ഫോ​ർ​ട്ട്കൊ​ച്ചി : റോ ​റോ വെ​സ​ലി​ല്‍  ഒ​ന്ന് ത​ക​രാ​റി​ലാ​യ​ത് യാ​ത്ര​ക്കാ​രെ ദു​രി​ത​ത്തി​ലാ​ക്കി. സേ​തു സാ​ഗ​ർ ഒ​ന്ന് റോ-റോ വെ​സ​ലാ​ണ് യ​ന്ത്ര​ത്ത​ക​രാ​റി​നെ തു​ട​ർ​ന്ന് അ​റ്റ​കു​റ്റ പ​ണി​ക​ൾ​ക്കാ​യി നീ​ക്കി​യ​ത്. ഓ​യി​ല്‍ പ​മ്പി​ല്‍ ഉ​ണ്ടാ​യ ത​ക​രാ​റാ​ണ് കാ​ര​ണ​മെ​ന്നാ​ണ് പ​റ​യു​ന്ന​ത്. ഇ​പ്പോ​ൾ സേ​തു സാ​ഗ​ർ ര​ണ്ട് റോ-റോ വെ​സ​ൽ മാ​ത്ര​മാ​ണ് അ​ഴി​മു​ഖ ക​ട​ത്തി​നാ​യി സ​ർ​വീ​സ് ന​ട​ത്തു​ന്ന​ത്.

അ​പ്ര​തീ​ക്ഷി​ത​മാ​യി ഒ​രു റോ ​റോ വെ​സ​ല്‍ ത​ക​രാ​റി​ലാ​യ​തോ​ടെ നി​ര​വ​ധി യാ​ത്ര​ക്കാ​രാ​ണ് ഇ​രു ക​ര​ക​ളി​ലു​മാ​യി കു​ടു​ങ്ങി​യ​ത്. രാ​വി​ലെ സ്കൂ​ളി​ലേ​ക്കും വി​വി​ധ ഓ​ഫി​സു​ക​ളി​ലേ​ക്കും എ​ത്തേ​ണ്ട​വ​ര്‍ വ​ല​ഞ്ഞു. പ​ല​ർ​ക്കും ന​ഗ​രം ചു​റ്റി യാ​ത്ര ചെ​യ്യേ​ണ്ടി വ​ന്നു. ഇ​രു ക​ര​ക​ളി​ലും ഇ​രു ച​ക്ര വാ​ഹ​ന​ങ്ങ​ളു​ടെ നീ​ണ്ട നി​ര​യാ​യി​രു​ന്നു.​നേ​ര​ത്തെ ഒ​രു റോ ​റോ വെ​സ​ൽ സ​ർ​വീ​സ് നി​ർ​ത്തി​യാ​ലും ബോ​ട്ട് സ​ർ​വീ​സ് ഉ​ണ്ടാ​യി​രു​ന്ന​ത് വി​ദ്യാ​ർ​ഥി​ക​ൾ​ക്കും സാ​ധാ​ര​ണ യാ​ത്ര​ക്കാ​ർ​ക്കും വ​ലി​യ ആ​ശ്വാ​സ​മാ​യി​രു​ന്നു.​എ​ന്നാ​ൽ ന​ഷ്ട​ത്തി​ന്‍റെ പേ​രി​ൽ കി​ൻ​കോ ഈ ​സ​ർ​വീ​സ് നി​ർ​ത്തു​ക​യും ബോ​ട്ടി​ന്‍റെ ഫി​റ്റ്ന​സ് പു​തു​ക്കാ​തെ മാ​സ​ങ്ങ​ളാ​യി മാ​റ്റി​യി​ട്ടി​രി​ക്കു​ക​യു​മാ​ണ്.

റോ- ​റോ വെ​സ​ലു​ക​ൾ  തു​ട​ർ​ച്ച​യാ​യി ത​ക​രാ​റി​ലാ​കു​ന്ന​തും പ​ക​രം ബോ​ട്ട് സ​ർ​വീ​സ് ഏ​ർ​പ്പെ​ടു​ത്താ​ത്ത​തും  വി​ദ്യാ​ർ​ഥി​ക​ള​ട​ക്കം ആ​യി​ര​ക്ക​ണ​ക്കി​ന് യാ​ത്ര​ക്കാ​രെ​യാ​ണ്  ബാ​ധി​ക്കു​ന്ന​ത്. സ​ർ​വീ​സ് ന​ട​ത്തി​പ്പി​ൽ  കൊ​ച്ചി ന​ഗ​ര​സ​ഭ​യും കി​ൻ​കോ​യും ഒ​ത്തു​ക​ളി​ക്കു​ക​യാ​ണ​ന്ന ആ​ക്ഷേ​പ​വും ഉ​യ​രു​ന്നു​ണ്ട്.

അ​ഴി​മു​ഖ ക​ട​ത്തി​നാ​യു​ള്ള റോ- ​റോ സ​ർ​വീ​സ്  കാ​ര്യ​ക്ഷ​മ​മാ​ക്കാ​തെ​യും നി​ല​വി​ലു​ള്ള ബോ​ട്ട് സ​ർ​വീ​സ് നി​ർ​ത്ത​ലാ​ക്കി​യും തു​ട​ർ​ച്ച​യാ​യി ന​ട​ത്തി​പ്പു​കാ​ർ   ക​രാ​ർ ലം​ഘ​നം ന​ട​ത്തി യാ​ത്ര​ക്കാ​രെ ദു​രി​ത​ത്തി​ലാ​ക്കു​ക​യാ​ണെ​ന്നാ​ണ് പ​രാ​തി.