മരിച്ചയാളുടെ സമ്പര്‍ക്കപ്പട്ടിക ആശങ്കപ്പെടുത്തുന്ന രീതിയില്‍ വലുതായതും ആരോഗ്യവകുപ്പിനെ ആശങ്കയിലാക്കുന്നുണ്ട്. ജില്ലയില്‍ കൂടുതല്‍ ഇടങ്ങളില്‍ നിയന്ത്രണങ്ങള്‍ വന്നാല്‍ കരിപ്പൂരില്‍നിന്നും തിരിച്ചുമുള്ള യാത്രക്കാര്‍ക്കു കര്‍ശന പരിശോധനകള്‍ നടത്തേണ്ട സാഹചര്യമുണ്ടാകും.
പലരും ഓണാവധിയും ഗള്‍ഫ് രാജ്യങ്ങളിലെ വേനലവധിയുമായും ബന്ധപ്പെട്ട് നാട്ടിലെത്തിയിരുന്നു. ഇതില്‍ പലരും തിരിച്ചുപോകാന്‍ തയാറെടുക്കുന്നതിനിടെയാണു പ്രവാസികള്‍ ഏറെയുള്ള മലപ്പുറത്ത് നിപ റിപ്പോര്‍ട്ട് ചെയ്യപ്പെട്ടതെന്നതാണ് ആശങ്ക പടര്‍ത്തുന്നത്.