പു​ളി​ങ്കു​ന്ന്: പ​രാ​തി​ക​ളും സ​മ​ര​ങ്ങ​ളും ഫ​ലം കാ​ണാ​താ​യ​തോ​ടെ പു​ളി​ങ്കു​ന്ന് പ​ഞ്ചാ​യ​ത്ത് ഹൈ​ക്കോ​ട​തി​യെ സ​മീ​പി​ച്ച​തി​നെ​ത്തു​ട​ർ​ന്ന് ഹൈ​ക്കോ​ട​തി ഉ​ത്ത​ര​വി​ൻ​പ്ര​കാ​രം പാ​ല​ത്തി​ന്‍റെ മു​ട്ടു​ക​ൾ പൂ​ർ​ണ​മാ​യും തു​റ​ന്നു. പു​ളി​ങ്കു​ന്ന് പു​ത്ത​ൻ​തോ​ടി​നു കു​റു​കെ നി​ർ​മി​ക്കു​ന്ന പാ​ല​ത്തി​ന്‍റെ നി​ർ​മാ​ണ ജോ​ലി​ക​ൾ മാ​സ​ങ്ങ​ളാ​യി നി​ല​ച്ച​തി​നെ​ത്തു​ട​ർ​ന്നാ​ണ് പ​ഞ്ചാ​യ​ത്ത് കോ​ട​തി​യെ സ​മീ​പി​ച്ച​ത്.

2021ൽ ​നി​ർ​മാ​ണ​ജോ​ലി​ക​ൾ ആ​രം​ഭി​ക്കു​ന്ന​തി​നാ​ണ് പാ​ല​ത്തി​നി​രു​വ​ശ​ങ്ങ​ളി​ലാ​യി പു​ത്ത​ൻ​തോ​ടി​നു കു​റു​കെ താ​ത്കാ​ലി​ക ബ​ണ്ട് നി​ർ​മി​ച്ച​ത്. ഇ​തോ​ടെ തോ​ട്ടി​ൽ ഒ​ഴു​ക്ക് നി​ല​ച്ച് പോ​ള​യും മ​റ്റ് മാ​ലി​ന്യ​ങ്ങ​ളും നി​ര​യു​ക​യും ഗ​താ​ഗ​ത​ത​ട​സം നേ​രി​ടു​ക​യും ചെ​യ്തി​രു​ന്നു.

പ​ല​വ​ട്ടം നാ​ട്ടു​കാ​രും പ​ഞ്ചാ​യ​ത്ത് അ​ധി​കൃ​ത​രും ഇ​റി​ഗേ​ഷ​ൻ ഡി​പ്പാ​ർ​ട്ട്മെ​ന്‍റി​നെ സ​മീ​പി​ച്ചെ​ങ്കി​ലും ഫ​ല​മു​ണ്ടാ​യി​രു​ന്നി​ല്ല. അ​തി​ന്‍റെ അ​ടി​സ്ഥാ​ന​ത്തി​ലാ​ണ് പ​ഞ്ചാ​യ​ത്ത് ഹൈ​ക്കോ​ട​തി​യെ സ​മീ​പി​ച്ച​ത്. കേ​സ് ഫ​യ​ൽ ചെ​യ്ത​തി​നു​ശേ​ഷം കോ​ട​തി ക​മ്മീ​ഷ​നെ നി​യോ​ഗി​ച്ചി​രു​ന്നു.

ക​ഴി​ഞ്ഞ​ദി​വ​സ​ങ്ങ​ളി​ൽ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യി​രു​ന്നു. തോ​ടി​ന്‍റെ അ​വ​സ്ഥ​യും ജ​ന​ങ്ങ​ളു​ടെ ദു​രി​ത​വും മ​ന​സി​ലാ​ക്കി​യ​തോ​ടെ മു​ട്ടു​ക​ൾ പൂ​ർ​ണ​മാ​യും തു​റ​ക്കാ​ൻ ഹൈ​ക്കോ​ട​തി ഉ​ത്ത​ര​വി​ടു​ക​യാ​യി​രു​ന്നു. ഹൈ​ക്കോ​ട​തി​യു​ടെ ഉ​ത്ത​ര​വി​നെ​ത്തു​ട​ർ​ന്ന് ഇ​റി​ഗേ​ഷ​ൻ വ​കു​പ്പാ​ണ് മു​ട്ടു​ക​ൾ തു​റ​ന്ന​ത്. പ​ഞ്ചാ​യ​ത്ത് മു​ൻ സെ​ക്ര​ട്ട​റി ആ​ഷ്‌​ലി നാ​യ​ർ, മു​ൻ വൈ​സ് പ്ര​സി​ഡ​ന്‍റ് ത​ങ്ക​ച്ച​ൻ വാ​ഴ​ച്ചി​റ എ​ന്നി​വ​രാ​ണ് ഹൈ​ക്കോ​ട​തി​യെ സ​മീ​പി​ച്ച​ത്.