കോ​ത​മം​ഗ​ലം: കോ​ട്ട​പ്പ​ടി പ​ഞ്ചാ​യ​ത്തി​ലെ വാ​വേ​ലി ഭാ​ഗ​ത്ത് ജ​ന​വാ​സ മേ​ഖ​ല​യി​ല്‍ ഏ​താ​നും ദി​വ​സ​മാ​യി ക​ടു​വ​യു​ടെ സാ​ന്നി​ധ്യം. വാ​വേ​ലി ക​വ​ല​യി​ല്‍​നി​ന്ന് അ​ര കി​ലോ​മീ​റ്റ​ര്‍ മാ​റി ഫോ​റ​സ്റ്റ് ക്വാ​ര്‍​ട്ടേ​ഴ്‌​സ് റോ​ഡി​ല്‍ വാ​ട​ക വീ​ട്ടി​ല്‍ താ​മ​സി​ക്കു​ന്ന തോ​ളേ​ലി പാ​റ​യ്ക്ക​ല്‍ പ്ര​കാ​ശ് (44) ആ​ണ് ക​ടു​വ​യെ ക​ണ്ട​ത്. എ​ന്നാ​ല്‍ വ​നം അ​ധി​കൃ​ത​ര്‍ ഇ​ക്കാ​ര്യം സ്ഥി​രീ​ക​രി​ച്ചി​ട്ടി​ല്ല. ചൊ​വ്വാ​ഴ്ച രാ​ത്രി 7.45-ന് ​പ്ര​കാ​ശ് മു​റ്റ​ത്തേ​ക്ക് ഇ​റ​ങ്ങി​യ​പ്പോ​ഴാ​ണ് വീ​ടി​ന് മു​ന്നി​ലെ റോ​ഡി​ല്‍ ക​ടു​വ നി​ല്‍​കു​ന്ന​ത് ക​ണ്ട​ത്.

മു​റ്റ​ത്ത് മൂ​ത്ര​മൊ​ഴി​ക്കാ​ന്‍ നി​ല്‍​ക്കു​ന്ന​തി​നി​ടെ വെ​റു​തെ പി​ന്നോ​ട്ട് നോ​ക്കി​യ​പ്പോ​ഴാ​ണ് ക​ടു​വ​യെ ക​ണ്ട​തെ​ന്ന് പ്ര​കാ​ശ് പ​റ​ഞ്ഞു. ക​ടു​വ ത​നി​ക്ക് നേ​രേ നോ​ക്കു​ന്ന​ത് ക​ണ്ട പ്ര​കാ​ശ് ഓ​ടി വീ​ടി​ന​ക​ത്തേ​ക്ക് ക​യ​റി വാ​തി​ല​ട​ച്ചു. പേ​ടി​ച്ചോ​ടു​ന്ന​തി​നി​ടെ വാ​തി​ലി​ല്‍ ത​ട്ടി നെ​ഞ്ചി​ലും ത​ല​യി​ലും നി​സാ​ര പ​രി​ക്കേ​റ്റു. അ​ക​ത്ത് ക​യ​റി വാ​തി​ലി​ന്‍റെ വി​ട​വി​ലൂ​ടെ നോ​ക്കു​മ്പോ​ള്‍ ക​ടു​വ പ്ലാ​ന്‍റേ​ഷ​നി​ലേ​ക്ക് ന​ട​ന്നു പോ​യെ​ന്നും പ്ര​കാ​ശ് പ​റ​ഞ്ഞു.

തൊ​ട്ട​ടു​ത്ത് താ​മ​സി​ക്കു​ന്ന​വ​ര്‍ എ​ത്തി​യെ​ങ്കി​ലും ക​ടു​വ​യെ ക​ണ്ടി​ല്ല. പ്ര​കാ​ശി​ന്‍റെ വീ​ടും ക​ടു​വ നി​ന്ന റോ​ഡും ത​മ്മി​ല്‍ കേ​വ​ലം പ​ത്ത് മീ​റ്റ​ര്‍ പോ​ലും അ​ക​ല​മി​ല്ല. മേ​യ്ക്ക​പ്പാ​ല സ്റ്റേ​ഷ​നി​ലെ വ​ന​പാ​ല​ക​രും ആ​ര്‍​ആ​ര്‍​ടി സം​ഘ​വും സ്ഥ​ല​ത്തെ​ത്തി നി​രീ​ക്ഷ​ണം ന​ട​ത്തി​യെ​ങ്കി​ലും ക​ടു​വ​യെ ക​ണ്ടെ​ത്താ​നാ​യി​ല്ല.

ക​ന​ത്ത മ​ഴ പെ​യ്ത​ത് കൊ​ണ്ട് ക​ടു​വ​യു​ടെ കാ​ല്‍​പ്പാ​ടു​ക​ള്‍ വ്യ​ക്ത​മ​ല്ല. ആ​ളു​ക​ളു​ടെ ആ​ശ​ങ്ക മാ​റ്റു​ന്ന​തി​ന് ക​ടു​വ​യെ ക​ണ്ട​താ​യി പ​റ​യു​ന്ന വി​വി​ധ സ്ഥ​ല​ങ്ങ​ളി​ലാ​യി ഇ​ന്ന​ലെ അ​ഞ്ച് നി​രീ​ക്ഷ​ണ കാ​മ​റ​ക​ള്‍ സ്ഥാ​പി​ച്ചു. ക​ഴി​ഞ്ഞ ആ​ഴ്ച വാ​വേ​ലി ക​വ​ല​ക്ക് സ​മീ​പം താ​മ​സി​ക്കു​ന്ന പാ​റ​യി​ല്‍ ഏ​ലി​യാ​മ്മ റോ​ഡി​ലൂ​ടെ ക​ടു​വ ന​ട​ന്നു പോ​കു​ന്ന​ത് ക​ണ്ട​താ​യി പ​റ​യു​ന്നു​ണ്ട്.

ഏ​താ​നും ദി​വ​സ​ങ്ങ​ളാ​യി ക​ടു​വ പ്ര​ദേ​ശ​ത്ത് ഉ​ണ്ടെ​ന്നാ​ണ് പ്ര​ദേ​ശ​വാ​സി​ക​ളു​ടെ നി​ഗ​മ​നം. വ​നം വ​കു​പ്പ് പ്ര​ത്യേ​ക ദൗ​ത്യ സം​ഘം രൂ​പീ​ക​രി​ച്ച് നി​രീ​ക്ഷ​ണം ശ​ക്ത​മാ​ക്കി. മൂ​ന്ന് ടീ​മു​ക​ളാ​യി തി​രി​ഞ്ഞ് പ​രി​ശോ​ധ​ന​യും ന​ട​ത്തി​വ​രു​ന്നു​ണ്ട്.