദുര്‍ഗില്‍ റിമാന്‍ഡിലായി ജാമ്യം ലഭിച്ച കന്യാസ്ത്രീകള്‍ക്കു പിന്തുണ അറിയിച്ച് നടത്തിയ ക്യാന്‍ഡില്‍ ലൈറ്റ് മാര്‍ച്ച് ആലപ്പുഴ രൂപത പിആര്‍ഒ ഫാ. സേവ്യര്‍ കുടിയാംശേരി ഉദ്ഘാടനം ചെയ്തു. ഛത്തീസ്ഗഡിലെ സംഭവത്തോടുകൂടി രാജ്യത്തെ ജനങ്ങള്‍ ബിജെപിയുടെ യഥാര്‍ഥ മുഖം തിരിച്ചറിഞ്ഞെന്ന് കുടിയാംശേരി പറഞ്ഞു. ജില്ലാ പ്രസിഡന്‍റ് ഡോ. എം.പി. പ്രവീണ്‍ അധ്യക്ഷത വഹിച്ചു. സംസ്ഥാന ഭാരവാഹികളായ റഹീം വെറ്റക്കാരന്‍, ഷമീം ചീരാമത്, എ.ഡി. തോമസ്, എം. ശ്രീക്കുട്ടന്‍, മുബാറക്ക് പതിയങ്കര, ഷാഹുല്‍ പുതിയപറമ്പില്‍, വി.കെ. നാഥന്‍, ഷിജു താഹ, റിനു ഭൂട്ടോ, നായിഫ് നാസര്‍, ഷാജി ജമാല്‍, പ്രജീഷ, അജി കൊടിവീടന്‍, ഷാനി ബിന്‍ത്, ഷാനു ഭൂട്ടോ, മനു പൂനിയില്‍ തുടങ്ങിയവര്‍ പ്രസംഗിച്ചു.

എഫ്‌ഐആര്‍ റദ്ദാക്കണം: കുട്ടനാട് വൈഎംസിഎ

ആലപ്പുഴ: ഛത്തീസ്ഗഡില്‍ കന്യാസ്ത്രീകള്‍ക്കെതിരേ ഫയല്‍ ചെയ്ത എഫ്ഐആര്‍ ഉടന്‍ റദ്ദാക്കണമെന്ന് കുട്ടനാട് വൈഎംസിഎ ആവശ്യപ്പെട്ടു. ന്യൂനപക്ഷ വിഭാഗങ്ങളെ പിഡിപ്പിക്കാനും അപമാനിക്കാനും പതിവായി ദുരുപയോഗിക്കുന്ന മതപരിവര്‍ത്തന നിരോധനിയമവും റദ്ദ് ചെയ്യാന്‍ കേന്ദ്ര സര്‍ക്കാര്‍ തയാറാകണമെന്നും കുട്ടനാട് വൈഎംസിഎ ആവശ്യപ്പെട്ടു. വൈഎംസിഎ യോഗത്തില്‍ കുട്ടനാട് വൈഎംസിഎ പ്രസിഡന്‍റ് ടോമിച്ചന്‍ മേപ്പുറം അധ്യക്ഷത വഹിച്ചു. വൈഎംസിഎ സംസ്ഥാന വൈസ് ചെയര്‍മാന്‍ കുര്യന്‍ തുമ്പൂങ്കല്‍ ഉദ്്ഘാടനം ചെയ്യ്തു. കേരള റീജന്‍ സെക്രട്ടറി റെജി പി. വര്‍ഗീസ് മുഖ്യപ്രഭാഷണം നടത്തി. കുട്ടനാട് വൈഎംസിഎ ജനറല്‍ സെക്രട്ടറി ഔസേപ്പച്ചന്‍ ചെറുകാട്, നൈനാന്‍ തോമസ് മുളപ്പാംമഠം, കെ.ജെ. ജയിംസ് കൊച്ചുകുന്നേല്‍, ബാബു വടക്കേക്കളം, അലക്‌സാണ്ടര്‍ പുത്തന്‍പുര, സുനില്‍ കുര്യാളശേരി, ടോമിച്ചന്‍ ചേന്നാട്ടുശേരി,കെ.സി. ജോസഫ് കണിയാംപറമ്പില്‍ എന്നിവര്‍ പ്രസംഗിച്ചു.

യുവതി കുത്തേറ്റു മരിച്ചു; ഭർത്താവ് ഒളിവിൽ

പുല്ലാട്: വീട്ടുവഴക്കിനിടെ ഭാര്യ കുത്തേറ്റു മരിച്ചു; ഭർത്താവ് ഒളിവിൽ. യുവതിയുടെ അച്ഛനും ബന്ധുവിനും പരിക്ക്. പുല്ലാട് കാഞ്ഞിരപ്പാറ ആലുംതറ ആഞ്ഞാലിക്കല്‍ ശാരിമോളാണ് (ശ്യാമ - 35) കുത്തേറ്റു മരിച്ചത്. വീട്ടുവഴക്കിനിടെ മദ്യലഹരിയിലായിരുന്ന ഭർത്താവ് അജികുമാർ ശാരിമോളെ കുത്തിവീഴ്ത്തിയശേഷം ഓടി രക്ഷപ്പെടുകയായിരുന്നെന്ന് പോലീസ് പറഞ്ഞു. ഭാര്യയും ഭര്‍ത്താവും തമ്മിലുള്ള വഴക്ക് ഒഴിവാക്കാന്‍ ശ്രമിച്ച ശാരിമോളുടെ അച്ഛന്‍ ശശി, ശശിയുടെ സഹോദരി രാധാമണി എന്നിവർക്കും ഗുരുതരമായി പരിക്കേറ്റു. ശനിയാഴ്ച രാത്രി 9.30നാണ് സംഭവം. ഗുരുതരമായി പരിക്കേറ്റ ശാരിമോളെ കോട്ടയം മെഡിക്കൽ കോളജിലെത്തിച്ചെങ്കിലും ഇന്നലെ പുലർച്ചെ മരിച്ചു. ശശിയും രാധാമണിയും അപകടനില തരണം ചെയ്‌തെങ്കിലും ഇപ്പോഴും കോട്ടയം മെഡിക്കല്‍ കോളജ് ആശുപത്രിയിലെ തീവ്രപരിചരണ വിഭാഗത്തിലാണ്. രാധാമണി സംഭവം നടന്ന വീടിന്‍റെ എതിര്‍ഭാഗത്താണ് താമസിക്കുന്നത്. ശാരിമോളുടെ വീട്ടിലെ കരച്ചിലും മറ്റും കേട്ട് ഓടിയെത്തുകയായിരുന്നു ഇവര്‍. മരണപ്പെട്ട ശാരിമോള്‍ ബ്യൂട്ടിപാര്‍ലര്‍ ജീവനക്കാരിയാണ്. മക്കൾ: ആവണി, വേണി, ശ്രാവണി. വെല്‍ഡറായി ജോലി ചെയ്യുന്ന അജി (38) കവിയൂർ സ്വദേശിയാണ്. ലഹരിക്കടിമയായ ഇയാളുമായി ബന്ധപ്പെട്ട് കോയിപ്രം പോലീസ് സ്റ്റേഷനിൽ നിരവധി കേസുകളുണ്ടെന്ന് പോലീസ് പറഞ്ഞു. സംഭവത്തെത്തുടര്‍ന്ന് നാട്ടുകാരും പോലീസും തെരച്ചില്‍ നടത്തിയെങ്കിലും അജിയെ പിടികൂടാന്‍ കഴിഞ്ഞില്ല. മൊബൈല്‍ ഫോണ്‍ ഉപേക്ഷിച്ചാണ് പ്രതി ഓടി രക്ഷപ്പെട്ടതെന്ന് പോലീസ് പറഞ്ഞു. ജില്ലാ പോലീസ് മേധാവി ആര്‍. ആനന്ദ് സംഭവസ്ഥലത്തെത്തി. ശാസ്ത്രീയ അന്വേഷണ സംഘവും വിരലടയാള വിദഗ്ധരും സ്ഥലത്തെത്തി തെളിവുകളെടുത്തു. ഭര്‍ത്താവ് അജികുമാറില്‍ നിന്നും ശാരിമോള്‍ക്ക് മര്‍ദനമേല്‍ക്കുന്നത് പതിവായിരുന്നെന്ന് നാട്ടുകാര്‍ പറഞ്ഞു. പ്രൈമറി, എൽകെജി ക്ലാസുകളിൽ പഠിക്കുന്ന മൂന്ന് പെൺകുട്ടികളാണ് ഇവർക്കുള്ളത്.

എന്‍എസ്എസ് താലൂക്ക് യൂണിയന് 4.5 കോടിയുടെ ബജറ്റ്

ചേര്‍ത്തല: ജീവകാരുണ്യനിധിക്ക് മുന്‍തൂക്കം നല്‍കിക്കൊണ്ടുള്ള ചേര്‍ത്തല താലൂക്ക് എന്‍എസ്എസ് യൂണിയന്‍റെ 4.5 കോടിയുടെ ബജറ്റിന് അംഗീകാരം. യൂണിയന്‍റെ 89-ാമത് വാര്‍ഷിക പൊതുയോഗത്തില്‍ യൂണിയന്‍ സെക്രട്ടറി എസ്. ജയകൃഷ്ണന്‍ അവതരിപ്പിപ്പ ബജറ്റില്‍ ഭവനനിര്‍മാണം, ചികിത്സാധനസഹായം, വിവാഹധനസഹായം, സാന്ത്വനപദ്ധതി, വാര്‍ധക്യകാല പെന്‍ഷന്‍ പദ്ധതി, ഭവനപദ്ധതി എന്നിവയ്ക്കായി 33,18,000 രൂപയും വിദ്യാഭ്യാസ പ്രോത്സാഹനത്തിനായി ആറുലക്ഷം രൂപയും വകയിരുത്തിയിട്ടുണ്ട്. എന്‍എസ്എസ് ഡയറക്ടര്‍ ബോര്‍ഡംഗം പ്രഫ. ഇലഞ്ഞിയില്‍ രാധാകൃഷ്ണന്‍ അധ്യക്ഷത വഹിച്ചു. ജാതി സെന്‍സസ് ഭാരതത്തിന്‍റെ മതേതര സങ്കല്പങ്ങള്‍ക്ക് എതിരാണെന്നും സര്‍ക്കാരിന്‍റെ നടപടി പുനഃപരിശോധിക്കണമെന്നും യോഗം ആവശ്യപ്പെട്ടു. യൂണിയന്‍ വൈസ് പ്രസിഡന്‍റ് എസ്. മുരളീകൃഷ്ണന്‍ സ്വാഗതവും എന്‍എസ്എസ് ഇന്‍സ്‌പെക്ടര്‍ യു. ജയകൃഷ്ണന്‍ നന്ദിയും പറഞ്ഞു.

വി.എസിന്‍റെ സമരപോരാട്ടങ്ങൾ ചരിത്രമായി രേഖപ്പെടുത്തും: കെ.കെ. ശൈലജ

കായംകുളം: വിഎസിന്‍റെ സമരപോരാട്ടങ്ങൾ കേരളത്തിന്‍റെ ചരിത്രമായി രേഖപ്പെടുത്തുമെന്ന് സിപിഎം കേന്ദ്ര കമ്മിറ്റിയംഗം കെ.കെ. ശൈലജ എംഎൽഎ. കായംകുളത്ത് വി.എസ്. അച്യുതാനന്ദൻ അനുസ്മരണ യോഗം ഉദ്ഘാടനം ചെയ്യുകയായിരുന്നു കെ.കെ. ശൈലജ. തൊഴിലാളികളുടെ അവകാശങ്ങൾക്കായും നാടിന്‍റെ വികസനത്തിനായും വി.എസ് നടത്തിയ പോരാട്ടങ്ങൾ രാഷ്ട്രീയ വിദ്യാർഥികൾ പഠിക്കണം. ഏതൊരു വിഷയവും പഠിച്ച് അവതരിപ്പിക്കുകയെന്നത് വിഎസിന്‍റെ പ്രത്യേകതയാണെന്നും കെ.കെ. ശൈലജ പറഞ്ഞു. എസ്എൻഡിപി യൂണിയൻ ഹാളിൽ ചേര്‍ന്ന യോഗത്തിൽ ജില്ലാ കമ്മിറ്റിയംഗം പി. ഗാനകുമാർ അധ്യക്ഷനായി. ഏരിയ സെക്രട്ടറി ബി. അബിൻഷാ അനുശോചന പ്രമേയം അവതരിപ്പിച്ചു. സംസ്ഥാന കൺട്രോൾ കമ്മീഷൻ ചെയർമാൻ കെ.എച്ച്. ബാബുജാൻ, ജില്ലാ സെക്രട്ടറിയേറ്റംഗം ജി. ഹരിശങ്കർ, യു. പ്രതിഭ എംഎൽഎ, ഷെയ്ക് പി. ഹാരിസ്, എ. ഷാജഹാൻ എന്നിവർ പ്രസംഗിച്ചു.

കണ്ടെയ്നറിൽ ഉടക്കി വീണ്ടും മത്സ്യബന്ധന വല നശിച്ചു

അമ്പലപ്പുഴ: കണ്ടെയ്നറിൽ ഉടക്കി വീണ്ടും മത്സ്യബന്ധന വല നശിച്ചു. ലക്ഷങ്ങളുടെ നഷ്ടം. അമ്പലപ്പുഴ കോമന പുതുവൽ മധുവിന്‍റെ ഉടമസ്ഥതയിലുള്ള ഹരേകൃഷ്ണ എന്ന വീഞ്ച് വള്ളത്തിന്‍റെ വലയാണ് കണ്ടെയ്നറിൽ ഉടക്കി നശിച്ചത്. പുലർച്ചെ 5 ഓടെ തോട്ടപ്പള്ളി തുറമുഖത്തുനിന്ന്‌ 20 ഓളം തൊഴിലാളികളുമായാണ് മത്സ്യബന്ധനത്തിനു പോയത്. ഇവിടെനിന്ന് 20 നോട്ടിക്കൽ മൈൽ അകലെ പുറക്കാട് പുറം കടലിൽ മത്സ്യബന്ധനം നടത്തുന്നതിനിടെയാണ് വല കണ്ടെയ്നറിൽ ഉടക്കി നശിച്ചത്. ഏകദേശം ഒന്നരലക്ഷം രൂപയുടെ മത്സ്യവും നഷ്ടപ്പെട്ടു. വല തകർന്നതോടെ ഇത്രയും തൊഴിലാളികളുടെ ഉപജീവനമാർഗവും ഇല്ലാതായി. ഏകദേശം രണ്ടു ലക്ഷം രൂപയുടെ വലയാണ് നഷ്ടപ്പെട്ടത്. ഇനി ഒരാഴ്ചയോളം തുടർച്ചയായി ജോലി ചെയ്താൽ മാത്രമേ വല പൂർവ സ്ഥിതിയിലാക്കാൻ കഴിയൂ എന്ന് തൊഴിലാളികൾ പറഞ്ഞു. വല പൂർവ സ്ഥിതിയിലാക്കാൻ ഏകദേശം അമ്പതിനായിരം രൂപയോളം ചെലവും വരും. മാസങ്ങൾക്കു മുൻപുണ്ടായ കപ്പലപകടത്തിനു പിന്നാലെ കടലിൽ കിടക്കുന്ന കണ്ടെയ്നറിൽ ഉടക്കി മത്സ്യബന്ധന വല നശിക്കുന്നത് പതിവ് സംഭവമായിരിക്കുകയാണ്.

ചെങ്ങന്നൂർ മാസ്റ്റർപ്ലാൻ ബിജെപി സമരം; തെരഞ്ഞെടുപ്പ് നാടകമെന്ന് യുഡിഎഫ്

ചെങ്ങന്നൂര്‍: നഗരസഭയുടെ മാസ്റ്റര്‍പ്ലാനുമായി ബന്ധപ്പെട്ട് ബിജെപി നടത്തുന്ന സമരം വരുന്ന നഗരസഭാ തെരഞ്ഞെടുപ്പ് മുന്നില്‍ക്കണ്ടുള്ള നാടകം മാത്രമാണെന്ന് യുഡിഎഫ് ആരോപിച്ചു. കേന്ദ്ര-സംസ്ഥാന സര്‍ക്കാരുകളുടെ നിര്‍ദേശപ്രകാരം നടപ്പിലാക്കുന്ന ഒന്നാണ് മാസ്റ്റര്‍ പ്ലാനെന്നും ഇതില്‍നിന്ന് നഗരസഭ കൗണ്‍സിലിന് ഒഴിഞ്ഞുമാറാന്‍ കഴിയില്ലെന്നും യുഡിഎഫ് പാര്‍ലമെന്‍ററി പാര്‍ട്ടി ലീഡര്‍ കെ. ഷിബുരാജനും സെക്രട്ടറി റിജോ ജോണ്‍ ജോര്‍ജും പറഞ്ഞു. മാസ്റ്റര്‍പ്ലാന്‍ നടപ്പാക്കിയത് ഐകകണ്ഠ്യേന ചെങ്ങന്നൂര്‍ നഗരസഭയില്‍ മാസ്റ്റര്‍ പ്ലാന്‍ നടപ്പാക്കാന്‍ കൗണ്‍സില്‍ ഐകകണ്ഠ്യേനയാണ് തീരുമാനമെടുത്തത്. ദുരന്തനിവാരണ വിഭാഗത്തിന്‍റെ കണ്ടെത്തലുകള്‍ കാരണം ചില ബുദ്ധിമുട്ടുകള്‍ പൊതുജനങ്ങള്‍ക്കു ണ്ടാകാന്‍ സാധ്യതയുണ്ടെന്ന് യുഡിഎഫ് സമ്മതിക്കുന്നു. എന്നാല്‍, ഇതു പരിഹരിക്കാന്‍ പുനഃപ്രസിദ്ധീകരണം ആവശ്യമാണ്. പുനഃപ്രസിദ്ധീകരണം നടത്തുന്നതോടെ പല പരാതികള്‍ക്കും പരിഹാരമുണ്ടാകുമെന്നും യുഡിഎഫ് വ്യക്തമാക്കി. ബിജെപി സമരത്തിന്‍റെ ലക്ഷ്യം ജനങ്ങളുടെ പ്രശ്‌നങ്ങള്‍ പരിഹരിക്കപ്പെടുന്നത് തടയാനാണ് ബിജെപി ശ്രമിക്കുന്നതെന്ന് യുഡിഎഫ് ആരോപിച്ചു. പുനഃപ്രസിദ്ധീകരണം നടന്നാല്‍ അത് യുഡിഎഫിന് നേട്ടമുണ്ടാക്കുമെന്ന ഭയമാണ് സമരത്തിനു പിന്നില്‍. ജനങ്ങളെ തെറ്റിദ്ധരിപ്പിച്ച് പുനഃപ്രസിദ്ധീകരണം തടസപ്പെടുത്താനാണ് ബിജെപിയുടെ ശ്രമം. സര്‍ക്കാരിനെതിരേയും ആരോപണം മാസ്റ്റര്‍പ്ലാന്‍ പുനഃപ്രസിദ്ധീകരണം മനഃപൂര്‍വം വൈകിപ്പിക്കുകയാണെന്ന് യുഡിഎഫ് ഇടതു സര്‍ക്കാരിനെതിരേയും ആരോപണം ഉന്നയിച്ചു. മറ്റ് നഗരസഭകളില്‍ സമയബന്ധിതമായി പുനഃപ്രസിദ്ധീകരണം നടന്നപ്പോള്‍ ചെങ്ങന്നൂരില്‍ മാത്രം കാലതാമസം വരുന്നത് ദുരൂഹമാണ്. ഈ കാലതാമസവും ബിജെപിയുടെ സമരവും തമ്മില്‍ ബന്ധമുണ്ടോ എന്നും സംശയിക്കേണ്ടിയിരിക്കുന്നുവെന്ന് യുഡിഎഫ് നേതാക്കള്‍ പറഞ്ഞു. നഗരസഭാ ചെയര്‍പേഴ്‌സണ്‍ പുനഃപ്രസിദ്ധീകരണത്തിന് അടിയന്തര നടപടി ആവശ്യപ്പെട്ട് കത്ത് നല്‍കിയിട്ടും സര്‍ക്കാര്‍ വൈകിക്കുകയാണെന്നും അവര്‍ കൂട്ടിച്ചേര്‍ത്തു.

ആലായില്‍ മാലിന്യംതള്ളല്‍; നാട്ടുകാരും വിദ്യാര്‍ഥികളും ദുരിതത്തിൽ

ചെങ്ങന്നൂര്‍: ആലായിലെ റോഡിന്‍റെ വശങ്ങളില്‍ മാലിന്യം തള്ളുന്നതു കാരണം പ്രദേശവാസികളും പ്രത്യേകിച്ച് വിദ്യാര്‍ഥികളും വലിയ ദുരിതത്തിലാണ്. ആല ഗവ. ഹയര്‍ സെക്കന്‍ഡറി സ്‌കൂളിനു സമീപമുള്ള ആല-അത്തലക്കടവ് പഞ്ചായത്ത് ഓഫീസ് റോഡാണ് സാമൂഹ്യവിരുദ്ധര്‍ മാലിന്യം തള്ളാന്‍ പ്രധാനമായും ഉപയോഗിക്കുന്നത്. മാലിന്യം ചാക്കുകളിലും കവറുകളിലുമായി ഇവിടെ നിക്ഷേപിക്കുന്നത് പതിവാണ്. പരാതികള്‍ അവഗണിച്ച് അധികൃതര്‍ നാട്ടുകാര്‍ നിരവധിതവണ പഞ്ചായത്തില്‍ പരാതി നല്‍കിയിട്ടും അധികൃതരുടെ ഭാഗത്തുനിന്ന് യാതൊരു നടപടിയും ഉണ്ടായില്ലെന്ന് നാട്ടുകാര്‍ പറയുന്നു. റോഡിന്‍റെ ഒരുവശത്ത് ആല നാട്ടുവിപണിയുടെ നേതൃത്വത്തില്‍ വൃക്ഷത്തൈകള്‍ നട്ട്, ആല ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികള്‍ പരിപാലിക്കുന്ന സ്ഥലത്തിന് എതിര്‍വശം റോഡരികില്‍ കാടുപിടിച്ചു കിടക്കുന്ന സ്ഥലത്താണ് മാലിന്യം തള്ളുന്നത്. ഇത് പരിസ്ഥിതിക്കും വലിയ ഭീഷണിയാണ് ഉയര്‍ത്തുന്നത്. തെരുവുനായ്ക്കളുടെ ഭീഷണി വര്‍ധിക്കുന്നു മാലിന്യം കുന്നുകൂടുന്നത് പ്രദേശത്ത് തെരുവുനായ്ക്കളുടെ ശല്യം വര്‍ധിക്കാന്‍ കാരണമായി. നായ്ക്കള്‍ മാലിന്യം റോഡില്‍ വലിച്ചിടുന്നതിനാല്‍ ദുര്‍ഗന്ധം കാരണം മൂക്കുപൊത്താതെ ഈ വഴി യാത്ര ചെയ്യാന്‍ കഴിയാത്ത അവസ്ഥയാണ്. കഴിഞ്ഞദിവസം രാവിലെ ട്യൂഷനു പോവുകയായിരുന്ന പത്താം ക്ലാസ് വിദ്യാര്‍ഥി ആരോണിനെ നായ്ക്കള്‍ ആക്രമിക്കാന്‍ ശ്രമിച്ചു. ഭയന്നോടിയ ആരോണിനു വീണു പരിക്കേറ്റു. സ്‌കൂളിലേക്കു പോകുന്ന കുട്ടികള്‍ക്ക് തെരുവുനായ്ക്കള്‍ വലിയ ഭീഷണിയാണെന്ന് ആല ഗവ. ഹയര്‍ സെക്കന്‍ഡറി സ്‌കൂള്‍ ഹെഡ്മിസ്ട്രസ് അനു സൂസന്‍ പറഞ്ഞു. മാലിന്യം തള്ളുന്നവരെ കണ്ടെത്താന്‍ പഞ്ചായത്ത് ആധുനിക സംവിധാനങ്ങള്‍ സ്ഥാപിക്കണമെന്നും അവര്‍ ആവശ്യപ്പെട്ടു. കുടിവെള്ളം മലിനമയം; രോഗഭീഷണിയും മാലിന്യം പക്ഷികള്‍ കൊത്തിക്കൊണ്ടുപോയി കിണറുകളില്‍ ഇടുന്നതുകാരണം കുടിവെള്ളം മലിനമാകുന്നതായും നാട്ടുകാര്‍ ചൂണ്ടിക്കാട്ടുന്നു. ഈ ഗുരുതരമായ വിഷയത്തില്‍ പഞ്ചായത്ത് അധികൃതര്‍ ഉടന്‍ നടപടിയെടുക്കണമെന്നാണ് നാട്ടുകാരുടെയും വിദ്യാര്‍ഥികളുടെയും ആവശ്യം. നടപടിയെടുക്കണം വഴിയരികില്‍ രാത്രിയുടെ മറവില്‍ മാലിന്യം നിക്ഷേപിക്കുന്നത് സമൂഹത്തോടുള്ള വലിയ ദ്രോഹമാണ്. ഇങ്ങനെയുള്ള മാലിന്യം നിക്ഷേപിക്കുന്നതുകൊണ്ട് തെരുവുനായ്ക്കളുടെ ശല്യം രൂക്ഷമാവുകയും വിദ്യാര്‍ഥികള്‍ക്ക് സ്‌കൂളിലേക്കും തിരിച്ചും പോകുന്നത് രക്ഷിതാക്കളെയും അധ്യാപകരെയും ഒരുപോലെ ആശങ്കയിലാക്കുകയും ചെയ്യുന്നു. കൂടാതെ, പക്ഷികള്‍ ഈ മാലിന്യങ്ങള്‍ കൊത്തി കിണറുകളിലിടുന്നതുകൊണ്ട് കുടിവെള്ളം മലിനമാവുകയും ഇത് ഉപയോഗിക്കുന്ന വിദ്യാര്‍ഥികള്‍ക്ക് ത്വക്ക് രോഗങ്ങള്‍ ഉള്‍പ്പെടെയുള്ള അസുഖങ്ങള്‍ വന്ന് ക്ലാസുകളില്‍നിന്ന് വിട്ടുനില്‍ക്കേണ്ടിവരുന്ന അവസ്ഥയുമുണ്ടാകുന്നു. അതുകൊണ്ട്, ഇവിടെ മാലിന്യം നിക്ഷേപിക്കുന്നവരെ കണ്ടെത്താന്‍ ആവശ്യമായ നടപടികള്‍ അധികൃതര്‍ കൈക്കൊള്ളുകയും ആരോഗ്യമുള്ള ഒരു തലമുറയെ വാര്‍ത്തെടുക്കാന്‍ വേണ്ട കാര്യങ്ങള്‍ ചെയ്യുകയും വേണം. അനു സൂസന്‍ ( ആല ഗവ. ഹയര്‍ സെക്കന്‍ഡറി സ്‌കൂള്‍ ഹെഡ്മിസ്ട്രസ്)

മെഡി. കോളജ് ആശുപത്രിയിൽ അത്യാവശ്യ മരുന്നുപോലും കിട്ടാനില്ല; രോഗികൾ ദുരിതത്തിൽ

അമ്പലപ്പുഴ: വണ്ടാനം മെഡിക്കല്‍ കോളജ് ആശുപത്രിയില്‍ മരുന്നു ക്ഷാമം രൂക്ഷം. ഒപിയില്‍ മണിക്കൂറുകളോളം ക്യൂ നിന്ന് പ്രധാന ഡോക്ടര്‍മാരെ കണ്ട് പരിശോധന നടത്തിയശേഷം ഇവര്‍ കുറിക്കുന്ന മരുന്നിനു വരുമ്പോള്‍ ഇല്ലെന്ന മറുപടിയാണ് സ്ഥിരം പല്ലവി. ഇതിനും ഫാര്‍മസിക്കു മുന്നില്‍ നീണ്ട ക്യൂ തന്നെ. ഹൃദ്‌രോഗം, വ്യക്കരോഗം, കാന്‍സര്‍ തുടങ്ങിയ രോഗങ്ങള്‍ക്കുള്ള ഒരു മരുന്നും മെഡിക്കല്‍ ഫാര്‍മസിയിലില്ല. ജില്ലയുടെ നാനാഭാഗത്തുനിന്നു പാവപ്പെട്ടവര്‍ അടക്കം രോഗികള്‍ പ്രതീക്ഷയോടെയാണ് ഈ ആതുരാലയത്തിലേക്ക് എത്തുന്നത്. എന്നാല്‍, വിലപിടിപ്പുള്ള മരുന്നുകള്‍ വെളിയിലെ മെഡിക്കല്‍ സ്റ്റോറുകളില്‍നിന്ന് വാങ്ങിക്കേണ്ട ഗതികേടിലാണ്. അധികൃതര്‍ കൊട്ടിഘോഷിച്ചു നടത്തുന്ന കാരുണ്യ മെഡിക്കല്‍ സ്റ്റോറിന്‍റെ അവസ്ഥയും പരിതാപകരമാണ്. ഒപി ഫാര്‍മസിയില്‍ ഞായറാഴ്ച ആവശ്യത്തിന് ജീവനക്കാരില്ലാത്തതും രോഗികളെ വലയ്ക്കുന്നു. ശീതികരിച്ച പഞ്ചനക്ഷത്ര സെറ്റപ്പിലുള്ള കുറെ കെട്ടിടങ്ങള്‍ ഒഴിച്ചാല്‍ ഇപ്പോഴും വിദഗ്ധ ചികിത്സയ്ക്കു സ്വകാര്യ ആശുപത്രികളെ ആശ്രയിക്കേണ്ട ഗതികേടിലാണ് രോഗികളും ബന്ധുക്കളും.

കരിമുളയ്ക്കലിൽ ആഫ്രിക്കൻ ഒച്ചുകൾ: പൊറുതിമുട്ടി ജനം

ചാരുംമൂട്: കെപി റോഡിന് തെക്ക് കരിമുളയ്ക്കൽ പ്രദേശത്ത് ആഫ്രിക്കൻ ഒച്ചുകളുടെ ശല്യം രൂക്ഷമായി. മഴസമയമായതിനാൽ രാത്രിസമയത്ത് ഒച്ചുകള്‍ വ്യാപകമായി പുറത്തിറങ്ങുകയാണ്. വീടിന്‍റെ ഭിത്തിയിലും മേൽക്കൂരകളിലും മതിലുകളിലും മരങ്ങളിലും വാഴയിലയുടെ അടിയിലും എല്ലായിടത്തും ഇപ്പോൾ ഒച്ചുകളെ കാണാം. കൃഷി ഉപജീവനമാക്കിയവർക്കും വീട്ടാവശ്യത്തിന് കൃഷി ചെയ്യാനും പറ്റാത്ത അവസ്ഥയായി മുളച്ചുവരുമ്പോൾ തന്നെ തളിരിലകൾ ഒച്ചുകൾ തിന്നുന്നതു പതിവായി. ഒച്ചുകളെ നശിപ്പിക്കാൻ നടപടികളൊന്നും ചെയ്യുന്നില്ലെന്ന് നാട്ടുകാർ ആരോപിക്കുന്നു. പ്ലാസ്റ്റിക് കവറുകളിലും കുപ്പികളിലും പാട്ടകളിലും ഗ്ലൗസ് ഉപയോഗിച്ച് പെറുക്കിയിട്ട് ഉപ്പുവിതറി ഇതിനെ കൊന്നുകുഴിച്ചിടലാണ് ഇപ്പോൾ നാട്ടുകാർ ചെയ്യുന്നത്. ആഫ്രിക്കൻ ഒച്ചുകളുടെ സ്രവം വീണാൽ ത്വക്ക് രോഗങ്ങൾ ഉണ്ടാകുമെന്നും വ്യാപകമായ ചൊറിച്ചിൽ ഉണ്ടാകുമെന്നും നാട്ടുകാർ പറയുന്നു. താമരക്കുളം പഞ്ചായത്തിന്‍റെയും ചുനക്കര പഞ്ചായത്തിന്‍റെയും അതിർത്തി പ്രദേശം കൂടിയായ ഇവിടെ ഒച്ചുകളുടെ ശല്യം തടയാൻ അടിയന്തര നടപടി വേണമെന്ന് നാട്ടുകാർ ആവശ്യപ്പെട്ടു.

തട്ടിപ്പ് നടത്തിയ മുന്‍ ബാങ്ക് മാനേജര്‍ക്ക് നാലുവര്‍ഷം തടവും പിഴയും ശിക്ഷ

ചേര്‍ത്തല: രേഖകളില്‍ തിരിമറികാട്ടി ബാങ്കില്‍നിന്നു പണം തട്ടിയ കേസില്‍ പ്രതിയായ മുന്‍ ബാങ്ക് മാനേജര്‍ക്ക് നാലുവര്‍ഷം തടവും 5000 രൂപ പിഴയും ശിക്ഷ. 2007ല്‍ വിജയാ ബാങ്കിന്‍റെ ചേര്‍ത്തല ശാഖയില്‍ കൃത്രിമം കാട്ടി പണം തട്ടിയ മുന്‍ ബാങ്ക് മാനേജര്‍ ചങ്ങനാശേരി മാടപ്പള്ളി പഞ്ചായത്ത് രണ്ടാം വാര്‍ഡ് ഹസീനഭവനില്‍ കെ. ഹസീനയെയാണ് ചേര്‍ത്തല ജുഡീഷല്‍ ഒന്നാം ക്ലാസ് മജിസ്‌ട്രേറ്റ് ഷെറിന്‍ കെ. ജോര്‍ജ് നാലുവര്‍ഷം തടവും പിഴയും ശിക്ഷവധിച്ചത്. രേഖകളില്‍ കൃത്രിമം കാണിക്കല്‍, വിശ്വാസവഞ്ചന, വ്യാജരേഖ ചമയ്ക്കല്‍, ഐടി ആക്ട് തുടങ്ങിയ നാലു വകുപ്പുകള്‍ പ്രകാരമാണ് ഇവര്‍ക്കെതിരേ ചേര്‍ത്തല പോലീസ് കേസെടുത്തിരുന്നത്. തട്ടിപ്പുനടന്നതായി കണ്ടെത്തിയ 31,92,791.92 രൂപയും ഇതിന്‍റെ പലിശയടക്കം തിരിച്ചടയ്ക്കാനും ഉത്തരവായിട്ടുണ്ട്. പലിശയടക്കം ഏകദേശം ഒരുകോടിയോളം വരും. തുകയെല്ലാം ഇവര്‍ ഭര്‍ത്താവിന്‍റെയും ബന്ധുക്കളുടെയും സുഹൃത്തുക്കളുടെയും പേരുകളിലേക്കു മാറ്റിയായിരുന്നു തട്ടിപ്പ്. ബാങ്കിലെ അസിസ്റ്റന്‍റ് മാനേജരായിരുന്ന വ്യക്തിയുടെ പാസ്‌വേ ഡ് ഉപയോഗിച്ച് ബാങ്കിലെ സ്ഥിരനിക്ഷേപം നടത്തിയിരുന്ന വ്യക്തിയുടെ രണ്ടരലക്ഷം രൂപ ഭര്‍ത്താവിന്‍റെയും മറ്റുബന്ധുക്കളുടെയും അക്കൗണ്ടിലേക്കു മാറ്റിയതായി കണ്ടെത്തിയിരുന്നു. ഇത് ബാങ്കിലെ ഉന്നത അധികൃതരുടെ ശ്രദ്ധയില്‍പ്പെട്ടതിനെത്തുടര്‍ന്നു നടത്തിയ അന്വേഷണത്തിലാണ് വലിയ തട്ടിപ്പു കണ്ടെത്തിയത്. വിവിധ അക്കൗണ്ടുകളിലെ പണം ഇവര്‍ ഇത്തരത്തില്‍ ബന്ധുക്കളുടെ അക്കൗണ്ടുകളിലേക്കു മാറ്റിയതായി കണ്ടെത്തി. തട്ടിപ്പിന്‍റെ പൂര്‍ണമായ ഡിജിറ്റല്‍ തെളിവുകള്‍ ശേഖരിക്കുന്നതിനായി തിരുവനന്തപുരം സി-ഡാക്കിന്‍റെ സഹായം പോലീസ് തേടിയിരുന്നു. സി-ഡാക്ക് ഡയറക്ടറടക്കം 30 സാക്ഷികളെ വിസ്തരിച്ചു. സര്‍ക്കാരിനുവേണ്ടി അസിസ്റ്റന്‍റ് പബ്ലിക് പ്രോസിക്യൂട്ടര്‍ എം. വിനോദും ബാങ്കിനുവേണ്ടി അഡ്വ. ബിന്നി ജോസഫും കോടതിയില്‍ ഹാജരായി.

കാറിടിച്ച് സ്‌കൂട്ടര്‍ യാത്രികന്‍ മരിച്ചു

പത്തനംതിട്ട: കാറിടിച്ച് സ്‌കൂട്ടര്‍ യാത്രികന്‍ മരിച്ചു. കുമ്പഴ പാലമറൂര്‍ പുലിപ്പാറ കുഴിയില്‍ ഏബ്രഹാമാണ് (72) മരിച്ചത്. പുനലൂര്‍ - മൂവാറ്റുപുഴ റോഡില്‍ മല്ലശേരിക്ക് സമീപം വഞ്ചിപ്പടിയില്‍ ഇന്നലെ രാവിലെ ഏഴോടെയാണ് അപകടം. കുമ്പഴയില്‍നിന്ന് രക്തപരിശോധന നടത്താന്‍ എത്തിയ ശേഷം മടങ്ങി വീട്ടിലേക്ക് പോകുകയായിരുന്നു. വഞ്ചപ്പടിയില്‍നിന്ന് വീട്ടിലേക്ക് തിരിയുമ്പോള്‍ എതിര്‍ദിശയില്‍ വന്ന കാര്‍ ഇടിക്കുകയായിരുന്നുവെന്ന് പറയുന്നു. ഉടന്‍ പത്തനംതിട്ടയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഭാര്യ: പൊടിയമ്മ. മക്കൾ: ഷിബു, ഷിജു. മരുമക്കൾ: ഷൈനി, ചിഞ്ചു.

എംഡിഎംഎ കടത്തുകേസില്‍ കൂട്ടുപ്രതി പിടിയിൽ

പന്തളം: എംഡിഎംഎ പിടിച്ചെടുത്തതിന് പന്തളം പോലീസ് കഴിഞ്ഞദിവസം രജിസ്റ്റര്‍ ചെയ്ത കേസിലെ കൂട്ടുപ്രതിയെ അറസ്റ്റ് ചെയ്തു. മാവേലിക്കര വള്ളികുന്നം ഇലിപ്പക്കുളം കിണറ്റും വിളയില്‍ കെ. ജയകുമാറാണ് (44) പിടിയിലായത്. രഹസ്യവിവരത്തേതുടര്‍ന്ന് കഴിഞ്ഞദിവസം ബംഗളുരുവില്‍ നിന്നും ബസില്‍ കൊണ്ടുവന്ന എംഡിഎംഎയുമായി യുവാവിനെ പിടികൂടിയ കേസില്‍ രണ്ടാം പ്രതിയാണ് ഇയാളെന്ന് പോലീസ് പറഞ്ഞു പന്തളം തുമ്പമണ്‍ മുട്ടം വടക്കടത്ത് മണ്ണില്‍ ബ്രില്ലി മാത്യുവാണ് (40) അന്ന് അറസ്റ്റിലായത്. കുളനട ഇന്ത്യന്‍ ഓയില്‍ പമ്പിന്‍റെ മുന്നില്‍, തിരുവല്ല ഭാഗത്തുനിന്നും ബസില്‍ വന്നിറങ്ങിയ ഇയാളില്‍ നിന്നും പ്ലാസ്റ്റിക് കവറില്‍ പൊതിഞ്ഞ് ബാഗിലെ അറയ്ക്കുള്ളില്‍ സൂക്ഷിച്ച നിലയില്‍ 36.55 ഗ്രാം എംഡിഎംഎയും എട്ട് ചെറിയ സിറിഞ്ചുകള്‍ മറ്റും പിടിച്ചെടുക്കുകയും ചെയ്തിരുന്നു. പന്തളം എസ്‌ഐ വിനോദ് കുമാറാണ് കേസ് രജിസ്റ്റര്‍ ചെയ്തത്. തുടര്‍ന്ന് പന്തളം പോലീസ് ഇന്‍സ്‌പെക്ടര്‍ ടി. ഡി. പ്രജീഷിന്‍റെ നേതൃത്വത്തില്‍ നടന്ന അന്വേഷണത്തിലാണ് ഇപ്പോള്‍ രണ്ടാം പ്രതിയായ ജയകുമാര്‍ അറസ്റ്റിലായത്. ഒന്നാം പ്രതി ബ്രില്ലി മാത്യുവിന്‍റെ കുറ്റസമ്മതമൊഴിയുടെ അടിസ്ഥാനത്തിലാണ് ഇയാളെ കസ്റ്റഡിയിലെടുത്തത്. ഇയാളുടെ ഫോണ്‍ രേഖകള്‍ പരിശോധിച്ചതില്‍ നിരവധിതവണ ഒന്നാംപ്രതിയെ വിളിച്ചതായും വാട്‌സ്ആപ്പ് സന്ദേശങ്ങള്‍ അയച്ചതായും കണ്ടെത്തി. ഇരുവരും തമ്മിലുള്ള ബാങ്ക് ഇടപാടുകളും പോലീസ് സംഘം വിശദമായി പരിശോധിച്ചു.

നമ്പർ പ്ലേറ്റ് മറച്ച ബൈക്കിലെ അഭ്യാസപ്രകടനം: യുവാക്കൾക്കെതിരേ കേസ്

തിരുവല്ല: നമ്പർ പ്ലേറ്റ് മറച്ച രണ്ട് ബൈക്കുകളിൽ മൂന്നുപേർ വീതം റോഡിൽ അഭ്യാസപ്രകടനം നടത്തിയ സംഭവത്തിൽ തിരുവല്ല പോലീസ് കേസെടുത്തു. കഴിഞ്ഞദിവസം രാത്രി എട്ടോടെ കുരിശുകവലയ്ക്ക് സമീപമാണ് തിരുവല്ല പോലീസ് ഇവരെ തടഞ്ഞ് പിടികൂടിയത്. തിരുവല്ല തിരുമൂലപുരം കുരുടൻ മലയിൽ ദേവപ്രയാഗ് (21), തിരുവല്ല കുറ്റൂർ വെൺപാല നീലിമ ഭവനം ബിച്ചു (20) എന്നിവരാണ് അറസ്റ്റിലായത്. തിരുവല്ല പോലീസ് ഇൻസ്പെക്ടർ എസ്. സന്തോഷിന്‍റെ നിർദ്ദേശപ്രകാരം എസ്ഐ രവിചന്ദ്രനാണ് കേസുകൾ രജിസ്റ്റർ ചെയ്തത്. തുടർന്ന് പോലീസ് മോട്ടോർ വെഹിക്കിൾ അധികൃതർക്ക് റിപ്പോർട്ട് നൽകി. ഇവർ ഒരു ബൈക്കിന് 7500 രൂപ പിഴയീടാക്കി. മോട്ടോർസൈക്കിൾ രൂപമാറ്റം വരുത്തിയതിന് 5000 രൂപയും നിയമം ലംഘിച്ച് മൂന്നുപേർ സഞ്ചരിച്ചതിന് 2000 രൂപയും എന്ന കണക്കിനാണ് പിഴയിട്ടത്. രണ്ടാമത്തെ ബൈക്കിന് മൂന്നുപേർ സഞ്ചരിച്ചതിന്‍റെ പേരിൽ തിരുവല്ല പോലീസ് പെറ്റി കൊടുക്കുകയും ചെയ്തു. നമ്പർ പ്ലേറ്റ് മറിച്ച് ന്യൂജൻ ബൈക്കുകളിലാണ് മൂന്നുപേർ വീതം അഭ്യാസപ്രകടനം നടത്തിയത്. നടപടികൾക്ക് ശേഷം വാഹനങ്ങൾ ഉടമകൾക്ക് വിട്ടുകൊടുത്തു.

എലവേറ്റഡ് ഹൈവേ തുറവൂരിൽ തീർക്കരുത്

തുറവൂർ: ദേശീയപാത 66ലെ നിര്‍മാണവുമായി ബന്ധപ്പെട്ട് അരൂരിൽ ആരംഭിച്ചു തുറവൂർ ജംഗ്ഷനിൽ അവസാനിക്കുന്ന തരത്തിൽ നിർമാണം പുരോഗമിക്കുന്ന ഉയരപ്പാത തുറവൂർ ജംഗ്ഷനിൽനിന്നു തെക്കോട്ട് നീട്ടുന്നതിന്‍റെ സാധ്യത തേടി കെ.സി. വേണുഗോപാൽ എംപി സ്ഥലം സന്ദർശിച്ചു. തുറവൂരിലെ ഗതാഗത പ്രശ്‌നം പരിഹരിക്കാനായി കവലയില്‍നിന്നു തെക്കോട്ട് എലവേറ്റഡ് ഹൈവേ നീട്ടാനാവശ്യമായ ഇടപെടലിനായി കഴിഞ്ഞ ദിവസം വേണുഗോപാല്‍ കേന്ദ്ര ഉപരിതല ഗതാഗതമന്ത്രി നിതിന്‍ ഗഡ്കരിക്കു കത്തു നല്‍കിയതിനു പിന്നാലെയാണ്പ്രദേശവാസികളുടെ സ്ഥലം സന്ദർശിച്ചത്. ആകെ അടഞ്ഞ് തുറവൂർ മണ്ഡലകാലത്ത് നിരവധി അയ്യപ്പഭക്തരെത്തുന്ന തുറവൂര്‍ മഹാദേവക്ഷേത്രത്തിലേക്കുള്ള പ്രവേശനവും തുറവൂർ താലൂക്ക് ആശുപത്രി, ഉൾപ്രദേശങ്ങളായ പള്ളിത്തോട്‌, ചെല്ലാനം, കുമ്പളങ്ങി, തൈക്കാട്ടുശേരി എന്നിവടങ്ങളിലേക്കുള്ള ഗതാഗത മാർഗങ്ങളും അടഞ്ഞുപോകുന്ന തരത്തിലാണ് ഇപ്പോൾ നിർമാണം പുരോഗമിക്കുന്നത്. കൂടാതെ ബസ് സർവീസുകളും പ്രാദേശിക വ്യാപാരസ്ഥാപങ്ങളും ഇപ്പോഴത്തെ നിർമാണം തുടർന്നാൽ പ്രതിസന്ധിയിലാകും. ഓട്ടോ-ടാക്‌സി ജീവനക്കാരെയും സ്‌കൂള്‍ ഉള്‍പ്പെടെ സര്‍ക്കാര്‍ ഓഫീസിലെത്തുന്നവരെയും കാര്യമായി ബാധിച്ചിട്ടുണ്ട്. ആംബുലന്‍സ്, ഫയര്‍ഫോഴ്‌സ് തുടങ്ങിയ അവശ്യ സര്‍വീസുകളുടെ സുഗമമായ യാത്ര തടസപ്പെടുത്തുന്ന വിധമാണ് റോഡിന്‍റെ നിര്‍മാണം നടക്കുന്നത്. ഈ സാഹചര്യങ്ങൾ ചൂണ്ടിക്കാട്ടി നാട്ടുകാർ പരാതിപ്പെട്ടതോടെയാണ് എംപി തുറവൂരിലെത്തിയത്. നിരവധി അപകടങ്ങൾ ഉയരപ്പാത തുറവൂരിൽനിന്നു തെക്കോട്ടു നീക്കണമെന്ന ആവശ്യം നേരത്തേ ഉന്നയിക്കുകയും അംഗീകരിക്കുകയും ചെയ്തിരുന്നെങ്കിലും നിലവിലെ നിര്‍മാണം അതനുസരിച്ചല്ല മുന്നോട്ടുപോകുന്നത്. ഇതിനകം നിരവധി അപകടങ്ങളിലായി 41 ഓളം മനുഷ്യജീവനുകള്‍ നഷ്ടപ്പെട്ടു. ഈ പ്രശ്‌നങ്ങള്‍ പരിഹരിച്ച് മാത്രമേ ദേശീയപാത നിര്‍മാണം മുന്നോട്ടുപോകാവൂയെന്ന് വേണുഗോപാല്‍ ഒപ്പമുണ്ടായിരുന്ന ദേശീയപാത അഥോറിട്ടി പ്രോജക്ട് ഡയറക്ടർ ഉൾപ്പെടെയുള്ള ഉദ്യോഗസ്ഥർക്കു നിർദേശം നൽകി.

പി.ടി. ചാക്കോ അനുസ്മരണം

മങ്കൊമ്പ്: പി.ഡി. ലൂക്ക് ഫൗണ്ടേഷന്‍റെ ആഭിമുഖ്യത്തിൽ പി.ടി. ചാക്കോയുടെ 61-ാം അനുസ്മരണം നടത്തി. ചെയർമാൻ ബാബു പാറക്കാടൻ ഉദ്ഘാടനം ചെയ്തു. വൈസ് ചെയർമാൻ പി.പി. മനോഹരൻ അധ്യക്ഷത വഹിച്ചു. രാരിച്ചൻ മാത്യു, കൈനകരി രമേശൻ, ജോഷിമോൻ ജോസഫ്, ടി. കുര്യൻ, സജി ചാവറ തുടങ്ങിയവർ പ്രസംഗിച്ചു. അമ്പലപ്പുഴ: കേരള രാഷ്‌ട്രീയ പഠന ഗവേഷണകേന്ദ്രത്തിന്‍റെ ആഭിമുഖ്യത്തിൽ പി.ടി. ചാക്കോയുടെ 61-ാം ചരമവാർഷിക അനുസ്മരണ ദിനാചരണം ബേബി പാറക്കാടൻ ഉദ്ഘാടനം ചെയ്തു. രാഷ്ട്രീയ പഠന ഗവേഷണകേന്ദ്രം ഡയറക്ടർ പി.ജെ. കുര്യൻ അധ്യക്ഷത വഹിച്ചു. കേരള കോൺഗ്രസ് സംസ്ഥാന ജനറൽ സെക്രട്ടറി തോട്ടുങ്കൽ ജോർജ് ജോസഫ് പി.ടി. ചാക്കോയും രാഷ്‌ട്രീയ പ്രവർത്തനവും എന്ന വിഷയം അവതരപ്പിച്ചു. കേരള സർവോദയ മണ്ഡലം ജനറൽ സെക്രട്ടറി എച്ച്. സുധീർ മുഖ്യപ്രഭാഷണം നടത്തി. ജോസഫ് മാരാരിക്കുളം, ആന്‍റണി കരിപ്പാശേരി, ബിനു നെടുംപുറം, ജോസ് കൂരോപ്പട, ഡോ. മിനി ജോസ്, എസ്. രാമചന്ദ്രൻ നായർ, എം. ബഷീർകുട്ടി, ലൈസമ്മ ബേബി, തോമസ് വാഴപ്പള്ളികളം എന്നിവർ പ്രസംഗിച്ചു.

ന്യൂനപക്ഷങ്ങളുടെ ഭീതിയകറ്റാൻ കേന്ദ്രം നടപടിയെടുക്കണം

കുട്ടനാട്: കന്യാസ്ത്രീകളെ അകാരണമായി അറസ്റ്റ് ചെയ്തതിൽ പ്രതിഷേധിച്ച് കോൺഗ്രസ് കുട്ടനാട് നോർത്ത് ബ്ലോക്ക് കമ്മിറ്റി നടത്തിയ പ്രതിഷേധ ജാഥയുടെ സമാപന സമ്മേളനം ഡിസിസി വൈസ് പ്രസിഡന്‍റ് സജി ജോസഫ് ഉദ്ഘാടനം ചെയ്തു. പുളിങ്കുന്ന് ഫെറോന വികാരി ഫാ. ടോം പുത്തൻകുളം അനുഗ്രഹപ്രഭാഷണം നടത്തി. ബ്ലോക്ക് പ്രസിഡന്‍റ് സി.വി. രാജീവ് അധ്യക്ഷത വഹിച്ചു. യുഡിഎഫ് നിയോജകമണ്ഡലം ചെയർമാൻ ജോസഫ് ചേക്കോടൻ പ്രതിഷേധ ജാഥ ഉദ്ഘാടനം ചെയ്തു. അലക്സ് മാത്യു, ഔസേപ്പച്ചൻ വെമ്പാടന്തറ, ബാബു കുറുപ്പശേരി, ജോഷി കൊല്ലാറ, പത്മകുമാർ മനോജ്, നീനു ജോസഫ്, ജി. സൂരജ്, സിബി മൂലംകുന്നം തുടങ്ങിയവർ പ്രസംഗിച്ചു. കുട്ടനാട്: കുട്ടനാട് യുഡിഎഫ് കമ്മിറ്റി നടത്തിയ പ്രതിഷേധ മാർച്ചും ധർണയും ഡിസിസി ജനറൽ സെക്രട്ടറി കെ. ഗോപകുമാർ ഉദ്ഘാടനം ചെയ്തു. യുഡി എഫ് നിയോജകമണ്ഡലം ചെയർമാൻ ജോസഫ്‌ ചേക്കോടൻ അധ്യക്ഷത വഹിച്ചു. കൺവിനർ തങ്കച്ചൻ വാഴച്ചിറ, ബാബു വലിയവീടൻ, തോമസുകുട്ടി മാത്യു, പി.ടി. സ്കറിയ, പ്രമോദ് ചന്ദ്രൻ, അലക്സ മാത്യു. അമ്മിണി വർഗീസ്, സജിമോൻ വെളിയനാട്, ജോസ് കാവനാടൻ, സാബു തോട്ടുങ്കൽ, ജോസ് കോയിപ്പള്ളി, സൈറിഷ് ജോർജ്, ബ്ലസ്റ്റൺ തോമസ്, ടി.ഡി. അലക്സാണ്ടർ തുടങ്ങിയവർ പ്രസംഗിച്ചു. തുറവൂർ: കന്യാസ്ത്രീകളെ അകാരണമായി അറസ്റ്റ് ചെയ്തതിൽ പ്രതിഷേധിച്ച് വളമംഗലം തിരുഹൃദയ പള്ളിയിൽ വിശ്വാസീസമൂഹത്തിന്‍റെ നേതൃത്വത്തിൽ പ്രതിഷേധജ്വാല സംഘടിപ്പിച്ചു. വികാരി ഫാ. മാത്യു വാരിക്കാട്ടുപാടം, ഫാ. ആന്‍റോ മംഗലശേരി സിഎംഐ, മദർ സുപ്പീരിയർ സിസ്റ്റർ ലിസ്ബിൻ എന്നിവർ പ്രസംഗിച്ചു. കൈക്കാരൻമാരായ ജോമോൻ കോട്ടൂപ്പള്ളി, ടി.പി. ജോസഫ് തുരുത്തേഴത്ത്, വൈസ് ചെയർമാൻ റോബി ആലുംവരമ്പത്ത് എന്നിവർ നേതൃത്വം നൽകി. മങ്കൊമ്പ്: ആം ആദ്മി പാര്‍ട്ടി ആലപ്പുഴ ജില്ലാ കമ്മിറ്റിയുടെ നേതൃത്വത്തില്‍ കുട്ടനാട് മങ്കൊമ്പില്‍ പ്രതിഷേധ യോഗം സംഘടിപ്പിച്ചു. ജില്ലാ പ്രസിഡന്‍റ് രമേശന്‍ പണ്ടിശേരി അധ്യക്ഷത വഹിച്ചു. ബിഷപ് സണ്ണി ഏബ്രഹാം ഉദ്ഘാടനം ചെയ്തു. കുട്ടനാട് മണ്ഡലം പ്രസിഡന്‍റ് അലക്‌സാണ്ടര്‍ തോമസ്, സെക്രട്ടറി സൂരജ്, ജില്ലാ ട്രഷറര്‍ ഷാജഹാന്‍, സ്‌കറിയ മാത്യു, ജോസ്, റോയി മുട്ടാര്‍, നൈനാന്‍ ടി. മാമ്മന്‍ എന്നിവര്‍ പ്രസംഗിച്ചു. മാങ്കാംകുഴി: വെട്ടിയാർ വൈഎംസിഎയുടെ നേതൃത്വത്തിൽ വിവിധ ക്രൈസ്തവ ദേവാലയങ്ങളെ പങ്കെടുപ്പിച്ച് മൗനജാഥയും പ്രതിഷേധ സമ്മേളനവും നടത്തി. വെട്ടിയാർ സെന്‍റ്‌ മേരീസ് മലങ്കര കത്തോലിക്ക ദേവാലയത്തിൽനിന്ന് ആരംഭിച്ച മൗനജാഥ മാങ്കാംകുഴി ജംഗ്‌ഷനിൽ സമാപിച്ചു. പ്രതിഷേധ സമ്മേളനം മുൻ മാവേലിക്കര രൂപതാ വികാരി ജനറൽ ഡോ. സ്റ്റീഫൻ കുളത്തുംകരോട്ട് ഉദ്ഘാടനം ചെയ്തു. ജോൺസൺ ഡേവിഡ് അധ്യക്ഷനായി. ഫാ. ഗീവർഗീസ് കൈതവന, റവ. സി.സി. കുരുവിള, ഫാ. ജയിംസ് ഇല്ലിത്തറ, ഫാ. സജി പി. സൈമൺ, ഫാ. ആൽഫ വർഗീസ്, ഫാ. സിജുസക്ക്, സിസ്റ്റർ സിഫി സെബാസ്റ്റ്യൻ, സിസ്റ്റർ റിയ രാജ്, ജിബു ടി.ജോൺ, ഷാ ജോർജ്, സജി തെക്കേത്തലയ്ക്കൽ, ജയിംസ് ജോൺ വെട്ടിയാർ, ടി.ജെ. പീറ്റർ, അനിൽ തോമസ്, അജി തോമസ്, ജോസ് ഡേവിഡ്, ടി.കെ. രാജേഷ്, സാം ജോർജ് എന്നിവർ പ്രസംഗിച്ചു. മാവേലിക്കര: കേരള കോണ്‍ഗ്രസ് മാവേലിക്കരയില്‍ നടത്തിയ പ്രതിഷേധ ജ്വാല ഉന്നതാധികാരസമതി അംഗം തോമസ് സി. കുറ്റിശേരില്‍ ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് റോയി വര്‍ഗീസ് അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി ജയിസ് ജോണ്‍ വെട്ടിയാര്‍ മുഖ്യപ്രഭാഷണം നടത്തി. അനീഷ് താമരക്കുളം, തോമസ് കടവില്‍, അലക്‌സാണ്ടര്‍, ഡി. ജിബോയ്, ഏബ്രഹാം പാറപ്പുറം, സിജു നെടിയത്ത് തുടങ്ങിയവര്‍ പ്രസംഗിച്ചു. തണ്ണീർമുക്കം: പടുവയിൽ കുടുംബയോഗം പ്രതിഷേധം രേഖപ്പെടുത്തി. പ്രസിഡന്‍റ് ഐ.ജെ. ജോൺ ഇണ്ടിക്കുഴിയുടെ അധ്യക്ഷതയിൽ കൂടിയ യോഗത്തിൽ സെബാസ്റ്റ്യൻ മങ്കുഴിക്കരി, പി.ഒ. ചാക്കോ പടുവയിൽ, ഐ.സി. രാജു ഇണ്ടിക്കുഴി, ജോയി വർഗീസ് മങ്കുഴിക്കരി എന്നിവർ പ്രസംഗിച്ചു.

സുവർണജൂബിലി ആഘോഷങ്ങൾക്കു തുടക്കം

മാന്നാർ: കുട്ടമ്പേരൂർ വൈഎംസി എയുടെ സുവർണ ജൂബിലി ആഘോഷങ്ങൾക്ക് തുടക്കമായി. കുട്ടമ്പേരൂർ സെന്‍റ്് ഗ്രീഗോറിയോസ് ‌പള്ളി പാരീഷ് ഹാളിൽ ഡോ. അലക്‌സിയോസ് മാർ യൗസേബിയോസ് മെത്രാപ്പോലീത്ത ഉദ്ഘാടനം ചെയ്തു. പ്രസിഡന്‍റ്് മാത്യു ജി. മനോജ് അധ്യക്ഷനായി. വൈഎംസിഎ കേരള റീജണൽ ചെയർമാൻ പ്രഫ. അലക്‌സ് തോമസ് ജൂബിലി സന്ദേശം നൽകി. ഫാ. ടി.ടി. തോമസ്, ഫാ. നൈനാൻ ഉമ്മൻ, റവ. മാത്യൂസ് മാത്തുണ്ണി എന്നിവർ വിവിധ പദ്ധതികൾ ഉദ്ഘാടനം ചെയ്തു. സെക്രട്ടറി തോമസ് ജോൺ ജൂബിലി പദ്ധതികൾ വിശദീകരിച്ചു. ട്രഷറർ പി. ജോസ്, കൺവീനർ നിബിൻ നല്ലവീട്ടിൽ, അഡ്വ. വി.സി. സാബു, ഡോ. റെജി വർഗീസ്, തോമസ് ചാക്കോ, ജനറൽ കൺവീനർ ചാക്കോ ഉമ്മൻ എന്നിവർ പ്രസംഗിച്ചു. ഒരു വർഷം നീണ്ടുനിൽക്കുന്ന ജൂബിലി ആഘോഷങ്ങളുടെ ഭാഗമായി ജൂബിലി സ്‌മാരക ഹാളിന്‍റെ നിർമാണം പൂർത്തീകരിക്കും. ഡയാലിസിസ് സഹായ പദ്ധതി, സാന്ത്വനം പദ്ധതി, മെഡിക്കൽ ക്യാമ്പുകൾ. വനിതാ യുവജന വിദ്യാർഥി സമ്മേളനങ്ങൾ, ലഹരിവിരുദ്ധ പ്രവർത്തനങ്ങൾ തുടങ്ങിയവ ജൂബിലി വർഷത്തിൽ നടത്തും.

മത്സ്യക്കുഞ്ഞുങ്ങളെ നിക്ഷേപിച്ചു

ആലപ്പുഴ: ഉൾനാടൻ മത്സ്യസമ്പത്ത് വർധിപ്പിക്കുക എന്ന ലക്ഷ്യത്തോടെ മുഖ്യമന്ത്രിയുടെ 12 ഇന പരിപാടികളില്‍ ഉൾപ്പെടുത്തി നടപ്പിലാക്കുന്ന പൊതുകുളങ്ങളിലെ മത്സ്യകൃഷി പദ്ധതി പ്രകാരം ആലപ്പുഴ നഗരസഭ പരിധിയിൽ കൊറ്റംകുളങ്ങര വാര്‍ഡിലെ നഗരസഭ പൊതുകുളമായ പാലക്കുളം പൊതുകുളത്തിൽ മത്സ്യക്കുഞ്ഞുങ്ങളെ നിക്ഷേപിച്ചു. പൊതുകുളങ്ങളിലെ മത്സ്യകൃഷിയുടെ ഉദ്ഘാടനം നഗരസഭാധ്യക്ഷ കെ.കെ. ജയമ്മ നിര്‍വഹിച്ചു. കട്‌ല, രോഹു, ഗ്രാസ് കാര്‍പ്പ് എന്നീ ഇനത്തില്‍പ്പെട്ട 5000 മത്സ്യക്കുഞ്ഞുങ്ങളെയാണ് നിക്ഷേപിച്ചത്. കൊറ്റംകുളങ്ങര അദ്വൈതം കുടുംബശ്രീ യൂണിറ്റിനാണ് പരിപാലനച്ചുമതല. വികസനകാര്യ സ്റ്റാൻഡിംഗ് കമ്മിറ്റി ചെയര്‍പേഴ്സണ്‍ എം.ജി. സതീദേവി അധ്യക്ഷത വഹിച്ച ചടങ്ങില്‍ പൊതുമരാമത്ത് സ്റ്റാൻഡിംഗ് കമ്മിറ്റി ചെയര്‍മാന്‍ എം.ആര്‍. പ്രേം, ആരോഗ്യ സ്ഥിരം സമിതി അധ്യക്ഷ എ.എസ്. കവിത, കൗണ്‍സിലര്‍മാരായ മനു ഉപേന്ദ്രന്‍, അമ്പിളി അരവിന്ദ്, ഫിഷറീസ് എക്സ്റ്റന്‍ഷന്‍ ഓഫീസര്‍ ബാലുശേഖര്‍, ഫിഷറീസ് പ്രമോട്ടര്‍ ഷീന സജി, പൊതുപ്രവര്‍ത്തന്‍ വിവേക് തുടങ്ങിയവര്‍ പങ്കെടുത്തു.

മുലയൂട്ടൽ വാരാചരണം

ആലപ്പുഴ: മുലയൂട്ടലിന്‍റെ ഗുണവിശേഷങ്ങളും പ്രാധാന്യവും വിശദമാക്കി ലോക മുലയൂട്ടൽ വാരാചരണത്തിന് ആലപ്പുഴ ജനറൽ ആശുപത്രിയിൽ തുടക്കമായി. ആശുപത്രി സൂപ്രണ്ട് ഡോ. സന്ധ്യ ആർ. വാരാചരണം ഉദ്ഘാടനം ചെയ്തു. താരാട്ട്പാട്ട്, നഴ്സിംഗ് വിദ്യാർഥികൾ അവതരിപ്പിച്ച ഫ്ലാഷ് മോബ്, ബോധവത്കരണ എക്സിബിഷൻ, പോസ്റ്റർ കോമ്പറ്റീഷൻ എന്നിവയും നടത്തി. ഡോ. അനിൽ വിൻസെന്‍റ് അധ്യക്ഷത വഹിച്ചു. ഡോ. കെ. വേണുഗോപാൽ, ഡോ. പ്രവീൺ എം., ഡോ. ആശ എം., നഴ്സിംഗ് സൂപ്രണ്ട് റസി പി. ബേബി, ജെപിഎച്ച്എൻ എൻ. പ്രമീള എന്നിവർ പ്രസംഗിച്ചു. തുടർന്ന് നടന്ന ബോധവത്കരണ സെമിനാർ പി.പി. യൂണിറ്റ് മെഡിക്കൽ ഓഫീസർ ഡോ. പ്രവീൺ. എം നയിച്ചു. എല്ലാ കുഞ്ഞുങ്ങൾക്കും ജനിച്ച് ആദ്യ മണിക്കൂറിൽ തന്നെ അമ്മയുടെ മുലപ്പാൽ നൽകുന്നുവെന്നും ആറുമാസംവരെ മുലപ്പാൽ മാത്രം കുഞ്ഞിന് ഭക്ഷണമായി നൽകുന്നുവെന്നും ഉറപ്പാക്കുന്നതിനുള്ള ബോധവത്കരണം ശക്തമാക്കുന്നതിനുമായാണ് മുലയൂട്ടൽ വാരാചരണം സംഘടിപ്പിച്ചിരിക്കുന്നത്. വാരാചരണം ഏഴിനു സമാപിക്കും.

സെബാസ്റ്റ്യനുമായി വീണ്ടും തെളിവെടുപ്പ്; ജയ്‌നമ്മയുടെ സ്വര്‍ണം വീണ്ടെടുത്തു

ചേര്‍ത്തല: ദുരൂഹസാഹചര്യത്തില്‍ മൂന്നു സ്ത്രീകളെ കാണാതായ സംഭവത്തില്‍ പ്രതി സെബാസ്റ്റ്യനുമായി ക്രൈംബ്രാഞ്ച് സംഘം തെളിവെടുത്തു. ഏറ്റുമാനൂര്‍ സ്വദേശിനി ജയ്‌നമ്മയെ കൊലപ്പെടുത്തിയ സംഭവത്തിലാണ് ഇപ്പോള്‍ ക്രൈംബ്രാഞ്ച് സംഘം തെളിവെടുപ്പു നടത്തുന്നത്. ജയ്‌നമ്മ ധരിച്ചിരുന്ന സ്വര്‍ണം സെബാസ്റ്റ്യന്‍ ചേര്‍ത്തലയിലെ സഹകരണ ബാങ്കിലും സ്വകാര്യ ധനകാര്യ സ്ഥാപനത്തിലുമായി പണയം വയ്ക്കുകയും പിന്നീട് അവിടെ നിന്നെടുത്തു വില്‍ക്കുകയും ചെയ്തിരുന്നു. ഈ സ്വര്‍ണം അന്വേഷണ സംഘം വീണ്ടെടുത്തു. കാണാതാകുമ്പോള്‍ ജയ്‌നമ്മ ധരിച്ചിരുന്നതെന്നു കരുതുന്ന സ്വര്‍ണമാണ് ഇയാളുടെ സാന്നിധ്യത്തിലെത്തി വീണ്ടെടുത്തത്. പണയവും വില്പനയും ചേര്‍ത്തല ഡിവൈഎസ്പി ഓഫീസിനു മുന്നിലുള്ള ശ്രീവെങ്കിടേശ്വര ജ്വല്ലറിയില്‍നിന്നാണ് സ്വര്‍ണം വീണ്ടെടുത്തത്. ജയ്‌നമ്മയെ കാണാതായ 2024 ഡിസംബര്‍ 23ന് ഉച്ചയ്ക്കു ശേഷം ചേര്‍ത്തല നഗരത്തിലെ സഹകരണ ബാങ്കിന്‍റെ പ്രഭാത സായാഹ്ന ശാഖയില്‍ 25.5 ഗ്രാം സെബാസ്റ്റ്യന്‍റെ സഹായി മനോജ് പണയം വച്ചിരുന്നു. 24ന് ദേവീക്ഷേത്രത്തിനു വടക്കുവശത്തുള്ള സ്വകാര്യ ധനകാര്യ സ്ഥാപനത്തില്‍ രണ്ടു ഗ്രാമും പണയം വച്ചു. ജയ്‌നമ്മയെ കൊലപ്പെടുത്തിയ ശേഷം ആഭരണങ്ങള്‍ കൈക്കലാക്കി പണയം വയ്ക്കുകയായിരുന്നെന്നാണ് കണ്ടെത്തിയിരിക്കുന്നത്. പിന്നീട് രണ്ടിടത്തുനിന്നു സ്വര്‍ണമെടുത്താണ് ശ്രീവെങ്കിടേശ്വര ജ്വല്ലറിയില്‍ വിറ്റത്. ആകെ അഞ്ചു പവനാണ് വിറ്റത്. മൂന്നു സ്ഥാപനങ്ങളിലും സെബാസ്റ്റ്യനെ എത്തിച്ചു സാക്ഷികളുടെ സാന്നിധ്യത്തില്‍ തെളിവുകള്‍ ശേഖരിച്ചു. സ്ഥാപന ഉടമകളും നടന്ന കാര്യങ്ങള്‍ അന്വേഷണ സംഘത്തിനു വിശദീകരിച്ചു. രാവിലെ 10.30ഓടെ തുടങ്ങിയ നടപടി സന്ധ്യയോടെയാണ് പൂര്‍ത്തിയായത്. ഡിവൈഎസ്പി മാരായ സാജന്‍ സേവ്യര്‍, ടി.ആര്‍. പ്രദീപ് കുമാര്‍, സര്‍ക്കിള്‍ ഇന്‍സ്പക്ടര്‍മാരായ എം.എസ്. രാജീവ്, ജിജിന്‍ ചാക്കോ എന്നിവരുടെ നേതൃത്വത്തില്‍ 40 അംഗ പോലീസ് സംഘമാണ് തെളിവെടുപ്പിനായെത്തിയത്. ഇന്നു വീട്ടിൽ തെളിവെടുപ്പ് ഇന്ന് സെബാസ്റ്റ്യനുമായി ചേര്‍ത്തല പള്ളിപ്പുറത്തുള്ള വീട്ടിലെത്തി ക്രൈംബ്രാഞ്ച് തെളിവെടുക്കും. വീട്ടുവളപ്പില്‍ ആവശ്യമായ പരിശോധനകള്‍ക്കായി ക്രമീകരണങ്ങള്‍ നടത്തിയിട്ടുണ്ട്. ജയ്‌നമ്മയുടെ തിരോധാനം അന്വേഷിക്കുന്ന സംഘം 28ന് പള്ളിപ്പുറത്തെ സെബാസ്റ്റ്യന്‍റെ വീട്ടുവളപ്പില്‍ നടത്തിയ പരിശോധനയിലാണ് ശരീരാവശിഷ്ടങ്ങള്‍ കത്തക്കരിഞ്ഞ നിലയില്‍ കണ്ടെത്തിയത്. ജയ്‌നമ്മയുടെതെന്നാണ് നിഗമനം. ഇതിന്‍റെ ശാസ്ത്രീയ തെളിവിനായി ഡിഎന്‍എ പരിശോധനയ്ക്കയച്ചിട്ടുണ്ട്. മൂന്നു സ്ത്രീകളെ കാണാതായ സംഭവത്തിലാണ് നിലവിൽ അന്വേഷണം. ഇതിനിടയില്‍ തിരുവിഴ സ്വദേശിനിയെ കാണാതായതിനു പിന്നിലും സെബാസ്റ്റ്യന്‍ തന്നെയാണോയെന്ന് നാട്ടുകാരില്‍ ചിലര്‍ ഇപ്പോള്‍ സംശയം ഉയര്‍ത്തിയിട്ടുണ്ട്.

ഒടുവിൽ കോഴിമുക്ക് സ്കൂൾ പുതിയ കെട്ടിടത്തിൽ

പുതിയ കെട്ടിടം വെറുതെ കിടന്നത് മൂന്നു വർ‌ഷം എടത്വ: രക്ഷിതാക്കളുടെ പ്രതിഷേധത്തിനൊടുവിൽ, ഫിറ്റ്‌നസ് നഷ്ടപ്പട്ട പഴയ കെട്ടിടത്തില്‍നിന്നു കോഴിമുക്ക് ഗവ. എല്‍പി സ്‌കൂളിന്‍റെ പ്രവര്‍ത്തനം പുതിയ കെട്ടിടത്തില്‍ ആരംഭിച്ചു. പൊട്ടിപൊളിഞ്ഞ പഴയ സ്‌കൂള്‍ കെട്ടിടത്തില്‍ ക്ലാസ് നടത്തുന്നതിനെതിരെ രക്ഷിതാക്കളുടെ നേതൃത്വത്തില്‍ പ്രതിഷേധം ആരംഭിച്ചതോടെ കെട്ടിടത്തിന്‍റെ ഫിറ്റ്‌നസ് റദ്ദാക്കിയിരുന്നു. ഇതേത്തുടര്‍ന്ന് ബ്ലോക്ക്-ഗ്രാമപഞ്ചായത്ത് പ്രതിനിധികള്‍, വകുപ്പുതല ഉദ്യോഗസ്ഥര്‍, എടത്വ പോലീസ്, പൊതു പ്രവര്‍ത്തകര്‍ എന്നിവരുടെ സംയുക്ത ചര്‍ച്ചയിലാണ് പുതിയ കെട്ടിടത്തിനു ഫിറ്റ്‌നസ് താല്കാലികമായി നല്‍കി ക്ലാസ് ആരംഭിച്ചത്. ഒരു കൈവരിയുടെ പേരിൽ 2022ല്‍ പണികഴിപ്പിച്ച പുതിയ സ്‌കൂള്‍ കെട്ടിടം കൈവരി സ്ഥാപിക്കാത്തതിന്‍റെ പേരിലാണ് ഫിറ്റ്‌നസ് നല്‍കാതിരുന്നത്. 2018ലെ പ്രളയം അതിജീവിക്കുന്ന തരത്തില്‍ കെട്ടിടം ഉയര്‍ത്തിയപ്പോള്‍ വരാന്തയില്‍നിന്നു കുട്ടികള്‍ വീണ് അപകടം ഉണ്ടാകാന്‍ സാധ്യതയുണ്ടെന്നു ചൂണ്ടിക്കാട്ടിയാണ് അധികൃതര്‍ പ്രവര്‍ത്തന അനുമതി നിഷേധിച്ചത്. നിര്‍മാണം കഴിഞ്ഞ് മൂന്നു വര്‍ഷം എത്തിയിട്ടും വരാന്തയ്ക്കു ചുറ്റും കൈവരി സ്ഥാപിക്കാന്‍ അധികൃതര്‍ക്കു കഴിഞ്ഞില്ല. സ്ഥിരം കൈവരി വേണം 2.80 ലക്ഷം രൂപ കൈവരി നിര്‍മാണത്തിനു പിഡബ്ല്യുഡി അനുവദിച്ചെങ്കിലും നിര്‍മാണം ആരംഭിച്ചിരുന്നില്ല. രക്ഷിതാക്കളുടെ പ്രതിഷേധത്തെത്തുടർന്നു നടന്ന ചര്‍ച്ചയിലാണ് സ്‌കൂള്‍ പ്രവര്‍ത്തനത്തിന് അനുമതി നല്‍കിയത്. കൈവരി താല്കാലികമായി സ്ഥാപിക്കാമെന്നും പഞ്ചായത്ത് ഉറപ്പ് നല്‍കി. സ്‌കൂള്‍ വരാന്തയ്ക്കു ചുറ്റും ഗാർഡൻ നെറ്റ് ഉപയോഗിച്ചു മറച്ചാണ് പ്രവര്‍ത്തനം ആരംഭിച്ചത്. എന്നാൽ, നാലാം ക്ലാസ് വരെയുള്ള കൊച്ചു കുട്ടികള്‍ പഠിക്കുന്ന വിദ്യാലയത്തില്‍ താത്കാലിക നടപടി പര്യാപ്തമല്ലെന്നു ചൂണ്ടിക്കാണിക്കപ്പെടുന്നു. പഞ്ചായത്ത് അടിയന്തരമായി ഇടപെട്ട് സ്ഥിരം കൈവരി നിര്‍മിക്കണമെന്നാണ് രക്ഷിതാക്കളും നാട്ടുകാരും ആവശ്യപ്പെടുന്നത്.

അരൂര്‍ - തുറവൂര്‍ സമാന്തര റോഡുകളുടെ നവീകരണം: 36.20 ലക്ഷം രൂപകൂടി അനുവദിച്ചു

ആലപ്പുഴ: അരൂര്‍ - തുറവൂര്‍ ഉയരപ്പാത നിര്‍മാണ മേഖലയിലെ ഗതാഗതക്കുരുക്കിന് പരിഹാരമായി സമാന്തര റോഡുകള്‍ നവീകരിച്ച് ഗതാഗതയോഗ്യമാക്കുന്നതിന് നേരത്തെ എട്ടരക്കോടി അനുവദിച്ചതിന് പുറമേ 36.20 ലക്ഷം രൂപകൂടി അനുവദിച്ചതായി ദേശീയപാത അഥോറിറ്റി കെ.സി. വേണുഗോപാല്‍ എംപിയെ അറിയിച്ചു. എട്ടരക്കോടി രൂപ നേരത്തേ പൊതുമരാമത്ത് വകുപ്പിന് കൈമാറിയിരുന്നു. എന്നാല്‍ നിര്‍മാണ പ്രവൃത്തി പൂര്‍ത്തിയാക്കാന്‍ 36.20 ലക്ഷം രൂപകൂടി വേണമെന്ന പൊതുമാരമത്ത് വകുപ്പിന്‍റെ ആവശ്യപ്രകാരമാണ് അധിക 36.20 ലക്ഷം രൂപയുടെ ഭരണാനുമതിക്കായി കെ.സി. വേണുഗോപാല്‍ ഇടപെടല്‍ നടത്തിയത്. തുറവൂര്‍നിന്നും കുമ്പളങ്ങി വഴിയും തുറവൂര്‍ - മാക്കേക്കടവ് വഴിയും എറണാകുളത്തേക്ക് ദേശീയപാതയ്ക്ക് സമാന്തരമായി രണ്ടു പ്രധാന റോഡുകളാണ് അറ്റകുറ്റപ്പണികള്‍ നടത്തി ഗതാഗതയോഗ്യമാക്കുന്നത്. ഉയരപ്പാത നിര്‍മാണ മേഖലയില്‍ അപകടമരണങ്ങള്‍ തുടര്‍ക്കഥയാവുകയും ഗതാഗത തടസം ഗുരുതരമായവുകയും ചെയ്തതോടെയാണ് കെ.സി. വേണുഗോപാല്‍ എംപി ഇടപെട്ട് ദേശീയപാതാ അഥോറിറ്റിയെക്കൊണ്ട് സമാന്തര റോഡുകള്‍ ശക്തിപ്പെടുത്താന്‍ പണം അനുവദിപ്പിച്ചത്.

പരുമലയെ കായിക ഹബ്ബാക്കുമെന്ന്

മാന്നാർ: പരുമലയെ കായിക ഹബ്ബാക്കി മാറ്റാനുള്ള ശ്രമത്തിലാണ് ഡിസി. ഒരു വർഷം മുൻപ് പരുമലയിലെയും പരിസര പ്രദേശങ്ങളിലെയും അൻപതോളം യുവാക്കൾ ചേർന്നാണ് പരുമല ഡെയ്‌ലി ക്രിക്കറ്റ് (ഡിസി) രൂപീകരിച്ചത്. ക്രിക്കറ്റ് കളിയിൽ അഭിരുചിയുള്ള യുവാക്കളെ കണ്ടെത്തി പരിശീലിപ്പിക്കുക, പ്രമുഖ ടീമുകളെ ഉൾക്കൊള്ളിച്ച് ടൂർണമെന്‍റുകൾ സംഘടിപ്പിക്കുക എന്നിവയോടൊപ്പം യുവാക്കൾ ലഹരിക്കടിമയാകാതെ ഒരു പുത്തൻ യുവജന കൂട്ടായ്മ വളർത്തിയെടുക്കുകയുമായിരുന്നു ഡിസിയുടെ ലക്ഷ്യം. ഇവയൊക്കെ ലക്ഷ്യം കണ്ടപ്പോൾ ഫുട്ബോൾ, കബഡി ഉൾപ്പടെയുള്ള മറ്റിനങ്ങളും പരിശീലിപ്പിച്ച് ഒരു കായിക ഹബ്ബാക്കി പരുമലയെ മാറ്റാനാണ് ഡിസിയുടെ അടുത്ത ശ്രമം. പരുമല പമ്പാ കോളജ് ഗ്രൗണ്ടാണ് ഇതിനായി ഉപയോഗിച്ചുവരുന്നത്. ഡിസിയുടെ ഒന്നാം വാർഷികവും പുതിയ ജേഴ്സിയുടെ പ്രകാശനവും നടന്നു. ഇവയുടെ ഉദ്ഘാടനം പരുമല പമ്പാ കോളജ് പ്രിൻസിപ്പൽ ഡോ. എസ്. സുരേഷ് നിർവഹിച്ചു. ഇതോടനുബന്ധിച്ച് ചേർന്ന സമ്മേളനത്തിൽ ഡിസി പ്രസിഡന്‍റ് ബാലു ടി. ബാബു അധ്യക്ഷനായിരുന്നു. വ്യാപാരി വ്യവസായി സമിതി ഏരിയാ സെക്രട്ടറി ഡൊമിനിക് ജോസഫ് മുഖ്യപ്രഭാഷണം നടത്തി. വി.എസ്. സോണി, പി.ടി. ജിജോ, ഷബീർ അലി, വിജിൽ വർഗീസ്, എം.കെ. സാജൻ, ദിലീപ് കുമാർ എന്നിവർ പ്രസംഗിച്ചു.

ദേശീയപാതയിൽ കഞ്ഞിക്കുഴിയില്‍ പാലം: സിപിഐ പ്രതിഷേധ പ്രകടനം നടത്തി

ചേർത്തല: ദേശീയപാതയിൽ കഞ്ഞിക്കുഴിയില്‍ എഎസ് കനാലിന് കുറുകെ പാലം വേണമെന്ന് ആവശ്യപ്പെട്ട് സിപിഐ ചേർത്തല തെക്ക് മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനവും സമ്മേളനവും നടത്തി. എഎസ് കനാൽ മണ്ണിട്ട് മൂടിയുള്ള നിർമാണ പ്രവർത്തനം ഒഴിവാക്കുക, കനാലിനു കുറുകെ പാലം നിർമിക്കണമെന്ന ആവശ്യം നടപ്പിലാക്കുക, കനാലിന്‍റെ ടൂറിസം സാധ്യതകൾ ഉറപ്പുവരുത്തുക, കനാൽ മണ്ണിട്ട് മൂടിയുള്ള നിർമാണപ്രവർത്തനം നിർത്തിവയ്ക്കണമെന്ന ഇറിഗേഷൻ വകുപ്പിന്‍റെ സ്റ്റോപ്പ് മെമ്മോ അവഗണിക്കുന്ന നിർമാണ കമ്പനിയുടെയും നാഷണൽ ഹൈവേ അധികൃതരുടെയും ധാര്‍ഷ്ട്യം അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് കഞ്ഞിക്കുഴിയിലെ നിർമാണ സ്ഥലത്തേയ്ക്ക് പ്രതിഷേധം സംഘടിപ്പിച്ചത്. ദേശീയപാത 66-ല്‍ ആലപ്പുഴ മുതൽ ചേർത്തല ഭാഗംവരെ മുൻകാലങ്ങളിൽ ചരക്കുവള്ളങ്ങൾ ഉൾപ്പെടെ ജലഗതാഗതത്തിനുവേണ്ടി എഎസ് കനാലിലൂടെയാണ് കടന്നുപോയിരുന്നത്. നിലവിലെ നിർമാണ പ്രവർത്തനങ്ങൾമൂലം കനാലിലെ ഒഴുക്കിനു കൂടുതൽ തടസം നേരിടുന്നുണ്ട്. 25 മീറ്ററോളം വീതിയുള്ള എഎസ് കനൽ ഈ ഭാഗത്ത് പൂർണമായി മൂടപ്പെട്ടിരിക്കുകയാണ്. എന്നാൽ, നിർമാണം നിരാക്ഷേപപത്രം ലഭ്യമാകുന്ന മുറയ്ക്കും മാനദണ്ഡങ്ങൾക്ക് വിധേയമായും മാത്രമേ പ്രവർത്തനങ്ങൾ നടത്തുവാൻ പാടുള്ളൂ എന്നുകാട്ടി ഇറിഗേഷൻ വകുപ്പ് അസിസ്റ്റന്‍റ് എന്‍ജിനിയർ സ്റ്റോപ്പ് മെമ്മോ നൽകിട്ടുണ്ട്. സിപിഐ ചേർത്തല തെക്ക് മണ്ഡലം സെക്രട്ടറി കെ.ബി. ബിമൽ റോയ് ഉദ്ഘാടനം ചെയ്തു. ജില്ലാ കൗൺസിൽ അംഗം ബൈരഞ്ജിത്ത്, കെ. നാസർ, എം.ഡി. അനിൽകുമാർ, എം.ഡി. മുരളി, ജിജോ രാധാകൃഷ്ണൻ, കെ.എസ്. ഷിബു, സാംജു സന്തോഷ്, ഓമനക്കുട്ടൻ, പ്രവീൺ, ഷീലാ പാപ്പച്ചൻ, പ്രസന്ന മുരളി തുടങ്ങിയവർ പ്രസംഗിച്ചു.

അക്ഷരപ്പുരയുടെ ചുവരുകളിൽ വിശ്വസാഹിത്യകാരന്മാരുടെ പുസ്തകങ്ങളുടെ പുറംചട്ടയും

അന്പലപ്പുഴ: അക്ഷരപ്പുരയുടെ ചുവരുകളിൽ വിശ്വസാഹിത്യകാരന്മാരുടെ പുസ്തകങ്ങളുടെ പുറംചട്ടയും ഇവരുടെ ഫോട്ടോകളും വരച്ച് പുതുതലമുറയ്ക്ക് വെളിച്ചം പകരുകയാണ് ഗോപീന്ദ്രൻ. പുന്നപ്ര ചള്ളി വിജ്ഞാന പ്രദായിനി വായനശാലയ്ക്കു മുന്നിലെത്തുന്ന ആരും ആദ്യം ഒന്നു പകച്ചുപോകും. മൺമറഞ്ഞതും ജീവിക്കുന്നതുമായ മഹാന്മാരുടെ പുസ്തകങ്ങൾ ഭിത്തിയിൽ നിരത്തിവച്ചിരിക്കുന്നതുപോലെ തോന്നും. അത്രയ്ക്കു മികവാണ് ഗോപീന്ദ്രന്‍റെ വിരൽത്തുമ്പിൽ പെയിന്‍റിൽ തീർത്ത വരയ്ക്കുള്ളത്. വൈക്കം മുഹമ്മദ് ബഷീർ, എം.ടി. വാസുദേവൻ നായർ, തകഴി, മാധവിക്കുട്ടി, ആട് ജീവിതം എഴുതിയ ബെന്യാമിൻ അങ്ങനെ നിരവധിപ്പേരാണ് ചുവരിൽ ജീവനുള്ള ചിത്രങ്ങളായത്. പുന്നപ്ര ദൈവപുരയ്ക്കൽ ഡി. ഗോപീന്ദ്രൻ "ഗോതര' എന്ന തൂലികാനാമത്തിലാണ് അറിയപ്പെടുന്നത്. ഈ പേരിലും ഒരു കൗതുകമുണ്ട്. ആദ്യകാല സുഹ്യത്തുക്കളായ കെ.ആർ. തങ്കജി, രംഗനാഥ്, ഗോപീന്ദ്രൻ ഇവർ മൂന്നുപേരും ചേർന്നാണ് വരയും വായനയുമൊക്കെ നടത്തിയിരുന്നത്. ഈ മൂവർസംഘത്തിന്‍റെ പേരിലെ ആദ്യാക്ഷരങ്ങൾ ചേർത്താണ് ഗോതരയുണ്ടായത്. പിന്നീട് തങ്കജിക്കു സർക്കാർ ജോലി കിട്ടി. രംഗനാഥ് മറ്റു മേഖലയിലേക്ക് തിരിഞ്ഞു. എന്നാൽ തനിക്ക് വരദാനമായി ലഭിച്ച ചിത്രരചനയും പെയിന്‍റിംഗും ഗോപീന്ദ്രൻ തൊഴിലായി സ്വീകരിക്കുകയായിരുന്നു. ആർട്ടിസ്റ്റ് ഡിപ്ലോമ നേടിയിട്ടുള്ള ഇദ്ദേഹം നീണ്ട ദിവസത്തെ അധ്വാനത്തിന്‍റെ ശ്രമഫലമായി മുപ്പതോളം പുസ്തകങ്ങളുടെ പുറംചട്ടയാണ് വിജ്ഞാനപ്രദായിനി വായനശാലയുടെ ചുവരുകളിൽ വരച്ചുതീർത്തത്. എല്ലാം ജീവൻ തുടിക്കുന്ന ചിത്രങ്ങൾ. തീരദേശത്തെ കുട്ടികൾ പഠിക്കുന്ന ബീച്ച് എൽപിസ്കൂളിനോടു ചേർന്ന് പ്രവർത്തിക്കുന്ന വായനശാലയായതിനാൽ കുട്ടികൾക്കും മൺമറഞ്ഞ ഇതിഹാസ കഥാകാരന്മാരെ തിരിച്ചറിയാൻ ഗോപീന്ദ്രന്‍റെ നിറച്ചാർത്ത് ഉപകരിക്കും. വായനശാലാ ഭാരവാഹികളായ ആർ. അമൃത രാജിന്‍റെയും ശ്യാം എസ്. കാര്യതിയുടെയും മുൻ ലൈബ്രറി പ്രസിഡന്‍റ് കെ.ആർ. തങ്കജിയുടെയും പിന്തുണയും ചിത്രരചനയ്ക്കു പ്രോത്സാഹനമായതായി ഗോപീന്ദ്രൻ പറഞ്ഞു.

വൈഎംസിഎ സുവർണ ജൂബിലി ആഘോഷങ്ങൾക്ക് ഇന്നു തുടക്കം

മാന്നാർ: കുട്ടംപേരൂർ വൈഎംസിഎ സുവർണ ജൂബിലി ആഘോഷങ്ങൾക്ക് ഇന്നു തുടക്കമാകും. കുട്ടംപേരൂർ സെന്‍റ് ഗ്രിഗോറിയോസ് ‌പള്ളി പാരീഷ്ഹാളിൽ 3.30ന് ചേരുന്ന ജൂബിലി സമ്മേളനം ആരോഗ്യ വകുപ്പ് മന്ത്രി വീണാ ജോർജ് ഉദ്ഘാടനം ചെയ്യും. പ്രസിഡന്‍റ് മാത്യു ജി. മനോജ് അധ്യക്ഷത വഹിക്കും. ഡോ. അലക്‌സിയോസ് മാർ യൗസേബിയോസ് മെത്രാപ്പോലീത്ത അനുഗ്രഹ പ്രഭാഷണം നടത്തും. വൈഎംസിഎ കേരള റീജണൽ ചെയർമാൻ പ്രഫ. അലക്‌സ് തോമസ് ജൂബിലി സന്ദേശം നൽകും. ഫാ. ടി.ടി. തോമസ്, ഫാ. നൈനാൻ ഉമ്മൻ, റവ. മാത്യൂസ് മാത്തുണ്ണി എന്നിവർ വിവിധ പദ്ധതികൾ ഉദ്ഘാടനം ചെയ്യും. സെക്രട്ടറി തോമസ് ജോൺ ജുബിലി പദ്ധതികൾ വിശദീകരിക്കും. അടുത്ത ഒരു വർഷം നീണ്ടുനിൽക്കുന്ന ജൂബിലി ആഘോഷങ്ങളുടെ ഭാഗമായി ജൂബിലി സ്‌മാരക ഹാൾ നിർമിക്കും . ഡയാലിസിസ് സഹായപദ്ധതി, സാന്ത്വനം പദ്ധതി, മെഡിക്കൽ ക്യാമ്പുകൾ, വനിതാ യുവജന വിദ്യാർഥി സമ്മേളനങ്ങൾ ലഹരിവിരുദ്ധ പ്രവർത്തനങ്ങൾ തുടങ്ങിയവ ജൂബിലിയോടനുബന്ധിച്ച് സംഘടിപ്പിക്കുമെന്ന് പ്രസിഡന്‍റ് മാത്യു ജി. മനോജ്, സെക്രട്ടറി തോമസ് ജോൺ, ജനറൽ കൺവീനർ ചാക്കോ ഉമ്മൻ, ട്രഷറർ ഫിലിപ്പ് പി. ജോസ് എന്നിവർ അറിയിച്ചു.

നാലുചിറ തോണിക്കടവ് സുധീരൻപാലം: കരിങ്കൽ പിച്ചിംഗും അപ്രോച്ച് റോഡും ഇടിഞ്ഞു

അമ്പലപ്പുഴ: നാലുചിറ തോണിക്കടവ് സുധീരൻപാലം കരിങ്കൽപിച്ചിംഗും അപ്രോച്ച് റോഡും ഇടിഞ്ഞു. കാൽനടയാത്രക്കാരും ടൂവീലർ യാത്രക്കാരും അപകടത്തിൽപ്പെടുന്നത് പതിവ് കാഴ്ചയാണ്. കോരംകുഴി തോട്ടിലെ ശക്തമായ ഒഴക്കും വെള്ളപ്പൊക്കവുംമൂലം കൽക്കെട്ട് തകർന്ന് സുധീരൻപാലവും അപകട ഭീഷണിയിലായി. വി.എം. സുധീരൻ എംപിയുടെ ഫണ്ടിൽനിന്നും 2002-ൽ അനു വദിച്ച തുകയിൽ നിർമിച്ചതാണ് ഈ പാലം . കെ.സി. വേണുഗോപാൽ എംപി അടിയന്തരമായി ഇടപെടണമെന്നാണ് നാട്ടുകാരുടെ ആവശ്യം. നാലുചിറ, ഇല്ലിച്ചിറ, മുക്കട, കൊച്ചുപുത്തൻകരി പ്രദേശവാസികളുടെ ഏക സഞ്ചാരമാർഗമാണ് ഈ പാലം.

വയോധികന്‍റെ കൊലപാതകം: അഭിഭാഷകന് ജീവപര്യന്തം

ആലപ്പുഴ: വയോധികനെ ഇരുമ്പുവടികൊണ്ട് തലയ്ക്കടിച്ച് കൊലപ്പെടുത്തിയ കേസില്‍ ബന്ധുവായ അഭിഭാഷകന് ജീവപര്യന്തം ശിക്ഷ. ആലപ്പുഴ മണ്ണഞ്ചേരി പഞ്ചായത്ത് വരകാടിവെളി കോളനി സുദര്‍ശനെ (62) കൊലപ്പെടുത്തിയ കേസില്‍ അഭിഭാഷകന്‍ മഹേഷിനെയാണ് (40) ആലപ്പുഴ അഡീഷണല്‍ സെഷന്‍സ് കോടതി-രണ്ട് ജഡ്ജി എസ്. ഭാരതി ജീവപര്യന്തവും ഒരു ലക്ഷം രൂപ പിഴയും വിധിച്ചത്. ആക്രമണത്തില്‍ സുദര്‍ശനന്‍റെ മകന്‍റെ കൈയൊടിച്ചതിന് മൂന്നു വര്‍ഷവും 25,000 രൂപ പിഴയും മകളെ പരിക്കേല്‍പിച്ചതിന് രണ്ടുവര്‍ഷവും തടവും അനുവഭിക്കണം. പിഴത്തുക രണ്ടു മക്കള്‍ക്കായി വീതിച്ചുനല്‍കണം. പുറമ്പോക്ക് ഭൂമി പ്രതി കൈയേറി ഷെഡ് നിര്‍മിച്ചതിലുള്ള തര്‍ക്കമാണ് കൊലപാതകത്തിനു കാരണമായത്.

ദേശീയപാതയിൽ കെഎസ്ആർടിസി ബസിന് നേരേ ആക്രമണം: രണ്ടുപേർ പിടിയിൽ

കായംകുളം: ദേശീയപാതയിൽ കെഎസ്ആർടിസി ബസിന് നേരേ ആക്രമണം നടത്തിയ സംഭവത്തിൽ രണ്ടുപേർ പോലീസ് പിടിയിലായി. കണ്ടല്ലൂർ കൊച്ചുപറമ്പിൽ വീട്ടിൽ താമസിക്കുന്ന മുതുകുളം വടക്ക് ചേപ്പാട് കന്നിമേൽ ഷജീന മൻസിൽ ഷാജഹാൻ (39), മുതുകുളം തെക്ക് ചിറ്റേഴത്ത് വീട്ടിൽ ശരത് (ആനശരത്ത്-35) എന്നിവരാണ് അറസ്റ്റിലായത്. ചില്ല് ഹെൽമറ്റുകൊണ്ട് അടിച്ചുപൊട്ടിച്ച പ്രതികളെ അറസ്റ്റ്‌ ചെയ്തു. ആലപ്പുഴ വണ്ടാനം മെഡിക്കൽ കോളജിൽനിന്ന് കരുനാഗപ്പള്ളിയിലേക്ക് സർവീസ് നടത്തുകയായിരുന്ന കെഎസ്ആർടിസി ഓർഡിനറി ബസിനുനേരേയായിരുന്നു ആക്രമണം. കഴിഞ്ഞ ദിവസം ഉച്ചയ്ക്ക് ഒരു മണിയോടെ കായംകുളം കൊറ്റുകുളങ്ങര ഭാഗത്താണ് ആക്രമണം നടത്തിയത്. സൈഡ് കൊടുത്തില്ലെന്ന് ആരോപിച്ച് ബൈക്കിൽ വന്ന സംഘം ഹെൽമറ്റ് വലിച്ചെറിഞ്ഞ് ബസിന്‍റെ മുൻവശത്തെ ചില്ല് തകർക്കുകയായിരുന്നു. സംഭവത്തിൽ ബസ് ഡ്രൈവർക്കും യാത്രക്കാർക്കും പരിക്കേറ്റിരുന്നു. കനകക്കുന്ന് പൊലീസിന്‍റെ സഹായത്തോടെയാണ് പ്രതികളെ പിടികൂടിയത്. പിടിയിലായ ആന ശരത്ത് കനകക്കുന്ന്, കരീലക്കുളങ്ങര, തൃശൂർ പോലീസ് സ്റ്റേഷനുകളിൽ നിരവധി കേസുകളിൽ പ്രതിയും കാപ്പ നിയമപ്രകാരം നടപടി നേരിട്ടിട്ടുള്ളയാളുമാണെന്നും, ഷാജഹാൻ കരീലക്കുളങ്ങര പോലീസ് സ്റ്റേഷൻ പരിധിയിൽ നിരവധി കേസുകളിൽ പ്രതിയാണന്നും പോലീസ് പറഞ്ഞു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

കന്യാസ്ത്രീകളുടെ അറസ്റ്റ്: നാടെങ്ങും വ്യാപക പ്രതിഷേധം

എടത്വ എക്യുമെനിക്കല്‍ ക്രിസ്ത്യന്‍ കൂട്ടായ്മ എടത്വ: അശരണരും പാവപ്പെട്ടവരുമായ ആളുകളുടെ ഉന്നമനത്തിനായി, നിര്‍ധനരായ കുഞ്ഞുങ്ങളുടെ പഠനത്തിനായി, ആരോരുമില്ലാത്ത രോഗികളുടെ പരിചരണത്തിനായി ജീവിതം സമര്‍പ്പിച്ച രണ്ട് കന്യാസ്ത്രീകളെ അറസ്റ്റ് ചെയ്തു ജയിലിലടച്ച നടപടി പ്രതിഷേധാര്‍ഹവും അപലനീയവുമാണ്. ഇന്ത്യന്‍ ജനാധിപത്യത്തിനുതന്നെ തീരാക്കളങ്കവും, മൗലീകാവകാശത്തിന്‍റെ നഗ്‌നമായ ലംഘനവുമാണ്. നിസ്വാര്‍ഥമായി സേവനം ചെയ്യുന്ന നിരപരാധികളായ കന്യാസ്ത്രീകള്‍ക്കെതിരേയുള്ള ഈ അറസ്റ്റ്. അര്‍ഹതപ്പെട്ട ജാമ്യം നിഷേധിക്കുകവഴി എല്ലാ പൗരന്മാര്‍ക്കും ലഭ്യമാകേണ്ട നീതിവാഴ്ച വീഴ്ചയിലേക്ക് കൂപ്പുകുത്തുകയാണുണ്ടായത്. ജാതി-മത ഭേദമെന്യേ എല്ലാവര്‍ക്കും നിയമപരിരക്ഷ നല്‍കുകയും നിരപരാധികളെ സംരക്ഷിക്കുകയും ചെയ്യേണ്ടത് ഉത്തരവാദിത്വബോധമുള്ള സര്‍ക്കാരിന്‍റെ ചുമതലയാണ്. കന്യാസ്ത്രീകള്‍ക്ക് നിയമത്തിന്‍റെ പരിരക്ഷ ഉറപ്പാക്കി എത്രയും വേഗം അവരെ സ്വതന്ത്രരാക്കുകയും ന്യായം നടപ്പിലാക്കുകയും വേണം. ഇത് മതത്തിനുവേണ്ടിയുള്ള പ്രതികരണമല്ല മനുഷ്യനു വേണ്ടിയുള്ളതാണ്. നീതിനിഷേധിത പ്രവര്‍ത്തിക്കെതിരേ എടത്വ എക്യുമെനിക്കല്‍ ക്രിസ്ത്യന്‍ കൂട്ടായ്മയുടെ രക്ഷാധികാരി ഫാ. ഫിലിപ്പ് വൈക്കത്തുകാരന്‍, പ്രസിഡന്‍റ് ഫാ. ബിജി ഗീവര്‍ഗീസ്, വിവിധ പള്ളികളിലെ വികാരിമാരായ റവ. ജോസഫ് കെ. ജോര്‍ജ്, റവ. മാത്യു പി. ജോര്‍ജ്, ഫാ. ജേക്കബ് തോമസ് മുണ്ടിയത്ര, ഫാ. ലിജു പി. ചെറിയാന്‍, ഫാ. ഏബ്രഹാം പരിയാരത്ത് എന്നിവര്‍ ഐക്യദാര്‍ഢ്യം പ്രഖ്യാപിച്ചു. വിദ്യാര്‍ഥികള്‍ പ്രതിഷേധിച്ചു മങ്കൊമ്പ്: ഭരണഘടനാ അവകാശങ്ങൾക്കു വിരുദ്ധമായി ഛത്തീസ്ഗഡിൽ കന്യാസ്ത്രീകളെ അറസ്റ്റ് ചെയ്തു ജയിലിലടച്ച നടപടിയിൽ പ്രതിഷേധിച്ച് പുളിങ്കുന്ന് ലിറ്റിൽ ഫ്ളവർ ഹൈസ്‌കൂളിൽ വിദ്യാര്‍ഥി സംഘടനയായ കെസിഎസ്എല്ലിന്‍റെ ആഭിമുഖ്യത്തിൽ മെഴുകുതിരി കത്തിച്ച് പ്രതിഷേധിച്ചു. പ്രതിഷേധ ചടങ്ങിൽ പുളിങ്കുന്ന് സെന്‍റ് മേരീസ് ഫൊറോന സഹവികാരി ഫാ. റ്റിബിൻ ഒറ്റാറയ്ക്കൽ, സ്‌കൂൾ മാനേജർ സിസ്റ്റർ ജോളി തെരേസ്, ഹെഡ്മിസ്ട്രസ് ആശാ സെബാസ്റ്റ്യൻ, അനിമേറ്റർ സിസ്റ്റർ എലിസബത്ത് മരിയ, കെസിഎസ്എൽ ലീഡർ ഡാനിയ പി. ഷാജി എന്നിവർ പ്രസംഗിച്ചു.

വെള്ളപ്പൊക്കം: സർക്കാർ ഇടപെടണം: മാർ തോമസ് തറയിൽ

മങ്കൊമ്പ്: കുട്ടനാട്ടിൽ അടിക്കടിയുണ്ടാകുന്ന വെള്ളപ്പൊക്കം മൂലമുള്ള കെടുതികളുടെയും പ്രശ്‌നങ്ങളുടെയും പരിഹാരത്തിനായി സർക്കാർ ഇടപെടൽ അനിവാര്യമെന്ന് ചങ്ങനാശേരി അതിരൂപത മെത്രാപ്പോലീത്ത മാർ തോമസ് തറയിൽ. വെള്ളപ്പൊക്കംമൂലം കുട്ടനാട് നേരിടുന്ന പ്രശ്‌നങ്ങളെപ്പറ്റി ഇൻഫാം ചങ്ങനാശേരി കാർഷിക ജില്ലയും ക്രിസ് അതിരൂപതാ ഘടകവും ഒരുക്കിയ സംവാദം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പള്ളിക്കൂട്ടുമ്മയിൽ നടന്ന സമ്മേളനത്തിൽ അതിരൂപതാ വികാരി ജനറാൾ മോൺ. മാത്യു ചങ്ങങ്കരി അധ്യക്ഷത വഹിച്ചു. കുട്ടനാട്ടിൽ അടിക്കടി ഉണ്ടാകുന്ന വെള്ളപ്പൊക്കവും പരിഹാരമാർഗ്ഗങ്ങളും സംവാദത്തിൽ ചർച്ച ചെയ്തു. കുട്ടനാട്ടിലെ വിവിധ പാടശേഖരങ്ങളുടെ പ്രതിനിധികൾ, പാടശേഖരസമിതി ഭാരവാഹികൾ, കർഷകർ, ക്രിസ് ഇൻഫാം അംഗങ്ങൾ, ജോബ് മൈക്കിൾ എംഎൽഎ എന്നിവർ സംവാദത്തിൽ പങ്കെടുത്തു. കുട്ടനാട് എംഎൽഎ തോമസ് കെ. തോമസ് ഓൺലൈനിലാണ് സംവാദത്തിന്‍റെ ഭാഗമായത്. കുഫോസിലെ പ്രഫ. വി.എൻ. വിജയൻ, കേരള ഇറിഗേഷൻ ഇൻസ്ട്രക്ടർ ഡെവലപ്‌മെന്‍റ് കോർപറേഷൻ ഡിജിഎം എൻജിനിയർ ഹരൻ ബാബു എന്നിവർ വിഷയാവതരണം നടത്തി. ഇൻഫാം സംസ്ഥാന ജോയിന്‍റ് സെക്രട്ടറി ടോം ജോസഫ്, ക്രിസ് ഇൻഫാം അതിരൂപതാ ഡയറക്ടർ ഫാ. തോമസ് താന്നിയത്ത്, ഫൊറോനാ വികാരിമാരായ റവ. ഡോ. ടോം പുത്തൻകളം, റവ. ഡോ. ജയിംസ് പാലക്കൽ, ക്രിസ് ഇൻഫാം അസിസ്റ്റന്‍റ് ഡയറക്ടർ ഫാ. സോണി പള്ളിച്ചിറയിൽ, അതിരൂപതാ പ്രസിഡന്‍റ് ഡോ. സേവിച്ചൻ, ജോണിച്ചൻ മണ്ണൂപ്പറമ്പിൽ, ജോസി ഡോമിനിക് എന്നിവർ പ്രസംഗിച്ചു.

ചാരായവും കോടയും പിടികൂടി: യുവാവ് അറസ്റ്റിൽ

തുറവൂർ: വീട്ടിൽ ചാരായവും കോടയും സൂക്ഷിച്ചയാളെ കുത്തിയതോട് അസി. എക്സൈസ് ഇൻസ്പെക്ടർ സബിനേഷ് ജിത്തിന്‍റെ നേതൃത്വത്തിലുള്ള സംഘം അറസ്റ്റ് ചെയ്തു. തുറവൂർ പഞ്ചായത്ത് നാലാം വാർഡ് ആശാരിപറമ്പ് ശരത് (34) ആണ് അറസ്റ്റിലായത്. ഇയാൾ താമസിക്കുന്ന വീട്ടിൽനിന്നു പുലർച്ചെ പുകയോടൊപ്പം വാറ്റ് ചാരായത്തിന്‍റെ ഗന്ധം അനുഭവപ്പെട്ടതായുള്ള രഹസ്യ വിവരത്തിന്‍റെ അടിസ്ഥാനത്തിലായിരുന്നു പരിശോധന. എക്സൈസ് ഷാഡോ വിഭാഗം രഹസ്യനീക്കം നടത്തി വീട് വളയുകയായിരുന്നു. വിശ്വസ്തരായ സുഹൃത്തുക്കൾക്ക് ചാരായം കുപ്പികളിലാക്കി ഇയാൾ വിൽപ്പന നടത്തിയിരുന്നതായി എക്സൈസ് അധികൃതർ പറഞ്ഞു. അഞ്ച് ലിറ്റർ വാറ്റ് ചാരായവും നാല്പത് ലിറ്റർ കോടയും ഗ്യാസ് അടുപ്പും വാറ്റുപകരണങ്ങളും പിടികൂടി. ചേർത്തല മജിസ്ട്രേട്ട് കോടതി മുമ്പാകെ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു. സിവിൽ എക്സൈസ് ഓഫീസർമാരായ വി.കെ. വിപിൻ, എം.ഡി. വിഷ്ണുദാസ്, പി.ജി. ബിപിൻ, എസ്.എൻ. സന്തോഷ്, എം. അനിത എന്നിവർ എക്സൈസ് സംഘത്തിൽ ഉണ്ടായിരുന്നു.

കോളജ് അധ്യാപകർ പ്രതിഷേധിച്ചു

അമ്പലപ്പുഴ: ഉന്നത വിദ്യാഭ്യാസ മേഖലയെ തകർക്കുവാൻ സർവകലാശാല ചാൻസലർ കൂടിയായ ഗവർണർ ശ്രമിക്കുന്നുവെന്നാരോപിച്ച് കോളജ് അധ്യാപകർ പ്രതിഷേധിച്ചു. അസോസിയേഷൻ ഓഫ് കേരള ഗവ. കോളജ് ടീച്ചേഴ്സ് (എകെജിസിടി) സംഘടിപ്പിച്ച ജില്ലാതല പ്രതിഷേധം എച്ച്. സലാം എം എൽഎ ഉദ്ഘാടനം ചെയ്തു. അമ്പലപ്പുഴ ഗവ. കോളജിന് സമീപം സംഘടിപ്പിച്ച പ്രതിഷേധ സദസിൽ എകെജിസിടി ജില്ലാ പ്രസിഡന്‍റ് എം. ഹയർന്നിസ അധ്യക്ഷയായി. സംസ്ഥാന വൈസ് പ്രസിഡന്‍റ് ഡോ. വിനു ഭാസ്കർ, സംസ്ഥാന പ്രവർത്തകസമിതി അംഗം ഡോ. രഞ്ജിത് മോഹൻ, ജില്ലാ സെക്രട്ടറി ഡോ. എൻ.ജെ. അഗസ്റ്റിൻ, ജോയിന്‍റ് സെക്രട്ടറി ഡോ. ജി. ഉണ്ണിക്കൃഷ്ണൻ എന്നിവർ പ്രസംഗിച്ചു.

ചേർത്തല താലൂക്കാശുപത്രിയിൽ വയോധികന്‍റെ മൂത്രസഞ്ചിയിൽനിന്ന് 6 സെന്‍റിമീറ്റർ വലിപ്പമുള്ള കല്ല് പുറത്തെടുത്തു

ചേർത്തല: ചേർത്തല താലൂക്കാശുപത്രിയിൽ വയോധികന്‍റെ മൂത്രസഞ്ചിയിൽനിന്ന് ആറു സെന്‍റിമീറ്റർ വലിപ്പമുള്ള കല്ല് പുറത്തെടുത്തു. ലക്ഷങ്ങൾ മുടക്കി സ്പെഷലിസ്റ്റ് ആശുപത്രിയിൽ ചെയ്യുന്ന ഓപ്പറേഷൻ പരിമിതമായ ഉപകരണങ്ങൾ ഉപയോഗിച്ച് ചേർത്തല താലൂക്ക് ആശുപത്രിയിൽ ചെയ്തു വിജയിച്ചതിന്‍റെ ആഹ്ലാദത്തിലാണ് ഡോക്ടർമാരും സഹപ്രവർത്തകരും. ആദ്യത്തെ സുപ്രാപബിക് സിസ്റ്റോലിത്തോടമി ശസ്ത്രക്രിയയാണ് വിജയകരമായി പൂർത്തിയാക്കിയത്. ചേർത്തല സ്വദേശിയായ 67 കാരനെ മൂത്രസഞ്ചിയിലെ വലിയ കല്ല് നീക്കം ചെയ്താണ് പുതിയ ജീവിതത്തിലേക്ക് കൈപിടിച്ച് ഉയർത്തിയത്. അസഹ്യമായ വേദനയോടെ എത്തിയ വയോധികന് സ്കാനിംഗിലൂടെയാണ് സർജൻ ഡോക്ടർ മുഹമ്മദ് മുനീർ കല്ല് കണ്ടുപിടിച്ചത്. തുടർന്ന് സ്പെഷലിസ്റ്റ് ആശുപത്രിയിൽ വൻ തുക ചെലവാക്കി ചെയ്യേണ്ട ഓപ്പറേഷൻ ഒരു പൈസ പോലും മുടക്കാതെ താലൂക്ക് ആശുപത്രിയിൽ ചെയ്തു നൽകി. രോഗിയുടെ ബന്ധുക്കളെ ഓപ്പറേഷന്‍റെ വിവിധ വശങ്ങൾ പറഞ്ഞു മനസിലാക്കിയശേഷം ആശുപത്രി സൂപ്രണ്ട് ഡോ. സുജ അലോഷ്യസിന്‍റെ ഏകോപനത്തിൽ ഡോ. മുഹമ്മദ് മുനീർ, അനസ്തേഷ്യ വിഭാഗം മേധാവി ഡോ. നിർമൽ രാജ്, ഡോ. മിഷ, അശ്വതി, സൂര്യ എന്നിവരടങ്ങുന്ന സംഘം അതീവ സങ്കീർണമായ ഓപ്പറേഷൻ നടത്തുകയായിരുന്നു. ചേർത്തല താലൂക്ക് ആശുപത്രിയിൽ ആദ്യമായാണ് സുപ്രാപബിക് സിസ്റ്റോലിത്തോടമി വിജയകരമായി നടത്തി നേട്ടം കൈവരിച്ചത്. മണിക്കൂറുകളോളം നീണ്ട ഓപ്പറേഷനുശേഷം പുറത്തെടുത്ത കല്ലിന് ആറ് സെന്‍റിമീറ്റർ വലിപ്പമുണ്ടായിരുന്നു. സർജറി വിഭാഗം അംഗങ്ങളായ ഡോ. കൃഷ്ണ, ഡോ. അഞ്ജന, ഡോ. മിന്നു, ഡോ. അനഘ എന്നിവരും പങ്കെടുത്തു.

ലക്ഷങ്ങൾ മുടക്കി; ഇപ്പോൾ സാമൂഹ്യവിരുദ്ധരുടെ താവളം

അമ്പലപ്പുഴ: ലക്ഷങ്ങള്‍ മുടക്കി നിര്‍മിച്ച മെഡിക്കല്‍ ഓഫീസറുടെ ക്വാര്‍ട്ടേഴ്‌സ് നാടോടികളുടെയും തെരുവുനായ്ക്കളുടെയും താവളം. കെട്ടിടം ഉപയോഗിക്കാനോ പരിപാലിക്കാനോ ശ്രമിക്കാതെ ആരോഗ്യ വകുപ്പ്. അമ്പലപ്പുഴ അര്‍ബന്‍ ഹെല്‍ത്ത് ട്രെയിനിംഗ് സെന്‍ററിനു കീഴില്‍ ആശുപത്രിക്കു തൊട്ടടുത്തായി പ്രവര്‍ത്തിച്ചിരുന്ന ക്വാര്‍ട്ടേഴ്‌സ് കെട്ടിടമാണ് ഇപ്പോള്‍ അനാഥമായിക്കിടക്കുന്നത്. ആശുപത്രിയിലെ മെഡിക്കല്‍ ഓഫീസര്‍ക്കായി വര്‍ഷങ്ങള്‍ക്കു മുന്‍പ് നിര്‍മിച്ച ഈ കെട്ടിടത്തില്‍ രോഗികളെ മെഡിക്കല്‍ ഓഫീസര്‍ പരിശോധിച്ചിരുന്നു. കൂടുതല്‍ സൗകര്യത്തിനായി കെട്ടിടത്തിനു മുകളില്‍ ട്രെസ് വര്‍ക്ക് ചെയ്തു പുതിയ നിലയും നിര്‍മിച്ചിരുന്നു. എന്നാൽ, കഴിഞ്ഞ കുറെ മാസങ്ങളായി ക്വാര്‍ട്ടേഴ്‌സ് പ്രവര്‍ത്തനരഹിതമാണ്. സാമൂഹ്യവിരുദ്ധർ കൈയടക്കി ദേശീയപാതാ വികസനത്തിന്‍റെ ഭാഗമായി ക്വാര്‍ട്ടേഴ്‌സിന്‍റെ ചുറ്റുമതില്‍ പൊളിച്ചെങ്കിലും പിന്നീട് പുനര്‍നിര്‍മിച്ചില്ല. ഇതോടെ കെട്ടിടം സാമൂഹ്യവിരുദ്ധരുടെയും നാടോടികളുടെയും ഇതര സംസ്ഥാന തൊഴിലാളികളുടെയും താവളമായി മാറി. മുകളിലത്തെ നില മുഴുവന്‍ നാടോടികളുടെ കൈകളിലാണ്. ഇവിടെ രാത്രികാലങ്ങളില്‍ മദ്യപാനവും സാമൂഹ്യവിരുദ്ധ ഇടപാടുകളും പതിവാണെന്നു നാട്ടുകാര്‍ പറയുന്നു. പുലര്‍ച്ചെ ക്ഷേത്രത്തിലേക്കു പോകുന്ന സ്ത്രീകളെ ഇവര്‍ ശല്യപ്പെടുത്താറുണ്ടെന്നും പരാതിയുണ്ട്. ആശുപത്രിയുടെ തൊട്ടടുത്തായുള്ള ഈ കെട്ടിടം സാമൂഹ്യവിരുദ്ധരുടെ താവളമായിട്ടും ആരോഗ്യ വകുപ്പ് യാതൊരു നടപടിയും സ്വീകരിച്ചിട്ടില്ല. അമ്പലപ്പുഴ പോലീസ് സ്റ്റേഷന്‍റെ തൊട്ടടുത്തായാണ് ഈ കെട്ടിടം പ്രവര്‍ത്തിക്കുന്നത്. എന്നാല്‍, പോലീസും ഇവിടേക്കു രാത്രികാലങ്ങളില്‍ തിരിഞ്ഞു നോക്കാറില്ല. അധികൃതരുടെ അനാസ്ഥമൂലം ദേശീയ പാതയോരത്ത് അനാഥമായിക്കിടക്കുകയാണ് സര്‍ക്കാര്‍ ഉടമസ്ഥതയിലുള്ള ഈ കെട്ടിടം. ഇതിനെതിരേ കാവില്‍ റെസിഡന്‍റ്സ് അസോസിയേഷന്‍ മുന്‍ സെക്രട്ടറി വി. ഉത്തമന്‍ പഞ്ചായത്ത് അധികൃതര്‍ക്കു പരാതി നല്‍കി.

വായ്മൂടിക്കെട്ടി മാവേലിക്കര രൂപതയുടെ പ്രതിഷേധം

കറ്റാനം: മനുഷ്യക്കടത്തും നിർബന്ധിത മതപരിവർത്തനവും ആരോപിച്ച് ഛത്തീസ്ഗഡിൽ മലയാളി കന്യാസ്ത്രീമാരെ അന്യായമായി കള്ളക്കേസിൽ ഉൾപ്പെടുത്തി തുറങ്കിലടച്ച നടപടിക്കെതിരെ മലങ്കര സുറിയാനി കത്തോലിക്ക സഭ മാവേലിക്കര ഭദ്രാസനത്തിന്‍റെ നേതൃത്വത്തിൽ വായ്മൂടിക്കെട്ടി പ്രതിഷേധിച്ചു. കറ്റാനത്ത് സംഘടിപ്പിച്ച പ്രതിഷേധത്തിൽ നൂറ് കണക്കിന് വിശ്വാസികളും വൈദികരും കന്യാസ്ത്രീകളും പങ്കെടുത്തു. എംസിഎ, എംസിഎംഎഫ്, എംസിവൈഎം എന്നീ ഭക്തസംഘടനകളുടെ സംയുക്താഭിമുഖ്യത്തിലാണ് പ്രതിഷേധ റാലിയും യോഗവും സംഘടിപ്പിച്ചത്. ഇന്നലെ വൈകുന്നേരം കറ്റാനം സെന്‍റ് സ്റ്റീഫൻ മലങ്കര കത്തോലിക്ക ദേവാലയത്തിൽ നിന്നാരംഭിച്ച പ്രതിഷേധറാലി നഗരം ചുറ്റി തിരികെ ദേവാലയത്തിൽ എത്തിച്ചേർന്നു. ദേവാലയ കുരിശടിക്ക് സമീപം പ്രതിഷേധ യോഗവും നടന്നു. മാവേലിക്കര രൂപതാധ്യക്ഷൻ ബിഷപ് ഡോ. മാത്യൂസ് മാർ പോളികാർപ്പോസ് ഉദ്ഘാടനം ചെയ്തു. ഫാ. ജോബ് കല്ലുവിളയിൽ അധ്യക്ഷത വഹിച്ചു. എംസിവൈഎം പത്തനംതിട്ട രൂപത ഡയറക്ടർ ഫാ. സ്കോട്ട് സ്ലീബ മുഖ്യപ്രഭാഷണം നടത്തി. കറ്റാനം സെന്‍റ് സ്റ്റീഫൻസ് മലങ്കര ഓർത്തഡോക്സ് ഇടവക വികാരി ഫാ. ഡാനിയേൽ സക്കറിയ കോർ എപ്പിസ്കോപ്പ, അഡ്വ. അനിൽ ബാബു, റോഷൻ വർഗീസ്, ജി.ജോബിൻ, ജി. മേഴ്സി ജെയിൻ, മഞ്ജു യോഹന്നാൻ, വില്യംസ് മത്തായി എന്നിവർ പ്രസംഗിച്ചു.

കന്യാസ്ത്രീകളുടെ അറസ്റ്റ്: വ്യാപക പ്രതിഷേധം

എടത്വ: കന്യാസ്ത്രീകളെ അന്യായമായി അറസ്റ്റ് ചെയ്തു ജയിലിലടച്ചതില്‍ പ്രതിഷേധിച്ച് എടത്വ ഫൊറോനായിലെ യുവദീപ്തി-എസ്എംവൈഎം, കത്തോലിക്ക കോണ്‍ഗ്രസ്, മാതൃ-പിതൃ വേദി, മിഷന്‍ലീഗ് എന്നീ സംഘടനകളുടെ ആഭിമുഖ്യത്തില്‍ റാലിയും പ്രതിഷേധ സായാഹ്നവും സംഘടിപ്പിച്ചു. എടത്വ സെന്‍റ് ജോര്‍ജ് ഫൊറോനാ പള്ളിയില്‍നിന്ന് ആരംഭിച്ച റാലി എടത്വ സെന്‍ട്രല്‍ ജംഗ്ഷനില്‍ എത്തിച്ചേരുകയും തുടര്‍ന്ന് പ്രതിഷേധ സമ്മേളനം ചേരുകയുമായിരുന്നു. എടത്വ ഫൊറോന വികാരി ഫാ. ഫിലിപ്പ് വൈക്കത്തൂക്കാരന്‍ ഉദ്ഘാടനം ചെയ്തു. ആലപ്പുഴ: ഭാരതത്തെ ഭാരതമാക്കി മാറ്റിയത് ക്രിസ്ത്യാനികളാണെന്നുള്ള സത്യം കന്യാസ്ത്രീ മാരെ അറസ്റ്റ് ചെയ്തവർ വിസ്മരിക്കുകയാണെന്ന് കത്തോലിക്ക കോൺഗ്രസ് ആലപ്പുഴ ഫൊറോന സമിതി യോഗം ആരോപി ച്ചു. ഭാരതത്തിന്‍റെ ഒരറ്റം മുതൽ മറ്റേ യറ്റം വരെ വിദ്യാഭ്യാസ പുരോഗതിക്കും നിരന്തരമായ സംഭാവനകൾ ചെയ്യുന്ന ക്രൈസ്തവസമൂഹത്തെ നാണംകെടുത്താനും അവർ ചെയ്യുന്ന നന്മകളെ ഇല്ലാതാക്കി കാണിക്കാനുമുള്ള ശ്രമമാണ് വർഗീയവാദികൾ നടത്തുന്നതെന്ന് യോഗം കുറ്റപ്പെടുത്തി. ആലപ്പുഴ ഫൊറോന പ്രസിഡന്‍റ് ദേവസ്യ പുളിക്കാശേരി അധ്യക്ഷത വഹിച്ച യോഗത്തിൽ അതിരൂപത സെക്രട്ടറി സെബാസ്റ്റ്യൻ വർഗീസ്, ജെസി ആന്‍റണി, ഫൊറോന ജനറൽ സെക്രട്ടറി ഷാജി പോൾ ഉപ്പൂട്ടിൽ, ടോമിച്ചൻ മേത്തശേരി, ടോമി കടവൻ, ജോഷിമോൻ വി. ജെ. തുടങ്ങിയവർ പ്രസംഗിച്ചു. മങ്കൊമ്പ്: കുട്ടനാട് എക്യുമെനിക്കൽ ഫോറം കിടങ്ങറയിൽ പ്രതിഷേധ ധർണ സംഘടിപ്പിച്ചു. രക്ഷാധികാരി ഫാ. ജോസ് തറപ്പുതൊട്ടിയിൽ ഉദ്ഘാടനം ചെയ്തു. ജോസി ഡൊമിനിക് അധ്യക്ഷത വഹിച്ചു. ഡയറക്ടർ ഫാ. ജോസഫ് കട്ടപ്പുറം ആമുഖ സന്ദേശം നൽകി. എകെസിസി അതിരൂപതാ പ്രസിഡന്‍റ് ബിജു സെബാസ്റ്റ്യൻ വിഷയാവതരണം നടത്തി. ഇൻഫാം ഡയറക്ടർ ഫാ. തോമസ് താന്നിയത്ത്, ഫാ. സിറിൾ ചേപ്പില, ഫാ. ജോസഫ് കുറിയന്നുർപറമ്പിൽ, ഷിബു ലുക്കോസ്, സന്തോഷ് കട്ടപ്പുറം, ജോജി ചേപ്പില തുടങ്ങിയവർ പ്രസംഗിച്ചു. ചേർത്തല: മുട്ടം സെന്‍റ് മേരീസ് പാരിഷ് ഫാമിലി യൂണിയന്‍റെ നേതൃത്വത്തിൽ ചേർത്തല നഗരത്തിൽ പ്രതിഷേധ റാലിയും സായാഹ്ന ധർണയും നടത്തി. മുനിസിപ്പൽ മൈതാനയിൽ നടന്ന ധർണ മുട്ടം ഫൊറോനാ വികാരി ഫാ. ജോഷി വേഴപ്പറമ്പിൽ ഉദ്ഘാടനം ചെയ്തു. അസിസി സിസ്റ്റേഴ്സ് ഓഫ് മേരി ഇമാകുലേറ്റ് അസി. മദര്‍ ജനറല്‍ സിസ്റ്റര്‍ റെജീസ് മേരി, സിസ്റ്റർ റോസ് ഫ്രാൻസിസ്, റോക്കി എം. തോട്ടുങ്കൽ, ഫാമിലി യൂണിയൻ വൈസ് ചെയർമാൻ സാബു ജോൺ പാലയ്ക്കൽ, ജനറൽ സെക്രട്ടറി ജോമോൻ കണിശേരി, കൈക്കാരന്മാരായ അഗസ്റ്റിൻ ചെറുമിറ്റം, അഡ്വ. ജാക്സൺ മാത്യു, ബേബി ജോൺ, വി.കെ ജോർജ്, മനോജ് മാളിയേക്കൽ തുടങ്ങിയവർ പ്രസംഗിച്ചു. അമ്പലപ്പുഴ: കന്യാസ്ത്രീകൾക്ക് നേരേ നടക്കുന്നത് ബിജെപി സർക്കാരിന്‍റെ ഭരണകൂട ഭീകരതയാണെന്ന് ലാറ്റിൻ ഫ്രറ്റേണിറ്റി കോൺഗ്രസ്. സംഭവത്തിൽ പ്രതിഷേധിച്ചു സംസ്ഥാന സമിതിയുടെ നേതൃത്വത്തിൽ ദീപം തെളിച്ചുപ്രകടനം നടത്തി. സംസ്ഥാന അധ്യക്ഷൻ ഡോ. കെ.എസ്. മനോജ് ഉദ്ഘാടനം നിർവഹിച്ചു. ജനറൽ സെക്രട്ടറി ടെൻസൺ ജോൺകുട്ടി, സോളമൻ അറയ്ക്കൽ, പി.ജെ. വിൽസൺ, പ്രിറ്റി തോമസ്, തോമസ് കണ്ടത്തിൽ, നെൽസൺ മാണിയപ്പൊഴി, സുജ അനിൽ, വിൻസന്‍റ് വെളിയിൽ, തോമസ് കുര്യൻ, സാജൻ തുടങ്ങിയവർ നേതൃത്വം നൽകി. ചേർത്തല: ഫ്രണ്ട്സ് ഓഫ് തങ്കി ചാരിറ്റബിൾ ട്രസ്റ്റ് പ്രതിഷേധിച്ചു. യോഗത്തിൽ പ്രസിഡന്‍റ് തമ്പി ചക്കുങ്കൽ അധ്യക്ഷത വഹിച്ചു. റ്റി.ഡി. മൈക്കിൾ, ജോസ് ബാബു കോതാട്ട്, പീറ്റർ വടക്കേമുറി, തങ്കച്ചൻ കുന്നുംപുറത്ത്, അഭിലാഷ് വള്ളോംതയ്യിൽ, ജാക്സൺജോർജ് ചെറിയതയിൽ, ചാക്കോ പള്ളിപ്പറമ്പിൽ, അലക്സ് കല്ലുവീട്ടിൽ, സജി വടക്കേമുറി, സിജോ ജോയി അഴിക്കൽ എന്നിവർ പ്രസംഗിച്ചു. ആലപ്പുഴ: ആര്‍ജെഡി ആലപ്പുഴ ജില്ലാ കമ്മിറ്റി യോഗം പ്രതിഷേധിച്ചു. അക്രമങ്ങള്‍ക്കെതിരേയുള്ള ബഹുജന സമരപരിപാടികളില്‍ പങ്കെടുക്കുന്നതിന് ആര്‍ജെഡി പ്രവര്‍ത്തകരെ യോഗം ആഹ്വാനം ചെയ്തു. പ്രസിഡന്‍റ് സാദിഖ് എം. മാക്കിയില്‍ അധ്യക്ഷത വഹിച്ചു. ശശിധരപ്പണിക്കര്‍, മോഹന്‍ സി. അറവന്തറ, ഗിരീഷ് ഇലഞ്ഞിമേല്‍, അനിരാജ് ആര്‍. മുട്ടം, പി.ജെ. കുര്യന്‍, ജോണ്‍സണ്‍ എം. പോള്‍ തുടങ്ങിയവർ പ്രസംഗിച്ചു. ചേര്‍ത്തല: യൂത്ത് കോൺഗ്രസ് ചേർത്തല നിയോജകമണ്ഡലം കമ്മിറ്റിയുടെ നേതൃത്തിൽ ചേർത്തല മുനിസിപ്പാലിറ്റിയുടെ മുന്നിൽ പ്രതിഷേധ സംഗമം സംഘടിപ്പിച്ചു. കെപിസിസി സെക്രട്ടറി എസ്. ശരത് ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് ആര്‍. രവിപ്രസാദ് അധ്യക്ഷത വഹിച്ചു. ഡിസിസി ജനറല്‍ സെക്രട്ടറി സി.ഡി. ശങ്കര്‍, യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി എന്‍.പി. വിമല്‍, അരുണ്‍ സുരേന്ദ്രന്‍, ശിവമോഹനന്‍, വിഷ്ണു വയലാര്‍, അജയ് കൃഷ്ണന്‍, ടോമി മുല്ലപ്പള്ളി, റെജിന്‍ തുടങ്ങിയര്‍ പ്രസംഗിച്ചു. കുട്ടനാട്: യുഡിഎഫ് കുട്ടനാട് നിയോജകമണ്ഡലം കമ്മിറ്റി ആരോപിച്ചു. ഇന്ത്യൻ ഭരണഘടന അനുവദിക്കുന്ന മതസ്വാതന്ത്ര്യം പൗരന്മാരുടെ അവകാശമാണെന്നിരിക്കേ അതിനെ ചോദ്യം ചെയ്യുന്ന നടപടിയാണിത്. ഛത്തീസ്ഗഡിലുണ്ടായ അക്രമത്തിനെതിരേ ദേശീയതലത്തിൽ കോൺഗ്രസ് നടത്തുന്ന പോരാട്ടങ്ങൾക്ക് കുട്ടനാട് യുഡിഎഫ് കമ്മിറ്റി പിന്തുണയറിയിക്കുന്നതായി നിയോജകമണ്ഡലം ചെയർമാൻ ജോസഫ് ചേക്കോടൻ, കൺവീനർ തങ്കച്ചൻ വാഴച്ചിറ എന്നിവർ പറഞ്ഞു. നടുഭാഗം: കന്യാസ്ത്രീമാരെ അന്യായമായി തടങ്കലിലാക്കിയതിനെതിരേ സിപിഎമ്മിന്‍റെ നേതൃത്വത്തിൽ നടുഭാഗത്ത് പ്രതിഷേധ ജാഥയും യോഗവും നടത്തി. നടുഭാഗം കൊണ്ടാക്കലിൽനിന്ന് ആരംഭിച്ച ജാഥ ചമ്പക്കുളം ബസ് സ്റ്റാൻഡിൽ സമാപിച്ചു. എൻ.എസ്. ശ്രീകുമാർ, എൻ.കെ. രഘുനാഥ്, കെ.ബി. ജയകുമാർ, ജി. ജയ്‌മോൾ, എസ്. ഷാജിമോൻ, കെ.പി. അനിയപ്പൻ, വിനീത് ഗോപാൽ, ലാലിച്ചൻ ജോസഫ്, പി.വി. ഉത്തമൻ, പി.വി. വേണുഗോപാൽ എന്നിവർ പ്രസംഗിച്ചു. ചേര്‍ത്തല: ഡിവൈഎഫ്ഐ കഞ്ഞിക്കുഴി ബ്ലോക്ക് കമ്മിറ്റിയുടെ നേതൃത്വത്തിൽ പ്രകടനവും പ്രതിഷേധ ജ്വാലയും സംഘടിപ്പിച്ചു. ഡിവൈഎഫ്ഐ ജില്ലാ ജോയിന്‍റ് സെക്രട്ടറി ആർ. അശ്വിൻ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് ബിനീഷ് വിജയൻ അധ്യക്ഷത വഹിച്ചു. വി. ശ്രീകാന്ത്, അരുൺബാബു, അന്നപൂർണ, അഖിൽ അരവിന്ദ്, സി. സുരേഷ്, എൻ.ഡി. ഷിമ്മി, ലിജിൻ എന്നിവര്‍ പ്രസംഗിച്ചു. മുട്ടാര്‍: കേരള കോണ്‍ഗ്രസ് മുട്ടാര്‍ മണ്ഡലം കമ്മിറ്റി സംഘടിപ്പിച്ച പ്രതിഷേധ സമരം സംസ്ഥാന ജനറല്‍ സെക്രട്ടറി തോമസുകുട്ടി മാത്യു ചീരംവേലില്‍ ഉദ്ഘാടനം ചെയ്തു. മണ്ഡലം പ്രസിഡന്‍റ് തോമസ് സി. ജോസഫ് ചിറയില്‍പറമ്പില്‍ അധ്യക്ഷത വഹിച്ചു. പഞ്ചായത്തംഗം ബിന്‍സി ഷാബു, മാത്യു എം. വര്‍ഗീസ് മുണ്ടയ്ക്കല്‍, ചാച്ചപ്പന്‍ മാവേലിത്തുരുത്തേല്‍, ജോര്‍ജ് തോമസ് മണലില്‍, സണ്ണി തോമസ് ചെമ്പിലകം, എ.സി. വിജയപ്പന്‍, എ.ഡി. അലക്സാണ്ടര്‍ ആറ്റുപ്പുറം, ബാബു പാക്കള്ളി, ലാലേഷ് സി. വിജയന്‍ എന്നിവര്‍ പ്രസംഗിച്ചു.

ശ്വാസം കിട്ടാതെ ഉത്തര പള്ളിയാർ; രോഗഭീതിയിൽ ആല ഗ്രാമം

ചെങ്ങന്നൂര്‍: ആല പഞ്ചായത്തിലും സമീപ പ്രദേശങ്ങളിലും ജലജന്യ രോഗങ്ങളും മറ്റു രോഗങ്ങളും വർധിക്കുന്നു. കഴിഞ്ഞ ഒരു വര്‍ഷത്തിനിടെ പഞ്ചായത്തില്‍ കാന്‍സര്‍, കിഡ്‌നി, കരള്‍ രോഗികളുടെ എണ്ണം വര്‍ധിച്ചതായി റിപ്പോര്‍ട്ടുകള്‍ സൂചിപ്പിക്കുന്നു. ഉത്തര പള്ളിയാറിന്‍റെ മലിനീകരണമാണ് ഇതിനു പ്രധാന കാരണമെന്ന് ആക്ഷേപം ഉയർന്നിട്ടുണ്ട്. പഠന റിപ്പോർട്ട് വന്നിട്ടും 2006ല്‍ ആല പഞ്ചായത്തിലെ ആരോഗ്യ കേന്ദ്രത്തിലെ ഡോ. രേഖ തമ്പി നടത്തിയ പഠനത്തില്‍ പഞ്ചായത്തിലും സമീപ പ്രദേശങ്ങളിലും ഗുരുതരമായ ജലജന്യ രോഗങ്ങള്‍ പടര്‍ന്നുപിടിക്കുന്നതായി കണ്ടെത്തിയിരുന്നു. ഒഴുക്കു നിലച്ചു മാലിന്യവാഹിയായ ഉത്തര പള്ളിയാറാണ് ഇതിന് കാരണമെന്നും ഈ ആറ്റില്‍നിന്നുള്ള വെള്ളം കിണറുകളിലേക്ക് എത്തുന്നതു വഴിയാണ് രോഗം പടരുന്നതെന്നും ചൂണ്ടിക്കാട്ടിയിരുന്നു. ആരുണ്ട് ഈ നദിയെ രക്ഷിക്കാൻ? വര്‍ഷങ്ങളായി പാടശേഖരത്തില്‍ കൃഷി ഇല്ലാത്തതും ആറ്റിലെ വെള്ളം ഒഴുകാതെ കിടക്കുന്നതുമാണു കിണറുകളിലെ ജലം മലിനമാകാന്‍ കാരണമെന്ന് ആല പതിമൂന്നാം വാര്‍ഡ് മെംബര്‍ രാധാമണി പറഞ്ഞു. ഒഴുക്കു നിലച്ച ഉത്തര പള്ളിയാറിലെ കെട്ടിക്കിടക്കുന്ന മലിനജലം ഒഴുകിപ്പോകുന്നതിനായി 2018ലെ വെള്ളപ്പൊക്കത്തോടെ നികത്തപ്പെട്ട കൈത്തോടുകള്‍ പുനര്‍നിര്‍മിക്കുകയാണെങ്കില്‍ കിണറുകളില്‍ ശുദ്ധജലം ലഭ്യമാക്കാന്‍ സാധിക്കുമെന്നും രാധാമണി അഭിപ്രായപ്പെട്ടു. ഒഴുക്കുനിലച്ച് കിടക്കന്ന നദിയില്‍ മാലിന്യം തള്ളുന്നതുമൂലം ശുദ്ധജലത്തിനായി ജനം വലുകയാണ്. ഇവിടെ മാലിന്യങ്ങള്‍ തള്ളുന്നവരെ കണ്ടെത്തി നിയമത്തിനു മുന്‍പില്‍ കൊണ്ടുവരണമെന്ന് നാട്ടുകാര്‍ ഒരേ സ്വരത്തില്‍ പറഞ്ഞു. നദിയുടെ നിലനില്പ് തര്‍ക്കത്തില്‍ വെണ്‍മണിയില്‍നിന്ന് ഉത്ഭവിച്ച് ആലാ, ചെറിയനാട്, പുലിയൂര്‍ പഞ്ചായത്തുകളിലൂടെ ഒഴുകി പാണ്ടനാട് ഇല്ലിമലയില്‍ അവസാനിക്കുന്ന, 18 കിലോമീറ്റര്‍ ദൂരമുള്ള നദിയുടെ 10 കി.മീ. കൈത്തോടിന്‍റെ രൂപത്തിലാണ്. പുലിയൂര്‍, ചെറിയനാട് പഞ്ചായത്തുകളുടെ അതിര്‍ത്തി പങ്കിടുന്ന കുളിക്കാംപാലത്തില്‍ ആറ് അവസാനിക്കുകയാണെന്നാണു റവന്യുവകുപ്പിന്‍റെ രേഖകളില്‍ പറയുന്നത്. എന്നാല്‍, തുടര്‍ന്നും ആറ് ഉണ്ടെന്നാണ് നദീസംരക്ഷണത്തിനായി പ്രവര്‍ത്തിക്കുന്നവരുടെ വാദം. ആറ് മുന്‍പ് ഒഴുകിയിരുന്നെന്നു പറയുന്ന സ്ഥലങ്ങളെല്ലാം പട്ടയഭൂമിയായിട്ടാണ് കാണിക്കുന്നതെന്നാണ് റവന്യൂ വകുപ്പിന്‍റെ വാദം. ഹൈക്കോടതിയുടെ ഉത്തരവിനെത്തുടര്‍ന്ന് കളക്ടറുടെ നേതൃത്വത്തില്‍ പ്രദേശത്ത് സന്ദര്‍ശനം നടത്തിയിരുന്നു. ഈ വിഷയത്തില്‍ അധികൃതരുടെ അടിയന്തര ശ്രദ്ധയും ഇടപെടലും ഉണ്ടാകണമെന്നാണ് പ്രദേശവാസികളുടെ ആവശ്യം.

എസി കനാല്‍ പള്ളാത്തുരുത്തിയിലേക്ക് തുറന്ന് വെള്ളപ്പൊക്ക ദുരിതം ഒഴിവാക്കണം

ചങ്ങനാശേരി: കുട്ടനാട്, ചങ്ങനാശേരി മേഖലകളില്‍ വെള്ളപ്പൊക്ക സമയത്ത് കരുവാറ്റ ലീഡിംഗ് ചാനലിലും ടിഎസ് കനാലിലും ജലവിതാനം താഴ്ന്നു നില്‍ക്കുമ്പോഴും എസി റോഡിന് തെക്കുഭാഗത്തുള്ള പ്രദേശങ്ങളില്‍ വെള്ളം ഉയര്‍ന്നു നില്‍ക്കുന്നത് പരിശോധിച്ച് എസി കനാല്‍ പള്ളാത്തുരുത്തിയിലേക്ക് ഉടന്‍ തുറക്കുന്നതിന് ആവശ്യമായ നടപടികള്‍ സര്‍ക്കാര്‍ സ്വീകരിക്കണമെന്ന് എസി കനാല്‍ സംരക്ഷണ സമിതി. എസി റോഡ് നിര്‍മാണവുമായി ബന്ധപ്പെട്ട് റോഡ് ക്രമാതീതമായി ഉയര്‍ത്തിയതിനാല്‍ റോഡിന് തെക്കുഭാഗത്തുള്ള പ്രദേശങ്ങള്‍ വെള്ളക്കെട്ടായി മാറുകയാണ്. തീരദേശ റെയില്‍പാതയുടെ കരുവാറ്റയിലുള്ള സ്പാനും വെള്ളമൊഴുക്കിനു തടസമാണ്. എസി റോഡിലെ ഒന്നാംകര പാലത്തിന് എസി കനാലിനു സമാനമായ വീതിയില്ലാത്തതുമൂലം മണിമലയാറ്റിലൂടെ വേമ്പനാട്ടു കായലിലേക്ക് വെള്ളം സുഗമമായി ഒഴുകുന്നില്ല. എസി കനാലില്‍ എക്കലും മാലിന്യവും നിറഞ്ഞു കിടക്കുകയുമാണ്. ഒന്നാംകര കനാല്‍ മുഖം അടിയന്തരമായി ഡ്രഡ്ജ് ചെയ്ത് പുത്തന്‍തോട്ടില്‍നിന്നും മണിമലയാറ്റിലേക്ക് നീരൊഴുക്ക് വര്‍ധിപ്പിച്ചു തലവടി, മുട്ടാര്‍ പ്രദേശത്തെ ജലനിരപ്പ് കുറയ്ക്കുവാന്‍ സത്വരമായ നടപടികള്‍ സ്വീകരിക്കണമെന്നും എസി കനാല്‍ സംരക്ഷണ സമിതി സമ്മേളനം ആവശ്യപ്പെട്ടു. കനാല്‍ സംരക്ഷണ സമിതി ചെയര്‍മാന്‍ നൈനാന്‍ മുളപ്പാമഠം ഉദ്ഘാടനം ചെയ്തു. ജനറല്‍ കണ്‍വീനര്‍ മുട്ടാര്‍ സുരേന്ദ്രന്‍ അധ്യക്ഷത വഹിച്ചു. തെമ്മിക്കുട്ടി വാളംപറമ്പില്‍ വിഷയാവതരണം നടത്തി. അലക്‌സാണ്ടര്‍ പുത്തന്‍പുര, ജോര്‍ജുകുട്ടി കണിച്ചേരി, ലിബിമോള്‍ വര്‍ഗീസ്, അപ്പച്ചന്‍കുട്ടിആശാംപറമ്പില്‍, ലാലിച്ചന്‍ മുട്ടാര്‍, ജോണപ്പന്‍ ചീരംവേലി എന്നിവര്‍ പ്രസംഗിച്ചു.

അല്‍ഫോന്‍സാ തീര്‍ഥാടനം നാളെ

ചങ്ങനാശേരി: ചങ്ങനാശേരി അതിരൂപത ചെറുപുഷ്പ മിഷന്‍ലീഗിന്‍റെ ആഭിമുഖ്യത്തിൽ വിശുദ്ധ അല്‍ഫോന്‍സാമ്മയുടെ ജന്മഗൃഹത്തിലേക്കും കുടമാളൂര്‍ മേജര്‍ ആര്‍ക്കിഎപ്പിസ്‌കോപ്പല്‍ തീര്‍ഥാടന കേന്ദ്രത്തിലേക്കുമുള്ള 37-ാമത് അല്‍ഫോന്‍സാ തീര്‍ഥാടനം നാളെ നടക്കും. നാളെ രാവിലെ 5.30ന് അതിരമ്പുഴ, വെട്ടിമുകള്‍, ചെറുവാണ്ടൂര്‍, കോട്ടയ്ക്കപ്പുറം എന്നീ സ്ഥലങ്ങളില്‍നിന്ന് അതിരമ്പുഴ മേഖലയുടെ തീര്‍ഥാടനവും രാവിലെ 5.45ന് പാറേല്‍ മരിയന്‍ തീര്‍ഥാടനകേന്ദ്രത്തില്‍നിന്ന് ചങ്ങനാശേരി, തുരുത്തി മേഖലകളുടെ തീര്‍ഥാടനവും ആരംഭിക്കും. കുടമാളൂര്‍ മേഖലയിലെ വിവിധ ശാഖകളില്‍നിന്നുള്ള തീര്‍ഥാടകര്‍ 6.45ന് പനമ്പാലം സെന്‍റ് മൈക്കിള്‍സ് ചാപ്പലില്‍ എത്തും. കോട്ടയം സിഎംഎസ് ഹൈസ്‌കൂള്‍ ഗ്രൗണ്ടില്‍നിന്ന് രാവിലെ 8.45ന് കോട്ടയം, നെടുംകുന്നം, മണിമല, തൃക്കൊടിത്താനം, ചെങ്ങന്നൂര്‍ മേഖലകളുടെ തീര്‍ഥാടനങ്ങളും 10.30ന് കുറുമ്പനാടം മേഖലയുടെ തീര്‍ഥാടനവും ആരംഭിക്കും. 33 കിലോമീറ്റര്‍ കാല്‍നടയായി സഞ്ചരിക്കുന്ന ചങ്ങനാശേരി, തുരുത്തി മേഖലകളുടെ തീര്‍ഥാടനം ഉച്ചകഴിഞ്ഞ് രണ്ടിന് അല്‍ഫോന്‍സാ ജന്മഗൃഹത്തില്‍ എത്തിച്ചേരും. ആലപ്പുഴ, എടത്വാ, പുളിങ്കുന്ന്, ചമ്പക്കുളം, മുഹമ്മ മേഖലകളിലെ തീര്‍ഥാടകര്‍ വിശുദ്ധ ചാവറയച്ചന്‍റെ കബറിടം സ്ഥിതി ചെയ്യുന്ന മാന്നാനം ആശ്രമദേവാലയത്തില്‍ അന്നേദിവസം രാവിലെ 9.45ന് എത്തിച്ചേര്‍ന്ന് മധ്യസ്ഥപ്രാര്‍ഥനയില്‍ പങ്കെടുക്കും. തുടര്‍ന്ന് തീര്‍ഥാടകര്‍ കുടമാളൂരിലേക്ക് പദയാത്രയായി നീങ്ങും. അമ്പൂരി, തിരുവനന്തപുരം, കൊല്ലം-ആയൂര്‍ മേഖലകളില്‍ നിന്നുള്ള തീര്‍ഥാടകരും വിവിധ സമയങ്ങളില്‍ എത്തിച്ചേരും. തീര്‍ഥാടകര്‍ക്കുള്ള നേര്‍ച്ചഭക്ഷണം കുടമാളൂര്‍ ഫൊറോന പള്ളിയില്‍ രാവില ഒമ്പതു മുതല്‍ വൈകുന്നേരം നാലുവരെയും വിവിധ സ്ഥലങ്ങളില്‍ വാഹന പാര്‍ക്കിംഗും ക്രമീകരിച്ചിട്ടുണ്ട്. വിവിധ ഫൊറോനകളില്‍നിന്നായി മിഷന്‍ലീഗ് പ്രവര്‍ത്തകര്‍ ഉള്‍പ്പെടെ കാല്‍ലക്ഷത്തിലധികം വിശ്വാസികള്‍ തീര്‍ഥാടനത്തില്‍ പങ്കെടുക്കും.

കൃഷിക്ക് ഭീഷണിയായി പോള; അധികൃതർ കൈമലർത്തി, കർഷകർ നീക്കം ചെയ്തു

അമ്പലപ്പുഴ: നെൽകൃഷിക്ക് ഭീഷണിയായ തോട്ടിലെ പോള നീക്കം ചെയ്യാൻ മുട്ടാത്ത വാതിലുകളില്ല. ഒടുവിൽ കർഷകർത്തന്നെ പോള നീക്കം ചെയ്തു. തകഴി കുന്നുമ്മ കരിയാർ മുടിയിലക്കരി പാടശേഖരത്തിലെ കർഷകരാണ് അധികൃതർ കണ്ണടച്ചതിനെത്തുടർന്ന് സ്വന്തം കൈയിൽനിന്ന് പണം മുടക്കി തോട്ടിലെ പോള നീക്കം ചെയ്തത്. 400 ഏക്കറുള്ള പാടശേഖരത്ത് വിത്തു വിതച്ച് കൃഷിക്കു തുടക്കമായി. തൊട്ടടുത്ത പള്ളിത്തോട് എന്നറിയപ്പെടുന്ന തോട്ടിൽ ഒരാൾ പൊക്കത്തിൽ പോള നിറഞ്ഞുകിടക്കുകയാണ്. മഴ ശക്തമായപ്പോൾ തോട്ടിൽ ജലനിരപ്പുയർന്നതോടെ തോട് കരകവിഞ്ഞ് പാടശേഖരത്തേക്ക് ഒഴുകുന്ന സ്ഥിതിയായി. ഇത് മടവീഴ്ചയ്ക്കും കാരണമാകുമെന്ന ആശങ്കയാണ് കർഷകർക്ക്. തങ്ങളുടെ അധ്വാനവും പണവും പാഴാകുമെന്ന ആശങ്ക ഉയർന്നതോടെ കർഷകർ തോട്ടിലെ പോള നീക്കം ചെയ്യാനായി ജില്ലാ കളക്ടർ, പഞ്ചായത്ത്, ജലസേചനവകുപ്പ് എന്നിവർക്ക് രണ്ടുമാസത്തിനിടെ പലതവണ കത്തും നിവേദനവും നൽകിയിട്ടും ഫലമുണ്ടായില്ല. ഫണ്ടില്ലെന്നാണ് പഞ്ചായത്തും ജലസേചനവകുപ്പും പറയുന്നത്. ഫണ്ട് അനുവദിക്കാമെന്ന് കളക്ടർ പറഞ്ഞെങ്കിലും ഒരുരൂപ പോലും ലഭിക്കാതെ വന്നതോടെയാണ് കർഷകർ തോട് ശുചീകരണത്തിന് സ്വയമിറങ്ങിയത്. ഈ തോട് ശുചീകരിച്ചിട്ട് വർഷങ്ങൾ കഴിഞ്ഞുവെന്നാണ് കർഷകർ പറയുന്നത്. തോട്ടിൽ നീരൊഴുക്ക് തടസപ്പെട്ടതോടെയാണ് ജലനിരപ്പുയർന്നത്. ഇത് പാടശേഖരത്തിനും കൃഷിക്കും ഭീഷണിയാകുമെന്ന ആശങ്കയാണ് കർഷകർക്ക്. കൃഷി സംരക്ഷിക്കാനായി ലക്ഷങ്ങൾ അനുവദിക്കുന്നുവെന്ന് സർക്കാർ പ്രഖ്യാപനം നടത്തുമ്പോഴാണ് പോള നീക്കം ചെയ്യാൻ സർക്കാർ ഒരുരൂപ പോലും അനുവദിക്കാത്തത്.

ശവപ്പെട്ടിസമരം ഫലം കണ്ടു ; താത്കാലിക പോര്‍ട്ടബിള്‍ ശ്മശാനത്തിന് പച്ചക്കൊടി

മാവേലിക്കര: ശ്മശാനം സംബന്ധിച്ച മാവേലിക്കരയിലെ ഭൂരഹിതരുടെ ആശങ്കയ്ക്ക് ആശ്വാസമാകുന്നു. മാവേലിക്കര നഗരസഭാ കൗണ്‍സില്‍ പോര്‍ട്ടബിള്‍ ഫര്‍ണസ് കരാര്‍ നല്‍കി പ്രവര്‍ത്തിപ്പിക്കാന്‍ തീരുമാനമായി. 29ന് ഉച്ചയ്ക്ക് മൂന്നിന് ചേര്‍ന്ന സ്റ്റിയറിംഗ് കമ്മിറ്റിയുടെ അടിയന്തര യോഗത്തിന്‍റെ തീരുമാനം സപ്ലിമെന്‍ററി നിര്‍ദേശമായാണ് കൗണ്‍സിലില്‍ എത്തിയത്. നിര്‍ദേശം വന്നപാടെ കൗണ്‍സില്‍ ഒന്നാകെ അതിനെ പിന്തുണയ്ക്കുകയായിരുന്നു. നിലവില്‍ ഫര്‍ണസ് ഉപയോഗിച്ച് ശവസംസ്‌കാരം നടത്തുന്നവരില്‍നിന്ന് താത്പര്യപത്രം വാങ്ങി അതില്‍നിന്ന് തെരഞ്ഞെടുക്കുന്നവര്‍ക്ക് കരാര്‍ നല്‍കാനാണ് തീരുമാനം. 15 ദിവസത്തിനുള്ളില്‍ നടപടി ക്രമങ്ങള്‍ പൂര്‍ത്തിയാക്കണമെന്ന് കൗണ്‍സിലര്‍മാര്‍ ഐകകണ്ഠ്യേന ആവശ്യപ്പെട്ടു. ഇതു കൂടാതെ ചിതാഭസ്മം സംരക്ഷിക്കുന്നതിനുള്ള നടപടിയും കൈക്കൊള്ളാനും നിര്‍ദേശമുണ്ടായി. കഴിഞ്ഞദിവസം സാമൂഹിക പ്രവര്‍ത്തകനും നഗരവാസിയുമായ യു.ആര്‍. മനു പോര്‍ട്ടബിള്‍ ഫര്‍ണസ് സ്ഥാപിച്ച് ശ്മശാനത്തിന്‍റെ പ്രവര്‍ത്തനം ആരംഭിക്കണമെന്നാവശ്യപ്പെട്ട് ശവപ്പെട്ടിയില്‍ കിടന്ന് ഏകദിന നിരാഹാരസമരം നടത്തിയിരുന്നു. എന്നാല്‍, നഗരസഭ വാതക ശ്മശാനം പിഡബ്ല്യുഡി മെക്കാ നിക്കല്‍ വിഭാഗം ഇന്നലെ വന്ന് പരിശോധിച്ചിരുന്നു. വാര്‍ഷിക പദ്ധതികളുടെ ഭാഗമായി ഡിപിസി മേയ് അവസാനം പദ്ധതിക്കായി പത്തുലക്ഷം രൂപ അനുവദിക്കുകയും അതിന് ഭരണാനുമതി ലഭിക്കുകയും ചെയ്തിരുന്നു. എന്നാല്‍, അനുവദിച്ച തുക പര്യാപ്തമല്ലെന്നാണ് പ്രാഥമിക പരിശോധനയില്‍ വ്യക്തമാകുന്നത്. വാതക ശ്മശാനം പ്രവര്‍ത്തന സജ്ജമാകണമെങ്കില്‍ ഇനിയും തുക വകയിരുത്തേണ്ടിവരും. നിലവില്‍ 2016ല്‍ 3,20,000 രൂപ ശ്മശാനം പ്രവര്‍ത്തന സജ്ജമാക്കാന്‍ ചെലവഴിച്ചിരുന്നു. ഇത് ഓഡിറ്റ് ഒബ്ജക്ഷന്‍ ആവുകയും വാതക ശ്മശാനത്തിന് വിലങ്ങുതടിയായിരിക്കുകയുമാണ്. നിലവില്‍ വിഷയവുമായി ബന്ധപ്പെട്ട് കോറം, എന്‍എസ്എസ് 78-ാം നമ്പര്‍ കരയോഗം എന്നിവരും നഗരസഭയ്ക്ക് നിവേദനങ്ങള്‍ നല്‍കിയിരുന്നു.

അനധികൃത കൈയേറ്റം: ഒഴിപ്പിക്കല്‍ അറിയിപ്പു നല്‍കി

ആലപ്പുഴ: നഗരസഭാ പരിധിയില്‍ ഗതാഗതത്തിനും കാല്‍നടയാത്രയ്ക്കും തടസമാകുന്ന വഴിയോര കച്ചവടങ്ങള്‍ നിയന്ത്രിക്കുന്നതിനും കമാനങ്ങളും ചമയങ്ങളും നീക്കം ചെയ്ത് സഞ്ചാര യോഗ്യമാക്കുന്നതിനും നടപടികള്‍ ആരംഭിച്ചു. വിവിധ ഡിപ്പാര്‍ട്ട്മെന്‍റുകളുടെ സംയുക്ത സ്ക്വാഡിനു മുന്നോടിയായാണ് നഗരസഭ ആരോഗ്യ വിഭാഗവും എന്‍യുഎല്‍എം വിഭാഗവും കടകളിലും തെരുവുകളിലും പരിശോധന നടത്തിയത്. ജില്ലാകോടതി പാലം മുതല്‍ കളരിക്കല്‍ ജംഗ്ഷന്‍ വരെയുള്ള 48 കടകളില്‍ പരിശോധന നടത്തുകയും അനധികൃതമായി പാതയോരങ്ങള്‍ കൈയേറി കച്ചവടം ചെയ്യുന്നവര്‍ക്ക് ഒഴിഞ്ഞുപോകുന്നതിന് നിര്‍ദേശം നല്‍കുകയും ചെയ്തു. അനുമതിയുള്ള തട്ടുകടകള്‍ക്ക് അവയുടെ വലുപ്പം നിയമാനുസൃതമായി ക്രമപ്പെടുത്തുന്നതിനും നടപ്പാതകള്‍ കൈയേറി സ്ഥാപിച്ചിട്ടുള്ള ബോര്‍ഡുകളും കമാനങ്ങളും നീക്കം ചെയ്യുന്നതിനും നിര്‍ദേശം നല്‍കി. സ്ക്വാഡ് പ്രവര്‍ത്തനങ്ങള്‍ക്ക് സീനിയര്‍ പബ്ലിക് ഹെല്‍ത്ത് ഇന്‍സ്പെക്ടര്‍മാരായ ബി.എ. ഷാംകുമാര്‍, കൃഷ്ണമോഹന്‍, ശങ്കര്‍മണി, ജിഷ, ഹെല്‍ത്ത് ഇന്‍സ്പെക്ടര്‍മാരായ ജി. പ്രവീണ്‍, ഐവി, പ്രവീണ്‍ ജോയ്, സാലിന്‍ ഉമ്മന്‍, എന്‍യുഎല്‍എം സിറ്റി മിഷന്‍ മാനേജര്‍ ശ്രീജിത്ത് എന്നിവര്‍ നേതൃത്വം നല്‍കി.

തകഴി റെയില്‍വേ മേല്‍പ്പാലത്തിന് പ്രാരംഭ നടപടി: മണ്ണുപരിശോധന ആരംഭിച്ചു

എടത്വ: നിരന്തര പരാതിയുടെയും സമ്മര്‍ദത്തിന്‍റെയും ഫലമായി തകഴി റെയില്‍വേ മേല്‍പ്പാലത്തിനുള്ള മണ്ണുപരിശോധന ആരംഭിച്ചു. തകഴി ലെവല്‍ ക്രോസില്‍ മേല്‍പ്പാലം നിര്‍മിക്കണമെന്നുള്ള ദീര്‍ഘകാല ആവശ്യത്തിനാണ് തുടക്കം കുറിച്ചിരിക്കുന്നത്. ഉദ്യോഗസ്ഥര്‍ സ്ഥലത്തെത്തി മണ്ണുപരിശോധിച്ചു. തുടര്‍ന്ന് സ്ഥലം ഏറ്റെടുക്കല്‍ നടപടിയിലേക്കു കടക്കും. സംസ്ഥാന സര്‍ക്കാരിന്‍റെ സ്ഥലം ഏറ്റെടുക്കല്‍ നടപടി പൂര്‍ത്തിയാകുന്ന മുറയ്ക്ക് പാലത്തിന്‍റെ നിര്‍മാണം ആരംഭിക്കാനാണ് തീരുമാനം. മേല്‍പ്പാലം വരുന്നതോടെ തിരുവല്ല-അമ്പലപ്പുഴ സംസ്ഥാന പാതയിലെ ഗതാഗത ക്കുരുക്കിന് ശാശ്വതപരിഹാരമാകും. ലെവല്‍ക്രോസ് മുക്ത കേരളം പദ്ധതിയിലൂടെ തകഴിയില്‍ മേല്‍പ്പാലം വേണമെന്നാവശ്യം ശക്തമായിരുന്നു. തകഴിയില്‍ മേല്‍പ്പാലം നിര്‍മിക്കാനുള്ള അടിയന്തര നടപടി സ്വീകരിക്കണമെന്നാവശ്യപ്പെട്ട് എടത്വ വികസനസമിതിയുടെ നേതൃത്വത്തില്‍ നിരവധി സമരങ്ങള്‍ നടത്തിയിരുന്നു. ഇതേത്തു ടര്‍ന്ന് സംസ്ഥാന മനുഷ്യാവകാശ കമ്മീഷന്‍ അംഗം വി.കെ. ബീനാകുമാരി സ്ഥലം സന്ദര്‍ശിക്കുകയും സ്ഥിതിഗതി ബോധ്യപ്പെടുകയും ചെയ്തു. കെഎസ്ആര്‍ടിസിയുടെ വിവിധ ഡിപ്പോകളില്‍നിന്നു പ്രതിദിനം നൂറ്റമ്പതിലധികം ബസുകള്‍ രാവിലെ 5.30 മുതല്‍ ട്രിപ്പുകള്‍ നടത്തുന്നുണ്ട്. റെയില്‍വേ അറ്റകുറ്റപ്പണി മൂലം ഗേറ്റ് പല ദിവസങ്ങളിലും അടഞ്ഞുകിടക്കുകയാണ്. ഇതുമൂലം വണ്ടാനം മെഡിക്കല്‍ കോളജ് ആശുപത്രിയിലേക്ക് അടിയന്തര ഘട്ടത്തില്‍ രോഗികളെ എത്തിക്കാന്‍ പോലും കഴിയാതെ ജീവനു ഭീഷണിയാകുന്നുണ്ട്. തകഴിയിലെ അഗ്‌നിരക്ഷാ പ്രവര്‍ത്തകരുടെ വാഹനവും ഈ റൂട്ടിലൂടെ കടന്നുപോകണം. റെയില്‍വേ ഗേറ്റ് അടയ്ക്കുന്നതോടെ അഗ്‌നിരക്ഷാ വാഹനങ്ങളും ആംബുലന്‍സും കുരുക്കില്‍ പെടുന്നത് പതിവുകാഴ്ചയാണ്. പൊതുജനങ്ങളുടെ യാത്രാ ദുരിതം പരിഹരിക്കാന്‍ അടിയന്തരമായി മേല്‍പ്പാലത്തിന്‍റെ നിര്‍മാണം പൂര്‍ത്തിയാക്കണമെന്ന് വിവിധ സംഘടനകള്‍ ആവശ്യപ്പെട്ടു.

കണ്ടെയ്നറുകൾ വിനയായി; നശിച്ചത് ലക്ഷങ്ങളുടെ വല

അമ്പലപ്പുഴ: ട്രോളിംഗ് നിരോധന കാലം ഗുണമുണ്ടാകുമെന്ന പ്രതീക്ഷയിൽ കടലിൽ പോയ മത്സ്യത്തൊഴിലാളികൾക്ക് കടലിൽ വീണ കണ്ടെയ്നറുകൾ നൽകിയത് എട്ടിന്‍റെ പണി. പരന്പരാഗത മത്സ്യത്തൊഴിലാളികളുടെ വള്ളങ്ങളിലെ ലക്ഷക്കണക്കിനു രൂപയുടെ വലയാണ് കണ്ടെയ്നറുകളിൽ ഉടക്കി നശിച്ചത്. സീസൺ ആരംഭിച്ച ഘട്ടത്തിലായിരുന്നു ഈ തിരിച്ചടി. കടലിൽനിന്നു കണ്ടെയ്നറുകൾ മാറ്റാമെന്ന കോസ്റ്റ് ഗാർഡ് ഉൾപ്പടെയുള്ളവരുടെ ഉറപ്പും നടപ്പായില്ല. ചാകരക്കാലത്തെ പാര ട്രോളിംഗ് നിരോധന കാലം പരമ്പരാഗത മത്സ്യത്തൊഴിലാളികൾ‌ക്ക് ചാകരക്കാലമെന്നാണ് അറിയപ്പെടുന്നത്. എന്നാൽ, 54 ദിവസത്തെ ട്രോളിംഗ് നിരോധന കാലത്ത് അഞ്ചു ദിവസങ്ങളിൽ മാത്രമാണ് നേരിയ തോതിലെങ്കിലും ചാകരക്കോളുണ്ടായത്. എന്നാൽ ചൂട, നെത്തോലി, താട എന്നിവയല്ലാതെ മറ്റു മത്സ്യങ്ങൾ വലിയ തോതിൽ കിട്ടാതിരുന്നതും തിരിച്ചടിയായി. ട്രോളിംഗ് നിരോധനം കഴിയുന്നതോടെ യന്ത്രവൽകൃത മത്സ്യബന്ധന ബോട്ടുകൾ കടലിൽ ഇറങ്ങുകയാണ്. ശക്തിയായ കാലവർഷം ലഭിച്ചതോടെ കരിക്കാടി, കിളിമീൻ എന്നിവ കൂടുതലായി കിട്ടുമെന്ന പ്രതീക്ഷയിലാണ് തൊഴിലാളികൾ. വല നാശം തുടരുമോ? ട്രോളിംഗ് നിരോധനം കഴിഞ്ഞതിന്‍റെ ആവേശം മത്സ്യത്തൊഴിലാളികൾക്ക് ഉണ്ടെങ്കിലും അടിത്തട്ടിൽ കിടക്കുന്ന കണ്ടെയ്നറുകളും അവയുടെ അവശിഷ്ടങ്ങളിലും ഉടക്കി വലകൾ നശിക്കുമോയെന്ന ആശങ്ക ബോട്ടുകാർക്കുമുണ്ട്. കടലിൽ തകർന്ന കപ്പലുകളും ഇനിയും നീക്കം ചെയ്യാത്ത കണ്ടെയ്നറുകളും പ്രതിസന്ധി രൂക്ഷമാക്കുമെന്നാണ് തൊഴിലാളികൾ പറയുന്നത്. ചെറുമീനുകൾ; ഫിഷറീസ് വകുപ്പു പിഴ ചുമത്തുന്നു അമ്പലപ്പുഴ: ചെറുമീനുകൾ കടൽനിയമം ലംഘിച്ചു പിടിക്കുന്ന വള്ളങ്ങൾക്കെതിരേ ഫിഷറീസ് വകുപ്പു പിഴ ചുമത്തിത്തുടങ്ങി. കഴിഞ്ഞദിവസം തോട്ടപ്പള്ളിയിൽ വളർച്ചയെത്താത്ത അയലയുമായെത്തിയ നാലു വള്ളങ്ങൾക്കാണ് കനത്ത പിഴ ചുമത്തിയത്. ഫിഷറീസ് വകുപ്പും മറൈൻ എൻഫോഴ്സ്മെന്‍റ് ടീമുമാണ് പരിശോധനയ്ക്കു നേതൃത്വം കൊടുത്തത്. നാലു വള്ളങ്ങൾക്കായി രണ്ടു ലക്ഷം രൂപയോളം പിഴയിട്ടു. പരിശോധന തുടരുമെന്ന് അധികൃതർ അറിയിച്ചു.

തീരത്തു വീണ്ടും ആവേശം; ബോട്ടുകൾ കടലിലേക്ക്

ആലപ്പുഴ: ട്രോളർ ബോട്ടുകൾ ആഴക്കടലിലേക്കു പോകാനൊരുങ്ങി. ട്രോളിംഗ് നിരോധനം കഴിയുന്നതോടെയാണ് ട്രോളർ ബോട്ടുകളും വലിയ വള്ളങ്ങളും മീൻപിടിത്തത്തിനു പോകാൻ തയാറെടുക്കുന്നത്. നാളെ അർധരാത്രിയോടെ നിരോധനം തീരും. നാളെ അർധരാത്രി കഴിയുന്നതോടെ അഴീക്കൽ, ചെല്ലാനം ഹാർബറുകളിൽനിന്നു ട്രോളർ ബോട്ടുകൾ ആഴക്കടലിലേക്കു പോകും. ട്രോളിംഗ് നിരോധനകാലത്തു രണ്ടുമുതൽ അഞ്ചു ലക്ഷം രൂപ വരെ അറ്റകുറ്റപ്പണികൾക്കു ബോട്ടുകൾക്കു ചെലവാക്കിയിട്ടുണ്ട്. ബോട്ടുകൾ മീൻപിടിത്തം തുടങ്ങുന്നതോടെ ഇതുമായി ബന്ധപ്പെട്ടു ജോലി ചെയ്യുന്നവരുടെ കുടുംബങ്ങൾക്കും ആശ്വാസമാകും. ജില്ലയിൽ അറുപതോളം ട്രോളർ ബോട്ടുകളാണുള്ളത്. ഇവയിലും മറ്റു ജില്ലകളിലെ വള്ളങ്ങളിലുമായി ജോലി ചെയ്യുന്ന 1,000-1,500 മത്സ്യത്തൊഴിലാളികളാണു ജില്ലയിലുള്ളത്. ജില്ലയിൽ ആകെയുള്ള മത്സ്യത്തൊഴിലാളികളുടെ അഞ്ചു ശതമാനത്തോളമാണിത്. ജൂൺ 10 മുതൽ 52 ദിവസമായിരുന്നു ട്രോളിംഗ് നിരോധനം. കുറവു വരുത്തും ട്രോളിംഗ് നിരോധനകാലത്തു ചില വള്ളങ്ങൾ വളർച്ചയെത്താത്ത മീനുകളെ പിടിച്ചെന്ന് ആരോപണം ഉയർന്നിരുന്നു. വിവരമറിഞ്ഞു ചെന്ന തോട്ടപ്പള്ളി ഫിഷറീസ് സ്റ്റേഷനിലെ ഉദ്യോഗസ്ഥരെ കൈയേറ്റം ചെയ്യാനും ശ്രമമുണ്ടായി. മീൻകുഞ്ഞുങ്ങൾ കുറഞ്ഞാൽ അത് എല്ലാവരെയും ബാധിക്കും. വില കുറയും ആഴക്കടലിലേക്കും മത്സ്യബന്ധന യാനങ്ങൾ എത്തുന്നതോടെ തീരക്കടലിൽ കൂടുതൽ മീൻ ലഭിക്കുമെന്ന പ്രതീക്ഷയും പരമ്പരാഗത മത്സ്യത്തൊഴിലാളികൾ പങ്കുവയ്ക്കുന്നു. ട്രോളിംഗ് നിരോധന കാലം പരമ്പരാഗത മത്സ്യത്തൊഴിലാളികൾക്കു ഗുണകരമാണെങ്കിലും ഇത്തവണ കാലാവസ്ഥ തിരിച്ചടിയായി. ഒരു കുട്ട മത്തിക്ക് 280 രൂപയാണു ലഭിച്ച ഏറ്റവും ഉയർന്ന വില. ട്രോളിംഗ് ബോട്ടുകൾ കടലിൽ ഇറങ്ങുന്നതോടെ വില വീണ്ടും കുറയുമെന്നും പരമ്പരാഗത മത്സ്യത്തൊഴിലാളികൾ പറയുന്നു. ശക്തമായ മഴയും കാറ്റും കാരണമുള്ള നിയന്ത്രണങ്ങൾ മൂലം ആകെ 10-15 ദിവസം മാത്രമാണു പരമ്പരാഗത മത്സ്യത്തൊഴിലാളികൾക്കു കടലിൽ പോകാനായത്. കടലിൽ പോയ ദിവസങ്ങളിൽ മത്സ്യലഭ്യതയും വിലയും കുറവായിരുന്നു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]