കാ​യം​കു​ളം: ന​ഗ​ര​ത്തി​ലെ ജൈ​വ​മാ​ലി​ന്യ​ങ്ങ​ൾ സം​സ്‌​ക​രി​ച്ച് വ​ള​മാ​ക്കി മാ​റ്റു​ന്ന​തി​നു​ള്ള ജൈ​വ​മാ​ലി​ന്യ പ്ലാ​ന്‍റി​ന്‍റെ നി​ർ​മാ​ണം പൂ​ർ​ത്തി​യാ​യി. മെ​ഷി​ന​റി​ക​ളും സ്ഥാ​പി​ച്ചു. അ​ടു​ത്തമാ​സം ഉ​ദ്ഘാ​ട​നം ന​ട​ന്നേ​ക്കും. ജൈ​വ​മാ​ലി​ന്യ സം​സ്ക​ര​ണ പ്ലാ​ന്‍റ് മു​രി​ക്കും​മൂ​ട്ടി​ലാ​ണ് സ്ഥാ​പി​ച്ചി​ട്ടു​ള്ള​ത്. ശു​ചി​ത്വ​കേ​ര​ളം അ​ർ​ബ​ൻ ഫ​ണ്ടി​ൽനി​ന്ന് ല​ഭി​ച്ച മൂ​ന്നുകോ​ടി രൂ​പ ചെ​ല​വ​ഴി​ച്ചാ​ണ് പ്ലാ​ന്‍റ് പൂ​ർ​ത്തി​യാ​ക്കി​യ​ത്.

പ്ലാ​ന്‍റ് പ്ര​വ​ർ​ത്ത​നസ​ജ്ജ​മാ​ക്കു​ന്ന​തോ​ടെ ന​ഗ​ര​ത്തി​ലെ ജൈ​വ​മാ​ലി​ന്യ​ങ്ങ​ൾ ശാ​സ്ത്രീ​യ​മാ​യി സം​സ്‌​ക​രി​ച്ച് വ​ള​മാ​ക്കി മാ​റ്റാ​ൻ ക​ഴി​യും. വ്യാ​പാ​ര​സ്ഥാ​പ​ന​ങ്ങ​ളി​ൽനി​ന്നും വീ​ടു​ക​ളി​ൽനി​ന്നു​മു​ൾ​പ്പെടെ പു​റം​ത​ള്ളു​ന്ന ജൈ​വ​മാ​ലി​ന്യ​ങ്ങ​ൾ ശാ​സ്ത്രീ​യ​മാ​യി സം​സ്‌​ക​രി​ച്ച് വ​ള​മാ​ക്കി മാ​റ്റാ​ൻ ക​ഴി​യും. മു​രി​ക്കും​മൂ​ട്ടി​ലെ മാ​ലി​ന്യ നി​ക്ഷേ​പ കേ​ന്ദ്ര​ത്തി​ലെ നാ​ല​ര ഏ​ക്ക​ർ സ്ഥ​ല​ത്താ​ണ് മാ​ലി​ന്യ​ങ്ങ​ൾ സം​സ്‌​ക​രി​ക്കു​ന്ന​തി​നു​ള്ള സം​വി​ധാ​നം ഒ​രു​ക്കി​യ​ത്. ആ​റ് ട​ൺ മാ​ലി​ന്യ​ങ്ങ​ൾ സം​സ്‌​ക​രി​ക്കു​ന്ന​തി​നുശേ​ഷി​യു​ള്ള യ​ന്ത്ര​ങ്ങ​ളാ​ണ് ഇ​വി​ടെ സ്ഥാ​പി​ച്ച​ത്.

ഹോ​ട്ട​ലു​ക​ളി​ലും വീ​ടുക​ളി​ലും മ​റ്റും പു​റം​ത​ള്ളു​ന്ന ജൈ​വ​മാ​ലി​ന്യ​ങ്ങ​ൾ ന​ഗ​ര​സ​ഭ വാ​ഹ​ന​ങ്ങ​ളി​ൽ ശേ​ഖ​രി​ച്ച് പ്ലാ​ന്‍റി​ലെ​ത്തി​ച്ചാ​ണ് സം​സ്‌​ക​രി​ക്കു​ന്ന​ത്. പ്ലാ​സ്റ്റി​ക് ഒ​ഴി​കെ​യു​ള്ള മു​ഴു​വ​ൻ ജൈ​വ​മാ​ലി​ന്യ​ങ്ങ​ളും സം​സ്‌​ക​രി​ക്കാ​ൻ ശേ​ഷി​യു​ള്ള യ​ന്ത്ര സം​വി​ധാ​ന​മാ​ണ് സ്ഥാ​പി​ച്ച​ത്. ഗ്രൗ​ണ്ടി​ൽ എ​ത്തി​ക്കു​ന്ന മാ​ലി​ന്യം പ്ലാ​ന്‍റി​ലേ​ക്കു മാ​റ്റു​ന്ന​തി​ന് മു​മ്പ് ചെ​റു​ക​ഷ​ണ​ങ്ങ​ളാ​ക്കി മാ​റ്റും. ഇ​ത് പ്ലാ​ന്‍റിലി​ട്ട് സം​സ്‌​ക​രി​ക്കു​ന്ന​തോ​ടെ വെ​ള്ള​വും ദ്ര​വരൂ​പ​ത്തി​ലാ​കു​ന്ന മാ​ലി​ന്യ​ങ്ങ​ളും പ്ര​ത്യേ​കം പ്ലാ​ന്‍റി​ലേ​ക്കു മാ​റും. ദ്ര​വരൂ​പ​ത്തി​ലാ​യ മാ​ലി​ന്യ​ത്തി​ൽ ബാ​ക്ടീ​രി​യ ക​ല​ർ​ത്തുന്നതോടെ 10 മു​ത​ൽ 20 ദി​വ​സ​ത്തി​നു​ള്ളി​ൽ വ​ള​മാ​യി മാ​റും. പ​ച്ച​ക്ക​റി കൃ​ഷി​ക്കും മ​റ്റും ഉ​പ​യോ​ഗി​ക്കാ​വു​ന്ന വ​ളം പാ​യ്ക്ക് ചെ​യ്ത് വി​ൽ​പ്പ​ന ന​ട​ത്തും.

ഇ​തി​ന്‍റെ വ​രു​മാ​ന​ത്തി​ന്‍റെ വി​ഹി​തം ന​ഗ​ര​സ​ഭ​യും പ്ലാ​ന്‍റ് പ്ര​വ​ർ​ത്തി​പ്പി​ക്കു​ന്ന ക​മ്പ​നി​യും പ​ങ്കി​ടും. ജൈ​വ​ശേ​ഷി​യു​ള്ള ഏ​തു മാ​ലി​ന്യ​വും പ്ലാ​ന്‍റി​ലി​ട്ട് പൊ​ടി​ച്ച് വ​ള​മാ​ക്കി മാ​റ്റാ​ൻ ക​ഴി​യും. അ​റ​വു​ശാ​ല​യി​ലെ മാ​ലി​ന്യ​ങ്ങ​ളും മ​റ്റും ഇ​തി​ലൂ​ടെ സം​സ്‌​ക​രി​ക്കാ​ൻ ക​ഴി​യും.

നേ​ര​ത്തേ ന​ഗ​ര​സ​ഭ​യു​ടെ കൈ​വ​ശ​മു​ണ്ടാ​യി​രു​ന്ന സ്ഥ​ല​ത്തോ​ടു ചേ​ർ​ന്ന് വാ​ങ്ങി​യ നാ​ല​ര​ഏ​ക്ക​ർ സ്ഥ​ല​ത്താ​ണ് ഓ​ർ​ഗാ​നി​ക്ക് വേ​സ്റ്റ് കം​പോ​സ്റ്റ് പ്ലാ​ന്‍റ് സ്ഥാ​പി​ച്ചി​ട്ടു​ള്ള​ത്. പ​ഴ​യ സ​ഥ​ല​ത്ത് പ്ലാ​സ്റ്റി​ക് മാ​ലി​ന്യ​ങ്ങ​ൾ കു​ന്നു​കൂ​ടി കി​ട​ക്കു​ക​യാ​ണ്. ഇ​വി​ടെനി​ന്നു പ്ലാ​സ്റ്റി​ക്കും മ​റ്റ് ഖ​ര​മാ​ലി​ന്യ​ങ്ങ​ളും വേ​ർ​തി​രി​ച്ച് ഭൂ​മി വീ​ണ്ടെ​ടു​ക്കു​ന്ന പ്ര​ക്രി​യ ന​ട​ന്നു​വ​രി​ക​യാ​ണ്.